رواية الكسار (سلاسل الغوث) الفصل السادس وثلاثون 36 - بقلم لـ ميامي

أمس لمن دِرت ظهرك
‏عفتني تراب
‏ لو ماخذني بجيوبَك
‏أمس مِثل الطفل چَني
‏ تذبّني و أرجع لثوبَك
‏منو مِثلي يحبك حتى بعيوبك

بارت هدية مو تكولون قصير هدييييية🔪

قراءة ممتعة 🤍
..............................................................

دموع:حسيت بعد ماكدر اوكف بسبب رجفتي حيلي انهد كعدت استمع للحكم

القاضي:حكمت المحكمة حضورياً على المتهم وهيب سياف ناجي بالسجن اربعة سنوات في المصحة العقلية وبعدها يتم سجنه 7سنوات بالسجن

باوعت لوهيب نزل راسة يتنفس سريع ويرجف خفت من سكوتة هواية خفت ثواني والي خفت من عندة صار

ضرب على الطاولة وعاط بغضب
وهيب:انيييييي مووووو مخبلللللل لتاخذونييييي لمكاااان المخابييييييلللللل سجنووونييييي اعدمووونييي بسسسس لتاخذوني هنااااااك

القاضي ضل ساكت مراعي وضعة بس وهيب صار وضعة يخوف محد يكدر يلزمة صار يأذي نفسة والكل يحاولون يهدئو

راحولة الكسار وباهر وزياد وكفو كدامة يحچون ويا وهو بس كلمتين يكول

وهيب:مو مخبل موووو مخبللللل

تركو يعيط براحتة لحد ما تعب كعد يتنفس سريع جابولة مي شرب وباوعلي يبچي احسة يريد اني اساعدة بس ايدية مربطة ماكدر اساعدة بشي 

خفت اتقرب والقاضي ميقبل

طلعنة من القاعة وطلعو وهيب ورانة اخذتي خالي وخلة الي لازمين وهيب يبتعدون وهيب ابتسم بتعب ورفع ايدية المكلبچات حضنتة اناشغ

:والله ايدية مربطة حتروح عني 11 سنة شلون اصبر بدونك ليش مداتهنى بيكم ليش فرح راحت وانتَ حتنسجن منو بقالي

دخلني بحضنة وحط راسة بكتفي يبچي
:صدكيني مو مخبل دموع والله مو مخبل اني

مسحت على ظهرة وهمست
:اعرف انتَ مو مخبل انتَ اعقلهم كلهم انتَ الأخ الي تتمنى كل بنية يكون الها سند وعزوة كلهم مخابيل وانتَ العاقل

همس بصوت محد يسمعة
وهيب:هسة يصير عندچ طفل ويكول خالي مخبل

ابتعدت عنة امسح بدموعة
:مستحيل حخلي يشبهك واحد طيب وحنون وحخلي يحبك وكل ما اجي ازورك اجيبة وياية تشوفة ويتعرف عليك ويعرف انتَ شكد اخ عظيم

وهيب:احبچ اني بنتي انتبهي على نفسچ لو شكد منفترق نهايتنة ننجمع

صار لازم يروح طلعني من حضنة واخذو وهو يمشي وملتفت علية يباوعلي رفعت ايدي الوحلة وابچي

چانت قصيدة باسم الكربلائي تلخص حالتي

يطير الصاف عافوني وانا الياويل يبرالي
اصد للبيت بعيوني واشوف البيت ضل خالي
عساه الموت يلفيني يطير الصاف واتمنى
ولا دنياي اگضيها على الأهات والونه

گبل متروح وتهاجر يطير الصاف تانيني
اخذني وياك لحبابي على الجنحان خليني

رجعت للبيت مهدودة الحيل وكلهم خايفين علية
كلشي مسويت دخلت للغرفة ذبيت نفسي على الچرباية ودفنت وجهي بالمخدة ابچي بحرگة على اخوية وهيب انظلم اكثر واخد من بيناتنة انظلم بس المظلوم عند ربة بريئ

كعدت دموعي تصب رفعت راسي للسقف وصرت اردد
:الله يساعدچ يا سيدتي زينب مصيبتي هينة كدام مصيبتچ انقتلو اخوانچ وانسبيتي الله يساعدچ شلون تحملتي يا بنت رسول الله

كمت طلعت من الغرفة شفتهم كلهم بالصالة تركتهم ورحت للحمام توضيت ورجعت للغرفة صرت اصلي وكأن الصلاة رفعت كل همومي

من الساعة 2 الظهر اصلي لحد الساعة 5 مل ما اصلي ركعة احس هم من همومي ينزال عني وكل شوي احس بشخص يدخل للغرفة ويطلع

اخر شي حطيت راسي على السجادة تعبانة غمضت عيوني واخذتني النومة

نمت مرتاحة وعبالك ماكو هم بگلبي

من كعدت حسيت بنشاط طلعت من الغرفة غسلت وجهي ورحت للصالة شفتهم نايمين كلهم بالصالة

خالي فارش فراش بالعرض ونايم من جهة روسهم وخالي جناح والكسار وباهر وزياد نايمي بسرة واحد وفراشهم واحد لازگ بالثاني

ضحكت عليهم زياد وباهر حاضنين الكسار وخالي جناح حاط رجلة على رجل باهر والكسار مستسلم للأمر الواقع ونايم

طفيت الضوة عليهم ورحت لغرفة سيدرا دگيت الباب بسرعة فتحتة من شافتني كالت بفهاوة

سيدرا:ها عبالي خالچ

رفعت حاجبي وهي انتبهت لچفصتها سحبتني للغرفة وسدت الباب رحت كعدت على الچرباية اباوع لداني نايم

:حبيبي رايح بسابع نومة

كعدت بصفي ولزمت ايدي
سيدرا:شلون صرتي؟

هزيت راسي مبتسمة ببرود
:زينة اني تعلمت على الصبر وحصبر لحد ميرجعلي وهيب بصحة وسلامة

سيدرا:عفية عليچ وهيب حيرجع الكل متأكد من هالشي

نزلت عيوني وتنهدت
:ان شاء الله

باوعتلها مبتسمة
:چنتي تنتظرين خالي وخاب أملچ من طلعت اني ها؟

خلت شعرها ورة أذنها وكالت بهدوء
سيدرا:لا هذا شوفي اريد اعتذر من عندة لأن طلع كلشي ممسوي بس كال نزعتچ ملابسچ لأن حرارتچ مرتفعة چانت وهو اني غبية لو يريد يسوي شي چان نزع البنطرون هم مو بس التيشيرت

هزيت ايدي وكلت بضحكة
:اني اعرف خالي مؤدب چان شيخ سابقاً وهم لحد هسة يأذن بوقت فراغة بالجامع

سيدرا:يعني جناح شيخ؟

:لا بس الي عرفتة درس فترة دروس دينية وچان يحب يأذن ولحد هسة

نزلت راسها وكالت بشرود
سيدرا:كلش حلو

لزمتها من ايدها وابتسمت ابتسامة عريضة
:منوو كلش حلو؟

سيدرا:شبيچ اقصد لأن شيخ ويعرف بالدين

:اممم عبالي زين شوفي مصار شي منا منا

اخر كلامي غمزتلها بسرعة سطرتني راشدي من خجلها لزمت خدي وهي فتحت عيونها ممستوعبة شنو سوت

:شبيچ ليش ضربتيني

دفعت ايدي ولزمت خدي
سيدرا:اسفة والله اسفة مادري بدون ما احس ضربتچ

:هاي بدون متحسين وهيچ لعد اذا حسيتي شلون راح فكي

سحبت راسي تبوس بخدي وتعتدر دفعتها اضحك
:والله عادي معذورة فدوة الچ خدي

حكت راسها وضحكت بفشلة
سيدرا:بس والله حلو تعالي خلي اضربچ بعد

لزمت بطني اتدلع وهمست
:حامل ابني يتأذة خطية

برطمت شفايفها ومدت اصبعها لبطني
:يحياتيييييي شلون كيووووت اوووييي فدوةةة

ضحكت عليها وهي بعدلها شوي وتاكل بطني

ربع ساعة وطلعت من يمها جوعانة چانت نص ليل ومشتهية بسكت مالح ومربى تين رحت للمطبخ فتحت الثلاجة چان اكو مربى فراولة وبسكت حلو

صرت انافخ رحت جبت ملح وطلعت البسكت صرت اخلي ملح على البسكت واكل
بأثناء مداكل حسيت بشخص واكف بالباب گلبت عيوني من شفتة الكسار مهتميت رجعت اكل

هو حط الچاي على النار ووكف بصف الطباخة يدخن ويباوعلي

الكسار:شلونچ؟

حچيت بعدم اهتمام
:زينة

تقرب علية صار يدخن ويزفر بوجهي صرت استنشق ريحة الدخان واكل

الكسار:ليش منايمة؟

باوعتلة من فوك لجوة
:كيفي ماريد انام بيت خالي وافتر بي براحتي اصلاً انتَ ليش كاعد؟

قرب وجهة لوجهي وزفر الدخان بوجهي صرت ابلعم خايفة اتأثر
الكسار:لعبت نفسي منهم حاضنيني ونايمين

تقرب اكثر حط ايدة على شفتي
الكسارمكدرت انام اثاري ماكو حضن نفس حضنچ

وكفت ارجف وخليت البسكت بحلگي
:ل لتتقرب هيچ م ميصير

ابتسم ابتسامة جانبية ورجع تقرب سحبني من خصري ارتطمت بصدرة
الكسار:شنو رأيچ انام بحضنچ اليوم؟

بس گال هيچ دفعتة بكل قوتي وضربتة راشدي فر وجهة باوعلي ممستوعب شنو سويت رفعت سبابتي بوجهة وكلت ودموعي تنزل

:انتَ شنو شايفني! وحدة بلا اخلاق؟

ضل ساكت معصب وعيونة تحول لونهم احمر رجعت دفعتة من صدرة واحچي بغضب واحاول ما اطلع صوتي

:اني وحدة شريفة وانتَ تعرف ما انجذب لهالأشياء لك اني چنت ما اطيق هالشي من چنت متزوجتك تريد هسة وبالحراااااام؟

بدون سابق انذار سد حلگي وسحبني للحديقة واني ادفر بي خايفة اخذني لورة شجرة الرمان وطبگني على الحايط

الكسار:ايدچ علية متنرفع فهمتي

بقيت ساكتة مادري شبية انخرست واباوع بعيونة الحادة وارجف سحب حجابي وكع على اكتافي مد ايدة الثانية ودخلها بفروة راسي

الكسار:لو الية نية اسوي الحرام مو انتِ الي تمنعيني

دفعت ايدة عن حلگي وحچيت بتردد
:انتَ حياتك كلها حرام بحرام ما استبعد تسوي ذنب من كبائر الذنوب

سد حلگي عيونة تلمع وكال وهو كاز على اسنانة
الكسار:سكتيييييي بسسس لتثيرين غضبي خليني انسى شنو سويتي سكتي

بقيت ساكتة ارجف وبصعوبة انتفس حضني وهو بعدة ساد حلگي هدئت خايفة من افعالة

ابتعد عني يبلعم وأشر على البيت
الكسار:روحي نامي

بس كال هالكلمتين ركضت قبل لا ادخل التفتت شفتة يضرب بالحايط حسيت رجلة حتنكسر من الخوف ركضت لغرفتي وقفلت الباب ورحت للچرباية غطيت راسي ونمت

ثاني يوم كعدت ملكيتهم كلهم بقيت خايفة وكل ما اتذكر شنو سوة ارجع ارجف

لزمت بطني خايفة هالهبطات تأذي الجنين
طلعت سيدرا شايلة داني حطتة بالأرض وركضلي ضحكت وحضنتة ابوس بخدودة الحلوة

:هااا دندوني

طلعلي لسانة مال اكل

مرت 3 اشهر وداومت الوضع مو تمام يكولون داعش حيدخل لبغداد الله الحامي

بطني دتكبر يوم عن يوم وتبرز صرت من اطلع البس ملابس واسعة الكسار چنت كل فترة اشوفة بس ميصير بيناتنة كلام

اليوم دخلت بشهري السادس صار الطفل يتحرك ومرحت حتى اعرف جنس الجنين مكدرت سمنت هواية بسبب الاكل الي اكلة رغم چنت دوم اتقيئ بس حيل سمنت حتى بطن الحمل ممبينه الي يشوفني يكول هذا كرش

رحت زرت وهيب شكر مرة بس نص ساعة يسمحولي اشوفة چان طول الوقت هادئ

حطو كاميرات بالغرفة الي متواجد بيها وهيب رفضو اني اشوفها التسجيلات عند الكسار وخوالي والشرطة خايفين على وهيب لأن صار مطلوب من العصابات

اليوم مثل أي يوم رجعت من الدوام الهث رجعني خالي جناح وراح لبيتة دكيت الباب تعبانة

انفتح الباب وصار كدامي زياد رفعت حاجبي
:ها اليوم هنا!

زياد:اي هنا شو معاجبچ

هزيت ايدي ودخلت جوة شفت الكسار هنا كلت السلام عليكم ورحت للغرفة رغم چنت شگد مشتاقتلة بس كرامتي أهم من اشتياقي

بدلت ملابسي ولبست اعرض دشداشة عندي وطلعت للمطبخ اصب غدة صبيتلهم وحدهم واني كعدت بالمطبخ وحدي

من كملو اجة اخذ صينية وجاب المواعين الي بالصالة حطهم على السنگ صوفر وكال

الكسار:غزلان مطشرة

باوعتلة رافعة حاجبي ابتسم وذب جگارتة داس عليها
الكسار:عود لحبيبك عود كافي بعد عود
عنن عليه ذنيچ رصعات لخدود

سكتت عنة ضل واكف بالباب واني اغسل مواعين حبيت اقهرة بشي اجت ببالي اغنية فتحت المي وغنيت

:يا حية يا ام راسين طبي بجدرهم
عوفي اهل البيت بس سمي ابنهم

كلت اخر كلمة وباوعتلة مبتسمة عگد حواجبة وكال بعصبية

الكسار:تعالي سميني لأن انتِ صايرة حية

رجعت اغسل مواعين ممهتمة طلع من المطبخ يدردم بس ارتاحيت من عندة

كملت المواعين وطفرت للغرفة نمت شوية ومثل كل يوم من كعدت رحت سبحت وصرت ادرس

ثاني يوم اخذني خالي لجامعتي وهو يوصيني انتبه على نفسي

وصلني وراح كملت يومي طبيعي لا اختلط بأحد ولا احد يختلط بية ماكو ثقة
طلعت من جامعتي انتظر احد يجيني

دقايق وشفت سيارة سودة وكفت كدامي نزل الجامة طلع الكسار عگدت حواجبي وسويت نفسي ممنتبهة

الكسار:تعالي اني اوصلچ يا انسه؟

باوعتلة وهزيت راسي
:لا مشكور هسة يجون خوالي

نزل النظارات وكال بحدة
الكسار:خالچ دزني عليچ ترة

:ماريد اروح وياك روح خي يجي اي احد غيرك

ابتسم ولعق شفتة
الكسار:ليش تخافين تحنيلي لو تتأثرين بية؟

كورت ايدي وصكيت على اسناني فتحت الباب وصعدت
:انتَ متهمني ترة انتَ ماضي اني داشوف حياتي بعيد عنك

قهقه بخفة وحرك السيارة يدخن التفتت للكشن الي ورة شفت بطلين شرب واحد مخلص والثاني بعدة ممفتوح خليت ايدي على گلبي وباوعتلة

:انتَ شارب؟

ذب الجگارة وكال
الكسار:ملات البارحة مشارب

سكتت اهز برجلي بس متحملت رجعت باوعتلة وكلت
:انتَ متونس على هالسم؟

الكسار:هالسم هو يسكت گلبي اسكتي دموع

:دتذنب؟

ضل ساكت واني سكتت هم

وصلني للبيت بسرعة نزلت دخلت للبيت يلا راح
من عرفت رجع يشرب صرت احس بحزن على حالتة دمر نفسة وديدمرها اكثر ومحاس بالعواقب تاليها

صرت كل يوم اشوفة هناك اكول لخالي وخالي يهدد بي وهو مستمر صرت اسكت مردتهم يتعاركون بسببي

طلعت من الجامعة وشفت سيارتة جاية بتجاهي بسرعة مسيت سريع وأشرت لتكسي وجهة يلعب النفس صعدت ويا وحرك واني صرت اكل بأظافري التفتت اشوفة جاي وراية

:بطة لو ما بطة اموت بالمربربات

ضربت على خدي خايفة اتصلت على خالي ثواني وجاوب

فهد:ها حبيبتي اجاچ باهر لولا

بلعت ريگ وحچيت
:خالو حكول شي بس مو تعصب وهاي؟

كال بخوف
فهد.:شبيچ بابا شصاير؟؟؟

باوعت لسيارة الكسار وكلت ارجف
:بابا شوف اسمع الكسار اجة واني حتى ليجيرني اصعد ويا صعدت بتكسي وهذا ابو التكسي ذبلي كلام

فهد:لاااااا يا ابن الكلب شوووو فتحي سبيكر وخلي يسمعني

فتحت سبيكر واجة صوت خالي يرعد
فهد:اذااااا ماخيييستك بالسجوووون لكككك مطيييي تتحرش بيهاااا هاااا وكفففف السياااااارة وكفهاااا لا ومحمد اجرمممم بيك اسحلك من بيتك سحل وكفهاااااا

هو من الخوف ما كال شي بس وكف السيارة يرجف واني نزلت منها ابچي وطار بيها شفت سيارة الكسار وكفت كدامي ونزل يباوع للتكسي معصب ويغلط

شوي وباوعلي بحدة واني زدت بالبچي اجة سحبني من ايدي وشمرني بالسيارة وبدون أي كلمة صعد وحرك وبس صوت بچيتي وانفاسة ينسمعون بالسيارة خفت من عندة هواية وزاد خوفي من شفت بطل شرب فارغ ورة

طول وهو يسوق شفت الطريق مو طريق البيت ضربت على وجهي ابچي

:وديني لخالو حباب وين ماخذني

مجاوبني بس عروگة طالعات واضح شكد معصب ردت اتصل بخالي اهذ تلفوني من ايدي غلقة وغلق تلفونة

وكف بعد فترة بمكان ماعرفتة شنو بس مچان احد يمر من عندة ردت انزل طلع قافل السيارة حصرت نفسي بالباب و باوعتلة بتوسل

:افتح الباب ميصير ابقى يمك افت الباااااب

بس كلت هيچ سحبني من ملابسي وعاط بوجهي
الكسار:شلوووونننن تصعديييييين بتكسييييييي وانوب واحد عار وطايح حظ انتِ ليييييش هيييييچ غبيةةةةةة

لزمت ايدة احاول ادفعها تقرب علية ريحتة شرب تكتل كتل
الكسار:تأمنين بواحد نذل ومتأمنين بالي رباچ ولچ؟

خليت ايدي على صدرة اشهگ
:وخر اذا طخيتني اموتك بأيدي انتَ مو بوعيك

ابتسم بشكل مجنون نزل من السيارة واجة سحبني حطني ورة وصعد يمي صرت انتفض واحاول ابتعد عنة

:ل لتتقرب ميصير والله ميصير لتتقرب

سحبني من رجلية ورفع ايده لازم رگبتي
الكسار:عبالچ اذا طلگتچ راح تخلصين مني؟

صرت ادفع بطنة عن بطني خايفة يصير ثگل على الطفل
:وخر عني وخررررر

رفع حجابي ودخل راسة برگبتي يمرر لسانة عليها واني ابچي واحاول ادفعة

:لاااا لااااا انتَ مووووو بوعيييييككك وخرررر عنييييييي

ترك رگبتي وصعد لشفايفي يبوس بيهم ضربتة گرصتة ولا اهتم لشي اخر شي ابتعد ونزل لبطني يبوس بيها من ورة الملابس شوي شوي رفع الفستان الي چنت لابستة وصار يبوس ببطني

ثواني ورفع راسة مستغرب
الكسار:بطنچ صلبة؟

غطيت وجهي ابچي صار يتلمس بيها
الكسار:هذا مو كرش لا

رجع يمسح عليها چان واضح اصلاً مو كرش ابتعد عني ساكت وخرت ايدية عن عيوني ابچي شفتة يباوعلي بصدمة

الكسار:حامل؟

هزيت راسي بلا لزمني من زندي يعيط بوجهي
الكسار:انتِ حااااااااااااملللللل موووووووو

مجاوبتة نزل من يمي وساق سيارتة بأقصى سرعة كعدت ابچي واشهگ بحيرة انكشف كلشي

طول الطريق احنة ساكتين بس اني ابچي
وكف بعد فترة كدام المستشفى صرت انتفض خايفة من عندة

نزل من السيارة واجة فتح الباب عيونة بگُصتة
الكسار:نزلي وصيري طبيعية لا ومحمد افنيچ فني

بلعت ريگ ونزلت خايفة لزمني من ايدي ودخلني لجوة ومثل متوقعت خلاهم يسوولي تحاليل

خلص احس انتهيت اني اليوم الكسار يموتني هو ينتظر الطفل واني ضميت عليه هالشي

بعد نص ساعة طلعت التحاليل غمضت عيوني ارجف بشكل مو طبيعي وخايفة بشكل خلتهم بأيدة الممرضة وكالت

الممرضة:الطفل وضعه تمام مبروك عليكم والله يتتملها على خير

بس كالت هيچ باوعتلة شفت الفرحة بعيونة لكن سرعان متغيرت الفرحة الى عصبية حط بأيد الممرضة فلوس وسحبني من ايدي للسيارة كعدني كدام وحرك والاوراق عاصرهم عصر بأيدة

مكدرت احچي شي خفت چان ممكن كلشي سويلي خليت ايدية على عيوني وطول الطريق ابچي

بعد فترة وكفت السيارة فرحت لأن وصلنة لبيت خالي
بس انصدمت من شفت بيت الكسار كدامي باوعتلة ارجف

:م ماريد هنا اخذني لخالي

ولا اهتم لكلامي نزل فتح باب البيت ورجع دخل السيارة جوة
اني من الخوف نزلت اركض للصالة شوي ودخل ميشوف كدامة

تقرب علية يمشي بخطوات متثاقلة وعلى وجهة علامات الغضب مرسومة صرت ارجع ليورة خايفة من العاصفة الجايتني همس وهو يكور ايدة

:شسويتي!

نزلت راسي شفايفي ترجف واحس بطني تمغصني تقرب اكثر وبحركة سريعة عصر فكي بقبضة ايدة القوية

:عو عوفني بس افهمك الي صار

رفع ايدة الثانية وجر شعري بقوة وعاط بكل غضب
:شتفهمييييينييي هااا

صرت ابجي خايفة قرب وجهة لوجهي عيونة الحمر بعيوني عصر فكي اقوى وهمس بكلمات رجفت گلبي

:انتبهي من كسارج لا تطلبين الغوث من الغوث

تقرب اكثر علية وكال بنبرة تخوف
:لأن الغوث هو نفسة الكسار وراح يكسرج هالكسار

كال هالكلمات وابتعد وتحولت نبرتة الحادة الى نبرة مهزوزة

الكسار:ص صار هواية انتظرة تردين تحرميني من عندة؟

حچيت واني لازمة بطني
:چنت اريد اكلك بس انتَ مخليتني عرفت انتَ متريدني واذا متريدني يعني متريد الطفل واني كرامتي متسمحلي اجبرك ترجعني لأن حامل

الكسار:بسسسسس هذاااااا الطفللللل منييييييي انيييي ابوووو لازم تنطيني خبررررر ابنيييي ابنييي واني ماعرفف

تقرب خنگني وكال بفحيح
الكسار:يا شهر انتِ

نطقت بصعوبة وعيونة بعيونة
:السادس

غمض عيوني وابتعد عني يضرب على راسة
الكسار:الساااادسسسس وانيييي ماعرفففف

نزلت راسي ابچي يريد يحچي وسمعنة الباب اندگ عرفت خوالي راح للباب واني بقيت بمكاني رجلية ميحملني

ثواني وشفتهم دخلو حتى باهر وياهم اجة خالي جناح حضني وخالي فهد راح للكسار استلمة ضرب وعياط والكسار منزل راسة

فهد:ولكككك گلبييي فرفر عليهااااا عبااااالي خطفهااااا ابو التكسي وتطلع عندكككك تريييييد تغدر بييييية ولكككك

باوع لخالي بكسرة وكال
الكسار:مثل غدرتك ريس؟

هدئ خالي يتنفس سريع رجع كال الكسار وهو يأشر علية
الكسار:چنتو تعرفون بيها حامل مو

نزلو روسهم الكسار ابتسم وكعد مدنگ راسة وكال بحدة
الكسار:الطلاق باطل بهالحالة وبعدها مرتي وانتو ضميتو علية هيچ شي

فهد:غوث خلينة نحچي

رفع ايدة بوجه خالو معصب وكال
الكسار:من باچر اخذها نعقد محكمة وبعد 3 اشهر ينولد الطفل اني اخذ ابني وانتو اخذو بنتكم

بس كال هيچ طفرت ارجف
:لوووو تمووووت متاخذذذذ ابنيييي منيييييي لووو تمووووت

باوعلي بغضب احسة يريد يموتني
الكسار:روحي صعدي لغرفتچ

:اروح ويا خوالي ماريييييييدكككك

كام يأشر على فوك
الكسار:والله ثم والله اذا مصعدتي يا دموع اموتچ بأيدية واصلة منچ لهنا

جناح:اذا مقابلة متبقى هنا

الكسار:جناااااااححح ابني ببطنهااااا متطلع من هذا البيت سمعتتت

راحلة خالي معصب يريد يضربة بس وكف بيناتهم خالي فهد
جناح:شنو انتَ تريد تاخذنة بصياحك وعصييتك ترة اكسر راسك

الكسار:ماااا عااااش الي يكسر رااااسي اطلع منها جناح

راد خالي يضربة صرت اباوعلهم وابچي علاقتهم حتدمر بسببي استسلمت للأمر الواقع كلت حتى لحد يتعارك بسببي وتدمر علاقة الكل

:ابقى هنا خلص

باوعولي كلهم اجة خالي جناح لزم ايدي
جناح:لا تروحين وياية متبقين هنا منكدر نأمن عليچ عندة وهو بهالحالة

ابتسمت من بين دموعي وحضنتة
:مراح يصيرلي شي اطمئن حبقى هنا اولد ويطلگني واخذذذذ ابنييي وارجعلكم

تنهد يهز براسة مقابل على بقائي هنا
طمنتهم علية واني بحاجة احد يطمني راحو واني صعدت لفوك بصعوبة بسبب ثگلي كعدت بالغرفة وقفلت الباب علية ارجف حاضنة نفسي

من التعب والخوف اخذني النوم متناسية كلشي

كعدت بعد فترة الغرفة كلها ضلمة خفت انعميت التفتت وارتاحيت من شفت اكو ضوة بالشباك

خليت ايدي على بطني جوعانة والطفل يتحرك
فزيت من سمعت صوت گداحة صرت ابلع ريگ واتلفت خايفة

هناك وكعت عيني على جمرة الجگارة حضنت نفسي ادعي بداخلي ميسوي شي وافكر شلون دخل اني مو قفلت الباب

شفت جگارتة ارتفعت عرفت كام وصار يتقرب علية
شوي وحتى الجگارة انطفت حچيت بصوت يرجف

:ل لتسوي هيچ اخاف وتجيني نوبة صرع مو زين على الطفل

انفتح الضوة شفتة واكف بصف الباب متكتف ويباوعلي ببرود رجع تقرب علية واني احصر نفسي بالچرباية لحد موصل سحبني من رجلية خلاني انام على ظهري

الكسار:چان المفروض اول الناس اني اعرف ليش ليييششش

رجعت خليت ايدي على بطني واحس بي يتحرك كلت ببچي
:لإن چنت اعرف حترجعني مجبور واني ارجع مجبورة علمود الطفل اني مو بلا كرامة حتى اقبل بهالشي يصير

ردت احچي وحسيت بمغصة لزمت بطني متألمة وهو خاف احتار شنو يسوي شوي شوي راحت

الكسار:شبيچ اخذچ للمستشفى خاف يصير بيچ شييي

هزيت راسي بلا وكلت بهدوء
:لا متعودة على هالشي لأن شي طبيعي

كام عني وراح وكف على الشباك يدخن كمت اريد اطلع واستوقفني صوتة

الكسار:وين؟

حچيت بدون ما اباوعلة
:اريد اغسل وهالملابس مضايقاتني

الكسار:جبت ملابسچ جوة تلكيهم اختاري منهم شي وتالي اني اصعدهم

هزيت راسي وطلعت رحت للحمام غسلت وجهي وايدية ورجلية وطلعت من الحمام نزلت بحذر

وصلت اخر بايتين ورجعلي انلوت ووكعت على ظهري عطت بعلو صوتي من الألم وهم خايفة على الطفل

نزل الكسار على صوتي بس شاف وضعي ركض علية خايف

الكسار:دمووووع لتتحركين اوكفي فدوة اروحلچ

اجة شالني وصار يركض بية خايفة واني ميتة من الوجع
:ابنيييي كسااار ابنيييي راح ااخخخخخخ

الكسار:خلي يرووووح فدوةةة الچ المهمممم انتِ دمعةةةة

خلاني بالسيارة وحركها واني شوي شوي انغلقت عيوني واخر شي سمعتة صوتة خايف ومذهول

الكسار:لاااااا دمووووع لاااااا

..يتبعع..

توقعاتكم ؟

.
.
.
.
.
.
.
.
.
.

بارت هدية مو تكولون قصير ترة هدييييية🙂🔪😂
عدتها مرتين اخاف ماشفتو الاولى😂

ضيفو حساب الانستا

وقناة التلي

اللهم صلِ على محمد والِ محمد 🦋

مها ال عبدالله