رواية الكسار (سلاسل الغوث) الفصل التاسع عشر 19 - بقلم لـ ميامي

علّى عيونَك كتبِت شگد قَصايد
أريّدك بَس إليَّ ، وكُلشي مَارايد.

قراءة ممتعة🤍
...............................................................

دموع:حسيت گلبي توقفت نبضاتة وانفاسي انكتمت مكدرت حتى اتحرك انفتح الباب ودخل الكسار خايف واني بس عيوني تتنقل على جروحة

الكسار:حبيبتي دمعة ماكو شي والله

تقرب علية حاوط وجهي بأيديه وصار يوخر شعري عن وجهي ويباوعلي بخوف كلت بهدوء ونبرة مهزوزة

:اهلي السبب؟

هز راسة ينكر
الكسار:لا الثعلب السبب هالحيوان فاهم غلط

:اهلي السبب بأذيتك وحرماني منك شهرين!

الكسار:باوعيلي دموع باوعيلي انتِ ما الج ذنب

رفعت ايدي اتلمس جروحة الملفوفة ودموعي تنزل
:اسفة

بس نطقت دخلني بحضنة وعصرني عصر
الكسار:ليش تعتذرين؟ هذول مو اهلچ اني اهلچ انتِ عوض ربي

:تأذيت بسبب الناس الي جابوني لهالدنيا قبل ليأذوك أذوني

الكسار:مو مهم اني المهم انتِ شوفي هسة اني رجعت وحالتي زينة وراح نرجع لبيتنة بس اني وياچ

بادلتة الحضن ابچي شوي ابتعد راح جابلي حجاب لبسني وجرني من ايدي طلعني واني ابچي شفتهم واكفين كلهم ومعصبين بدون سابق انذار تركني وراح لزياد دفرة ببطنة وكع وصار يتلوى نشفت دموعي بعيوني خايفة

صار يرفع رجلة ويضرب بي وهذاك بس نايم ومحد يتدخل
الكسار:بعد اذاااا مديتتتت ايدك على دمعة اذبحك سمعتنييييي اذبحكككك واذا بعد خليتها تبچي اشلعلك عيونك

ركضت لزمت الكسار بخوف
:كسار حيموت

باوعلي معصب
الكسار:طبة مرض وستين مرض

انصدمت من سمعت صوت زياد يحچي بصلافة
زياد:وطبك انتَ وياها الف مرض شعاجبك بيها

عض شفتة ورجع يضرب بي وانوب كلة على بطنة صرت اكل بأظافري وبس صافنة خايفة اتقرب وخايفة ابقى

رجف گلبي من توقف الكسار عن الحركة ولزم گلبة متألم مفهمت شبي صار يعيط بعلو صوتة بألم ركضت علية خايفه وممفتهمه

:شبيكككك كسر شصاررر

تقربو كلهم خايفين وزياد كام لزمة
زياد:شبيك غوث والله اسف ماعيدها بس فهمني شبيك

دفعة يعيط اباوع لعيونة نطت وصارت حمرة نريد نفهم شبي وماكو باهر لزمة من اكتافة يحاول يفهم

باهر:شبييييك بس فهمنييييي

جاوبة يتنفس بصعوبة
الكسار:وجععع وجع باهررر گلبييي راح اموت

احتارينة شنسوي عروگة طلعت وجهة وجسمة صار لونهم احمر
:باهررر اخذووو للمستشفى حيمووتتتتت

هز راسة رافض وكاتم انفاسة
الكسار: لا ماريد وخرو عني ا اكو علاج وخرو

دفعنة وراح للغرفة يشهگ النفس بصعوبة كلهم بقو واكفين بس اني مكدرت ركضت ورة ابچي دخلت للغرفة شفتة واكف يفرك بگلبة وگوه يتنفس شفتة اخذ حبايتين وصار يفتر بالغرفة رحتلة خايفة بس لزمت ايدة فز ودفع ايدي

الكسار:ايدچ حارة دموع اريد ماي بارد

بدون ما احچي وكضت للمطبخ تحت انظارهم جبت مي بارد من دخلت للغرفة ملگيتة رجعت طلعت اباوعلهم

:و وينة وين راح

باهر:دخل للحمام خلي مي بارد على صدرة دموع انتبهي علية

مجاوبتة ركضت للحمام دفعت الباب ودخلت شفتة حاط راسة بالمي والمي ميصير يوصل لا لجسمة ولا لراسة بسرعة سديت المي

:لاااا كسار ميصير جروحك تلتهبببب

ما اهتم اخذ المي البارد من ايدي وذبة على جسمة شوي وارتاح وصار جسمة يرجف ثنيت ركبتي وكعدت كدامة ابچي

:بعدك متأذي؟

ابتسم بخفة وحط ايدة على راسي
الكسار:اريد ا انام

هزيت راسي گلبي مقبوض كومتة وطلعنة من الحمام متبللين وحالتنة حالة صارو كدامنة خايفين تقرب الريس يربت على كتفة

الريس:تحمل شكم يوم وترتاح

مجاوبة احسة دايخ ومو بوعية رجعت مشيتة للغرفة دخلنة وسديت الباب خليتة على الچرباية وصرت ادور على ملابسة شفت جنطة صغيرة رحت فتحتها وطلعو ملابسة اخذت بس شورت ورحتلة چان صافن بالسقف بذبول حطيت ايدي على راسة وشعرة الي ستوة طالع يبزز ايدي

:كسوري؟

طلع صوت بدون ميباوعلي صرت امسح على صدرة بهدوء
:كوم انزع هذول والبس شورت حتى تنام مرتاح

هز راسة واخذ الشورت من ايدي درت وجهي عنة لحد مكمل يلا التفتت تمدد بدون ميتغطة باوعلي وحچة بتعب

الكسار:تعالي غنيلي

بدون وعي مني مشيت كعدت على الچرباية ترك المخدة ونام بحضني راسة على بطني وايدية محاوطة خصري وصرت اغني اغنيتي وهو يردد وياية بتعب

فترة وهدئ بس صوت انفاسة تنسمع سكتت وصرت امسح على ظهرة والقلق كاتلني

:شكد تعبان حتى انفاسك تعبانة

اشوف ظهرة مليان اثار تعذيب صرت ابچي بقوة واشهگ كرهت اهلي فوك كل هالكره متت الف موتة من شفت اثر حرق بظهرة صرت اتلمسة واحچي

:ياريت بية بابا ياريت بية

فزيت من قوة حضنتة ثواني وهمس
الكسار:اسم الله الرحمن اتحمل اني وجعي بس ماكدر اتحمل وجعچ لتدعين على نفسچ

دنگت بست راسة
:گاعد عبالي نمت

الكسار:ماكدر انام

:شبيك كسوري شصارلك

جرني نومني ونام على بطني وحضني بقوة
الكسار:لتخافين اعراض المنشط هاي اليوم احد ومن الجمعة حاقني بجسمي وميقبل يروح لأن جسمي تعود علية صار يصعد الألم لگلبي لأن اني بعدني بحيلي ميصير اخذ هيج شي

:الله ياخذهم زين والحل شلون حتبقى هيچ

الكسار:لا يروح ميبقى اكيد بس انتِ لتخافين علية

حطيت ايدي على رگبتة العب بيها
:ليش سوو هيچ؟

الكسار:حتى يخلوني اخضعلهم اكول شي ومتضوجين؟

:لا ماضوج شنو؟

سند راسة على بطني وكال
الكسار:من يحقنون جسمي يفتحون ايدية ويحطون كدامي بنية المنعني انتِ ثم هالبنية چانت حالتها تعبانة واضح متعرضة للاغتصاب اكثر من مرة وللتعذيب تخيلتها انتِ ومنعت نفسي تخيلتچ كدامي حطيتچ كدام عيوني ماردت اخونچ چانو بس يريدون اخضع بس مكدرولي ميدرون حاط دموعي كدام عيوني

اسمع بأنصات ضجت عليها
:زين وين راحت البنية

تنهد ورجع نام مهموم
الكسار:مادري دموع مادري بالي مشغول اتمنى تكون بخير منظرها يتعب خايفة ترجف عيونها على الباب وترجع تباوعلي بتوسل تهز براسها وتنطق بكلام مستحيل انسى تكول (الله يخليك لا)

كورت ايدي وصرت اهز برجلي
:ليش مدورت عليها وجبتها وياك

الكسار:مادري بنفسي من طلعوني چنت فاقد لأن الضغط تعبني وفقدت من كعدت لگيت نفسي بالمستشفى بس راح ادور عليها

صكيت على اسناني وحچيت
:تريد تسويها بنتك مثلي؟

رفع راسة يباوعلي مستغرب
الكسار:لا اريد انقذها اكلچ ديعتدون عليها

:خلي غيرك ينقذها خلي باهر يروح اخاف تجيبها وتصير بنتك

رفع حاجبة مبتسم وحسيت اصابعة نبتت بخصري
الكسار:تغارين شنو

صفنت وهو ضحك بخفة وصار يرفع بدشداشتي بسرعة دفعتة
:كسار وخر انتَ هسة تخوف

الكسار:اشششش معليچ

رفع الدشداشة ودخل راسة لبطني يبوس بيها واسمعة يحچي
الكسار:رايح الكرش مختفي ليش ولچ راحت عجينتي

خليت ايدي على كتفة ادفعة مستحية
:وخر اطلع بعدين شنو عجينتك

الكسار:چان كرشچ حلو مثل العجينة طري يتحرك بأيدي وهسة راح بس يلا ارجعة الچ

:اطلع كافي

ولا اهتم يبوس ببطني ماعرف شنو سر علاقتة ويا بطني اخر شي هدئ وثگلت انفاسة بقيت ساكتة خفت منايم بس شوي وصار يشخر ارتاحيت گوة نام بقيت على نومتي لحد منمت تعبانة

لثاني يوم يلا كعدت على حركة ببطني عرفت هو ردت اضربة على راسة وتراجعت لأن راسة مجروح بس دفعتة بخفة

:وخر سرسري

طلع راسة من بطني يضحك
الكسار:ويني وين السرسرة فقير اني

:انتَ ابو السرسرة وينك وين الفقر

الكسار:افااااا مو سرسرتي بس عليچ تطلع شسوي ماكدر اتحمل

ضربتة على ايدة وكلت
:كافي اعدل نفسك ميصير تنام على بطنك

سمع كلامي وعدل نفسة نام على ظهرة وعقچ وجهة متأذي كعدت الم بشعري وهو يباوعلي بزعل

:ها شكو؟

كال يتمسكن
الكسار:لا بوسة لا صباح الخير شسالفة

ابتسمت وبست خدة
:صباح الخير كسرسر

الكسار:صباح النور دمعمع

رفعت حاجبي وفلت لساني مكدرت الزمها
:شبيك تمعمع

صفن بوجهي واني حطيت ايدي على حلگي
:والله مووووو قصدييييي

عض شفتة وسحبني من ملابسي قرب وجهي لوجهة وكال
الكسار:غمضي ومدي لسانچ

هزيت راسي بلا گرصني بخصري
الكسار:تغمضين وتمدين لسانچ لو

كال هيج وعصر جسمي حاولت اكوم بس فتح شعري ولفة على ايدة وهمس
الكسار:اسوي الازيد ترة

غمضت ومديت لساني معندي غير حل صرت انتظر خايفة ثواني وحسيت بألم قوي بالساني فتحت عيوني شفتة عاض لساني وماكدر اسحبة يأذي صرت اضرب على صدرة وهو يضغط اخر شي خنگتة يلا ابتعد صرت اهفي على لساني عيوني مدمعة من الالم

الكسار:حتى بعد تلزمينة

:ديأذيييييييي

سد حلگي فاتح عيونة
الكسار:وجعععع بگلبيييييي صوتچ نيتهم زفرة

دفعتة مبرطمة
:أذيتني حقير كسير ابو العرگ

الكسار:ها تردين بعد عضة

ردت اكوم زعلانة سحبني يضحك
الكسار:يلا اسف اسف بس تعلمي تلزمين لسانچ

:شسويلة اكول الي افكر بي مقصدي شي اني

الكسار:بس ميصير دمعتي بس لا چفصتي وياهم بغيابي

حطيت اصابعي بحلگي اباوعلة ببراءة وهو فتح عيونة
الكسار:چافصة ها؟ كتيهن كتيهن

:ماضي صار

الكسار:غرديييييي دمووووع

ردت ابتعد لزمني وجبرني احچي
:من اختفيت اني مو انعميت؟ قبل ليرجعلي النظر ام سلمان دتريد تسبحني و

ردت اكمل قاطعني عاگد حواجبة
الكسار:شافت جسمچ!

هزيت راسي بلا
:لا چنت البس الداخليات وهي تساعدني والحمام بي ضوة قليل

هز راسة مزعوج
الكسار:اي كملي ست چفصة

رفعت شعري عن عيوني ورجعت احچي
:اي ف من سبحتني اخر مرة كلتلها چان كسوري يسبحني من اصير عمية وكلتلها چان يفرك جسمي باليفة

صار يلطم على راسة
الكسار:بعد بعدددد احچيلها شلون ابوسچ احچيلها شنو اسويلچ

بس كال هيج حنيت راسي ورفعت عيوني اباوعلة وهو رجع يلطم
الكسار:طرگاعة عليچ حتى هاي حاچيتهاااااا احچي المنننن گلتيييييي

فزيت من عاط ورجعت احچي بأرتباك
:مرة الريس كعد يحچي وياية يغيرلي جو فكال لو الكسار موجود چان غار من وجودي يمچ ف اني شنو كلت بس والله مو قصدي

عض شفتة معصب واردف
الكسار:شنو كلتي؟

بلعت ريگ وحچي بصوت گوة ينسمع
:كلت لو موجود طردك وكعد يبوس بية

عض اصبعة وصار يضرب على صدرة
الكسار:فاضحتنييييي فضيحةةةةة الله اكبر بنت الكلب همزين ما كايلة شي لباهر هذا يلزمها علية

هالمرة صرت اضرب على وجهي وهو وياية يضرب على وجهة وعيط

الكسار:چافصة يم باهرررر هااااااااااااا

:كافيييي شبيك علية

جرني من ملابسي يعت بية
الكسار:احچي احچي شنو كلتي بس لا صخمتي وجهي

بلعت ريگ وحچيت خايفة
:من اجيت وصرت تبوسني وبعدها تعبت واجة الدكتور

الكسار:ايييييي؟؟؟

:كسار بس اهدئ حباب

الكسار:كمليييييي شمصخمة كملي

:هو سألني كال مچان بي شي ف اني من الخوف والله من الخوف كلت جان فوكاية يبوسني وتعب

بس كملت كلامي حسيت بعضة قوية بأيدي عطت متألمة وصرت افرك مكانها وهو كعد على حيلة يدُگ على راسة متفشل

الكسار:الله يطيح حظچ يدميعة الله يطيح حظچ وحظي لأن ماعرفت اضبلچ لسانچ فاضحتني عند الكل والله يستر يمكن اكو بعد

:والله مقصدي هو الكلام يطلع من وحدة

دفعني بعصبية
الكسار:ولي ولي تچفص وتكول مقصدي لعد اذا قصدچ شلون

تركني وكام ينافخ لزمتني الضحكة على منظرة بس اذا ضحكت اقرة على روحي السلام بقيت كاعدة وساكتة استرلي

طلعت ورة شفتة مغسل وكاعد يم الريس بالصالة دخلت صبحت عليهم خجلانة وهو يخوزر بية تركتهم ورحت للحمام ادردم

:والله حلوة هاي لتبوسني حتى لا اكول النهار كلة يمطگ بية حتى شفايفي صار بيهم انتفاخ طبيعي ومن احچي ميقبل والله يا الله هم شفايفي وهم مقابل وهم متاركهم بحالهم بس يبوس بيهم مطلعت ها...

وصلت للحمام واني احچي داريد اكمل الكلمة الاخيرة وطلع زياد خربان ضحك ضربت على خدي هالمرة الكسار يدفني

زياد:لتفكرين بصوت عالي

باوعتلة بحقد
:من شوكت هناااااا انتَ وبن ماروح اشوفك شكد تلعب نفسي منك

مشة ابهامة على شفتة بطريقة مقرفة
زياد:بايت هنا من البارحة حقچ متعرفين ملتهية بالبوس

خليت ايدي على حلگي مصدومة من جرئتة
:شكد قذر انتَ

تقرب علية واني رجعت خطوتين لورة
زياد:لتخليني احطچ ببالي

باوعتلة ببرود ودست على رجلة رفعت ايدي شوفتة الحلقة
:حطني ببالك وركز بأيدي زين بس تندگ بية الكسار يكسرك وميسأل

رخت ملامحة ومبين عصب رفع سبابتة راد يحطة على خدي بسرعة لويت اصبعة

:ايدك القذرة ابعدها عني اندمك وحق السيدة زينب

نتر ايدي وكال مستهزء
زياد:الفارة الي رادت تموت قبل شكم يوم من الحزن صايرة ذيبة؟

:ترباية الكسار اني خاف مني لو شكد ما اصير هشة مراح انكسر ومثل ميكول كساري اني اكسر ما انكسر

كور قبضة ايدة معصب
زياد:انتِ نملة بطريقي ادوس عليچ وامشي بس راح اسكت عنچ لخاطر الكسار اني بعمري محد حچة وياية هيچ وضل سالم راح اسكت لخاطر ابن عمي وبس

عبرني وراح ينافخ دخلت للحمام ارجف مبينتلة اني خايفة حتى ليستضعفني بس بالحقيقة اني ميتة خوف كلامة ونبرتة تخوف
غسلت وجهي وطلعت رحت للصالة شفتهم كاعدين اربعتهم يسولفون ومن دخلت سكتو أشرلي الكسار اروحلة

مشيتلة خطواتي ممتوازنة من الخوف چانت نظرات زياد علية كعدت بصفة وهو يباوعلي مستغرب

الكسار:شبيچ؟

هزيت راسي انكر وهو ضل يباوعلي خايف علية بقيت كاعدة وكل شوي ارفع عيوني واشوف زياد يباوعلي خطف

اجت ام سلمان واجة الفرج وياها رحت اساعدها بالريوگ متوترة من كملنة صبيتلهم اربعتهم سوية واني وام سلمان كعدنة بالمطبخ ناكُل ماريد اقابل زياد احسة شخص مو نظيف وناوي على شي وصخ مثلة

مر الوقت وراحو زياد وباهر والريس والكسار دخل للغرفة لأن تعب واني صرت اساعد ام سلمان بالغدة

استوة وراحت ام سلمان لبيتها سديت وراها الباب ورحت للغرفة فتحت الباب على كيفي شفت الكسار نايم على ظهرة ومغطي نفسة لحد خصرة ومكور ايدة يضرب على راسة

تقربت هو انتبه علية سوة نفسة طبيعي
:شبيك؟

جاوبني بصوت متوجع
الكسار:ألم قوي براسي راح ينفجر

خليت ايدي على راسة خايفة من وضعة وهو من الوجع صار ميكدر يفتح عيونة ركضت جبتلة حبابة وجع راس ومي بدون ميسأل اخذهم شربهم واني تربعت واخذت راسة حطيتة بحضني وصرت ادلك براسة

:اسم الله عليك الله يكسر الايد الي انمدت عليك الله ياخذهم وياخذ سياف وشاهيناز وياهم

اخذ ايدي من راسة باسها
الكسار:اشششش حبيبتي لتذكريهم اني اهلچ ماكو غيري

دنگت بست راسة فتح عيونة الحمرة وابتسم يباوع بعيوني
الكسار:دموع

:اممم

همس بخفوت
الكسار:بوسيني

سكتت رجع اردف وهو يأشر على شفتة
الكسار:بوسيني هنا مثل يوم رجعت وبعد ما اطلب

چانت عيونة تتوسلني دنگت طبعت بوسة على شفتة وابتعدت چان مغمض عيونة وعاض شفتة متلذذ ثواني ورجع كال بذبول

الكسار:دنگي

:كسار كافي حباب

الكسار:ماسوي شي بس اريد اشتم رگبتچ

دنگت خليت رگبتي بوجهة وهو صار ياخذ نفس قوي ويزفرة انفاسة حارة خلاني ارجف ابتعدت من عضني برگبتي

:اخخخخخ كسوري

الكسار:وجع بگلبي لتعيطين هيچ

:ليش عضيتنيييي

الكسار:عجبتني رگبتچ

دفعتة عني بزعل بس يا جبل ميهزك ريح حتى ماتحرك
:وخر عني عود ليش تتسرسر وياية ترة عيب

الكسار:ماشي اسف بس لتزعلين تعالي نحچي

بقيت بمكاني اباوعلة بزعل
:شنو

الكسار:انتِ شلون تحبيني؟

ابتسمت وصرت العب برموشة
:احبك مثل حب بنت لأبوها احبك مثل ما احب وهيب وفرح احبك لأن انتَ اماني وسعادتي انتَ لونت لوني الباهت انتَ الي خليتني احب الدنيا واصبر

سحب ايدي يبوس بيها وكال
الكسار:يجي يوم تحبيني مثل ما احبچ واكثر

رفع ايدة لزم فكي بخفة وكال بعيون هايمة
الكسار:يجي يوم وتصير عدنة ثمرة تعب صغيرة تنسينا التعب والوجع والحزن والضياع

مفهمت معنى كلامة كلت بعدم فهم
:شنو ثمرة يعني

همس عاض شفتة
الكسار:طفل طفلنة اني وياچ يعني

بس كال هيچ رجف جسمي وبعدت نظري عنة
الكسار:مخليچ براحتچ اني دموع بس يجي يوم ويصير كل الي كلتة مراح تبقين طول عمرچ تعتبريني اب الچ يجي يوم وتصيرين زوجة الية وام لأطفالنة

هزيت راسي اغير الموضوع
:هسة اكيد اجو باهر وعمو الريس كوم نطلع فشلة

بدون ميجاوبني رفع راسة خلاني كمت وكام لبس بجامة بدون تيشيرت وطلعنة سوية سمعنة الريس وباهر يتعاركون

باهر:اذا ماخطبتوها اسوي مكسورة والله

الريس:ولك على يا زلگ اخطبها الك تعرف اهلها منو؟

باهر:شعلية بأهلها اني اريدها ليش تخلوني احبلها واخذها غصب عن الكل

الريس:حتى طلقة براسك واموتك بمكانك هي هيتة تحبلها

باهر:لعد اذا ماسويتها اصبرولي والله اجيبها الك حامل بالحلال بالحرام ميهمني بعد صار 5 سنين الح عليكم تخطبوها چان هسة عدنة درزن جهال

الريس:احرگك واحرگ نفسي

عصب باهر دفر الميز وكال بعياط
باهر:هي كل يوم تطلع تشتري وهاي كدام غوث اذا ما اخذتها لسيارتي وسويتها ما اطلع باهر ملييييييييت واني اتوسللللل مليييت

راد يطلع واستوقفة صوت ابو
الريس:مراح تحصل شي من الحب

التفت يباوع لأبو والكسار نزل راسة مچنت فاهمة شديصير بس الي عرفتة باهر يحب وحدة وابو رافضها

الريس:اني شحصلت من الحب؟ عمتك شحصلت من الحب؟ مو انهجم بيتنة بسبب هالحب ماريدك تدمر مثل ما تدمرنا بس انتَ باقي الية ليش تأذيني باهر

راح باهر حضن ابو مكسور
باهر:بس احنة نحب بعض ونيتنة صافية اريدها وتريدني

الريس:حاس بأحساسك بس مو كلشي نريدة لازم يصير

باهر:يابة الي عشتة انتَ وعمتي ملازم اني اعيشة انتو تختلفون عني احنة منعرف شنو راح يصير بالمستقبل لتدفعوني ثمن اغلاطكم

ابتعد عن حضن ابو وطلع مكسور والكسار راح للريس يواسي تركتهم ورحت للمطبخ لوهلة زعلت على باهر ودعيت من كُل گلبي الله يريح گلبة وبالة

صبيت غدة وبصعوبة الكسار قنع الريس ياكُل
من كملو سويتلهم چاب وصبيتلهم وصرت اغسل مواعين

مر يومين والوضع هادئ بس باهر ميجي للبيت والكسار وضعة صار احسن بس اشوفة هواية يخابر وكلامة ممفهوم

بالليل چنت كاعدة بالغرفة بملل دخل الكسار يطوطح شمر نفسة على الچرباية وكال بتعب

الكسار:خرب شگد تعبان يلعن يومك باهر

:على كيفك جروحك بعدها ترة شلون تشمر نفسك هيچ

الكسار:طز بيهم المهم جهزي نفسچ بعد يومين ونروح لبيتنة

عقچت وجهي مزعوجة
:حترجعني لسلوى

الكسار:اكيد لا بعت البيت القديم واشتريت بيت بمنطقة امان راح نكعد هناك

ضحكت بفرحة
:اييييي اخيراً حخلص من سحير الليل بس شوف اريد غيث وروان دوم يجون احس نفسي مشتاقتلهم هواية

الكسار:بعيوني يعيوني

:سالمة عيونك كسرسر ابو التسرسر

گلب نفسة ورث جگارة يباوعلي بعين ونص
الكسار:وربچ فد بيچ كتلة دمعمع ام التمعمع وام التچفص

عضيت شفتي وسحبت الجگارة من ايدة باوعلي مستغرب حطيتها بين شفايفي وسحبت نفس فتح عيونة وسحبها من ايدي

الكسار:ادبسززززز تدخنين كدامييييي

:لعد شنو حلال عليك وحرام علية انطيني بعد نفس

رجعت اخذتها من ايدة وهو صافن من جرئتي سحبت نفس ثاني وزفرتة بوجهة يباوعلي لنظرات صعب علية افسرها سحبها من ايدي وطفاها

الكسار:صايرة جريئة هالگد كبرتي ولچ؟

جاوبتة واني اشمر شعري لورة
:هي جگارة ميرادلها جرئة

لزم شفايفي بين اصابعه فركهم بيده وسحب نفس من الجگاره زفرها بوجهي أذاني ضربته حيل وهو يضحك
اني اضرب بي ويذبلي بوسة بالهوى عصبت لزمت شفايفة وعصرتهم بكل قوتي وخر ايده عني ميت ضحك

:توب منيييييي توببببب

دفع ايدي يضحك
الكسار:ما اتووووووببببب تخبليييين انتِ تخبلييييين

كمت عنة اتصنع العصبية
:اني طالعة ما ابقى يمك

التفتت اريد اطلع وعاط
الكسار:وييييين

:اشوفلي درب بعيد عنك

صفنت من صار يغني
الكسار:بعيد عنك حيااااااتيييي عذاااااب متبعدنيييييش بعيد عنك
مليش غير الدموع احباب معاها بعيششش بعيد عنك

:شبيك؟ بس لا الي حقنوك بي اثر على عقلك وتصير كويسر المسودن

ضحك بصوت فززني حتى اني صرت اضحك
الكسار:الله يطيح حظچ مو مال شقة ولي طلعي

طلعت من الغرفة اضحك رحت للمطبخ چان ضلمة فتحت الضوة وفزيت من شفت باهر كاعد يدخن وشعرة مخربط وحالتة حالة

:باهر؟

جاوبني ببرود
باهر:ها دموع شلونچ

:اني زينة بس انتَ حالتك مبينة تعبانة شبيك؟

حط راسة على ميز الطعام يتنهد مادري ليش كسر خاطري جريت الكرسي وكعدت كدامة

:باهر اصبر وحتلگى فرج لصبرك

رفع راسة وجهة تعبان
باهر:صار 5 سنين صابر وما اجة الفرج

:حيجي مو بعيدة عند ربك اني برغم كُلشي صارلي داحارل اصبر متأكدة يجي يوم واشوف اخواني

حط ايدة على وجهة وضل ساكت كمت سويت چاي صبيتلنة اني ويا ورجعتلة قدمتلة الچاي

:اشرب دفي نفسك

اخذة وعصرة عصر بأيدة
باهر:هو اني محترك شدفي من نفسي

ابتسمت وحچيت بهدوء
:حيجي يوم وگلبك يبرد وتضل عيونك تضحك

شرب من الچاي وكال
باهر:دموع اكدر اكلچ على سر وميطلع؟

هزيت راسي
:اكيد

باهر:أمان يعني؟

:وداعت وهيب وفرح أمان

استغربت من كام يتلفت تأكد ماكو احد ورجع كعدت وكال بصوت ناصي
باهر:راح اتزوجها بالسر

فتحت عيوني مستنكرة الفكرة
:شنووو

باهر:اشششش ماعندي غير حل اتزوجها ومن تصير حامل اجيبها وراح يقبلون بالأمر الواقع

هزيت راسي بالرفض مادري ليش متقبلت الفكرة
:باهر بعيداً عن كُلشي فكر الف مرة واذا مكفت الألف فكر مليار مرة الزواج السري ميدوم وهم اذا اهلكم مقابلين ميدوم انتَ تريدها دوم لو يوم؟

زفر نفس بضيق
باهر:اكيد دوم

:لعد سوي الي يرضي الله مو يرضيك لأن العلاقات الي مترضي الله نهايتها مترضيك حاول ويا ابوك توسل ولتستسلم اكيد حيقتنع وتسوون زواجكم علني وبالاشهار

باهر:ابوية ميقبل مستحيل يقبل

:ليش اكو سبب؟

نزل راسة وكال
باهر:سبب قوي ماكدر اذكرة بس دموع هالسبب مو ذنبها مو هي اختارت اهلها ليش مديفهمون

ابتسمت بحزن واردفت
:ماعرف ليش نتعاقب على افعال اهلنة الزمن قاسي

باهر:مو ذنبكم ذنب اهلكم دموع انتِ وفرح وهيب كلكم ذنبكم برگبة ابوكم وهي هم ذنبها اهلها بس اني اريدها ميهمني اهلها ميهمني سمعتها لأن اني اشوفها بطهارة السيدة مريم

:لتفقد الأمل اذا هيچ حارب حتى تحصل عليها واني وياك اقنع الكسار يقنع ابوك وتزوجون بس ها اذا صارت عندكم بنية تسموها دموع؟

ضحك بخفة يهز براسة
باهر:خاب تدللين بس خلي اتزوجها وبنتي اسميها دموع

ضحكت وشربت الچاي استلطفت باهر نوعاً ما حسيتة حنون وهش من الداخل بغض النظر عن صلابتة وهيبتة وشكلة المهيوب بس حسيتة انسان طيب ونظيف

تركتة بالمطبخ ورجعت للغرفة داخلي مرتاح لأن كدرت انصحة واغير تفكيرة دخلت شفت الكسار نايم رحت نمت بصفة وخليت راسي على صدرة بسرعة حس بية وحضني

الكسار:طولتي؟

كلت بهدوء واني احضنة
:شفت باهر برة سويتلة چاي

بس سمع اسمة طفر
الكسار:اجة باهر؟

هزيت راسي وهو بدوم ميكول كلمة طلعلة يركض ابتسمت كُلش يحب باهر احسة يحبة اكثر من زياد وحقة هذا الضفدع منو يحبة چنة ديچ منتف

من النعس مكدرت انتظر الكسار بسرعة نمت
مر يومين والحمدلله انتقلنة لبيتنة الجديد چان اكبر من البيت القديم وبس غرفة وحدة جوة وصالة واستقبال چبير ومطبخ وصحيات وفوك اكو 4 غرف وصحيات

هو چان مرتب وحدة من الغرف الفوك النة والباقي مقفولات والبيت نظيف بحيث بس رتبت ملابسنة

ورجعت لروتيني السابق دراسة بدراسة جابلي كتب السادس وكعدت ادرس بس شهر على الدوام ومتوترة مرحلة صعبة هاي
وهو يطلع الصبح يرجع العصر ومرات ينومني ويطلع بالليل ويطول صرت عايشة بخوفة خايفة يبتعد عني لو يصيرلة شي

الاسبوع الثاني بهذا البيت وهو چان طالع كعدت البخ بالمكياج الي جابة الية متونسة كُلشي ما اعرف صرت اجيب واحط وجهي صار مثل وجه فتون الي بمسلسل الحيالة من اجو خطبوها صرت اباوع لنفسي واضحك

فتحت اغاني وصرت اغني وازيد بالمكياج مالي خلگ للدراسة

صارت الساعة 5 العصر وقت جية الكسار طفرت مسحت المكياج كلة جلفت وجهي جلف يلا راح

وصدك نص ساعة واندگ الباب ركضت افتحة اضحك
بس فتحتة اختفت ابتسامتي ورجعت لورة

:انتَ؟؟؟

بكل صلافة دخل وترك الباب مفتوح
زياد:اي اني ليش مستغربة؟

تكتفت وحچيت بحدة
:الكسار مموجود اطلع برة

باوعلي من فوك لجوة مستهزء بية ودخل جوة البيت مشيت ورة اعيط

:وييييننن دااااخللل داكول الكسار مموجووود

ولا اهتم كعدت على القنفة وحط رجل على رجل
زياد:اي عادي ننتظرة

:انتَ شكد انسان قذر ومنحط شلون تكدر تبقى ويا بنية وحدك؟؟

ورث جگارة وكال بكل برود
زياد:قابل راح انام ويا هالبنية؟

فتحت عيوني وحطيت ايدي على حلگي وهو باوعلي من فوك لجوة بنظرات مقرفة

زياد:ولو هالبنية حلوة وبعدها ترفة بس لا يبقى ابن عمي لاعب بيها ماكدر

مكدرت اتحمل رفعت ايدي ردت اضربة بس بسرعة كام لزمها ولواها لورة ظهري وقرب وجهة لوجهي

زياد:اكسرها

:وخرررر عنييييي حقيييييرر

حسيت ايدي حتنكسر ألم لايطاق وفوك الألم خوف صرت ارجف وما اخلي عيوني بعيونة وهو يتقرب علية

زياد:هيچ رجفتي بالسيارة

رفعت راسي مصدومة
:شنو؟

ترك ايدي ونزل نفسة لمستواية
زياد:طلعت حتى رجفتچ حلوة هنيالة غوث

دفرتة ببطنة وعطت
:شكدددددد منحطططط وقذرررر

بسرعة خنگني معصب
زياد:بطلي تضربين صارن هوااااااايةةةة دموووووع هواية

:اكسرررر راسكككك بيك خييييير كول هالكلام للكسار مو من تشوفة تضم راسك مثل النعامةةةةة

دفعني بالأرض حسيت ظهري انقسم نصفين نزل لمستواية وكال
زياد:لا الكسار ولا عشرة مثلة يخوفوني صح احبة بس اكرهچ انتِ انتِ وحدة مو نظيفة وحدة ملعبة بعد امچ رقاصة وابوچ گو** واخوچ...

قبل ليكمل كلامة سمعت عيطة
الكسار:ولككككك زيااااااااادددد

رفع راسة يباوع للكسار والكسار ركض دفرة ببطنة وصار يضرب بي
الكسار:شتسوييييي يم مرتيييييي ولكككك شكد قذرررر انتَ بسسسس ماتوقعتتتتت توصل مواصيلك لمرتييييييي

كمت وكفت بالزاوية ابچي من الي صار كلة ومن كلامة امي وابوية اعرف حالتهم شنو بس وهيب وهيب شبي؟ ليش كلهم ميحبو

تركة وتقدملي خايف
الكسار:انتِ زينة دموع ممووو؟

هزيت راسي ابچي
:شيريددد مني ابن عمك كسار

كور ايدة وكال بغضب
الكسار:اندمة وداعت عيونچ

اجة صوت باوعنة اني والكسار
زياد:ماريد منها شي ولا اشتهيها بعيشة الله اني اكرها لمرتك هاي لو بيدي اشرب من دمها وحدة وصخة

طفر الكسار يضرب بي
الكسار:منوووو وصخةةة ولكككك هاااااي انظف منك ومن عشيرتك كلهااااا فهمتتتتتت لتخلط بينها وبين استبرقك هاي بنظرة متخوووون

صار صمت طويل وعيون زياد مدمعة تركة الكسار واجة يمي يمسح على راسي كام زياد ظهرة منحني وكال

زياد:استبرق خانتني بسببك اذا ناسي

باوعلة وكال
الكسار:اذا انتَ بيك نقص لتلوم غيرك زياد اعرفك تريد تنتقم مني علمود شي اني ما الية ذنب بي حبيبتك مچانت تحبك بالأصل واضح هالشي بس انتَ مچنت تريد تشوف افترت علينة كلنة رادت بس كلمة من عدنة اني باهر ملك حتى الريس مسلم منها وانتَ تكول بسببي؟

زياد:لگيتها تشم بثيابك؟

الكسار:مو ذنبي ذنبك لأن وثقت بيها وهي بنت ليل

غمض عيونة بأذى ومشة يريد يطلع حاني ظهرة مادري ليش انكسر خاطري رغم كلشي سوة

قبل ليطلع من التفت يباوعلنة بحقد وكال
زياد:قبل لا اروح ابشرك شفت كلشي صار بالسيارة واستمتعت....

..يتبعع..

توقعاتكم ؟

.
.
.
.
.
.
.
.
.
.

6000كلمة🫶🏻

البارت القادم يوم الاربعاء🤍

نزلتة بدون ما اراجعة بس دموع قرتة ف اي غلط غلسو🤍

ضيفو حساب الانستا

وقناة التلي

اللهم صلِ على محمد والِ محمد 🦋

مها ال عبدالله