رواية القاضي و الشاهدة الفصل السابع عشر 17 - بقلم شامخ

ما گدرت اتحمل طلعت گالت بالليل امر يمهة خاليهة نايمة طلعت وقفلت البيبان ...

رغد فتحت عيوني وصوت التليفون ثولني موتني گمت بابة ايدگ علية رفعت الخط واني بالگوة احجي من النوم صالي اكثرمن١٨ ساعة نايمة خرب

- هلة بابة اشلونك..
- هلة بوية اشبيچ صوتچ تعبان كلش ؟
- جنت نايمة وانت گعدتني.
- بوية من البارحة ادگ عليچ ما حصلتچ.
- اصدگ التليفون يمي واني ما گعدت چانو بيت ابو علاء يمي وتعبت فنمت من راحو.
- والله رفعتي راسي بوية علاء بس ايسولف بيچ من رجع هوة والحجية والحجي .
- تربيتك 😭.
- علاء ايگول بطلتي من الشركة اتريدين اسافرين قبلنة صدگ هذا الحجي؟
- اي صدگ بس ارد ارتاح اشوي احتمال احجي لو باجر لو عگبة للبصرة وبعدهة ارجع لبغداد واشوف سالفة البيت وشنو اسوي بالغراض واسافر .
- ايولن بوية لا اتعبين روحچ علمودهم .
- لا بابة هذول كلهم جدد اشتريتهم اول ما گعدت بالبيت حرامات.
- على راحتچ تجين بسيارة لو طيران ؟
- طيران اامن من السيارة ولو المطار يشلع الگلب بس شسوي اخاف من السواق واني بحدي .
- هانت هسة انسافر ونرتاح اهناك.
- انشالله.
- بوية صاير شي وياچ ليش احسچ تعبانة اكو احد مضوجچ؟!
- لا بابة مابية شي بس لان جنت نايمة لا اتخاف علية جني صل هههه.
- انشالله مابيچ شي يلله گومي سبحي علمود اصحصحين .
- اي والله ويرادلهة گهوة تعدل المزاج شكلي راح اطلع اليوم بالليل.
- على راحتچ بس بوية لا تتأخرين.
- انشالله .. مع السلامة بابة.

گمت اتمغط سبحت ولفيت حجابي وطبيت على المطبخ لان ميتة جوع عندي لحم مفروم طلعتة اخذت سطل المسح وگعدت امسح البيت نضيف بس بالگاع اشوي اتراب ما اعرف اشلون افارگ بيتي اشگد احبة من چنت بيتنة چنت اكثر شي اكرهة التنضيف بس من گعدت بيت وحدي ظليت بس انضف ارتاح من اشوفة نضيف دخلت للمطبخ امسح سمعت صوت الباب انفتح عرفتة قيصر اجة سويت روحي ما سمعت الباب وبقيت بالمطبخ هوة دخل للصالة اني طلعت اللحم من المي و سلگتة دخل للمطبخ وگال :

- الله ايساعدچ.

درت علية جنت كلش ظايجة منة بس من شفت ضحكتة بوجهي ضعفت گتلة .

- الله ايساعدك .
- استوچ گعدتي؟
- لا قبل اشوي اشلون عرفت جنت نايمة؟!
- چنت مساع اهنا شفتچ نايمة ما هان علية اگعدچ.
- اها .
- جوعان رغد سويلي لگمة اي شي ميت جوع.
- حتة اني ميتة جوع هسة اسوي عشة ونتعشة سوة اذا اتريد اتغير اهدومك تتعشة وبعدين من اتروح تلبسهم .
- ابات اهنا اليوم .
- صدگ!! اذا لان حچيت وياك فأنسة الموضوع.. لان راح اسافر اول وتالي مراح اغير قراري فلا اتعب نفسك وبعدين جنان بغداد خاف تعرف .

گعدت على كرسي مال ميز الطعام فهية اجت يمي شلتهة وحطيتهة على رجلي

- ايهون عليچ اتعوفيني ؟
- مثل ما هان عليك وعفتني .
- ولچ والله ما اگدر اعوفچ آنتي ليش ما تفتهمين اني احبچ اموت اذا اشوف الصد بعيونچ رغد آنتي اغلة شي الي بالدنية و اذا رحتي بعد شلي بهل الدنية ...
- قيصر ما اشوف بعيونك ذاك الي حبيتهة انت صاير ما اتفكر بس شلون راح تصعد.. المناصب عمت عيونك ونستك كلشي ومن ضمنهم اني انت لو اتخيرت بيني وبين الانتخابات فاكيد راح تختار الانتخابات امة اني لو خيروني بينك وبين الدنية كلهة چا اختاريتك .
- هيچ ضنچ بية والله غلطانة آنتي اني ما انحمل افراگچ والدليل هذا اني گدامچ وجاي اعتذر منچ مو علمود ما ترحين لان اني مراح اجبرچ تبقين بس على الاقل تبقة بينة ذكرة حلوة قبل ما تعوفيني خليلي اخر ايام وياچ حلو .
- قبلت اطلگني قيصر!؟
- لا ما اطلگ لو تطلع براسچ نخلة اتريدين اسافرين آنتي لو اتعرسين ؟
- بس سألتك اني مراح اجبرك اطلگني راح اسافر من اتشوف الموقف ملائم انو تعترف بزواجنة اني موجودة .
- رغد اموت عليچ اني .
- انت لو ما متأكد اني احبك ما هيچ ضليت اتهين بية .
- ليمتة هنتچ اني ؟
- البارحة اگبال اهلك ومرتك تطعن بشرفي ليش قيصر اكو يوم طلعت العيبة مني من عاشرتني وليهسة هم شفتني سويت مكسورة غلطة وتاليهة اتگلي اهلچ متحررين وعادي عدهم كلشي اسوين
قيصر من اباوع بوجهك اشوف انسان غريب علية ولا چنك قيصر الي صارلي تقريباً سنتين ويا نضراتك الي صارت باردة وحجيك جارح وجياتك قلن اصلاً احس روحي عليك ثگل اتريد تخلص منة بس ما تعرف اشلون...
- ولچ اشلون آنتي ثگل واني لو ابقة وياچ العمر كلة ما امل الساعة وياچ احسه دقيقة رغد ومعزتچ عندي الضروف جاي تحكم علية واني اخاف اعلن زوج منچ بس خوف عليچ مو خوف على شي ثاني اخاف اخسرچ وهذا الي ما اتحملة واني اتوقع جنان شاكة بشي لان اسلوبهة كلش متغير وياي وصايرة عود طيبة ومسوية روحهة اتحبني وحتة تعاملهة وية اهلي زين بس جنان ما اسوي هيچ شي الة اذا اكو شي براسهة واني كلش خايف منهة ...

قيصر يحجي دگ تاليفوني عادل يتصل بية اني خليتة صامت ما ردت ارد چان قيصر گال
-رفعي الخط وفتحي السبيكر ة
- هذا عادل الي وياي بالجامعة !!
- وليش تحجين ويا شنو المناسبة بلة زحمة؟
- ماكو شي والله اصلاً مستغربة ليش دگ.
- رفعي الخط اگبالي لا اصير مشكلة .

فتحت الخط والسبيكر .
- الوو هلة رغد اشلونچ شخبارچ انشالله بخير .
- هلة عادل الحمد لله تمام اسأل عليكم انشالله بخير مرتك اشلونهة و ذو الفقار اشلونة .
- كلهم زينين وايسلون عليچ والله دائماً فقوري ايجيب طاريچ من تجين للبصرة مري .
- انشالله قريب جيتي للبصرة.
- البارحة شفت حسين و منار بالمول سألتهم عليچ گالي ما اريد اسمع طاري رغد ومنار ظلت ساكتة خوية خير خو ماكو مشكلة بينكم .
- لا ماكو مشكلة بس ايجوز همة ضايجين مني لاسبابهم الله ايسامحهم .
- ايگلي ما اتشرف اخلي مرتي تحجي وية وحدة مثل رغد اني اتعاركت ويا وحتة وية منار خوية نصيحة مني الچ انسي هاي صاحبتچ لان ما تسوة الي سويتي الهة ناكرة جميل  هم الهة وجه هية ورجلهة تحجي على السمعة بعد الي سوة ...
- ميخاف عادل اذا هية نكرت العشرة اني ما اصير مثلهة منار چانت مثل اختي واضوج احد يحجي عليهة بعدين همة حقهم لان اني استاهل الي ايسو بية ... امة بالنسبة للشغلة الي وصيتني عليهة حجيت وية المدير گال اذا ايريد يشتغل يجي انسويلة اختبار وانشوف قدراتة وبعدهة انعينة اني راح انطيك طريقة الاختبار و آادرٍٰٓ📖ًًْسَّْ عليهة .
- اسف اذا ضوجتچ بس والله لان من البداية چنت اگولچ رغد ديري بالج من منار على العموم مشكور على الشغل وهسة مع السلامة .
- مع السلامة .

سديت التلفون ودرت وصارت عيني بعين قيصر

- ها خو ما خنتك وية عادل ؟
- ليش حسين ومنار يحچون عليچ اشحال ما هية جانت شالحة وية حسين ما تتشرف بيچ!!
- ايگلي ما اتشرف بوحدة باعت روحهة لصاحبهة وخربت سمعتهة ايعيروني لان مزوجتك بسر حسبالهم السالفة سالفة فلوس ايگلي وين اكو وحدة بنت اصول عايشة بحدهة ومن ايريدهة صاحبهة يجيهة 😞.
- والله الة اخيسة بالسجون فلة اطلع قيصر واندمة على حچية وياچ.
- ليش اسوي ويا هيچ لان حچة الصدگ كل حچية صحيح وين اكو بنية ترضة على روحهة هيچ علاقة الواضح اني صدگ رخيصة بس ما جنت ادري بهذا الشي حسين هوة الي صحاني وانت هم ...من حچي البارحة عرفة روحي صدگ رخيصة بعيون الناس .
- انچبي آنتي اشرف من الشرف والي يحچي عليچ اگص اللسانة.

شبگني حيل حسيت وكنو اخر مرة راح اشبگة گلبي ايگلي اني خسرت قيصر  لفيت ادية على رگبتة وظليت ابچي بدون صوت

- لا تبچين ادموعچ اتهد حيلي  ما اتحمل اشوفهم.
-اسم الله عليك .
- رغد..
- ها يا روح رغد وگلبهة وعقلهة يا ضحكتي وفرحتي .
- نسيتيني شنو ردت اگول.
- يا سيد القلب ارحم ذالك العاشق المتيم الذي لا يرى في الدنيا الة انت لا تكن انت والزمان عليه لو يعلم عديل الروح ان القلب قد تقطع من الهجر والجفاء وان العيون جفت من الدمع لم يبقى لي اي امل في الدنيا اذا رحلت عني اقسم سوف احول هذا الحب الى لعنة
- صايرة شاعرة رغودة.
- علمني عشگ اهواي اشياء .
- مثل التدخين .
- مو عشگك علمني التدخين لا يا قيصر هجرك علمني ادخن يا قيصر عشگك علمني اشلون اطبخ 😉.
- على طاري الطبخ اكلچ البارحة ايخبل ولو ازقنبت بالاخير بس صدگ عاشة ايدچ.
- الف عافية صراحة ما اتوقعتة تجي البارحة.
- ما ردت اجي بس جنان ضغطت علية .
- اها .. اگوم اسوي العشة لان جوعانين اني وياك .
- بعدچ زعلانة مني ؟
- اتعودت عليك ضليت ما اهتم على العموم هنة كم يوم واسافر اخلصهم وياك احسن .
- يعني آنتي مصرة اسافرين ؟
- قيصر الصراحة انت ما بيك شدت ضهر فأسافر الى ان اتخلص انتخاباتك وتگدر تعترف بية .
- يعني ما اشوفچ كلش!!؟
- اني بالامارات مو بعيدة اذا اتريد تعال  .
- اكيد اجيچ ما اتحمل ما اشوفچ بس لا اضوجين مني وگومي سويلنة لگمة لان ورانة سهرة طويلة اليوم صارلي هواي ما بايت يمچ😉.
- روح بدل وتعال .
- اوكي

گمت من رجلة ورحت للطباخ سويت حميسة وشعرية وعندي مقبلات بالثلاجة رتبت الميز بس قيصر اتأجر هواي حتة ما اجة رحت للصالة ما لگيتة صحت علية ماكو دخلت للغرفة لگيت اتراكة على الجرباية وهوة ماكو يعني طالع ابساعتهة ضحكت ورجعت للمطبخ احس داخلي يغلي من القهر ليش قيصر هيچ اسوي وياي اذا ما اتريدني ليش جاي اتعذبني بعد ما اخيرك اتعوفني او لا انطيتك الف فرصة لو شما كان ضرفة المفروض ايگلي راح اطلع گعدت اكل باوعت على الكاونتر ناسي محفضتة يعني اشگد مستعجل چان اكيد جنان داگة علية ورايدة منة شي الله ايوفقهم سوة يارب ليش ادموعي اينزلن وحدهم اصلاً اني ما احبة هيچ وهمت روحي انو احبة اني ما جاي ابچي بسببة بس تعبانة...
خلصتهة بس بچي من ورة قيصر واضحك على روحي ما اعوف اشلون خلص الليل بس طلع الفجر لميت جنطتي وحطيتهة بالسيارة وطلعت للبصرة يمكن هاي اول مرة اجي بسيارتي لان بابة ما يقبل ايگول الطريق خطر بس اني گلت بالكت اموت واخلص من همي وللاسف وصلت للبصرة بسلامة طول الطريق بابة يتصل حسبالة اني بالطيارة مو طبگت السيارة بالباب شفت مي بالباب اكيد أَامٌَِْي جاي تغسل الگراج مشتاقتلهة موت ودي ابچي بحضنهة واگولهة على كلشي اگولهة يمة بنتچ مكسور گلبهة قفلت السيارة و ودگيت الباب صاحت أَامٌَِْي منوو .. اني رغد .

انفتح الباب ودخلت شبگت أَامٌَِْي حيل وهية هم گالت

- ولچ يمة جاية بسيارتچ؟؟!
- اي يمة ما حصلت حجز وروحي طاگة عليكم ما اتحملت منا لباچر فأجيت بسيارة .
- ابوچ يدري؟
- لا ما يدري مايقبل اجي بالسيارة ...خليني ادخل كلش تعبانة والله.
- ولچ يمة راح اموت من افراگچ دخلي .

دخلت نزعت حجابي وجنطة ذبيتهة على القنفة وصحت يممممة وينچ
- اجيبلچ ماي تعبانة آنتي متغدية لا؟
- تعالي ما اريد شي بس ارد اشوفچ .
- ما تغدين؟
- ما اشتهي .
- ولچ يمة وجهچ صاير اصفر و ضعفانة كلش ليش ما تاكلين!!
- امسوية رجيم مامة .
- لا رجيم آنتي راح تنگصمين بالنص .
- انتو متغدين ؟
- لا امتانية ابوج ويرجع اخوچ من الامتحان .
- هذا اول امتحان مو؟
- اي .
- الله كريم انشالله تخلص راح اسبح واجي وياچ انسوي الغدة سوة.
- روحي ارتاحي آنتي تعبانة.
- لا اتخافين علية ما اموت هههه.

صعدت لغرفتي خطية أَامٌَِْي منضفتهة ذبيت على روحي مي وبدلت بسرعة ونزلت طبيت للمطبخ سويت زلاطة وگصصت رگي وطول ما اني اشتغل أَامٌَِْي تسأل بية اشبيچ يمة صاير وياچ شي اشو متغيرة .. شگلهة ياربي اگلهة مزوجة بالسر شگلهة الي مزوجتة مزوج واكبر مني ومو بس هذا مصير هذا الزواج حتة ما معروف ليش هيچ قيصر اول ما عرفتك جنت احلة شي دخل حياتي ليش اتغيرت علية .
- رغود يمة اشبيچ ليش ما اتردين !!
- ها يمة شكو؟!
- ولچ يمة حالچ ما عاجبني كلش ليش اتريدين اسافرين وحدچ ابقي هنا وانسافر سوة .
- لا يمة المدير حچة وية الشركة هناك وگالولة احنة محتاجين مهندس هسة واني ما اعول احصل شغل هناك .
- رغد يمة وين ضحكتچ الي چانت مالية البيت ليش هيچ حالچ .
- يمة تعبانة كلش ونفسيتي صفر احس روحي جاي تطلع اشوي اشوي .
- اسم الله عليچ ولچ يمة احچيلي شنو بيچ ابوچ لو ايشوف حالچ ايموت .
- لا اتگوليلة شي كلشي ولا بابة ايصير بي شي والله ايخليچ لا اتسألني لان ما اريد اذكر الموضوع وروحي ارتاحي اني اكمل البقية .
- رغود يمة خوفتني ليش ما تحجينلي اني امچ من ليمتة آنتي اضمين عليي ؟
- اشوي تعبانة لان بحدي بغداد وصار خلاف وياية وحدة بالشركة لان المدير رشحني اني للسفر مو هية وضلت تحچي علية واتگول مسوية علاقة وية المدير ومن هذا الحچي وكلش انقهرت .
- ليش ما رحتي لبيت خالتچ اهناك چان ادبوهة الچ .
- شنو اگول الهم يمة الموضوع محرچ حتة استحي احچي والله.
- رغد اكو بينچ وبين المدير علاقة ؟
- لا يمة شالقصة اكبر من ابوي بس هاي من غيرتهة ضلت اتمسلت .
- آنتي گتيهة اتمسلت فلا اتقهرين روحچ .
- يمة ريحت الكل مجاي اتخليني اصبر ليمتة يجون ؟
- اصبلچ تاكلين بحدچ؟
- لا يمة لعبت روحي من الاكل وحدي ارد اگعد وياكم .
- ادگ على ابوچ واستعجلة بدون ما اگلة آنتي اهنا.

خلصنة الغدة ودخلنة للهول اشوي واجة حمود سلمت علية وسألتهة اشلونة بلامتحان گال زين أَامٌَِْي گالتة غسل وبدل وانزل علمود الغدة ابوك جاي وبس صعد احمد اجة بابة خطية اجة والخوف بوچهة من شاف سيارتي بالباب ميت خوف اول ما دخل ركضت علية شبگتة وبس راسة وايدة ..
- هلة بهل طول بوية رغد گلبي طاگ عليچ.
- والله اني هم 😭.
- تعالي رجلية بادن من شفت السيارة بالباب ولچ اشلون تجين وحدچ  بالسيارة اذا ما اتخافين على روحچ گولي ابوي ما يتحمل صدمة.
- بابة والله اعرف اسوق ليش تصتغرني 😢.
- بوية اخاف عليچ .
- أَامٌَِْي: كمال روح بدل رغد ميتة جوع ومتانيتكم من مساع .
- ايخسة الجوع صبي ثواني واني جاي .

بدل بابة ونزل گعدنة نتغدة حمود گعد ايسولف على الامتحانات واني صافنة ما اشتهي اكل لگمة مع العلم طالعة بلة ريوگ خفت لا بابة ايحس ظليت اجبر روحي على الاكل ....
————————————
اسفة على التأخير انشالله يرجع نضام كل اسبوع بارتين ... ما اوصيكم بتعليقاتكم الحلوة . المتابعة مردودة مني
En.Zahraa