رواية الكسار (سلاسل الغوث) الفصل العاشر 10 - بقلم لـ ميامي

أنـة أول بنادم ڪلبه مايبرد
انـه المبيوع سد بـ سد
انـه الـ خلص حياته يگول
چاا وحد؟؟

قراءة ممتعة🤍
......................................................................

دموع:بس گال هيچ كزيت على اسناني وكورت ايدي وضربتة بقوة على صدرة فز مرعوب اني متحملت رجعت ضربتة وعطت

:كووووللل منووو حنينك منووو الحنينة منو حسننننن ملييييتتتت منكككك ومن غموضككك مليييتت ريح گلبييييي

طفر معصب لزمني من رگبتي وخنگني
الكسار:شلووووننن تضربينيييي بنت المطييييي

دفعت ايدة عن رگبتي وضربتة برجلة عبالي تأذة بس ولا تحرك
:ملللييييييتتت اذا متزوج گول اذا تحب وحدة گول طلگني وروحلها اني تعبت وحق سيدتي زينب تعبت

الكسار:شبيچ تخبلتي عليةةةة؟؟

دفعتة من صدرة ودموعي تصب
:ا اجيت كعدتك كلتلي اجيتي حنيني شلووون الك نفس تخونها اذا تحبها شلون الك عين تزوج عليها وتدور بنات فهمنييييي

صفن بوجهي متوتر مد ايدة مسح دموعي وكال
الكسار:لتبچين مو زين على عيونچ

دفعت ايدة عني ورجعت احچي ببچي
:رجعني لأخواني وروحلها لتخليني احس بالذنب حباب گلبي انكسر عليها اني گلبي متعود على الكسرات بس لتكسرها كسار فدوة

لزمني من زنودي يهز بية
الكسار:ولچ اكسرررر منوووو ماعندي غيرچ اني

:انتَ كذااااب كذاااابببب عندك زوجة او حبيبة نفسي متتقبل اعيش وياك واكو بنية تحبك وتحبها شنو معندي كرامة؟

الكسار:روحي رجعي نامي لتمسلتين

تركني وكعد يدخن حچيت بغصة
:شتريد مني؟ كسر وكسرتني فرقتني عن اخواني هنتني ذليتني عميتني تريد جسمي؟ اخذ كلشي تريدة واتركني اروح بحال سبيلي وانتَ روحلها

رفع راسة يباوعلي بصدمة كام تقدم علية ويأشر على نفسة
الكسار:ذليتچ وعميتچ اني دموع؟

نزلت راسي وبس دموعي توكع
الكسار:ميهون علية نسمة الهوى تمر عليچ اخاف تأذيچ هسة صرت اني سبب بعمى عيونچ؟

سكت دقايق واباوع لأيدية يضغط عليهم اخر شي ضرب أيد بأيد وكال

الكسار:مع الأسف الي اخاف عليها من عيوني تتهمني بأذى عيونها

باوعتلة اريد احچي تجاهلني وطلع يفرك بصدرة عضيت اصبعي بندم دوم اچفص بالحچي واخلي الحق يصير علية

بقيت كاعدة بمكاني انتظرة يجي وماكو ما اجة
بدون ما ادري نمت بمكاني حاضنة نفسي بسبب البرد

كعدت من صار الضوة بعيوني شفتة نايم كدامي بس مغطيني كمت رحت نمت على ايدة ضايجة من نفسي رفعت نفسي بستة بخدة وحچيت

:كسار كاعد؟

ماكو جواب سكتت وگلبي يلعب صرت اهز برجلي وهو يضوج من هالحركة بسرعة تحرك منزعج

الكسار:اذا تردين تبقين نايمة هنا  وكفي ذيل الچلب العندچ بس تهزينها

باوعتلة رافعة حاجبي
:تشبهني بالچلب؟

وخر عيونة عني زعلان كعدت مخلية اصابعي بحلگي
:شوف اني ما اقصد الي حچيتة چنت معصبة

مجاوبني رجعت بستة بخدة
:ارضى كسر حباب ما احب من تزعل مني

هم مجاوب عصبت ضربتة على گلبة وعطت
:متجاااااااوووببب هااااييي لوووو حنينك چان جاوبتتتتت لأن تحبهااااا

بس تفوهت بهالكلام دفعني وكعني عن القنفة على ظهري احس ظهري انقسم نصفين ممستوعبة شنو صار
شفتة كام عروگة ناطة وعيونة حمرة رفع سبابتة بوجهي ونطق بنبرة تهديد

الكسار:ميحقلچ تنطقين اسمها لأن اسمها طاهر نفسها مو نفسچ بنت كاولية وديوث وازيدچ من الشعر بيت احبهااااا اعشقهااااااا سمعتيييييي اسمها يجري بعروگيييييي لا انتِ ولا عشرة غيرچ يكدرون يخلوني انساها

ويا كُل كلمة گلبي يتحطم ودموعي نشفت بعيوني من الصدمة كلامة كان كفيل بتحطيمي وزادها من رفع رجلة وخلاها على كتفي ودفعني بيها

الكسار:انتِ جبتچ بفلوسيييي اتونس بيچ شهر شهرين واذبچ بالشوارع وترجعين لأصلچ

نزلت راسي احس گلبي انمرد مرد كمت امشي بخطوات مهزوزة ومكسورة خليتة وراية ورحت للغرفة وكلامة يرن ببالي

تمددت على الچرباية عيوني مغوشة وتحرگني وجسمي يرجف
تردد كلامة ببالي

بنت كاولية ، جبتچ بفلوسي ، اتونس بيچ

اني سلعة وجابها بفلوسة؟

حتى لا افكر غمضت عيوني اتذكر وهيب وفرح

الساعة 2 بالليل كاعدين بالطرمة لأن صيف وماكو كهرباء اني نايمة بحضن فرح واحسب النجوم وهيب كاعد ورانة يحرسنة من الفار يخاف يعضنة

داحسب النجوم وحسيت بضربة خفيفة اجت على ايدي رفعت راسي

:هاي منو ضربنيييي

ضحك وهيب وعيونة صغرت
وهيب:لتحسبين النجوم موزة يكولون يطلع بيج فالول

چان يلقبني بموزة لأن طويلة وضعيفة ضحكت ومديتلة لساني
:ايييعع وهيب كول اسم الله

وهيب:لتحسبين دمعة ميصير

هزيت راسي وطفرت من اجتني فكرة نتونس بيها
:عندي فكرةةةة

باوعولي اثنينهم واني حچيت بحماس
:خلي نلعب حجنجلي حبابين هوَ احنة مراح نكدر ننام من الفار والبگ

ضحك وهيب وتقرب علينة حط اصابعة واني وملاك هم حطينة اصابعنة وهو صار يلعبنة

وهيب:حجنجلي بجنجلي صعدت فوق الجبلِ رأيت قبة قبتين صحت يا عمي يا حسين هذا مقام السلطان شيل رجلك يا الحصان

طلعت على ابهام فرح رفعتة تضحك رجع يسوي ويلعبة مرة واثنين وعشرة بدون ملل

رجعت لواقعي على هزة بكتفي فتحت عيوني وحچيت بعدم ادراك

:وهيب!!

خابت أمالي من شفت الكسار كدامي درت وجهي عنة

الكسار:اني طالع خليتلچ اكل بالمطبخ

مجاوبتة هو طلع يتنهد دقايق وكمت غسلت وجهي واستغليت عدم وجودة ورحت للحديقة جبت مي وخليتة على التراب من صار طين رجعت بنيت الهياكل بس هالمرة مبچيت بقيت اباوعلهم بگلب مكسور

:وهيب اختك صارت تتعير بأهلها تقبلها؟

مديت ايدي الي مليانة طين وخليتها على روس الهياكل
:شسوي وهيب دليني فرح شنو ذنبي اذا اهلي هيچ شنو ذنبي اذا اهلي رخصوني وباعوني

ابتسمت بحزن وحضنت الهياكل بقوة ملابسي انملت طين
ساعة وفلشتهم اذا اجة وشافني بهالوضع يجرم بية

رحت للغرفة اخذت ملابس ودخلت للحمام نزعت كل ملابسي وفتحت المي وكعدت حاضنة نفسي صرت افكر شنو اسوي شلون حخلص من عار اهلي

احس نفسي حتى رغبتي بالعيش فقدتها
كمت اسبح وافرك بجسمي بقوة اشوف جسمي صار كلة احمر بس ماكو وجع

من طلعت من الحمام طلعت بدون منشف شعري مبلل ويقطر على ملابسي بدون لا امشط رحت تمددت على الچرباية

احس نفسي اريد ابچي بس دموعي ماقبل تنزل

حتى دموعي تكرهني ومتريد راحتي

مرت ساعات طويلة غابت الشمس بدون لا ادرك

غطيت راسي وغمضت عيوني وسويت نفسي نايمة من سمعت خطوات قريبة عرفتة اجة اول مرة گلبي ميلهف لجيتة

انفتح باب الغرفة وحسيتة تقرب علية وريحة الدخان تعط
رفع البطانية عن راسي واني ولا تحركت طبع بوسة هادئة على خدي وهمس

الكسار:ليش خليتيني اكسر گليبچ الحنون

تمدد وراية وحضن خصري وصار يبوس براسي من ورة ويعتذر بس گلبي ولا رف بعديش يعتذر مني؟

الكسار:اسف سامحيني

ولا حركت ساكن هو سكت نص ساعة وثگلت انفاسة عرفت نام كمت عنة مشطت وطلعتلي فراش فرشتة جوة ونمت

نمت ممرتاحة بسبب وجع گلبي دعيت ربي ما اكعد ولا اشوف الضوة

مع الأسف كعدت وفوكاها شفتة كاعد گبالي يدخن تركتة بدون ولا كلمة وطلعت برة غسلت وجهي وكعدت بالصالة وهو طلع للمطبخ

اسمعة يسوي ريوگ واني بطني تلويني لوي من الجوع مماكلة شي من البارحة

ربع ساعة ودخل يباوعلي بابتسامة
الكسار:سويت ريوگ كومي نتريگ

باوعتلة ببرود وحچيت بصوت تعبان
:ما اشتهي اريد ارجع انام

تقرب علية لزم ايدي وكومني
الكسار:لازم تاكلين تعالي

اخذني غصب كعدني على ميز الطعام وحط كلشي كدامي بيض جبن دبس وراشي مربى زيتون چاي وحليب

الكسار:يلا اكلي

جاوبتة ببرود وعيوني متركزة على ملامح وجهة
: ما اكُل

رفع حاجبة واردف
الكسار: ليش؟

ابتسمت بحزن ونطقت بغصة
:اخاف تعيرني بلگمتي هم

صفن بوجهي وقطع انفاسة خليت وكمت رجعت للغرفة دايخة من الجوع احس الدنيا تفتر بية

سمعت الباب انقفل عرفتة طلع من البيت كمت رتبت البيت الهي نفسي نظفتة ورتبتة وتمددت بالصالة

فجأه وبدون ما احس صرت احچي ويا نفسي واتخيل وهيب وفرح واني مغمضة صرت اشوفهم كاعدين يمي وهيب يضحك وفرح تبتسم وغمازات خدها تبين

:وهيب ممتغير ولا فرح بس اني تغيرت؟

مجاوب بس يبتسم ويهز راسة
:اخذوني وياكم هنا ماكدر اعيش بعد اني مكاني يمكم

حچيت وياهم بهواية اشياء چنت بس اريد اسمع صوتهم بس ماكو بس يبتسمون لو يضحكون

ماعرف شكد مر وقت وحسيت بشخص يهزني بكُل قوتة فتحت عيوني مبتسمة اختفت ابتسامتي من شفتة الكسار خايف

الكسار:شبيچ تبتسمين وتحچين وحدچ؟

باوعت للقنفة الي كدامي وحچيت بعدم مبالاه
:وهيب وفرح هنا چنت احچي وياهم من اجيت راحو ليش اجيت؟

غمض عيونة ورجع فتحهم لزمني بأيدة الي ترجف
الكسار:تتخيلين دمعة

دفعت ايدة عني وكلت ببرود
:لا چانو هنا

كعد كدامي واحتضن وجهي بأيديه
الكسار:راح تتخبلين دموعي

نزلت راسي بعدم اهتمام وفضلت السكوت صار يبوس بأيدي وخدودي

الكسار:اني يمچ انسيهم فدوة اروحلچ شسوي بنفسي اذا تخبلتي

هم مجاوبتة صفن بوجهي ورجع گال بخوف
الكسار:اخاف صار بيچ حالة نفسية لو اكتئاب

دفعتة عني وعطت
:مابية شييييي وخررر ليش تجي تسلب راحتي؟

راد يجاوب تركتة ومشيت للحديقة ادردم انصدمت من شفت الدنيا ليل بقيت اباوع بصدمة سمعت صوت وراية يكول

الكسار:تخيل اشخاص غير موجودين عدم الادراك للوقت ونسيتي شي اسمة اكل وتغذية دموع صار عندچ اكتئاب

:مابية شي لتضل تعيد بهالكلام

تقرب علية لزم ايدي بقوة وكال يباوعلي
الكسار:ليش مسبحتي اليوم؟

باوعتلة بحيرة وكلت
:مو مو نظفت البيت وملحگت

الكسار:تنظيف البيت مياخذ غير ساعتين او ساعة

سكتت محتار ثواني ورجع كال بهدوء
الكسار:تريدين نطلع؟

بسرعة هزيت راسي بلا زفر نفس بضيق ودخلني جوة وراح يسوي عشة وهم رفضت اكل يومين لا اكل ولا شرب

صار يتوسل بية ويعتذر في سبيل بس اكل بس ماكدر نفسي متتقبل اخر شي. تقرب يمي وكال بأبتسامة وهمس

الكسار:وهيب دزلچ العشة ترة

باوعتلة مصدومة ومن كل عقلي صرت اتلفت
:وينة وهيب؟ عايش يعنيييي

سكت مجاوبني عرفت ديضحك علية كزيت على اسناني وصرت اضربة على گلبة بحقد

:روح يا كسار ان شاء الله گلبك ينكسر مثل مدتكسر بگلبي وان شاء الله تتوجع اضعااااااف وجعي

كور ايدة وحچة بغضب
الكسار:تاكليييييننن لو والله ثم والله اسوي بيچ سواية اخليچ طول عمرچ تذكريها

:ما اخاف منك شتريد تسوي سوي

ترك الصحن ولزمني من رگبتي
الكسار:راح اغتصبچ

ما انكر خفت من كال هيچ نزلت راسي وحچيت بخفوت
:اريد انام

الكسار:ماكو نوم اذا متاكلين

:ماريد شي اريد بس انام اتركني بحالي

الكسار:ولچ تردين تموتين نفسچ؟

باوعتلة ونطقت بغصة
:ياريت

طلع من الغرفة معصب واسمع صوت تكسير برة بقيت بمكاني ابچي وحالتي حالة ماكدر اتخطى كلامة

هي اسمها طاهر وميصير اني انطقة ليش اني شبية؟

بديت ادوخ ماكدر اكوم جسمي يرجف من الجوع وحلگي يابس من العطش

رجع بالليل يحاول وياية اكُل واني ارفض صار يتوسل بية بس اكل اخر شي كعد على صدري قيد حركتي وبأيد عصر فكي حتى يفتح حلگي وصار يخلي اكل بحلگي

بس هم ما استسلمت كل ميخلي لگمة بحلگي اذبها وهو يتخبل كل شوي رافع ايدة يريد يضربني وينزلها

ابتعد عني يلهث تعبان
الكسار:تعبتيني دموع شتريدين بس كولي؟

:ماريد غير تتركني بحالي

الكسار:راح تموتين

:عادي هوَ بس بموتي حرتاح

حضني بقوة حسيتة يريد يدخلني بضلوعة خليت ايدية على صدرة وحچيت

:انتَ مو كلت اتونس بيچ شهر شهرين واذبچ بالشارع ارجعچ لأصلچ؟

ابتعد يباوع بعيونة وكأنما ديعتذر عن كلامة اردفت واني افتح ازرار التيشيرت

:ابدي هسة حتى اروح بحال سبيلي بس لازم توعدني حتتركني من تاخذ غايتك الي اشتريتني علمودها

زفر نفس بضيق وهمس بخفوت
الكسار:ماريد منچ شي اريد بس تكونين بخير صحتچ اهم من كلشي حبيبتي

باوعتلة بلعبان نفس احس عندة اكثر من شخصية مرة زين ومرة وحش وبس يريد يأذيني

تركني بالغرفة وطلع غمضت عيوني بدوخة

مر يومين على هذا الحال بس اسبح وانام بعد يومين واداوم چنت اباوع لوجهي بالمراية چان وجهي اصفر كركم

اليوم جمعة وهو كعادتة جاب شرب وكعد يشرب والحيرة واضحة بوجهة چان التلفزيون مفتوح على سبيستون حاطين عدنان ولينا

اباوع واحس عيوني تغوش نزلت راسي وغمضت عيوني بقوة من فتحت عيوني ماشفت ضوة عرفت رجعلي العمى بقيت منزلة راسي ماريدة يحس

هو مرات ميثگل بالشرب يشرب قليل يتونس على كولتة

بقيت هواية وقت منزلة راسي لحد مسمعت صوتة يحچي وياية

الكسار:شبيچ منزلة راسچ؟

:لا ماكو شي بس راسي يأذيني

الكسار:هاي من الجوع اجيبلچ تاكلين لخاطر اخوانچ؟

هزيت راسي بلا
الكسار:رايح اني اجيبلچ وماريد رفض صارلچ 4 ايام مماكلة لگمة تخبلتي؟ تأذين نفسچ علمود كلام منو يستاهل؟

مجاوبتة حسيتة كام استغليت الفرصة وكمت اتلمس بالحايط والأثاث اريد اروح للغرفة اخلي القطرات

واني دا امشي ارتطمت بالحايط وكعت بالأرض على ايدي عطت متألمة اجة يركض خايف

الكسار:الله الله

اجة كومني
الكسار:شبيچ وكعتي وين رايحة للشباك

:م مابية شي بس اريد اروح للغرفة انام

حسيتة لزم فكي ورفع وجهي وكال بحدة
الكسار:باوعيلي بلا

صرت اباوع بطريقة عشوائية عصر فكي بقوة وكال
الكسار:ماتشوفين مووو؟

نزلت دمعتي وهزيت راسي بأيجاب
:رجعت راحت عيوني

شهگت من حسيت بضربة قوية على خدي انصدمت شالني من ملابسي مادري وين اخذني

:كسار وين رايح بية شدتسوي

الكسار:اريد اعلمچ شلون تضمين علية بعد بنت الكلب اكللها عيونچ تروح بشكل نهائي وهي تضم علية

سكتت دقايق وذبني بالأرض چان مكان بارد بشكل طلع وسمعت الباب انقفل

صرت اعيط خايفة
:ويييننننن خليتنييييي كساااار وين تركتنييييي بس لا بالغرفة الي فوك حباب لاااا بيها ابو بريص وحشرات

صوتة ماكو حسيت الهوى اختفى عني من الخوف وجسمي ينتفض بس احس بجسمي يصعد وينزل وبعدها محسيت بشي

نايمة واسمع صوت عذب يمي يقرة قرآن فتحت عيوني مشفت شي عرفت بعدة نظري مارجع بس نطقت بصوت يرجف

:م منو هناا كسار؟

ماكو صوت حركت ايدي بالغلط وحسيت بوجع قوي صار بأيدي سمعت صوت خشن احس سامعتة

:ويييننن الممرضة فلتت الكانونة من ايدهاااا

حچيت ببچي
:منووو هنااااا وين اني

تقرب يمي وصار يهمس بأذني بأيات من القرآن وايدة تمسد على شعري واني بس جامدة بمكاني محتارة منو هذا؟

شوي واختفى صوتة وحسيت بشخص يلعب بأيدي جريتها خايفة

:شدتسوون بأيدي؟

سمعت صوت بنية يكول
الممرضة:حبيبتي بس الكانونة فلتت من ايدچ خليني اركبها الچ

سكتت عرفت اني وين سوتها وطلعت من طلعت صار صوت رجال ثاني والكسار

الدكتور:اهلاً دموع اني الدكتور وسام لازم احاچيچ بخصوص صحتچ عادي لو تعبانة؟

هزيت راسي ارمش اريد اشوف سكت ثواني ورجع اردف

الدكتور:شوفي بابا عرفت من زوجچ انتِ مدتاكلين وبسبب هالشي ضغطچ وسُكرچ ودمچ نازلات نزول فضيع من تطلعين من المستشفى اريدچ تتغذين زين اكلي لحوم وشربي حليب واكلي خضروات وفاكهة ضروري تتغذين وبخصوص عيونچ بهالساعتين يرجع نظرچ

چنت بس اهز براسي كمل كلامة وطلع غمضت عيوني بدوخة فزيت من صار صوت الكسار قريب على اذني

الكسار:كلة مني تعبتي هيچ غلطت وياچ هواية

درت وجهي عنة صار يبوس بية ويعتذر
الكسار:سامحيني ما اعيدها بعد والله روحي راحت عليچ صارلها ايام

خليت ايدية على وجهي ابچي
:اذيتني كسار والله كلامك وافعالك كلها أذتني روحي تعبانة اني وانتَ دتعبني اكثر شتريد مني؟

حط راسة برگبتي يشهگ
الكسار:اريدچ ماريد منچ دموعي

:عوفني كسار ماريدك

الكسار:بس اني اريدچ بكل همومچ وتعبچ اني اريد دمعتي

غطيت وجهي ابچي حضني يتحسر حچيت من بين دموعي
:انتَ متزوج واني اعتبرك أب الية مستحيل نرهم

الكسار:ما اطلب شي منچ هسة وداعت عيونچ اريد بس تبقين يمي ومن تدخلين للجامعة بوقتها لكل حادث حديث

:انتَ تحبها كسار تحبها ممجبور تخليني يمك اني ما اقبلها على نفسي داعيش بتأنيب الضمير

الكسار:انتِ معليچ اني الي فرضت عليچ هالشي الذنب ذنبي

سكتت وهو صار يمسح بدموعي
الكسار:لتبچين مو زين عليچ

همست بصوت متشحرج
:جسمي كلة يأذيني ليش ولساني هم يأذيني

الكسار:اجتچ نوبة صرع وعضيتي لسانچ

سكتنة بس صوت انفاسنة مسموعة نص ساعة وطلعني من المستشفى چان هادئ

من وصلنة للبيت كعدني بالصالة وراح مادري وين تمددت على القنفة اهز برجلي طول هواية وما اجة حسيت الغشاء راح عن عيوني ارتاحيت بس اشوف مغوش مهتميت المهم رجع نظري

سمعت صوت الباب انفتح وانسد بسرعة سويت نفسي ما اشوف ردت اعاقبة بقلقة علية ردتة يقلق اكثر
دخل بالصالة حط اكياس يمي وكال وهو ينزع ملابسة

الكسار:يلا خليني اوكلچ وماريد اعتراض ترة هم جوعان طول هالايام خلصتها بس شرب

حچيت واني اهز ايدي
:مبارك عليك ابو العرگ الناس تخلصها صلاة وانتَ شرب

كمزت من گرصني بخصري عطت وصرت افرك بيها
:شبييييك مليق

سوة حركة بأيدة گوة كدرت اخفي خجلي اردف بستهزاء
الكسار:اوووي ام مليق اوي

التزمت الصمت وهوَ صار يوكلني بأيدة وكلني هوااااية حسيت بطني حتنفجر اخر شي متحملت دفعت ايدة وكلت

:كافي شبعت بطني حتنفجر

بسرعة باسني بخدي
الكسار:بالعافية حبيبتي وهسة تكومين اسبحچ

عوجت حلگي وتخوصرت
:خو انتَ تتونس من انعمي كلش تتونس

ضحك بصوت ولزم فخذي توترت تقرب علية وحچة بصوت راهي
الكسار:جسمچ چنة بقلاوة بس يريد الكسار ياكل

درت وجهي مزعوجة
:كُل متحچي هيچ تلعب نفسي وخرررر ماريد اسبح عود من ترجع عيوني اسبح

شفتة عض شفتة يباوعلي ويضحك بصوت مكتوم مد ايدة لزم جسمي شهگت ودفعتة

:شبييييكك كويسر ابو العرگ وخر

ماتحمل ضحك بصوت عالي حتى اني صرت اضحك
دقايق وسكتني ببوسة على طرف شفتي

الكسار:ربي ليحرمني من صوت ضحكتچ هاي

نزلت راسي خجلانة لزم خدي يمشي ابهامة علية
شوي وشفتة كام باقي بطرگ الشورت وخرت عيوني عنة راح للحمام يسبح واني بقيت بمكاني انتظرة يطلع

نص ساعة وطلع لاف المنشفة على خصرة اجة كعد يمي
الكسار:هسة يلا حسيت بالراحة كومي اسبحچ ترتاحين

:لا مشكور مرتاحة هيچ

تقرب دخل ايدة من جوة التيشيرت لخصري ايدة حارة والجو بارد عبالك جسمي تكهرب ردت ادفع ايدة بسرعة لزم ايدي

حچيت برجيف
:و وخر مو ككلت متريد مني شي؟

طلع ايدة ورفع التيشيرت دخل راسة نام على بطني وهمس نفسة حار
الكسار:ماريد شي بس احب رجفتچ هاي

مكدرت اتحمل دفعت راسة عني وطفرت احك براسي راحت عيوني علية نام على ظهرة ومغمض عيونة

:م ماريد كسار و والله من تسوي هيچ اتعب واكره نفسي

فتح عيونة وجاوبني بحيرة
الكسار:ماعرف شبية كل ما اشوفچ ماكدر اسيطر على نفسي اخاف عليچ مني اخاف افقد واكسر كلامي

وكف وصدرة يصعد وينزل
الكسار:شكد نسوان رادني واني ماردت غيرچ شنو السر الي بيچ؟

متحملت رفعت عيوني اباوع بعيونة هو حس اكو شي غلط رفع حاجبة وكال

الكسار:عيونچ رجعت؟

نزلت عيوني بتوتر وهزيت راسي بلا تقرب اكثر عصر شفتي
الكسار:دتشوفين مو؟

كورت ايدي وحچيت بأستنكار
:لا وين اشوف عيوني مترجع يمكن

تكتف يباوعلي بشك رجعت خطوتين لورة من شفتة تقرب واكثر واكثر فجأه فتح المنشف من عن خصرة ووكع بالأرض وطلع كلشي شهگت شهگة مزقت احبالي الصوتية بسرعة خليت ايدية على عيوني

:البسسس البسسس حقييير شلون تنزع هيچ كدااااميييي

الكسار:تچذبين علية ها؟

:البسسسس كسار متستحيييي

ابتعد عني دقايق ورجع
الكسار:لبست فتحي عيونچ نصرة

فتحت عيوني شفتة لابس ومتخوصر نزلت راسي وحچيت
:عيب تنزع يمي لتسويها بعد

الكسار:لا مو عيب انتِ مو تنزعين يمي ومرات اني انزعچ عادي استمتعي بهاللحظات مثلي

باوعتلة وحچيت بحقد
:انتَ ابو النسوان واحد فاسد اني مو مثلك

ابتسم تك خد ولعب بشواربة

خزرتة ورحت للغرفة ادردم وهو بكل عين صلفة اجة وراية يغني ويطگ اصبع كعدت على الجرباية متكتفة واباوعلة

الكسار:يمة گرصتني عگربة يمة گرصتني عكربة
يا يمة لو شفتيها سبحان لمسويها
من راسها لرجليها تكتل يا يمة هالمرة

متحملت شمرت علية المخدة باسها ورجع شمرها علية
الكسار:حطيها على حلگج حتى بوستي توصل

مديتلة لساني طلع من الغرفة يضحك ويهز بأيدة
ابتسمت وتغطيت زين اريد انام

ستوني ردت اغفى ودخل يركض طفرت خايفة راح للكنتور طلع سلاحين خلاهم بخصرة وعباية ذبها علية ويحجي بسرعة

الكسار:لبسيهاااا بسرعةةة لبسيهاااا

بدون ما ارادد طفرت لبستها خايفة وهو تلفونة مسكت ابد يتصلون وميجاوب

اخذ كلشي يحتاجة واجة لزمني من ايدي بكُل قوتة وكال خايف
الكسار:شنو يصير بية كملي طريقچ و اركضي وجماعتي يجوچ راح ياخذوچ لشخص تبقين امانة عندة

لزمت ايدة وحچيت بتوسل
:لا ماريد اروح لأحد اريدك انتَ كسور

كز على اسنانة وسحب راسي باسة بعمق
الكسار:ماكدر اشرحلچ هسة اذا طلعت سالم اشرحلچ المهم انتِ عندي

ردت احچي وصار صوت قوي الكسار بسرعة دفعني بالأرض وحط جسمة ساتر علية اسمع صوت الشبابيك تتكسر بسبب الطلق

الكسار:لترفعيييين راسچ دمووووعععع ابقييي على وضعچ

متت خوف موقف يرهب

فجأه صار ثگل الكسار كلة علية حضنتة خايفة
:كساااار شكوووو شديصيييير

ماكو رد وكف صوت الرمي الي استمر 10 دقائق وصار صوت خطوات مسموعة بالبيت صرت ارجف واهمس بأذن الكسار

:كسار كوم مادري منو دخل علينة كوم

ماكو رد بسرعة اندفر الباب وراحت عيوني على زلم هواية ملثمين خليت ايدي على حلگي وابچي بخوف سمعت واحد منهم ضحك وتقدم لزم الكسار من شعرة ورفع راسة عني وكال بنذالة

:كلتلك الزمك ولزمتك راح اكسر خشمك وراسك يا كسار....

..يتبعع..

توقعاتكم؟

.
.
.
.
.
.
.
.
.
.
5000كلمة

البارت الجاي يوم الجمعة الساعة 10🤍

وكل عام وانتو بخير وصحة وسلامة 🤍

ضيفو حساب الانستا

وقناة التلي

اللهم صلِ على محمد والِ محمد 🦋

مها ال عبدالله