رواية الكسار (سلاسل الغوث) الفصل العشرون 20 - بقلم لـ ميامي

لا تبعد ..
تعال أگرب
اريدك
موش اريدنهم
هاي الوادم ازمة طين
وانغث بسوالفهُم

قراءة ممتعة 🤍
...........................................................

دموع:مفهمت معنى كلامة بسرعة باوعت للكسار چان يباوعلة بقرف

:ثاني مرة تعيديها يا سيارة؟

ابتسم تك خد وتقدم علية باوع للكسار وكال
زياد:روان زل لسانها وكالت زواجكم بعدة مو حقيقي ولو اني ماعرف شلون صابر بس هم عرفت دموع مانعتك منها

:وانتَ شكووو بزواجنةةةةةة

مسح الدم الي بشفتة واردف
زياد:اريد ابينلچ حقيقة الغوث

باوعت لغوث ارجف
:كسار شديحچي؟

مجاوبني چانت انظارة بس على زياد يباوعلة بحقد وخذلان
باوعت لزياد ممستوعبة من نطق كلام رجف گلبي قبل جسمي

زياد:الكسار نام وياچ بالسيارة كدامي

انفاسي ضاقت ورجلية بعد متحملني باوعت للكسار مچان مهتم لكلام زياد مشفت ردة فعل مشفت غير عيون مخذولة تباوع لزياد محچيت شي صرت ادعي بداخلي ماكو هيج كلام

زياد:شفت كلشي دموع لو عندة ذرة غيرة وحب مچان سواها كدامي

كمزت من زمجر الكسار
الكسار:انچبببببب لككككك مطيييييييي

ركضلة ورجع يضرب بي شبعة ضرب صارو يتعاركون واحد يضرب الثاني كعدت بالزاوية اباوعلهم وابچي
بنص هالعركة سمعت تلفون الكسار يرن ركضت واني ادعي يطلع الريس او باهر وصدگ طلع مكتوب (باهر) بسرعة رديت علية ابچي

:باهررر انييي دموع تعال حباب الكسار وزياد ديتعاركون

باهر:جاي جاي الله يلعنك زيااااااد

سدة واني رجعت اباوعلهم وابچي ديضربون بعض ضرب اجرامي
تركة الكسار لازم گلبة ويلهث

الكسار:اكسرة لراسك ومحمد شمسويلككككك انييييي

مجاوبة بس يباوعلة ويلهث
التفت علية الكسار ورحت ملامحة وكال بغصة

الكسار:دموعي والله چذاب

غطيت وجهي ابچي حسيتة كعد كدامي
الكسار:بس مرة دموع الله يخليچ بس مرة خلي ثقتچ بية چبيرة لتخذليني

طلعت بس عيوني كلت واني اشهگ
:ا انتَ وعدتني

الكسار:بعدني عند وعدي ما اخلف اني بوعودي ولچ والله چانت روحي رايحة على فراگچ تصورين اكدر اسويها بيچ؟

صرت ابچي بصوت عالي ماعرف اصدگة لو اصدگ زياد هو من شاف شكي كام وصار معصب ومقهور

الكسار:ربيييييييي تعبتتتتت اخذذذذذذ امااااااانتككككك ولككككك زياااااادددد انتَ اكثر واحد تعرف شكد اني مكسور ومخذوووول ليشششش تريد تجرح گلبي واني گوة احاول اطيبةةةة فهمنييييييي ليششش

ركضلة لزمة من ملابسة وصار يحچي بكسرة
الكسار:ولك زياد انتَ شاهد على الصارلي كلة تعرف بشنو مريت تطعن بية وتألف كلام من عندك بس حتى تزيد دمار حياتي؟

نزل راسة زياد يبلعم تركة الكسار وصار يفتر لازم راسة
الكسار:المنننن عايش اني؟ الاحبها ماتوثق بية اهلي يكرهوني حياة متدمرة والله لو ما حسن ووعدي لأم حسن اخلي طلقة براسي وانهي كلشي

نشفت دموعي بعيوني شفت زياد حط وجهة بين ايدية وصار يبچي باوعلة الكسار بقرف

الكسار:عليمن تبچي؟ جاوب عليمن؟

مجاوبة تقرب علية دفعة من كتفة وكال بحسرة
الكسار:چنت احسك اكثر من اخو مچنت اعرف شايل كُل هالحقد على اخوك

باوعلة ببهوت وراد يتقدملة الكسار ابتعد وكال
الكسار:خليك بعيد بعد انتَ لا ابن عمي ولا اعرفك شگد مچنت احبك كرهتك روح اطلع برة لتخليني اشوف وجهك

دار وجهة الكسار وصار يدخن كال زياد يحاول يبرر
زياد:من قهريييي غوووثثث لك الليل مدانااااامة وانتَ مرتاح ويا مرتك هاي ليييشششش متفهمووووونييييي چانت بفرااااشيييي وتنطق بأسمككك ومن تجي تشم بثيابك

مسح دموعة وصار يضرب على گلبة
زياد:خلتني اقلدك تخيلللل خلتني البس نفس لبسك نفس عطرك نفس كلامك سوتني نسخة عنك متت والله متت من سمعتها تتخيلك وتحچي بأسمك

باوعلة ببرود وذب جگارتة وداس عليها
الكسار:شگد نصحتك؟ مو كلتلك يا اخوية اتركها هاي بنت ليل متنحزر يا اخي عوفها البنية نيتها مو زينة لك زياد عوفها البنية مو نظيفة مسمعت من عندي انتَ چنت انسان طيب وخلوق بس من عرفتها انتهت طيبتك واخلاقك

تقرب من عندة ورفع سبابتة وصار ينقر على كتف زياد
الكسار:چنت بنظرة متباوع للبنات ومن عرفتها صار عادي عندك تنام وياها بالحرام وتفتخر بهالشي صارت تمشيك على مرامها چنت اعمى كدامها وهسة جاي تلومني؟ تلومني لأن ردت اصير سعيد بعد كُل التعاسة الي شفتها بالماضي؟ حتى هاي استخسرتها بية واك زياد

زياد:ردتك بس تحس بية من واجهتها وكالت اني عيني على الكسار وليلة ويا تسوى الف ليلة مرت وياك

الكسار:شنو تترجى من بنت ليل چانت ترگص وكل ليلة بحضن دمرت نفسك بنفسك وهسة تريد تزيد بدماري زياد اطلع برة

نزل راسة بأسف
زياد:اعترف غلطت بحقك وكلت كلام مصار

باوعلي عيونة تلمع بالدموع
زياد:چنت اكذب دموع ردت بس احرگ گلبچ بس تالي احترگ گلبي مصار اي شي من الي ذكرتة اني شفتة بس حضنچ يبچي اني چنت كارهچ من البداية معرفت كرهي الچ وحقدي على الماضي يخليني اتصرف هيچ

باوعت للكسار اتنفس سريع والكسار يباوعلي بخذلان شگد خجلت من نفسي هو كلمة ميصدك عني بس اني بسرعة اصدگ وبدون دليل هم
نزل راسة عني وكال

الكسار:اطلع برة

راد يحچي والكسار دار وجهة عنة
الكسار:زياد اطلع برة

ولا تحرك ضل واكف يباوعلة واني بس ابچي دخل باهر مذهول من منظرهم تقرب للكسار ولزمة من كتفة

باهر:شبيكم؟

الكسار:باهر اخذة طلعة برة ما الية نفس اشوفة

زياد:غوث اسمعن...

قاطعة عاگد حواجبة
الكسار:باهر لو سمحت طلعة

بدون اي كلمة راح باهر سحب زياد وطلعو من البيت بس طلعو باوعلي الكسار وابتسم مستهزء بية

الكسار:شكراً لثقتچ دموع

بچيت وفتحت حلگي اريد احچي بس تركني وصعد فوك گوة يجر روحة عرفت حجم كسرتة وخذلان

اثنين خذلو بـ أن واحد شلون گدر يتحمل؟

هو كل يوم يتأكد من الباب مقفول يلا نصعد لغرفتنة بس هالمرة رحت اني قفلتة ودخلت للمطبخ لفت انتباهي كارتون واثنين علب رحت بفضول فتحت الكارتون طلع بيها كيكة وعليها شمعة رقم 18 ومكتوب كل عام وانتِ بخير

خليت ايدي على حلگي ابچي من استوعبت چان مسويلي مفاجأة ويريد نحتفل بعيد ميلادي تركت كلشي وصعدتلة اركض دخلت للغرفة ابچي شفتة فارش فراش بالأرض ونايم على بطنة

عضيت اصبعي وكتمت شهگاتي تقربتلة ودموعي تصب كعدت بصف راسة ومديت ايدي لشعرة الي ديطلع من جديد

:كسوري؟

مجاوبني ولا حتى اتحرك تمددت بصفة وصرت ادخل نفسي لحضنة گوة توقفت عن الحركة من شفت دمعة نزلت من عيونة وهو مغمض حطيت ايدي على حلگي ابچي

عبالك دمعتة نزلت جمر على گلبي

رفعت نفسي بست دمعتة وكلت
:هالمرك اني بچيت كساري؟

فتح عيونة الحمرة وكال ببرود بدون ميباوعلي
الكسار:روحي نامي فوك اريد انام

حچيت وشفايفي ترجف
:تنام بدوني كسوري؟

بلع ريگة يهرب عيونة عني كام واني اباوعلة شنو يريد يسوي جرني من ايدي وكومني اخذني للچرباية وكال

الكسار:نامي حتى اغطيچ

لزمت ايدة وحچيت بغصة
:اريد يمك

فززني من نتر ايدي ودفعني على الچرباية وغطاني
الكسار:ماكو يمي بعد اذا معندچ ثقة بية لتنامين يمي وتعودي تنامين بدوني

بچيت وهو ولا اهتم بعد انظارة عني وكال
الكسار:من باچر ابدي ارتب الغرفة الثانية وانام بيها بعد انتِ بغرفة واني بغرفة

بس گال هيچ طفرت وكفت على حيلي رافضة كلامة
:لالا حباب والله اسفة اني مو اسامحك سامحني هالمرة

باوعلي ببرود واردف
الكسار:بعمري ما شكيت بيچ دموع كلتلك قبل فترة شكچ بية يموتني وانتِ لا مرة ولا مرتين شكيتي ردت بس شوية ثقة من عندچ وماكو

حچيت بتوسل
:والله اسفة كسار اسفة

ماهتم تركني وراح يريد ينام بالفراش كلت ببچي
:اذا تريد تتركني رجعني لأخوية وأختي؟

باوعلي ببرووووود قاتل واردف
الكسار:دموع نامي لتصير مو زينة

رحتلة اشهگ
:شنو الموزينة شنو الموزينة كسااااار حباب اسفة وبعد ما اشك بيك اعتبرها غلطة وراحت بحال سبيلها

الكسار:دموع نامي كاااافيييي

:ماااااانااااام

باوعلي بخزرة بسرعة نزلت راسي اتنفس سريع تقرب علية لزمني من زندي ورجعني للچرباية معصب

الكسار:لوووو تنامييييين لو تطلعيييييين من الغرفةةةةة

:اريد يمك

زفر نفس بقلة صبر سحبني يضغط على زندي فتح باب الغرفة وطلعني برة وقفل باب الغرفة علية بقيت صافنة ممستوعبة الكسار تركني وحدي واني ابچي ويعرفني شگد اخاف بالليل اني

صرت اتلفت بالمكان خايفة چان الساعة 8 بالليل يعني بعد مو مال نوم بس چان الهدوء يخوف نزلت جوة گلب يدُگ بسرعة كعدت بالصالة حضنت رجلية لصدري وخليت راسي بحضني ارجف واردد

:اعوذ بالله من الشيطان الرجيم

صرت اردد عسى ولعل يخف خوفي لحسن حظي مسمعت صوت غريب او صوت كلاب چان بس صوت عتوي عالي سديت اذاني ابچي هم خوف وهم زعل وهم على خذلتي للكسار

بقيت على حالتي وقت هوااااية لحد ماتعبت وراسي صار طبل غفيت اناشغ نمت واني گلبي يأذيني زعلانة متأذية مكسورة

شگد چنت غبية حتى اصدگ كلام زياد؟ بوقتها من اخذني بالسيارة چانت علية الشهرية وهو يعرف بهالشي لأن يعرف وقتها اكيد لو اله نية صغيرة يسويها هم ميكدر
بكل سهولة شكيت وزعلتة مني بسبب واحد مثل زياد

صبرت شهرين حتى بس المحة وارجع اشمة وهسة زعلتة

فزيت من حسيت نفسي انرفعت فتحت عيوني شفتة كدامي عيونة حمر مبين منايم وريحتة جگاير تعط بسرعة حاوطت رگبتة وخليت وجهي بيها ابتسم من شفت تفاحة ادم تنزل وتصعد طبعت بوسة على رگبتة وكف وكال بتوتر

الكسار:خلي اصعدچ بسلامة لتوگعين من ايدي

مهتميت رجعت ابوسة بيها وهو يمشي ويستغفر وصلني للغرفة دنگ خلاني على الچرباية واني بعدني متعلگة برگبتة

الكسار:وخري ايدچ وصلنة ترة

:نام يمي؟

الكسار:اني طالع دزو علية عندي شغل

برطمت شفايفي وكلت
:متروح

رفع حاجبة وكال مستهزء
:نعم!

:اخاف وحدي واخاف تروح بعد مترجعلي وتطول اكثر من شهرين

الكسار:ارجع بوقت كل يوم

فلت ايدية عن رگبتة وكال ببرود
الكسار:راح اقفل باب البيت زين

كمت على حيلي افرك بأيدية
:بعدك زعلان وتريد تروح لأن زعلان مو

وخر عني وراح يلبس بملابسة ينزع كدامي بدون خجل لبس وكمل ورث جگارة وتقربلي ببرود

الكسار:ما اعتقد زعلي مهم عندچ؟

فتحت حلگي وردت احچي قاطعني وهو يفر بسويچ السيارة
الكسار:رايح يلا نامي شبعي نوم وارجعي لدراستچ

راح طلع ركضت للشباك اشوفة صدُگ حيطلع لو يضحك علية بقيت واكفة اباوع شوي وفتح الباب رفع راسة وكعت عيونة بعيوني زفر الدخان وذب جگارتة وداس عليها

خليت ايدي على حلگي كاتمة شهگاتي وهو طلع سيارتة من الكراج وطلعها للشارع ونزل قفل الباب وحرك السيارة رجعت لمكاني گلبي مقبوض صرت   اعاتب نفسي على عدم ثقتي بي كل ما اتذكر عيونة وهو يتوسل بية اختنگ

طول الليل منمت ابد ماكدر انام وهو زعلان مني
لثاني يوم الصبح يلا كدرت انام طولت بالنومة بحيث العصر يلا كعدت متكسرة تكسر

كمت اتوطح اكره نومة النهار تأذيني
رحت للحمام غسلت وجهي ونزلت ضايجة وجوعانة بسرعة رحت للمطبخ حتى اسوي اكل بس شفت اكو اكل على الكاونتر صرت اتلفت عبالي اجة الكسار بس ماكو لا صوت ولا اثر
نزلت راسي ضايجة حميت الاكل وكعدت اكل وحدي بدون نفس من كملت غسلت المواعين ورجعت كلشي لمكانة ورحت للصالة كاعدة وايدي على خدي

مر العصر كلة وما اجة زعلت وضجت اكثر خليت وصعدت فوك طلعتلي ملابس ادردم

:اذا متريد تجي كول مراح اجي ليش تخليني انتظرك

طلعت للحمام معصبة واتنتور علگت ملابسي وصرت اسبح افرك بجسمي وادردم وامثل اقلد على الكسار

خشنت صوتي وكلت
:يهمچ اذا زعلان يهمچ اييييييي طبعاً يهمني بس انتَ وااااضححح ملييييت اذا مدورت أبو غيرك ماطلع دموع اخليك هيچ هيچ تتحسر علية ابو العرگ

واني ادردم رفعت راسي وشفت هذاك المنظر الي ولا بنية تحب تشوفة

ابو بريص معضل يشبه زياد عيونة حمرة ويمشي على ملابسي عطت صوت رج البيت رج وصرت الطم وافتر بالحمام واحس الأبو بريص تندم صادفني ويكول هاي شبيها

الباب يمي بس من خوفي نسيت اكو باب اخر شي تذكرتة فتحتة وطلعت اركض واعيط وماكو شي يسترني ملابسي والمنشف بقو بالحمام دخلت للغرفة انتفض من الخوف والبرد من الرعب تمددت بالارض لازمة گلبي

دقايق طويلة وتذكرت اني ملابسة شي طفرت للكنتور طلعتلي ملابس ولبستهم بسرعة والرجفة بعدها بية اكو ناس تحس خوف البنات من الحشراترجع والابو بريص عيارة بس بالحقيقة هي فوبيا هو بس شكلهم يخوف شلون لو طفرو علينة

مشطت شعري وكل ما اتذكرة شلون يمشي على ملابسي تلعب نفسي
كملت اخذت كتبي ونزلت بالصالة ادرس صرت ادرس بدون ما احس بالوقت كتب السادس صعبات وكل صفحة ارجع عليها 5 مرات اكثر متخوفة من هالمرحلة وبنفس الوقت متحمسة بس هالسنة واعرف كلشي اعرف فرح وين وهيب وين ويمكن ارجعلهم

مر هواية وقت صار نص الليل ادرس وبالي عند الكسار ما اجة تعبت حطيت راسي على كتبي ونمت

لثاني يوم كعدت شفت نفسي بمكاني بس متغطاية عرفتة جاي طلعتلي ادور علية واعيط بأسمة

:كسورييي رجعت؟

ماكو صوت ركضت للكراج زفرت نفس بضيق من مشفت سيارتة رجعت للصالة ضايجة ميريد يشوفني بحيث من نمت يلا اجة وقبل لا اكعد راح

بقيت طول اليوم ضايجة ومالي نفس
صار كل يوم هيج من انام يجي ومن اكعد الگة رايح زعلان مني لدرجة ميريد يشوفني صرت الهي نفسي بالدراسة والتنظيف

چنت كل ما اكعد اشوف بصف راسي علاگة مليانة اچباس وحلويات والثلاجة مملية عصاير ولبن بس مچنت اكل منهم شي اطبخ باليوم مرة وحدة واتغدة واتعشة بيها ومرات بس اتغدة

كعدت بالليل ادرس بالصالة وحالتي حالة لابسة نظارات طبية وحاطة القلم ورة أذني وصوت المطر والرعيد يخوف بس احاول اسيطر على نفسي
تأخر الوقت صار لازم انام بس چنت جوعانة رحت للمطبخ سويتلي لفة ورجعت للصالة كلت اكملها واصعد للغرفة

بأثناء مداكُل انطفت الكهرباء جمدت بمكاني خايفة فتحت عيوني على وسعهم وارجف ماعرف شنو اسوي من الخوف تكرر علية موقف قبل 8 سنوات اول ليلة عند الكسار

غمضت عيوني وسديت أذاناتي ماريد اشوف او اسمع شي بقيت بمكاني وعلى حالتي اطرافي تجمدت خفت تجيني نوبة صرع من الخوف حاولت اهدئ نفسي صرت اخذ شهيق وزفير

مكدرت اسيطر على نفسي واجت النوبة صرت ما احس بشي بس حسيت نفسي وكعت بالأرض وراسي صار ينضرب وبعدها ماتذكر شنو صارلي

فتحت عيوني على ايد حنونة تمسد بشعري ابتسمت من شفت وهيب يباوعلي ويبتسم ردت احچي واتحرك مكدرت بس عيوني تتنقل على ملامح وهيب الي اتذكرها

عيون عسلية حواجب ثخان سمار يجنن شعر كثيف
نص وجه محروق ابتسمت وهو حط ايدة على رموشي وكال

وهيب:لقاء قريب دموع

مهتميت چان كل همي اشبع من وجهة الحنون باسني بقوة على خدي راسي وكال

وهيب:ارجعي نامي دمعة راح تكونين بخير اوعدچ

غمضت عيوني فرحانة بشوفتة رجعت فتحتهم مرة ثانية وعبالك قيودي انفتحت صارت عيوني تدور بالمكان حچيت بصعوبة

:و وهيب؟

رفعت راسي من اجاني صوت شفتة الكسار
الكسار:اني هنا مو وهيب

مهتميتلة مثل المخبلة صرت ادور بس استوعبت چان حلم لأن اني ماكدر اشوفهم غير بالاحلام رجعت غمضت عيوني ماريد اشوف احد

كال بهدوء وهو يحط ايدة على شعري
الكسار:انتِ زينة؟

هزيت راسي بدون ما اجاوبة ولا اباوعلة وهو هم مكال شي بعد بس كاعد يمي وانفاسنة تنسمع بالمكان الهادئ احس راسي حيل يأذيني من الوگعه

فتحت عيوني من تذكرت هو صارلة ايام ماكو شفتة يباوعلي برخاوة من انتبه علية عدل ملامحة وصار. يباوع ببرود

:شجابك؟

الكسار:لازم اسألج من اريد اجي؟

كمت عن الچرباية ببرود
:اني چنت بالصالة انتَ صعدتني للغرفة؟

هز راسة بدون ميجاوبني باوعتلة ونزلت راسي تركتة وردت اطلع من الغرفة ستوني فتحت الباب واستوقفني صوتة

الكسار:وين رايحة؟ بعدها فجر ترة

باوعتلة افرك بأيدي وحچيت بهدوء
:اروح جوة

الكسار:ليش؟

نزلت راسي وحچيت بصوت يرجف
:حتى لتشوفني

كام تقدم علية وكف كدامي لزم فكي ورفع راسي
الكسار:ليش متردين اشوفچ؟

خليت ايدي على رگبتي بتوتر
:مو انتَ متريد تشوفني

الكسار:ومنين استنتجتي اني ماريد اشوفچ

:لأن انتَ من انام تجي وقبل لا اكعد اروح

حط ايدة على خصري وجذبني لناحيتة
الكسار:عقلچ فد مطي؟ عمرچ مو مال 18 احس الي كدامي دموع ام الـ 12 سنة لشوكت تبقين هيچ فهميني

:شبية؟

الكسار:شنو شبيچ چنچ العافية بس مشكلتچ فاهية يعني مگلتي عندة شغل ومشغول ومفكرتي اني اجي كل يوم واشوفچ وانام يمچ وحتى ابوسچ

باوعت بعيونة ورافعة حواجبي ببراءة
:بس بس اني ماشوفك يعني انتَ متريد اشوفك

زفر نفس بضيق وقربني  لناحيتة اكثر
الكسار:اني مو مهم عندچ حتى تشوفيني بس انتِ انسانة مهمة بحياتي ماكدر ماشوفچ واشم عطرچ الحلو

رفعت ايدية حاوطت وجهة
:انتَ شخص جداً مهم بحياتي كسوري مثل وهيب وفرح لو مو مهم مچان خليت اسمك ويا اسمائهم

دنگ حط جبينة على جبيني واردف
الكسار:اذا مهم عندچ بأهميتهم ليش تريدين تعوفيني وتروحين وياهم؟

حچيت بغصة
:منو كال اعوفك؟ حتى لو رجعو وهيب وفرح حنبقى سوية اني وانتَ وهيب وفرح اني ماكدر بدونكم

ضغط على خصري واردف بهمس
الكسار:لا دموع اذا اختاريتي اخوانچ بعد الكسار مموجود

انعصر گلبي وبقيت اباوع بعيونة وهو يباوعلي مترقب جوابي ماعرف ليش متقبلت الفكرة الكسار وهيب فرح كلهم جزء من روحي

:اريدكم وبس كسار لتخليني بهالاختبار الصعب تعرف شكد تأذيت بغيابهم وتعرف شكد تأذيت بغيابك

تركني يمسح على وجهة
الكسار:زين يلا رجعي نامي

تقربتلة لزمتة من اصبعة وكلت بغصة
:مشتاقتلك

غمض عيونة وزفر نفس قوي ورجع فتحهم
الكسار:اروح فدوة لليشتاقلي

بس كال هيچ حضنتة ابچي
:والله اسفة مو قصدي اشك بيك لتعوفني هيچ بعد

عصرني بحضنة وايدة تصعد وتنزل على ظهري
الكسار:مجبور عندي فد شغلة لازم اسويها ماكدر احك راسي بسببها

وخر عني يمسح بدموعي
الكسار:اعوضچ بس تخلص هالشغلة بس شنو انوب كل ما اجي اريد بوسات وحضنات وحبشكلات بس اهم شي تكثريلي بالبوسات

تعلگت بملابسة اضحك بست خدة بوسة قويييية وهو يقهقه رفعني بأيدة وصار يبوس ويعض بحنچي

:وخرر ترة تأذييييي

اخذني للچرباية نومني وتمدد فوكاية وبس يبوس بحنچي ويعض عضاتة خفيفات بس يأذون

وخر عني وتمدد يمي يضحك سحبني خلاني على صدرة وباس راسي
الكسار:انتِ افعالچ تجبرني

سكتت مبتسمة وهو هم سكت شوي وكال
الكسار:اجيت لگيتچ واكعة ليش؟

اختفت ابتسامتي وتذكرت الي صار
:خفت من الضلمة وهاي ومطر

الكسار:اجتچ نوبة صرع من الخوف؟

هزيت راسي وهو سكت ضايج حطيت راسي برگبتة وغفيت
من كعدت ملگيتة

مر اسبوع كامل وهو على هاي الحالة مرات اشوفة ومرات لا صرت اضوج وحدي بس الدراسة تلهيني

بيوم العصر كاعدة بالمطبخ اشرب چاي واباوع للمطر وخايفة تنطفي الكهرباء واني وحدي

بس اخر شي اجة على بالي ارگُص من زمان مرگصت طفرت للصالة طلعت اغاني بالتلفزيون وشديت شال على خصري وصرت اهز محاسة بالدنيا چنت فرحانة لأن ضعفت ورجعت اكدر ارگُص

اغنية اغنيتين وثلاثة واني مكملة بدون تعب مرت ساعة كاملة لحد متعبت كعدت على القنفة الهث شعري واگع على وجهي وصدري يصعد وينزل اتنفس سريع

سمعت صوت سيارة عرفتة اجة بقيت بمكاني اضحك مابية اكوم شوي ودخل ضل صافن على شكلي شفت وجهة ومتت ضحك كمت اطوطح وهو صافن يبلعم وصلتلة اريد احضنة وتوقفت مستغربة

شفت ورة ظهرة بنية وبأيدها طفل صغير ابتعدت عنة مستغربة

:منو هاي؟

كال الكسار بخفوت
الكسار:تعالي سيدرا البيت بيتچ

دخلت منزلة راسها وكالت بخوف
سيدرا:م مرحبا

الفار صار يلعب بگلبي مجاوبتها تقربت للكسار لزمت ايدة وكلت ابلعم
:ككسوري منو هاي؟

حط ايدة ورة راسي وسحبني لناحيتة باس راسي بوسة قوية وابتعد يمسد على راسي ونظراتة تريد تخترقني

:كسار جاوبني

ابتعد عني وكال بصوت راهي
الكسار:هاي ...

..يتبعع..

توقعاتكم؟

.
.
.
.
.
.
.
.
.
.

5000كلمة چان المفروض يصير 6000 بس اعذروني طلع عندي شغل اعوضكم يوم الجمعة🤍

البارت القادم يوم الجمعة

وها بنااااااااات ترة انا انزل بارتاتي بالليل ما انزل الصبح لو العصر لازم تعرفون هالشي

ضيفو حساب الانستا

وقناة التلي

اللهم صلِ على محمد والِ محمد 🦋

مها ال عبدالله