رواية القلب تواق لك يا خليفة الفصل العاشر بقلم بَحر

مر يوم كامل على وصولهم للبلد الثاني
بعد ما وصلو على طول طلعو من المطار بدو بالاشغال
رجعو الشقة فالليل و خليفة كان هلكان
راح غرفته و خذت له شاور دافي يريح عضلات جسمه شوي
طلع و انسدح على السرير بس حس بشعور شوي غريب
تم يتلفت يمين و يسار
كان يحس انه الغرفة فاضية
تم يطالع انحاء الغرفة
من زمان ما حس بشعور انه يكون بروحه فالغرفة
قام و بدا يمشي حول الغرفة
كانت الغرفة بس اشيائه و ملابسه ... مافي اشياء ورديه و مخاوير و ملابس بنات
حس بشعور الوحده من بعد ما تعود على وجودها
تنهد و بعدين قعد على الكنبة و شل دفتره البني
فتحه و بدا يكتب فيه
بعد ما خلص كتابه
سكر الدفتر و قرر انه شوي يشتغل على كم ورقة
فتح لابتوبه و بدا يشتغل بين الاوراق و اللابتوب
بين الاوراق لاحظ انه في ورقه مطويه غير عن الاوراق الباقية

خليفة شلها : ها شو

فتحها و استغرب من الخط اول شي
لانه مب خطه ولا خط ابوه
بدا يقرا
اول مره من القرايه ... ما استوعب الكلام
تم يقرا مره ثانيه و ثالثه و رابعه
تم مركز على السطرين المكتوبين

يا من غزيتني بلا سيف و سلاح ... و املكتني كلي و انا لك رهينه
بالهون بي يا سيد الاملاح ... خل الوصل بيني و بينك مديمه

توق

خليفة تم يطالع الورقة و متخبل

خليفة : معقوله ...؟

توق بعد ما تجهزت
ركبت السيارة و حركت و الوجهة كانت بيت ابوها
بعد ما وصلت
بركنت السياره و نزلت
دخلت و كان الكل قاعد فالصالة

توق : السلام عليكم
عايشة : هلا هلا ... هلا ببنتي الغالية

قامو كلهم و سلمو عليهم
قعدو كلهم فالصالة و تمو ياخذو يعطون مع توق
بعد السوالف الحلوه
حبت توق تروح ترتاح شوي
شلت شنطتها ملابسها الصغيرة و راحت غرفتها
اول ما دخلت ابتسمت
حست انها من زمان ما دخلت غرفتها
لان لما اتيي زيارات لبيت ابوها ما اتيي غرفتها
حطت الشنطة و فتحتها
شلت لها لبس مريح و بدلت
بعدها شلت صورة في برواز و حطتها على الطاولة الي عدال شبرية
كانت صورتها هي و خليفة يوم العرس
انسدحت على السرير و لفت عند الصورة و تمت تطالعها
مع انهم كانو مغصوبين في هذاك اليوم
الا انه فالصور ما يبين وايد
كانت توق تذكر حزنها في هذاك اليوم لكن تستانس و تحمد ربها انها تزوجته
صح بدايتها معاه ما كانت حلوه لكن بدت تحلى مع الوقت

خليفة كان قاعد في مطعم مع ابوه
كانو في اجتماع شغل
كانو قاعدين معاهم كم ريال اجنبي و بعض العرب
خليفة كان مندمج في شغله بس بين فترة و فترة اتيي على باله ورقة توق
هو يحس بشعور اتجاهها بس ما يعرف شو هو
كان يبي يعرف لو هذا هو الحب ولا لا
كان يعد الدقايق و الساعات عشان يرد الامارات و يشوفها
قطع افكاره صوت واحد من زملائه الاجانب

الريال : so mr khalifa ... what do you think? (ها مستر خليفة... انت شو رايك؟)
خليفة رقع راسه : yes? ... oh yeah i think its a good idea (ها؟... اوه هيه فكره زينه)

الريال ابتسم و خليفة رد له الابتسامه
لف خليفة و بدا يطالع كل الي قاعدين
لاحظ من بينهم بنتين يطالعونه و يتهامسون كل شوي
بعد ما خلصو الاجتماع
قام خليفة و راح الحمام
بعد ما خلص طلع و لقى ثنين من زملائه البنات (اجانب) ينتظرون
خليفة يوم شافهم ينتظرونه استغرب لكن ما علق
تم واقف يطالعهم

سارة (sarah) : you were so good at your work in the meeting today Mr khalifa (اليوم كان شغلك ممتاز فالاجتماع مستر خليفة)
خليفة ابتسم ابتسامة خفيفة : thank you (شكرا)
كارينا (karina) : yeah .... So Mr khalifa (هيه... انزين مستر خليفة)
خليفة : yes ? (نعم؟)
كارينا (karina) : when are you going back to UAE ? (متى بترجع الامارات ؟)
خليفة : tomorrow (باجر)
كارينا (karina) : oh... (اوه)
سارة (sarah) : so the meeting has finished... are you going anywhere with your father after that ? (بما انه الاجتماع خلص ... بتسير اي مكان مع ابوك ؟)
خليفة : no...just home (لا...بس البيت)

سارة (sarah) و كارينا (karina) لفو على بعض و ابتسمو
كارينا ضربت كتف زميلتها على الخفيف

سارة (sarah) : umm.. there is a cafe near here...what about we go? (اممم في كافيه قريب من هني ... شو رايك نروح)

خليفة عقد حواجبه و تم ساكت

كارينا (karina) ضحكت و غمزت : you know as a date (كموعد يعني)

خليفة تم ساكت ما رد
شوي و رفع ايده اليسار و اشر على صبعه
البنات فهمو انه متزوج لكن سارة ابتسمت اكثر

سارة (sarah) : your wife doesn't have to know ...what she doesn't know won't hurt her (زوجتك مب لازم تعرف ... الي ما تعرفه ما بيضرها)
خليفة : am happily married...and I love my wife (انا متزوج و احب زوجتي)

مشى خليفة عنهم و قبل ما يروح وقف

خليفة : even if i was single i still wouldn't go for you ...‏homewrecker (حتى لو كنت سنقل ما بعطيج فرصة ... خرابة بيوت)

ابتعد خليفة عنهم و راح عند ابوه

صار اليوم الثاني
نشت توق و كانت متحمسه لانه اليوم خليفة و عمها بيرجعون
مع انهم تمو هناك ثلاث ايام بس
هي حست انهم تمو هناك دهر
قامت من السرير و راحت الحمام غسلت وييها و فرشت اسنانها
ليست مخورة وايد بسيطة و نزلت تحت
شافت نور فالمطبخ
نور لفت عليها و ابتسمت

نور : صباح الخير انسة ... تبين فطور ؟
توق ابتسمت : صباح النور ... هيه بس حطي برا ... اليوم الجو حلو و ابا اتريق برا
نور : تمام

طلعت توق من المطبخ و اتجهت للحوش
قعدت على القعده و تمت تتأمل الجو
هب نسيم بارد عليها و كانت وايد مستانسه على حلاوة الجو
بعد عشر دقايق يت نور و في ايدها صينية اكل
حطتها دام توق

توق : شكرا
نور : العفو

راحت نور
و توق بدت تاكل شوي شوي
خلصت توق و عقب شلت الصينيه لانها ما كانت تبي تتعب نور
دخلت داخل و حطت الصينيه فالمطبخ و رجعت الغرفة
قعدت قدام المراية و تمت تطالع نفسها

توق : اليوم طيارتهم كانت الفجر ... يعني على نهاية الظهر بيكونون هني

توق كانت متحمسه لانها بتشوف خليفة
لها ثلاث ايام ترقد بروحها فالغرفة و حست بالوحده
راحت خذت لها شاور سريع و لبست مخورة ثانيه
رتبت شعرها و حطت مسكره و قلوس
حطت شيله على رقبتها و خلت شعرها طايح
شلت كتابها و نزلت تحت قعدت فالصالة
قعدت تقرا و هي تسمع موسيقى هادية
.
.
بعد اندماجها
سمعت صوت الباب ينفتح و صوت عمها

احمد : السلام عليكم

توق على طول فزت و راحت عندهم
سلمت على عمها و على خليفة و نادت نور عشان تشل الشنط
راح احمد غرفته عشان يريح
و خليفة و توق راحو غرفتهم
اول ما دخلو الغرفة
تفاجأت توق لما خليفة حضنها بقوة

خليفة : ما تدرين شكثر اشتقت لج ... ثلاث ايام و حسيت اني صدق بموت

توق ما ردت الحضن و تمت ساكته
افترقو من الحضن و خليفة تم يطالعها

مسك ايدها و وداها معاه
لما وصلو الحوش وقف
توق كانت واقفه قدامه و ساكته
كانت متوتره من مسكته
تمت تطالعه
خليفة هد ايدها و عقب طلع ورقه من جيبه
فتحها و لفها صوب ويهه توق

خليفة : شو ها

توق فتحت عيونها ع وسعهن
انصدمت لما شافت رسالتها بين ايده
راحت عن بالها الورقة

توق : من وين يبتها !

حاولت تسحب الورقه من ايده كم مره لكن ما قدرت

توق : خليفة اييب الورقة
خليفة : لا
توق : ايبها خليفة !

خليفة رفع ايده الي فيها الورقه فوق فالهوا
لان توق اقصر عنه بوايد ما بتقدر تشلها من ايده

خليفة : هاذي بحتفظ فيها

توق حاولت تنقز كم مره عشان توصل لكن ما قدرت

خليفة : بعلقها عند السرير
توق حطت عينها فعينه : تتمصخر علي ولا شو ؟
خليفة : لا ابد
توق كانت مفتشله وايد : خلاص خلها ما ابيها

كانت توق بتمشي لكن خليفة مسك ايدها و رجعها

خليفة بصوت جدي : توق

توق حطت عينها فعينه

خليفة : اوعديني...
توق : ...
خليفة حط الورقه قدام عينها : اوعديني انج بتمين تحبيني جي .... اوعديني انج بتحبيني طول العمر و ما بتتخلين عني

توق تمت تطالعه و ما تكلمت
اكتفت انها تهز راسها "هيه"

خليفة : ابا منج كلمة
توق بصوت واطي : وعد ... وعد اني احبك طول عمري

خليفة غمض عيونه و ابتسم
اخيرا حس بشعور الحب
اخيرا حصل احد يحبه فهاذي الدنيا
كان وايد مستانس
حضن توق بقوة
كان وايد مستانس انه حصل العوض
بعد السنين الي كان عايشنها فالظلام
اخيرا حصل نور حياته
افترقو من الحضن و توق حطت ايدها على خده

توق : خليفة ... انا وايد احبك و مستحيل اتخلى عنك

النهاية