رواية القاضي و الشاهدة الفصل الثامن والعشرون 28 - بقلم شامخ

- مو بس انتي تعبتي شنو چانت حياتي بلياچ مجرد شي روتيني وشغل وتعب واذا اريد اسأل عليچ مالي وجه بعد الي سويتة وضليت بس احرگ بروحي واللوم كاتني ....
- قيصر سد هذا الموضوع الله ايخليك كافي بس مجرد اذكرة اختنگ .
- يعني من اسد الموضوع شنو راح ايصير بالمستقبل مو اذا ما نتفاهم راح نتفارگ.
- الفراگ بينة احسن الك والي وبالنسبة لجنان انت وصلهة خبر علاقنة بس على ورق .
- ماراح اعتبر هذا اخر قرار فكري انتي بموضوع وما مستعجل على الرد بس الي اتمنى انچ اتفكرين بالموضوع وحاولي اتحطين روحچ بمكاني ولو مرة وحدة .
- الاكل راح يبرد ارد اعشيك واروح اتعشة .
- اتعشي وياي اعتبريني نوار .
- هههههه انت اجيب روحك وية نوار !
- وليش عيني خاف مو رجال بعينچ😡؟؟
- نوار هو سبب الي خالني ارجع اتفائل بالدنية وهو الي زرع الابتسامة من جديد على وجهي ام انت فما يحتاج احچي بعد اصلاً مرات اني اعزمة بس علمود اغير مزاجي .
- لا اتقارنيني بنوار يارغد لا قسم بالله...
- اي شراح اسوي بالله ؟

راد يگعد بس ايدة مخيطة موتت فرجع لمكانة وجهة ظل ينطي الوان لو ما اني يمة چان صرخ

- قيصر اصيح للدكتور ؟

جرني من ايدي وشبگني ردت اوخر

- بس ايروح الالم وخري .
- مسكن الم اني !
- البارحة متت من الوجع بس من شبگتچ راح وجعي ونمت.

سكتتوبقيت على هذا الوضع الى تن انفتح الباب و اني طفرت منة چانت امة وجهي احسة گب نار من الفشلة

- ها يمة اشلون صرت ؟
- قيصر: الحمد لله اني زين ما طول رغد يمي .
- امة: حچيت وياهة؟
- قيصر: لا مو وكتهة.
- رغد: عن اذنكم ..
- قيصر: وين؟!
- رغد: ارجع للبيت.
- امة: لا يمة وين رايحة اني وعلاء وابوچ رايحين لان من الصبح طالعين وهسة تجيچ ودع وانتي وياهة تبقون بالمستشفة يم قيصر وانت مو فاح بس ...
- قيصر: الله وياچ يمة روحي وحتة لا تجين .
- امة: خاب تبقة اغم اهمدك بعدك ما ضايگهة وهيچ اسوي بيك.

عافتك وطلعت ودخل كمال وعلاء سلمو علية وهم طلعو

- المشكلة ضگتهة يايمة .
- قيصر امك على شنو تحچي😒؟
- هههههه ولچ مابية اضحك .
- على شنو تضحك ؟!
- اتگلي اسگم مرتك .
- يعني شنو؟!
- ولچ عوفيني اهية من مساع اخذتلهة ساعة تحچي وياي شنو انت قابل اسافر وشنو هية وحدهة تبقة وحددو العرس .
- اها وصلت انت اتفاهم وية امك امة على العرس فيبقة يمك يعني بس اشوف روحك زين سوي العرس ما عندي مشكلة عسة ما باچر .
- صدك ؟!
- اي والله وياريت اتقدمهة .
- يعني اتقبلين تزوجيني باجر .
- اي بس مثل ما متفقة وياك لا ايروح بالك لبعيد.
- اشتعلو صفحة اهلچ جان خليتيني فرحان.
- النعمة چانت بيدك انتة الي رفستهة.
- اووووف تعرفين اكثر شي ندمان علية هية الايام الي خلصتهة بدونچ وانتي على ذمتي .
- تعرف شنو جنت اسوي اني بهاي الايام خلصتهة كلهة احلم ليمتة تعترف بية وليمتة اتگول هاي مرتي هم مرة فكرة تعترف بية لو على گولتك بس نزو جنت .
- قسم برب العباد چنت مرات اوصل اگول راح اعوف كلشي علمودهة وانتي مو نزوة انتي عشگي يارغد انتي الي رجعتيني للمراهقة الي ما حسيت بيهة من عدت .

ارد اروح بس رجلية ما اطاوعني كلش وكلتة وخلصت وگعدت على  كرسي يمة هوة نام بقيت على نفس الوضع الى ان اجت ودع گعدنة انسولف اني وياهة

- اگلج امچ اشبيهة وياي اشو اسلوبهة هواي اتغير ؟!
- هههههههه امي خليهة بعالمهة الوحيدة الي كاسرة خاطري بالموضوع.
- ولچ ياكاسرة خاطر  اتباوعلي بعين ونص!!
- طبعاً مو هية هههههههه.
- هية شنو؟!
- حسبالهة انتي البارحة بايتة برضاج يم قيصر يعني كعلاقة...
- لا اكيد تشاقين😳.
- والله هههههه ولج انتي گايلة لمي الصبح البارحة قيصر نايم يمي وگعدت من النوم لگيتة مدمة .
- خرب حضي ولج شنو ابرر شنو اگول من خل يرتاح استاذ قيصر هسة .
- ههههههه امي اتگلي يعني ما ترتاح الة اتعبة واذا اتريدة ما تزوج واتفضهة ليش اتأجل😅.
- 😱وين واصل التفكير وية امچ خرب ودع شسوي هسة ؟!
- خلي اكمل ولج بعد ..
- حبوبة كافي فشل😞.
- امي جاي تضغط على قيصر علمود ايرجعج للعراق هية ما تدري باتفاقية الي بينكم.
- وضحت الصورة مساع گالتة بس ما فهمت هاي مشكلة قيصر مو مشكلتي هوة ايدبرهة .
- صدگ البارحة شصار اني ما فهمت شي قيصر طلع گال عندي شغل حاولنة ويا گنالة رغد جاية گال عندي شغل ولا احد يدري رايح علمودج !!
- اف البارحة صار فلم وصلت لمطار بغداد انتي تدرين بزدحاماتة اني اتلگاني صاحب قيصر من الجنط اخذهم ومن باب المطار صعدت بسيارة وياهم گلت ما اريد اسوي بلبلة والصراحة مالي خلگ اجرائات روتينية المهم اني صعدت ورة ودگ علية نوار ظلينة نشاقة هواي  ما انتبهت على الطريق بالبدية بس بعدين شفت السايق وصلني لمنطتي بيتي بغداد استغربت سالتة گال اوامر من قيصر وهذا الحجي اني احجي وية نوار وضحك فگطعت الخط من نوار وصلنة للبيت جان انزل واشوفلك قيصر گاعد بالصدر مال سيارة وجهة من العصبية ما يتفسر..
- صخام😱.
-ولج سويت روحي ما مهتمة بس رجلية من شفتة ضلو ايرجفون واخذني عت وصياح اعتقد بيهة اتأذة جرحة من دخلت للبيت احس واحد وفصلني عن العالم ودع البيت الواضح قيصر مشتري وامخلي كلشي بالبيت على حطتة حتة نفس البخور يعني من اگلج كلشي حتة الشكر والبهارت والزاهي ويعني صراحة حنيت لبيتي دخلت لغرفتي وعفت قيصر ايصرخ بقيت بيهة اشوية نزعت سترتي وحذائي ونمت ولثاني يوم گعدت ولگيتة نايم بصفي بس يا ودع استغربت ولج انتي تدرين بية اني انام كم ساعة نايمة من ١٠ تقريباً الى السبعة الصبح نومة وحدة ...
- طبعاً غير قيصر بصفچ😜.
- بايخة ترة المهم عود سويت روحي قوية وخرتة هذا حتة ما اتحرك رحت اغسل رجعت لگيتة على نفس الوضع وانتبهت على الگاع بيهة دم رحت على قيصر لگيتة فايض بدمة وغمي علية وجبتة للمستشفة .
- ولچ همزين ما مات وامي حسبالهة امسوين اشياء🤣  طلع صاير وياكم فلم .
- امچ اتخوط بصف الستكان.
- اگلج انتي ما اضوجين وحدچ اهناك؟!
- الصراحة كلش اضوج بس ما اريد ارجع.
- اتخافين اترجعين لقيصر مو؟
- امشي نحچي برة هذا هسة يگعد على اصواتنة وايضل يحجي .
- نايم ما يدري
- شوف هاي ايموت اذا نايم واحد يحجي يمة ايضل ايصرخ.
- بعدج حافضتة!!
- للاسف

طلعنة وگعدنة بالكافترية مال مستشفى

- اي احچي يا ست رغد شو احسچ اتخربطت عندچ الاوضاع.
- لا ما اتخربطت بس اني تعبت من الشغل وخاصة هسة جسمي محتاج راحة ما شايفتني اشگد اتعب واخاف ابطل وامل واذا بطلت بابة ما ايعول علمود يرجع للعراق والرجعة صعبة ما اريدهة .
اصدگين نزلت روحي من مديرة لعاملة بس علمود ما ارجع للعراق ولو تدرين العروض من بقيت الشركات الي حسبالهم معاقبة من ابو نوار .
- صار عندچ تشبع من الشغل كافي رغد جاي اضغطين على روحچ.
- ادري والله وحتة نوار يدري وحاچيتلة هذا الشي گتلة ما اگدر اشتغل واذا ابطل راح ارجع للعراق فهوة متفهم موضوعي .
- وقيصر؟!
- اشبي!!
- حچة وياچ ؟
- انتي تدرين من البادية ؟!
- لا والله هسة دريت اتعاركت ويا علمودچ وسولفي كلشي بس رفض اني احچيلچ گال هوة ايريد يحچي وياچ وحتة ابوج يدري .
- اي بابة جان ايلح علية ايگلي انطي فرصة ايبررلچ بس اني ما اقتنع.
- من حجة وياچ شنو قررتي؟
- ودع الموضوع مو بس مسألة الطلاگ وانتي تدرين قيصر اشلون چان ايعاملني قبل حتة لا تدري جنان جنت والي حصلتة من علاقتي وية قيصر بس الله يعلم بي .
- تذكرين قبل نصحتچ ما ترتبطين بقيصر لان چنت اگول علاقتة بيچ مو جدية بس هسة اني انصحچ تنطي فرصة مو لان اخوي وسبق وگفت ضدة وانتي تذكرين ..
- فرصة!!!
- اي رغد جربي تنطين فرصة والله قيصر مستعد ايسوي اي شي علمودچ جربي شرطي علية اي شي تدرين شنو گالي اذا اتريد استقيل من البرلمان واعيش وياهة بالامارات بس خلي تنطيني فرصة ... قيصر ايضحي بنصب استغربت بصراحة .
- سدي الموضوع.
- رغد قيصر ما دمرج بس انتي حتة اني هم دمرني اني ما مسولفتلچ بسنة الثالثة اتعرفت على ولد حبيتة وحبني من استمرت لاقتنة الى ان اتخرجنة الولد اجة اتقدملي قيصر رفضة وهانة وهان عائلتة حچيت ويا اني گتلة قيصر الولد احبة واريدة اتعرفين شنو جاوبني... گالي انتي امصدگة هذا ايحبچ هذا طمعان بيچ لا اكثر من ساعتهة ابتعدت عن قيصر حتة سلام ما اسلم علية.
- واتريدين ارجع لهيچ رجال!
- خلي اكملچ ورة طلاگة اجة قيصر للبيت وصعد لغرفتي گعد گالي ودع بعدچ كارهتني علمود ذاك الموضوع؟ اذا اتريدين اتعرفين ليش رفضتة وهنتة عادي اسولفلچ هسة ...
صراحة استغربة لان اشگد لحيت علية ما قبل فگال
الولد مو وياج من السنة الاولى ليش بالثالثة يلة باوعلج ما سألتي روحچ .. اتعرفين اهلة ويامن يشتغلون اخو بالاخص يشتغل عند ابو جنان وجنان ودتة بس علمود اذلچ لان هية درت بعلاقتي وية رغد وعرفت انو انتي واسطة الي بينة فرادت تنتقم منچ امة هذا الي اسمي حبچ وخرابيطچ كلهة چذب واذا ما اصدگين هذول صورهم هوة وجنان واخو وهسة هوة مزوج بغداد ويشغل لجنان يا خوية اني حميتچ منة..
طبعاً ما صدگت شنو جنان شنو رغد گالي الموضوع كلش جبير يا ودع لا تدخلين بي يجيچ يوم واتعرفين تفاصيلة بس يا بعد اخوچ كافي جفة ترة والله ضاكة الدنية بعيني.
- ادري شنو هل جنان محد ايوگفهة عند حدهة؟!
- قيصر عندة ٢ بنات منهة ما اريد يجرحهم وعاد اشلون بنات تربات جنان بس هم يبقون بناتة.
- ويعني انتي ما اتعرسين علمود هذا الافندي؟!
-😅.
- ولچ امشوي وياي للامارات اخليچ تاخذين اماراتي صاك احسن الج.
- ما اخذتي انتي.
-وليش اني مثل بقيت البنات وايحقلي ازوج .
- اصلاً وين يلگون وحدة مثلچ .
- هم صحيح قنعتيني .
- شحسبالچ😎.
- اگول تنطمين واسكتين احسن الج جماليش اصلاً جنت اخوف ولج كلهة تكرهني الحمد لله ما انطوني منع😂.
- رغد ليمتة اترجعين ؟
- ما ادري احتمال بهل الاسبوع علمود خطبت نوار .
- ها راح يزوج؟!
- خاف صدگتي اني احبة ولچ ردت اضغط قيصربس .
- ملعونة ولج قيصر مو مضغوط منة قيصر مجعوص وممرود 😂.
- طبة طوب امشي نرجع يمة لا يگعد وايريد شي.
- ها اتخافين علية😏.
- لا ما خاف بس بقونة يمة اني وياج ايموت وايروح واحنة ما ندري وتجي امچ اسوي افلام علينة.
- هههههههه امشي يلة

رجعنة للغرفة لگينا نايم  بقينة نسولف الى ان اجت امة فستأذنت ورجعت لبيتي اخذوني الحرس وثاني يوم جبت سويت ريوگ واجيت الصبح فدخلت لگيت علاء والحجي ودع متمددة والواضح ما نايمة وقيصر هم گاعد من شافني ضحك بوجهي ضحكة طفل شايف امةگعد ودع ومدينة سفرة وصبيت صينية وگالو اتريگي انتي ورجلچ واني من البارحة متحلفة بي وبمك والله الة اجلطهم اليوم  گعدت يمة فگتلة بصوت مسموع

- قيصر ليمتة تگدر اتسافر؟
- ليش؟!
- علمود انسوي اقامتك بالامارات.
- اقامة!!!
- شنو نسيت مو اتفقنة انسوي الاقامة حاف اتأخر ما اجي شي .
- امة: اقامتيش يمة فهمينة😒.
- قيصر بصوت ناصي: رغد ستري علية وسدي الموضوع.
- رغد : بسيطة انت وامك متفقين علية ...
- امة: شجاي تتبسبسون؟
- رغد : لا خلة ماكو شي ... الاقامة بالامارت لقيصر اتخلي يدخل ويطلع بسهولة بالامارات.
- امة: اي اعرفهة بس ليش ايسويهة؟
- رغد : يعني خاف ايصر عندي شغل شي وما اگدر اجي فهوة يجي هيج يعني نتفاوت باروحة والجية.
- قيصر: كملت السبحة😓.
- امة: صلوات يمة ليش انتي ناوية تبقين اهناك؟
- رغد: اي اكيد منو گال ارجع اني عندي شغل ما اگدر ارجع وبعدين اني متفقة وية قيصر من البداية 😏.
- ودع : 😂😂😂😂😂.
- امة: اني لو بس اعرف قيصر ليش طممة گبال النسوان چان ارتاحيت.
- علاء: خاب قيصر اكلت خرة يابعد اخوك سوي روحك مغمي عليك قبل ما تبدي امي عليك الهجوم.
- رغد: شنو الموضوع اشو احس حچي ما عجبكم ليش قيصر انت ما گايلهة؟!
- قيصر: ولچ سكتي هسة لو ادري بيچ اتريدني جان اتحملت بس اتريدين اسويلي فتنة.
- رغد : عن اذنكم ارد اروح للحمام ودع تجين وياي .
- ودع: اي اجي😂.

طلعنة من الغرفة واني ورغد متنة ضحك بالممر

- ولج والله دگة ناقصة 😂
- هسة امچ اشرشحة اشرشح .
- اشرشحة! ولج راح ادمرة  وانوب وياهم علاء يعني راح ايذب على النار بانزين حللل
- اني اعلمة منا ورايح اذا ما ادبتة اشوفة يصبر علية.
- والله يصبر ويتحمل واشوفي.
- ذمة لا اتگوليلة.
- اكيد والله ما احچيلة.

رجعنة وبالباب سوينة روحنة ما نضحك واحنة شكلنة كاشفنة  وخاصة صوت الحجية واصل لنهاية المستشفة ويه اصيح علية اسمعهة اتگلة( ولك بس فهمني شمسويتلك تخنس اگبالهة بس هية حلوة بالدنية ولك انت مو رجال خاب يابعد شليلي اذا تاخذهة حتة اماعين تغسلهة وتاليتك اتبوس برجليهة )
- يمة هسة هية خلي ترضة بية واني مو بس رجليهة اغسلهم حتة الگاع الي تمشي بيهة ابوسهة بس خلي ترضة علية
- اشلللللون ياعد.... ولك انت اخري هسة لو ما اعرف البينة چان گلت منايم وياهة ولك ليمتة عرفتهة ليمة ردتهة ولك انت شنو بين الزلم خاب امدني لان جبت هيچ اغم مثلك.
- يمة اعشگهة ومستعد ارضة بالليلة وياهة كل شهر بس ترضة هية.

من سمعت حچية وية امة فطر حسيت الندم بصوتة اووف چا اشگد ولهان قيصر وهيچ يحچي وين موصلة الشوگ دخلت ودع ودخلت وراهة اباوع على الحجية ودهة تكتلني گعدت على جرباية قيصر هوة ضل ايباوعلي ويتبسم عيني بعينة واذكر حچية اشلون ايگل لمة مستعد ابوس الگاع الي تمشي عليهة بس ترضة

- امة: رغد يمة ما ايصر تبقين وحدچ بالغربة لا الناس ترحم ولا الله يقبلهة عايفة رجلج وحيتة وهوة ايحبچ وايريدچ وانتي بديرة وهوة بديرة .
- قيصر وعينة بعيني: يمة لا تحچين وياهة بهاذة الطاري بعد ابكيفهة هية شنو اتريد اسوي.
- رغد : الله كريم خالة ما اتعرفين شنو ضاملنة باجر ايجوز احصل شغل بغداد واجي.
- قيصر: صدگ؟!!
- رغد: اي ليش لا😊.
- قيصر : مستعد افتحلچ مشروع وحدچ بس تعالي.
- رغد: افكر 😜.
- امة: اي هسة هذا خوش حچي.
- علاء: ولچ ام اللسان خوش ضابة قيصر امخليتة محبس بيدچ.
- رغد: والله ما مسويتة شي اذا ما اتردوني والله من باجر اختفي وبعد محد ايشوفي ونفصه الخطوبة ولا چني موجودة.
- علاء: علمود ايموت روحة المراهق بأشواط الاضافية .
- قيصر: ولچ ومحمد اعشگچ ومستعد اصرخ اگبال امت الاسلام احبچ بگد الكون .

احس وجهي گب نار من الخجل والله انوب حچاهة اگبالهم ما عرفت شنو ارد فشلني كل الي گتلة عن اذنكم ارد احچي وية ابوي
وطلعت وبوجهي صارت مراية وشفت وجهي مثل الطماطية والله فشلة مالي وجه اباوع الهم دخلت ورة دقايق اخذت جنطتي چان گال

- وين رايحة؟!
- ارد اروح اشوف باية وبعدين اجي.
- ابقي يمي.
- علاء: ولك تستحي انت ما تفتهم اذا حضرتك جنك جاهل اصرخ احبهة احبهة وگبالنة .
- قيصر: ما امچذب اني.
- امة: يمة الله ايهنيكم ما انكيف احنة اهم شي راحتكم .
- علاء: يمة اذا اتريدين راحتهم عوفيهم وحدهم وطلعي بين قوسين خلي نشطح .
- امة: والله اني تعبانة وبايتة اهنا ارد ارجع ارتاح اني ودع البارحة مامت كلش .
- علاء: ياله امشي اوصلچ واخذ كمال انريد نفتر اني ويا.
- قيصر: رحم الله من زار وخفف.
- علاء: ادري بيك اذا ما انروح تطردنة.

والله لو الگاع طامتي احسن من هل الفشلة ايبسمرون بية ودع غمزتلي وطلعت وطلعو عافونة
———————
اسفة على التأخير بس سويت عملية وما اگدر اكتب بالتليفون كلش ذيچ الفترة وممنوع ادنگ هسة يلة گدرت اكتب وهم عذروني على الاخطاء الاملائية البارحة شلت الخيوط اسفة والله😓
En.Zahraa