رواية الكسار (سلاسل الغوث) الفصل الثالث والعشرون 23 - بقلم لـ ميامي

كتلتني وجَاي تنشد فاتحتمن
ولا چنك رحت جناز بيا .

قراءة ممتعة 🤍
.............................................................

دموع:وكعت دمعتي الحارة على خدي حرك ابهامة على شفتي ورجع كال

الكسار:حتى اوضحلچ اذا سلمتيني نفسچ راح تعرفين كلشي عن فرح وغير فرح واذا لا تنسين اخوانچ بعد

عصرت ملابسي وهمس بصوت مهزوز
:ي يعني فرح عايشة مو

رد علية بكل قباحة
الكسار:ومنو كال ميتة؟

شهگت ببچي واحس گلبي حيطلع من مكانة
:ل لتساومني بأختي انتَ الوحيد الي تعرف شگد تعذبت بغيابها

وخر عني متكتف
الكسار:بكيفچ كلت العندي اني واختاري

گلبي انمرد مرد خليت ايدي على صدري اشهگ كام سحبني من زندي يسحل بية اخذني للغرفة وكفني وراح للكنتور واني بس ابچي شوي واجة بأيدة شي حطة بأيدي وكال بأصرار

الكسار:الچ وقت تقررين منا لليل بس اذا اجيت ولگيتچ متجهزتلي مثل الزوجات الطبيعية يعني متزينة ولابسة هذا نتمم زواجنة واذا لا تنسين اخوانچ وتبقين عايشة يمي

وكع السيت من ايدي كعدت بالأرض ابچي
:وعدتني انتَ

كعد كدامي يرفع بشعري
الكسار:واني مخلفت بوعدي كلتلچ برضاتچ واذا وافقتي على كلامي معناها برضاتچ

رفعت عيوني الي مليانة دموع بعيونة وكلت بحقد
:اكرهك

كور ايدة وكام طلع عني تركني بصراعاتي الداخلية
اذا اوافق اخسر نفسي واذا رفضت اخسر اخواني منو اغلى اني لو اخواني علية؟

تمددت بمكاني اباوع للسيت وابچي بحيرة وخذلان حسيت گلبي حيوگف معقولة هالشخص نفسة الكسار

غمضت عيوني افكر بقراري النهائي مرت ساعااااات طويلة واني على نومتي اريد اخذ قرار مرة اقرر واتراجع

لحد مسمعت صوت اذان المغرب فتحت عيوني وكمت اطوطح رحت للحمام توضيت وطلعت فرشت سجادتي وصليت
بس خلصت رفعت ايدية لربي ابچي

:ربي اني عبدتك الذليلة دليني على الطريق الصح
ربي اني تعبت اختبارك صعب علية الكسار يريد جسمي ميريدني واني اريد وهيب وفرح صبرت من 2006 لهسة على غيابهم وهسة داتساوم عليهم دليني على طريقك الصح وخليني اخذ قرار ما اندم علية بالمستقبل

صرت اشكي لربي بكل الي مأذيني ودموعي تنزل
لحد ما ارتاحيت لميت سجادتي وكمت كعدت على الچرباية عيني على السيت الأبيض

كمت وگلبي ينزف من جرحة دخلت للحمام سبحت واني اراجع بقراري كملت وطلعت للغرفة نشفت نفسي وشعري مشطتة واخذت كيس السيت بأيدي الي ترجف نزلت اخر دموعي بس بسرعة مسحتهم ولبست السيت

چان قرار صعب بس مو اصعب من فراگ اخواني
كعدت على الميز اتزين مثل مگال حطيت حمرة ومسكارا وعطر بس وخليت شعري مرفوع مفتحتة
رحت كعدت على الچرباية انتظرة يجي ويبدي بغايتة

عيوني مورمه ووجهي اصفر واضح الخوف عليه

من كثر الخوف والتوتر صرت اضغط بقوة على ايدية بحيث ايدية طلع منهم دم بسبب اظافري

صرت ارجف من سمعت خطوات قريبة على الغرفة شوي ودخل اباوعلة وكف بالباب صافن علية وحابس انفاسة نزلت راسي عيوني مدمعة تقدم علية صار كدامي ورفع راسي بأيدة يباوعلي بتمعن

الكسار:موافقة يعني؟

نزلت دمعتي بسرعة مسحتها وهزيت راسي هزتين بمعنى موافقة كعد وعيونة بعيوني

الكسار:حطي عينچ بعيني وكوليها

باوعتلة وعيوني مغرغرة بالدموع وجسمي كلة يرجف حچيت بغصة
:م موافقة

ابتسم وكام لزم ايدي كومني وصار يبوس بأيدية اخذني للچرباية خلاني اتمدد

راد يبوس شفايفي بسرعة بعدت وجهي عنة صارت البوسة جوة اذني

كلت بخوف واضح
:اخذ الي تريد تاخذة بدون هالشي

لزم فكي ودار وجهي علية وباسني بعنف ولا تحركت ولا سويت اي ردة فعل صرت مثل الجليد صار يبوس بشفايفي ورگبتي

چان دوم يكول البشر بس يريد بشر ثاني ينهش بلحمة وهسة هو دينهش بلحمي ومجبورة اخلي يكمل

ابتعد عن شفايفي وصار يحقق رغبتة غمضت عيوني وعصرت الفراش بكل قوتي رغم شگد تأذيت بس وجع گلبي طغى على ألم جسمي

من كمل ووصل لغايتة تمدد بصفي انفاسه سريعه
بقيت اباوع للسقف اريد ابچي اريد اعيط بس ماكدرت حسيت نفسي خلص انتهيت صرت زوجة للشخص الي رباني واعتبرتة ابوية من البداية

دقايق ورفع نفسة كعد على حافة الچرباية مخلي راسة بوسط ايدية ويدخن انطيتة ظهري وحضنت نفسي ارجف صار برد مو طبيعي بجسمي ماعرف ليش صارت اسناني سن يطگ بسن

حسيت بعد ماكدر ابقى كمت بصعوبة وانشليت شل من الوجع گوة كدرت اوكف بقيت كاتمة انفاسي لحد ما خف الوجع مشيت لازمة بطني تحت انظارة الثاقبة وصلت للباب بس لزمت مقبض الباب حسيت بادت روحي خليت راسي على الباب اتنفس بصعوبة درت وجهي اباوعلة لگيت عيونة علية خايف وايدة ترجف نطقت بصعوبة

:ش شنو فرقك عن سياف اثنينكم خذلتوني

كلت هيچ وبعد مگدرت اتحمل وكعت من طولي بس احس بنفسي انتفض وشي انحط بحلگي وبعدها محسيت بنفسي

اتمنيت يكون كل هذا حلم واتمنيت هم ما اكعد واتمنيت اني بحضن اخوية واختي

بس مو كلشي نتمناه يصيرلنة
فتحت عيوني وصرت اباوع للمكان چنت بغرفتنة رجعت غمضت عيوني من تذكرت كلشي صار رجعت حسيت بأحساس الذل رخصني وچان يكول غالية طلعت مو غالية بس جسمي غالي

وجع مو طبيعي براسي وبكل جسمي فتحت عيوني ابچي لگيتة مسبحني ومغير ملابسي باوعت للساعة چانت 6 الصبح

باوعت للباب من انفتح دخل هو بيدة صينية درت وجهي عنة مطايقة اشوفة حسيتة كعد يمي وصار يمسد على راسي

الكسار:شلونچ

ضحكت بستهزاء على صلافتة ويسأل شلوني بعد ولا باوعتلة ضل يتنهد ويمسح على راسي

الكسار:البارحة اجتچ نوبة صرع وبسبب الوكعة راسچ تأذة شوي انتبهي ترفعينة فجأه تتأذين

ولا عبالك انسان موجود يمي ويحچي تجاهلتة كارهتة بشكل وهو صار يلوب يريدني بس احچي

الكسار:دموع احچيلچ كلمة لتقلقيني
هذا الشي چان راح يصير عاجلاً ام أجلاً
انتِ زوجتي مو حرام الي صار

باوعتلة بخذلان وقرف
:كساري كسرني وتفشلت گدام روحي

ضل يباوع بعيوني ويبلعم ميكدر يكول شي اخر شي زفر نفس بضيق وكال

الكسار:كومي اكلي حتى نروح

:وين؟

مد ايدة لراسي وهمس بأبتسامة حزينة
الكسار:للمكان الي راح تعرفين كلشي بي

بس كال هيچ حسيت نفسي صرت زينة اخذت الصينية من عندة وصرت اكل بشكل سريع بحيث بسرعة خلصت وكمت ردت اروح للحمام واستوقفني صوتة

الكسار:لتسبحين سبحتچ اني ميصير تسبحين اكثر من مرة

باوعتلة بقرف وطلعت من الغرفة رحت للحمام غسلت وجهي وباوعت للمراية شفتي متأذية رگبتي عليها اثار قذرة وعيوني مورمة نزلت راسي واخيراً كدرت ابچي بقيت ابچي بحرگة وادعي على سياف كلشي صار بسببة
هدئت ورتبت نفسي وطلعت ماريد اشوف نفسي كرهت روحي

رجعت للغرفة شفتة مبدل وكاعد يدخن مهتميت رحت طلعتلي ملابس واخذتهم للحمام لبست وسويت حجابي ورحت للغرفة هو بس شافني كام بدون اي كلمة

طلعنة من البيت وصعدنة بالسيارة واني مطايقتة خليت راسي على الجامة وگلبي يرفرف خايفة ينطوني خبر ملاك ميتة خايفة من هالشي بس اذا ماتت بعد ماكو داعي لحياتي وهيب وفرح هم حياتي بدونهم ماكدر اعيش طول هالفترة چنت عايشة على أمل اللقاء

صفنت بالطريق واشوف الناس الي رايحة لشغلها والي تفتح حتى تسترزق والي رايح لدراستة اتمنيت اني انسانة طبيعية عندها اهل وناس يحبوها

قطع صفنتي من وكفنة كدام بيت الريس كلت بدون ما اباوعلة
:فرح هنا؟

تنهد وكال
الكسار:نزلي دموع

نزلت من السيارة وهو اجة دگ الباب فتحلنة باهر سلم علينة ودخلنة لجوة كعدنة بالصالة ننتظر الريس يجي

نص ساعة ودخل يهرب عيونة مني
الريس:السلام عليكم

رديت السلام اهز برجلي واحس گلبي يريد يطلع من مكانة الكل ساكت واني عيوني تتنقل عليهم اخر شي متحملت كمت واني ارجف

:بعد ماكدر اتحمل عمو الريس احچولي گلبي حيطلع من مكانة وجسمي باد بس طمنوني فرح بيها شي؟

نزل عيونة وكال بهدوء
الريس:اصبري بابا

لزمت گلبي الي يعصرني وحچيت بألم
:ع عمو گلبي راح اموت والله فرح عايشه بس ريحو گلبي

حط ايده على راسي يبتسملي بقلق

رجعت كعدت خايفة ومتوترة وشفايفي ترجف ماعرف شسوي صرت اكل بأظافري او اكل بشفايفي لو اطگطگ اصابعي وكُل شوي احس حيغمى علية

صار صوت هورن برة بسرعة واحد باوع للثاني واني گلبي صار يرفرف حسيت اكو شي كام باهر يفتح الباب اجة الريس كعد كدامي يمسح على راسي

الريس:باباتي تمالكي اعصابچ اروحلچ فدوة

رديت بصوت يرجف خايفة
:عمو بس بس لا فرح ماتت

باس راسي وهمس
الريس:اشششش بس اهدئي

رجع لمكانة يباوعلي والكسار مدنگ وحاضن راسة بين ايديناته
رفرفت روحي من سمعت صوت طفل طفرت على حيلي ثواني ودخل طفل يركض يجي عمرة 4 سنوات ركض لحضن الكسار والكسار حضنة الطفل چان يشبه وهيب الى حدًا ما

خليت ايدي على صدري ورجعت اباوع للباب واردد
:ربي الطف بعبدتك ربي انطيني شي يستحق صبري طول هالسنين ويستحق تنازلي

انخمش گلبي من صارت كدام الباب صرت ارجف وعيوني عليها مكدرت بعد رجلية محملتني كعدت على القنفة اتمعن بملامحها

عيونها الحلوة غمازاتها طولها حلگها
من كُل عقلي عبالي اتخيل غمضت عيوني والرجيف ماخذني اخذ

:د دموع دتتخيلين و والله

شهگت شهگة شگت صدري من اجة صوتها تبچي
:دمعةة

طفرت ابچي فاتحة ايدية
:ياروح دمعة يا فرحتها انتِ

ركضت عليها ارتميت بحضنها حضنة بعض بكل قوتنة وصرنة نبچي بصوت مكسور صرنة نعبر عن اشتياقنة بالحضن

:افتقدتچ ملااااك روحي راحت ورااچ منسيتچ والله

فرح:اني روحي بقت وياچ طول هالسنين اسمچ بالساني اشتاقيتلچ دمعة اشتاقيتلچ يا ريحة وهيب

وحدة حاضنة الثانية بقوة عبالة حنطير
:والله متت بدونچ وين اخذوچ شسوولچ مَلِك مات كدامي عبالي انتِ هم متي

اجة صوت من ورانة فززني
:مامتت حزن اني كدامچ

ابتعدت عن حضنها من شفتة عبالي مداشوف زين كل هالشي چان كلش قوي على عقلي وگلبي لساني انعگد لزمتني فرح تحچي بس ما اسمع صوتها كعدتني تضرب على خدي واني عيوني تتنقل عليهم مَلك عايش وفرح عايشة وموجودين كدامي

اشوفهم مغوشين ولساني معگود وما اسمع شي ابد شفت الكسار صار كدامي يضرب على خدي اريد اكول وخر اريد ادفعة ماكدر

لحد مصار مي بارد على وجهي شهگت راجعة لواقعي بسرعة الكسار حضني يرجف واني اباوع لفرح الي موتت نفسها بچي

رفعت ايدي ادفع بالكسار واناشغ
:و وخر اريد ملاك وخر

وخر عني وجهة اصفر وشفايفة بيض بقت عيوني علية بس چان اشتياقي لفرح اكبر وخرت عنة وفتحت ايدية لفرح بسرعة حضنتني

:مشتاقتلچ

فرح:ميتة على شوفتچ

بقينة وقت طويل وحدة حاضنة الثانية بقوة منكدر نبتعد عن بعض عبالك دنعوض السنين الي عشناها بدون بعض

لحد ما اجة صوت فززنة اني وياها
:ماما هاي هالة  تموع مو

ابتعدت عني وهو اجة وكف بصفها واني اباوعلة وگلبي يرفرف علية يشبه وهيب بشكل مو طبيعي حطت ايدها على شعرة وجاوبتة بأبتسامة ودموعها تنزل

فرح:اي ماما حسن هاي خالة دموع الي احچيلك عنها

بسرعة ابتسم وركض حضني
حسن:الله هلوة هاي تلعت (حلوة هاي طلعت)

حضنتة اباوع لفرح ارجف
:ابنچ؟

هزت راسها مبتسمة غمضت عيوني وضميتة لصدري
:يا بعد روحي حسن فدوة رحتلك انتَ وامك

بكل براءة باسني وكال
حسن:ماما تبتي عليچ وتحتيلي عنچ هوااااااي (تبچي+ تحچيلي)

صرت ابوس بخدودة واشتم بريحتة وابچي
:ملاك حسن يشبه وهيب يشبه اخونة

فرح:هنيالي لعد واذا صارت عندي بنية اريدها تشبهچ واسميها دموع

بس كالت هيچ كلت برفض قاطع
:ل لا فرح لتسميها دموع تشبع دموع وحزن مثلي

فرح:اشششش لتحچين هيچ انلم شملنة وبعد يجي وهيب ونرجع نفرح ونضحك

هزيت راسي ورجعت حضنتة نبچي بصمت
هدئنة حسن راح لأبو واني اباوع لمَلك بحقد وهو ينزل راسة عني متحملت كلت بغضب

:لوووو تعرف شكد لعنتك عبالي ميت

هز ايدة وكال
مَلك:وبعد تحچيها كدامي عود من تموتين اني اترحملچ لأن اني احسن منچ

بس كال هيچ كمت على حيلي وعطت
:انتَ احسنننننن منيييييي؟ امدانييييي لعد لو احسن مني مفرقتني عن اختيييي واخويةةةةة انتوووو مجرمين

مَلك:ست حزن كلشي صار لمصلحتكم

:شنوووو لمصلحتنة هااااا فهموووونيييييي انتو فرقتونة الله لينطيكم

راد يحچي وسكت من سمع صوت الريس
الريس:بس كافي اكعدي دموع وانتَ مَلك اكعد

كعدت عيوني على مَلك اباوعلة بحقد وهو نظراتة عادية
صار هدوء واني انتظرهم يحچون اخر شي نطق الريس وهو يباوعلنة اني وملاك اختي

الريس:اريدكم تهدئون وتسمعوني للأخر

هزينة راسنة وهو باوع لباهر وكال
الريس:باهر روح جيب مي

راح باهر شوي واجة انطانة بطلين مي وراح كعد شربنة بأمر من الريس يلا قبل يحچي

الريس:شوفو بابا خلي اعرفكم بنفسي بالبداية

بقينة نباوعلة كام وحط ايدة على صدرة وكال بثقة
الريس:اني فهد علوان

بس كال اسمة وكفت مصدومة رجع كال يكمل الصدمة
الريس:خالكم

باوعتلهم كلهم منزلين روسهم حچيت واني حاطة ايدي على گلبي
:شدتكولللل

هز راسة وكال
فهد:هاي الحقيقة بابا اني خالكم اخو امكم شاهيناز

كعدت مصدومة وعيوني راحت على ملاك صدمتها متقل عن صدمتي من الصدمة بقينة ساكتات ونستمع وهو يحچي

فهد:دموع بابا انتِ شايفتني قبل لتعرفين الكسار وتفترقون

:ش شلون شو كت؟

فهد:خلي احچيلكم من البداية بداية القصة كلها
قبل سنوات طوييييييلة امكم شاهيناز چانت تداوم بالمدرسة مراهقة بعدها چانت مدللة عند ابونة وكلمتها متصير اثنين لأن البنية الوحيدة على 3 ولد شاهيناز چانت بريئة بس تضحك وعشقها الرقص چانت تتابع افلام مصرية وترقص على اغانيهم وابوية چان يجيبلها كاسيتات اغاني عربية وتخلص اليوم بس رقص من كبرت وصار عمرها 18 سنة حبت واحد من الهتلية الي بالشارع چان واحد ممعروف اصلة وفصلة منين وواضح يتعاطى ويسكر صار يضحك على عقلها بيوم من الايام اجة خطبها وحدة محد ويا لا اهل ولا شيخ ولا اي احد بس وحدة واحنة اكيد رفضنة لأن لا من مستوانة ولا يناسبنة اصلاً اختلاف جذري بينهم المهم بعد يومين كعدنة الصبح ومع الاسف ملگينة اختي شاهيناز بالبيت شردت ويا هذا السكير وابوية من قهرة طگ ومات وحتى نتستر على الفضيحة كلنة تزوجت وطلعت برة العراق ما دورنة عليها اعتبرناها ماتت

سكت واني مداستوعب الكلام الي يكولة صدمة ورة صدمة رجع يكمل كلامة

فهد:بعد شكم سنة اني حبيت وتزوجت وكونت عائلة بس مدامتلي انفصلنة بعد 10 سنوات بالضبط چنت ببيتي كاعد واندگ الباب اني وحدي بالبيت وباهر صغير كمت فتحت الباب وانصدمت من شفت امكم عليها اثار ضرب رغم شكد چنت اكول بس اشوفها اقتلها بس مكدرت شاهيناز چانت عزيزتنة مسلمت عليها ولا نطقت كلمة وياها بس دخلتها للبيت وبدت تحچيلي عن سوالف زوجها الي هو ابوكم سياف وانصدمت من عرفت مشغلها رقاصة وبنت ليل فوك الضرب والتعذيب يدخل عليها زلم حتى اختصرها سواها عاهرة وهو مالكها

اخذ بطل مي شربة كلة ورجع كال
فهد:صارت تتوسل بية اساعدكم الكم مو اساعدها عرفت صاير عندها رلد وبنتين وچانت تعرف اذا ضلو عند ابوهم راح يشغل البنات واني وافقت اساعدكم چنت دوم اقابلها من ورة سياف واكثر من مرة اشوفچ دموع

نزلت دمعتي ووجهي جامد احس عقلي بعد ميتحمل
فهد:چان المخطط اشتريكم من ابوكم لأن ابوكم يحب الفلوس وعادي يبيع نفسة علمودهم چان لازم اشتريكم واخطف وهيب وافهمة كلشي ومن يكمل هالشي اسجلكم بأسمي واسويلكم جوازات واسفركم برة العراق ثلاثتكم تدرسون وتعيشون حياة كريمة بس عرفت شي قلب كل الموازين وأذانيييييي بشكل لا يصدق

نزل راسة وحچة بصوت يرجف
فهد:عرفت وهيب يشتغل وية عصابة كلش خطرة وبرغم صغر سنة الكل يخاف منة ويحترمة ومقرب من رئيس العصابة

بس كال هيج كمت ارجف
:ل لا لا و وهيب واحد نظييييييف وطييييب ميشتغل هالشغللللل انتووو كذابييييين دتكذبون علينةةةةةةة

فهد:حقچ تكذبينة دموع بس هاي الحقيقة اخوچ حتى يعيشكم چان يروج للمخدرات وحتى امچ وابوچ يخافون من عندة لهذا السبب لأن العصابة الي يشتغل وياهم اكبر من عصابة الثعلب الي اهلچ متعاونة وياهم

كعدت ابچي وبصعوبة اتنفس وادعي بداخلي هالكلام مو صح

فهد:قررت ازوجكم چان المفروض وحدة منكم تروح لباهر بس باهر رفض لأن چان شايف وحدة ومعجب بيها والثانية تروح للكسار وتزوجوكم الكسار ومَلك لأن بس هالاثنين اكدر اثق بيهم چان المفروض اخذكم بفلوسي بس محد منهم وافق واعتبرو الفلوس مهر الكم بابا

باوعت للكسار شفايفي ترجف وهو نزل راسة عني رجع يكمل الصدمات

فهد:رفضت تنجمعون سوية لأن الشرطة وعصابة ابوچ وعصابة وهيب يدورون عليكم قررت اغير مواليدكم واسجلكم بأسمي اني نفس الشخص الي شفتوني ثاني يوم من الاخذناكم بي تذكروني

غمضت عيوني ورجعت اباوع بعيونة الزرگ
:انتَ ابو عيون الزرق الي كال بينكم تناقض انتِ واختچ

هز راسة يتنهد
فهد:بالضبط اني وانتِ چنتي مشبهة علية لأن شايفتني قبل وماعرف شلون من شفتيني من نزعت اللثام معرفتيني
المهم راح اكللكم شي بس اريدكم تكونون اقوياء

حچت فرح تشهگ
فرح:شنو بعد

نزل راسة وگال بحسرة
فهد:من اخذوكم وهيب قتل ابوكم وامكم وشرد

ضربنة على صدرنة وشهگنة سوية
فرح: و وهيب ووين؟

رفع كتفة بمعنى مادري اني احس روحي تريد تطلع مني بس الغريبة مزعلانة على اهلي خايفة على وهيب وبس اخاف يكون متورط بشي اكبر لو قاتلي نزلنة روسنة نبچي

كام الريس كعد جوانة ولزم ايدينة
فهد:كل الي صار لمصلحتكم بابا

نترت ايدة وكمت ابچي واناشغ
:شنووو لمصلحتنةةةة لو جبتنة هنا يمك شنو يصير؟ لو مخلينة ثلاثتنة شنو حيصير فهمني ليش زوجتنة وليش فرقتنة ريس؟ چنت اموت كدامكم ومد منكم ينطيني فد شي يريح گلبي

كام حضني يبوس براسي
فهد:لو جايبكم هنا هم اخذوكم مني بابا انتو مطلوبين من 3 جهات الشرطة وعصابة الثعلب لأن ابوكم يشتغل وياهم وعصابة وهيب مكدرت اخليكم يمي تمنيييييييت اكدر اخليكم بس مكدرت

سحب فرح ودخلنة بحضنة واحنة الثلاثة نبچي
منعرف نبچي على شنو على الي عرفنة؟ لو على السنين الي خلصناها بعيدين عن بعض لو على وهيب الي منعرف وينة

چنت محتاجة حضن يخليني ابچي بدون خجل او خوف واجاني حضن خالي اخو امي الي مچنت اعرفة وچنت مضيعتة مثل مضيعت اخواني

بقينة وقت طويل نبچي بدون كلام دموعنة چانت تحچي
اخر شي ابتعد سحبنة كعدنة وكع بنصنة وحاوطنة بأيديه ويحچي بحسرة

فهد:بيكم ريحة شاهيناز اختي وفرح تشبه اختي بشكل مو طبيعي نفس لون العيون هم ازرگ وانتِ ووهيب عيونكم تختلف عنها فرح شايلة كل الشبه طولها غمازاتها عيونها حتى صوتها

دخلت راسي بصدرة وكلت
:و وين زياد خلي يجي ويشوف اني مو مگطمة اهلي هنا يمي اختي وابنها وخالي فهد وابنة باهر خلي يعرف اني عندي اهل مو مگطمة

باس راسي وكال
فهد:اكسر راسة الي يحچي عليچن كلمة وحدة اكسر راسة ومن كال هالكلمة كسرت راسة الچ انتو غاليات على گلبي وحميتكم بدم روحي

قويت حضنتي ولزمت ايد فرح ممصدگة الي صار
صار العصر واحنة بعدنة على هالحال خالنة تركنة واني وفرح وحدة حاضنة الثانية نسينة كلشي نسيت شنو صارلي البارحة ونسيت وجع جسمي فرحتي بفرحة چان اكبر من كلشي

جابو اكل واني وياها گعدنة بصف بعض وحدة لازمة ايد الثانية مشتاقتلها بگد رحمة الله طول اليوم بقينة سوية

بالليل اني حاطة راسي على كتفها وابنها نايم بحضنها واني العب بشعرة مبتسمة وطايرة من الفرح

كام مَلك وكال
مَلِك:فرح كومي يلا نروح تأخر الوقت

بس كال هيچ حضنتها بقوة وحچيت بخوف
:لااااا متاخذها بعد متبعدها عنيييييي اموتك بأيدية

مَلِك:اجيبها الچ باچر ولچ حزن

هزيت راسي وردت احچي واجة صوتها
فرح:اليوم ننام هنا ببيت خالي يم اختي ماكدر اتركها اتركوني اشبع منها بعد كل هالسنين

راد يحچي وقاطعة خالنة ( الريس)
فهد:خلوهم اليوم يباتون يمي روحو جيبولهم ملابس واشياء يحتاجوها وتعالو انتو هم باتو هنا

بسرعة وافقو وكامو رفعت عيوني اباوع للكسار شفتة يباوعلي بحيرة واحسة يريد يسحبني لحضنة
بعدت انظاري عنة كارهتة بعد الي صار البارحة هو تنهد وطلع

بقينة كاعدين ننتظرهم يجون واني ممصدكة كل شوي وبست فرح بخدها وهي تردلي البوسة وباهر يهز بأيدة

باهر:كافي تمطگ لعبتو روحي

:شعليك اريد ابوس اختي انتَ شكو

باوعلي معاجبة ويهز بأيدة واني وملاك نضحك علية
ساعة واجو الكسار ومَلِك حطو بأيدينة كل وحدة جنطة صغيرة

راد الكسار يتقدملي ويحچي وياية بس استوقفة صوت اتصال وهاي اول مرة يحچي كدامي هيچ

الكسار:وعليكم السلام سيدي
بعدنة نستدرجة وراح نلزمة اكيد
احترامي سيدي الله وياك

چان طول المكالمة يباوعلي واني ممستوعبة الي يصير تركت فرح وكمت اباوعلهم بحيرة

:انتو عصابة لو شنو تشتغلووووون حتخبل؟؟؟؟

اجة خالي لزمني من ايدي وكال مبتسم
فهد:احنة استخبارات بابا

فتحت عيوني على وسعهم وعيوني تتنقل عليهم اشوف الكسار يباوعلي رافع راسة سحبني خالي باس راسي وكال

فهد:اني وابني ومَلِك وغوث وزياد كلنة نشتغل بالاستخبارات وعدنة مهمات مو مثل متفكرون احنة مو عصابة اجرامية

مكدرت احچي شي صدمة ورة صدمة يوم مليان صدمات ماكدر اتحمل

نزلت راسي اباوع لجوة من حسيت بشي حار يمشي على رجلية وصار وجع ببطني مو طبيعي لزمت بطني اتلوى كلهم ركضو علية خايفين والكسار محاوط وجهي وايدة ترجف

الكسار:شبيچ حبيبتي شبيچ دمعتي يا بعد روحي

مكدرت ارد اني بنفسي ماعرف شبية لحد ما اجة صوت فرح تصرخ بخوف
فرح:دمعةةةةةة دتنزفييييييين...

..يتبعع..

توقعاتكم؟

.
.
.
.
.
.
.
.
.
.

5000 كلمة كولو ما ادللكم صار 3 ايام انزللكم بارتات🙈

نزلت البارت بدون ما اراجعة واعدلة دموع بس قرتة اي غلط غلسو🤍

ضيفو حساب الانستا

وقناة التلي

اللهم صلِ على محمد والِ محمد 🦋

مها ال عبدالله