رواية الكسار (سلاسل الغوث) الفصل الثلاثون 30 - بقلم لـ ميامي

اول مَره ياكل گلبي الخوف
اول مره ادخن حَتى الگطوف .

قراءة ممتعة 🤍
............................................................

دموع:صفن بوجهي ودمعتة واكفة على رموشة كمت ابچي حضنتة بكل قوتي وهو جامد بس صوت انفاسة مسموعة

:ق قبل شكم يوم طلعت اربعينها

ماكدر يتحمل وكع بالأرض فاصل عن الدنيا كلها وعيونة تنغلق وترجع تنفتح وكلمة وحدة نطق

وهيب:ماتت!

حاوطت وجهة بأيدية ابچي وابوس بخدودة
:وهيب لتسوي هيچ الله يخليك ابچي عيط لتخليني اخاف مبقالي من ريحة فرح غيرك

نزلت دمعتة الواكفة وكام حاني ظهرة وهمس بحسرة
وهيب:ماتت وبقيت بحسرة شوفتها

كال هيچ وحضني بقوة وصار يبچي بحضني
وهيب:ماتت فرححححححتيييي ولچ دموووععع ماتت قبل لا اشوفهاااا واشبع منهاااا راحت من ايديةةة راااااااحتتتت

حضنتة وعيوني تصب بالدموع
:محد شبع منهاااا تخييييل ابتعدت عني سنييييييييين طويلة ورجعت التقيت بيهااا وهسة ابتعدت عني وبعد مترجع

تركتي وكعد بالأرض حاني ظهرة ويدُگ على راسة
وهيب:اااااخخخخخخ انكسر ظهرييييي انتهيييييتتتت انيييي انتهيييييت انتظركم مثل هلال العيد وطلعت وحدة منكم ميتة لوووو مييييييت انييييي بدالهاااااا لوووو ميييييت

رفعت ايدة بستها واحس نفسي دادوخ
:اسم الله عليك يبعد روحي يومي قبل يومك ان شاء الله عيني متبچيك

لزمني من زنودي بقوة وصار يهزني  ويعيط ودموعة توكع
وهيب:منوووووو قتلهااااااا منوووووو گليليييييييي

صرت اشوفة مغوش وهو يهز بية شوي شوي ارتخى جسمي وسافرت لعالم الضلام

من كثر تعبي وجوعي انغمى علية صار يومين مماكلة شي بس على المي والضرب الي على رجلية

ماعرف شكد مر وقت وفتحت عيوني عطشانة بشكل انتبهت اني نايمة بحضن شخص والغرفة مضلمة بسرعة طفرت اعيط خايفة

:منووووو انتَ وخررررر ليييشششش تحضنييييييي محد غيييير الكسار يحضنيييييي

انلزمت ايدي بقوة وجرني لحضنة وصار يمسح على شعري واني احاول ادفع بي وابچي همس بصوت هادئ يطمني

:هذا اني دمعتي هذا اني

اتوقفت عن الحركة اتنفس سريع ورفعت ايدي اتلمس وجهة وهمست
:ك كسوري؟

رخى حضنتة وابتعد عني شوي شوي يتنهد واني اتراجف ثواني وانفتح الضوة وصار كدامي وهيب عيونة حمرة ويباوعلي بحزن

وهيب:اني اخوچ حبيبتي

مشيتلة دموعي توكع على خدودي واحچي
:و وهيب خايفة هواية

تقرب علية يبوس براسي
وهيب:اصيرلچ أمان لو خوفتچ الدنيا

رفعت راسي اباوعلة وابچي
:تعبت اني ياريت متت ويا ملاك وارتاحيت

وهيب:اشششش بابا حبيبتي اششش منو بقالي غيرچ اني فرح راحت لترحين انتِ بعد

ابتعدت عنة وصرت اشوفة شعري
:شوف شوف شلون غضنفر خلاهم يگصون شعري شوف شعري چانت ملاك تحبة وهسة راح هم

رجع تقرب علية يمسح بدموعي
وهيب:اگص ايدة الچ

سحبني لصدرة يمسد على راسي
وهيب:كافي بچي اروحلچ فدوة على فدوة ادخلي سبحي وارتاحي وطلعي اكلي

وخر عني مبتسم وراح للكنتور انطاني ملابس من عندة وكال
وهيب:كلشي اكو بالحمام اكو ليفة وصابون وشامبو

هزيت راسي واخذني للحمام وطلع صرت اباوع للحمام بعدم راحة چان الحمام عن غرفة بي بانيو ودوش ومكان بس للمناشف  وشامبوات وصابون جذبني شي واحد چان معلگ 3 مناشف نيلي رمادي اسود و 3 ليفات وجوة كل ليفة صابونة بقيت عاگدة حواجبي

فتحت الدوش وسبحت بعد 15 يوم سبحت سبحة طبيعية چانو بس ياخذوني للحمام اذا احتاجيتة بس ميخلوني اسبح بس كل يوم يذبون سطلة مي علية وباردة بشكل مرات احس گلبي يتوقف

فركت جسمي باليفة واباوع للمكان مستغربة
كملت نشفت جسمي بالمنشفة الرمادية لأن احب هذا اللون ولبست ملابسة چانو كلش كبار علية والبجامة تريد توكع

طلعت من الحمام لازمتها وارجف من البرد شفتة حاط كرسي وكاعد كدام الباب يهز برجلة من شافني طلعت كام على حيلة ملهوف حاوط كتفي

وهيب:نعيماً دمعة

ابتسمت وهزيت راسي اخذني للصالة كعدني واجة ينشف بشعري
وهيب: هذا مشط رايح اجيب عشة واجيچ

راح يركض قبل لا ارد
مشطت شعري الي واصل لرگبتي وشي طويل وشي قصيرصار حتى مينشد تركتة مفتوح وتمددت على القنفة صافنة بالفراغ دايخة

اجة شايل صينية چبيرة وخلاها كدامي چان بيها انواع الأكل دجاج مشاوي مقبلات تمن خبز فاكهة
سوالي لفة صغيرة وقربها على حلگي مبتسم بسرعة ابتعدت ارمش بعيوني نزل ايدة وكال بأستغراب

وهيب:متردين تاكلين من ايدي؟

بلعت ريگ ماعرف شنو اكول وشلون اوضحلة بس كلت احچيها بصراحة

:الأكل حلال لو حرام؟

غمض عيونة وتنهد تنهيدة شگت صدرة
وهيب:حلال وداعتچ اكلي واسولفلچ كلشي

رجع قربها لحلگي اكلتها عيوني مدمعة ماعرف شنو اريد مشاعري ملخبطة 
صار يسويلي لفات وطاير من الفرح بية بس فرحتة ناقصة

اكلت هوااااااية لحد محسيت معدتي انملت تمددت على القنفة مرتاحة
:شبعت

دنگ باسني بخدي
وهيب:بالعافية يلا كومي غسلي وتعاليلي

كمت بصعوبة امشي الدوخة تروح وتجي علية غسلت ايدية ورجعتلة لگيتة مطلع الصينية ودينتظرني بس شافني فتحلي ايديه رحت مبتسمة دخلت بحضنة وهو يبوس براسي

وهيب:ياريت الزمن ينعاد واطلعكم من بغداد

ابتعدت عن حضنة اباوعلة ببراءة
:هاي اغنية هيثم يوسف ياريت الزمن ينعاد واشم تراب بغداد

ضحك بخفة وضربني على راسي
وهيب:بعدچ تافهة تعالي

كعد وكعدني بصفة ونام على رجلية
وهيب:راح احچيلچ كلشي دموع

هزيت راسي وهو غمض عيونة يتذكر وصار يحچي
وهيب:من اخذوكم مني تدمرت لا ليلي ليل ولا نهاري نهار بيومها متحملت وبالمسدس رميت سياف العار وشاهيناز العار كل واحد 7 طلقات

انخمش گلبي من الي سمعتة وهو فتح عيونة مستغرب سكوتي عبالة ما اعرف رجع غمض عيونة وكمل كلامة

وهيب:قتلتهم وشردت افتر بالدرابين ضايع يوم اشتريتلكم ملايس المدرسة چنت مقرر اترك هالشغل لأن مبلغ البيت كمل وغضنفر وافق بدون ميسويلي أي شي لأن چان يعزني هواية لأن مرة من المرات طلعتة من حلگ الموت وبعد ما اخذوكم اضطريت ارجع اشتغل ويا لأن اريد ادور عليكم وهم صرت مطلوب للشرطة
مخليت مكان مدورتة حتى بيوت دخلت وملاهي خفت بايعينكم للملاهي وتلطخ شرفكم الي حافظت علية من قذارة اهلنة چنت خ خايف دموع بقيت سنين بس خايف عليچن

نزلت دمعتة وابتسم بحزن
وهيب:افز من النوم ابچي عليچن مثل المخبل واكوم ادور بالمكان عليچن و وصلت بية انتحر

شهگت وخليت ايدي على حلگي
:انتحرتتتتتت؟

مسح دمعتة. وهز راسة خجلان
وهيب:3 مرات انتحر ويعالجوني وبالمرة الرابعة ضعفت ردت ارمي نفسي ولحگوني زلم الغضنفر صارت بية حالة نفسية نوم ما انام بس قويت نفسي علمودكم ماعرف منين صار عندي أمل برجوعكم وشديت حيلي ومرت السنين واني واحد مجرم قاتل شخصين ويروج للمخدرات

سكت عاقچ وجهة بألم ثواني ورحع كال
وهيب:والله دموع بس چنت اروج يعني ابيع واهرب مخدرات ولا مرة اخذت ولا مرة دخل هالسم لجسمي وفوك كل هذا عاديتهم بدون علمهم اهرب بنات واطفال من قبضتهم خربت عليهم شغل هواااااااية وكل هالشغل ورة ملايين الفلوس اني انجبرت ادخل بهالشغل علمودكم ردت بس طرف خيط يوصلني الكم
المهم چنت اخرب شغلهم لحد هسة واصل 64 بنية مهرب و 72 طفل وكلهم وصلتهم لأهاليهم واكو منهم رفضو يستلموهم اخذتهم لدار الأيتام
چان عدوي اللدود هو الثعلب شكم مرة ردت اقتلة وميموت ابن الكلب تخيلي 5 طلقات رامي وبكلهن يشرد مني النغل

بدون اي دليل صدگتة كلامة وحدة دليل اخوية واعرفة
:زين بس انتَ دتاكل بفلوس حرام وعايش بهالبيت وهم بفلوس حرام

كعد ولزم ايدي خجلان
وهيب:صح هذا البيت بفلوس حرام بس الأكل والشرب كلها بفلوس حلال الله شاهد

:شلون؟

وهيب:بأيام فراغي داشتغل عمالة كل يوم 25 لو 50 الف وشغلي كلة اني ملثم وما اختلطت بشخص ابد

ابتسمت وحضنتة
:اتركهم وهيب حباب

تنهد يمسح على ظهري
وهيب:مستحيل اكدر اتركهم بسهولة دموع بعد ما قتلت امچ وابوچ اني انطلبت للدولة وبدورهم سوولي اوراق وهوية جديدة حتى لا انلزم لأن اني عضو مهم وياهم والكل يخاف مني حتى غضنفر بذات نفسة يخاف مني لأن يعرف روحي بايعها اقتلهم بدون ميرفلي جفن

:بس وهيب اني اريدك تبقى وياية اذا استمريت بهالشغل حتخسر هواااية

وهيب:راح انسحب شوي شوي علمودچ

ابتعد عني عيونة مدمعة
وهيب:وانتِ احچيلي عن حياتچ احچيلي شلون ماتت فرحة؟

بديت احچيلة من اول ما اخذونة لحد ما التقيت بفرح
:من التقيت بيها عرفت هواية اشياء وهيب واول شي عرفتة فرح متزوجة وعندها طفل اسمة حسن عمرة 4 سنوات

بهت وجهة وهمس بخفوت
وهيب:عندها طفل؟

هزيت راسي بأيجاب ودموعي توكع
:مو طفل ملاك ونازل على الأرض يشبهك بشكل مو طبيعي وزوجها يحبها هواية ويصير صديق زوجي واخو بالرضاعة

وهيب:وانتِ هم عندچ طفل؟

:لا معندي رغم الي تزوجتة يريد اطفال بس غلطت وصرت اخذ حبوب منع حمل وچان ممكن يتضرر رحمي

وهيب:والي تزوجتي زين وياچ؟

غمضت عيوني مبتسمة بوسط دموعي
:زين هواية صح عصبي وعنيد بس يحبني رباني ودرسني ومثل مكتلك وصلت مرحلة اولى ادارة واقتصاد وفرح كملت تربية رياضيات بس متعينت

قلص عيونة ورفع حاجبة
وهيب:وزوجچ هذا شنو يشتغل؟

صفنت بعيونة خايفة اكول لو ما اكول لزم ايدي بقوة وهمس
وهيب:عصابچي هم؟

زفرت نفس بحيرة وكلت
:لا

وهيب:لعد؟

:اذا اكول متكول لأحد لأن الكسار مطلوب من الغضنفر ومن الثعلب

وهيب:ما اكول بس احچي قلقتيني

بلعت ريگ وتقربت همست بأذنة
:يشتغل بالأستخبارات بس الكل عبالهم عصابچي

فتح عيونة مصدوم وقبل ليستوعب خرطتهم كلهم
:وهم زوج فرح الله يرحمهم يشتغل نفس الشغل وخالنة هم

كمزت من عاط بصدمة
وهيب:خااااااالنةةة!!

:اي عدنة خوال اثنين

وهيب:شدتحچييييين دموووع يا خوال شاهيناز اهلها ميتين كالت

:وانتَ صدگت؟ شوفوني صورها من طفولتها الى عمر 18 سنة امي طلعت بنت واحد عندة رتبة چبيرة بالدولة واخوانها كلهم استخباراتية وطلعت حابة ابوية وشاردة ويا

كام يفتر بالصالة ممستوعب
وهيب:ماصدك شلوووون هيچ

كمت وصرت احچيلة عن خطتهم وهو يدُگ على راسة حچيتلة كُلشي يخص هالموضوع كعد وحط راسة بين ايدية

وهيب:زين وفرح منو قتلها

كعدت بالأرض اشهگ بالبچي وسولفتلة شلون قتلوها نزل يمي يبچي وينحب عليها

وهيب:حتى ابنهااااا انقتلللل طفل عمرة 4 سنوات هم قتلة ولچ منوووو والله اطلع بروحة

:م ماكدر اكلك اذا كلت حتروح تقتلة واني معندي غيرك تنسجن

وهيب:ماااااا انسجن بس گليليييييي خلي ابرد گلبي وگلب كسارچ نفس ما قتلها اقتلة

غطيت وجهي ابچي
:ماكول ماكول

لزم ايدية بقوة يباوعلي بغضب ودموعة تنزل
وهيب:تكوووولييييين دموووع تكولييين

ضغط علية وحتى توسل صار يتوسل بية مكدرت اتحمل
:الثعلب عدوك قتلهم

توقف عن الحركة گوة يجر النفس
وهيب:ا الثعلب؟

هزيت راسي ابچي وهو كام بهدووووووء تام دخل للغرفة دقيقة وطلع متلثم ولازم سلاحة طفرت على حيلي وكفت كدامة ابچي

:والله اذا رحت وهيب اقتل نفسي ماريددد اخسرككككك خسرتتتت هواااااية لتروووووح

حط سلاحة بخصرة ولبس حذاء اسود ممهتم لكلامي ولا لدموعي وتوسلي كام نزل اللثام وسحبني باس راسي

وهيب:قتلة عندي مثل شربة المي چنت بجريمتين عادي اصير بثلاثة الي يأذون روحي اسلب روحهم منهم

:لااااااا لتروووووح ابوس ايدك لترووووح هسة انجمعت بيك وين عايفني

ابتعد عني ورفع لثامة
وهيب:روحي نامي قبل لتكعدين اني يمچ

حضنتة من خصرة خايفة واتراجف
:اذا رحت تجي تلگاني ميتة لو متلگاني اصلاً

هدئ جسمة وصار يمسح على ظهري واسمع شهگاتة
وهيب:لچ دموعي حيلي انهد خليني اطفي ناري الثعلب موجود بين ايدية وترديني اسكت عنة هذا قتل روحي وابن روحي قتل صديقتي واختي وحبيبتي وامي قتلها بهالطريقة الوحشية

:ننطي للقانون يحاسبة مو احسن

وخر عني يمسح بدموعة
وهيب:وين اكو قانون متكليلي؟ ياخذو يسجنو شهر ويطلعو

ردت احچي بس مكدرت لزمت الحايط وصرت اتقيئ مصارين بطني رادت تطلع وهيب لازم شعري خايف ويحچي اشياء مسمعتهم

كعدت الهث وروحي رايحة وهو كدامي يمسح بحلگي ويغسل وجهي
وهيب:شبيچ شصارلچ

لزمت معدتي بألم
:معدتي تأذيني

كور ايدة معصب
وهيب:هاي لأن اكلتي زين بعد حرمان من الأكل معدتچ متقبلت

كومني للمغسلة غسل وجهي وتمضمضت واخذني للغرفة مالتة نومني على الچرباية واني لزمت ايدة

:تعال نام يمي حتى اضمن متروح لمكان

زفر نفس بضيق ورجع سلاحة ونزع اللثام واجاني تمدد يمي واني حضنت ايدة بقوة حتى ليروح لمكان ومن التعب مكدرت اصمد هواية نمت محاسة بشي

فتحت عيوني بعد فترة على صوت بالغرفة شفتة وهيب دينشف براسة ويتعطر كعدت مبتسمة وكلت

:صباح الخير

باوعلي بلهفة ورد
وهيب:صباح النور ياحلو همزين كعدتي

اجة كعد يمي ولزم ايدي
وهيب:اريد عنوان زوجچ او خالچ

عگدت حواجبي
:ليش

ابتسم ابتسامة تخوف وكال
وهيب:كليلي بس شي يفرحچ

بدون تردد كلتلة العنوان طفر فرحان
:شبيك؟

ضحك بطريقة غريبة وكال
وهيب:اخذت ثارنة وثارة

بهت وجهي وهمست بخوف
:ش شسويت

سحبني من ايدي طلعني برة للكراج يسحب بية انصدمت من شفتها بعدها الدنيا ضلمة  فتح صندوق سيارتة
وهيب:هذا الي سويتة

چانت السيارة بيها كيس اسود چبييييير فتح الكيس بسرعة شهگت ورجعت لورة مذهولة من المنظر الي شفتة احس جسمي اشتعل نار وشي حار نزل من خشمي بس صافنة على هالمنظر

وهيب:شوفيييي راح ادزة لرجلچ

باوعتلة ورجعت باوعت للكيس
چانت جثة مدماية عين من العيون مموجودة

:ا الثعلب هذاا!

هز راسة بفرح
وهيب:قتلتة بطلقة برگبتة واقتلعت عين من عيونة مثل ماسوة بأبن فرح وراح اخلي رجلچ يگطع راسة

كعدت بالأرض وجسمي ينتفض شوي وعيوني انرفعو وتمددت بالأرض انتفض نفض واسمع وهيب يعيط بأسمي بس چانت نوبة الصرع قوية بحيث هالمرة صرت احس براسي وهو ينضرب بالأرض

فقدت الوعي خايفة افقد عقلي هم
ماعرف شكد مر وقت ورجعت لواقعي وألم فضيع براسي حتى مكدرت ارفعة

انفتح الباب ودخل وهيب بسرعة درت وجهي عنة حسيتة اجة كعد يمي يمسد على شعري

وهيب:شلون صرتي؟

مجاوبتة دنگ باس راسي
وهيب:اسف بس مكدرت اتركة عايش دموع شلون اتركة عايش وهو قاتل اختي لا وموجود عندي انتِ لازم تفرحين فرح وزوجها وابنها هسة مرتاحين بقبورهم لأن انوخذ بثارهم

باوعتلة ابچي
:چنت تگدر تسلمة للشرطة ليش لطخت ايدك بدمة ميستاهل

حط ايدة على وجهي وعيونة مغرغرة بالدموع
وهيب:بس فرح تستاهل

سكتت وهو رجع كال
وهيب:دزيت جثتة لرجلچ ودزيتلة رسالة ورقية هم

باوعتلة بلهفة
:شفتة؟

هز راسة بلا تنهدت وهيب انتبه بس سوة نفسة ممفتهم
صار يقنعني الموت حلال بي وخلصت الناس من شرة شوي شوي اقتنعت لازم يموت بس مچنت حابة يموت على ايديهم

مر 3 ايام واني عند وهيب ضحكنة بچينة لعبنة سولفنة تذكرنة اشياء هواية

باليوم الرابع بالليل كاعدة وهو دخل بيدة اكياس هواية كمت حضنتة

:تأخرت اليوم

وهيب:چنت بالسوك جبتلچ بعد ملابس واحتياجات الچ

:ليش كلفت على نفسك ماريد شي اني

ابتسم ترك الاكياس وسحبني للغرفة راح للكنتور طلع علبة چبيرة حطها كدامي

وهيب:راح اشوفچ اشياء محتفظ بيهم

بقيت صافنة فتح العلبة وصدمني من طلع الملابس الي اشتراهم النة اني وفرح بعدهم عندة وبأكياسهم هم والجنط وكلشي

وهيب:كلهم احتفظت بيهم وكل ما اباوعلهم يصير عندي أمل برجوعكم

:بس شلون مصار بيهم شي؟

وهيب:لأن حتى التراب مخليتة يوصلهم

باوعتلة ولزمت خدة الناعم
:اني احبك رغم كُلشي ابقى احبك

باسني براسي وكام رحنة للصالة صار يطلع بالاغراض ملابس بيت جايبلي واكو كيسين انطانياهم بدون ليفتحهم فتحت واحد چان بي ملابس داخلية فد خجلت والثاني بي فوط صحية

من شفت الفوط عگدت حواجبي وتذكرت صار شهر مجايتني بقيت مستغربة خفت من التكيس محچيت بقيت ساكتة

تناسيت الموضوع تعشينة وكعدنة اني ووهيب نسولف

وهيب:تذكرين من لعبنة طوبة واني ضربتها بقوة ووكعت براس شايب بالشارع

ضحكت واني اتذكر
:ايييي ولزمنة ضربنة وانتَ دفعتة وشردنة للبيت

وهيب:ابن اللذين ايدة تعور

:زين تذكر من فرح طبختلنة فاصولية واحترگت وگوة اكلناها حتى لتزعل

وهيب:وبيومها اكلتها كلها مخليت شي وهي فرحت

غمضت عيوني اتنهد
:الله يرحمها

شوي شوي لگينة نفسنة نسولف عنها ونبچي
مشبعنة منها ولا هي شبعت من عندنة احنة الثلاثة انظلمنة تفارگنة بدون ذنب ومن انجمعنة فرحتنة ناقصة خصوصاً اني اول مرة انجمعت بفرح وچانت فرحتي ناقصة لأن وهيب ماكو وهسة اجتمعت بوهيب وفرح ماكو

تعبنة من البچي خليت راسي على صدرة وغمضت عيوني صار يجي طيف الكسار كدامي وريحتة ضربت بخشمي فتحت عيوني اتنهد شوي وكال وهيب

وهيب:شبيچ تتنهدين

حچيت بعدم ادراك
:اشتاقيت للكسار

جمد بمكانة وگلبة دگ سريع
وهيب:اشتاقيتيلة؟

رفعت راسي عيوني تلمع
:هواية

ابتسم وصار يمسح على راسي
وهيب:تردين تروحيلة؟

كعدت صافنة بوجهة هو كعد ولزم ايدي يبوس بيها
وهيب:داحچي جد ومداخيرچ صدگيني اذا تردين تروحيلة ارجعچ والله

بلعت ريگ وكلت بهمس
:وانتَ؟

نزلت دمعتة ورجع باس ايدي
وهيب:المهم انتِ بخير وفرحانة مو مهم اني

حاوطت وجهة بأيدية وحچيت بأقناع
:تعال وياية وهيب حباب خوالنة يساعدوك

وهيب:ماكدر اني مشاكلي هواية ومطلوب لا اكدر اورطچ ولا اورطهم اخذچ الهم ونكون على تواصل سري

حضنتة اهز راسي بالرفض
:لا ماروح ابقى يمك بعد ماروح

بعدني عنة ولزم اكتافي مبتسم
وهيب:راح اكون بخير اذا انتِ بخير دموع ارجعي لزوجچ واني الله يفرجها علية

زفر نفس وكال بخفوت وبصوت مهزوز
وهيب:يجي يوم ونرجع كما كُنا نضحك ونلعب ونغني راح يجي اليوم الي كلش حلو

دموعي تنزل بحيرة كام للغرفة ثواني ورجع بيدة ورقة وقلم كتب رقمة وطبگة وحطة بأيدي

وهيب:هذا رقمي خلي عندچ باچر راح ترجعين

كال هيچ وكام عني يبچي حطيت ايدية على عيوني انحب موقف صعب الكسار لو وهيب؟ مچنت متخيلة يجي يوم واحتار بينهم

هنا خطر علية وهناك خطر علية الخطر لاحگني لاحگني
كمت بخطوات ثگيلة رحت للغرفة شفتة كاعد على الچرباية يدخن ويبچي تقربتلة اشهگ

:وهيب اريد وياك

باوعلي بتعب
وهيب:تعالي نامي بحضني الليلة اخر ليلة وانتِ يمي

ركضت دفنت راسي بصدرة ابچي
:والله ماريد اعوفك گوة لگيتك

وهيب:هناك أمان اكثر هنا على أي لحظة يدخلون ياخذوچ مني

نزلت راسي ابچي حضني وصار يهمس
وهيب:اخاف من اعوفك بعد ما اشوفك
اذا ماتجيني اقدر ظروفك
طويلة رحلتي واخاف برجعتي بعد ما اشوفك

استمع لصوتة الحنون ودموعي تنزل
نمت بعد وقت طويل بعد دموع وشهگات

ردت الصبح مايجي بدونة

فتحت عيوني على بوسات متتالية على خدودي شفتة ديبوس بخدودي

وهيب:شلون راح افارگچ بعد ملگيتچ شلون

شافني كعدت مسح دموعة وبين نفسة طبيعي
وهيب:صباح الخير يلا كومي غسلي وتريگي

هزيت راسي بدون أي كلمة وكمت غسلت وجهي وطلعت لگيتة مجهزلي ريوگ ويتصرف طبيعي كعدت اتريگ واباوعلة وهو يهرب عيونة عني مشتهيت حتى اكُل بدون وعي مني كلت

:وهيب انتَ متريدني؟

فتح عيونة على وسعهم وكام تقرب علية كعد
وهيب:كلشي بية يريدچ دموع اني داحميچ وبس هناك أمان اكثر من هنا صح گدرو يخطفوچ من هناك بس هنا عندي الف عدو مو بس يخطفوچ يقتلوچ دمعة

:هسة لگيتك شلون اعوفك

وهيب:يجي يوم ونلتقي الي كدر يفرقنة ويجمعنة راح يكدر يجمعنة مرة ثانية

هزيت راسي معدنة غير حل كملنة الريوك واخذني للصالة يحچي وياية
وهيب:البسي نفس الملابس الي خطفوچ بيهم وابد لتجيبين سيرتي ابد اذا سألوچ وين چنتي كولي حبسوني بس بغرفة لتكولين طلعتي منها ابد

كام جاب تلفونة ورجعلي
وهيب:وين الرقم؟

طلعتة من صدري ومديتة اله وهو كال
وهيب:رجعي لمكانة ضمي زين حتى اكدر اتواصل وياچ تلفون عندچ مو

:اي

وهيب:تمام هسة طلعي من الباب مال البيت ركضي راح تجيچ سيارة سودة صعدي بيها

حضني بقوة يودعني وصلني لباب البيت واحنة نبچي مجبورين على الفرگة هواية بقينة لحد ما اتصل تلفونة وكال وهو يبچي

وهيب:يلا طلعي ينتظرچ لتخافين أمان

رجعت حضنتة لأخر مرة وطلعت من البيت اركض مچان اكو احد بالشارع لأن يوم جمعة واغلب الناس نايمة

بعدني ممبتعدة عن البيت واستوقفني صوت اطلاق ناري بقيت جامدة بمكاني التفتت للبيت الهث

:و وهيب

صرت ادعي الي بالي مو صح ردت ارجع للبيت ودموعي مالية عيوني بس بسرعة انلزمت من ورة وايد انحطت على حلگي

:اشششش ولا حركة...

..يتبعع..

توقعاتكم؟

.
.
.
.
.
.
.
.
.
.

5000 كلمة ومو تكولون قصير 🙂🔪

اقرو البارت زين وع كيفكم وحتكتشفون هو طويل بس انتو تقرون سريع

ضيفو حساب الانستا

وقناة التلي

اللهم صلِ على محمد والِ محمد 🦋

مها ال عبدالله