رواية القلب تواق لك يا خليفة الفصل الرابع 4 - بقلم بَحر

نش خليفة على صوت الباب و هو يندق
لف راسه صوب الباب و تم يطالعه بهدوء

خليفة : ادخل

دخلت لينا راسها

خليفة : what (شو)
لينا : mr ahmed is waiting for you at the dining room (مستر احمد ينتظرك في غرفة الطعام)
خليفة استغرب : isn't he at work (ليش هو مب رايح الشغل)
لينا : no he wanted to have breakfast with you first (لا قرر انه يبا يتريق معاك اول)

خليفة ما رد
بس اكتفى بأنه يهز راسه "اوكي"
طلعت لينا و قام خليفة راح الحمام غسل ويهه و عقب نزل عند ابوه
دخل غرفة الطعام و قعد على الكرسي الي قدام ابوه
احمد كان ياكل بهدوء
بدا هو بعد ياكل شوي شوي
بعد 10 دقايق من الصمت قرر خليفة يتكلم

خليفة : غريبه مب رايح الدوام
احمد ببرود : قررت اتريق مع معرسنا اليديد

خليفة وقف اكل و طالع ابوه

احمد ابتسم : شو نسيت انك مخطوب ولا

خليفة تم ساكت

احمد : على العموم اليوم بتسوون فحوصات و ان شاء الله بعدها بنتفق على الباقي
خليفة عقد حاجبه : فحوصات ؟
احمد : هيه اكيد فحوصات طبيه و عقب على طول تملجون ان شاء الله

خليفة تنهد و قام من على الطاولة
قبل ما يطلع من غرفة الطعام وقفه صوت ابوه

احمد بصرامه : خليفة...

خليفة لف عليه

احمد : بتتخرج قريب و بتتوظف ان شاء الله فالشركة ... لازم تتزوج و اتيب عيال يشلون اسمك و ان شاء الله يداومون معاك فالشركة من بعدي
خليفة : بس ...
احمد قاطعه : مافي بس... انت انولدت على هاذي الدنيا عشان تكمل المشوار الي بناه يدك و انا و مافي اي شي ثاني بيصير غير الي في بالي فاهم؟!
خليفة : ان شاء الله
احمد : كل الي بناه يدك بيكون لك من بعدي ... و بنت عمك احسن عن بنت الغريب

قام احمد عن طاولة الطعام و طلع
تم خليفة واقف يفكر
مرات كان يقول في نفسه ليش ابوه هو الي دار الشركه و مب عمه
راح غرفته و انسدح

٥:٣٥ العصر

لبست عبايتها و نزلت تحت
كان ابوها واقف عند الباب ينتظرها

علي : ها جاهزه ؟
توق : هيه
علي : تمام يلا

طلعت توق مع ابوها و ركبو السيارة
حرك علي و كانت السيارة وايد هدوء
توق تمت تطالع الدريشة و هي ساكته و تفكر

توق : ابويه
علي : ها حبيبتي
توق : بسألك سؤال
علي : اسألي
توق : ابويه ليش عمي هو الي خذا الشركة و مب انت؟
علي تنهد : قصة طويله بنيتي
توق : عادي الدرب للمستشفى طويل .. قول لي القصة
علي : الله يسلمج... يدج كان تفكيره تفكير الاوليين كان يقول انه البنت ما تشتغل و مالها غير بيت ريلها
توق : انزين
علي : انا الله ما رزقني الا بج انتي و اريام ... بس عمج الله يحفظه كان عنده ولد ...يدج وصى اخوي انه هو الي يستلم الشركة بعد وفاته عشان يكون خليفة من بعده ... لان لو عطاني انا اياها بتكونين انتي و اختج الوارثى و يدج كان رافض فكرة انه بنات يديرون شركة كبيرة
توق بحزن : انزين و ليش عمي يبا ولده يتزوجني غصب ؟
علي : والله يا بنتي انا ما اعرف انا لما هو ياني كنت مصدوم كثرج لما سمعتي الخبر ... بس صدقني يا توق ... ترا خليفة بعد مب فالموضوع برضاه
توق : كيف يعني
علي : انا متأكد انه احمد جابرنه
توق : هو ليش يسوي جي انزين
على : والله يا بنتي ما اعرف

صار الصمت هو سيد الموقف مره ثانيه
وصلو صوب العياده الي كانو بيسوون فيها الفحوصات
نزلت توق و معاها ابوها
دخلو و راحو صوب الاستقبال

موظفة الاستقبال : اهلا كيف اقدر اساعدكم
علي : نحن يايين نسوي فحوصات الزواج
موظفة الاستقبال : حاجزين موعد ؟
علي : امم هيه
موظفة الاستقبال : بأسم منو؟
علي : خليفة احمد عبدالله

الموظفة ارتبكت شوي لما سمعت اسم احمد عبدالله

موظفة الاستقبال : امم تقدرون تتفضلون ورا غرفة 110
علي : شكرا

دخلو علي و توق الغرفة و سوو فحوصات مبدئية
عقب قالو لهم يروحون العيادة الثانيه حق تكملة الفحوصات
راحو و هناك حصلو احمد يالس في غرفة الانتظار

علي : السلام عليكم
احمد لف : و عليكم السلام
علي بتوتر : وين خليفة
احمد اشر على الباب غرفة مكتوب عليها فحوصات : داخل
لف علي على توق : ادخلي انتي هيك الغرفة الي عدالها

توق هزت راسها "اوكي" و دخلت

بعد ما خلص خليفة فحوصاته
طلع و وراه الممرض
وقف احمد لما شفاهم

الممرض : ان شاء الله النتايج بتاخذ من ثلاث ايام لاسبوعين بالكثير لين تطلع
احمد ببرود : ان شاء الله

قبل ما يمشون خليفة و احمد
طلعت توق من الغرفة الثانيه و خليفة انتبه لها
كان اول مره يشوفها من بعد وقت طويل
تم يطالعها لين قطع سرحانه صوت ابوه

احمد بصرامه : خليفة

خليفة لف عليه

احمد : يلا

مشى خليفة ورا ابوه بدون ما يتكلم