رواية القاضي و الشاهدة الفصل السادس والعشرون 26 - بقلم شامخ

- نوار خلصت شغل لو بعدك ؟
- اي خلصنة شغل على گولتچ.
- تلعب😬.
- ان بلة ابي افوز مليت من الخسارة .
- 😏اتفوز باحلامك .

گعدنة نالعب للغروب چنة مندمجين حتة اكل طلبنة للمكتب دگ علي بابة گالي انتي وين واذا تتأخرين گتلة اني بالمكتب يم نوار ومن انخلص نطلع نتعشة حسيت اكو شي ايريد ايگولة بابة بس متردد ما ضغطت علية اني لان خفت لا يحجي شي ايضوجني واستمرينة اني ونوار اشوي انسولف واشوي ناكل من اصل 3 لعبت فزت بيهم كلهم 😎 اخر اتراهنت ويا اذا فزت علية ايروح ايشوف المرة الي ابو ايريد يخطبهة الهة وهم اعزمة على العشة قبل فبدينة اللعب ورة تقريباً نص ساعة انسدت الرقعة بوجهة يعني خطوة وحدة وافوز كلش ضاج نوار وعصب اني بس اضحك وصوت ضحكتي واصل لنهاية والشركة

- كش ملك نوار ههههههه😂😂.
- انتي غشيتي 😒.
- هههههه كل مرة اتگول هيچ بس غصب عليك اتروح وية ابوك انت انطيت وعد...
- اتفضل من حضرتك؟

درت وجهي واشوف قيصر واگف يم الباب گمت مشيت بسرعة وشبگتة سويت هيچ متعمدة اگبال نوار علمود يعرف هذا خطيبي من شبگتة حسيت ادية التفت علية وعصراني لصدرة حيل استغل الموقف وخرت منة

- نوار هذا قيصر خطيبي قيصر هذا نوار صديق واخ بنفس الوقت.
- نوار: مبروك الخطبة اخذت رغدتنة.
- قيصر: تسلم بس هية مو رغدة احد غير تشرف بمعرفتك 😒.
- رغد : شنو هل مفاجئ قيصر ؟
- قيصر بستغراب من اسلوب رغد: عندنة بعثة فقررت امر عليچ.
- نوار: هههه يعني مييت  عليهة ياي على شغل😅.
- رغد: لا مو هيچ بس قيصر نائب بالبرلمان لهذا السبب ما يفرغ.
- نوار: جد خطيبك نائب !!
- قيصر: ليش مستغرب ؟؟
- نوار: لا شكلك ما يدل على ذالك .

اول لقاء لقيصر ونوار صارت مشاحنة بينهم واحد ايذب لثاني بسمار بحيث اتوتر الجو بينهم كلش وقيصر حسيتة راح يطلع من طورة حاولت اهدي المواضيع .

- رغد: نوار اليوم تعذرني على العشة باچر اعزمك اليوم راح اطلع وية قيصر نسهر سوة.
- نوار : عادي رغود بس ما اتوقع راح تتونسين .
- رغد : هههههههه😂 ليش؟!
- نوار : خطيبچ سامچ .
- رغد : كلش هههههههه تصبح على خير

اخذت جنطي وسحبت ايد قيصر وطلعتة من الشركة عت الى ان وصلنة للسيارة  صعدت اهوة صعد بصفي حركت السيارة جنت مشغلة اغاني اجنبية ومعلية السماعات علمود ما يحجي وياي بأي موضوع بس هو چان كلش ضايچ ونصة الصوت وگال

- هذا نوار الي اتحبي؟
- اي هوة الواضح ما عجبك 😏.
- اذا اتحبي ليش سويتي  روحچ اتحبيني وشبگتيني گبالة ؟!
- هذا الشي ما ايخصك وياريت ما تدخل بحياتي الخاصة اني ما ادخل بحياتك لو اشوفك وية 10 نسوان مراح احچي وانت نفس الشي لا تدخل بحياتي .
- اي مو اني گرن حتلو زواجنة بس على الورق مو معناهة انتي اتروحين اسوين علاقات من وراي .
- ما مسوية علاقة مو علمودك بس اخلاقي ما تسمحلي بهذا الشي.
- اي صحيح والدليل ضحكچ انتي ونوار وگعدچ بحدكم بمكتب وعزايم وطبة وطلعة .

سويت روحي ما اسمعة وعليت المسجل لان ما اريد اتنرفز سويت روحي مندمجة وية الاغنية حسيتة ايفور وما يگدر ايسوي من خلصت الغنية گتلة

- بيا فندق گاعد ؟
- ليش ؟
- علمود اوصلك .
- اني جاي من بغداد ليهنا بس علمود اشوفچ وانتي ...
- هوب هوب شنو هذا الحچي جديد قيصر اني اتفقت وياك لا اتعب نفسك وياي اني من الاساس نسيتك وقبل ما انساك اني كارهتك يعني صراحة شوفتك اسبب الي ازعاج فياريت ما اشوفك .
- وگفي السيارة اهنا .
- وين فندقك ؟
- وگفي السيارة اهنا ما اريد اسوي وياچ مشكلة

حسيتة گب والله ارتاح من اشوفة متعذب احس ماي بارد وايطيح على گلبي وگفت السيارة ونزل رگع باب السيارة رگعة يمكن بعد ما ينفتح اني شخطت السيارة ومشيت وصلت للبيت لگيت بابة گاعد على التلفزيون سلمت علية وگعدت اباوع ويا چان گال

- مساع اجة قيصر راد ايشوفچ ما انطيتة مجال.
- اي اجة هم للشركة .
- وشصار خو ما اخذتي ادوية مخدرة؟
- بابة شالقصة ادويتيش ايولي سد الطاري متعشي لو لا؟
- لا وانتي؟
- ميتة جوع راح اروح اسوي اكل وناكل سوة.
- بوية شحلاتهم اخدودچ لان تاكلين.
- شالفايدة حلوة وما عدهة حظ🙂..
- لا اتگولين هيچ بوي ربچ ما ينسة عبدة .

ثاني يوم بطلعتي للدوام اني وبابة اندگ الباب فتحتة اني لان ارد اطلع لگيتة قيصر بوجهي استغفر الله هذا شنو فلمة لطشلي

- اتفضل
- كمال : كل الهلة بقيصر اتفضل ليش ما تدخل!!
- قيصر : مستعجل يابو رغد ارد اروح للمطار بس ياريت اتگول لبنتك تنطيني تاليفوني نسيتة البارحة بسيارتهة .
- كمال: شبسرعة اجيت وشبسرعة راح اتروح؟!
- قيصر : الواضح جيتي چانت خطأ لهذا السبب ارد ارجع.
- رغد : عن اذنك بابة اجيب تليفونة وراي روحة .

عفتهم يحچون وطلعت ايدور كرامات الافندي على اساس اني ميتة علية وعلى شوفتة ما يگعد راحة برات بيت فتحت السيارة لگيت التليفون على الكشن اخذتة وانطيتة اله وصعدت بالسيارة وحركت ...
بقة الوضع على حالة وبديت اقنع نوار يزوج وراح شاف البنية الي ايريدهة ابوهة وما عجبتة من رحت ويا للكويت شفت بنت مدير شركة مساهمة وكلش حلوة البنية اتخبل واسلوبهة حلو وبس هية عند ابوهة يعني الموصفاة الي ابو ايريده عزمتهة على عشة وعزمت نوار بوقت الطلعة گلت اني ما اگدر اروح روحو انتو ابحدكم نوار ضاج لان عرف السالفة بس ضوجة عين ابوي شسويلة يعني ايريد ايضل العمر كلة ايتاني سراب ..رجعنة للامارات دگ علية ابوي گال قيصر مصوب لازم انروح للعراق اني رفضت گتلة عندي شغل ما اگدر اروح خاليهة على غير مرة اكيد الوالد سواهة عركة وياي ولا اهتميت اصوب مات مالي شغل بي طبة طوب ما عولت اخلص منة ايريدوني الطشلة من جديد  سافر بابة واني بقيت ورة يوم واني بالشركة دخل نوار مستعجل علية وگال

- رغد .
- ها !!!؟
- وش اسم خطيبك ؟
- قيصر ليش؟!
- گلتي نائب مو ؟
- اي !
- هذا مصوب بطلاق ناري بسيارتة ما تعرفين انتي ؟!
- اي ادري بابة راح بس اني عندي شغل ما اگدر اروح.
- انتي من صچچ اتحجين انة اعطيچ اجازة وروحي .
- اي انشالله بس مو هسة  بعدين انت اشلون تنطي اجازة لموضف بهيچ ضروف مو تدري عدنة شغل .
- الة صچ يارغد انتي وش خلاچ تقبلين في واحد ما تحبي!؟
- منو گالك ما احبة بس ما گدر هسة اسافر انشالله الاسبوع يجي اروح .
- مابيوم شفتك تحجين معا بتليفون او حتة اجة بعد اخر مرة.
- اطا تنطيني الاجازة اروح بس شوف ابوك بالاول اذا يوافق او لا لان عدنة شغل.
- مالك دخل في ابوي انة اعطيچ اجازة .
- تمام مشكور هسة اطلع علمود اخلص شغلي وباجر اسافر .
- انتي ما تغيرين ما يلامون فيچ من ايسموچ فار المكتب.
- ههههههه منو حجاهة هاي والله لو بعدني بنصبي جان علمتهم خلصوهة سختة الجماعة بجالك .
- ههههههه .

رجعت للبيت لگيت مكالمات ام علاء وابوي وحتة ودع والله لعبت روحي اني صح گلت لنوار راح اروح بس ما ارد اروح دگيت على ابوي

- اشلونك بابة شخبارك.
- الحمد لله انتي اشلونچ ؟
- الحمد لله مشتاقتلك يمتة تجي ؟
- رغد بابة لخاطري تعالي لان نشف  ماي وجهي واني ابرر لعدم وجودچ.
- والله اكره شوفة قيصر.
- ميخالف لخاطري ادري بيچ مراح اتردين طلب الي .
- اوكي باجر اذا حصلت حجز اجي .
- تعالي لبغداد لان قيصر اهناك .
- اممم بابة اشلون اصوب ؟
- ايگولون سيارة رامية علية هوة ايسوق والحمد لله جاي الطلق بجتفة.
- اشعجب ما عندة حماية ؟!
- لا طالع ابحدة والواضح الي يردون ايكتلونه ايعرفون بهذا الشي.
- اها وهسة هو اشلونة؟
- احسن من البارحة گدر يتحرك بس ايدة ما يگدر ايحركهة كلش .
- دير بالك على روحك.
- انتي هم مو ما تجين .
- اول طيارة اجي.

سديت التلفون وضحكت الدنية والله اصغيرة وادور اعرف شنو شعور قيصر هسة واني حتة ما تحمدتلة نفس الموقف انعاد ولا انسة بيوم ذبيت ابني وهو حتة ما كلف روحة يسأل علية ههههههه الدنية والله دوارة ..
ثاني يوم رحت للشركة اتفاجئ نوار لان داومت گتلة ما حصلت حجز الة على باجر واني جذابة بس ارد اعلعل قيصر اكثر دگ علية بابة بالليل گلي ليش ما اجيتي گتلة باجر طيارتي انشالله  ... 
ثاني يوم حضرت غراضي و صلني نوار للمطار خطية وگالي من اوصل اتصل بية وصلت لبغداد طبعاً مطار بغداد جداً مكروه ومجرد الفكرة اني جاية الية اكره نفسي بس هل مرة غيراول ما نزلت من الطيارة اجاني واحد اخذ جنطتي  وصعدوني بسيارة بداية المطار يعني ماكو تعب اكيد هذا من جماعة قيصر بس الغريب بالموضوع انو مو سيارة وحدة 3 سيارة حماية الي حسيت روحي شخصية 😎 فتحت التليفون واتصلت بابة گتلة وصلت بعدهة اتصلت بنوار

- هلوو نوار وصلت لبغداد لا تقلق .
- الحمدلله على سلامتچ طمنتيني الله ايطمنچ.
- شلقصة وين رايحة لمريكا اشلون الشغل ؟
- الة فار المكتب ما ايوز من طبعة ؟
- ههههههه😂.
- اموت على هل الضحكة .
- نوار ترة اتخجلني هيچ وبس اخجل ....
- اووويلي اصير الخدود وردية ..
- انت مو صوچك صوچي اني احچي وياك وبعدين نسيت انت راح تخطب المفروض تحترمني لان اني الي عرفتك عليهة.
- تگصدين انتي ورطتيني  فيهة انة ما ابي تزوج الحين .
- لا اضل اصفط علية حچي اشو اگبال شمة ينبلع اللسانك  .
- هههههههه .
- هذا السايق وين اموديني !!!
- وشو!؟
- لحضة نوار.... يا خوي وين اموديني ؟!
- السايق : هاي تعليمات انوصلچ لمكان معين .
- نوار مع السلامة بعدين اتصل بيك .
- وش صار .
- ماكو شي بس جايبني بطريق ما اعرفة .
- مع السلامة
- رغد سديت التليفون : انت وين اموديني ؟!
- استاذة هاي تعليمات من سيد قيصر انوصلچ وبس .
- اتصلي بقيصر اگبالي .
- اتصلي انتي مو انتي مرتة.

خرب حضي حتة السايق ايجادل وهذا الطريق احس بية خنگني نفس الطريق الي اوصل لبيتي القديم بغداد

- اگول ما ايصير اتغير هذا الطريق اني اكرهة.
- ما يحتاج راح نوصل .
- شنو توصل ؟!

دخلني فرع بيتي وطبگن السيارة اگبال البيت وركض السايق فتح باب الصدر چان گاعد بيهة رجال بس ماحچة واني بعدة من نزلت شفت الي گاعد بالصدر هو قيصر

- المن جايبني اهنا؟!

لزم يدت السيارة ونزل بسرعة وجرني من ايدي بقوة حسيت ايدي انخلعت واني ارد ادفعة ماكو عشتو مصوب حيلة بي حيلين

- وخر مني انت شنو ما اتحس على روحك اني اكرهك.
- صوت الچ ما اسمع منا ناس كافي وصلت حدهة وياچ.

خفت منة من اسلوب حچية وياي معناهة قيصر صدگ معصب فتح الباب بالماتيح الي عندة نفسهم مفاتيحي نفس المدالية اني اعرفهم رجلي وحدهم اخذوني ليجوة البيت على حطت ايدي ولا متغير بي اي  شي حتة نفس ريحت البخور بحدهم رجلية يمشون بالبيت مشتاقة الكل ركن بي اني كلش احبة اول بيت رتبتة على ايدي رحت لغرفتي فتحت الباب نزلتي نفسهة والغرفة مبخرة و عطري على الميز محطوط اشگد معنة كل هذا انو قيصر هو الي مشتري البيت والاثاث بس ليش ايسوي هيچ شي وهو جان ايريد ينفصل عني اهو گعدت على الجرباية نزعت الحذاء واتمددت نسيت قيصر نسيت هذا مو بيتي نسيت كلشي الساعة بتسعة بالليل جنت تعبانة من السفر غمضت عيني وغفيت احس روحي چنت غريبة ورجعت لوطنهة گعدت ثاني يوم احس روحي مربطة ارد احرك روحي ما اگدر وخرت الغطة واشوف ادين قيصر محاوطاتني شطت شطت اشلون ما گعدت من اجة يمي وبعدين هاي اول مرة ابقة هل گد نايمة بابة شنو اگولة هسة خرب دفعت ايدة وگمت رحت للحمام چنت لابسة قميص سمائي فاتح بس من دخلت للحمام القميص بي طگعة من ضهري سودة شنو هذا مديت ايدي علية صارت ايدي كلهة دم ركضت على قيصر على دفعتي ما متحرك اذكرت البارحة من جرني بالسيارة وهوة مصوب وعت الباب اكيد جرحة انفتح ركضت على الجرباية حاولت اگعدة قيصر قيصر اهز بي ما يگعد الچرباية فايضة بدمة ركضت للحرس گتلهم بسرعة الحگو قيصر ما يگعد اخذتة للمستشفة اني والحسرس بالسيارة نومتة على حضني والدم مستمر ينزف احس روحي شاغت من الخوف علية ليش مو عرفت روحك نزفت ليش ما رحت للدكتور يارب اني مو ما احبة ليش هيچ قلقانة علية چان بحضني ومغمض اعيونة اذكرت قبل مرة اني ويا چنة نحچي گالي وهو چان متمدد على رجي نفس هسة بضبط

- رغد لو اموت شنو راح اسوين علية؟
- انشالله يومي قبل يومك اشبيك.
- لا اني ما اتحمل فراگچ بس فكرة انچ ماكو بحياتي اتخليني انتحر.
- چذاب انت تجي كل اسبوعين مرة ومتعود على فراگي .
- ولچ الفراگ فترة مو دوم ما اتحمل ايگولولي رغد ماتت او راح اخسرچ العمر كلة بساعتهة اموت روحي قبل ما اخسرچ .

معقولة استسلم للموت لان اني رفضتة مستحيل اصلاً هوة بس يلعب علية هاي لعبة جديدة منة ولچ رغد يالعبة الرجال غرگان بدمة وبحضنچ وانتي اتگولين لعبة اصلاً صارلة اشهر يفتر وراچ ايريد يحچي وياچ بموضوع وانتي ما تقبلين هسة ايموت ايكتلچ الندم حطيت ادية على خدة

ضليت احجي ويا وهمس بذنة قيصر لا اتموت ما اريد اصير اني سبب موتك وروح امي بس تگعد اگعد اتفاهم وياك الله ايخليك لا اتموت قيصر اگعد لخاطر بناتك قيصر اگعد لخاطر امك قيصر لا اتموت ..
وصلنو للمستشفى ركضو الممرضين للسيارة اخذو على نقالة واني اركض وراهم الى ان دخلو لصالت العمليات ضليت گاعدة ابچي بابة الغرفة مال عملية يارب لا اتموتة واني اكون السبب يارب لا اتموتة ورة تقريباً نص ساعة صارت هوسة بالمستشفى ما اعرف ليش والحرس صارو على غرفة العمليات گتلهم
-شكو شصاير ؟!
- قنوات التلفزيون اتريد تدخل اصور .
- شنو هذول ما ايخافون الله ما ايگولون واحد مريض .
- منو وصللهم الخبر خرة بيهم.
- اكيد المستشفى .. انت حارس قيصر؟
- اي خوية اني حارسة الشخصي .
- دگ على اهلة لان تليفوني بالبيت بقة.
- دگيت همة بالطريق .

يارب فرجك دخلو ابو قيصر وعلاء وبابة وام علاء ودع كلهم اجو اني گاعدة يم الباب مال عمليات من شفت بابة رحتلة وشبگتة وضليت ابچي

- بابة قيصر راح ايموت بسببي .
- بنتي اهدي انشالله خير بس فهمينة اصاير

وخرت من بابة وام قيصر من شافت الدم علية ضلت اصرخ ولك ابني مات شنو كل هذا الدم بس لا اتگولين دم قيصر من شفت ..
من شفت قهرة على ابنهة گعدت بالگاع وضليت ابچي

- اسفة خالة والله مو قصدي .
- علاء : ولچ بوية رغد فهمينة شبي قيصر شنو الصار من البارحة اختفيتو انت ويا ؟
- رغد : قيصر عصب علية وانفتح جرحة اني والله ما ادري بي هيچ خطر فنمت بعدين من گعدت لگيت قيصر نايم بصفي استغربت وخرتة شفت اهدومي كلهة دم رجعت لگيت قيصر ما يگعد وغرگان بدمة والله ما قصدي وما ادري بي .
- علاء : الحمد لله حسبالنة هل الحقيرة جنان رادت اتكتلة مرة ثانية .
- رغد : جنان !؟
- علاء: انتي ما حچيلچ قيصر اشلون اصوب؟!
- رغد : لا .. بس عرفت سيارة صفطت علية ورمت .
- علاء: السيارة موديتهة جنان تدري بقيصر يجي لبيت ما اعرف وين دائماً وبحدة فمراقبة المكان و بعدهة صار الي صار .
- رغد : يا بيت ؟ وليش جنان هيچ اسوي؟!
- ودع : من يصحة قيصر يا ريت اسمي يا رغد لان قيصر والله ايحبچ.

عقلي كلش اتخربط شنو جنان تكتل قيصر معقولة قيصر چان بالبيت مالي و اهناك انكتل قيصر شيسوي ايروح لبيتي اهو گالي ما ايحبني وعلاقتي ويا بس نزوة مل من هاي العلاقة وبكل رخص باعني وحتة ما كلف على روحة الاعتذار بوقتة گبل طلگ ما جاي افهم شي يارب شنو الصار طلع الدكتور من الغرفة مال عمليات وگال الحمد لله حالتة استقرت وگدرنة نتلاحگ النزيف بس ما يصحة من الة ورة ساعة وراح يبقة بالعناية المركزة ... اووف يا فرحتي مو علمود قيصر بس علمود لا يبقة ذنبة برگبتي وبعدين اتندم على شي
مرت الساعة واحنة كلنة ننتضر اگبال العناية المركزة گال الدكتور يگدر شخص واحد يدخل ايشوفة دخلت امة ورة اشوية طلعت گالت يمة رغد قيصر صاح بسمچ بس رحت لبسوني هدوم ودخلت جانو منيمينة صفح درتلة وگعدت على كرسي اگبالة

- حمدلله على سلامتك قيصر انشالله تطلع منهة بسلامات .
- اأاححببچ.

حچاهة وبلگوة والدمع ينزل من عينة احس شي بداخلي من سمعت هل الحچاية ظل ايدگ من جديد شي ميت ورج عاش ما اعرف اوصف الشعور

- ررغد مما ع..
- لا اتكمل قيصر من اصير زين اگعد اسمعلك هسة ارتاح ولا اتخاف مراح اروح الى ان اسمعك ارتاح علمود اطيب بسرعة قيصر اذا اتموت عمري مراح اسامحك لان راح تغدرني مرتيين مو مرة وحدة .
- قيصر بالگوة يحچي : اول مرة شفتچ عشگتچ تذكرين من حلفتلچ مراح اعوفچ ..
- والدموع تنزل من عيني : بس عفتني يا قيصر وبطريقة بقذرة .
- مجبور .
- قيصر مو وكتهة هسة انت تعبان .
- لازم احچي...
- الي هواي عتب وياك وهسة مو وكتة من تصحة .

دخل الدكتور وگال خلصت الزيارة .

- يالة قيصر ارتاح انت هسة راح اروح للبيت ابدل اهدومي لان غرگانة بدمك .

چان لازم احچي ويا هيچ علمود انطي امل صح راح اخلي ايبرر الي بس مو معنا راح اساعمحة يعني شنو ايريد ايگول مثلاً شنو الضروف الي اتخلي يتعامل وياي بهل الشكل الله كريم ..
طلعت من العناية المركزة واشوف بوجوهم اهواي اسألة شجاوب وشگول اسكت احسن گلت للحرس اريد احد ايوصلني للبيت لو سمحتو ارد اسبح واصلي اذا انة غرگانة بدم قيصر كل المستشفة ايباوع علية طلعت اني والحرس بابة بقة اهناك لان عيب يرجع ويعوفهم ما حچيت وية احد لان بالي مشغول بحچايت قيصر وعلاء ما اعرف شنو ايقصدون و اكو شي قهرني اكثر هية لحضة بيهة ضعفت وحسيت روحي بعدني احبة ....
-----------
كملت هذا البارت قبل امتحاني المهم تعليقاتكم لا تنسوهة وتابعوني لا تنسون النجمة😘 واكو قصة ثانية كاتبتهة مكتملة اذا اتريدون تقروهة لا تنسوني بالدعاء باجر امتحاني احبكم😍🥰
En. Zahraa