رواية الكسار (سلاسل الغوث) الفصل الرابع وثلاثون 34 - بقلم لـ ميامي

كلش صعب
من تبتعد مَجبور
عن واحد و كلشي
يريدلَك گربه .

قراءة ممتعة 🤍
...............................................................

دموع:بقيت متصنمة بمكاني شجابهم شلون عرفو
لزمت بقميص وهيب ارجف

تقدمو علينة لابسين ملابس الشغل واسلحتهم بأيدهم
الكسار:مع الأسف اكولها اخو مرتي وكع بأيدي

كال وهيب ببرود قاتل
وهيب:شلون عرفت؟

نزل راسة صرت ارجف من شفت خوالي تقدمو مكسورين خلو اسلحتهم بخصرهم وتقربو لوهيب يردون يحضنو بس وهيب حط ايدة كدامهم وابتعد خطوتين

وهيب:خلوكم بمكانكم لتتقربولي

تقرب خالي فهد يبچي وحضنة بكل قوتة وهيب ضل جامد ما اتحرك

فهد:مهاين علية وضعك ولك انتَ ابن اختي جزء مني تدمرت بسبب اهلك انتَ ما الك ذنب

دفع خالي بكل قوتة وطلع سلاحة بس طلع سلاحة كلها وجهت اسلحتها علية

وهيب:مارييييدكمممم اكرهكم بگد كرهي لسياف وشاهيناز

باهر:وهيبببب نزل سلاحك

ضحك وهيب ضحكة جنونية وحط سلاحة براسة عطت خايفة وحضنتة من ورة

:لاااااا اموووت وهيببببب اذااا سويتهااااا انتحر وراك انتحرررر

فهد:نزل سلاحك خلي نتفاهم وهيب نزل سلاحك فدوة رحتلك

نزع سترتة وخلاها على راسي لأن مچنت لابسة حجاب وحضني بكل قوتة يرجف

وهيب:اموت وما ابقى تحت رحمتهم سامحيني

لزمتة من ياخة ملابسة اعت بي وابچي
:و وانييييي؟ واني وهيب لتسويها تذبحني

ضل يباوعلي دموعة تنزل بس چان وجهة ثابت حاوطت وجهة بأيدية
:اروحلك فدوة اني بس انتَ بقيتلي لتروح عني

غمض عيونة وذب سلاحة بالأرض وكال
وهيب:موتي اهون من منيتهم علية بس دموعچ ما اكدرلها

سحبني خالي ولزم وهيب من اكتافة
فهد:راح اساعدك بقدر الأمكان لو اعرف اخسر وظيفتي اساعدك

دفع ايدية وكال بحقد
وهيب:ماريد اخذوني للسجن وحتى لو اعدام ما اكول شي

تقرب خالي جناح
جناح:انتَ متهم بـ 3 جرائم ومتهم بترويج وتجارة المخدرات بس راح نساعدك بس حط ايدك بأيدينة وساعدنة حتى نگدر نساعدك

دفعهم يعيط بشكل مجنون
وهيب:ماررررررريددددد ماريددددكممممم وماررريدددد مساعداااااتكممممم خلييييي يعدموووونيييي واخلص

صار يخوف محد كدر يلزمة دخلو 5 جنود وبصعوبة لزمو وهو مستمر يعيط ويحاول يفلت نفسة

وهيب:وخروووو عنيييي ضربونييي طلقةةةة اني ارييييد اموووت وخرو عني انتَ اخو شاهيناز اكيييييد اخوانها مو شرفاء نفسها

راحو خوالي كعدو كدامة يحاولو يهدو بس مينطيهم مجال انصدمت اول مرة اشوفة بهالحالة المزرية

وهيب:ماااا اسمععع صوتكمممم مااااسمعععةةةةةة وخرو عنيييييي

تركت الكل ورحت لزمت كف ايدة بحنية وصرت ابوس بيها
:و وهيب اهدئ لتخوفني عليك

باوعلي معصب ودفرني برجلة من كتفي خلاني اوكع مصدومة ركضو الكسار وخوالي خايفين واني اباوعلة بصدمة

من حس على نفسة هدئ يباوعلي ويلهث واسمعة يحچي بهمس
وهيب:ش شسويت اني ضربت د دمعة

تركت الكل ورجعت تقربت علية ابچي
:اتركو

متحركو باوعت لخالي وحچيت بتوسل
:خالو خلي يتركو

تنهد وإشرلهم تركو وطلعو وهو ضل جامد بمكانة وصافن بعيوني رجعت لزمت ايدة ابوس بيها

:وهيب

بلع ريگ ونطق بصعوبة
وهيب:ض ضربتچ دموع

اخذت ايديه الاثنين وحطيتهم على رگبتي اناشغ
:موتني هم تمون على هالرگبة

اخيراً گدر يبچي بشكل طبيعي كـ أي انسان وسحبني لحضنة ينحب ويبوس براسي

وهيب:اسف و والله اسف م مادري شلون كدرت اضربچ

ابتعدت امسح بدموعة
:لو تحرگني ما احچي بس لتأذي نفسك

سكت منزل راسة ويبچي اجة خالي فهد كعد كدامة ولزم ايدة يطبطب عليها بسرعة رفع راسة وخزر خالي وسحب ايدة

وهيب:ابتعد عني لتتقرب ولتلزمني

فهد:ماشي ما الزمك بس لازم احچي وياك

مد ايديه الأثنين ببرود وكال
وهيب:اخذوني للسجن

غمض عيونة مثل المتأذي وكال بغصة
فهد:دتموتني يا ابن روحي دتموتني

سكت عنة ميباوع لعيونة واضح چان حاقد عليهم
كمت ومديت ايدي لوهيب بسرعة لزمها وكام وياية يباوع للكل بحقد

مسحت على خدة الناعم بسبب الحروق
:خليهم يحچون وياك لخاطري

باوعلي وعصر ايدي هز راسة بقبول
وكفو كدامة وصارو يحچولة عن كلشي شلون وليش اخذونة وهو ساكت بس صافن كملو كلامهم يلا نطق

وهيب:و وشلون عرفتو اني هنا

باوعت للكسار چان يباوعلي ببرود
الكسار:احنة مو اغبياء وهيب انتَ واختك استغبيتونة بس متعرفون احنة لازم نحسب حساب لكلشي ونشك بكلشي

ابتسم وهيب يهز براسة
وهيب:يعني انتَ الي دزيت الرسالة مو دموع

الكسار:اي اني دزيتها حتى نلزمك ونرجعك لأصلك

بقيت صافنة يا رسالة
:رسالة شنو شدتحچون؟

طلع وهيب تلفونة ودخل على رقمي وانصدمت من شفت اخر رسالة چان مكتوب بيها (وهيب موافقة اروح وياك تعال اخذني ماكو حرس بالباب)

باوعت للكسار بصدمة وكلت برجفة
:چنت تعرف؟

ضحك بستهزاء وكال بحدة
الكسار:من اول يوم رجعتي بي عرفت

بقيت ساكتة وعيوني بعيونة تقرب علية وطلع تلفونة
الكسار:تلفونچ مراقب واكو اجهزة تنصت بالحمامات وكاميرات بكل مكان وشفنة الشخص الي رجعچ بالكاميرات وعرفنة انتِ دتكذبين علينة ودتحمين شخص واعرف وهيب الي قتل الثعلب لأن صح هذا ثاري وثارة

بقيت ارجف واباوع لخوالي اجة خالي فهد كدامي ولزم ايدي
فهد:حقچ خفتي على اخوچ بس لو حچيتي چان كدرنة نلزمة ونخلي يسلم نفسة ويتخفف الحكم على اخوچ

دفع ايد خالي عني ووكف كدامي
وهيب:لحدددد يلومهاا اكثر من مرة تحاول تقنعني اسلم نفسي حتى انتو تساعدوني بس اني رفضت ورفضت هم تكول أي شي عني دموع معليها

جناح:ليش مقبلت؟ چان ممكن يتصلح كلشي

باوعلهم بحقد ورفع سبابتة بوجهم
وهيب:ماريد منية احد علية هسة عادي عندي سجن اعدام مؤبد عادي عندي اهم شي شفت دموع وطمنت عليها

فهد:بسسس احنة خوااااالك ماكوووو منيةةةةة

خزرة وكور ايدة بغضب
وهيب:موووو خوااااالييييي اني معنديييي خوااااال اني واحد قتل ابو وامة مجرم انتو مو خوالي ما اعترف بيكم

باهر:حتى لو متعترف بيهم يبقون خوالك ويحاولون يساعدوك

وهيب:ماريد مساعدة احد اخذوني للسجن مستعد للمحاكمة

استغفر خالي وأشر للجنود اجو يردون يحطون كلبچات بأيدة بسرعة وكفت كدامة  ابچي

:خلوني اودعة الله يخليكم

وكفو بمكانهم واني رجعت احضنة اريد اشبع من عندة قبل ليروح وهو يحضني ويحاول يهديني

نص ساعة وابعد عني رافع ايدية ويباوع للكسار
وهيب:انتَ حط الكلبچات بأيدية

فتحت عيوني على وسعهم وصارت عيوني تتنقل ما بين الكسار وما بين وهيب راد يسويها الكسار بسرعة وكفت كدامة اهز راسي بالرفض

:لا خلي غيرك انتَ لااااااا

كال بحدة
الكسار:دموع وخري

:مااااا اوخرررررر ماكدرررر خلي غيرك

تنهد وحط الكلبچات بأيد زياد اجة زياد قيدة وميباوع بعيوني رادو ياخذو ابتسم رفع ايدية دخلني بحضنة وهمس بأذني

وهيب:زوريني قبل أعدامي

شددت حضنتي علية ابچي
:لتكول هيچ اروحلك فدوة لتكول هيچ

حضني بكل قوتة واسمعة يحچي موجه كلامة للكل
وهيب:انتبهو عليها لحد يبچيها انتَ الكسار اختي هاي غاليتي عين من عيوني راحت والثانية بحضني هسة انتبهو عليها اذا متت خلوني ارتاح بقبري ومطمئن عليها

فهد:كلنة خدام الها بعيونة نخليها وانتَ راح ترجعلها راح ترجع لأختك

ابتعد عني باس راسي وكال اخر كلامة
وهيب:بحفظ الله انتبهي على نفسچ زين

اخذو من حضني وعيونة علية عضيت اصبعي ابچي
حسيتهم اخذو روحي وگلبي بس چنت واثقة هالشي لمصلحتة

تقدم علية خالي حضني
فهد:بابا راح اسوي كل الي اكدر علية حتى يتخفف حكم اخوچ صدكيني مستحيل اتركة

:احس روحي رايحة گلبي خالو گلبي ديأذيني كلها دتروح مني اني نحس اني وحدة مشؤومة كلها راحت مني

ابتعد يمسح بدموعي
فهد:واحنة وين؟ اني وخالچ جناح وباهر وزوجچ هم كلنة وياچ

باوعت للكسار عيوني غرگانة دموع وبالمقابل يباوعلي ببرود كال وعيونة بعيوني

الكسار:شيل اسمي من القائمة

عگدت حواجبي ممفتهمة تقرب علية وكف كدامي نزع حلقتة وحطها بأيدي

الكسار:المرة الي تلعب من وراية متفيدني

كلت ممستوعبة
:شدتكول؟

صارت عيونة تتنقل على ملامحي لدقايق طويلة
اخر شي نزل عيونة وكال بدون ميباوع لأحد

الكسار:ريس اخذ بنت اختك وياك

كال هيچ ودخل جوة وخلاني بصدمتي باوعتلهم لكيتهم كلهم مصدومين
تركتهم كلهم ودخلت ورة ارجف لگيتة كاعد بالصالة وحاط راسة بين ايدية

كعدت كدامة چانت نيتي احاول اصلح الأمر حطيت ايدي على رجلة وكلت

:كسار هذا اخر كلام؟

مجاوبني بس صوت انفاسة مسموعة رجعت حچيت بهدوء
:متريدني بعد؟

باوعلي ونزلت دمعتة
الكسار:روحي لحال سبيلچ مراح اوكف بطريقچ بعد وعد مني روحي ويا خالچ عيشي حياتچ الي چنتي تحلمين بيها بدوني روحي انتِ حُرة

لزمت ايدة ابچي
:كسوري اني ح....

قاطعني وهو يحط سبابتة على شفايفة
الكسار:اشششش اششش لتكولين كسوري بعد اشش لا مرة ولا مرتين تخذليني دموع اني ميت عليچ من انخطفتي ومن رجعتي چذبتي علية واكثر من مرة اكلچ اذا عندچ شي كولي خلصصصص احنة انتهينة

نتر ايدي بقيت صافنة كام من كدامي ووكف يدخن
نار وجرت بگلبي كمت اباوعلة بغضب وشفايفي ترجف

:حط نفسك بمكاني اخوك وقابلتة بعد كل هالسنين وطلب منك محد يعرف شي عنة

باوعلي بحدة ورفع سبابتة بوجهي
الكسار:اخوووچ مجرمممم

عطت بأعلى صوتي
:اخووووك هم مجررررم لتنسى

كور ايديه وصارت عيونة حمرة من العصبية
الكسار:حسن قتلة لأن تحرش بمرتة

تقربت علية وصرت انقر على صدرة بسبابتي
:وهيب قتل امي وابوية لأن باعونة الكم وقتل الثعلب لأن قتل فرح

ضل ساكت وعيونة بعيوني كورت ايدي وضربتة على صدرة بكل قوتي
:لتخليني اجرحك مثل متجرحني اعرف اعايرك اني

دفعني من كتفي مقلص عيونة بعصبية
الكسار:بشنوووو تعيريييينيييي قابل امي اشتغلت رقاصة؟ لو ابوية گو***؟

تحملت هواية واعصابي صارت ترجف دفعتة بكل قوتي
:لااااا امك مو رقاصة امك تركتك وراحت تزوجت وابوك مو گو** ابوك تركك وتزوج انتَ الكل يكرهك حتى اهلك يكرهوك ماكو احد يحبك انتَ واحد مغتصب واحد سكير واحد معندة لا احساس ولا مشاعر تحملت هواااااايةةةةة تحملت تجبرك علية تحملت كلامك ومعايرتك تحملت ضربك واغتصابك الية

نزلت سترة وهيب ونزعت ملابسي كدامة
:شوووووففف شسووويييييت البارحةةةة شوووف شوف الزراگ الي بطني وبفخذي شوف رگبتي شلون طابع بيها اثار اصابعك انتَ واحد شهواني متهجم مكروه

سكتت اتنفس سريع وهو صافن بعيوني يبلعم رجعت دفعتة ابچي بكسرة

:اني الي لازم ازعل مو انتَ اني هسةةةةةةة راااااح اخوييييية من ايدييييييي ويمكن ينحكم مؤبد لو اعدام لازم ازعل منك لأن چنت تعرف بوهيب ومساعدتة اني لازم ازعل لأن خذلتني

دفعتة من كتفة اشهگ
:انتَ خدعتني مثل مخدعتك مثلت علية كل هالفترة انتَ تحبني وتريد راحتي طلع كلشي تمثيل بس حتى توصل لغايتك وهي تلزم وهيب چنت داحبك تصدگ؟ بس هسة راح گلشي من گلبي وكرهتك مخليت شي مسويتة عايرتني بأهلي ضربتني انتحرت بسببك جبرتني اسوي وياك علاقة اني رافضتها انتَ دمرتني

سكتت اباوع بعيونة واتنفس سريع ابتعدت عنة خطوتين وكلت
:اعتبر الي سويتة انتقام بعد كلشي سويتة بية انتَ حتى لو مچان اكو هيچ بس هسة اعتبرة انتقام وماريدك بعد اذا عندك شوية كرامة طلگني

بقيت اباوع بعيونة منتظرة ردة مجاوبني ولا نطق بشي هزيت راسي بستهزاء ولبست ملابسي بسرعة اخذت حجابي وسترة وهيب وطلعت ارجف لگيتهم بعدهم برة خالي جناح يخزر بسيدرا وسيدرا منزلة راسها

رحت تقدمت على خالي وحچيت ببرود
:حروح وياك اذا معندك مانع

حاوط وجهي بأيدية وكال
فهد:شصار؟

باوعتلة وعيوني مليانة دموع
:انتهينة

غمض عيونة يهز براسة لزمني من ايدي ومشينة قبل لنطلع من الباب فززني صوت الكسار التفتت اباوعلة تقدم وكف كدامنة وعيونة بعيوني

الكسار:الكل يكون شاهد

مفهمت قصدة نزلت عيوني على ايدة شفتة عاصر ملابسة وترجف رجيف مو طبيعي

كال بصوت مسموع
الكسار:دموع انتِ طالق

كتمت انفاسي اباوع بعيونة وشفايفي ترجف مچنت متوقعة حيسويها اسمع الكل مراضي بهالشي نزعت حلقتي وخليت حلقتي وحلقتة بأيدة اباوعلة ببرود  خليت ايدي على بطني وطلعت من البيت ارجف وماكدر اتنفس طلع خالي فتح السيارة صعدت افرك بصدري وخالي رجع للبيت اسمع صوتهم عالي بس بالي مو وياهم

ربع ساعة واجة حرك خالي السيارة وهو ساكت يتنهد

اني فصلت عن الدنيا كلها وكلامة يتردد ببالي

( دموع انتِ طالق )

وصلنة لبيت خالي واني ساكتة نزلنة وخالي دخلني للغرفة الي دوم انام بيها وكال

فهد:نامي وارتاحي راح اجيب سيدرا يمچ واني رايح اشوف اخوچ ماشي

هزيت راسي ومنطقت بشي
تنهد وطلع من الغرفة

غطيت راسي واستسلمت للنوم ماريد افكر بشي
چانت نار وموجرة بصدري احس اريد اموت ماريد اعيش بعد

چان لازم اني ازعل واضوج اعيط بس مسويت كل هذا ردت ارجع انطي فرصة بس طلع ميستاهل الفرص

مو طبعي اعاير احد بشي بس زودها وياية هواية ثاني مرة يتخلى عني قبل ليسمعني واكثر من مرة يعايرني بأهلي واسكت اكثر من مرة يغلط وياية واسكت بس بعد كُل هالسكوت انفجرت

فتحت عيوني لگيتها ضلمة زفرت نفس بضيق وراسي بي وجع مو طبيعي لعبانة نفسي

بقيت بمكاني على أمل ترجع الكهرباء
نص ساعة وسمعت الباب انفتح وسمعت صوت خالي

فهد:ها دموع شلون صرتي؟

كعدت اتلمس الفراش وحچيت بصوت مبحوح
:ز زينة بس افتح فلاش اي شي الضلمة تغمت غمتتني فوك ما اني مغموتة

سكت حسيتة كعد يمي ومد ايدة يفتح بعيوني ثواني وابتعد يتنهد
فهد:عيونچ حمرة رجعتي انعميتي

لانت ملامح وجهي ونزلت راسي رجعت تمددت وغطيت راسي
:س سد الباب

رفع الغطة عن راسي وصار يمسح على شعري
فهد:يومين ويرجعلچ نظرچ حبيبتي لتزعلين وتنقهرين مو زين عليچ

بقيت ساكتة وهو سكت مثلت النوم من حسيتة طلع كعدت حضنت نفسي وصرت ابچي بحرگة تعبت من كُلشي احس كُلشي ضدي ومحد مريضة بية صرع عمية محد الية ويمكن حامل التمت علية من كل الجهات

بقيت كاعدة لثاني يوم تعبت من الكعدة كمت اتلمس الحايط وكل شوي وانرگع راسي بشي اخيراً لكيت الباب فتحتة وطلعت

چنت اريد ادور على الحمام وفززني صوت
سيدرا:دموع؟

وكفت بمكاني ادور عليها اجت لزمتني من ايدي وباست راسي
سيدرا:صباح الخير تردين الحمام

هزيت راسي بأيجاب اخذتني للحمام دخلت وطلعت غسلت وجهي واخذتني للصالة كعدتني وراحت شوي وحسيتهم كلهم اجو يمي

جناح:شلونچ دموع؟

حچيت بنتر مادري شبية
:شلوني يعني؟ هاي كدامك مو عمية؟

كعد بصفي وسحب راسي لصدرة
جناح:ان شاء الله يرجع نظرچ حتى ناخذچ لوهيب

بس كال هيچ طفرت فرحانة ولزمت ايدة بقوة
:صدككككك والله لعد يلا اخذوني هسة حبابين يعني هو بخير مو مراح ينعدم

جناح:نسوي كلشي حتى يرجعلچ

:زين زين اخذوني حبابين

جناح:ميصير حبيبتي من تصيرين زينة ناخذچ

:والله زينة مبية شي اريد احضنة واطمئن علية اخاف ضربو؟

جناح:شحددددهممم محد يگدر يضربة

:يلا لعد اخذوني؟

تنهد وسحب راسي باسة
جناح:زين بس بالأول تعالي نتريگ ونروح

مديتلة اصبعي الخنصر وهمست
:وعد؟

ضحك بخفة ومد اصبعة صافح اصبعي
جناح:وعد

سكتت فرحانة ناسية كلشي اهم شي عندي وهيب
تريكت بسرعة بسرعة واجت سيدرا عدلت حجابي ولبستتي عباية منها

رادت تروح واسمع خالي يكول
جناح:من نروح لبيتنة حسابچ مو هسة

عگدت حواجبي وهي ما الها صوت بعد

اجة لزمني من ايدي ومشاني بحذر صعدني بالسيارة ورة وحرك السيارة واسمعهم هو وباهر يسولفون بأشياء ما اعرفها

بعد فترة وكفت السيارة عرفت وصلنة گلبي صار يدُگ بقوة حسيت الباب انفتح وايدي انلزمت

جناح:انزلي على كيفچ حبيبتي

نزلت اتلمس المكان وخايفة اوكع
صار يمشيني بهدوء وبحذر صرت اسمع اصوات زلم بالمكان لزمت بملابس خالي خايفة

دخلني بمكان معرفتة شنو بقيت واكفة بمكاني وعيني بس تتحرك
ثواني وحسيت بشخص حضني بقوة بقيت جامدة بمكاني

:خ خالو هذا انتَ؟

ابتعد عني وحط ايدة على خدي
وهيب:هاي اني دموع وهيب باوعيلي

ابتسمت وحضنتة
:وهيب انتَ بخير؟ ضربوك اموتهم والله

ابتعد وولزم ايدي كعدني
وهيب:محد يكدر يمد ايدة علية اطمئني

صرت اتلمس بوجهة
:شلونك چنت خايفة عليك كلة بسببي

سكت وحسيتة حط ايدة على عيوني
وهيب:عيونچ ليش هيچ حمرة؟

سمعت خالي كال
فهد:اختك عندها عمى مؤقت وهاي الحالة تتكرر عليها هسة متشوف بس لتخاف يرجع نظرها

سكت بس ايدة تمشي على عيوني واني مبتسمة ماريد احسسة بقهري
چنت هادئة تماماً فززني صوت واختفت ابتسامتي

الكسار:هاي قطراتها كل 5 ساعات لازم تخليها بعيونها

عصرت ملابسي مطايقة اسمع صوتة
:خالو الغربة خلي يطلعون ابقو بس انتو وياية

وهيب:اششش حبيبتي خليني اشبع من شوفتچ

رفعت ايدي اتلمس وجهة
:اريد اشوفك هم

باس راسي وسمعتة كال
وهيب:صورونة حتى اذا متت تبقى الصورة تواسيها

لزمت ايدة بقوة
:يومي قبل يومك وهيب يومي قبل يومك حبيبي

وهيب:اسم الله عليك انتبهي على نفسچ وا...

قاطعتة ابلعم
:وهييييب اششش

تقربت ادور على اذنة وهمست بيها
:م محد يعرف وهيب لتكول سر بيناتنة يبقى

مسح على ظهري وهمس
وهيب:براحتچ

بقيت بحضنة واسمعهم يسولفون

فهد:تعاون ويانة لخاطر اختك مو لخاطرنة احنة نريد نساعدك

جناح:اذا اعترفت بكلشي حكمك يتخفف واكو شهود اكو مرتي تشهد لصالحك واكو اختك تشهد لصالحك

وهيب:اذا تخفف حكمي يعني مؤبد ليش ابقى عايش بين 4 حيطان انتظر موتي؟ انعدم احسن

باهر:واختك؟ عادي تتركها وهي مبقالها غيرك؟

وهيب:عندها انتو وزوجها

سكتو كلهم واني ضحكت بستهزاء وكلت
:معندي غيرك وغير خوالي بعد اني حالياً مطلقة

وهيب:شنوووو طلگچ؟ بسببي موووو؟

كام من حضني مادري وين راح واسمعة يعيط
وهيب:هييييي شعليهااااا انيييي طلبتتتتت منهااااا ليششش سويت هيچ

الكسار:اهدئ هي من البداية تريد تطلگ مني انطيتها حُريتها

ضحك وهيب بخفة وكال
وهيب:همزين طلگتها تدري؟ اكتشفت انتَ مو كفو تصون اختي وتنتبه عليها الله يرزقها بغيرك يحبها يوثق بيها انتَ مستاهل دموع

ضل ساكت رجع وهيب كعد يمي يمسح على راسي
وهيب:كلشي راح اسوي علمودچ راح ابذل كل جهدي حتى ارجعلچ

حضنت ايدة وكلت
:حترجعلي وحنعيش سوية ماريد غيرك بعد

اندگ الباب ودخل واحد بس سمعت صوتة
:سيدي طالبين المتهم للتحقيق

باس راسي حيل
وهيب: لازم اروح هسة ارجعي زوريني ماشي وها زوري فرح وكليلها شكد مشتاقلها

هزيت راسي وهو باسني واخذو گوة علية داتركة مجبورة اجة خالي كومني وكال

فهد:اني وخالچ عدنة شغل باهر وزياد راح يوصلوچ

:ماشي

لزمني من ايدي وصلني للسيارة وصعدت يلا راح شوي وتحركت السيارة واسمع صوت زياد

زياد:اي انسه دموع شلونچ

:زينة سارة شلونها

زياد:دكولي شلونك المهم سارة بخير عرج مايطگها

:حرام عليك بعدها صغيرة لتأذيها بتصرفاتك

ضل ساكت يتنهد
وصلنة للبيت نزلني باهر وراحو اخذتني سيدرا للحمام ساعدتني اسبح واني خجلانة ومتفشلة بس هي ولا حسيتني بشي چانت تسولف وتضحك وياية وتسألني عن وهيب

بعدها ساعدتني البس ومشطتلي شعري وكعدت يمي نسولف

سيدرا:تدرين لحد هسة مصدومة الغوار اخوچ وهيب

:واني هم انصدمت من طلع اخوية هو الي ساعدچ بس هماتين فرحت الله يفح اسرة ويرجعة لحضني

سيدرا:امين يارب

:زين خالي شبي وياچ حچيتو لولا

تنهدت ضايجة
سيدرا:زعلان لأن شافتي بالكاميرات حضنت اخوچ والله مچان قصدي ماعرف شلون سويت هيچ ومن البارحة ينتر بية

:زين وحچيتو بالموضوع لولا

سيدرا:لا مصار وقت نحچي بي بس هالأيام نبقى هنا ماعرف ليش وهم احسن اريد ابقى يمچ

حضنتها اتشكرها
:سيدرا مشكورة هواية على كُلشي داتعبچ وياية

مسحت على ظهري بحنية
سيدرا:انتِ اختي دموع واعز والله

ابتعدت عنها مبتسمة
مر الوقت وصار الليل ومحد جاي منهم حسيت بالضوة ضرب بعيوني ارتاحيت من رجع نظري بس چنت اشوف مغوش طمنت سيدرا وخطية فرحت

بعد فترة اجو خوالي وعرفو رجع نظري كلهم رجع لمي لوجهم چانو خايفين علية

كمت ساعدت سيدرا بالعشة وبعدها تعشينة وكعدو كلهم بالصالة
نص ساعة ودخلو باهر والكسار وزياد عدلت حجابي وردت اكوم بس استوقفني صوت خالي

فهد:ابقي كاعدة حبيبتي نريد نحچي وياچ

رجعت كعدت مترقبة كلامهم اجة خالي كعد يمي وكال
فهد:شكم يوم بقيتي يم وهيب انتِ

حطيت ايدي على فكي اتذكر
:اسبوع بقيت

فهد:زين بابا شنو چانت تصرفاتة مو بس وياچ تصرفاتة بشكل عام

غمضت عيوني وتذكرت كلشي
:وياية چان حنون هواية بس عندة تصرفات عدوانية مثلاً من اخذني من الغضنفر شاف الثعلب والثعلب ضوجة بالكلام رفع مسدسة وضربة طلقة برجلة وممهتم

لزم ايدي باوعلهم ورجع باوعلي
فهد:اي؟ وبعد اكو شي

هزيت راسي وكملت كلامي
:من عرف الثعلب هو قتل فرح اخذ مسدسة ببرود وراد يروح يقتلة بس اني منعتة ورجعتة بالغرفة خلاني انام وراح قتلة الثعلب وجابة للبيت ومن كعدت اخذني للسيارة وشوفني الثعلب شلون قتلة شفت طلقة برگبتة وعين من عيونة مقلوعة وچان يضحك بشكل مجنون ضحكة تخوف وكال اخذت ثاري وراح ادزة لرجلچ ياخذ ثارة هم

هز راسة بأسى وصارو يحچون واحس الكسار عيونة علية بس ولا باوعتلة تركتهم ورحت للغرفة افكر بوهيب وبدون ما احس نمت

مرت 4 ايام سيدرا بعدها يمي واني وضعي استمر وسيدرا تتوسل بية ياخذوني للطبيب بس اني ارفض

باليوم السادس دخل خالي حاني ظهرة ودخلو ورة كلهم لزمت گلبي خايفة وكمت ابلعم

:شصاير؟ وهيب بي شي؟

كعد خالي منزل راسة وكال
فهد:وهيب تشخصت حالتة

كلت ممفتهمة
:مفهمت؟

باوعلي بحيرة وضرب على راسة
فهد:اخوچ طلع عندة اضطرابات عقلية واحد منهم يسمى بالـ شيزوفرينيا والثاني بالأعتلال النفسي أو السايكوباث...

..يتبعع..

توقعاتكم؟

.
.
.
.
.
.
.
.
.
.

5000 كلمة

ضيفو حساب الانستا

وقناة التلي

اللهم صلِ على محمد والِ محمد 🦋

مها ال عبدالله