رواية القاضي و الشاهدة الفصل السابع 7 - بقلم شامخ

دخلت لگيت قيصر و شيخ گاعدين اني ظليت مجمدة بمكاني گام قيصر گال تعالي رغد گعدي اهنا اني گتلة اريد احجي وياك بالاول
دخلني لغرفة گال شنو اتريدين اتگولين ؟
- شنو الضمان الي ايخلني اتاكد مراح اتأذي اهلي ومنار بعد وعادل راح يطلع من السجن ؟
- بالنسبة لعادل باجر راح يطلع لان قبل ما اجي سلمت كل ادلة برائتة واذا اتريدين تتاكدين دگي على احد من اهلة وسالي امة ..اهلج ومنار مستحيل ااذيهم ما دام آنتي على ذمتي وهذا وعد ارجال واني الكل يعرفني اذا وعدت اوفي بعد شنو عندج؟

من حجة دمعت عيوني وظليت ابجي لا ارادياً ودنگت راسي واني ابجي حسيت بأدي ترفع وجهي وعيني بعينة وحجة بصوت حنون
- رغد وغلاتچ بگلبي مراح اجبرج على شي ومستحيل امد ايدي عليج الة بعد ما اتأكد آنتي اتحبيني وغلات أَامٌَِْي مراح المسج الة بعد ما اتگولين احبك آنتي بس انطيني فرصة اثبتلج حبي .
- اني خايفة .
- اتخافين واني يمچ ولچ اني اول مرة شفتچ عشگتج وًبس علمود اثبتلچ اني احبچ مجاي اضحك عليج راح اصبر عليج عسة ما سنة المهم آنتي اصيرين الي ومتزوجين غيري اموت اذا افكر احد ياخذج مني .
- قيصر اذا بيوم وصدگ حبيتك تعرف شنو راح ايصير بية اذا اتعوفني ...
- مستحيل اعوفج رغد اني احبچ.
- قيصر اني اكره ارتبط اخاف اخسر الشخص الي احبة وراح احارب علمود ما احبك .
- شكراً على هذا الخبر السار.
- عقلي ايكلي راح اتعوفني .
- وگلبچ شنو ايگول ؟
- گلبي خايف لا احبك.

اتقرب من راسي وباسني وگال لا اتخافين ما دام اني وياج عمري مراح ااذيچ ودمعتچ تكتلني لا تنزليهة بعد الة اذا متت تعالي نمهر وراج دوام .
گتلة اوكي

مهرنة وخلصنة قبل ما ارجع للجامعة صاح علية رغودتي تعالي اشوي .
اني بدون وعي رحتلة گال بما انو زواجنة بالسر وما تگدرين اتلبسين حلقة بيدچ عادي اتلبسين هذا المحبس واعتبري حلقة وامة المهر مالتچ فاني ابد ما ناسي انشالله من اسافرين لبغداد اعوضج هناك على كلشي
باسني من راسي وشبگني حيل حسيتة كسر اعضامي راسي چان بصدرة اشم عطرة الي دوخني اشوي وبعد عني وطلع بسرعة اني رجعت للجامعة

قيصر : اجت رغد للبيت صديقي بأطراف البـصرة وجنت كلش ظايج منهة وبداخلي احلف واتوعد الهة بسبب طريقة حجيهة وياي بس من دخلت وهية منكسرة والدمع بعينهة اني نسيت كلشي گتلهة تعالي يمي بس هية رادت تحجي وياي ابحدنة حجت وياي على اهلهة وصديقهة اني اباوع عليهة وهية كلش مقهورة من الموضوع هذا من حجيت وياهة ما اتحملت وبجت ما انحملت ادموعهة لان اني صدك احبهة ظليت احجي وياهة واهديهة انطيتهة وعد انو مراح المسهة ما اعرف اشلون طلعت هاي الحجاية مني ولك قيصر انت مشتهيهة من اول ما شفتهة وسويت كلشي بس علمود تاخذهة وهسة توعدهة مراح تلمسهة لا الواضح صدگ غرگت
خلصنة مهر واني ميت قهر لاجبتلهة حلقة ولا مهر بس اني اشتريت الهة محبس يشبه الحلقة طلبت منهة اتلبسة اني اباوع علية من احجي وياهة ياربي شنو من مرة هاي العيون والخدود حمر والشفايف ابحدهم قصة ارد اتقرب منهة بس اني منطيهة وعد بستهة من راسهة وشبگتهة حيل ارد اشبع منهة ارد ادخلة جوة گلبي بالكي اتحس بناري بالكي تعرف اشگد اني اعشگهة اختلطت عندي المشاعر ردت افقد السيطرة على روحي دفعتة وطلعت واني بالي بقة يمهة ...

رغد : رجعني السايق وقبل ما يوصل گتلة لا اتوديني للجامعة ما ارد ارجع اهناك
هوة ماقبل گال عندي اوامر من سيد قيصر الة ارجعچ للجامعة .

اضطريت ادگ علية هوة مباشرة رفع الخط
- هلة بالعشگ كلة هلة بمرتي شبسرعة اشتاقيتيلي ؟
- صدك عندك ثقة بنفسة منو المشتاقلك اصلاً خاف حسبالك كلامك اثر بية صدگني ولا هز شعرة بجسمي ودگيت عليك علمود اتگول للسايق ما ارد ارجع للجامعة لان راح تجيني حجاية هسة ايكولون طلعت بسيارة ويا واحد وبنهاية الدوام رجعهة .
- انطيني السايق ياروحي .

انطيت التليفون للسايق وحجة ويا وگلة وين ما اتريد اتروح وصلهة وارجع .
اخذت تليفوني ودگيت على منارجاوبتي
- وين آنتي وليش مساع ادك عليج ما تردين .
- طلعتو من المحاضرة ؟
- اي وهسة راح ارجع للبيت .
- تعالي علية اني يم سبرماركت (—-) منتظرتج.
- ولج رغد شنو اسوين اهناك ؟
- تعالي وانطمي هسة مو وقتهة .
- عشر دقايق واني يمج.
- ٱפگـيہ༅.✾

اشوي وصلت منار دكت علية التليفون اني نزلت من السيارة لان السايق ما قبل ايروح صعدت بسيارة منار وهية انهدت علية هدة وحدة ارد بس اسكتهة ماكدرت اخر شي صرخت
- هذا سايق قيصر .
- شنوووووو؟؟
- سايق قيصر .
- اي وشنو اسوين ويا ؟؟
- منار الي راح احجي الج الجني الازرگ ما اريدة يعرف بي .
- رغد قلقتيني شنو الصاير.
- قيصر مهر علية ...
- دولي مو مال شقة احجي اكره هاي اسوالفج .
- والله والقرآن مجاي اشاقة .
- بربج شنو مهر عليج شنو ما احجي آنتي اجاي اتمسلتين .
- اني سولفتلج هوة جاي يتحرش بية واني ما منطيتة مجال بس بعد ما سافرت الى بغداد دك علية واني راجعة گالي هوة سجن عادل واذا ما ازوجة راح ينحكم علية اني گلت چذب وهذا الشي ما صاير بس اليوم سمعت  عادل مرفوع جنائيات و قيصر هوة القاضي دكيت علية گالي اذا اتريدين عادل يطلع تعالي نمهر اليوم ...
- قبلتي تزوجي علمود عادل!!
- مو بس علمود عادل هددني بيچ وبأهلي گالي اذا ما اتوافين راح ااذيهم وحسب الي سوى بعادل يگدر ايسوي اي شي خفت عليكم و قبلت .
- لا ينذل هذا اشگد ردي وقليل اصل .
- منار سدي الموضوع مالي خلگ ينفتح كلش .
- ولج شنو مالج خلك آنتي هسة مرتة يعني تاني كم يوم مقل ما جبرج تزوجي اجبرج على اشياء ثانية .
- مراح يجبرني على شي .
- مافهمت آنتي ليش ما تحجين كلشي.
- قبل ما نمهر گالي اني احبچ و ما اريد ااذيچ وعلمود اثبتلج حبي مستحيل المسج الة اذا آنتي گتيلي احبك.
- والله عندة ثقة بنفسة هذا صاحي مخبل من عقلة آنتي راح اتحبي ايولي لا اصدكين بحجية ركزي بامتحاناتج الي ورة اسبوعين المفروض اتنجحين  من اول دور علمود اسافرين لبغداد .
- اي حجيج صحيح بس منار بعد ما اوصيج ما اريد احد يدري بشي .
- رغد اني مجاي استوعب الي جاي ايصير والله .
- حتة اني بحيث ما مصدكة أگـول بالكي ايحس على روحة وايفنش كلشي بس ما اعتقد .
- آنتي مخبلة اذا ما ياخذ منج الي ايريدة ما ايعوفج ولج هوة ما ايحبج ايحب جمالج بس .

اخذت يومين اني صافنة بالموضوع افكر بي اني ومنار حتة الدوام بالكوة اروحلة  و قيصر چان ايدك ما ارفعة لان ما مستوعبة الي صار صَـَـَـَـَـَ(✓)ـِـًـِــِـًـِـح كلامة اثر بية بس طريقة زواجنة مو حلوة لا ابحقي ولا ابحق اهلي احنة صَـحيح عائلة متحررة بس مو معناهة انسوي اشياء اتخالف العادات والتقاليد واجت امتحاناتي وخلصت قصير مچان يضغط علية ابد مجرد اتصال يسال بي عن وضعي واشلوني محتاجة شي اول لا ومرات يطلب ايشوفني اذا اني اگدر واني اغلب الاوقات ارفض اتعودت علية وعلى اتصالتة وصارت علاقتنة كأصداقات احسن من قبل مرات تستمر مكالمتنة اكثر من ساعة ساعة ونص  مر شهرين وطلعت النتائج والحمد لله ناجحين اني ومنار فسافرنة اني والعائلة لبغداد گعدت يم بيت خالتي هناك وطبعاً قيصر يدري بكلشي والي استغربتة ما عارض على روحتي الى بغداد ابد بالعكس چان من المشجعين لهذا الموضوع ودائماً ايكول ليمتة اسافين وليمتة اتروحين المهم بقو اهلي اسبوع وبعدهة راحو اني ابد ما مقتنعة بقائي بيت خالتي لان عصام ابن خالتي ابد مو مريح ودائماً نضراتة الي تقلقني و فحجيت وية ابوي گالي بوية ما ايصير خالتج ومن هذا الحجي المهم داومت ورة فترة بدة عصام يتحرش بية اني اخاف اسولف لقيصر لا ايسوينة مشكلة وخلال طريق الرجعة دكيت على ابوي وسولفتلة وكتلة يابة هيج وهيج السالفة عصام مجاي ايعوفني بحالي وكلش ما مرتاحة وياهم بالبيت بسببة .
بابة من سمع اجة لبغداد اجرلي بيت اصغير بمنطقة (——) گال هاي هادئة ويمج مركز شرطة وانتي لا اتخفين ابحدج لان وصيت عليج صديقي بهاي المنطقة  .
اني سولفت لقيصر الموضوع كلة وسولفتة على عصام لهذا السبب طلعت اول شي اتنرفز لان ضميت علية وبعدين هدة بس كلش فرح من عرف اني بحدي بيت گال اكدر اجي اشوفج على الاقل اني خفت من سمعت حجية بالبداية لان ابحدنة ولا ايسوي وياي شي بس قيصر ابد ما سوة شي ظل يجي بستمرار الي انخلصهة اسوالف وضحك اذا راد ايسوي اقصة شي ايبوسني من راسي  اتعودت علية كلش بحيث اذا ما يتصل اني الي اتصل علية ودائماً اطلب منة يجي لبغداد علمود اشوفة بس هوة مو دائماً فارغ بسبب شغلة وخوفة من مرتة وابوهة لا ايكشفو .
مر علينة اربع اشهر واحنة مجرد علاقة صداقة بس اني كلش اتعلقت بقيصر يعني ما اعرف اخلص يومي اذا ما احجي ويا قيصر ما ايضم علية شي كلشي يحجي الي تقريباً دائماً ايكول ماعندي شخص اشكيلة غيرج ايسولفلي على مرتة وعلى معاناتة بشغلة وعلى حياتة واني نفس الشي بس اكو هواي اشياء اني اضمهة علية اولهة انو اني جاي احبة وثانية شغلي وسبب تعيني بغداد واشياء بعد اخاف اسولفهة الة ..
مر يومين وقصير ماكو ما يتصل وهوة منبه علية ما اتصل اني علية ظليت بقلق علية مو من عادتة ما يتصل شنو اسوي ياربي فقررت ادگ على ودع اسالهة علية بصيغة غير مباشرة ودگيت
- هلوو ودع اشلونج شخباج انشالله بخير ؟
- الحمد لله والله اسال عليج من سافرتي اختفيتي كلش !!
- شسوي شغل وبيت ابحدي كلش تعبانة .
- الله ايساعدج امي دائماً تسل عليج ما تجين للبصرة ؟
- انشالله اجي وامركم بس مو هل الايام بس اخذ اجازة اجي ..
ودع اريد منج خدمة .
- امري رغود .
- عندي اوراق بالمحكمة بالكي تحجين وية استاذ قيصر ايشوفهم الي .
- اليوم ؟!
- اي والله ياريت .
- ما اعتقد قيصر مداوم اليوم ولا حتة باجر.
- ليش خو ماكو شي ؟!
- قيصر كلش مريض افلاونزة موتتة وبالفراش صالة يومين بس ايكوم على حيلة اكولة .
- اتحمديلة السلامة نيابة عني ما ايشوف شر انشالله .
- تسلمين حبيبتي انشالله اوصلة سلامج .
- سلميلي على امچ وعلى الاهل .
- يوصل گلبي .
- مع السلامة .

اخذتلي يوم كامل واني محتارة شنو اسوي اخاف ادگ علية واسببلة مشكلة لثاني يوم واني بالشغل اتصل علية قيصر رفعت التليفون قبل واني ارد اطلع من الغرفة
- الوو !!
- عساني ما انحرم من هذا الصوت .
- حمد لله على سلامتك .
- الله ايسلمج ياروحي..( بالكوة يحجي من الكحة )
- حلو حلو.
- على كلبچ .
- قيصر صارلي يومين قلقانة عليك ليش ماتتصل .
- اني بالبيت ومرتي يمي ما عولت طلعت وگدرت اتصل .
- اها.. بس حاول  بين فترة وفترة اطمني عليك لا اتخليني بقلق .
- اموت على الي يقلق علية .
- اني قلقنة عليك كصديق لا ايروح بالك لبعيد .
- هسة الة تحجين خلي بالي متونس اشوي .
- هههههه  .
- رغود لازم اسد التليفون هسة .
- قيصر ليمتة تجي لبغداد ؟
- شعندي جاي لبغداد ؟!
- لا ماكو شي مع السلامة .

سديت التليفون واني ميت من الفشلة عسة الساني الگطع على هذي الحجاية هسة شنو ايكول علية خرب حضي بعد ما اتصل علية ولا اسال لو اموت .
قيصر: من گالتي ودع رغد اسالم عليك عرفتهة متصلة عليهة علمود تسال علية لحيت على جنان تطلع اجيبلي كم شغلة من اول ما طلعت دگيت على رغودتي عشگي گلبي راح ايطگ عليهة حجيت وياهة اول مرة احس بصوتهة القلق عليه وخاصة من گالت طمني عليك لا اتخليني اقلق صَـَـح كسرت واهسي من گالت كصديق بس گلبي ايگلي مو قلقنة كصديق والاحلة من گالت ليمتة تجي لبغداد اويلي جنت ودي اطير الهة بس مثل ما ضوجتني اضوجهة گتلهة شعندي جاي لبغداد سويت روحي متغيشم سدته بوجهي هههههه.

مر اسبوع اني صرت زين وبحجت عندي شغل رحت لبغداد بطيارة ساعة ٧:٠٠ بليل وحجزت رجعة ٧:٠٠ الصبح علمود المحكمة الحك عليهة رغد ما تدري اني جاي ردت اسويهة الهة مفاجئة وصلت لبيتهة احلة شي منطقتهم راقية محد يسال على الثاني عندي المفاتيح ودخلت مباشرة لان اني سالتهة اذا واحد من اهلج موجود گالتي محد فردت اسويهة الهة مفاجئة دخلت للصالة مالگيت احد رحت لغرفة النوم هم محد موجود اصيح عليهة بالبيت ماكو گلبي وگف من الخوف لا صاير بيهة شي وخاصة انو اني حاجي وياهة قبل اشوي كالت بالبيت سيارتة برة وين راحت بس لا جنان عرفت بعلاقتي و انخطفت ...

————///
تعليقاتكم اتشجعني اكمل
En.Zahraa