رواية القاضي و الشاهدة الفصل الخامس والعشرون 25 - بقلم شامخ

صارت الساعة 6 واني بيت عادل ما مترددة ما اعرف اذا اروح للفندق او ارجع لان بابة ما  قبل كلش وناس الله شاهد طار بية طير وهم عندي شغل لازم اكملة قبل ما ارجع للامارات لان اكيد الگة الدنية مگلوبة واثناء سلسلة الافكار اتصل الوالد ومعصب لان ما راجعة صاير اسلوبة مو حلو وياي وخاصة بعد ما عرف علاقتي وية قيصر ضل ما يثق بية وسالفة الادمان اكيد جاي ايفكر بيهة

-  الوووو
-  وين انتي؟؟خ
-  بعدني بيت عادل ما اگدر ارجع...
-  رغد لا اتمرمريني گلت اترجعين يعني اترجعين اذا عندج قنادر خلصيهم اهنا.
-  انشالله .

صدگ ضوجني حجية وبس ايصيح ما اگدر ارد لان مرت عادل مگابلتني رجعني عادل ومرتة لبيت ابو علاء ما اسولفكم من دخلت اشلون الكل ايباوع علية وخاصة خالة ام علاء اتلگتني اشبگ واتبوس ابتسمت بوجهة ودخلت صارت بوجهي مرت عمو علاء المرة كلش حبابة وطيبة ابتسمت بوجهي بدون ما تحسسني بشي وگالت محتاجة شي
- سلامتچ خالة
- متعشية؟
- لا ابد ما اشتهي شي .
- على راحتچ اي شي تحتاجي اني جوة .
- مشكورة خالة

المرة كلش طيبة وحبابة اصلاً همة كلهم العائلة خوش ناس ما عدة الحقير قيصر طارية ايسد النفس صعدت لغرفة ودع بدون ما امر على بابة لان كلش ضايجة منة وبس اروح يمة اتعارك ويا واذب حرگت گلبي كلهة بي فتحت الباب لگيت ودع متمددة تحجي بالتاليفون من شافتني عدلت گعدتهة اشرتلهة ابقي بمكانچ طلعت برموتي وبدلت عدهة ميز حطيت لا بتوب علية وطلعت ورق وحاسبة وگعدت اشتغل اباوع ودع مستمرة تحجي بالتليفون واني اشتغل بالابتوب بعدهة نزلت اتحضر وياهم العشة واني بقيت ما تحركت من مكاني ولا ادري شنو السالفة جوة الي احبة بشغلي انو صدگ اينسيني همي حتة من دخلت ودع ماحسيت بيهة الى ان گالت
-رغد تعالي اتعشي ايصحوچ جوة.
- ما اشتهي ودع عندي شغل لا كل اشوي احد يجيني حبابة.
- اهووو هسة شيقنع امي .
- اتوقعت هذا الشي وردت اروح لفندق بس بابة الله يهدي .
- لا شنو هل الحجي رغد والله ازعل عليچ بعدين اني ضايقتچ بشي صح غرفتي مو كلش جبيرة بس يعني ينطلع بيهة .
- امشي ولي من وجهي ارد اشتغل.
- لا اتنزلين كلش نصيحة.
- لازم اجة الحقير.
- اي راح يجي.

اووف ما اعرف اشلون ااقلم روحي وية الوضع نزلت ودع وبقيت على نفس الگعدة صارت الساعة 12 بالليل اندگ الباب استغربت منو لان ودع تدخل بقتحام عادة صحت منوو

- اني يمة ادخل؟؟
- دخلي خالة .

دخلت وبيدهة صينية اكل خطية

- يمة اذا عندچ شغل اكلي بمكانچ هو انتي گاضية انوب ما تاكلين .
- خالة ليش تعبتي روحچ والله ما اشتهي قابل استحي.
- يمة ما هان عليه اخليچ بلة عشة.

احجايتهة ذكرتني بأمي گبل بچيت اجت يمي

- يمة ليش تبجين اكو احد امضايقچ
- لا خالة اذكرت امي ما جانت اتخليني انام الة اتعشة واذا ما اكل اجيب الاكل .
- يمة اني هم ام الچ وانشالله ما قصر وياچ وانتي تدرين اشگد احبچ واعزچ ومعتبرتچ مثل ودع .
- تسلمين خالة .
- يالله اتعشي و من اتخلصين ابوچ ايريدچ.
- انشالله .

طلعت دگيت على بابة رفعة

- وينچ مو صحتلچ...
- بابة لا اصيح ترة اني اسمع .
- نزلي ارد احجي وياچ.
- ما اريد انزل لان قيصر جوة .
- مالچ دخل بي .
- انت شنو من ابو ليش ما تحس بية جاي اگلك ما اريد اشوفة حس اشوي.
- شنو اتريدين اگول للناس حجيت وية بنتي بالتليفون وافقت ؟
- گول الي اتگولة نزلة ما انزل لو تنگلب الدنية وعندي شغل ما اريد احد يزعجني .

سديتة احس جسمي كلة يرجف محتاجة مهدء بس ما عندي اخر حباية شربتهة بيت عادل الصداع موتني دخلت ودع شافت شكلي مو على بعضة

- شبيچ رغد.

ايدي على راسي من الصداع

- مابية شي اكو صيدلية مفتحة هسة؟
- لا باعي بيش الساعة شنو محتاجة.
- اي اريد فاليوم بس لا اتگولين لحد حبابة.
- ما عدنة لان ممنوع على ابوي وامي ..اذا راسچ ايوجعچ عندي بندول.
- مشكورة .

رجعت اشتغل بالكي انسة موضوع المهدئت وگعدتي للصبح خلصت كل شغلي بقيت اتصفح من موقع لموقع ما يجيني نوم سمعت صوت احد جاي للغرفة طفيت الابتوب والتليفون بشرعة وطفرت على الجرباة بسرعة وسويت روحي نايمة دگت الباب مرت علاء ودخلت گعدت ودع وامهة اتريدهة جانت الساعة 8 الصبح بقيت على نفس وضعي بالفراش الغرفة جانت باردة غمضت عيني وغفيت اشوي واندگ الباب خرب حضي بالگوه نمت منو هذا گمت فتحت الباب جانت مرت علاء اتريدني اتريگ والله لو ما احبهة جان سويت وياهة عركة ياسم جسمي محتاج النوم وهية تعالي اتريگي ..غسلت وجهي  وبدلت ونزلت گعدت سلمت وگعدت يم بابة

- حسبالي ما اتگعدين .
- ليش يعني ما اگعد ؟!
- مثلاً شاربة من دواج .
- ما نايمة للصبح واعصابي كلش تعبانة اذا ما اتريد مشكلة گبال العالم فسكت يا بابة احسن الوضع الي اني بي ايخلني ما اتحكم بتصرفاتي .
- غير من الزفت الي اشربي ...
- استغفر الله ..
- ام علاء : يمة رغد اشبيچ اكو احد مضوجچ!؟
- رغد : لا خالة محد بس جاي اگول لبابة الحجز عگب باجر ايگلي اجليهة.
- حجز مال شنو؟
- مال طيارة .
- ام علاء: كمال ما حجيت وية رغد؟
- رغد: البارحة حجة وياي بموضوع قيصر قبل ما اقبل احجي وية قيصر وبعدهة اقبل.
- ام علاء : يعني انتي موافقة😍.
- رغد : حسب ردود ابنچ يا خالة.
- علاء :انتو مقتنعين بالحجي الي تحجو والله اني ما مصدگ شنو الي ايخلي رغد تزوج واحد مثل قيصر لو ما اعرفهة چان گلت مسويتلهة مكسورة وكمال ايريد يستر عليهة.
- كمال : شنو هل الحجي علاء انت شايف شي على قيصر ؟
- شنو شايف انت امخبل ابنية تنطيهة لواحد اكبر منهة اكثر من 15سنة علمود شنو وكلنة منتبهين رغد ما اطيق شوفت قيصر منو انوب تزوجة اني البارحة ما گدرت احجي بس مادام انفتح الموضوع لازم ابري ذمتي واحجي .

رغد : احس الدنية گامت تفتر بية من الصداع الي براسي ادية ما اگدر ارفعهم لان كلش ايرجفن هاي الحالة تجيني بعد الانتكاسة و من اتوتر لازم ارجع للامارت علمود اراجع الدكتور .
فزيت من طگني بابة

ام علاء: رغد رغد يمة
- رغد : ها خالة!
- ام علاء: يمة احجي وياچ.
- رغد : اعذريني خالة ما نايمة للصبح مجاي اگدر اركز وياكم وعلى العموم اني گلت ردي ياريت تحجين وية ابنچ يجي اليوم علمود افض الموضوع قبل ما اسافر.
- علاء: وكتاب الله اكو انٓ بالموضوع
-رغد: عمو ماكو اي انة اني مو صغيرة واحد يجبرني على شي .. عمو اريد سيارتك محتاجتهة شغلة ساعة وارجعهة .
كمال : لا ما تاخذيهة .

رغد : فقدت السيطرة على نفسي بسبب ابوي اهو يدري بوضعي واني مدمنة ويدري عندي انتكاسة وراح اجيب صخام حبوب لا حالتي اسوء اكثر گبالهم ..گتلة بابة حالتي مو زينة لا تنرفزني

- رغد: كااااااافي عوفني بحااااالي.
- علاء بستغراب: رغد ليش اصرخين على ابوج .

دفعت الكرسي وگمت ركضت وراي ودع اخذت جنطتي ما جنت اسمع شي منهم بطلعتي دخل قيصر من گد ما جنت مستعجلة انطگيت بي وما شفتة طلعت وين الگة صيدلية هسة مفتحة وبهاي الحالة محد ينطني العلاج لان علامات الادمان واضحة رحت لمستشفة اهلي الصبح ايفتح عيادات دخلت على دكتور گتلة عندي صداع حاد بسبب قلت النوم گال انتي تتعاطين مخدرات

- لا دكتور بس صارت عندي ضروف وضليت اخذ فاليوم وبعدهة اتوفت امي واستمريت على الوضع و هسة من عفتة صار عندي صداع قوي وقلت نوم توصل ابقة يومين بلة نوم وانام بالاكثر ساعة والله راح اموت من الصداع.
- بنتي صار عندچ ادمان على هاي الادوية .
- شنو اسوي هسة اني عندي شغل والتزام ما اگدر ابقة ما مركزة .
- راح انطيچ علاج بس اهم شي ما اترجعين للمنوم صح هذا العلاج راح ايزيد الصداع عندج بداية بس ميخالف اتحملي .
- دكتور العلاج هذاما اگدر اخذة هسة لان اني خطار عند ناس وخاف ينتبهون انطيني مهدئة ومن اسافر اتعالج برة .
- ما ايصر انطيچ مهدئ بهاي الحالة .
-  ادري انت ما تثق بالي احجي اني لو اريد اگدر اروح لاي صيدلية واشتري بس اني اريد مهدئ ما ايزود الادمان الي اني بي عندي دكتوري نفسي بدبي اراجع عندة اذا اتريد اخلك تحجي ويا هسة بس المهم تنطيني مهدئ راح اموت من وجع راسي.
- اتصلي بي خلي اشوف وين واصلة حالتج.

دگيت وحجة ويا وانطاني علاج مو مهدئ اني منوم لان دكتوري يدري بحالتي مو زينة واني بالسيارة اخذت العلاج بحيث من وصلت جنت اسح بروحي سح ارد انام فتحت الباب وبيدي العلاگة مال مستشفة اجت عيني بعين قيصر ما اعرف ليش باوعتلة بنضرت عتب وضعف اني انسانة ضعيفة والسبب انت

- ودع صعديني مابية امشي .

مددتني على الجرباية واني ادموعي اصب نزعتني حجابي والحذاء وحتة اهدومي نزعتهم واني بس اناشغ شبگتني وگالت

- كافي والله كرهت قيصر بسببچ .
- ودع صدگ حبيتة وكسرني كسرة ما گدرت بعدهة اوگف على رجلية .
- والله اتگدرين .
- ودع اني مدمنة مدمنة دمرت روحي .
- تشاقين يعني مساع الي صار بسبب خلصت ادويتچ!!!؟
- اي ردت اخذ سيارة اخوج علمود اشتري علاج بس بابة ما قبل .
- حقة رغد...
- مو حقة لان هو ورطني مرة ثانية وية قيصر والحقير جايني بكل صلافة شنو ايريد مني مو اني غلطة بحياتة مو اني مو شريفة ورخيصة شنو ايريد بعد ما اخذة مني المن رجع ..
- ايولي لا اتفكرين بي انتي مهري وسافري ومن يجي موعد العرس رجعي ومجرد ما ايخلص العرس هم طلعي بدون محد يدري وفترة وانفصلي وهيج حتة عندج امل ترتبطين بنوار اذا صدگ ايحبچ راح يرجعلچ .
- نوار!!!هههههه روحي ودع ارد انام ما اريد اي احد ايگعدني حبابة .
-اوكي

طلعت  ودع واني نمت وثاني يوم الفجر گعدت اتوضيت وگعدت اصلي قريت قرآن احس بطني اتقرقر من الجوع فتحت الباب ونزلت للمطبخ فتحت الثلاجة وسويتلي اكل فتحت خالة ام علاء الباب وشافتني الواضح جانت اصلي وسمعت الصوت

- صباح الخير يمة .
- صباح الخير خالة اسفة اذا گعتج بس جوعانة .
- اي والله حتة اني همزين نتريگ سوة .
- بعد احسن اضوج اكل ابحدي 😊.
- اخلص صلاة واجي .
- اوكي.

جان الي خلگ بحيث سويت الميز ايخبل و طماطة گلي وبيض وطلعت زيتون وجبن وسويت كعك وجاي دخلت خالة وگالت

- الله مصلي على محمد والة يمة شنو كل هذا الكل والله يفتح النفس .
- خالة تعالي والله ميتة جوع .

اتريگنة صدگ اكلت احس جسمي خفيف ومرتاح لان نمت مستعدة اناقش اي احد الي فهمتة من خالة ام علاء انو قيصر طلبت منه احجي ويا علمود انفض سالفة المهر اليوم وباجر اسافر وصار الي ردتة اول ما گعد قيصر امة حجت ويا وهو وافق دخلنة بالاستقبال سديت الباب

- رغد خلينة نحجي اشوي لخاطر الله ترة انتي والله ضالمتني ...
- من الاخير خلي احجي قبل ما نمهر قيصر لا اتفكر راح اصير الك مرة لو حتة بكلمة نمهر انخلص ارجع للامارات قبل الزواج باربع ايام اجي مجرد ما ايخلص العرس ارجع اسافر ست اشهر اتخلص اشلون ما كان وبعدهة ننفصل وابوك الله ايرحمة عندك استعداد اسوي هذا الشي اصير الك ممنونة ما تگدر ابكيفك .
- انتي تحجين صدگ ؟؟!! رغد والله احبچ واريديچ والحجي الي حجيتة...
- قيصر ما ايهمني الي فات لان من الاساس اني نسيتك وبديت حياة جديدة واصلاً اني احب واحد ثاني واتاني انفصالنة علمود اگدر ارتبط بي يعني بين قوسين جاي استغلك علمود اگدر اوصلة لان اذا ازوجني شنو اگلة والله جنت امصاحبة لو شنو .
- اها اسف حسبتچ ما مرتبطة انشالله ايصير الي اتريدي والله ايوفقچ انتي ويا واني قابل بكلشي ما دام هذا الشي ايريحج .
- شكراً وبعد شي ياريت اتبرر عذر لعمو علاء لان ما مقتنع .
- عوفي موضوعة علية .
- تسلم صدگ نسيت اگلك مبروك فوزك بالانتخابات انشالله ارتاحيت هسة بعد شنو اتريد اصير رئيس الوزراء ؟؟ عن اذنك .

عفتة وطلعت قيصر العصر جابو الشيخ وسو حفلة اصغيرة لان ما قبلت كلش بعذر امي ميتة اني لابسة اسود وحتة ما قبلت اروح للحلاقة ودع هية مكيجتني مهرنة وخلصنة نفس الكلمات ذكرني بأول مهر النة وبدايت تعاستي
بنات علاء جايبات كيك وعود ايوكلني واوكلة ويلبسني حلقة ومن هل حجي عيني ما حطيتهة بعينة من گد ما كارهتة خلصت الخطبة والمهر او المسرحية التمثيلية الي للاسف ما گدرت ااديهة وشكلي چان فاضحني وفاضح رفضي لقيصر والكل انتبه للموضوع حسب رجعت للامارات ارتاحيت يوم وثاني يوم رحت للشركة اول ما دخلت للمكتب اجاني ابونوار بس شكلة معصب وضايج مني كلش اني استقبلتة وگعدنة

- وش صار معاچ بشغل بلعراگ ؟
- الحمدلله گدرت اكمل الشغل وقبل الوقت بعدهة ...
- ما ايهمني وش سويتي .
- خير استاذ خو ما صاير شي مو طبيعتك اتعاملني بهل الاسلوب ؟!
- كنت معتبرك انسانة محترمة وگدرتك وثقت فيچ بس طلعتي مو گد الثقة..
- هوب هوب شنو مو محترمة ياريت اتقدر كلماتك من تحجي يا استاذ .
- الة انك مو محترمة ونص اني الي وثقت فيچ وجعلت نوار معاچ تاليهة تخلي ايحبچ ويبي يتزوچ انة اعرف شغل الحريم هاذ شفتي رجال  طول بعرض والاهم من كل هذا عند فلوس وطمعتي في ...
- كلمة ثانية اذا سمعت منك راح اشوف تصرف ما ايعجبك وهذا الخرابيط الي تحجي ما عندي عنة اي فكر لا اني باوعت على ولا حطيت عيني علية وعلمود اثبتلك هذا الشي باوع على ايدي اني مخطوبة وماهر واشهر وازوج نوار بس اخ وصديق الي ومن الاساس عمري ما اتقربت الة لان اني احب شخص ثاني يا ابونوار اتگول للمحامي ايجهز اوراق فصخ العقد الي بينة گعد بهل مكان ما الي .
- انتضري يبة انة اسف اعذريني ساعة عصبية .
- شنو عصبية الحجي الي حجيتة لو اشتكي بي عليك اغرمك والله بس لخاطر العشره بس اكتفي بس بالاستقالة .
- اذا نوار عرف انتي طلعتي من الشركة مستحيل ايصدگ فيچ انخطبتي .
- شنو اتريد مني .
- مستعد اعوضچ عن كلشي بس تبقين الحين في الشركة ابيچ انتي تگولين لنوار انك مخطوبة وبعدهة انتي تامرين .
- هذا الشي مو علمودك بس علمود نوار ياريت هسة تطلع برة لان صوتك يزعجني صراحة .
- اتقبلهة منچ لانك مقهورة مني يبة ياريت اتقدرين موقفي انة ابي ازوج نوار لبنت احد منافسين عشان ينضم اسهمهم معانة .
- هذا الشي ما ايبرر الاهانة الي حصلتهة ابد .

طلع جبحلة نرفزني والله لو ما نوار چان طلعت من الشركة صح اني گلت للكل اني احب نوار بس هذا الحجي چذب بس ردت اقهر قيصر واوضح للبقية انو نسيتة وصراحة اني انقهرت من عرفة نوار حاچي وية ابو وهسة عرفة ليش هو بالكويت لان ابو امعاقبة  وما ايريدة ايشوفي گبر شنو من ابو هذا ... ورة يومين رجع نوار من الكويت وسمعت بي رجع اتوقعتة راح يجي لمكتبي طبعاً ابو ما گايلة انو اني مخطوبة اول ما دخل گمت اني بأبتسامة صدگ مشتاقتلة

- هلة والله بنوار اشلونك شخبارك ؟
- هلة رغود وشلونك عساچ بخير موت مشتاقلچ.
- وحتة اني عندي الك مفاجئ ما سولفتهة الك بتالفون .
- وانة ودي اتكلم معاچ بموضوع.
- موضوعي اهم من موضعك انة الاول .
- اوكي.
- قبل مو جنت تسلني اذا احب شخص او لا اليوم راح اجاوبك اني جنت احب شخص من اني بأخر ايام بالجامعة وبقت علاقتنة 3 سنوات بعدهة انفصلنة لاسباب خاصة و سفرت للعراق خلتنة نالتقي من جديد واجة خطبني من بابة واخيراً بابة وافق وعقدنة اني ويا نوار ما تتخيل فرحتي من رجعت شفتة بعد كل هاي المدة

نوار : انة كنت ناوي اتكلم مع رغد عن موضوع خطبتي وخاصة بعد ما وافگ الوالد ماصدگة حجزت بگرب طيارة وييت على ويهي تكشخت وتبخرت ورحت للشركة شفت الفرحة بويهة رغد كنت حاسبهة على شوفتي گلت حمد لله مزاجهة طيب الحين اتكلم معاهة بموضوع الخطبة الة هية فتحت موضوع كسر گلبي  ما اعرفة ويش اگول ابارك لهة لو اواسي نفسي ليتني بگيت في الكويت ولا ييت وانكسر گلبي

- نوار شبيك ليش ما تحجي على الاقل باركلي ضوجتني .
- الف مبروك عن اذنك عندي شغل.
- شنو الموضوع الي ردت تحجي وياي بي ؟؟
- مو مهم عن اذنك .

طلع نوار كلش انقهرت علية بس لازم هيچ اسوي علمود ينسة موضوعي ومرت الايام نوار گدرت يتأقلم وية والوضع بس اني سافرت للعلاج بأمريكا علمود اعالج الادمان الي عندي واخذت علاج طبيعي الكورس الاول الي يقارب الشهر ونص وبعدهة يبدي الكورس الثاني الي اعتمد بي على روحي  اصعب شي فترت العلاج شفت المر قاربت للانتحار بس الحمد لله گدرت اتجاوز هاي الفترة من رجعت للامارات طلبت انزل رتبتي كمبرمجة عادية لان الدكاترة منعتني من التعب هواي و ابو نوار اتفهم الوضع و گتلة بس فترة وارجع لان تعبت وعين نوار مكاني وهذا الشي اني اقترحتة علية وگتلة اني اساعدة بالشغل ونوار خطية ضل ايعاملني كصديق بس مرات احسة بنضراتة ألم وحزن بس شسوي عدلت اسلوبي وية الموضفين وگدرت اكون صداقات  تقريباً رجعت لشخصيتي القديمة قبل ما اعرف قيصر الادمان دمرني وسوة عندي اكتأب حاد بهذيج الفترة اكثر شخص فرح برجعتي هو بابة ما مصدگ انو اني رجعت مثل قبل بس اهناك الدكاترة حذرو من اي شي ايضوجني گتلة طاري قيصر هو الي اينرفزني وايرجعني لحالتي ما انكر اني ما اگدر انسة الي سوى بية بس مو مثل من اشوفة او احد يحچيلي عنة ..
------------------
مساء الخير لكل متابعيني احبكم هواااي 🥰.
اني ما مغلسة على القصة بس گلت الكم عندي امتحانات  ..بس هم ميخالف علمودكم كتبت هذا البارت بعد اريد تشجيعكم الي علمود اكمل ورايكم بالقصة اهم شي
En.Zahraa