رواية القاضي و الشاهدة الفصل الرابع عشر 14 - بقلم شامخ

گعدت ثاني يوم بالسبعة سبحت بسرعة جسمي متكسر وطلعت للدوام التليفون عفتة بالسيارة ونزلت لان مالي خلگ مكالمات من اي احد وديت مسج لمي گتلهة تليفون خلص شحن راح يطفة من اول ما دخلت للشركة واني على الحاسبة حسيت اعيوني اشلعو من البرامج حتة الموضفين انتبه علية صارت الساعة بالوحدة ونص وخلص كلشي عندي واني ارد اسوي اي شي الهي روحي بي عدنة موضفة مزوجة وعدهة جهال اقترحت عليهة اكمل شغلهة وهية تطلع كلش فرحت وللساعة ٣:٠٠ كل الموضفين طلعو بس اني بقيت وديت شغلي وشغل زميلتي بأيميل للمدير وطلعت من الشركة صعدت بالسيارة فتحت التليفون اتصلت بية ودع رفعت الخط
احجي وياهة واني اسوق

- هلة ودع اشلونچ.
- هلوو رغد آلحمدلله آنتي اشلونچ من البارحة اتصل عليچ ماتردين خو مابيچ شي .
- قيصر يمچ؟
- لا صاير شي؟!
- لا ما صاير بس اشوي تعبت وطلعت .
- عرفتي بجنان حامل مو؟
- الله يسعدهم سوة همة لايگين لبعضهم من الاساس اني الثولة صدگتة وما سمعت الحجي قيصر مصلحتة فوق الجميع .
- رغد والله قيصر ايحبچ اخوي واعرفة بس ما يعرف اشلون ايعبر عن هذا الحب .
- ههههه انشوف وين توصل ويا مع العلم النهاية واضحة مثل الشمس .
- انشالله اتعدي على خير .... اتصلت بية جنان اتگلي آنتي عازمتهة باجر .
- استغفر الله هاي اتريد تكتلني والله روحي خلصانة .
- اگولهة عندچ دوام واكنسل الموضوع ؟
- لا فشلة بس گوليهة هية عدهة دوام تعالو على العشة .
- ترة قيصر يجي وياهة .
- صلوات اذا عندة كرامة ما يجي .
- البارحة اجاني سألني گالي رغد ليش طلعت وهية ضايجة گتلهة اسأل مرتك شنو گالتهة وسممتهة وطلعت .
- ودع كلش تعبانة والله تعالي وياهم ترة انجلط منهم وجيبي خالة ام علاء.
- آنتي بحدچ بيچ حيل اطبخين اجي وياج اساعدج احسن وهم اشوي نتونس لان لعبت روحي بحد .
- تعالي اليوم ونطلع .
- والله ياريت بس أَامٌَِْي تقبل ؟
- وين گاعدين آنتي هسة .
- بيت عمي .
- وين بيت عمج ؟
- بالدورة .
- وديلي الموقع على الخارطة وهسة اجي اخذچ اني احجي وية امچ .
- عليج الله 😍.
- اي والله اني هم ضايجة كلش نطلع نفتر نتونس والله نخلصهة ديحة.
- لا اتگولين لمي نطلع ترة ما اتخليني اجي .
- اوكي اگولهة اساعدني بالبيت علمود العزيمة .
- اي هيج تقبل لان بيهة كراب .
- ههههههه والله ضحكتيني واني طالعة روحي .
- ايولون لا اتقهرين روحچ علمود اصخيلة ورجلهة اهم شي نتونس .
- آنتي لا اتگولين لمج جاية عليچ انسويهة صدمة عود آنتي اتگليلي منو وياج اني راح اگلج محد ابحدي وانكمل الفلم اوكي .
- هذا هو .
- ما يحتاج اجيبين هدوم مني نلبس علمود لحد ايشك .
- ماشي قيصر يمكم ؟
- لا عند نسايبة الله لا ايدوم الصحبة .
- نلتقي بعدين ودي الموقع بالضبط .
- ماشي.

وصلت ورة ساعة لبيت عم ودع لان مو كلش اندل استقبلوني كلش خٌوش ناس وحبابين وعمو علاء استلمني ضحك من اول ما دخلت هو وامة وعمهم طلع اضرب منهم من گد ما تونست نسيت علمن جاية ودع اتغمز وتلمز بعدهة فهمت وبداخلي ميتة ضحك على حركاتهة ههههه فگلت لخالة ام علاء

- خالة بالعرس عزمت مرت قيصر واريدج تجين وياهة آنتي وعمو علاء ودع والجحي هم .
- يا يمة عليمن اتكلفين على روحچ وانتي ابحدچ واصلة عزيمتچ.
- ودع : يمة صخيلة هية عزمت روحة ابحدهة وفشلت رغد فهسة اتريدهة تشمت بينة اتگول صديقت عائلتكم بخيلة .
- آنتي انطمي واكلي تبن صخيلة اصير مرت اخوچ.
- ودع : هههههه آنتي عتيهة .
علاء: والله يا ودع ما تلامين صدگ صخيلة ههههه.
ام علاء: ولكم عيب لو قيصر اهنا اصير مشكلة.
علاء: ايولي قيصر على روحة قاضي مو علينة وبعدين منو ينتخبة مرشح روحة للبرلمان هههههه اني لو يبقة اخر واحد ما انتخبة رجل اصخيلة.
رغد: ههههههههه عمو عوفنة من قيصر باجر انتو معزومين وما ايصر ماتجون ترة اني ما احبهة اتريدون اتعوفوني ابحدي وياهة .
- علاء: صدكجذب اني ما افوت عزيمة بس كون طبخچ مثل طبخ امچ😂.
- ام علاء: ولك ابحدة شتلحك اسوي واحنة جيش لا يمة لا اتكلفين على روحچ ما يحتاچ واعتبريهة واصلة.
- لا خالة والله ازعل عليكم وبعدين اني بحدي ما اعول احد يجي من البــஓـــصـره وصدگ اني بحدي بس احاول ادبرهة لا اتخافين علية .
- ودع: يمة اروح وياهة اساعدهة😌؟
- علاء: علمود اتخلصنهة اسوالف واتحرگن الاكل واكتلچ اثنينچ.
- رغد: هههههه لا عمو لا هيچ ضنك بية 😂... والله يا ودع اسوين فضل علية بگد الدنية بس كون خالة اتوافق؟
- ام علاء: اي يمة روحي وياهة خطية اختچ ابحدهة.
- ودع : بصوت عالي yessss.
- علاء: ههههه ها ولج بس لا متفقات ؟
- رغد: لا عمو وين متفقات يلة ودع گومي بدلي خلي انروح هم يالله لا اتصير الدنية ليل ارد انضف البيت بالليل راح اكربچ كراب .
- ام علاء: اي اريدچ اتكربيهة وطيحين حضهة لا اتبقين شي ما اتخلي اتغسلة

اني ودع متنة ضحك من گالت هيچ اذكرت احجايت ودع من گالت اذا أَامٌَِْي تدري بيهة شغل اتخليني اجي وياج .. ودع يا بعد ابوي ركضت بدلت بسرعة ونزلت قبل ما اتغير امهة رايهة .
صعدنة بالسيارة وحركنة واستلمت ودع الديجي سوتهة راديو كل اشوي اغنية الى ان وصلنة للبيت وضحكنة من دخلنة واصل لنهاية المنطقة فد اتونست من اني جنت اسد بالباب ودع دخلت قبلي چان اشوفهة يبست بمكانهة خفت لا صار بيهة شي مشيت يمهة اشبيچ ود.. وقيصر بوجهي گاعد على القنفة ورافع حاجبه وايخز بية .

- ودع مناك غرفتي اذا اتريدين ادخلين للحمام .
- اي والله ياريت.

راحت ودع.

- ليش ما تردين علية ؟
- عندي شغل مالحگت ارد عليك.
- شغليش وهسة ساعة ٧ وانتي استوج راجعة للبيت وية ودع واشلون جبتي ودع؟!
- جبتهة بالسيارة قابل مشي ؟
- ليش ما گلتي رايحة للدورة آنتي ابكيفچ اطلعين؟
- خفت ادگ عليك وجنان يمك وخاف اشك ابشي صدگ نسيت اگلك الف مبروك على حمل مرتك انشالله ما اتشوف بس خيرة .
- شنو هاي استهزاء !!
- لا ليش استهزء بيك قابل ابن حرام مو ابنك وجنان مو مرتك اگبال الناس .
- رغد اني ما گتلج لان....
- قيصر سد الموضوع وتگدر اتروح لان عندي شغل باجر عندي عزيمة مرتك راح تجي هنا وانت يا ريت ما تجي وياهة لان ما اريد اشوفك كلش .
- شنو هذا الحجي اشو لسانچ طولان ست رغد.
- اذا ما عاجبتك ليش باقي وياي عادي ترة تگدر اتعوفني .
- اُهُـا صايرة عندج اسطوانة جديدة اني اعلمچ يا رغد عود اتريدين اتذليني لا والله اتخسين واذا اجاني اتطال منچ راسچ اكسرة فهمتي .
- قبل ما اتصل عليك اگصصهم لدية واذا انت گد كلمتك لا تجي ولا تتصل واسوي فضل اذا ننهي كلشي وننفصل .
- انجوم السمة اقربلچ من الطلاگ .
- مو بيدك الحقارة تمشي بدمك .

جابني براشدي فر وجهي  وطلع اول مرة ما اندم على شي سويتة ويا ايجوز هذا احسن شي  سويتة من ازوجتة وليهسة لان قيصر مو الي وعمرة مراح ايصير الي ما اعرف من وين اجتني هاي الجرئة وحجيت ويا اباوعلة ظل ايفور من طلبت منة الطلاگ گعدت على القنفة واني صافنة اشلون باجر راح اباوع بوجه جنان واني ماطايقتهة واذا اجة قيصر شلون اتعامل ويا دخلت ودع وگالت

- راح؟؟
- اي راح ..بس اسبح وابدل ونطلع لان من الصبح بهاي الهدوم .
- مو الة انروح آنتي تعبانة اتولي الطلعة غير مرة.
- لا تهتمين اني متعودة على قيصر صرت بليدة المشاعر واذا ابقة بالبيت اموت من التفكير .
- چا خٌےـوِشّے اني امبدلة بس آنتي.
- دقايق واكمل البيت بيتچ لا تتقيدين بشي .

ودع : دخلت للبيت واشوفبك قيصر بوجهي هوة ما يدري اني ادري بعلاقتهم وحتة ما اهتم للموضوع بقة بس ايخنزر برغد الواضح بيناتهم مشكلة فنسحبت من بيناتهم بس كتلني الفضول علمود اعرف فظليت استمع الهم من سمعت حجي قيصر انفطر گلبي على رغد لان امبين من حجية هوة بايعهة وما ايريدهة بس ايكابر وايعاند سمعت صوت راجدي عرفتة ضربهة ام مرة احقد على قيصر لان رغد ما تستاهل الي ايسوي بيهة لو جنان چان گعد يتوسل بيهة عفتهة اشوي گلت لا تنحرج ظليت افتر بالغرفة باوعت على ميز الي يم جربايتهة نفاضة ومليانة طفو مال جگاير ويمة شريط بي كم حباية گلبتهة لگيتهم فاليوم منوم چا وين واصلة بيهة الحالة هيچ اسوي انوب بحدهة بغداد اگول ما اترد على التليفون اثاري اغلب الوقت نايمة طلعت والگاهة گاعدة على القنفة وحاطة اديهة على وجهة خطية خجلانة مني وخدهة صاير احمررر انوب هية جنهة جمارك بسرعة ايبين عليهة والله خطية الله لا ايوفقك قيصر رغد جانت الضحكة ما تفارگ وجهة هسة الدمعة بطرف عينهة والوجه ذبلان الله ايساعد اهلهة عمو كمال امدللهة اشلون يحمل هيچ ايشوفهة طبت تسبح ادري بيه راح اظل تبجي بالحمام عفتهة ظليت افتر بالبيت اشگد نظيف رحت للثلاجة اتفاجئت لگيتهة فارغة مابيهة بس ماي شنو ما تاكل شي هية بالحمام چان سالتهة على رمز النت لان مليت كلش شغلت التلفزيون وگعدت اگلب بي وبعدهة طلعت امبدلة بس اعيونهة حمررر اكيد جانت تبجي  گتلهة يالة وين انروح ؟
- انروح نفتر وبعدهة نتعشة ونسوگ لان الثلاجة فارغة صارلي هواي ما مسوگة.
- شنو ما تاكلين؟
- لا اكل من ارجع من الشغل لفة لو شي خفيف وانام فما اتعشة واتريگ بدوام .
- صدگ معقولة رغد ما تاكل شي اشوف اخدودچ ضعفانات.
- ديلة خلي نطلع لا انظيع وقت.

وطلعنة احلة طلعة والله ورغد ماقصرت بشي الله شاهد عشة وفرة وحلويات كلة على حسابهة واشترت حلويات وبقلاوة من الخاصكي وبعدهة رحنة لسنتر مواد غذائية اشترينة مسواگ واشياء اهواي ورجعنة بالوحدة للبيت انطتني اتراك وهية لبست تراك نگعت الدجاج بخل وملح وروبة وگالت آنتي گعدي واني انضف ماقبلت لان هية هم تعبت گمنة سوة هوة صَـَـَـَـَـَ(✓)ـِـًـِــِـًـِـح البيت مظيف بس مسح وتلميع الاخشاب قابل تجي صخلونة واظل اتعيب ام الوصخ والله من اباوع على رغد اگول اخوي اشگد اثول ايعوف هيچ مرة علمود ذيچ صار ... خلصنة شغل الله يستر عليهة رغد ماخلت شي سريعة بالشغل گتلهة خلي أَنَــ😴ــْامّ وباجر انكمل .

- آنتي روحي نامي اني راح اخلص تجهيز كلشي وانام لان باجر اطلع للدوام وارجع ب١٢ الضهر اخذ اجازة جزئية .
- راح ابقة وياچ .
- ودع اتأخر بالنوم اصلاً مراح أَنَــ😴ــْامّ آنتي نامي علمود اتگعدين من وقت .
- ليش ما اتنامين؟!
- لازم اخذ حبوب علمود أَنَــ😴ــْامّ واني ما اخذتهم العصر اذا اخذتهم هسة ما اگعد الصبح .
- ليش اتشربين منوم؟!
- علمود ما افكر بشي علمود انسة بس للاسف جسمي اتعود عليهم ظليت ما أَنام بشكل طبيعي على العموم آنتي نامي هسة الساعة٢:٣٠ وحتة الصبح لا اتگعدين لان كلشي راح اكمل .
- وين أَنَام؟
- بغرفتي بس اطلع اهدومي علمود لا اتضوجين الصبح من الحركة.
- لا عادي .
- ميخالف اني ارتاح هيج .

طلعت الهدوم مالاتي وخاول وطلعت باكيت الجگار ومطفاية هية دخلت اتنام گعدت الف دوالمة خلصتهة بعدهة سويت مقبلات حمص بطحينة وباذنجانية اتعلمتهم من النت علمود قيصر 😔 قبل اشگد چنت غبية سويت كلشي بس علمود ارضي ومجرد جنان انطتة وجه حلو باعني بساطة الله كريم قيصر اذا خليتك اتشوف وجهي بس بحلامك ما اطلع اني رغد وادبك لان اني ذليت روحي من البداية صارت صلات الفجر گمت غسلت وصليت گعدت ابچي واشكي لربي لان محد عندي غيرة ادعيلة ايخليني انسة قيصر وما افكر بي .
سويتلي ريوگ ونضفت المطبخ ظميت الاشياء الي سويتهة وسبحت وطلعت للدوام خلصت شغلي وديت التقرير للمدير ورجعت للبيت دخلت لگيت ودع نايمة 😅 حطيت الدولمة على النار ودخلت للغرفة شغلت الضوة نزعت اهدومي وعلگتهم ويلعت اتراك وهية بعدهي نايمة طفيت الضوة وطلعت الواضح البارحة من راحت اتنام ما نايمة دگت علية أَامٌَِْي حجيت وياهة وسالفة منا وحجاية منا گعدت ودع  المهم خلصنة العصرية انسوي بالعشة دگ على ودع عمو علاء علمود مكان البيت وصفتلة اني البيت وبعدهة دگ قيصر على ودع علمود اوصفلة البيت😪 حجيت ويا بصورة اكثر من الرسمية وقيصر اكثر شي يكرهة من اصيحلة عمو لان ايحس روحة جبير واني استلمتة عمو ما عمو اخر شي گال فهمت وسد التليفون
گتلهة

- ولج خلي نسبح لا تجي هاي جنان واشوفنة كلنة ريحت اكل .
- اتولي اصخيلان هية بحلاتچ .
- هوة مو بالحلا ياودع مو بالحلاة على العمو روحي سبحي واني وراچ.
- راح ادخنين مو ؟؟ رغد قيصر ما يستاهل الي اسوي بروحچ علمودة ايولي هوة الخسران.
- شنو الي يخسرة گوليلي مخد خسر بگدي اني خسرت كلشي والضريبة جاي تندفع كل يوم اريد .
- لا اتگولين هيچ والله ربي ايعوضچ.
- ايعوضني ههههه شيعوضني مثلاً اذا عافني قيصر اگدر ازوج بعد!! .. لا طبعاً لان محد يدري بية مزوجة من الاساس واذا بقيت ويا هم ما اتحمل لان كرامتي انمسحت بالگاع فخليني اشكي للچارة احسن الي.
- حسبالك احجي وية جدي ههههه.
- دروحي الله لا ايراويچ الي شفتة يلة ولي سبحي ارد اسبح وراچ.

طبت تسبح ودع وحطيت فحم على النار حسيت اشويت صداع لان ما نايمة نهائياً اشوي وطلعت گتلهة بس بخر البيت على ما اخلص ..
سبحت وبدلت ولبست حجاب اشوي وسمعت صوت الباب اندگ رحت افتح الباب اجة عمو علاء ومرتة والحجي وام علاء وياهم دخلتهم بالاستقبال ودع جابت ماي وبدة تصنيف عمو علاء عليهة

- ها بشري شنو حرگتي شنو فلشتي اهم شي بشرونة اكو عشة لو طلبتو من المطعم .
- ودع : اشگلولك علينة مدام صخيلة ونطلب من المطعم كل الاكل سوايت بيت بس ما متأكدة اذا مسمم او لا ههههه.
- ام علاء : ماشاء الله رغد كل هذا البيت آنتي اتنضفي وحدچ؟
- علاء: يمة تحجين صدگ تشاقين يعني منو اينضف وياهة رغد ممكن وصفت تنضيف لبيت لمي لان اتريد اجربهة بس ياريت اتقللين الزاهي لا يزلك ابوي .
- ام علاء: انت اكو احد ايفك من السانك امدك ايوللة.

كلنة ظلينة نضحك الى ان اندگ الباب گال عمو علاء اني افتحة گعدي آنتي اكيد هذا قيصر وخصيلة مرتة ..

اتمنيتة ما يجي لان من اشوفهم سوة اموت من القهر صَـَـَـَـَـَ(✓)ـِـًـِــِـًـِـح اني زعلانة بس بعدني احبة وما اتحملهم سوة والله من اشوفهة گلبي ايطگ من القهر ...
————-
طبعاً البارحة اني منزلة بارت بس لان قصير نزلت هذا البارت اكثر من٢٠٠٠ كلمة طبعاً غلسو على الاخطاء الاملاءية لان مستعجلة
En.Zahraa