رواية الكسار (سلاسل الغوث) الفصل الرابع والعشرون 24 - بقلم لـ ميامي

يجـُوز أگدر أعدل نومِي المخربَط
انفاسي شيعدلها ؟
ادري لِهسة مصدوم ..
وقراراتي غلط كُلها
اتواجِه ردت ويّ نفسي
حتى أعرف
القوة البية صدگية ؟
لـو گاعد أمثلها
هَايّ المرحلة المـاردت اوصلها ..

قراءة ممتعة 🤍
.............................................................

دموع:مكدرت بعد اوكف على رجلية ألم بكل جسمي حسيت نفسي انرفعت من الأرض الكسار شالني يركض بية وصوت فرح تبچي بعدة بأذني

حطني بالسيارة وساق بأقصى سرعتة الوجع اختفى بس الدم بعدة ينزل حار احس بي حطيت ايدية على وجهي ابچي متهنيت بفرحتي

فترة ووكفت السيارة ونزل جابلي كرسي متحرك واجة كعدني علية ودخلني للمستشفى مثل المخبل ميشوف كدامة يريد دكتورة تستلم حالتي
اخيراً اجت بعد ما متت من البرد مادري ليش صرت ارجف اخذوني لغرفة بيها سدية وسونار نومني على السدية واجت الممرضة سحبت دم مني وطلعت والدكتورة صارت تفحصني وهو رفض يطلع وكف على راسي يهز برجلة

فحصتني وسوتلي سونار وهي ساكتة دقايق وركزت على الشاشة وكالت

الدكتورة:متزوجة انتِ؟

رديت خايفة
:اي

هزت راسها وسكتت وبس تباوع للشاشة اخر شي نزعت الكفوف الطبية وبدون اي كلام اتصلت مادري على منو

الدكتورة:اريد تحليل دم المريضة دموع فهد بأسرع وقت
اي محتاجتة بسرعة ماشي شكراً

كملت مكالمتها واجت وكفت كدامنة وصارت تسألني
الدكتورة:دورتچ الشهرية تجيج كل شهر لو تجي كل شهرين ثلاثة

:ل لا تنزل بالشهر مرات مرتين

الدكتورة:زين شكم يوم و تتقطع لو تستمر

باوعت للكسار خجلانة شفتة يباوع بقلق وخرت عيوني عنة ورديت
:7 ايام وتتقطع يوم اكو ويوم لا

الدكتورة:طيب ومن تنزل عليچ كتل لا عادي دم طبيعي؟

:مرات تتكتل ومرات طبيعي

دخلت شفايفها لداخل حلگها بأسف كلش خفت الكسار كال بخوف
الكسار:شكو دكتورة بيها شي؟

الدكتورة:لازم اشوف تحليل الدم واتأكد اكثر هسة شوي ويجي

باوعتلة ارجف وهو صار يروح ويجي طلعت الدكتورة واني رجعت ابچي خايفة يطلع احو شي وخايفة ارجع وماشوف فرح

نزل لمستواية ولزم ايدي يبوس بيها
الكسار:راح يكون كلشي بخير دموع لتبچين

نترت ايدة عني بغضب وعيوني تصب
:وخخخخر كلة منك انتَ بسببك صار هالشي

غمض عيونة مثل المتأذي نزلت عيوني لأيدية چانت ترجف رجف مو طبيعي ووجهة اصفر حسيت بي شي چنت خايفة على نفسي انوب خفت علية هم لو شنو ميصير ماكدر انكر فضلة علية حتى لو مجروحة من عندة ماكدر اشوفة تعبان

بقينة على هذا الحال ولويات تجي لبطني وتروح
نص ساعة ودخلت الدكتور بيدها اوراق تقربت علينة

الكسار:ها دكتورة طمنيني؟

الدكتورة:زوجتك عندها اكياس بالمبيض لازم تنتبه زوجتك من زمان تنزف وعبالها تنزل الشهرية عليها مرتين

نزلت دمعتي وشفايفي ترجف انعگد لساني بس اسمع اصواتهم شنو يحجون واني ابچي

الكسار:يعني خطر عليها؟

الدكتورة:مع الاسف اذا متعالجت مراح يصير عندكم اطفال

نشفت دموعي بعيوني وبسرعة باوعتلة رغم خوفة هز راسة يطمني

الكسار:يعني اكو علاج

الدكتورة:تكدر تعالجها عند دكتور مختص حالتها مو قوية الحمدلله بس اذا سكتو عنة راح يصير قوي ويصير خطر عليها وبالنتيجة لا سامح الله تصير عقيم

خليت ايدي على حلگي مصدومة من الكلام مكدرت احچي بعد ولا هو كدر يحچي

الدكتورة:وهم لازم انطيكم خبر تتعاملون ويا الموضوع بحذر وبالأخص انتَ لازم تعرف زوجتك دتمر بفترة صعبة وحيصير عندها برود من العلاقة الزوجية او بالأصح عندها برود من زمان بس انتو مملاحظين لازم تعالجها وبأسرع وقت لأن بعدها صغيرة ورحمها بعدة نظيف  تتقبل العلاج بسرعة

الكسار:ان شاء الله

كتبتلة ورقة علاج حتى يتوقف النزيف واخذني وطلعنة احس بعد معندي طاقة انتهيت هو راح يجيبلي علاج واني كعدت بالسيارة اندب حظي

من طفولتي واني اتأذة هيچ ظلم من اهلي بيع فراق عن اخواني مرضي وهسة انجبرت على شي ماريدة واحتمال يصير بية عقم

خليت راسي على جامة السيارة تعبانة بدون ما احس غفيت مادري شوكت اجة وشوكت حرك چنت تعبانة لدرجة مكدرت احس بشي

ماعرف شكد مر وقت وحسيت ببوسات تنطبع على خدي فتحت عيوني شفت الكسار وحسن كدامي حسن يمسد على راسي ويبوس خدودي ابتسمت وكلت

:متستحي تتحرش حسوني

حط ايدة على خدي يضحك
حسن:انتِ هلوة هوااااااية

رفعت نفسي بستة بخدة
:مو بحلاتك اني حبيبي

راد يحچي ودخلت فرح توسعت ابتسامتي وفتحتلها ايدي اجت حضنتني تتنهد

فرح:الحمدلله على سلامتچ خوفتيني عليچ

ابتعدت عني تباوع للكسار بكره وكالت
فرح:ممكن اعرف شنو مسوي لأختي؟ اكو اثر بأيدها

عگد حواجبة وطفر يفحص ايدية
الكسار:يا ايد اثر شنو؟

فرح:بأيدها اليسار اكو اثر ايد وصايرة زرگة بس لا تضربها ترة والله اندمك

باوعلها ببرود ورجع باوعلي
الكسار:اني طالع اليوم باتي يم اختچ وجهزي نفسچ باچر راجعين لبيتنة

حضنت ايد فرح وكلت بأصرار
:انتهت الصفقة يا الكسار بعد ما ارجع وياك

بهتت ملامحة وتقرب علية باسني براسي وهمس
الكسار:زوجچ اني مرجعچ الية متكدرين تعوفيني بعد سمعتي؟

باوعتلة بحدة
:عبالك اذا سويت الي سويتة حتربطني بيك؟ متكدر زواجنة چان بناء على اتفاق وصفقة وهسة انتهت

فتحت عيوني على وسعهم من دنگ باسني على شفتي بدون خجل
الكسار:جهزي نفسچ باچر نروح لبيتنة

كال هيچ وطلع واني مصدومة باوعت لفرح نفس صدمتي وحسن يضحك باوع لأمة وكال

حسن:ماما بابا الوكي هيت يبوست (بابا ملوكي هيچ يبوسچ)

بسرعة سدت حلگة
فرح:بعد بعد افضح

مكدرت ضحكت عليهم لزمت ايدها وكلت
:صاير مطاحن اعتقد اوكفي اروح اسبح ونجي نسولف اريد اعرف كلشي من افترقتي عني لحد اليوم

هزت راسها مبتسمة اني كمت بصعوبة اخذت ملابسي وطلعت مديت راسي چان البيت ضلمة والصوت كلة بغرفة باهر عرفتهم نامو كلهم بغرفة باهر

ركضت للحمام نظفت نفسي زين وطلعت اركض للغرفة شفت فرح منومة حسن وكاعدة تنتظرني بس دخلت طفرت تباوعلي مبتسمة

فرح:تذكرين من چنت امشطلچ؟

هزيت راسي گلبي يدُگ
:كلشي اتذكر منسيت شي منكم ملاكي

اجت حضنتني تبوس براسي وسحبتني خلتني كدامها وصار تمشط شعري مثل زمان تمشط وتغنيلي

فرح:لعيونك انتَ يا حلو يا حلو العيون
تسلم يا فرحة من العمر يا ضي العيون
مر بينا مر بينا ما ضل صبر بينا
مر بينا مر بينا تلگى الصبر بينا
مانكدر على دمعات العيون

صوتها يرن ببالي وهي تغنيها
كملت شعري وباست راسي من ورة

فرح:شعرچ طولان

التفتت عليها لزمت ايدها
:مچنت احب اگصة چنت اتذكر من انتِ ووهيب تتغزلون بشعري وتجبرون بخاطري من الاطفال الي بالشارع يكولولي ام كناكير

ابتسمت وكمنة نمنة على الچرباية صار حسن بنصنة وبدينة نحچي عن حياتنة الي فاتت

فرح:بعد ما افترقنة اخذني لبيتة وتمرضت عليچ وهو مالت الله مجبرني على  شي ابد بالعكس چان خايف علية شكد ما جنت اصدة واعيط واضرب بي ميحچي لأن عذرني چان يحاول يقنعني انتِ بأمان بس اني چنت خايفة عليچ انتِ خوافة وبعدچ صغيرة المهم علمني ادعيلچ واصلي صرت بكل صلاة ادعي ترجعيلي انتِ ووهيب انتو املي من هالدنيا
چان يلح علية يريد يتمم زواجنة صح مجبرني بس كلام وچان يحاول يوصلي فكرة حلوة عن الزواج وبعد 5 اشهر يلا كدرت اتقبلة وتزوجنة زواج حقيقي يعني چنت اشوف حُبة الية من يباوعلي عبالك مالك الدنيا مكدرت ما احبة صح بالبداية اول مشفتة حقر وياية بس چانت شخصيتة مختلفة كلياً عن الي شفتي طلع شخص متدين وخلوق صح مچنت اعرف شغلة شنو وعبالي مجرم واليوم يلا عرفت شغلة واني حبيت مَلِك وهو يتيم الابوين مثل حالتي صارلي ونعم الزوج مچان ناقصني غيرچ بحياتي
بعد سنتين صرت حامل بحسن وولدتة واني بالولادة اصيح بأسمكم وادعي ربي يجمعني بيكم رغم حنان مَلِك ووجود حسن بس مكدرو يملون مكانكم تعرفين مرات اشتاقلكم واكعد بالليل ابچي يكعد وياية يصبرني على فراگكم وتخيلي يبچي وياية عليكم

طول كلامها مبتسمة ارتاحيت من عرفت زين وياها ويحبها وتحبة رفعت ايدي لخدها وكلت

:اذا هيچ الحمدلله همزين طلع شخص طيب وياچ بس شوفي بالسيارة شنو سوالچ اعتدة عليچ؟

عگدت حواجبها مفاهمة
فرح:مفهمت؟ ياسيارة

:شبيچ فرح من اخذونة وانتِ غلطتي عليهم وصعدني بمكانة وراح يمچ

لانت ملامحها وحكت راسها مستحية
فرح:لا مسوالي شي بس شسمة باسني هنا وهنا

كالت هيچ تأشر على شفتها ورگبتها خجلانة ضحكت بصوت وهي ضحكت وياية ويا ما دتضحك نزلت عيونها لرگبتي غمضت عيونها ضايجة

فرح:حتى انتو زواجكم حقيقي ها؟ بس لا تزوجج اول ما اخذچ چنتي بعدچ طفلة؟

بلعت ريگ وتذكرت البارحة
:ل لا البارحة يلا صار زواجنة حقيقي

تنهدت تهز براسها معرفت ليش واني صرت احچيلها كل زينات الكسار وكلشي من اول ما افترقنة لحد موصلت للبارحة صرت احچيلها وابچي

:چان يعرف شكد مشتاقلكم ماعرف ليش سوة هيچ وساومني بيچ چان يگدر يخليني اتقبلة بس هو اختار هالطريقة

حضنتني تبوس براسي وتمسح دموعي
فرح:اكول شي بس مو تزعلين مني دمعة

:كولي؟

كعدت منزلة راسها وكالت
فرح:الحب واضح بعيونة الچ دموع الرجال يعشقچ مشفتي شنو صار بي من وكعتي ومشفتي شصار بي من شاف الريس ا اقصد خالنة حضنچ ومشفتي دموعة الي شفتهم اني چان يبچي على بچيچ واحتمال چبير سوة هيچ البارحة لأن خاف

كعدت يمها اناشغ
:خاف من شنو

حطت ايدها على خدي وهمست
فرح:خاف من خسارتچ دموع چان عبالة اذا اجتمعنة وعرفتي عدنة خال حتتركي شوفي دموع اني اختچ مو عدوتچ ودانصحچ لتركينة يستحق فرصة ثانية يستحق فرصة بعد كل هالسنين الي انتبه عليچ بيهم ورباچ ودرسچ انطي فرصة بس هم عاقبي

:شلون

فرح: ازعلي؟ حسسي هو غلطان وياچ لتحچين ويا واذا اضطريتي خلي كلامچ بارد واذا طلب حقة انطي هم بس خليچ باردة حسسي بغلطة حتى ليكرر هالغلط عاقبي عقاب صامت خلي يتندم عليچ

:شلون فرح اني مداتقبل هالشي ويا احس جسمي كلة يتبنج

فرح:حقچ وما الومچ بس هذا بسبب مرضچ وحتتعالجين انتِ بس عاقبي ومعليچ تدللي علية اطلبي واطلعي واشتري وتدلعي

ابتسمت وحضنتها مرتاحة لكلامها حسيتها رتبت الفوضة الي بداخلي حسيتها امي ودتنصحني بيومها بقينة للصبح نسولف ونمنة بدون منحس

چان يوم كُلش حلو من اجمل ايام حياتي بحيث نمت مرتاحة رغم وجع جسمي

للعصر يلا كعدت لگيت نفسي حاضنة فرح وحسن مموجود توسعت ابتسامتي فرحانة بيها طايرة مو بس فرحانة غمضت عيوني اشكر ربي لأن رجعها الية من فتحت عيوني كمزت من شفتها تباوعلي وهي من شافتني كمزت سنكرت من الضحك صرت اضحك وياها

:شبييچ كمزتيني عيونچ مثل قبل بعدهم يخوفون بالضلمة

فرح:نچبي انتِ جبانة عيوني يخبلون

حطيت ايدي على خدها مبتسمة
:اروحلهم فدوة

فرح:اسم الله عليچ

رفعت ايدها بستها وكمت
:يلا خلي نطلع

هزت راسها لبسنة حجاباتنة وطلعنة مچان اكو احد بس ام سلمان وحسن كاعد يتابع التلفزيون ركضت للحمام غسلت وجهي وطلعت اركض رحتلة مثل الي مشايف اخذتة بحضني ابوس بي وهو يضحك دخلت علينة فرح واجت ويانة صار حسن بنصنة نبوس وندغدغ بي

موكفنة لحد مسمعنة صوت باوعنة شفنة باهر واكف يعز بأيدة
باهر:چانت مخبلة صارن مخبلتين

ردت احچي ودخل ابو صلخة علابية
فهد:انچب وعوف خواتك

باهر:هسة على حلاتهن خواتي چنهن فيران

فرح:انتَ شايف وجهك چنك جربوع

باهر:لا يا جربوعة طلع لسانها عبالي فقيرة مو مثل اختچ بس طلعت اني الفقير

طفر من شاف ابو نزع حذائة يضحك واحنة نضحك عليهم
اجة كعد يمنة وكال

فهد:مرتاحات هنا

هزينة راسنة بدون منباوعلة حط ايدة على راسي مبتسم
فهد:انتبهي على نفسچ دموع ان شاء الله تصيرين احسن أم انتِ تستاهلين كل خير

بقيت ساكتة مادري شبية هسة يجي الكسار ويريدني اروح ومحتارة اروح لو ابقى اسوي مثل مكالت فرح لو ابقى هنا وخالي اكيد ميرجعني
باوعتلة وكلت بخفوت

:ا اذا ماريد ارجع ويا الكسار عادي ابقى يمك؟

سحب راسي باسة وكال
فهد:البيت بيتچ باباتي

ردت احچي ولزمتني فرح من زندي باوعتلها بحيرة
فرح:دموع لتنسين الكسار يحبچ ولتنسين ايامكم الحلوة اذا رحتي يتدمر وانتِ كلتي بصعوبة ترك الشرب اذا تركتي حيرجع يشرب وتنضافين لجرح حسن فكري زين

غمضت عيوني بحيرة فتحتهم من سمعت صوت خالي
فهد:كلام اختچ صح مو تكولين ماريدچ ومادري شنو اخليچ على راسي تاج بس غوث يعشقچ دموع البارحة كلة يحچيلي بس عنچ فكري واذا كان قرارچ تبقين هنا معندي مانع

قبل لا اجاوب كام طلع من الصالة تنهدت وحطيت راسي بحضن فرح

:محتارة ملاك

دنگت باستني
فرح:سوي مثل مگتلچ اني اريد مصلحتچ

:ان شاء الله خير

دخل خالنة بأيدة صينية وسحبنة حتى ناكل وهو كاعد كدامنة يشرب چاي ويباوعلنة ممصدگ اني مرات احقد علية ومرات گلبي يبرد لو مخلينة عندة افضل لو مخلينة بمكان محد يعرفة افضل من تزوجينة بهواية بس بعد الفاس وكع بالراس والي صار صار منكدر نلوم احد بعدد

چان حجابي على كتفي بس سمعت اصواتهم قريبة لبستة شوي ودخلو مَلِك وزياد والكسار اخر شي دخل يدخن واني اباوع لزياد رافعة راسي وبعنادة صرت احچي ويا خالي واضحك اريدة يشوف اني مو مگطمة مثل مكال عني

راحت عيوني على الكسار انصدمت بشكلة واضح تعبان چان كاعد يدخن ويباوعلي كمت امشي على كيف وصلتلة ورفعت شعرة عن وجهة وهو رفع راسة يباوعلي مبتسم

:بيك شي؟

عض شفتة وهمس
الكسار:بية انتِ

ابتعدت خطوتين وكلت
:مو وقت هذا الكلام داشوف وجهك اصفر من البارحة وجسمك يرجف

مجاوبني بس اجاني صوت زياد التفتت شفتة حاط رجل على رجل
زياد:مابي شي بس بسببچ نزل سكرة

بسرعة باوعتلة مصدومة شوكت نزل
:صدك؟

هز راسة يباوع بعيوني ردت احچي ورجع كال زياد
زياد:دعتقي للرجال راح تموتينة

صكيت على اسناني ورحتلة معصبة وكفت كدامة وعطت
:انييييييي ورجليييييييي انتَ شكووووووو ليششش مدخلللل نفسكككك

كام وعض اصبعة بغضب
زياد:اخخخخخ لوووو رجال چان موتچ ومحمد

دست على رجلة بكل قوتي بس بسرعة انسحبت وصار الكسار كدامي لزمة من ملابسة وكال

الكسار:شوكتتتتتت تعووووفهاااا بحالها؟ تريددددد اموتككك؟ شوف زياد سكتت عنك هواية تعوف مرتي لا اخلي روحك تعوفك

زياد:ابقى دافع عنها ابقى بنت الرقاصة لو بي....

قبل ليكمل كام الريس دفرة ببطنة
فهد:لكككك كلب اموتك اذا جبت سيرة اختي امشي اطلع برة لا افشلك كدامهم

نزل راسة متفشل
زياد:اعذرني مو قصدي زلة لسان ريس

فهد:تطلع برة لا اگص السانك ابو الزلات اطلعععع

طلع ضايج دوم هيچ وياية مادري شبي كارهني
سحبني خالي لحضنة يبوس براسي

فهد:لتهتمين بابا الي يكول كلمة غلط عليكم اموتة كدامكم كلشي ولا زعلكم عندي

ابتسمت وراحت عيني على الكسار شفتة عاگد حواجبة ومكور ايدية يباوعلي معصب مفهمت شبي عبالي اكو شي يوجعة

ابتعد خالي وراح كعد بصف فرح ردت اكعد يمهم واجاني صوتة يحچي بأمر

الكسار:دموع يلا نروح

بسرعة باوعتلة اريد ابچي
:ماريد اريد ابقى عند فرح

اجة مَلِك وكف كدامي مبتسم
مَلِك:دموعة اختي انتِ واخوچ يوعدچ وعد كل يوم تتشاوفون انتِ واختچ يوم انتو تجون لبيتنة ويوم احنة نجيكم وها الجمعة تجمعون عن بيت خالكم شنو تكولين؟

كلت بصوت يرجف
:اخاف متخلوني اشوفها

لزم شاربة واردف
مَلِك:هذا شاربي مو علية اذا مخليناچ تشوفيها وعد خوة هذا

:يعني اثق بيكم

مَلِك:ثقي بينة حزن مو زلم اذا منخليكم تشوفون بعض كل يوم

ارتاحيت لكلامة باوعت لفرح هزت راسها مبتسمة رحت حضنتها بقوة واشتم بيها

:حروح تعاليلي باچر ماشي

فرح:بعيوني اجيچ دمعة

ابتعدت عنها ولزمت ايدها رحنة للغرفة جهزنة نفسنة من كملنة طلعنة واحس اريد ابچي لأن حروح عنها خايفة بعد ماشوفها

ودعتها هي وحسن وخالي ابچي حرجع على اعصابي اريد اخذ بكلامها وانطي فرصة لخاطر الأيام الي رباني بيهم وعلمني وتعب وياية

صعدنة بالسيارة حطيت وجهي على الجامة وهو بس ريحة دخانة تكتل

وصلنة للبيت دخل السيارة بالكراج واني نزلت فتحت اضوية البيت چان مرتب مثل متركتة بسرعة صعدت فوك خليت الجنطة بالغرفة ونزعت ملابسي ولبست غيرهم گعدت على الچرباية افكر بفرح وبكل الي صار

دخل الكسار يمشي بتعب وخرت عيوني عنة ذب نفسة على الچرباية وكال

الكسار:اخذتلچ اجازة يومين وحجزت عند دكتورة نسائية باچر نروحلها

باوعتلة ببرود
:هلگد مستعجل على الطفل؟ اني بعدني صغيرة اكدر اتعالج بكل وقت

رفع راسة يباوعلي
الكسار:بابا علمودچ اذا بقيتي بدون علاج تسوء حالتچ ويصير بيچ عقم تردين هالشي يصير يعني؟

هزيت راسي بلا كام جاب علاجي ومي وخلاهم بأيدي
الكسار:شفتي لازم تتعالجين الج مو الية

اخذت العلاچ وعدلت شعري احچي بثگل
:باچر هماتين اريد اروح للصالون اعتقد حقي؟

هز راسة ولزم ايدي باسها
الكسار:سهلة هاي باچر احجزلچ عند احلى صالون ببغداد

سحبت ايدي اباوع لأظافري بغرور
:وهم اريد اروح للسوگ ناقصني اشياء هواية

الكسار:مثل شنو؟

باوعتلة ببرود واردفت
:اشياء بنات حالي حال البنات مكياج على ذوقي اكسسوارات ملابس اريد كُلشي

الكسار:غالي والطلب رخيص هم سهلة

رجعت كلت ومركزة عيوني على ملامحة
:وهم اريد تلفون حالي حال البنات الي بعمري تعبت واني اخذ تلفونك من يدزولي شي من الكلية اريد تلفون خاص بية

عض شفتة مكور ايدة
الكسار:هم سهلة واحسن تلفون لعيونچ شعندي غيرچ اني كل فلوسي حلالچ دمعتي من نروح للسوگ اخذچ تختارين تلفونچ على ذوقچ

:اي اريد شي خاص بية مو وحد اني

كعد رافع حاجبة ويباوعلي مستغرب
الكسار:ليش اني اكو يوم من الايام قصرت عليچ بشي؟ اكو يوم طلبتي ومنفذت؟ مو فوك الـ 5 مرات الح عليچ اشتريلچ تلفون خاص الچ وانتِ ترفضين تكولين تلفونك كافي ليش تحسسيني اني مقصر بحقچ

نزلت راسي العب بأصابعي صدك هو ابد مقصر بشي بالعكس قبل لا احچي يجيب طلبي الية

:لا انتَ مقصرت ولا يوم

سكت يهز براسة واني شو خجلت من نفسي على كلامي بقيت منزلة راسي والعب بأصابعي شوي ولزمهم

الكسار:دوختيني بيهم وكفيهم

وكفت اصابعي وهو نام على بطنة وكال بتعب
الكسار:اني راح انام جبتلچ عشة تلگي بالمطبخ

مجاوبتة زفر نفس وغمض عيونة واني تركتة ونزلت كعدت بالصالة اباوع للساعة اريد يصير باچر بسرعة كلشي سويت رتبت البيت حتى وهو مرتب كعدت اكلت ورحت سبحت وبعدها ليل انوب احاول انام حتى يصير باچر بسرعة وميجيني نوم تعبت كعدت بمكاني ابچي لأن ميصير باچر بسرعة

مادري شبية احس بثگل على گلبي وتعبانة اريد بس ابچي
خليت راسي بحضني وصرت ابچي لحد مدخت ونمت

فزيت من حسيت بشخص يحضني ابتسمت وهمست
:اخيراً اجيتي ماكدر انام اريد يمچ

حضنتها بقوة وردت اغفى بس راحت النومة كلها من حسيت ببوسات تنطبع على رگبتي بخفة خليت ايدي على كتفة وكلت بخفوت

:كسار وخر

همس وانفاسة تلفح رگبتي
الكسار:ممسوي شي ترة بس اتركيني استوطن بشاماتچ

رفعت ايدية خليتهم على صدرة ودفعتة
:ماريد وخر يلا

لزمهم بقوة وعض رگبتي بخفة
الكسار:بس اني اريد نامي دموع حتى انام وراية شغل

جريتة من شعرة لأن عضني رفع راسة يباوعلي بعيون ذايبة صرت اخاف من هاي نظراتة بسرعة غمضت عيوني وهو عصر خصري

الكسار:صيري حبابة حزني

فتحت عيوني بتحدي
:صير حباب واصير حبابة وخر عني يلا

ولا اهتم رفع راسة وصار يبوس بحنچي واني اجر شعرة شوي شوي صار يتمادة تجمدت بمكاني وصرت ارجف من شفاني هيچ ترك كلشي بس دفن راسة برگبتي وسمعتة همس

الكسار:حزن گلبي احبچ

بقيت ساكتة هو هدئ حسيتة نام حاولت افلت نفسي بس مكدرت مقيدني بجسمة اخر شي استسلمت للأمر الواقع ونمت وكل تفكيري بفرح

كعدت الصبح ملگيتة يمي عرفتة راح لشغلة مهتميت كمت للحمام غسلت وصعدت للغرفة رتبتها ورجعت نزلت سويتلي ريوگ اريد العصر يجي بسرعة

الساعة 9 چنت كاعدة بالصالة اجهز الغدة ودخل الكسار يفر بالسويچ بس شافني صفن

الكسار:مجهزتي نفسج؟ لعد مو كلتلچ نروح للدكتورة؟؟

عضيت شفتي وحكيت حاجبي
:لعد مو العصر؟

الكسار:يا عصر دموع يا عصر كوميي بسرعة

تركت الي بيدي وطفرت فوك طلعتلي ملابس لبستهم بسرعة بسرعة ونزلت حذائي بأيدي لگيتة بالصالة يدخن چنت اسوي بأزرار القميص بسرعة سحبني كعدني على القنفة مفهمت شنو يريد يسوي صدمني من لبسني حذائي وكال بهدوء

الكسار:شلون رجل حلوة چنها چكليتة

رفعت حاجبي وكلت
:ترة لابسة جواريب شلون شفتها حلوة

ضحك وضربتي على رجلي
الكسار:وجع بگلبي عود ردت اتغزل بس انتِ متساعدين امشي امشي

كام يريد يطلع واني قلدت علية وطلعت لساني ورفعت عيوني اقلد ماخذة راحتي شوي والتفت علية وشافني اوي هيچ بسرعة سويت نفسي طبيعية

الكسار:شفتچ ترة

كمت اعدل بملابسي
:اي عادي خايفة منك ؟

هز ايدة وطلع واني طلعت ورة وبسرعة توجهنة للدكتورة چان حاجز من البارحة ف بسرعة دخلنة الها ونفس كلام الدكتورة الي قبلها بس باشرت بعلاجي كتبتلي علاجات جديدة وانطتني قائمة اطعمة لازم اكلها وتمرينات مفهمت ليش بس اخذت كلامها على محمل الجد

بس طلعنة من يمها عبالي حنرجع للبيت بس اخذني للسوگ چنت اريد اشلع گلبة حتى لو شي عاجبني اكول معجبني وتالي ارجع لنفس المحل اشتري هالشي خليتة ينافخ يمكن عرف اريد اغثة

دخلنة لكوزمتك وهم اشترالي كومة مكياج وكومة اشياء چان اكو قسم ملابس داخلية سحبني واخذني هناك وصار هو يشتريلي ملابسي الداخلية والبنات يباوعولي ويضحكون متت خجل وهو ولا استحى انوب يعرف مقاساتي بالضبط

لزمت ايدة خجلانة
:كافي روح اني اختار كسار

حط ايدة على شفايفة وكال
الكسار:اشششش سكتي تعالي هم اشتريلچ سيتات

فتحت عيوني على وسعهم وتقربت همست بأذنة
:كساااااار ماريد

باوعلي وعض شفتة
الكسار:بس اني اريد؟

نزلت راسي واحس وجهي اشتعل نار وصدك اشترالي هواية سيتات نوم وكلهم هو اختارهم ردت اكل البنات الي يمنة بأسناني لأن يباوعولنة ويضحكون

دفع الفلوس وطلعنة من السوگ چانت الساعة 3 واحنة محاسين اخذنة غدة النة ورجعنة للبيت بس صعدت للغرفة اخذت ملابس ودخلت للحمام اسبح يلا ارتاحيت بعدها نزلنة تغدينة واحنة ساكتين بس كملنة كال

الكسار:روحي نامي فد ساعتين الساعة 6 تجي اختچ وناخذكم للصالون سوية

:صدك يعني ملاك وياية؟

زفر الدخان وكال رافع حاجبة
الكسار:اكيد انتِ وين تدبريها وحدچ

مديتلة لساني وصعدت فوك نمت واحس بثگل صدري صار ايام هيچ
بعد فترة حسيت بأحد يكعدني فتحت عيوني چنت متشنجة شفتة الكسار خايف علية بسرعة حضني

الكسار:شبيچ موتيني خوف دموع ليش تبچين

دفعتة عني مفاهمة
:ابچي؟

هز راسة لازم گلبة بقلق
الكسار:اي صعدت على صوتچ تبچين شبيچ يا ضوة عيوني اني مزعلچ بچيني ولتبچين والله اموت من تنزل دموعچ دموعي

صفنت اريد اتذكر الحلم الي حلمتة وماكو كعدت وكلت بحيرة
:چنت احلم بس ماعرف الحلم شنو بس اتذكر اكو دم

حضني يبوس براسي
الكسار:اسم الله اذا هيچ خوفتيني

وخر عني وايدة تمشي على وجهي
الكسار:اختچ راح تجي للبيت

بس كال هيچ طفرت للحمام غسلت وجهي بسرعة ورحت لبست ورتبت نفسي وطلعت حلويات وعصير ورتبت كلشي وهو عيونة وراية من كملت كعدت ومتحمسة تجيلي

بس كعدت اجة الكسار بيدة علاگة ومبتسم استغربت كعد يمي وحط العلاگة بحضني

الكسار:هذا الچ تستعملينة وتكسرينة بالهنا

فتحتها شفت علبة تلفون جان نازل هالفترة اسمة نوت 4 وسيم كارت فرحت بيهم بسرعة فتحت التلفون وباوعتلة بأمتنان

:شكراً

ابتسم وگرص انفي بخفة
الكسار:ولو

كمت حطيتة على الشحن ورجعت سمعتة يخابر
الكسار:تمام ان شاء الله خير شوكت تكمل الجوازات
لا الجماعة مستعجلين عليهم واني جبتلك اوراقهم الكاملة
تمام مشكور الله وياك

سدة واني رحت كعدت بصفة
:بعدها مطلعت جوازات سيدرا وداني؟

الكسار:لا جاي يماطلون بالسالفة لأن الطفل بعدة قاصر يحتاجون الأب او الأم بس يمي اني امشي بيها ويتم كُلشي

بهالأثناء اندگ الباب طفرت اركض وهو وراية يعيط
الكسار:اوكفي يمكن مو اختچ ولچ اوكفيييي

مهتميت لبست حجابي وفتحت الباب وصارت فرحة كدامي دخلت للبيت وحضنة بعض بقوة عبالك صار سنين مشايفين بعض مو البارحة كلة سوية اريد ادخلها بضلوعي وحسن يحاول يدخل بيناتنة وميكدر شوي وعاط مَلِك

مَلِك:دسوولنة طريق چنكم بطات

ابتعدت عنها وكلتلة بفرحة
:چنت اكرهك بس هسة حبيتك لأن جبتلي اختي

ضحك بصوت عالي مفهمت شبي باوعت للكسار شفتة خازرني
:شبيك تخزرني؟

راح سلم على مَلِك وهو يخزر بية ومَلِك ميت ضحك ويكول
مَلِك:غوث چنت اكرهك بس هسة حبيتك اويييي

سمطة راشدي يدردم
دخلنة للبيت كعدنة شوية واخذونة للصالون واخذو حسن وراحو
مخليت شي مسويتة حفيت وجهي وسوتلي تنظيف بشرة والأول مرة سويت تسريح لشعري كرياتين طلع يجنن وصار اطول وفرح سوت نفسي بس مسرحت شعرها لأن هي شعرها سرح چنت حابة التغيير هواية خليت ام الصالون تحطلي مكياج خفيف معرفت نفسي ابد

من كملنة اتصلت فرح على ملك حتى يجون وكعدنة ننتظرهم وكل شوي اباوع لنفسي فرحانة بالتغيير حتى نفسيتي ارتاحت

اندگ باب الصالون راحت وحدة من البنات تفتحة شوي ورجعت تباوعلنة اني وملاك وكالت

:منو منكم دموع؟

باوعت لفرح مستغربة ورجعت باوعتلها
:اني ليش؟

:اكو رجال برة يريدچ

:منو؟

هزت كتفها بمعنى مادري كمت حتى اشوف منو وچنت خايفة ماعرف ليش وكفت من سمعت صوت فرح

فرح:دموووع لترحييييين

ردت احچي وركضت حطت التلفون على أذني واجاني صوتة يرعد
الكسار:دموووووع انتبهووووو تطلعووووون خطر عليكمممم ...

..يتبعع..

توقعاتكم؟

.
.
.
.
.
.
.
.
.
.

6000 كلمة

ضيفو حساب الانستا

وقناة التلي

اللهم صلِ على محمد والِ محمد 🦋

مها ال عبدالله