رواية القلب تواق لك يا خليفة الفصل الثاني 2 - بقلم بَحر

نش الصبح على صوت منبهه
فتح عينه بشويش
سكر المنبه و قام من الشبرية
راح الحمام غسل ويهه و فرش اسنانه و طلع
نزل تحت
راح غرفة الطعام و كانت فاضية
تلفت يمين و يسار و عقب ناد البشكارة

خليفة : لينا !

يت لينا بسرعه و دخلت غرفة الطعام

لينا : yes (نعم)
خليفة : where is dad ? (وين بابا؟)
لينا : Mr Ahmad didn't come back home from work yesterday (مستر احمد ما رجع من الشغل من امس)

قال في نفسه : "اكيد ما رجع شو اليديد فالموضوع اصلا دوم جي حالته ما يرجع البيت فترات طويله"

تنهد بقوة و قال لها خلاص خل تروح
رجع غرفته و تجهز و نزل تحت
طلع من البيت و ركب سيارته و حرك
اتجه للجامعة كل عادة
.
.

رجعت من الكلية و هي هلكانه
دخلت البيت و امها كانت يالسه فالصالة مع اريام
سلمت عليهم و راحت غرفتها بدلت و مسحت الميكب و رجعت تحت
راحت المطبخ و شافت انهم محطين لها اكل
يسلت و كلت
رن تلفونها و كانت ربيعتها
قامت و شلت التلفون و طلعت من المطبخ
طلعت للحوش و ردت عليها

توق : الو هلا مريوم
مريم : "هلا ... سمعي شرايج نطلع اليوم شي كوفي يديد فاتح خل نروح له"
توق : هيه تمام عادي
مريم : "انزين على المغرب جي بنطلع"
توق : تمام ... بيب معاي اريام
مريم : "هيه عادي مب مشكله"
توق : تمام

سكرت عنها و رجعت دخلت البيت
راحت عند امها و اريام الي كانو بعدهم فالصالة
يلست على الكنبة و لفت على اريام

توق: سمعي اليوم بنطلع
اريام : وين؟
توق : بنسير كوفي يديد
اريام : بروحنا ولا احد معانا؟
توق : مع مريوم
اريام : تمام

قامت عنهم و راحت غرفتها
انسدحت على الشبرية
حطت منبه حق الساعه خمس و نص و عقب رقدت
.
.
نشت مره ثانيه على المنبه
فتحت عيونها لفيت على الدريشة و الشمس كانت تقريبا نازله
قامت و راحت الحمام و غسلت ويهها على السريع و طلعت
راحت غرفة اريام
رقت الباب و سمعتها تقول ادخلي
دخلت و شافتها واقفه

توق : يلا تجهزي
اريام : تمام تمام
توق : لا تتأخرين وايد ها
اريام : تماام

طلعت من عندها و رجعت غرفتها
راحت صوب الكبت (خزانة ملابس)
فتحته و تمت تطالع ملابسها
احتارت فالبداية
بس عقب طاحت عينها على مخورة لونها ابيض و عليها ورود
شلتها و حطتها على الشبرية
راحت صوب التسريحه و يلست تسوي ميكب سريع
بعد ما خلصت لبست المخوره و فوقها عبايه
لبست كعب يناسب و شلت شنطتها و تلفونها و طلعت
راحت غرفة اريام و دقت الباب و دخلت
شافتها واقفه قدام المرايه تعدل شيلتها

لفت عليها اريام : ها يلا؟
توق : هيه يلا يلا

نزلو البنات و سلمو على امهم و طلعو
.
.

من بعد الجامعه
طلع خليفة و راح مع ربيعه
طلعو و تمو يدورون فالسياره
عقبها رجع البيت و كل عاده كان فاضي
راح غرفته و بدل و انسدح
كان بيرقد لكن رن تلفونه و كان رقم غريب
استغرب شوي بس عقب رد

خليفة : الو ؟
احمد : "الو خليفة"
خليفة : ابوي؟
احمد : "هيه"
خليفة : ليش داق من رقم غريب
احمد : "تلفون المكتب ... المهم اسمع"
خليفة : نعم
احمد : "اباك باجر العصر تجهز عمرك"
خليفة استغرب : حق شو
احمد : " باجر بتعرف"

سكر احمد قبل ما يرد خليفة

خليفة في نفسه : "سكر ؟ شو يبا هذا"

تنهد خليفة و حط تلفونه و رقد
.
.
قام اليوم الثاني
كان الويكند
نزل تحت و شاف ابوه قاعد فالصالة بروحه و يطالع التلفزيون
راح عنده

خليفة : السلام عليكم
احمد ببرود : و عليكم السلام

قعد خليفة بهدوء و بدون كلام
كان الصمت هو سيد الموقف
كانت الجو متكهرب و متوتر
تنهد خليفة بخفة

خليفة : ليش تباني اتجهز العصر؟

لف احمد على خليفة و طالعه
عقب سكر التلفزيون

احمد : بنروح بيت عمك
خليفة استغرب : بيت عمي ؟ بس نحن ما نسير هناك
احمد : ادري
خليفة : ليش بنروح ؟
احمد : بتعرف عقب

خليفة ما حب يتناقش اكثر
قام عن ابوه و راح

كانت يالسه فالحوش بهدوء و كان الجو حلو
عكر مزاجها صوت هرن السياره

توق : امبيه شو جي ... شو قلة الادب هاذي

قامت توق و دخلت داخل
كان ابوها يالس فالصالة مع الباقيين

توق : ابويه شي احد برا
علي : منو؟
توق : ما ادري ما شفت بس كان يهرن بصوت عالي

قام علي و طلع برا
بعد خمس دقايق دخل و كان ويهه شوي متوتر

عايشة : منو ياي علي؟
علي : اخوي احمد ويا ولده
توق : عمي ؟
علي : هيه
عايشة : غريبة ليش ياي ؟
علي : مادري والله ... جهزي الفوالة و يبيها الميلس
عايشة قامت : ان شاء الله

قامت عايشة و راحت المطبخ
تمو البنات يالسين فالصالة و هم مستغربين
لان عمهم نادر ما ايي عندهم
و نادر اكثر انه اييب ولده معاه
راحو البنات صوب باب الميلس وحاولو يتسمعون بس ما قدرو
تمو واقفين لين ييت عايشة مع البشكاره الي كانت شالة الفوالة

عايشة : شو تسوون بنات
توق : نبي نعرف شو يايب عمي بيتنا هو نادر ما ايي
عايشة : والله ما ادري يا بنتي الله يستر بس

لفت عايشة على البشكاره

عايشة : يلا ميري دخلي الفوالة
ميري : اوكي

ابتعدو البنت عن الباب عشان تدخل ميري
لفت اريام على توق

اريام : تحسين شو يبا ؟
توق : والله ما ادري

رجعو البنات مع امهم الصالة
تمو يالسين لين يت ميري

ميري : مدام
عايشة : ها
ميري : بابا يباج فالميلس
عايشة : يباني انا ؟
ميري : هي

قامت عايشة باستغراب و راحت الميلس
.
.

بعد ما دخلت مرت عمه الميلس
سلمت و يلست عند عمه علي
صار هدوء شوي
كسر حاجز الصمت احمد و هو يتكلم

احمد : علي
علي : نعم اخوي
احمد : انا ياي اليوم و ابا اكلمك انت و حرمتك

لفو علي و عايشة على بعض و عقب لفو على احمد مره ثانيه

علي : تفضل اخوي قول شو عندك

احمد لف على خليفة و عقب لف على علي

احمد : انا ياي و ابا بنتك حق ولدي...