رواية الكسار (سلاسل الغوث) الفصل الثامن 8 - بقلم لـ ميامي

ايدي اخليها اعلى چَتفي المـا
يهيد ،
واحجي وي روحي واكلها
الحنين يعيش وحدة ، وحتى
ويه موته وحيد !
بكل كسر ما الكه احد
ايدي اخليها باديه
وارجع ابدي
من جديد .

قراءة ممتعة 🤍
باجر اكو بارت
.....................................................................

دموع: كاعدة بالحديقة ونسمات الهوى الباردة تلفح وجهي ذكريات الماضي متقبل تفارقني غمضت عيوني واسترجعت ذكرياتي بنص مرحلتي بالصف الخامس اعدادي

دخلت لصفي مبتسمة اول يوم بالكورس الثاني چنت محبوبة من الكل الكل يحبني ويستلطفني ما عدا رونق وصديقاتها جانو مأذياتني بشكل كلامهم يجرح تنمر علية وعلى جسمي تنمر على شكلي بس هم ما اهتميت اهم شي دراستي

كعدت برحلتي ودخلت رونق وشلتها كعدو وراية واسمعهم يحجون

رونق:اييع جسمها يلعب النفس شوفي حتى خصر معندها

نزلت راسي اباوع لخصري والدمعة مچلبة بعيوني من دخلت المدرسة يلا سكتو واني بس اريد ابچي

المدرسة تشرح وحسيتها نغزتني بظهري
رونق:انتِ الدبة وخري سادة الشاشة

شفايفي ترجف ودمعتي نزلت ومسحتها

رونق:شواربچ شوارب ضابط دحفيهم على الاقل حتى لتلعبين نفسنة

مكدرت نزلت راسي وصرت ابچي واشهگ واسمع اصواتهم يضحكون علية حسيت بأيد تمسد على راسي

ست عفاف:شبيچ ماما دموع ليش تبچين؟

رفعت راسي امسح بدموعي وكل ما امسح دمعة تنزل بدالها عشرة هزيت راسي بلا

ست عفاف:بلي بيچ شي شنو يوجعچ كوليلي ماما

لزمت بطني وبچيت اكثر
:بطني تأذيني

ست عفاف:امشي وياية للمديرة

بدون اي كلام كمت وياها ابچي وخاطري مكسور اخذتني للمديرة وشرحت حالتي وراحت صاحتلي المديرة اجي يمها رحت منزلة راسي

المديرة:شبيچ شنو يوجعچ؟

:بطني

المديرة:حتصل بولي أمرچ يجي ياخذچ منكدر نتصرف بدون علمة اكعدي هنا واخذي هذا مي اشربي

كعدت يمها منزلة راسي واسمعها تحجي بالتلفون من سدتها كالت

المديرة:راح يجي ياخذچ ابقي هنا

هزيت راسي وبقيت ساكتة واتلمس شواربي صح مجنت احف شواربي بس مچان عندي شعر وجهي كُلش خفيف

اندگ الباب ودخل الكسار وجهة اصفر خايف بدون ليسلم على المديرة ركض علية يتلمس بوجهي

الكسار:شبيچ حبيبتي شبيها بطنچ

بچيت وكلت
:مادري اخذني للبيت بعد ما اريد اداوم حباب

عگد حواجبة
الكسار:اكو احد زاعجچ؟

نزلت راسي وهزيتة بلا لزم ايدي بقوة ودع المديرة وطلعنة وية طلعتنة شفت رونق وصديقاتها يم الحانوت ردنة نطلع من التفتت نفخت خدودها وصارت تسوي حركات عود تضحك على خدودي

رجعت ابچي اقوة والكسار محتار بية اخذني للسيارة غسل وجهي وحرك

الكسار:احچي شصاير؟

مجاوبتة ضرب الستيرن وعاط بية
الكسار:تحچيييييينننن لوووو شلوووونن ترةةة احچيييچ بطريقتييييي

باوعتلة ودموعي عشرة عشرة
:مبية شي بطني تأذيني وراسي هم

هز راسة بتوعد وساق بأقصى سرعة من وصلنة نزلني شاد النونة دخلني للصالة وانهد بية

الكسار:احچي شصاير؟

:مصاير شي كسوري بطني تأذيني اريد علاج واريد انام

تقرب علية ينزعني بحجابي
الكسار:تضمين على مكسراتچ؟

اخذت ايدة وخليتها على جبيني
:شوف مصخنة مضامة عليك شي

هز راسة بتفهم ونزعني الحجاب راح جابلي علاج وكال
الكسار:اخذي هالحبوب وروحي غيري ملابسي خلي انومچ واروح عندي شغل

:لا عادي روح اني انام وحدي

ما اهتم سحبني للغرفة طلعلي ملابس وطلع
نزعت ملابسي ورحت وكفت كدام المراية الزم بجسمي چان جسمي تارس بس مو هواية بس بسبب التنمر كرهت نفسي ولعبت نفسي من شكل جسمي بسرعة لبست ورحت كعدت على الجرباية اباوع لأيدية واتقرف من نفسي

رفعت راسي من انفتح الباب ودخل الكسار بيدة نفس الحباية ولفة ومي

الكسار:اكلي هاللفة يلا تاخذين الحباية

:ما اشتهي اكل

كعد يمي وقربها لحلگي اكلتها لأن اعرف اذا كال كلمة لازم انفذها

من كملت اخذت الحباية وشربت مي وهو صار يمسح بحلگي

الكسار:تعالي انومچ حتى ارجع لشغلي

تمدد على الچرباية وسحبني نومني على صدرة واني افكر بكلامهم عني قاطعني صوتة وهو يكول

الكسار:شبيها دموع الحلوة؟

رفعت راسي اباوعلة بحيرة
:اني حلوة؟

ابتسم وباس خدي
الكسار:تخبلين دمعتي تخبلين

كعدت الزم بجسمي واحچي بعدم ثقة
:شوف كرشي ويني وين الجمال وشوف شاربي اني بشعة

كعد نفس كعدتي ونزل نفسة باس كرشي
الكسار:كلشي بيچ جميل حتى كرشچ حبيبتي وانتِ مو بشعة انتِ جداً جميلة

ابتسمت فرحانة
:صدُگ مكسرات؟

ابتسم بعمق وبانت غمازتة
الكسار:يروحلچ فدوة مكسرات اريد ابوس حلكچ الي يكول مكسرات

باوعتلة ببراءة وهو انتبه شنو گال بسرعة غير الموضوع

الكسار:تعالي نامي يلا

رجعنة نمنة نفس نومتنة هو يمسد على شعري لحد ما غفيت متناسية اوجاعي

كعدت من النوم ملگيتة بقيت بمكاني صافنة بالسقف قررت اقطع الاكل واكل اشياء صحية

بقيت انتظر الكسار يجي ماريد اكوم بس اكوم انسى قراري واكل

مرت ساعتين وسمعت صوت الباب طفرت على حيلي طلعت من الغرفة شفتة دينزع بحذائة من شافني ابتسم وفتحلي ايدة كالعادة

مشيت على كيفي ودخلت بحضنة وهو عصرني عصر احسة يبوسني على راسي

الكسار:شلون صارت دمعتي؟

:زينة راح الوجع

ابتعد يباوعلي بحيرة
الكسار:ممقتنع بسالفة بطنچ توجعچ بس ماريد اضغط عليچ

نزلت راسي ورجعت باوعتلة
:اريد اكلك شي

سحبني من ايدي للصالة كعدني وكعد يمي يفتح بالاكياس
الكسار:تعشي وانطيچ عيوني مو بس اسمعچ

:ماريد كسوري

ترك الاكياس وباوعلي مستغرب
الكسار:شنو متردين؟ متغديتي وبالريوگ اكلتي قليل

باوعتلة بحزن واضح
:اريد اضعف ماريد اكل

صفن بوجهي محتار
الكسار:اكو احد زاعجچ بهالموضوع؟

هزيت راسي بلا تقرب اكثر ولزم زنودي
الكسار:اذا اكو هيچ شي كوليلي اطيح حظهم والله

:م ماكو بس جسمي صار محلو اريد اضعف

لزم خدودي وهمس
الكسار:حرامات خديداتچ يرحون هيچ لخاطري حبيبتي اكلي

هزيت راسي واكلت شوي وكل ما اريد اكوم يوكلني من كملت كعدت بصفة ضايجة

الكسار:المن الضوجة يروحي اكو احلى من كرشچ؟

باوعتلة مبرطمة
:لازم احرق دهون كبرت صرت شابة بعد

ابتسم يلعب بشواربة كام جاب الطبلة وكال
الكسار:كومي رگصي وحرقي دهونچ الحلوة

ابتسمت بتلاعب وكمت ترك الطبلة وشد وصلة على خصري وصار يدُگ واني ارگُص واضحك نسيت كُلشي صار

هو عيونة علية وتلمع وكُل شوي وبلل شفايفة اخر شي تعبت كعدت بمكاني الهث واهفي على نفسي

:اوووفف تعبتتت بس سامعة الرقص يفيد بحرق الدهون

ترك الطبلة واجة تقرب علية
الكسار:دموع

ابتسمت ورديت
:ها عيني؟

بلع ريگة وسكت دقايق خليت ايدي على ايدة وهزيتة
:شبيك مكسرات؟

انتبه علية مسح على جبينة وكال بخفوت
الكسار:ماكو شي ماكو شي تكومين تنامين؟

:لاا ماريد انام قبل ساعات كعدت من النوم

مد ايدة رفع شعري عن وجهي
الكسار:لعد شتسوين تبقين كاعدة؟

رفعت راسي افكر
:كسوري انتَ تعبان لولا؟

ابتسم وگرص خدي
الكسار:يهون التعب يهون طلبي الي تردي

تقربت اكثر لزمت ايدة
:تكدر تطلعني اتمشة؟

باوع لساعتة وكالت
الكسار:بعيوني كومي لبسي شي عريض وحجاب

طفرت بستة وركضت لبست صاية وحجاب ورجعتلة بس شافني كام ومدلي ايدة

اخذني بالسيارة يسوق ضل يسوق هواية لحد ما وصل لطريق بي مزارع ترك السيارة ونزلنة حاضني من كتفي

چان الجو يجنن بارد

:كسار عادي اركض؟

لزم ايدي بقوة وجاوبني
الكسار:نركض سوية؟

هزيت راسي باوع يمين يسار وحسب

الكسار: واحد اثنين اركضي

ركضت بأقصى سرعتي وضحكتي عالية وهو هم يضحك صار كدامي يركض واني گوة اركض بسبب وزني ابتعد عني هواية خفت

وكفت وعطت
:كسار تعال لتعوفني اخاف بدونك

رجع تقرب علية لزم ايدي
الكسار:ماعوفچ لو اموت

كملنة الطريق مشي شفت جذع مال نخلة چبير
:كسار تعال نگعُد شوي

اخذني وكعدنة حاضني من اكتافي واني صرت ارجف من البرد اخذ ايدية يفرك بيهم وينفخ عليهم حتى يدفيني

الكسار:نروح للسيارة ادفى؟

هزيت راسي بهدوء
:لا حابة ابقى هنا

خليت راسي على كتفة وغمضت عيوني
:كسار شنو الي يخلي الانسان يصير سيئ؟

سكت ثواني واردف بهدوء
الكسار:المواقف

رفعت راسي اباوعلة
:اذا هيچ ليش الانسان يأذي انسان ثاني؟ بكلام او تصرفات او افعال

الكسار:محد انولد سيئ بس الايام الصعبة خلت الانسان يصير هيچ بس احنة لازم نردهم منخليهم ينطقون بشي ضدنا ولا يأثرون علينا

:شلون يعني

الكسار:يعني عاملي بالمثل هانچ هيني ضربچ ضربي

رفعت حاجبي وگرصت ايدة
:يعني لازم اضربك؟

الكسار:انچبي ماضربتچ بعد اني من چنت اضربچ لمصلحتچ

ابتسمت رفعت نفسي بستة بخدة باوعلي مستغرب
:احسك كُلش هواية تشبه وهيب من تكون هادئ ومن تعصب هم

نزل راسة عرفتة انزعج من التشبيه بس اني انطلقت بالكلام

:احس نصائحك الية مثل نصائحة

رفعت راسي للسماء وغمضت عيوني استنشق الهوى البارد
:هسة وينهم؟ نايمين لو كاعدين؟ مشتاقيلي مثل ما اشتاقيتلهم لولا

الكسار:الهم رب مينساهم

نزلت دمعتي الحارة وگلت بهدوء
:الله يعين السيدة زينب

سكت ما نطق بشي باوعتلة ودموعي تنزل
:الله يعينها فقدت اخوانها واولادها واولاد اخوانها چانت ام عون صارت ام المصائب

مسح دمعتي وزم شفتة بأسف
الكسار:أسف من كل گلبي لأن عشتي كل هالشي وانتِ طفلة

ابتسمت بحزن وخليت ايدي على گلبي واردفت
:اخواني اعرف عايشين گلبي حاس بيهم عايشين بس يا حسرتي على سيدتنا زينب فقدت كل هذول كدام عيونها وفوك كل هذا اخذوها سبيه وهي حفيدة رسول الله

الكسار:ربچ چان كاتب يصير هيچ قل لن يصيبنا الا ما كتب الله لنا

باوعتلة رافعة حاجبي
:انتَ مؤمن وتعرف بالدين ليش تشرب؟

ورث جگارة وزفر دخانها بوجهي
الكسار:من ضيمي ومن حظي الاغبر صرت اشرب

:مو مبرر الشرب حرام وانتَ حتى صلاة ما اشوفك تصلي

الكسار:واحد عاصي يشرب ليش يصلي؟

لزمت ايدة وكلت
:الله غفور رحيم بابا

الكسار:بعديش عمري خلصتة ذنوب بذنوب يغفرلي على وحدة اثنين

سكتت هو واضح يزعجة هالموضوع بسرعة غيرتة
:اكلك بابا طلب واتمنى تقبل

الكسار:شنو؟

:ماريد اداوم باجر اخذلي اجازة حباب اخاف اتعب

الكسار:لا ماكو اشوفچ زينة

:حباااااااب بس باچر

ابتسم بخبث وتقرب علية حط ايدة على ظهري وجذبني ناحيتة بسرعة خليت ايدي على صدرة

الكسار:اقبل ببوسة

ضحكت وبستة بخدة وهو باوعلي مستهزء بية مفهمت معنى نظرتة قرب وجهة على وجهي وهمس

الكسار:اسف

:لي....

قبل لا اكمل طبع شفتة على شفتي فتحت عيوني على وسعهم باسني مثل المسلسلات مچنت اعرف شنو اسوي بس گلبي يدُگ سريع

ابتعد يلهث وعاض شفتة
الكسار:شوكت كبرتي هيچ؟ چنتي طفلة

كمت على حيلي امسح بشفايفي
:ليش تبوسني هيچ عيب ترة وانتَ بنفسك محذرني من هالاشياء شبيك

سحبني من ايدي كعدني على رجلة رفع حجابي ودخل راسة برگبتي يتنفس

الكسار:دانجذب الچ هالفترة اخاف ماكدر اسيطر على نفسي شلون

دفعتة من صدرة اتلفت
:وخر شبيك هالايام اعرف تصرفاتك معناها شنو عيب ترة مو تعتبرني مثل بنتك وخر ليجي احد

طلع راسة من رگبتي يباوعلي بذبول
الكسار:بعدني ممفكر اسوي شي لتخافين مو وقتها

وخرت عن رجلة وهو كام يعدل بنفسة
الكسار:امشي نروح للبيت تأخر الوقت

لزم ايدي ورجعنة نمشي للسيارة واني مزعوجة من تصرفاتة صارلة فترة هيج يسوي بس اول مرة يبوسني بهالطريقة

صعدنة بالسيارة هادئين بس حركها لزم ايدي ردت اسحبها عصرها بقوة سكتت

نعست هواية ردت انام بالطريق
بس وصلنة نزلت اركض نزعت الصاية والحجاب وركضت للغرفة ذبيت نفسي على الچرباية

ستوني ردت اغفى وحسيت تيشيرتي انرفع فتحت عيوني مستغربة شفتة دخل راسة من تيشيرتي ونام على بطني صرت ارجف

:و وخر كسار شبيك

حسيتة طبع بوسة على بطني
الكسار:ما اسوي شي حبيبتي نامي معليج اريد انام هنا

:لاا ماريد وخر

مجاوبني ولا تحرك ضل على وضعيتة اني سكتت بس رجفتي واضحة

من النعس نمت محاسة بشي

فتحت عيوني راسي يأذيني بشكل التفتت شفتة نايم يمي بدون تيشيرت خليت ايدي على حلگي وطفرت للحمام اتفحص نفسي خفت يصير نفس المسلسلات

الحمدلله مچان اكو أي اثر انُ هو مسوي شي غسلت وجهي وطلعت من الحمام لازمة گلبي شفتة واكف بصف الدرج يدخن ولابس بس شورت تقربتلة خايفة

:سويتلي شي؟

ابتسم يباوع بعيوني
الكسار:ما هان علية بعدچ مو مال هيچ سوالف

برطمت شفايفي وحچيت بكسرة
:ب بس اني ماريد هيچ

ذب الجگارة وداس عليها واردف ببرود
الكسار:مو مهم المهم اني اذا اريد او لا

:كسار حباب انتَ خليتني اعتبرك ابوية وهسة دتخوفني

الكسار:بس اني مو ابوچ اني زوجچ

خليت ايدية على عيوني وبچيت
:انتَ خليتني احسك بابا مو زوج الية بس من كبرت طمعت بيه

الكسار:مو وقت هالشي اني ببالي اشياء اسويها اهم بعدني ممقرر اذا اسويچ زوجة فعلية الية لولا بعدچ صغيرة يمكن اطلگج يمكن اموت

:طلگني هسة وخليني هنا سويني بنتك ها؟

لزم ايدي ورفعها باسها
الكسار:يصير خير روحي خلي الچاي على النار اغسل واجيچ

تركني بحيرتي وراح للحمام مچان بأيدي شي حتى لو تزوجني صدگ حقة اني منو؟ وحدة اشتراها بفلوسة مثل ميشترون البهايم بأعتبار اني جارية بس حلال يجي يوم ياخذ الي يريدة غصب او بالطيب واني لازم اسكُت مو من حقي انطق بكلمة وحدة

اخذت حيرتي وكسرتي ورحت للمطبخ سويت چاي
دخل للمطبخ يصوفر وراح طگ بيض

بقيت ساكتة منطقت بأي حرف وهو هم ساكت

مادري ليش هيج حظي؟ محد يحبني ماعرف اني شنو مسوية

كعدنة نتريگ واني اسوي نفسي اكل واكيد انتبه اجة كعد يمي صار يلفلي لفات ويوكلني

الكسار:ماريد تضعفين جسمچ يخبل ليش تأذين نفسچ بالضعف؟

باوعتلة بتمسكن
:زين اريد احف شواربي

نزل عيونة لشواربي
الكسار:وينهم حتى تحفيهم؟

:موجودات محلوات اريد احفهم

الكسار:كملي واني احفهم الچ تدللين

اكلت بفرحة بحيث بسرعة كملت اكلي كمت جبتلة خيط وكعد يحف شواربي الألم يموت يموت بس اهم شي اخلص من شواربي من كمل باسني بخدي

الكسار:بس لو اعرف ليش تردين تضعفين وتحفين ارتاح

كمت مبتسمة شمرت شعري لورة ظهري
:حتى اصير حلوة

عض شفتة وهمس بخفوت
الكسار:انتِ اصلاً حلوة

نزلت راسي خجلانة ضحك وكام راح للغرفة واني رحت للمطبخ لملمتة شوي وطلع حط سلاحة بخصرة ودنگ يلبس بحذائة

الكسار:رايح اني ويجوز اتأخر انتبهي على نفسچ لتفتحين الغاز ولا النار ولا تطلعين للحديقة ماشي

هزيت راسي وهو طلع قفل باب البيت علية وراح كملت البيت وشفت كمية الملل رحت للتلفزيون فتحتة وصرت ادور على قنوات مال اغاني طلعت بوجهي اغنية نانسي عجرم معجبة مغرمة ضحكت ضحكة شاهيناز وشديت شال على خصري وصرت ارگُص ومندمجة

لحد ماتعبت يلا وكفت قررت كل يوم اگص ساعة واحرق الدهون والمشكلة داتعلم رقصات مشايفتها ولا راقصتها قبل

عرفت بنفسي ورثت غريزة الرقص من شاهيناز

صار وقت الغدة اني اخاف من النار اكلت جبن ومربى

ثاني يوم چنت مزعوجة بدلت بضوجة واخذتي غصب للمدرسة مچنت حابة اروح حاسة حيصير شي

وصلني وراح رحت للصف خايفة دخلت شفت كل البنات موجودات ومن ضمنهم رونق وصديقاتها بس دخلت ابتسمت رونق بخبث

كعدت بمكاني خايفة

مر درس درسين بسلام بس يسمعوني كلام يجرح وابقى ساكتة

صارت الفرصة طلعت اريد اشتري بس طلعت من الحانوت حسيت بأثنين لزموني ورونق وراية همست بأذني

رونق:كلمة ما اريد بس تنطقين اعيط واكو تحرشت بية واني ابوية مسؤول اكيد حيصدگوني امشي وياية مثل الحبابة يلا

سكتت ارجف خفت من هالتهمة اذا كالت هيج تنتهي مسيرتي الدراسية كلها اخذوني لمكان يصير ورة الحمامات دفعني وكعني بالأرض وصارن يباوعلي ويضحكون

رونق:وكعتي بأيدي اني اخوچ مادري ابوچ يفشلني والله اذا ما خليتچ تبچين دم

:ش شتردين مني شسويتلچ اني؟

بدون اي كلام صديقتها اجت سدت حلگي والثانية لزمتني وصارت رونق تضربني على راسي بكل قوتها عيوني غوشت من قوة ضرباتها

اخر شي دفرتني برجلها على ظهري وكعت انضرب راسي على الارض

فتحت عيوني على وسعهم أحاول اشوف بس ماكو السواد احتل عيوني وصرت ما اشوف شي

عطت بأعلى صوتي
دموع:ماااااااشوووووفففف عيوننييي بيييهاااا سوااااد ما اشووووف

..يتبعع..

توقعاتكم؟

باچر اكو بارت

.
.
.
.
.
.
.
.
.
.
.

3000كلمة وباجر اكو بارت

اعتذر ع التأخير اكيد بس حعوضكم

ضيفو حساب الانستا
غيرت اليوزر مو تيهون

وقناة التلي

اللهم صلِ على محمد والِ محمد🦋

مها ال عبدالله