رواية القاضي و الشاهدة الفصل السادس 6 - بقلم شامخ

دگ التليفون مرتين حسبالي وحدة من صديقاتي واني متمدد رفعتة الووو
- فديت الووو وصاحب الووو.
بدون وعي گلت
- قيصر!!
- اشو عيدي ماسمعت .
- شنو اعيد؟
- الي گالتي .
- شنو اتريد مني ؟
- اريدج آنتي رغد اني احبچ .
- تحجي صدگ لو تشاقة !!
- اگلهة احبچ اتگلي تشاقة ولچ احبببببچ افتهمي احبچ .
- وشنو بعد كلمة أحبٍّـِچ ترى فكرت شنو راح يجي وراهة؟
- ارد ازوجچ  واعيش اني وياچ احلة عيشة.
- اسفة اني مرتبطة .
- شنو مرتبطة؟!
- شنو شنو احب طالب ويانة ومن اتخرج يتقدملي .
- ههههههه ههههههه.
- ليش تضحك ؟
- من كل عقلج تحجين ولج اني ماكو شي حطيتة براسي وما خذتة انتضري وشوفي اشلون راح اسمعين خبر حلو عن حبيبچ اني اعلمچ اذا ما خليتچ آنتي تجين تتوسلين بية .
- انت ما اتحبني انت بس عندك رغبة بجسمي .
- شوفي اني ادري بسالفة ارتباطج جذب لان اني جايب السيفي مالج وگالو ما مرتبطة وبالنسبة لموضوع رغبتي بجسمج ما انكر بس مو معناهة اني ما احبچ ومستعد اثبتلج .
- شنو تثبت الي وانت مزوج وعندج بنية .
- وانتي شلج غرض بيهة الشرع حلل اربعة .
- ما احب احد ايشاركني بشي مو رجلي .
-  بويييياي اشو عيدي خلي اسمع مرة ثانية .
- قيصر الله ايخليك انسة الموضوع لا اتخليني اتعلق بيك وبعدين ينكسر گلبي مع السلامة ....طوط طوط

سدتة وقفلت تليفونهة يارب ما اريد اتأثر بي اصلاً اني ما أمن بالحب  وهل خرابيط بس اخاف اتأثر بحجية وبعدين اني باجر مسافرة والتهي بسالفة الوضيفة ومن ارجع هم عندي امتحانات اگوم احضر جنطتي احسن .. گعدت احضر بجنطي وخلصت غراضي ونزلت جوة يم بابة ولگيت يمة ماهر يلعب بالتليفونة  گعدت يم بابة اباوع تلفزين بس بالي ابد مو يمهم كل تفكيري بالحضة الي اتقرب بيهة قيصر الي مجاي اگدر انسة ملامحة  عطرة  بخشمي معقولة صدگ ايحبني كل ما اغمض عيني اتذكر اذكر بوستة اول مرة اجرب هل شي ليتة ما مزوج چان رضية بي ما ايهمني عمرة والافكار تاخذني واجيبني الى ان اجتي أَامٌَِْي اصيح رغد رغد
- ما يمة !!
- وصمخ صارلي ساعة اصيح ثولة ما اسمعين ؟
- جنت منتبهة وية التلفزيون 😅.
- ميار دگت علية اتكول ليش تليفونج مغلق.
- طفة شحن عفتة على الشخن فوك اشوي وادگ عليهة .
- خطية روحي دكي عليهة هسة .
- ٱפگـيہ رايحة .

صعدت دگيت علية على الراتساب وضلينة نگررك ساعة اسولفلي على حسين و على مشاكلهم سوةميار ظلت اتحب حسين بس مشكلة حسين ايغار عليهة كلش هواي وبشكل مو طبيعي فهي تشكيلي منة گتالهة تعالي وياي لبغداد باجر انقدم سوة على الوضيفة وهوة خلي هم ويانة
- آنتي اكيد تشاقين وين يقبل اسافر لبغداد اكولهة ايغار لان احجي وية عادل بالجامعة وهوة يدري ماكو اي علاقة بينة غير الاخوة اتريدي ايخليني اسافر لبغداد .
- ههههههه ولج طحتي و محد سمة عليچ حل بيج وخلصتي عمرج كلة اتصيحين ماكو رجال يگدر يكسر خشمي اشو حسين جعص خشمچ جعص ههههه .
- تفو عليج مو صوچچ صوچي اني الي جاي اشتكي الج روحي انطمري وراچ سفر .
- هههه صبحين على خير.
سديت التليفون من ميار لگيت رسالة على الشريحة من رقم قيصر گاتب بيهة بسيطة اني اعلمچ اسدين التليفون بوچهي .
سويت روحي ما اقرة الرسالة وثاني يوم سافرت لبغداد طيران وبقيت يومين يوم علمود المقابلة وية جماعة بابة اهل الشركة وثاني يوم موعد طيارتي المغرب اني طلعت من الصبح للامام الكاظم زرت ورجعت من الامام مباشرة للامطار وصلت للبصرة تقريباً ١٠بالليل اني بالمطار فتحت تليفوني اجاني اتصال من رقم قيصر مارديت رجع عادة مرة ثانية صراحة اني مشتاقة اسمع صوتة خلال هاي الرحة بالي ما مشغول بس بي رفعتة گالت الوو.
- ليش ما اجاوبين ؟
- ما سمعت وبعدين انت منو حتة اتحاسبني اذا ماجاوبت او لا هذا الشي ما تدخلل انت بي .
- انچبي وصمي حلگچ احسن الچ .
- احترم نفسك .
- اسمعي رغد الحجي الي راح احجي الچ حبيبچ عادل مسجون بقضيت مخدرات لگوهة بسيارتة خطية ما اعرف منو حطهم الة المهم دليل برائتة عندي اذا اتريدين حبيبچ يطلع من السجن تجين اتوقعين على كم ورقة واتروحين واني اطلعة.
- قيصر عادل مو حبيبي مجرد اخ وزميل وياي ليش ادخلة بمواضيع تافهة وبعدين اوراق شنو الي اوقع عليهم.
- ليش مو آنتي گلتي اني مرتبطة ؟
- جذبت عليك علمود اتعوفني .
- وانتي حسبالج اعوفچ من راح اتگليلي عوفني اسمعي آنتي خليتي ابن الناس يدخل واذا ما اتوقعين باجر راح يحول للتحقيقات وبعدهة بمساعتي جنائيات وبعدهة لو عدام لو مأبد واني القاضي المسؤال عن قضيتة اكيد .
- ورق شنو؟!
- ورق زواجنة اني وياج عند شيخ بدون محد يدري .
- شنوووو .
- مثل ما سمعتي .
- اكيد انت اتخبلت مستحيل اقبل بهذا الشي .
- على راحتج مراح اجبرج اني رقمي عندج اذا اتوافقين دگي علية واذا ما اتوافقين انتضري الي راح ايصير بحبيبچ سامحيني هل مرة اني راح اسدة .
سد التليفون
رغد : دك التليفون وشفتة رقم قيصر غلست بس كرر الاتصال صار عندي فضول اجاوب وجاوبت بس صوتة چان كلش ايخوف وحتة غلط ابد ما جنت اتوقع هيج راح ايصر سجن عادل بسببي وانوب قضية مخدرات والصدمة الچبيرة الي هوة طلب الزواج بالسر وبطريقة احقر منهة ماكو مستحيل ازوجة هذا الحقير شنو هوة وحتة ازوجة حتلو عادل صديقي بس هو بريء ويجي يوم وينكشف هذا الشي
استمر الوضع على ماهوة علية رجعت للدوام عادل غايب مر اسبوعين وعادل مسجون وقيصر ابد ما اتصل الى ان سمعت من طلاب ويانة عادل انرفع جنائيات يعني راح ينحكم والصراحة انصدمة كلش وگلبي وگف وسألت اكثر عن القضية من محمد صديق عادل گالي
- رغد القضية لابسة عادل لبس يعني لو ما صديقي واني متأكد بريء چان گلت صدك تاجر مخدرات .
- يعني اشلون؟
- اول شي لزمو عندة كرستال وحبوب وحتة هيروين والشرطة جاية عن طريق اعتراف من تاجر بالسجن گال الرئيس مالتنة هوة عادل يعني ما اعرف اشلون هيج فارين القضية علية ويوم بعد يوم وضع عادل ايصير اسؤ.
- عن اذنك .

رغد : من سمعت حجي محمد گلبي وگف معقولة يوصل بي هيج ايسوي لا ما معقولة يعني هوة قاضي ايوصل واحد بريء لحبل المشنقة علمود نزوة واني امشي صادفت ودع سلمت علية وعاتبتني ليش مختفية ومن هذا الحجي وصار بينة نقاش وبعدهة گالت اشبيج ضايجة گتلهة اكو طالب ويانة سجنو بقضية مخدرات وهوة بريء گالتي شنو اسمة گتلهة عادل ردت بتفجأ هذا الي انرفع جنائيات؟
رديت اني علية بستغراب :اي !!
- تدرين منو القاضي الي نصبتة الة المحكمة؟
- لا .
- قيصر اخوي .

من گالت قيصر القاضي حسيت جبل وطاح على راسي يارب شنو اسوي هسة معقولة اقبلهة على روحي ازوج بسر من هيج انسان واذا ما قبلت هذا اني متاكدة راح ايعاقبني ويحكم علية اعدام علمود ايأدبني شنو اسوي ...وخلال ما اني افكر شنو اسوي ودع هزت ايدي
- رغد رغد شبيچ من عرفتي قيصر صفنتي ؟!
- شنو اغلب احكام اخوج ؟
- والله هوة حسب الموضوع مثلاً قضية عادل لو اعدام لو موؤبد حسب ما سمعت البارحة منة وهوة ايسولف لبابة عن القضية ايگول الادلة كلهة ضد عادل بس قيصر گال انو اكو خطأ بالموضوع وهية يعتقد انو بريء .
- شكراً ودع راح اروح للمحاضرة عن اذنج بعدين نشاوف .
- اوكي لا اتقهرين روحج انشالله مثل ما گال قيصر يطلع بريء .
- انشالله.

رغد : الله ياخذة لقيصر وايخلصني منة هسة اني شنو اسوي .
اضطريت ادك على هذا الحقير دگيت علية رفضة رجعت دگيت مرة ثانية هم رفضة گعدت بالحديقة بالجامعة وبدون ما ادخل محاضرة گلت اكيد هسة يرجع يتصل لان هوة منظر اتصالي وصدگ  ورة تقريباً ربع ساعة دگ رفعتة مباشرتاً گتلة
- الووو
- من ارفض الاتصال يعني عندي شغل ليش اتلحين ؟
- اخ قيصر بس ار احجي وياك...
- اخ !!! شنو گلتي الواضح آنتي ما تتعلمين الدرس .
- شنو اتريدني اكولك ؟؟
- گوليلي قيصر وبس .
- اوكي قيصر ارد احجي وياك بموضوع عادل .
- قررتي شنو واح اسوين لو لا ترة ماعندج بعد وقت.
- يعني انت تحجي صدگ لو تشاقة بهذا الموضوع اشلون ازوجك اهلي مراح ايوافقون .
- منو گال آنتي راح اتگولين لهلج؟
- يعني شنو ما فهمت ؟!
- زواجنة محد راح يدري بي ابد .
- ها فهمتك يعني زواج يومين اتخلصهم وياي ومن اتمل مني اطلگلني ومحد يدري مو بس احب اگلك اني مو من هذا النوع لو تركب نخلة على راسك ما ايصر الي براسك .
- احجي عدل لا اشوفين ايام سودة عمرج كلهة ما شايفتهة اذا عادل ما ايعمچ اكيد ميار اتهمج مو لو اهلج احسن.
- ميار واهلي مالهم دخل بالموضوع .
- يعني عادل الي الة دخل ترة آنتي فاهمة الموضوع غلط اني احبچ والله واريدج على سنة الله ورسولة بس ضروفي الحالية ما تسمحلي اخلي الزواج علني .
- بس اني ما اريد ازوجك.
- لا غصب عليج تزوجيني وباجر واح يجيچ خبر ميار وهم عگب باجر راح احكم اعدام على عادل .
- لا عليك الله لا والله حرام عليك الي جاي اسوي بية اني اذيتك بشي .
- هذا الحجي ما ايوكل خبز الواضح آنتي ما اصدگين .
- اموافقة على شروطك بس عوف اهلي وميار واطلع عادل .
- ٱوكي اعتبري عادل باجر طالع بس قبل كلشي اليوم نمهر عند السيد .
- اليوم!!!
- اي .
- اني بالدوام .
- سيارة تجيچ لباب الجامعة ورة نص ساعة تاخذج واترجعج لا اتخافين حبيبتي .
- اوكي .
- هسة عندي شغل نشاوف هسة انشالله باي .

سديت التليفون واني كارهة روحي معقولة وافقت ازوج هذا الحقير واشلون راح اصير حياتي من بعد هذي العلاقة اهلي شنو راح اكولهم افكار تاخذني واجيبني الى دك علية گالي طلعي راح تلگين سيارة تاهو سودة امتانيتج باگراج وطلعت شفت السيارة اتخوف صدت ورة وحرك اني مثل الصنم والسايق ابد ما حرك راسة او التفت من خوفي على الجامة المظللة وبس ساكتة دگت ميار علية رفعتة
- الووو ها ميار
- وين آنتي راح تبدي المحاضرة ؟
- اني بالعلوم رحت يم صديقتي مراح ادخل هاي المحاضرة.
- چا راح اجي وياج اتولي المحاضرة.
- لا لا اذا آنتي اطلعين واني منو يشرحلي حبابة كتبي كلشي .
- ولج رغد آنتي وين هاي صوت سيارة ؟
- اي مو گتلج راح اروح للعلوم اكيد اروح بسيارة.
- رغد اكيد تشاقين وين آنتي ؟
- غطي علية واسكتي بـٌـٌٌـ👋ـٌٌـٌـُآٍيِ .

سديت التليفون وبقيت بس صافنة شنو راح اسوي بالمصيبة الي اجتني الى ان وصلنة الى بيت اشوي بعيد عند المركز ما اعرف وين طبگ السايق السيارة وگال اتگدرين اتنزلين نزلت فتحلي الباب وگال دخلي جوة گلبي ميت من الخوف اني وين رايحة وجاي اسوي بروحي الدمعة بطرف عيني دخلت جوة ابوجهي صار قيصر ويا شيخ ....