رواية الكسار (سلاسل الغوث) الفصل الرابع 4 - بقلم لـ ميامي

انا المَفطوم
من سِمّ العرابيد
ويعلّمني الغشيم
إعلة الحياية!

قراءة ممتعة

..................................................................

دموع:گال هيچ وجرني طبگني على الحايط وحط سلاحة برگبتي رفعت عيوني اباوعلة ارجف

:شسويت لكسار؟

حرك سلاحة بوجهي واردف ببرود قاتل
:انتِ منو؟ شجابچ على الكسار

مجاوبتة بس ابچي واباوعلة چان ملثم وعيونة سود ابتعد خطوتين عني وباوعلي من فوك لجوة ابتسم بمكر الثعلب وحط سلاحة ورة ظهرة ورجع تقرب علية لزگني بالحايط يدفع بجسمة علية

:مبين مايعجبونة الشابات راح على الزعاطيط

دفعتة عني بس يا جبل ميهزك ريح
:وخر هسة مكسرات يكعد يموتك

ابتعد عني وضحك ضحكة كُلش عالية وتخوف
:راح الكسار كسرت راسة وهسة راح اكسر خشمة بيچ

غطيت وجهي ابچي وخايفة لحد مسمعت صوت خشن يكول بستهزاء

:الكسار متعود يكسر روس ماينكسر راسة

فتحت عيوني وراحت نظراتي للكسار واگف بكل جبروت وغضب ضحكت فرحانة وركضت حضنت خصرة من ورة خايفة شفت الكسار حرك راسة ينطي اشارة باوعت شفت مَلِك وبصفة زلم اثنين بيديهم سلاح موجهينة على راس الثعلب

الكسار:عبالك اني غبي مثلك؟

اخذو سلاحة من عندة وكتفو وهو يباوع للكسار بحقد
الثعلب:شلون عرفت

باوعلي الكسار وخرني عنة وراحلة لزمة من شعرة
الكسار:عندي عيون بكُل مكان ما اخطي خطوة بدون ما ادرسها مو غبي نفسك

ضحك بستهزاء واردف بأستفزاز
الثعلب:يجي يوم وراسك يصير جوة رجلي لاتنسى انا مو بس ثعلب انا سم الحية

دفرة ببطنة وعيونة يطلع منهم شرار وگال بتحدي
الكسار:سم الحية مايمشي وياي ولا اخاف من عندة الرابي ويا العرابيد ميخاف من سمهم

شدد لزمتة على شعرة وقرب وجهة لوجه الثعلب
الكسار:تعرف العقرب اذا حس بالخطر شيسوي؟

شفت دم الكسار نزل على راس الثعلب وهو ممهتم كمل كلامة بتحدي
الكسار:يلدغ نفسة ويموت واني هيج اموت ومحد يموتني

باوعلهم الكسار وكال يتنفس سريع
الكسار:اخذوووو للريسس

وكفو وهو عيونة علية ابتسم بأستفزاز وكال
الثعلب:يجي يوم وارجع واول شخص راح ابدي بي هاي الوراك تذكر كلامي زين

راد يتقدم الكسار يضربة بس لزمة مَلِك وأشرلهم ياخذو اخذو وطلعو واني نسيت كلشي ركضت وكفت كدام مَلِك وضربتة برجلي باوعلي مستغرب

مَلِك:شبيچ؟

رجعت ضربتة معصبة
:ملاك ويننننن هاااا

تجاهلني وباوع للكسار راد يحجي ضربتة بوكس ببطنة عبالي يتأذة بس ولا تحرك

:رجعهااا وين اخذتها

دفعني من كتفي بخفة يهز ايدة
مَلِك:حزن وخري شو احنة وين وانتِ وين ماتش....

ماكمل فتح عيونة على وسعهم وعاط
مَلِك:ريييسسسس

ركض واني التفتت مستغربة معرفت شنو صاير الكسار كاعد بالارض مغمض عيونة ولازم كتفة بألم والدم ينفر من كتفة سندة مَلِك وگومة وهو يتنفس بصعوبة اخذة للغرفة واني رحت وراهم وكفت بالباب اباوع شفتة نومة على الچرباية وشگ التيشيرت محتار شنو يسوي

باوعلي وعاط يأشرلي
مَلِك:تقربيييي بسرعةةةة

تقربت عليهم خايفة ومنظر الدم يخوف شگ التيشيرت اكثر وحطة بأيدي

مَلِك:عصري الجرح على ما اجيييي يلااا دموع

هزيت راسي خليت ايدي على جرحة وهو عاط بألم وجهة عرگان دقايق ودخل مَلِك بيدة جنطة

مَلِك:روحي طلعي حزن

:شبي الكسار؟

باوعلي بحدة وعاط
مَلِك:كلتتتتتت طلعيييي خلينييييي اشووووف شغليييي الرجال راااح يموووت

ركضت خايفة وطلعت برة كعدت بالباب ارجف اسمع صوت الكسار متألم

نص ساعة واختفى الصوت كمت فتحت الباب على كيف ومديت راسي شفت الكسار نايم ومَلِك كاعد كدامة ايديه على راسة وكدامة معدات طبية وكفوف بيهم دم

من انتبه علية رفع راسة وباوعلي
مَلِك:تعالي حزن تعالي

تقدمت وعيوني على الكسار نسيت حتى نفسي
:شبي الكسار؟

مَلِك:مابي شي جوعانة اجيبلچ اكل؟

هزيت راسي ب أي جنت جوعانة بطني تأذيني من الجوع ابتسم وكام

مَلِك:رايح اجيبلچ انتبهي على الكسار ما اطول اني

قبل لا اجاوب طلع واني كعدت بصف الكسار امسح على كتفة السليم بطفولية وحنان

:مكسرات عايش؟

ماكو حركة بس يتتفس خليت راسي على صدرة واني اردد الاغنية

:نام نام يا كسار الحلو باچر يوم كُلش حلو

غمضت عيوني وصرت اردد بيها بدون ما احس اخذني النوم

كعدت على اصواتهم يتناقشون سويت نفسي نايمة

الكسار:اخذتة للريس؟

مَلِك:اخذتة واخذ المقسوم بس فهمني شلون شفتة؟

الكسار:من رجعت شفت سيارة تلحگني سكتت عنها ومن وصلت للبيت سويت نفسي دخلت بس اني صرت اباوع من زرف الباب وشفتة يباوع للبيت ويضحك عرفتة لثعلب عيونة ما تتيهني دخلت لدموع شفتها تبچي طلعتلي حجة حتى اختلها لعبتها ختيلان وخليتها بالصالة حتى اي شي يصير يصيرلي اني واتصلت عليك وتعرف الباقي

سمعت مَلك يضحك
مَلِك:وحش كسارنا وحش

سكت الكسار بس جسمة نار رجع گال مَلِك مستهزء

مَلِك:صايرة تنام بحضنك كويسر؟

الكسار:متشوفها شلون خافت هاالطفلةةةة

مَلِك:اي طفلة طفلة بعد شكم يوم نشوف بطنها واصلة لخشمها

الكسار:لتخلط بينك وبيني اني الكسار وانتَ العار

ضحك مَلِك بعلو صوتة خلاني افز فاتحة عيوني وخايفة

مَلِك:اثنينة عارية وانجب

شفت الكسار رفع رجلة ودفرة
الكسار: ووومرضض فززت الطفلة ضحكة الگحـ*** بطلها

مَلِك:شلزگت طفلة وطفلة اصبر عليها سنتين وتصير جبيرة

الكسار:خاب ماتنچب؟

حچيت منزعجة
:عوف مكسرات مريض

كام على حيلة يضحك
مَلِك:اوي مكسرات اوي رايح عود اخذ راحتك زين باي ست حزن

طلع من الغرفة وسد الباب كعدت افرك بعيوني
:مكسرات جوعانة

باوعلي رافع حاجبة
الكسار:مو اكوم اكسر عظامج خزيتيني كدام هذا المطي مكسرات شنو

سكتت وهو أشرلي على الميز
الكسار:روحي غسلي جابلچ اكل

نزلت من الچرباية ورحت غسلت وجهي ورجعت اركض اخذت الاكل ورحت كعدت بصفة قبل لا اكُل سويتلة لفة صغيرة وقربتها لحلگة

:اكل مكسرات انتَ جوعان

اكلها من ايدي مبتسم
الكسار:اكُلي انتِ ما أشتهي لعبانة نفسي كملي حتى ننام

كملت وكمت غسلت من رجعت شفتة نايم طفيت الضوة ومشيتلة على اطراف اصابعي وهم نمت على صدرة مچان جايني نوم احتاريت وين اروح بقيت على حالي لو العب بصدر الكسار لو افتح ايدة واحسب اصابعة وية اصابعي

تركت ايدة من صار صوت كلاب قريب وجمدت بمكاني الصوت صار اقرب دفنت وجهي بصدرة وحچيت بخوف

:كسرات كوم كسرات اجو الكلاب

تحرك منزعج وحرك ايدة على ظهري
الكسار:ميجون هنا حزن

:ه هنا صوتهم هسة يدخلون علينة وياكلونة

سكت عني متجاهلني واني خايفة
:مو تگول اني ابوچ لعد گوم احميني بابا؟

مجاوبني حچيت بغصة
:سياف محماني منو انتَ وتحميني

بس گلت هيچ انعصرت بحضنة عصر
الكسار:احميچ بابا والله احميچ

ردت احچي وصار صوت الكلاب بصف الشباك عطت ودخلت بحضنة ارجف هو رغُم ألمة بسرعة خلاني جوة ونام فوكاية مغطيني من كُل الجهات

الكسار:لتخافين محد يگدر ياخذچ من حضني نامي

حضنتة وهمست برجفة
:مكسرات خايفة

باسني بخدي اتفاسة حارة
الكسار:لتخافين اضمچ بشرايين عيوني

سكتت وصوت الكلاب موترني كل ما اغمض ارجع افتح عيوني خايفة هو حس علية قرب شفايفة لأذني وصار يردد بصوت تعبان اغنية سعدون جابر

الكسار:لو رديت بذاك اسمك وطيوبك
اطلعلك نجمة تضوي على دروبك
جنة وفوك الجنة تخضر بوبك
اني وياك ومحد مني يبوگك
يوم الماشوفك يوم الماشوفك ماريد عيوني

استسلمت للنوم على صوتة الهادئ مبين جان متألم بس ميريد يحسسني

فزيت من حسيت ببوسة انطبعت على خدي ابتسمت وكلت بدون لا افتح عيوني

:اجيت وهيب؟

ماكو جواب فتحت عيوني متأملة اشوف وهيب لكن خاب املي من شفت الكسار عيونة بعيوني زفرت نفسي بخيبة أمل ورجعت غمضت عيوني

مشتاقة لوهيب 5 ايام مشايفتة وفرح 4 ايام مشايفتها ولا اعرف اخبارهم

اجة صوتة يهمس
الكسار:شبيچ دمعة متأذية؟

مجاوبتة نمت انطيتة ظهري احاول ارجع انام ماريد اتذكر اخواني گلبي يصير يأذيني ونبضاتة تتسارع

سحبني من خصري لحضنة صار ظهري بصدرة حرك ايدة على راسي وگال بهدوء

الكسار:شبيچ

فتحت عيوني ببرود وحچيت
:اريد ارجع انام

سكت صار يحرك ايدة السليمة على راسي دقايق ونزل ايدة لزم  گلبي

الكسار:گلبچ متعوب التعب مو الچ

بس كال هيج بچيت والتفتت دخلت راسي بصدرة صرت ابچي وهو يمسح على راسي

الكسار:بس فهميني شسويت؟

رفعت راسي اباوعلة وعيوني مليانة دموع
:مسويت شي بس اريد اخواني والله گلبي طاگ عليهم رجعني الهم

زفر نفس بضيق وطبع بوسة طويلة على راسي
الكسار:والله لو اگدر اجمعچ بأخوانچ بس ماگدر دمعة عيوني

:ليش متگدر اذا على فلوسك وهيب ينطيك كلشي  بيعني مثل مشتريتني

الكسار:انسيچ كلشي اسعدچ والله

:ماريد السعادة بدونهم

شفت عيونة ذبلت والعرگ ينزل من جبينة وانفاسة تنخفض

الكسار:ن نامي دموع

نسيت كلشي وصرت اباوعلة
:شبيك مكسرات؟

ابتسم وتقرب باسني بخدي وشفايفة حارة
الكسار:تكدرين تجيبيلي مي حزن؟

هزيت راسي وكمت من حضنة وركض للمطبخ خايفة اخذت بطل مي من الثلاجة ورجعت للغرفة شفتة نايم على ظهرة ووجهة متألم تقربت وفتحت البطل قربتة لحلگة

:هاي جبت اشرب

فتح عيونة تعبان اخذة من ايدي شرب شوي والباقي بلل راسة بي رجع تمدد وصار ينتفض باوعلي يرجف

الكسار:ا اكو بطل اسو د بالثلاجة جيبي

رجعت للمطبخ هم فتحت الثلاجة ادورة شفت بطل اسود اخذتة ورجعت اخذة من عندي بسرعة وصار يشرب ويعصر وجهة مچنت فاهمة شنو ديشرب ينزلة ويرجع يشرب واني كاعدة مثل الاطرش بالزفة صافنة وهو عيونة علية تعبانة

شرب نصة وحطة على الميز جان هااااادئ وعيونة حمر مدلي ايدة وكال بصعوبة

الكسار:تعالي ننام

بدون أي تردد تمددت بصفة حط راسة فوك راسة ووجهي صار على رگبتة همس بتعب وهو يمشي ايدة على ظهري

الكسار:ريحتچ طيبة چنها ريحة طفل

:صدُگ حلوة يعني؟

رفعني وحط راسة برگبتي يستنشق
الكسار:تخبل دمعة

سكتت فرحانة بطبيعتي بسرعة اتأثر من الكلمة اول مرة من گال ريحتي محلوة صرت اشك بنفسي بس صار مرتين يعيد ويكول ريحتي حلوة

غمضت عيوني واني فرحانة وبعد ايام نمت فرحانة

كعدت ثاني يوم لگيت نفسي معصورة عصر بحضنة بصعوبة فلتت نفسي طفرت للحمام غسلت وطلعت للحديقة چان اكو عصافير كعدت اباوعلهم چان الجو بي نسمة برودة كعدت افكر بيني وبين نفسي

ليش احنة؟
ليش مصرنة مثل أي اطفال بعمرنة ليش ملعبنة ليش مفرحنة

طفلة بعمري كُل همها اللعب والدراسة والونسة
واني همي شوفة اخواني

حسيت بحركة وراية التفتت شفتة الكسار يطوطح وبدون تيشيرت كعد يمي وگال صوتة مطبگ

الكسار:صباح الخير بابا

ابتسمت بخفة
:صباح النور كسار

حضني من كتفي واردف
الكسار:كولي بابا دموع

سكتت مجاوبتة باس راسي
الكسار:كافي دموع فرحي وياية اعتبريني وهيب وفرح اعتبريني ابوچ وامچ

باوعتلة شفايفي ترجف
:حتخاف علية مثل وهيب؟

رفع شعري عن وجهي
الكسار:اخاف عليچ من روحي

:حتنتبه علية ومتزعلني مثلة؟

الكسار:اخليچ بعيوني واغطيچ بجفنهم

باس خدي ورجع يحجي بهدوء
الكسار:ازعل الزعل لو مر عليچ انتبه عليج مثل وهيب واحبچ مثل فرح امشطلچ واسبحچ والبسچ احچيلچ قصة والاهم من كل هذا راح ارجعچ للمدرسة تدرسين

بس كال اخر كلمات طفرت مصدومة
:صدُگ كسااار؟؟

نطق بأبتسامة
الكسار:اي يابة اكيد وسجلتچ والاحد اول يوم دوام الچ

حضنتة فرحانة وهو لمني بحضنة
الكسار:كومي اشوفچ شي

گام وسحبني اخذني للغرفة وفتح الكنتور طلع ملابس مدرسة جديدة

الكسار:جبتلچ ملابس هم وقرطاسية بس تعالي نحچي بأشياء

هزيت راسي اخذني من ايدي وكعدني على الچرباية
الكسار:دوامچ الصبح بمدرسة قريبة علينة ماريد تحچين وية شخص غريب ماريد صديقات ماريد رسووووب

باوعتلة بحيرة
:اني اداوم علمود الصديقات

الكسار:انتِ لسانچ فالت مو مال صديقات شوفي بابا دراستچ اهم من الصديقات اريد تنجحين هسة المهم السنة انتِ اول متوسط أي حركة او كلمة تشكين بيها تجين وتكليلي

:ماشي

الكسار:وهم لازم تلبسين حجاب بعد عادي؟

هزيت راسي موافقة
الكسار:وبعد اهم نقطة

:شنو هي؟

صارت عيونة تتنقل على ملامحي ايدة احتضنت وجهي وصار يمشي ابهامة على شفايفي

الكسار:تنسين اسمچ دموع سياف ناجي

رفعت حاجبي مستغربة
:شلون؟

قرب وجهة لوجهي وكال ببرود
الكسار:اسمچ صار دموع فهد علوان

صفنت ممستوعبة
:بس هذا مو اسم ابوية؟

الكسار:مو مهم اسم ابوچ الي يسألج كولي اسمچ دموع فهد علوان ماريد غلط دمعة مفهوووم!

هزيت راسي وحچيت بضحكة
:مفهوم واصلاً فرحت چان الكُل يكره ابوية وماعرف ليش يكرهوني بالمدرسة من يسمعون اسمة ف هسة محد حيكرهني

ابتسم وكام اخذني للمطبخ سوة چاي وجبن وكعدنة نتريگ ويعلمني كولي هيج ولتكولين هيج

اجة يوم الاحد كعدت من الصبح متحمسة شفتة نايم وايدة على عيونة ايدة طابت بس ميكدر يرفعها هواية

:كسار كسوري كوم مدرسة اليوم

رفع حاجبة يعني كاعد بس ميتحرك
:ماشي نسيت والله بابا مو كسار يلا بابا حتأخر

فتح عيونة مبتسم وباسني
الكسار:صباح الخير بابا

:صباح النور يلا بابا حتأخررر

هز. راسة وگام طلع ملابس اله والية خلاهم على الچرباية واخذ مناشفنة ورحنة للحمام نزعني ملابسي وصار يسبحني ويضحك علية

كملني واني طلعت وهو ضل يسبح ركضت للغرفة لبست دشداشة قصيرة ورحت للمطبخ سويت چاي مثل ماعلمني وطلعت جبن وزيتون مع انُ مچنت احبة بس الكسار ياكُل زيتون بالريوگ

التفتت من سمعت صوتة اجة من وراية
الكسار:عفية بالنادرة بس انتبهي من الغاز بابا

تركت الچاي على النار واخذني مشطلي شعري من كمل رحنة تريگنة

لبست ملابس المدرسة فرحانة والكسار لبسني حجابي ورشلي عطر

الكسار:شلون حلوة البنية ونظيفة كُل الولد يروحون فدوة للبنات

چان كلامة وحدة تحفيز الية

طلعنة من البيت لازم ايدي ويضحك وياية صعدني بسيارتة وصار يوصيني لتحجين وية هذا ولتنطين معلومات عنچ لكولين هيچ واني بس اهز راسي

وصلنة للمدرسة نزلنة لازم ايدي بس دخلنة رحنة للمديرة دگ الباب وسمحتلنة بالدخول

الكسار:السلام عليكم ست

جاوبتة بأبتسامة
:اهلاً وسهلاً استاذ تفضل

رحنة گعدنة وصارو يحچون بأشياء عادية دقايق وباوعلي الكسار

الكسار:بابا دموع طلعي اوكفي بالباب دقايق واصيحلچ

هزيت راسي وطلعت وكفت بالباب اباوع للمدرسة مرتبة والبنات يمرون هاي الي وية صديقتها او اختها ويضحكون عبالك ماكو هم بگلبهم

وية صفنتي انفتح الباب وطلع الكسار مبتسم ورديتلة الابتسامة

الكسار:امشي اخذچ لصفچ

لزمت ايدة ورحنة للصف چان اكو هواية بنات كعدني بالرحلة الرابعة وباسني بخدي

الكسار:مثل ما وصيتچ بابا أي شي تحتاجي تروحين للمديرة واذا وحدة ضايقتچ كُليلي ماشي

حچيت بأبتسامة
:ماشي كسار

رفع حاجبة ضحكت واردفت
:اقصد بابا كسار

الكسار:عفية بالحلوة يلا راح اروح انتبهي بابا خليتلچ اكل بالجنطة وخليتلچ فلوس هم شنو تحبين اشتري

رجع باسني براسي وراح يلوح بأيدة بقيت وحدي بالصف اوزع ابتسامات متوترة او خايفة ميحبوني

دخلت اول درس ست نور مُدرسة العلوم كلنة كمنة احتراماً الها وبدت ترحب بينة چانت كُلش لطيفة اول يوم ما اخذتنة دروس صارت تعلمنة النظافة والترتيب والنظافة الشخصية

ست نور:شوفو ماما انتو اول يوم الكم بمرحلة جديدة المتوسطة اكيد هسة اصيح بأسمائكم بس لازم نتناقش بفد نقطة مهمة وهي النظافة شوفو ماماتي انتو نظيفات وحلوات اهتمو بنظافتكم مثلاً تسبحون كُل يوم وتخلون عطر ومزيل عرق وترتبون نفسكم برة المدرسة او داخلها قبل متجون للمدرسة انتو سابحين او تسبحون بالليل اعتبروني امكم واقدملكم نصيحة وها مو بس نفسكم لا هماتين نظافة بيتكم صفكم لازم المكان الي تكعدون بي نظيف وهسة نبدي بالاسماء الي اكول اسمها ترفع ايدها

كلامها كُلش عجبني حسيتها أم وتنصح طالباتها صارت تكول اسماء البنات واتي كُل متكول اسم اصير اتلفت حتى احفظ منو صاحبة الاسم

ست نور:دموع فهد علوان

بقيت صافنة بس بسرعة تذكرت صار اسمي دموع فهد علوان رفعت ايدي وكمت مبتسمة هزت راسها ورجعت كعدت

انتهى اول يوم دراسة بسلام بقيت بصفي مثل ماوصاني الكسار دقايق ودخل مبتسم كمت على حيلي

الكسار:ها بابا شلونچ

لبست جنطتي وكلت بهمس
:زينة كسوري بس جوعانة

عض شفتة خازرني
الكسار:نروح للسيارة واشوفچ كسوري

لزمني من ايدي وطلعنة من المدرسة بس صعدت بالسيارة لزمني من اذني

الكسار:كسوري لو بابا؟

:اخخخ والله بابا شبيك

ترك اذني يدردم
الكسار:والله بلوة اكللها هيچ تكول هيچ

باوعتلة مبرطمة شفايفي
:ماحب اكول بابا

حرك السيارة وعيونة علية
الكسار:اعرف صعبة واعرف سياف ماحسسج بحنانة بس بابا اني اريد اعوضچ عن سياف السايب اريدچ من تكولين بابا تكونين فرحانة بهالكلمة

احتضنت ايدة مبتسمة
:ماشي بابا

ضحك بخفة وكمل يسوق

الكسار:ايي احجيلي شصار بأول يوم خوما لسانچ فلت

ابتعدت عنة اضحك
:والله راد يفلت من المُدرسة صاحت بأسمي ردت اكللها لااا اني دموع سياف ناجي

الكسار:حتى اسويچ وصلتين

مر اسبوع هادئ چان الكسار مدللني وممخلي شي ينقص علية بس اني ناقصني شي واحد وهو اخواني صرت الصبح من اكعد ارسم بنية وولد بالارض واحچي وياهم وهو يحاول ينسيني بس مستحيل انساهم حاسة بنقص چبييييييير كُلش چبير

صعبة انتَ متعود على شي وفجأه ينفرض عليك شي ومجبور تتقبلة

مثل كل يوم كعدت الصبح شفتة بعدة نايم رحت غسلت وطلعت للحديقة اركض بسرعة رسمت بنية وولد بالتراب وكعدت احچي

:شوفي فرح البارحة ست نور كالتلي عفية لأن حليت سؤال اعرف اني مو شاطرة بس بابا الكسار ديدرسني وها جابلي ملابس بيهم ميني ماووس حلوات وها وهيب صدُگ البارحة شفتك بالحلم تبچي ليش تبچي اني بخير وبابا يكول ملاك هم بخير لتبچي

سكتت من حسيت بشخص حضني من ورة عرفتة الكسار
الكسار:لشوكت تبقين هيچ راح تتخبلين دمعة

:ليش اتخبل داحچي وية اخواني

الكسار:احچيلي اني؟ اعتبريني وهيب وفرح واحچيلي

سكتت مجاوبتة ابتعد عني يتنهد ومدلي ايدة
الكسار:گومي مسبح حزن

لزمت ايدة وكمت وكالعادة اخذني للحمام سبحني بأثناء مايسبحني دارني يباوع لظهري

الكسار:هاي شنو وحمة من اجيتي لهسة بالي يمها

باوعتلة وحچيت بهدوء
:لا اني احترگت بظهري

حچيتلة شلون احترگت وهو صافن بوجهي ومبين ضاج علية

:وهيچ احترگ ظهري ووجه وهيب خطية

رجع دارني وقرب شفايفة لظهري وصار يبوس بأماكن الحروق بسرعة ابتعدت اباوعلة

:شبيك

ابتسم
الكسار:مابية شي بابا بس چانت امي تكول الحروق تتشافة ببوسة وتضحك علية بهالكلام

تجاهلت كلامة ورجعت تقربت علية
:ليش انتَ عندك ام؟

ضحك وجاب المنشفة ينشفني
الكسار:اكيد منين اجيت من زرف الحايط

:وينها لعد؟

تجاهل كلامي وطلعني من الحمام وهو راح يسبح

جانت ايام خالية من كلشي بس مليانة بمشاعر الحنية مزعلني ابد ولا عيط علية صار يدرسني زين

ورة العشة كل ليلة الجمعة وليلة السبت يسوي نارگيلة ويخلي على الطاولة مكسرات وعصير فاكهة واني جنت اقلدة اخلي چبس وعصير وحلويات واكعد بصفة اكُل وهو يضحك علية

ترك النارگيلة وتمدد على رجلي عيونة ذبلانة وصار يردد بصعوبة
الكسار:ربيتك صغيرون حسن ليش انكرتني
يا حسن ليش انكرتني وعيونك الوسعة حسن سهامً صابتني

خليت ايدي على شعرة وعيوني بعيونة الذبلانة
:منو حسن بابا؟

غمض عيونة بقوة وطفرت دمعة من عينة بسرعة مسحها
الكسار:حسن كسرة العمر

سكتت ماعرف شجاوب كام ومدلي ايدة لزمتها ومشينة للغرفة چان يمشي بخطوات ممتوازنة دخلنة للغرفة نزع تيشيرتة وتمدد على الچرباية فاتح ايدة

الكسار:تعالي بابا نامي

بدون تردد رحت تمددت بحضنة وبسرعة نمت
فتحت عيوني من حسيتة كام عني شفتة طلع من الغرفة خفت ابقى وحدي طلعت من الغرفة ادور علية سمعت صوت مي بالحمام عرفتة ديسبح

كعدت يم باب الغرفة انتظرة نص ساعة وطلع ينشف بشعرة من انتبه لوجودي عگد حواجبة

الكسار:شدسوين هنا؟ مو نمتي؟

كمت تقربت علية
:لتخليني وحدي اخاف

ترك المنشف واحتضن اكتافي رجعنة نمنة بالغرفة واحسة ممرتاح

:شبيك بابا؟

زفر نفس حار وهمس
الكسار:مابية بابا مابية نامي يلا

هزيت راسي وغمضت عيوني

مر يوم يومين شهر شهرين سنة سنتين
طول هالسنتين منسيت اخواني دوم اتذكرهم وكل يوم الصبح احجي وياهم وهماتين طول هالسنتين ملمحت مَلِك بعد اختفى

والكسار ماكو احن من عندة اعتبرني بنتة واني صرت احسة ابوية ميقبل بالغلط ابد

اليوم چان اخر يوم بأمتحاني الوزاري امتحنت وهو انتظرني بالباب متوتر اكثر من عندي اني چنت مسيطرة لأن جابلي مُدرسة تدرسني امتحنت والحمدلله جاوبت ذاكرتي القوية فادتني

من كملت امتحاناتي طلعت اركض فرحانة شفتة واكف بباب السيارة يدخن بس شافني فتحلي ايدة ركضت حضنتة

الكسار:ها جاوبتي

:اي وراجعت وتأكدت من اجوبتي

الكسار:عفية بالشاطرة حتى من تنجحين اجيبلچ هدية

صعدت بالسيارة فرحانة وهو فرحان اكثر من عندي
:يلا بسرعةةة اريد اروح احجي لوهيب اني حنجح

بس گلت هيج گلب وجهة مزعوج سكتت محچيت اعرفة يضوج من ارسمهم بالأرض واحچي وياهم بس مو بيدي ماكدر ارتاح اذا ماسوي هيچ

وصلنة للبيت رحت بدلت ملابسي من طلعت شفتة مجهز الغدة

الكسار:تعالي اكلي اني رايح

:وين بابا؟

الكسار:عندي شغل بالليل ارجعلچ مو تخافين

نزلت راسي ضايجة وكعدت اكُل وهو ولا اهتم بدل ملابسة وطلع بسرعة بس طلع رجعت الاكل بمكانة وطلعت للحديقة رسمت اخواني وصرت احچي وياهم واضحك حسيت نفسي تخبلت

واني دا احچي شفت عتوي اصفر وبصفة واحد ثاني ومبين يردون يتعاركون شلت طابوگة وضربتهم حتى يبتعدون بس شمرتها الاصفر باوعلي والثاني شرد خفت من شفتة يباوعلي هيچ بسرعة طفر علية ركضت وهو متعلگ بظهري واني اركض واعيط

حسيت اظافرة شخطت ظهري تشخط
اخيراً وگع عني ركضت للبيت وسديت الباب ابچي وارجف

صار ألم بظهري مو طبيعي بقيت كاعدة بالمطبخ وابچي لحد مادخت ونمت بمكاني

كعدت على هزات بكتفي فتحت عيوني شفتة كدامي مستغرب

الكسار:ليش نايمة هنا دمعة؟

لزمت بطني بألم وحچيت
:عتوي ضربني

الكسار:شنو عتوي ضربج حلمانة؟

كمت رفعت تيشيرتي عن ظهري وشوفتة خراميش اظافر العتوي وهو لزمني مثبتني

الكسار:هاي شنوووو الدممم

:العتوي خرمش ظهري

دارني علية صافن بوجهي
الكسار:الدم مو بس بظهرج؟

رخت ملامحة مثل الي تذكر شي وعض شفتة
الكسار:تعالي بابا تعالي

اخذني للغرفة محتار
الكسار:شوفي بابا انتِ دتنزفين

قاطعتة وكلت
:اي العتوي شخط ظهري اكيد انزف

الكسار:الدم ينزل من جوة بابا يعني انتِ كبرتي

مفهمت قصدة مسح على راسي وگال بهدوء
الكسار:وصلتي لسن البلوغ يعني كُل بنية توصل لسن البلوغ ينزل عليها دم كُل شهر مو شي يخوف ولا شي يخجل هاي سنة الحياة باباتي

باوعت لبين رجلية وانصدمت من شفت اكو دم ببجامتي
:شنووو هاييي بابا

من شافني خايفة سحبني لحضنة
الكسار:مو شي يخوف باباتي والله انتِ كبرتي واجتچ الشهرية شي عادي هسة دخلي للحمام سبحي ونظفي نفسچ بمي دافي دقايق وارجعلچ ماشي؟

هزيت راسي اخذني للحمام وهو راح مادري وين واني ارجف وجع بظهري وبطني قوي ودايخة فتحت المي الدافي ودخلت جوة وصرت اتظف نفسي زين دقايق وانفتح الباب ودخل الكسار مبتسم انطاني فوطة صحية وملابس ومنشف وغسول

طلع بدون ميكول أي كلمة

واني كملت وطلعت مستحية شفتة كاعد بالصالة مخلي راسة بين ايديه من حس علية رفع راسة وكال

الكسار:ها يلا تعالي امشطلچ

رحت كعدت وهو يمشطلي وكُل تنهيدة يذبها ولا الثانية ماعرف ليش كمل شعري وباسني من ورة

الكسار:متأذية؟

التفتت اباوعلة
:بس بطني تأذيني

كام راح للغرفة جابلي جواريب ولبسني وراح للمطبخ مادري شنو يسوي نص ساعة ورجع بيدة كوب

الكسار:هاي لومي بصرة حار شربي ودفي بطنچ زين

اخذتة من ايدة اشرب وهو غير عن العادة راح اخذ البطل الي دوم يشرب من عندة وصار يشرب بحيث البطل بسرعة خلص

واني شربت نصة ونعست من الالم حسيت اريد بس انام تمددت بمكاني ونمت محاسة بشي

كعدت على اصوات حچي قريبة علية بسرعة كمت خايفة صرت اتبع الصوت وصل لباب المطبخ ووكفت

الكسار:ريس ماكدر حتى لو كبرت بعدها طفلة هي متعرف شنو صارلها حتى

يرد علية الشخص الثاني
:تگدر كسار ولك من شوكت انتَ ضعيف هيچ انتَ من تسوي هيچ راح تضمنها الك ومحد راح يكدر ياخذها افهمني

الكسار:خليني افكر

:اذا ماسويت شي راح اخذها منك

سكتو واني بقيت واكفة بمكاني اسمع خاف يحچون شي بس سمعت الباب مال البيت انفتح وانسد عرفت راح بسرعة ركضت سويت نفسي نايمة فهمت الكلام علية بس مفهمت الموضوع شنو

غمضت عيوني من حسيت بخطواتة القريبة علية انرفعت البطانية عني وشالني فتحت عيوني سويت نفسي كعدت

:بابا

ابتسم وعيونة بيها هواية كلام
الكسار:روح البابا محد راح ياخذچ مني صدگيني

دخلني للغرفة نومني على بطني ونام يمي حاضني

الكسار:محد راح ياخذچ مني بنيتي

سكتت بس براسي الف كلمة مكدرت انطق

ثاني يوم كعدت ملگيتة بس مجهزلي الريوگ ورايح تعودت على سوالفة هاي غسلت ورحت تريگت

للعصر يلا اجة
الكسار:شلونها البنية مالتي

كمت مبتسمة
:تمام بابا انتَ شلونك

مارد بس مبتسم طلع مرهم من جيبة وكال
الكسار:نامي على بطنچ ورفعي ملابسچ

نمت على بطني شوي وحسيت بشي بارد صار على خراميش العتوي من كمل باس ظهري

الكسار:يلا كومي اكلي وبعد اريدچ تاكلين زين ماشي؟

هزيت راسي وكمت اكلت عادي واضحك ويا وهو يضحك بس الحيرة واضحة بوجهة

كمل اكلة وكام للصالة واني نظفت المطبخ وردت اروح اكعد يما بس وگفت بباب الصالة من سمعتة يحچي بالتلفون

الكسار:اسبوع ويتم كُلشي ريس المهم نبقى متفقين ماتاخذها مني

بقيت اتصنت واسمع انخمش گلبي من گال بكُل برود

الكسار:راح اقتلة وبالمقابل متساومني بدموع بعد....

..يتبعع..

توقعاتكم؟

.
.
.
.
.
.
.
.
.
.

6000كلمة🤍

بخصوص التنزيل انا انزل بارت بين يوم يوم البارت الجاي يوم الثلاثاء

ضيفو حساب الانستا

وضيفو قناتي

اللهم صلِ على محمد والِ محمد 🦋

مها ال عبدالله