رواية القاضي و الشاهدة الفصل السادس عشر 16 - بقلم شامخ

ما اتوقعت قيصر يجي لان البارحة گتلة لا تجي اتوقعت كرامتة مراح تسمحلة يجي بس سمعت علاء ايگول ' هلة بالعضيد ' يعني جاي گمت اسلم على جنان لان عيب هية جاية بيتي ههههه والله شي ايضحك شريچتي جاية بيتي هية ورجلي والمفروض اسوي روحي ما اعرفهم دخلو گال قيصر
- السلام عليكم ... هاي شنو كلهة اهنا 😂.

والله هنيالهة چنة ما يعرفني ويسلم ويضحك واني خدي ليهسة اثر ضربتة موجودة بي اخذت نفس واتقدمت لجنان باوستهة

- اهلن وسهلاً نورتي عمري .
- تسلمين .
- اتفضلو جوة .

قيصر حط ايدة على چتف جنان وگالهة '' ديري بالچ حياتي لا ازلگين كلشي ولا آنتي ام جهالي ''
عفتة ودخلت للمطبخ جبت ابطالت مي وقدمتة گتلهم عن اذنكم ارتب العشة اعذروني اني وحدي بس ما يحتاج البيت بيتكم .
علاء: خاب ولي امسوية روحة چبيرة دروحي صبي عشة ميت جوع ولا اتخافين البيت بيتي غصب عليچ .
- ههههههه ايخسة الجوع ثواني واصب .
- اُههها واگفة دروحي ونتي صخيلة ٢ گومي وياهة

ااشر على ودع 😂 ودع گامت واطيح من الضحك واني ما اتحملت اباوع على جنان ودرت وميتة ضحك وراي ودع كاههههه گاههههههه ولج ما يگعد علاء ما يحمل اذا ما يحجي على جنان .
- اذا جنان صخيلة فأخوچ دسوقي الي يطلع بمسلسل حيالة صاحب فتون ابو البرد.
- هههههههههه والله الة اگول لعلاء بعد ما ايعوفهة هاي التقلودة وين لگيتي دسوقي هذا 😂.
- بسرعة لا ايگوم صخيلة ويانة.
- ضايجة لان شفتيهم سوة ؟
- خلي احسن خلي هيچ ايسوي بية واريدة ايزيد علمود ما اتأذة من اعوفة ولا اتندم .
- رغد والله اني ما جاي اتحمل آنتي اشلون الله ايساعدچ وايصبرچ.
- ام علاء: عليمن ايصبرهة يمة خو ماكو شي؟
- لا خالة بس لان وحدي بغداد مجاي اگدر اتحمل فجاي اشكي لودع هية والله ما اعرف اشلون اشكرچ البارحة ودع كلش ونستني ونستني الغربة .
- ام علاء: ادري بيهة ام الاسان اتكفي واتوفي .
- ههههههه ليش يمة هاي عود اني بنتچ.
- ام علاء؛ اساعدكم بشي ؟
خ- لا خالة تسلمين آنتي ارتاحي وهسة اصب .
- چا صخيلة ما تجي اساعد لو دسوقي ما ايخليهة .
- 😂😂😂.
- مو دسوقي ؟!!
- لا هيچ يمة آنتي روحي وهسة انصب 😂.

خلصنة صب الكل بالمواعين وحطيناهم بصواني واني ودع اخذنة السفرة نفرشهة دنگت اعدل السفرة اجت عيني بعين قيصر اني مباشرتاً درت وگمت جبت صينية اكل ودع جابت الثاني وعمو علاء اول واحد وگال

- عمي طلعتي مرة سباعية ولچ ام الخممس .
- عمو بعدك تذكر هاي التقلودة 😅.
- اشلون انسة ولچ آنتي دلوعت ابوچ كل ما اسوين مصيبة لبتي جوا .
- جنان : الواضح انت تعرفهة كلش زين.
- علاء: غير اتبت بحضني اني اغلب الوقت بست كمال لو هوة يجي يمنة ومن چانت اصغيرة ما اتفارگ ابوهة .

اني عفت عمو علاء يحجي ورجعت للمطبخ اكمل نگل الاكل وحجية رجعني لايام الطفولة صدگ جنت مدللة و محد يگدر ايضوجني اابوي يگلب الدنية وينك بوية تعال شوف بنتك اشجاي ايصر وياهة حتة ما اگدر اشكيلة ما منتبهة على روحي واني خلصت صب و اروح واجي واني الدمعة بعيني لان مشتاقة لبابة ودي اشبگة واشكيلة على الي جاي ايصير وياي رحت للمطبخ من خلصت صبيت الجاي بالترمز ورجعت گالت خالة ام علاء
-تعاي يمة گعدي يمي .

اجيت وگعدت يمهة صارت اگبالي جنان وبصفهة قيصر ودع بصفي بلعت ريگي گامت ودع وگالت ما افوت هاي المة لازم انگص ڝـٍُْ📹ـٍْۆڑهٍْ تبقة تذكار صورت ردت الابتسامة تطلع من اشفايفي ما گدرت خلصت الصورة بقينة ناكل وصارت سكتة بس صوت الصحون الى ان گالت جنان

- عاشت ايدچ رغد الاكل كلش طيب .
- الف عافية .
- علاء: عمي ياهو اليجي يطبخ بعد كل ما اجي لبغداد اعزم روحي اهنا ولو مراح تبقين هواي بغداد.
- قيصر : صدگ رغد آنتي ليش عايشة بغداد وحدچ يعني مو لائقة آنتي ابنية وحدچ عايشة كل هذا علمود وضيفة معقولة اهلچ ماعدهم ايصرفون عليچ 😏.
- علاء: اول شي يا قيصر ليش تحشر روحك بشي ما ايخصك  ثاني شي رغد محترمة غصب عليك واهلهة ما معتازين و اذا حسبالك هية باقية بغداد علمود الوضيفة فأنت غلطان .
- ليش اتوترت اني ما حچيت شي غلط يعني مثلاً ليش باقية بغداد اذا مو على الوضيفة !!
- علاء: رغد ليش ساكتة ما تردين علية !؟
- رغد : عادي عمو ابو زينب ما يقصد شي ما ضجت اني .
- علاء: لا اني ضجت اسمع قيصر رغد بغداد واشتغلت بهاي الشركة كدورة الهة اني ما فاهم الموضوع عدل من كمال خاليهة هية تشرحة الكم .
- رغد : بابة ايريد ايسافر للامارات فمن اتخرجت اني اقترح علية صديقة مدير الشركة مالتي استاذ جاسم گالة خالي رغد تجي تشتغل بشركة يمي سنة ونص او ست اشهر تعاليمية تاخذ باول شهر دورة بالامارات  وبقية الستة تطبيق وبعدهة سنة الباقية تعتبر خبرة  واذا طلعت من الموضفين الاكفاء ايحق الي احول بالفرع الرئيسي بدبي خلصت السنة ونص بس اني جددت عقدي علمود اخوي ايخلص امتحانات السادس وبعدهة راح اسافر.
-علاء: مثل ما گالت رغد يلفهيم واهناك تالگالهة واحد امارتي صاك وتزوجة شسوي بجگمين اهنا وفوگهة حفاي .
- رغد : هـہُہَہَہَــہَہَہَ(ツ)ہَـہَہَہَہَہَهه .
- ودع : اي والله رغد وسحبيني وراج  بعد ما اوصيچ .
- رغد : مو تدللين اني من الاساس اليوم حجيت وية المدير الصبح وانسحبت من العقد واحتمال راح اسافر لو هذا الاسبوع لو البعدة حسب اجرائات الشركة .
- قيصر: عن اذنكم ارد اروح للحمام .
- علاء : رغد اكسر راسج اذا ما اسويلي اقامة اهناك.
- رغد : عمو تدلل والله وعلى احسابي  بعد .
- علاء: كريمة على ابوچ.

رغد : من اول ما دخل قيصر اسلوبة وحركاتة وياي كلش مستفزة  و چان ايحاول ايضوجني بشقا وية جنان اني صح سويت نفسي ما مهتمة بس والله كل ما التفت واشوفهم احس روحي تطلع و اخر شي ظل ينتقدني وينتقد عائلتي جنت ناوية ارد علية وقبل ما ارد حجة عمو علاء وجاوبة ريح گلبي بي بعدهة سألني عمو علاء جنت اجاوب واباوع بوجهة قيصر الي ظل ينطي الوان اخر شي ما اتحمل وگام باول علاقتنة ما جنت مقررة اسافر جنت ناوية ارفض السفر وابقة بالعراق بس من جبرني انزل الطفل ساعتة عرفت انو علاقتي بي منتهية وباقية ويا بس على قرار منة ايگولي خلاص انتهة كلشي بينة بعد ما اچذب على روحي واگول ايحبني واتأمل منة  شي بالمستقبل جنت ناوية افاتحة بالموضوع واگولة اني راح اسافر الى ان تستقر اوضاعك وتعترف بزواجنة بس هسة لا  لان لو اكو واحد بالمية امل يعترف بعلاقتنة طيرة وهوة ايهين سمعتي يم اهلة
الله يا دنية معقولة هيچ قيصر ايسوي ...
رجع وگعد على السفرة همة يحجون واني و هم اشارك وياهم بالحديث واضحك ولا كنو هو موجود قيصر من تجي عيني بعينة وگانو ايريد يمحيني من وجه الارض هوة ما مقهور لان راح اسافر قيصر مقهور لان اني الي راح اعوفة مو هوة ... حس بطعن برجولتة خلصنة عشة شلنة الاكل الباقي عمو علاء صاح وهوة ايغسل بوية چاي چاي واني اشيل بالسفرة درت علية گتلة تدلل عمو كامل درت وجهي صار بوجه قيصر بعدت ودخلت للمطبخ ما گدر ايسوي اي شي خاف مرتة اتشك بي صبينة چاي گعدت يم الحجية اني ودع جنت كلش متونسة بوجودهم بقت سهرتنة الى ١١:٣٠ گال الحجي
- ولكم بوية ارد أَنَام تعبت .
- علاء: اي والله صدگ اتأخرنة وسلبنة راحت رغودة .
- رغد : لا عمو عفية باتو هنا والله كلش فرحانة بيكم .
- الحجي : لا بوية عندي دوة ارد اشربة بيت اخوي عفتة ما اگدر.
- شنو الدوة هسة اجيبة الك بس ابقو هم اني بتكم .
- الحجي: والله افتخر بيچ بس يزعل اخوي والله اذا اتريد ام علاء تبقة ابكيفهة  وعلاء ومرته هم ابكيفهم .
- علاء: منو ايوصلك لبيت عمي؟!
- الحجي: قيصر من يطلع ابدربة ايوديني بوية قيصر اتوديني .... قيصر احجي وياك!!
- قيصر: ها بوية گول ؟
- اگلك اتوصلني بدربك لبيت عمك ؟
- قيصر : وعلاء؟!
- علاء وامك راح ايباتون اهنا وين چنت بوية من مساع نحجي !!
- قيصر : اعذرني بوية جنت سرحان اشوي انشالله اني اوصلك وياي.
- الحجي: يلة گوم شمتاني بوية عندي دوة اخذة .
- قيصر يالة جنان گومي .
- رغد : ام زينب ابقي يمنة .
- قيصر : لا جنان ما اتنام الة يمي .
- رغد : اسفة عمو .
- جنان: فرصة سعيدة وكل التوفيق الچ انشالله نالتقي مرة ثانية.
- رغد : فرصة سعيدة للجميع تقريباً 😂.
- علاء : اي والله صح اللسانچ لان قيصر من اول الگعدة امبوز بوية لو اصير نائب اشلون .
- قيصر: عن اذنكم يلة بوية جنان گومي مو زين على ابني السهر.

طلعو بقينة على گعدتنة چان ايگول علاء

- رغد خو ما ضجتي من حجي قيصر؟
- لا عمو هوة ابو زينب ما اعرف اشبي كل مرة هيچ ايسوي وياي على العموم مو مهم.
- عمت عيني علية ما يگدر اينام الة يم صخيلة .
- ودع : هههههههه من گد ما ضوج رغد اطلقت علية اسم جديد 😂.
- رغد : لا ودع عليچ الاه لا اتگولين .
- هلاء: خاب دگولن لا اگوم بالنعال عليچن.
- ودع : سمتة دسوقي 😂.
- علاء: ههههههه الي يطلع بالحيالة 😂 لا عاب حلگچ هوة ومرتة فتون .

بقينة انسولف ونضحك صدگ نسوني همي والي اني بي بعدهة گمت فرشت الهم وطبو اينامون واني دخلت للبطبخ وگعدت انظف بي مجرد اذكر اسلوب قيصر وياي اتحرك بسرعة خلصت المطبخ طبيت على الصالة وهم نضفتهة اخذت نفاضة ودخلت لغرفتي الي جانت نايمة بيهة ودع لزمت تاليفون لگيت مسج على الواتساب

'' منو الي شفتهة اليوم اني ما اعرفهة ...
الحچي الي سمعتة صدگ يعني طول الوقت آنتي اجذبين علية؟؟
رغد اني من ما اجي او ما اتصل عندي ضروف آنتي تدرين اشگد اني احبچ ...
امة البارحة من ضربتچ لان اسلوبچ چان مستفز وياي ومن رجعت اتندمت ..
ايهون عليچ اتعوفيني واتروحين مو اني الي حبيتي رغد اني ما اگدر على افراگچ لا اتعوفيني ''

كتبتلة اني
'' هاي رغد الي انت وصلتهة الهاي الحالة خاليتهة تكرهة حتة روحهة... كل الحجي الي سمعتة صدگ بس الفرق انو قبل ما جنت ناوية اسافر هسة اني الي الح بموضوع السفر...كلة انت عندك ضروف گلي ليمتة اخر مرة بتت بيهة يمي اعتقد من دريت بية اني حامل كل مرة تجي اكثر شي تبقة ساعتين مجرد حاجتك حسستني اشگد اني رخيصة عندك  ورغم كل هذا ما عاتبتك وخلصتهة بس ابتسم واضحكك من تجي واني دمعتي ما نشفت قيصر انت جاي اتموتني يوم اكثر من القبلة ...
امة حبك الي فأني ماعندي شك واحد انت اتحبني لان كله حچيك چذب يا قيصر گتلي ارد انفصل عن جنان واني ما احبهة ولا ارد ابقة وياهة تاليهة جنان حامل وانت اتگلي ما اتذليني بروحتچ خاليني ابتعد عنك بشويت كرامة قبل ما انت اتعوفني لان هية مسألت وقت وانت راح اتعوفني ...
اذا ما عفتك اني انت راح اتعوفني واذا انت عفتني گالتهة الك من اول علاقتنة راح ادمر اتمنة ننهي كلشي وانبعد وكلمن ايشوف حياتة شرط اذا شفتك بمكان مراح اخلك اتشوفني اصلاً العراق كلة مراح ادخلة بس خالينة ننفصل ما اريد انذل اكثر ''

ارسلتهة الهة واني ادموعي اصب شنو ايريد مني قيصر وانتبهت على الغرفة صايرة كلهة دخان من الجگاير خفت لا تختنگ ودع فتحت الشباك اشوي علمود اتغير جو طفيت التليفون وتمددت الى ان غفيت واني هلكانة من البچي .
ثاني يوم گعدت من فتحت الباب فزيت گالت ودع رجعي نامي اني راح اسوي ريوگ
- بيش الساعة؟؟
- ٩:٠٠ رغد نامي آنتي البارحة الصبح نمتي .
- لا شبعانة نوم .

احس عيوني مورمة ما اگدر افتحهم حطيت ريحة لان كلني ريحة جگاير وذبيت الطفو من المطفاية وطلعت اتلگتني خالة ام علاء.

- صباح الخير يمة ليش گعتي لو باقية نايمة ارتاحي آنتي .
- صباح النور لا خالة والله شبعانة نوم بس اعيوني بيهم حساسية لا اشوفيهم مورمات .
- آنتي امنضفة البيت!!
- اي خالة ما گدرت أَنَــ😴ــْامّ فنضفتة .
- ولج ودع اتعلمي من رغد اشوي كل اصبع مرة .
- ودع :شلفايدة يايمة هسة اطيح الهة بواحد ما يسوالة انعال .
- اي غطي على عيوبچ اخوچ بعدة نايم ؟
- اي يمة
- خالة ارتاحي وهسة انسوي ذاك السياح وانگعد عمو علاء ومرتة .
- ودع :  هلة هلة سياح بعد شنريد علاء ايموت على السياح .
- ام علاء: عمت عيني قيصر ايحب السياح .
- ودع: حبتة الگرادة هوة وسعلوة مرتة .
- اكلي تبن هذا اخوج .

سوينة ريوگ وگعد عمو علاء ومرتة واتريگنة و اشوي وطلعو رجعت للوحدة مالتي اخذت سويچ السيارة وگعدت افتر بشوارع بغداد الى ان صارت الساعة بالعشرة بالليل رجعت للبيت فتحت الواتساب مالگيت اي رسالة من قيصر ولا حتة مكالمة دگيت على أَامٌَِْي احجي وياهة وبعدهة حجيت وية بابة وشربت حبايتن فاليوم ونمت .

قيصر : من دريت برغد راح اسافر حسيت اكو شي راح ايضيع مني حسيت روحي طلعت من شفت ردود فعل رغد صفنت على روحي چا اشگد اني مأذيهة بدون ما احس وهيچ هية طالعة روحة مني حاولت احجي وياهة واهديهة وبالكي ما اتسافر وديتلهة رسالة بس من رجعت ودتلي رسالة وقريتة صدگ احقرت روحي رغم اشگد اذيتهة ما حچت الة لمن طفح بيهة الكيل جنت ابدي اصحح اي شي فما ايفيد التليفون گلت من ترجع جنان للبصرة اني اروح الهة واعتذر بس جنان ما قبلت گالت ارد ابقة عند اهلي فگلت اشوفلي فرصة وامر عليهة خلصت شغلي وية عمي ومريت على بيتهة فتحت الباب مثل كل مرة البيت يلمع وامعطر بس رغد ماكو مو من عادتهة الدنية العصر وينهة رحت للغرفة اول ما فتحتهة اختنگت من ريحت الدخان حسيت جني ركبني منو جاي بيتي واني ما موجود اتقربت منهة لگيتهة نايمة وبصفهة نفاضة ملينة طفو سحبت ايدهة شميتهة عرفتهة هية تشرب جگاير ولا تاخذ منوم علمود تشرد من همي گعدت على الگاع متربع واباوع عليهة شنو سويت برغد اني ليتني ما اتقربت منهة ليتني ما ازوجتهة والله دمرتهة اني اشلون اعوضهة .. رغد حبيبتي ام اخدود رايحة اخدودهة وصاير وجهة اصفر واشفايفة زرگ من التدخين ....

—————
.
الاخطاء الاملائية غلسو عليهم لان مستعجلة 😂😂😂😂
En.Zahraa