رواية الكسار (سلاسل الغوث) الفصل الخامس 5 - بقلم لـ ميامي

ماعرف وين انطي وجهي
و كلشي يمي ما اطيقه
و أحسد الدم الـ بجسمي
ضلمه بس يندل طريقة

قراءة ممتعة 🤍

..............................................................

دموع:كلامة الاخير صدمني يقتل منو؟

مكدرت اسيطر على الرجفة الي بجسمي حسيت نفسي حفقد الوعي

اكثر شي اكرها بنفسي من اخاف او اتوتر ارجف واحس رجلية ميحملني وادوخ

وزاد خوفي من انفتح الباب وصار كدامي مصدوم بوجودي

الكسار:دمعة!!!

نزلت راسي ارجف واعصر بملابسي تقرب علية واني رجعت خطوتين لورة خايفة بس بسرعة لزمني من زندي

الكسار:سمعتييي شييي؟؟؟

مجاوبتة هزني من كتفي بقوة يعيط
الكسار:جااااووبييي لتسكتييييين

باوعتلة ونزلت دمعتي
:طلعت قاتل ومجرم

ترك ايدي يباوعلي بصدمة ويهز راسة بالرفض دفعتة من صدرة ابچي

:ماتفرق عن سيااااااففف انتَ هم مجرمممم موووو

ساكت وبس يباوع بعيوني
:اني طلعت عايشة ويا مجرم وقاتل

بحركة سريعة سحبني من خصري لحضنة وگال بهدوء
الكسار:اهدئي بابا

:وخرررر عنيييي وخرررر طلععع كلامكككك عن الدييييين كلة كذبببب وخررر اني مو بنتك انتَ واحد مشتريني وخرررر

حاضني بقوة ميقبل يتركني واني تخبلت طلعت كُل الي بگلبي

:عوفنننيييي مجررررمممم انتَ تقتلللل ناس ابرياااااءء وتشتريييي بنااااتتت تفرقهم عن اهلهم وعن اخوووهمممم

دفعني عنة بقوة انضرب ظهري بالحايط باوعلي بغضب وبنفاذ صبر

الكسار:لا اهلچ ولا اخوچ يستحقون حبچ الهم فهمتييييييي

:ارجع بيعني لغيرك ماريد ابقى عند مجرم

تقرب علية جرني من ملابسي يعت بية ويرجف
الكسار:ابيييعچ!!!! شنووووو ابيعچ هاااااا لو ناويييي ابيعچ جان بعتچ من اول ما اخذتچ ولا تحملت مسؤوليتچ چان هسة انتِ بأسوء حال چان هسة انتِ من حضن لحضن ولججج اني نفسي متكدر تدني عليچ لو لو غيري ماخذچ چان سوة بيچ اشياء العقل ميتحملهااااا

بقيت ساكتة ماعرف شنو اسوي تصرفاتة شي وكلامة شي

الكسار:انتِ فهمتي من ط** السالفة

من كال هيج رفعت راسي اباوعلة وابچي
:ماريدك بعد كسار روح عني

فتح عيونة وتقرب علية اكثر
الكسار:كسار! وين بابا؟

:ماكو فرق بينك وبين سياف كرهتوني بكلمة البابا كُل ما اگول جرحي نشف ترجعون تنزفونة

حضني يتنهد واردف بهمس
الكسار:خليني افهمچ كلشي بابا لتقارنيني ويا سياف

دفعتة عني ومسحت دموعي
:وخر عني اريد اسبح

لزم ايدي يحچي بهدوء
الكسار:ماكو ميصير تسبحين كُل ساعتين ميصير تبردين روحي نامي وباچر نحچي رايح اسبح

التفت يريد يروح للحمام گلت ببرود
:اذا اكو باچر

باوعلي بحيرة تركتة ورحت للغرفة واحس دمي محترگ شلون مشكيت؟ شگد غبية اني بحيث لا شكيت بسياف وشاهيناز ولا شكيت بالكسار ليش بسرعة ينضحك علية

بقيت دقايق جوة لحد مسمعت صوت المي بالحمام لبست حجابي وطلعت اركض وخايفة طلعت للحديقة اراجع قراري خايفة ابقى وخايفة اطلع بس بعد قراري مابي رجعة

فتحت باب البيت على كيف وركضت للشارع وابچي
وين اروح المنو التجئ وين وهيب يسندني وين فرح تدليني طريقي بقيت بدون احد والشخص الي حسيتة اطيب شخص بالعالم والي حسيتة حيعوضعني عن اهلي طلع مُجرم

الشارع هدوء وماكو غير صوت الكلاب
ردت اوصل للشارع العام وانسحبت من ايدي بقوة وقبل لا اعيط انسد حلگي  وهمس بأذني بفحيح

الكسار:تشردين مني ها!

سكتت ابچي مشاني للبيت يتلفت بس ماعبالك يمشي يركض ركض بحيث بسرعة وصلنة للبيت

دخلني للصالة وشمرني بالارض معصب وعيونة يطلع منهم شرار نزل لمستواية وجرني من شعري

الكسار:مو صوچچ صوچي دلعتچ زايد

رفع ايدة يريد يضربني بسرعة خليت ايدي كدام وجهي ابچي
:ماريد اعيش وياك عوفني

وخرت ايدية شفتة منزل ايدة گال بغضب
الكسار:سنتين وماعفتچ وانتِ خطر علية اعوفچ هسة! شسويتلچ اني؟ نقصت عليچ شي؟ بشنوووووو قصرررررتتتتتتتتتتت جااااوبيييييي

حچيت ببچي
:ماريدددددكككك مجرمممممم انتَ مجرم وخرررر عنيييي عوفنيي اروح

صفن بعيوني دقيقة كاملة وترك شعري گام عني داير ظهرة
الكسار:روحي انتِ حُرة

انصدمت من گال هيچ بقيت كاعدة بمكاني التفت علية وعاط عيونة حمر

الكسار:گلللللتتتتت رووووحييييي ممجبووووورة تبقيييييييننن بعددددد

من عاط طفرت ابچي وركضت لبرة خايفة چان ليل وصوت الكلاب مالي المكان وماكو احد بالشارع صرت امشي وابچي ماعرف وين اروح

شفت بيت بي عتبة چبيرة رحت كعدت عليها وابچي بحيرة نص ساعة ومثل الحبابة رجعت امشي للبيت لأن معندي مكان اروحلة چنت خايفة بدونة

چان الباب مفتوح دخلت مكسورة ومذلولة رحت للصالة منزلة راسي شفتة كاعد يشرب بنفس البطل وبصفة بطل ثاني مخلص

باوعلي ببرود ورجع شرب رشفة من البطل
الكسار:ه ها ر رجعتي

نزلت راسي شفايفي ترجف ومجاوبتة كام تقدم علية يمشي بتثاقل لزم زندي بقوة

الكسار:چنت ا اعرف راح ترجعين بابا

باوعتلة وبچيت مسح دمعتي وتقرب باسني بطرف شفتي اول مرة يبوسني هيچ من ابتعد حط ابهامة على شفتي السفلية وحركة بخفة

الكسار:ر روحي نامي دمعة اني مو ب بوعيي د دخلي للغرفة وقفلي الباب

بقيت واكفة بمكاني ابتعد عني يفتح بقميصة ووضعة يخوف

الكسار:روووحيييي نااااميييي دمعة تتأذيييييننننن باچر نحچي

تركتة وركضت للغرفة وقفلتها علية چان وضعة مختلف عن كل يوم
مكدرت انام بقيت حاضنة نفسي وكاعدة وافكر

ساعتين مرت واني خايفة طفرت من انطرق الباب ثلاث طرقات متتالية وسمعت صوتة ثگيل

الكسار:د دمعة اني بابا ف فتحي ا البباب

بقيت كاعدة بمكاني وصافنة على الباب رجع دگة

الكسار:افتحي الباب بابا

مكدرت ابقى كاعدة وساكتة گمت مترددة فتحت الباب وصار گدامي حالتة حالة شعرة متخربط عيونة حمرة وذبلانة

بسرعة تقرب اخذني بحضنة هادئ
الكسار:بنتي الحلوة

مشاني للچرباية دفعني وتمدد فوگاية دافن راسة برگبتي ويشتم بيها

الكسار:بنتي انتِ بنتي

مجاوبتة بشي بس ارجف وهو هادئ بس يهمس بكلمات ماسمعها نص ساعة وهدئ نام بدون حركة

غفيت من التعب الجسدي والنفسي واني مكسورة

كعدت من حسيت الثگل راح عن صدري فتحت عيوني شفتة منطيني ظهرة ويدخن بسرعة رجعت غمضت عيوني ماريد اتواجه ويا

دقايق معدودة ورجع علية يبوس بخدودي
الكسار:دمعتي كلشي داسوي علمودچ اكعدي خليني ابررلچ موقفي

حصرتني البچية عصرت عيوني بقوة حتى لا ابچي بس خانتني دموعي ونزلت سمعتة يهمس وطبع بوسة خفيفة قريب على شفتي

الكسار:اعرف كاعدة دموعي

فتحت عيوني ابچي دفعتة عني وانطيتة ظهري اشهگ
:وخر عني ماحبك ولا اريدك رجعني لأخوية

بسرعة حضني من ورة بقوة
الكسار:بس اني احبچ بابا انتِ بنتي الحلوة خليني افهمچ

:وخر كسار يلا

حضني قوي وسكت واني سكتت نص ساعة على هذا الحال مليت تحركت اريد اكوم رجع قوة حضنتة واردف بصوت مهزوز

الكسار:مراح اقتل احد صدگيني سمعتي بس نهاية السالفة بابا

رجعت بچيت
:بس سمعتك تكول حقتلة وبعد متساومني بدموع

الكسار:وبرأييج اقتل منو؟

:منو شخص بريئ اكيد

الكسار:اكيد لا ماكو بريئ ينقتل بهيج طريقة بابا

التفتت اباوعلة ومقوسة شفايفي
:لعد منو؟

الكسار:الثعلب شرد من الريس وهذه خطر على الكل والاهم من الكل انتَ خطر عليج وهم لازم اقتلة لأن البارحة

سكت كاز على اسنانة وعصر ملابسي
:شنو البارحة؟

عض شفتة وكال بغضب
الكسار:البارحة مغتصب طفل

شهگت فاتحة عيوني وهو بسرعة حضن راسي لصدرة
الكسار:اسم الله بابا

مصدومة من كمية الحقارة والقذارة
:بابا انتَ مو گلت ميصير احد يسوي هيج؟ وهم وهيب كال كال حرام وعيب والمجرم الي يسوي هيج نهايتة القتل

الكسار:ولهذا يا بابا لازم الثعلب يموت حرگ اعدام غرق لازم يموت اذا مو على ايدي على ايد اي واحد سواء كان من القانون او العشائر او العصابات الثعلب مطلوب من الكل

:شوف كسوري بابا شوف يعني هو سوالة شي مو زين بس اني سمعت منك يعتدون على البنات بس مو الولد؟

الكسار:النفوس الضعيفة مايهمها بنية ولد طفل بالغ اهم شي يشبعون غريزتهم مثل الحيوانات بدون عقل كلشي توقعي من هالدنيا اني شايف هواية أشياء تشيب الراس

:مثل شنو؟

الكسار:هواية بابا هواية مثل تجارة البشر الدعارة يشترون بنات لنفسهم

كلت بتسرع واني اباوعلة
:مثلك انتَ ومَلِك من اخذتونة اني واختي؟

صفن بوجهي ثواني وابتسم بخفة
الكسار:اني مسويتلچ شي بس البنات الي يشتروهم يفترون من حضن لحضن  ومن بعد مايكدرون يستفادون منهم يذبونهم للملاهي لأن بعد خلصت حاجتهم منهم ويروحون يشترون غير بنات

:وضحلي اكثر بابا

الكسار:ماكدر اوضح اكثر من هيج حبيبتي بس اتمنى هسة تفهمتي موقفي وفهمتي ليش نريد نقتل الثعلب

كعدت وسألتة بفضول
:زين بابا شوف هم سويت هيج من اشتريت بنات غيري

صفن محتار سحبني باسني بخدي مبتسم
الكسار:كومي نتريگ حتى اسبح

:اي هسة يلا صرت زين البارحة مادري شبيك تبوسني هنا

كلت هيچ واشرت على شفتي فتح عيونة وطفر كعد كدامي

الكسار:شنوووو شلون بستچ؟؟؟

اشرت على شفايفة بكل حسن نية مستغربة وهو ابتعد وحط ايدة على راسة مصدوم

رجع سحبني لصدرة خايف
الكسار:بس هيج ماسويت شي بعد مو؟

:لا بس بستني شبيك بابا

الكسار:ماكو شي بابا كومي غسلي حتى نتريگ

هزيت راسي وطلعت كدامة ركضت للحمام غسلت وجهي مرتاحة وطلعت شفتة واكف بالباب متكتف ابتسمت وتركتة يدخل للحمام رحت للمطبخ طلعت الجبن والزيتون والچاي اجهز الريوگ وهو دقايق واجة سوة بيض ميقبل اطبخ يخاف يصيرلي شي الطبخ هو يطبخ واني انظف البيت

وضعنة مثل الچناين كل شخص علية شي الكسار عليه الطبخ واني التنظيف

كملنة ريوگ سبح وطلع مستعجل واني رحت كعدت بالحديقة احجي ويا اخواني وخايفة يجي العتوي

شفت الرسم مديريح گلبي كمت جبت مي وخليتة على التراب صار طين رسمت هياكل اثنين مخربطات وحالتهم حالة بس المهم احس بيهم موجودين بسرعة حضنتهم وابچي

:وهيب وفرح وينكم نسيتوني؟ لا اكو صورة تصبرني على فراگكم ولا اكو درب يوديني الكم گلبي مرات يأذيني من اتذكركم مو بيدي

كعدت بنص الطين حاضنتهم وابجي ساعات طويلة واني جوة الشمس دخت منها ومن البچي

انفتح الباب رفعت عيوني شفتة دخل وعيونة علية مصدوم

الكسار:شجاي تسوين؟

مجاوبتة نزلت راسي ابچي بسرعة ركض جرني من ملابسي بقوة ودفعني بالارض

الكسار:انييي شكمممم مرررة كللللتتتتت لتسويييييننن هيييييچ

غطيت وجهي واشهگ عاط بية بسرعة وخرت ايدي اباوعلة عيوني حمرة

نشفت دمعتي من شفتة دفر الهياكل مال الطين وفلشهم برجلة ورجع يدوس عليهم ويباوعلي بدون رحمة ومعصب

الكسار:شوفيييي ادوووسسس عليچچچچ هيييييييچ اذا رجعتي سويتي هالشييييي ولجججج شلووون بيييييچ

عيوني علية شلون يدوس الطين ودموعي تنزل بصمت
من شافني ابچي ركض علية سحبني من شعري كومني يسحل بية للحمام دخلني ودخل وياية سد الباب يريد يجر ملابسي ينزعني بسرعة دفعتة وصرت اعيط بكسرة

:ابتعدددددد عننننييييييي مارييييدددد شيييي منككككك روووووحححح اطلللععع برةةة اطلللععع اكرهك اني اكرررررهك فوك ما كسرتني وبعدتني عن اخوانيييي وهسةةةةة حطمت گلبيييي من حطمت الهياكل ليشش اني شسويتلك فهمني شسويتلك

جان بس صافن تقربت مكورة ايدي وضربتة على صدرة وصرت احجي بكسرة
:شسويتلك ها طول هالايام اني وياك وما احجي شي شبيك وياية خليني احجي ويا الاصنام والرسومات حتى يرتاح گلبي كلتلك بابا واعتقدت حفرح من اكولها بس يوم عن يوم دتحطمني

ما اهتم لكلامي فتح المي ودفعني جوة يريد ينزعني ملابسي من منعتة لزمهم وشگهم نصين وقرب وجهة لوجهي

الكسار:دمعة خليني زين وياج اكول طفلة وماتفهم بس انتِ كبرتي هسة صرتي مراهقة

مجاوبتة راد يسبحني دفعت ايدة عني
:اطلع اني اسبح وحدي

ما اهتم راد ينزعني باقي ملابسي رفضت دفعتة بقوة وكلت

:مثل مكلتتتت اني بعددد مووووو طفلة اكدرررر اسبح وحدييي اطلع برة لعدددد

كز على اسنانة يباوعلي ببرود خافي الغضب الي بداخلة دار وجهة وطلع رگع الباب ورة

صرت اسبح وابچي بصمت ماعرف ليش سوة هيج يعرفني شگد افرح من احجي وياهم ليش ميريد يشوفني فرحانة فرقني عنهم ليفرقني عن ذكرهم

كملت سبح واحتاريت شلون اطلع ردت البس ملابس ممغسولة بس انفتح الباب ومدلي ملابس واشياء احتاجها وطلع بدون اي كلمة

لبست وطلعت اشهگ بسبب البچي واحس راسي صاير طبل من البارحة بس ابچي 

شفتة كاعد بالصالة يدخن وبصفة مشط وزيت شعر بسرعة رحت اخذتهم من عندة ورحت للغرفة

كعدت امشط شعري وميتمشط تعبني بسرعة صرت ابچي

بهالاثناء شفتة دخل يهز براسة وخرت عيوني عنة اجة كعد وراية وسحب المشط من ايدي بسرعة كمت ابچي

:اكرهك اني

سحبني كعدني كدامة وكال بهمس
الكسار:هرمونات هرمونات نصبر شنسوي

سكتت وهو يمشطلي نص ساعة كمل وطلع من الغرفة مچان الي واهس اسوي شي گلبي يأذيني رحت للچرباية تمددت اريد انام وانسى غطيت راسي وغمضت

ستوني ردت اغفى وانسحب الفراش من راسي فزيت خايفة شفتة واكف على راسي عاگد حواجبة

الكسار:وكت نوم هسة؟ كومي اكلي

حچيت بنعس واني اسحب الفراش
:ماريد اريد انام وبس

عطت من سحبني من ايدي وكومني يجر بية
:شبيك كسار نعسانة شنو ما انام؟؟؟

الكسار:كسار بعينچ وخلصي غدة ونامي عود

اخذني للمطبخ وكعدني ردت اكوم خزرني رجعت كعدت گوة فاتحة عيوني صب غدة واني من النعس ما اشتهي اكل اكلت لگمتين وردت اكوم

الكسار:رجعيييي

:شبعت؟

باوعلي ببرود
الكسار:كملي صحنچ يلا

تكتفت وعاندت ماريد اكُل خليت راسي على الميز وبدون ما احس نمت بمكاني

حسيتة شالني فتحت عيوني صار وجهة بوجهي ابتسم وكال

الكسار:سمنانة بنيتي

غمضت عيوني ماريد اسمع شي مادري شبية
خلاني على الچرباية وطلع مادري وين واني نمت نومة عميقة

كعدت بعد فترة جسمي مكسر ونحلانة سمعت صوت الباب بسرعة غطيت راسي وسويت نفسي نمت احس نفسي چنت اتصرف بدون وعي

تماثلت النوم من خطواتة تقربت علية حسيتة رفع البطانية ودخل وياية

الكسار:كاعدة بابا؟

مجاوبتة حط وجهة برگبتي يتنفس
الكسار:الكل يروحلج فدوة من سياف وشاهيناز لوهيب

حچيت بصوت تعبان
:ليش تكره وهيب شسوالك؟

وخر راسة يباوعلي بحيرة
الكسار:ميستاهل دموعچ دمعتي

:محد يستاهل دموعي غيرهم حقك ما حاس بشعور الفقد والخذلان

ابتسم بكسرة وعيونة دمعت
الكسار:محد يحس بالمكسور حقچ

:وخر عني اريد انام

صار يمسد على راسي بحنية
الكسار:شبيچ بابا ليش كارهتني؟

رديت بغصة
:ماريدك كسار

الكسار:يروحلچ فدوة كسارچ

سكتت عيوني مدمعة بس ماريد ابچي رجع حط راسة برگبتي

الكسار:شنو تردين اسويلچ وترضين؟

:ماريد شي وماريدك

رفع راسة يباوع بعيوني
الكسار:نطلع اني وياچ اخذچ لأي مكان تردي

هزيت راسي بالرفض رجع اردف بقلة صبر
الكسار:لعد شتردين بابا فهميني!!

خليت ايدية على وجهي ابچي
:ماريد شي بس اتركني بحالي

صار صمت وبس صوت شهگاتي تنسمع بسرعة گام عني وخرت ايدية اباوعلة شفتة يلبس بحذائة كمل باوعلي وگال

الكسار:تدللين رايح اني ارتاحي مني

كال هيچ وطلع من الغرفة كعدت حضنت نفسي واباوع للباب عبالي يرجع بس ما رجع گمت طلعت من الغرفة ادورة بعيوني محتارة

:كسار وين رحت اخاف وحدي ليل

ماكو جواب سمعت صوت عتوي رجعت للغرفة اركض وارجف بسرعة غطيت راسي خايفة صرت احاول انام بس ما اكدر من الخوف

للصبح على هاي الحالة من طلعت الشمس يلا طلعت من الغرفة چنت كلش جوعانة ركضت للثلاجة طلعت اكل وكعدت اكل وافكر بالكسار ماعرف وين راح

بأثناء مداكُل سمعت الباب انفتح ونسد طفرت فرحانة لأن اجة

بس فرحتي تحولت خوف من دخلت مرة ضخمة لابسة بنطرون وتيشيرت يردون ينفجرون عليها رجعت لورة خايفة

:منو انتِ

طگت العلچ وعيونها تتنقل على طولي
:اني مرام الريس دزني عليچ

:شتردون مني ممسوية شي

مرام:شنريد منچ قابل حنشغلچ ويانة؟ لتخافين انتِ الج توصيات خاااااصة

كالت هيچ وضحكت ضحكة تخوف چنت كُلش خايفة وبس ارجف وهي هزت ايدها وراحت للصالة واسمع صوتها تدردم

مرام:مخليتوني بس على الاطفال اوي ياربيييييي

رحت عليها امشي بخوف شفتها كاعدة وحاطة رجل على رجل وتباوع للبيت حچيت بتردد

:وين الكسار؟

رجعت تباوعلي بأستنقاص
مرام:بس لو اعرف شعاجبة بيچ جلد على عظم

عصبت ضربت رجلي بالارض وكلت
:على جمالچ هسة چنچ فقمة

فتحت عيونها وكامت سحبتني من ملابسي
مرام:شنوووو منو فقمةةة!!!

من شفتها هيچ صرت ارجف بزيادة رفعت ايدها وصلختني راشدي اقوى من راشدي الكسار خلتني اوكع وراسي يفتر

وكملتها من لزمتني من شعري معصبة
مرام:شوفيييي لتراددينيي انصحچ لأن محد حيگدر يطلعچ من جوة ايدي فهمتييييي

تركتني بالارض دايخة حتى دموعي منزلت كمت بصعوبة احاول استوعب الي صار شفتها كعدت بالمطبخ تاكُل بريوگي وممهتمة لشي من انتبهت لوجودي أشرت برفعة خشم

مرام:يلا اريد البيت نظيف ما جاية اخدمچ جاية عود انتبه عليچ

بدون كلام صرت انظف بالبيت ودموعي تنزل خايفة من الجاي تندمت كلتلة روح عني خلاني بأيد وحدة مبينة مترحم ايدها والضرب

كملت تنظيف ورحت كعدت بالصالة افكر وارجف دخلت وتخوصرت تباوعلي

مرام:انتِ هييي تعرفين تطبخين؟

بسرعة هزيت راسي بلا أشرتلي بقرف
مرام:اليوم اني اطبخ بس باچر الطبخ عليچ

مجاوبتها طلعت تهز بأيدها حضنت نفسي خايفة حتى ابچي وين راح وتركني بأيد وحدة مترحم

تطبخ واسمع صوت الاغاني مالي المكان سديت اذاناتي هالصوت يذكرني بشاهيناز

ماعرف شكد مر وقت وحسيت بضربة قوية على راسي باوعت شفتها واكفة ورافعة حاجبها

مرام:يلا مدام كومي اكلي ونظفي وغسلي مواعين

بدون ما ارادد گمت امشي وراها والرجفة واضحة علية كعدت اكُل وساكتة حتى عيوني مرفعتهم

مرام:الكسار طلع ميعرف يختار

باوعتلها واني ابلع لگمتي بصعوبة رجعت اردفت وعلى وجهة علامات الاستهزاء

مرام:شلون انتِ والكسار تنجمعون اختلاف جذري بينكم

خفت ارد فضلت السكوت وهي تحچي مستغربة

مرام:يعني ما فهمت ليش الكسار مُصر عليچ؟ اكو الف وحده وهو ميريد غيرچ

فهمت على شنو دتحچي جاوبتها خايفة
:بس اني بنتة منسوي شي عيب

طگتها ضحكة كمزتني
مرام:بنتة كُلتي؟

هزيت راسي وهي رجعت ضحكت
مرام:تضحكين علية انتِ؟ رجال يصير عندة وحدة ببيتة لا وصغيرة هم ويعتبرها بنتة كملي اكلچ كملي

رجعت اكُل بصعوبة اكمل لگمة هي كملت وكامت واني بسرعة غسلت مواعين وردت اروح للغرفة رجعت من سمعتها تكول اسمي

مرام:تعالي ست دموع

رحت عليها شفت بأيدها حباية
مرام:اشربي هاي

هزيت راسي بلا
:بس اني معندي هيچ حبوب؟

جرتني من ايدي كعدتني يمها
مرام:افتحي حلگچ وشربي ما الي خُلگچ

كمت من يمها وحچيت بعناد
:ماريد اشرب بابا ميقبل وخري عني

كورت ايدها وضربتني ببطني متت من الألم حسيت روحي دتطلع

مرام:من اكووووللل اخذيها يعني تاخذييييهااا يلاااا

اخذتها من ايدها ابچي وبسرعة شربتها وكمت اركض للغرفة قفلت الباب علية وكعدت لازمة بطني وابچي

:وين رحت عني حتى انتَ بعد متريدني فرح متريدني وهيب ميريدني وانتَ متريدني

دخت عيوني صرت ما اشوف بيهم بحيث بدون ما ادري نمت بمكاني

فتحت عيوني راسي وبطني موتوني گمت متناسية الي بس شفت نازل دم من عندي بقيت اباوع لنفسي خايفة اليوم الرابع من شهريتي وچان الدم ينزل خفيف علية بس هسة نازل هواية ومتلف ملابسي

اخذت ملابس واشياء احتاجها وركضت للحمام قفلتة علية وصرت انظف بنفسي عرفت بسبب ضربتها صار هيچ

كملت وطلعت من الحمام اتلفت ملگيتها بسرعة رجعت للغرفة وقفلت الباب علية باوعت للساعة وانصدمت من شفتها 5 الصبح

شگد نايمة اني مشطت شعري بصعوبة وبقيت كاعدة شوي واندگ الباب واجة صوتها يلعلع

مرام:يلا خاتون كعدي

طفرت بسرعة فتحت الباب وطلعت يارعتلي من فوك لجوة

مرام:حلو سابحة يلا روحي سويلنة ريوگ

هزيت راسي ورحت سويت چاي وبيض وخليت جبن وكملت كلشي وهي حاطة اغاني وتسمع حسيت شاهيناز كدامي عايشة مو مرام

اجت تريگت وكامت بدون متشيل صحن واحد سكتت واني غسلت المواعين ونظفت ومن كملت رجعت كعدت يمي هي تعلمني بنتر واني اطبخ

طبخت مرگة بتيتة والحمدلله طلعت زينة كـ اول مرة اطبخ
وهم اكلت ومن كملت انطتني حباية واني اخذتها خايفة

مر 4 ايام والكسار مختفي واني عشت اصعب ايام ضرب اهانة شغل صارت تقفل الحمام حتى لا اسبح واني ساكتة اخاف اكول كلمة

والحبوب الي تنطيها الية تسطرني سطر بحيث العصر والليل صرت ما اشوفهم اخلصها من الظهر للصبح نايمة

جسمي تعب صرت بصعوبة اشيل نفسي كرهت الكل حتى الكسار كرهتة صرت اتحرك بس جسد

باليوم الخامس هم انطتني حباية بس هالمرة مابلعتها خليتها جوة لساني وركضت للغرفة ذبيتها وتمضمضت وبسرعة قفلت الباب وسويت نفسي نايمة حتى لتحس بية

مرت الساعات وبس صار الليل سمعت خطوات قريبة على باب الغرفة وسمعت صوتها تحجي

مرام:دموع كاعدة لو نايمة؟

مجاوبت شي رجعت حچت ومبينة تحجي وية شخص
مرام:نايمة يلا تعال للصالة

اختفى صوتها وصار صوت اغاني وضحك رجال!

خليت ايدي على گلبي واتنفس سريع حسيت الدنيا تفتر بية شدتسوي هاي ومنو هذا

من طلع الضوة يلا اختفى الصوت واني بعدني كاعدة

طلعت من دگت الباب علية منزلة راسي رجعت تتأمر علية واني مسطورة سطر نعسانة مكدرت انام ابد

بس كملت كلشي والغدة والتنظيف انطتني الحباية وهم ركضت ذبيتها بس هالمرة مكدرت ابقى كاعدة نمت واني الف حسرة بگلبي والف سؤال ببالي

كعدت بالليل على صوت اغاني باوعت للساعة شفتها 12 بالليل
حضنت نفسي وعيوني على الباب وافكر اكوم اطلع

تشجعت وكمت فتحت الباب على كيف ومديت راسي شفت بس مرام ترگُص ولابسة لبس فاضح واسمع ضحكة رجال شفتها كومتة تدلع بسرعة دخلت وسديت الباب حسيتهم صعدو لفوك وصوت ضحكاتهم مالية المكان

مكدرت ابقى بالبيت لبست حجابي وطلعت خايفة واتلفت اخاف تجي ركضت للحديقة هستوني اريد اطلع وانفتح الباب

نزل مي بارد على گلبي من شفت الكسار كدامي چان يباوعلي مصدوم بسرعة بچي وركضت دخلت بحضنة حضنتة بقوة ورجفتي واضحة رجلية حاوطت خصرة وهو حط ايديه ورة ظهري وكال مستغرب

الكسار:شبيچ دموع؟

سديت حلگة وباوعتلة ابچي
:اششش كساااار اشششش اكو شخص وية مرام ديسون شي عيب فوك

فتح عيونة على وسعهم ونزلني خلاني بظهرة طلع سلاحة ودخل للبيت

الكسار:وينهم؟

أشرتلة فوگ

رفع تلفونة واتصل مادري على منو
الكسار:هاي الگـ** الدزيتوها جايبة واحد للبيت انتوووو اغبياااااء مو كلتكم اريدددد وحدة من اهل الله انچب وانلصم ماريد كلمة وحدة اسمعني راح اصعدلهم تعالو اخذوهم يلا

سدة وباوعلي
الكسار:ابقي هنا راح اصعد ابد لا تصعدين

قبل لا اجاوب صعد دماراتة ناطه والشرار طالع من عيونة دقايق معدودة وصرخت مرام ونزلو الاثنين بطرگ الداخليات وهو وراهم رافع سلاحة عليهم

كعدهم بالصالة واني رحت وكفت بظهرة لازمة ملابسة وابچي

الكسار:ولچ وجهچ چنة وجه نعال وتسوين هيچ لو حلوة شلووووننن

مجاوبتة تبچي والي يمها كُل ميريد يحچي يسكتة بضربة
الكسار:ما فارغ احاسبچ راح اخليچ بأيد الولد تتحاسبين انتِ وهذا النذل

گمزت من دخلو 3 ملثمين ومسلحين بدون أي كلمة اخذوهم والكسار طلع وياهم گعدت بمكاني لازمة گلبي وارجف كل يوم يصير شي يخليني اتأذة نفسياً وجسدياً

دخل الكسار يباوعلي بحيرة نزلت راسي تعبانة من كُلشي اجة كعد يمي وسحبني كعدني على رجلة وحضني

الكسار:خو ما سوتلچ شي

مجاوبتة بعدها الخوفة والصدمة بية اقرب باسني على خدي ورجع اردف

الكسار:جاوبيني بابا سوتلچ شي؟

كمت عن حضنة اباوعلة ودموعي تنزل رفعت ملابسي عن بطني وشوفتة اثر الضربة الي باقي منها شي خفيف وهو صافن نزعت التيشيرت وحچيت ببچي

:شوف شصارلي؟ شوف اثار الضرب كُل يوم تضربني ومتخليني اسبح وكل يوم تشربتي حباية تنومني للصبح شوف وجهي شلونة؟ كُلة بسببك تركتني بأيد وحدة مترحم

صافن على جسمي مصدوم سحبني لحضنة يمسح على ظهري

الكسار:كلة بسببي وعيونچ راح ادفعها الثمن عبالي انتِ بأيادي أمينة طلعتي تنضربين وتنذلين ببيتچ

دفنت راسي بصدرة ابچي فرغت كُل دموعي لحد متعبت ونشفت دموعي سكتت وهو هم ساكت ويتنهد

گمت من حضنة ومشيت بدوخة بسرعة سحبني ونومني على القنفة ونام يمي حاضني بقوة

الكسار:اندمها وداعتچ چان عبالي هسة انتِ مرتاحة بغيابي وطلعتي متعذبة

حچيت بغصة واني ادخل بحضنة
:ليش تركتني هيچ بابا والله تأذيت بدونك انتَ مو تكول ما اتركچ ليش تركتني مثل وهيب وفرح

الكسار:تركتچ ترتاحين مني اخخخخ واني اگول ليش گلبي نار عليچ ما اعوفچ بعد والله

سكتت وهو صار يغني اغنية ربيتك صغيرون بهدوء لحد منمت مرتاحة لأول يوم

كعدت الصبح من وكت شفت نفسي نايمة على صدرة وهو رايح بسابع نومة ارتاحيت من شفتة موجود رفعت نفسي وبستة بخدة بسرعة فتح عيونة گلت بزعل

:بعد لتتركني فهمت

ابتسم وهز راسة گمت من عن صدرة كال بهدوء
الكسار:وين؟

دموع:اكل جوعانه

ابتسم وكام لزمني من ايدي
الكسار:اليوم اطلعچ تتونسين كـ اعتذار وهم لأن خلصتي الثالث بعد نگدر نطلع براحتنة

فرحت وهو ضحك علية من شافني ابتسمت هيچ
مشينة بالسيارة وصلنة لمطعم ونزلنة تريگنة

الكسار:من نكمل ريوگ وين تردين نروح؟

رفعت عيوني افكر
:اذا اكلك على مكان نروح؟

عرف المكان هز راسة بلا
الكسار:مستحيل تروحين لبيت اهلچ انسيهم محد يستاهلچ

نزلت راسي ضايجة كملت اكلي

طلعنة من المطعم بس استغربت من صعدنة بغير سيارة مو نفسها سكتت عن هالشي اخذني للمراجيح جان اكو هواية اطفال صار يلعبني ويضحك وياية

چان المكان يجنن صح كل فترة يطلعني بس هالمرة غير هالمرة اكو ناس ومخايف من شي ومخليني اركض براحتي

صار الظهر هم اخذني لمطعم تغدينة وهو يباوعلي فرحان على فرحتي

بهالاثناء دگ تلفونة بسرعة جاوب وبس سمع المتصل شنو يكول طفر يباوع  بأرجاء المكان ونطق بس كلمة وحدة

الكسار:وينك؟

نزل الكسار تلفونة ولزم ايدي بقوة دفع فلوس المطعم وطلع يركض بية وتلفونة مسكت ابد صعدنة بالسيارة وطار بينة

رجع دگ تلفونة جاوب يلهث
الكسار:تعال دموع وياية والثعلب ورانة لتخلي يلمس شعرة من راسها
لكككك سلاحيييي ضل بالسيااااارة الاخذتوهااااا

سكت يتلفت خفت من سرعة السيارة
رجع عاط بحيرة

الكسار:بسررررعةةةة تعالوووو اني يطبنييي مرضضض بس دموعي مايصيرلها شييييي

سد التلفون وساق اسرع وعيونة حمرة چان ظهر وماكو ناس قليل التفتت شفت سيارتين ورانة وكل مايتقربون يسوق اسرع

نص ساعة واحنة على هذا الحال هو يسوق متوتر واني ارجف خايفة وكف من صارت سيارتين كدام سيارتنة نزل بسرعة وشالني يركض بية راح ورة هالسيارتين ونزلو منها هواية اشخاص

الكسار:شنو تسمعين لترفعين راسچ بابا متفقين

هزيت راسي تركني ورة السيارات واني ادعي ميصير شي

والمشكلة ماكو أي صوت دقايق وكلهم اجو يمي رفعني الكسار ينكث بملابسي

الكسار:شرد النذل

ردت احچي بس سكتت من سمعت صوت مألوف علية تقرب شخص ملثم حضن الكسار بقوة

:خوفتنة عليك ريس

باوعت لعيونة وبسرعة ركضت دفعتة من عرفتة
:انتَ مَلِك مووووو؟؟؟

باوعلي مصدوم جريت اللثام عن وجهة وانصدمت من شفتة مَلِك دفعتة بقوة ابچي بحرگة

:حباب ملاك ويننننننن

باوع للكسار بحيرة ومجاوبني
مَلِك:الكسار راح اروح سلاحك خلي يمك ابد لتعوفة

التفت يريد يروح ركضت لزمتة من ملابسة اتوسل
:بس كول ملاك ماتت؟ حباب اذا ميتة كول لتخليني اتأمل رجعتها

حسيت الكسار سحبني من خصري ومَلِك مكمل يمشي ومنزل راسة

:بس جواااااابببب واحددددد الله يخليييييك مَلِككككك اختييي عايشةةة لو ميتة

صار يمشي سريع يريد يدخل للسيارة بس وكع من طولة انصدمت شبي؟

الكسار تركني وركض علية خايف ركضت وراهم وانخمش گلبي من شفت الدم مالي ظهر مَلِك

الكسار:ولككككك مَلِك كووووممم لتسويييييهااا بيةةة وتروح انتَ هممم

بدون ما احس لزمت ايد مَلِك ورفعتها بس بسرعة وكعت الكسار شاف هالشي وضل صافن وعيونة مدمعة

نطق بكلمتين بنبرة مهزوزة
الكسار:المَلِك مات

..يتبعع..

.
.
.
.
.
.
.
.

6000كلمة🤍

واكيد لازم اعتذر منكم لأن مانزلت بارت يوم الثلاثاء والاربعاء بس تمرضت والبنات الي بالتلي يعرفون شنو صارلي وماكدرت اكتب🤍

البارت الجاي يوم السبت🤍

ضيفو حساب الانستا

وقناة التلي

اللهم صلِ على محمد والِ محمد 🦋

مها ال عبدالله