رواية القاضي و الشاهدة الفصل التاسع والعشرون 29 - بقلم شامخ

سويت روحي الم الاكل اهوة گاعد على الجرباية وايباوع

- رغد مساع حچيج وية امي صدگ لو اگبالهم؟
- لا بس اگبالهم😌.
- اصدگين حسبالي صدگ خوش اتعرفين اتمثلين صايرة بحيث حتة اعيونچ الة اشوي چا صدگت بعدچ اتحبيني نسيت نوار.
- نوار!! شبي؟
- حبيبچ ما اعرف اشلون اطلگچ واخليچ اتروحيلة.
- نوار واني ما بينة شي بس صداقة واذا انت صرت زين انروح اني وياك لخطبتة بعد اسبوعين.
- يعني انتي ما اتحبي وچنتي اچذبين علية؟
- اي مو بس انت اضوجني تذكر بيوم گتلي انت اتحب جنان واني غلطة نفس الشي عدنهة عليك.
- ههههههههه يعني بعدچ اتحبيني وما حبيتي غيري.
- اگلك لا تتوهم وبعدين انت ارتاح ما اشوف روحك مريض .
- اني اكثر واحد مرتاح بدنية هسة .
- اشلونهة رزالت امك 😂 علمود مرة ثانية من اتگلك سوي شي لمرتك اتگلهة مو ابكيفي😂.
- اي عمي خليتني وصلت مسح مساع منو گالج ماكو غير ودع اكيد گالتچ على البارحة مو ؟؟ اتگلي يمة ما ايصر تاخذ البنية لازم تصبر وهية اشدعوة عليهة مفلفلة هههههههه هية ما تدري بضيمي.
- انت السبب خليتنة موقف مو حلو وصدگ قيصر البيت ارد اشتري منك .
- البيت وراعي البيت تحت امرچ اذا اتريدين روحي ابيعهم .
- بيش اتبيعة علمود اگدر احولك الفلوس.
- ابيعهم بس بضحكة منچ اتوفي  رغد انطيني لعلاقتنة فرصة اخيرة اني احبچ وانتي بعدچ اتحبيني وعيونچ فاضحتچ لا اتكابرين اكثر.
- اخاف ... انت اتخوف مصحتك فوق الجميع ما تهمتهم لا لحب ولا لبيت اهم شي مصلحتك هاي وحدة وثانية گلبي بعد ما يتحمل كسرة ثانية لان الاولة دمرتني الثانية اكيد اموت بيهة.
- اني مصلحتي بس انتي لا الدنية والمال بعد ايهمني تعرفين شنو امنيتي بالدنية بيت بي اني وياج انعيش بي العمر كلة انام بحضنچ اغفة على عطرچ اللعب بشعرچ الي اعشگة رغد وانتي بعيدة عني اني ميت صدگيني.
- قيصر لا تضغط علية اوعدك افكر بس انت دير بالك على روحك هاي الفترة.
- يعني موافقة😍؟
- هههههه گتلك افكر .
- لا التفكيرة اعتبرهة موافقة🥳.
- 😂😂😂.
- ليمتة العرس انسوي شنو رايچ انخلي بس اطيب علمود بحيلي اعوضچ عن ذيچ الفترة.
- ليش مو گلك راح اخليك اجيسني😒 اذا انت نسيت فاني لا اذا انطيت فرصة للعلاقة مو معناتهة سامحت الفترة ذيچ لان اذا عذرت على فترة الي عرفت بيهة جنان بس القبلهة لا ياروح رغد الة اطلعة من اعيونك.
- موافق .
- لا الواضح الوضع عندك صدگ ميؤوس منة هسة اني لو شما اشرط اتوافق؟
- اي اوافق .
- قيصر تعرف اشگد ضيعنة من عمرنة واحنة بعدين واحد عن الثاني كلة بسبب طريقة زواجنة لو مزوجين مثل البشر جا هسة ابنة يمنة ما ندمان على الطفل الي طيحتة ؟
- لا اذكرين الندم كاتلني انتي تدرين بية اشگد اتمنة الولد وايجوز الطفل ولد واني السبب .
- على العموم خلي اسد المواضيع لان ما اريد افتح الجروح خليهة احسن باجر ارد اروح للبصرة .
- ليش؟
- عندي شغل وارجع ورة يومين .
- وابوچ ؟
- ما ادري اذا ايروح او لا بس اني عندي شغل .
- تمام باجر اخلي الج سيارة تاخذج واجيبچ.
- ما يحتاج اروح بطيارة ومناك ادبر روحي.
- لا اخاف عليج جنان عينهة عليج بس خلي اوگفهة عند حدهة .
- تمام مثل ما اتريد ..قيصر شنو سويت وية حسين ومنار؟
- ادبتهم الج هذا المخنث خليتة اذا ينجاب طاريچ يبچي والله .
- اي سويتلهم  لان صدگ اذوني وكلش قهروني.
- وداعتچ خليتة مو زلمة ومالة حچاية اتلذذت بتعذيبة وهاي منار الگ... حرگت بيتهة ورجلهة قبل فترة يلة عرفتة مسجون وليهسة مسجون يمكن ضلت اجدي هههههه العار اتعيرچ واتگلچ مو شريفة علمتهة الشرف اشلونة الكلبة .
- يعني اذا اروح للبصرة من اشوفهة ارتاح؟
- اصلاً راح تكسر خاطرچ😂.
- لا والله لو اشوفهة تحترگ اگبالي ما انقهر لان على گد الاذية الي شفتهة منهة وجرح بالحچي الي حصلته منهة ومن رجلهة  ايگلي ما ايشرفني مرتي تمشي وية وحدة مثلچ.
- اني ما ايشرفني انتي تحچين وية وحدة مثلهة واتنزلين مستواج الهة .
- اساعدك تمدد.
- اي والله ياريت .

حطيت ايدي جوة ضهرة وبديت انزل بي اشوي اشوي الى ان طبگ ضهرة على الجرباية حسيتة اللچم جرحة لان عصر ايدي حيل

- اتأذيت؟؟

قيصر: وجهي بوچهة وايدهة جوة ضهري تسألني اذا اتأذيت شنو اتأذيت ولچ عطرچ دواي رادت يمكن حست على روحة رادت اتوخر رفعت ايدي وسحبت راسهة الي صارت انفاسنة وحدة وعيني على اشفايفهة الي عطشان عليهة اباوع على تفاصيل وجهة مشتاقلهة

- ققيصر اشج...

ما اتحملت سحبتهة وبستهة حتة وجعي نسيتة مشتاقلهة بگد الدنية اوووف اشگد احبهة

رغد: هذا جاي احچي ويا اشو سحب راسي وخلة وجهة بوجهة نضراتة الي چانت كلش مو مريحةبحيث كلش ارتبكت ارد اوخر بس ايدة لازمة راسي واخف ادفعة روحي ويتأذة ردت احچي ويا ما حسيت الة بايسني حاولت اوخر منة بس ماكو فايدة اخر شي استسلمتلة بس طفرت على فتحت الباب دخلت المضمدة هية طلعت مباشرة جريت نفس

- اتاحيت هسة 😡.
- من احترگو عشيرتهة اجابهة ولچ استوچ...
- بسس بس بعد ما اجي للمستشفة منا الى ان تطلع والله .
- والله لو صاحي ما اخليچ حتة نفس تاخذين .
-😡 اني وين وانت وين ...
- اووف مشتاقلچ والله ادري عسل لو اشفايف .
- صدگ راح انجلط .

اندگ الباب ودخلت وجهي ما يتفسر من الفشلة چان اتگول

- اسفة اذا ازعجتكم بس لازم انطي علاج للمريض .
- والله وكتچ كلش مو مناسب .

من سمعتة عفتة وطلعت احس وجهي گب من الفشلة وهوة يشاقة دگيت على ودع گتلهة راح اروح خلي احد يجي يم قيصر
- اتعاركتو؟
- مالي خلگ احجي اخوچ الما يستحي بس اختصاص ايفشلني.
- ولج شكو اشصاير 😂.
- ما صاير شي رايحة البيتي اني.

رحت لبيتي وثاني يوم سافرت للبصرة بابة اجة وياي لان گال ايريد ايشوف جماعتة هناك طبعاً الطريق كلة بابة ايحاول يقنعني نبقة بالعراق وگال اذا اني ما ارجع هوة راح يرجع على اساس هوة ميت على الرجع بس ايريد يزوج عمو علاء قنعة ومرتة لاگيتلة مرة وايگلي تعالي حسبالة اني ثولة ما اعرف ليش مقهورة واني الي حچيت وية عمو علاء ايقنعة احسة نسة امي گتلة ما ارجع وابقة هناك حتة بعد الزواج هوة ضاج بس ما اهتميت وصلنة للبصرة ارتاحيت بنفندق وبالليل اجو مدرى فرع البصرة فجتمعنة على موعد عشة شغل ومن صبح اليوم الثاني رحت للشركة رجعت ب٣:٠٠ گلت لسايق ايوديني لبيت اهل منار دگ الباب هوة واني بالسيارة سألهم اذا منار موجودة او لا گالولة منو اني نزلت من السيارة اول ما شافتني امهة وجهة ضل ينطي الوان

- سلام عليكم  هلو خالة اشلونچ اشلون صحتچ انشالله بخير؟
- رغد !!
- اي خلة ما عرفتيني !
- شنو اتريدين؟
- ماكو اتفضلي ؟
- شنو اتريدين خالة بعد ؟
- ما اتوقعتهة منچ خالة عود انتي الي ربيتينة ..
- اشوفچ جازيتي الربة .
- خاليني ادخل خالة جوة نحچي .

فتحت الباب ودخلت گعدت بالصالة

- ليش هيچ رغد اسوين بمنار نسيتي الخبز والملح الي بينكم .
- منار موجودة ؟
- لا راحت ازور رجلهة بالسجن وانتي السبب ...
- لا خالة اني مو السبب هية السبب انتي تدرين منار شسوت بية .
- اني ما راضية عليهة بس هيچ اتردين علية هجمتي بيتهة انتي  اني ادري بالقصة مالتج من البداية ومارضيت على موقف منار وياج وجنت احچي وياهة بس السبب بحسين رجلهة هوة فر راسهة .
- ايگلي ما ايشرفني مرتي تمشي وية وحدة مثلچ  اني انوب طلعت مو شريفة اني ما سويت شي غلط وانتي تدرين قيصر جنت مزوجتة مو مثلهة خطفهة وردنة نستر عليهة وزوجناهة اله ورغم كلشي ما حچيت وسكتت وابتعد عنهة ورة كل هل فترة الدنية دارت ورجعت شفتهة بس الحمد لله الله ايرريد ايعلي شاني همة ما عرفوني هم ضلو ايهنون بية استغربت شنو سبب اني شنو سويت الهم طفح بية الكيل طردهم من الشركة اتروح هية اتوز ابوي علية واتگلة يا خالة اتقبليهة ؟
- منار سولفتي الموضوع كلة ما رضيت على تصرفهة والله شاهد بس ما اتوقعت هيج راح اسوين بيهة .
- خالة بقية بحياتج ما گالتي هية الي ما ايغز بيهة الملح والزاد امي اشگد چانت اتحبهة ...
- اني اجيت للفاتحة بس گالو انتي بالمستشفى ورجعت... يا رغد لخاطري اني اتوسل بيچ كافي خلي يطلع رجلهة لخاطري .
- ارد اشوفهة .
- اشوي وتجي متغدية اصبلج غدة ؟
- خالة اشلون منار بنتچ معقولة وحدة طيبة مثلج اجيب هيچ ابنية؟!
- يمة رجلهة اكبر حقير ما اعرف شسوالهة حتة علينة گلبهة .. هسة شنو صفة الموضوع ابوچ اشسوة ؟
- قيصر اتقدملي بشكل رسمي وعرسنة بعد فترة .
- الحمدلله يعني انحل الموضوع؟
- اي انحل بفضل منار.

بقيت يم خالة ام منار الى ان اجت منار دخلت بس مو منار الي اعرفهة مذلولة من شفتهة حسيت انشفة غليلي بهة الحقيرة بس هية من شافتني وجهة ما بين بي بس ملامح الخوف والتوتر امهة گالتهة رغد اجت تحجي وياج

- هلة منار اشلونچ اشلونة رجلچ انشالله متونس ولو هوة ما يشرفة وحدة مثلي تحچي وياج .
- رغد ابوس رجلچ طلعي حسين اسوي اي شي بس طلعي.
- مو اني الساجنتة انتو لعبتو بالنار يا منار مو اني 👽.
- شنو مو انتي قيصر هوة الساجنة .
- قيصر مو اني يا روحي.
- رغد ...
- بس لا توسلين شكلج مقرف اني ما اجيت علمود اشوفچ ترك اجيت اسألچ اني شنو سويتچ ليش انتي ورجلچ درتو علية؟
- رغد واحنة غلطنة بحقچ والله وعلمود اسامحينة مستعدين انسوي اي شي بس كافي.
- الواضح مراح احصل منچ شي على العموم رجلج راح اخلي قيصر ايطلعة مو علمود رگعت وجهچ بس علمود امچ الي ما هان علية تطلب مني شي وما اسوي

گمت وگعدت بصفهة كلش وحچيت بصوت ناصي

- بعد ما اريد اشوفچ حتة لو بصدفة واذا ادنيتيني لو جبتي اسمي راح اشوفين الي ما شايفتة وصدگ رجلي ما يسمحلي احچي وية وحدة مثلچ تعرفين ليش لا استحي اگول .
- الحمدلله اني ما دنست شرفي.
- اتخسين اني ما دنست شرفي وقيصر ازوجتة وانتي تدرين خوفج على رجلچ الي صاير ونسة للزلم بالسجن والحلو بالموضوع قيصر امصورة بعد اتگدرين وية زلمة مو متخنث 😉.
- چذابة مستحيل .
- من يطلع رجلچ سألي وگوليلة اذا ايجيب اسمي بعد مقاطعة انشرهم على اليوتيوب عن اذنچ .

عفتهة وطلعت سلمت على امهة ورجعت للفندق لگيت اشگد اتصالات من ودع ومن ابوي ونوار ثاني يوم خلصت شغلي ولميت اغراضي وطلعت اني وبابة للزياة وهم رحت للمگبرة ورحنة لكربلة كلش ارتاحت نفسيتي من زرت حسيت اتفرمت مخي من جديد بين قوسين اليومين صار اربع ايام يلة رجعت لبغداد وصلت لبيتي بغداد سبحت وبدلت جانت الساعة ٣بالليل نمت وگلت الصبح امر على قيصر الواضح ضايجحتة ما سأل اني كلش متخربطة من اصير يمة انسة من اني بعدة عنة ما اهتملة مرات اشتاقلة مرات لا دعيت الامام اذا بيهة صالح اينسيني الماضي وابدي من جديد واذا لا تخرب السالفة كلهة بابة ما قبل يبقة بيتي كلش مجاي اتراهم ويا وهو جاي ايحس بهذا الشي و باليوم اصير بينة على الاقل مشكلتين ابسط احچاية اگب ويا گعدت باتسعة الصبح ضليت متمدد على الجرباية دگ التليفون رقم رفعتة

- الوو
- صباح الخير .

ابتسمت قيصر ما اتحمل هوة اتصل

- هلة اشلونك اشلون صحتك🙃.
- الحمد لله من سمعت صوتچ ارتاحيت ما تجين ؟
- جاي افكر اجي لو لا محتارة الصراحة .
- ليش محتارة ؟!
- صايرة بداخلي عاصفة شي اتريدك وشي ما اتريدك واحتاريت اني .
- الله ايفرحچ على الاقل اكو شي ايريدني😍.
- هههههه والمايريدك كلش جاي ايأذيني.
- مشتاقلچ تعالي واذا ما اتجين اني اجي .
- لا حباب ما بية انقلك للمستشفى مرة ثانية .. اممم منو يمك ؟
- كلهة يمي همة اصلاً گاعدين بيتي بغداد.
- قيصر اذا تحرجني اگبالهم اعوفك وارجع مو اتگول .
- يعني مثل المستشفى بس بعد ماكو ممرضة😜.
- بايخة 😒.
- تعالي راح اموت من الشوگ.
- صارك اكثر من شهرين من شايفني وهسة مشتاق چذاب 😕.
- ماجذاب چنت عايش بلة اكل بس هسة عندي امل لعلاقتنة رغد صدگ تدرين من جنت اباوع بعيونچ اكره روحي لان ما اشوف بس الجفة والكره .
- وهسة؟
-  اشويت حب على عتب وشوگ .
- مشكلة الگلب ايحب مرة ما ايحب مرتين للاسف.
- يعني اتحبيني😍.
- مراح اتريگ علمود فد مرة نتغدة سوة .
- شردي شردي تاليتچ بحضني 😎.
- عندك ثقة بنفسك انت تدري اني على الفراش ما متحركة ولا بية اتحرك.
- اي الطريق متعب ابوچ ماكو ؟
- خلي ملتهي بعرسة .
- احسچ ضايجة !
- اشدعوة علية بس فاتحة عمو علاء بالموضوع گبل وافق شبسرعة نسة اميواخوي حتة سنة ما دارت.
- اني بهاي ضدچ يا رغود يعني انتي فكري اشوي بحياة ابوچ خطية كلش تعبان انتي اطلعين من الصبح للشغل واترجعين ٣ اضهر ومرات اترجعين ومرات لا نادراً ما احد ياكل ويا وبس الخدم يحچي وياهم شنو ذنة حياتة هوة ادمرت اكثر منچ امچ چانت مالية علية البيت حسب ما فهمت من علاء ايگول كمال من يشكلة على الوحدة ينفطر گلبة انصحچ اتراجعين نفسج وشفي انتي ناطية حق لبوچ .
- قيصر ما اگدر اتحمل اشوف ابوي وية مرة ثانية 😭.
- بس تتحملين اشوفين ابوچ تعبان وبحدة اول مرة اعرفچ انانية  اشو جنتي تتحملين اشاركين رجلج وية مرة ما تتحملين اشاركين ابوچ .
- جنت مجبورة على هذا الشي.
- الي چان جابرج هوة حبچ الي مو صح نفس الشي ابوچ انتي ما اتحبي ماتريدينة يرتاح وخاصة اذا عرستي وين راح ايروح حكمي عقلچ  رغد طول عمرهة تفكر بأبوهة شنو الي هذا الشي.
- خالي علاء ايعزمة على الغدة بس لا ايگلة اني موجودة لان متعارك وياي وهناك اصالحة.
- عفية هاي رغد الي اعرفهة.
- لا اسوي روحك علية قاضي وتتفلسف🙄.
- ههههههههه عمي اني خادم الج .
- والله متغير انت هيچ ذلك العشگ..
- استاهل لان قبلهة ذيت معشوگتي .
- اي تستاهل 😎.
- تعالي شنو انخلصهة بالتليفون !
- مابية😬.
- تمام اني راح اجي.
- لا جاي جاي .

بدلت واخذوني جماعتة صراحة كافي لعبت نفسي حرس وقرف لا ما ترهم السالفة هيچ احچي ويا اشتريلي سيارة واني افتر وصلت لبيتة اووف شنو كل هاي الحماية حسبالك سجن  دخلت سلمت على علاء چان بالصالة هوة واحد ما اعرفة بس شكلة كلش مو مريح بس ايباوع علية گبر طمك گاعد بيت قيصر واتباوع على مرتة سألت على المطبخ وين ورحت شفت خالة ام علاء ودع اهناك سلمت عليهم گتلهم ما محتاجين شي

- ودع: والله محتاجين بس اذا تبقين قيصر ينزل يمنة.
- ام علاء: يمة مالچ غرض بيهة تعالي عاونيني هاي ما بيهة خير.
- ودع : اني😤.
- رغد: ههههههههه😂 مو تدللين خالة انتي روحي واني اكمل الاكل اني والفاهية 😂.
- ام علاء : اي والله غير جنتي معدلة مو مثل هاي الغمة.
- ودع: ترة مصخت مو اتفقتن علية😒.

كلنة ضلينة نضحك وراحت خالة ام قيصر بقينة اني ودع بدينة انسوي بالاكل بسرعة فتقريباً خلصنة سألتهة

- منو هذا الي عمو علاء؟
- ابن عمي عايش بغداد اجة ايشوف قيصر.
- اها.
- ليش اسألين علية لازم باوع عليچ مو؟
- اشلون عرفتي؟
- لان هاي السوالفة الطايح حضهة متعود عليهة خسيس ما اصيرلة جارة حبابة لا اتگولين لقيصر لان اصير مشكلة .
- اي مالي خلگ اني سوي زلاطة خلي اشوف التمن.

خلصنة غدة صبينة وصبيت بصينية وحدنة اني وقيصر واخذت الصينية ورحت لغرفتة دگيت الباب چان ايصيح

- ما اريد سم عوفوني  عندي شغل .

فتحت الباب ودخلت والصينية بيدي وچان ويا جلال

- واني من مساع اطبخ علمودك وما تقبل تاكل😓.
- وينچ من الصبح گلتي راح اجي اشو ماكو😡.

جلال : استأذن بعدين اجي .

—————————

En.zahraa