رواية الكسار (سلاسل الغوث) الفصل السابع 7 - بقلم لـ ميامي

شسويت شوف شسوَيت
ما گدرتها وغَصيت
بالحَطب غطيت النار
ردت اليصير وماصار
انوب جبتلها جروح
حَطيت فوكَ جروحي
شوف شلعبت بَروحي

قراءة ممتعة 🤍

.................................................................

دموع:كال هيچ وكام وكف صافن من وكعت عيونة علية رحت وكفت كدامة

:وين رايح وتتركني وحدي؟

زفر نفس بضيق ونزل نفسة لمستواية
الكسار:ارجع ما اتأخر

باوعت بعيونة مبرطمة شفايفي
:هاي منو مرتك ها؟

سكت يباوعلي بحيرة لزم ايدي ومشاني للغرفة يحچي وياية بهدوء

الكسار:روحي نامي حبيبتي لتدوخين راسچ

دفعت ايدة عن ايدي
:ماريدد انام وحدي اخاف لو تاخذني وياك اشوف مرتك لو تبقى يمي

ما اهتم رجع لزم ايدي ودخلني للغرفة
الكسار:دموع نامي ترة واصلة لهنا لتخليني اعصب ترة توكع بيچ

عاندت رجعت دفعت ايدة وتكتفت بعناد
:ما انام تخليني هنا وتروح لمرتك ما انام

عض شفتة بغضب ولزمني بقوة من زندي وشمرني على الچرباية بعنف حسيت ظهري انكسر غطاني وراد يطلع طفرت اركض بسرعة اخذ المفتاح وطلع قفلة من برة

ركضت ادُگ بالباب بعصبية
:افتحححح الباااااببب فتحةةةة انتَ تروح تشوف اهلك ومتخليني اشوف اهلي افتتتتتححةةةة حقييييرر كسار الحقييير

كمزت من دفر الباب رجعت لورة خايفة سمعت صوتة يعيط

الكسار:لسانچ بنت الكلب اهلچ بشر واخليچ تشوفيهمممم

سويت مثل ماسوة دفرت الباب برجلي حسيت رجلي انكسرت بس ما اهتميت اهم شي افرغ غضبي

:اهلي مو بشر على اساس اهلك البشر افتححح البابببببب تروح تشوف بنتك هاااا عندك بنية غيري الا اتزوج ويصير عندي ولد حقييييييررررر

خنست من انفتح الباب ودخل فاتح عيونة بغضب خليت اصابعي بحلگي ونزلت راسي خايفة تقرب لزمني من ملابسي يعت بية

الكسار:منو يتزوج مسمعت منو؟

مجاوبتة صار يهز بية بقوة خضني خض
الكسار:ويصير عندچ ولد هااااااا؟؟؟ ليش ما اصير اني ابو الولد بر**گ

بس گال هيچ باوعتلة وكلت بكُل ثقة
:الأب ميصير يسوي اطفال من بنتة

رفع حاجبة بستهزاء
الكسار:تردين تقنعيني انتِ مقتنعة اني ابوچ؟

:لعد انتَ شنو؟

ترك ملابسي وقرب وجهة لوجهي
الكسار:اني كُلشي وانتِ كُلشي وكُلشي بيچ الية

حط سبابتة على عيوني وهمس انفاسة تلفح وجهي
الكسار:عيونچ الية

نزل اصبعة لشفتي وضغط على شفتي السفلية
الكسار:شفايفچ الية ورگبتچ الية

نزل اصبعة على زندي وضغطة ورجع اردف بهمس
الكسار:جسمچ الية انتِ ملكي وبس

بس گال ملكي دمعت عيوني ابتعدت خطوتين وحچيت بغصة

:اعرف اشتريتني بفلوسك بس ماكو داعي تذكرني واعرف انتَ مو ابوية انتَ مجرد شخص اشفق على طفولتي

جرني من خصري لزگني بصدرة
الكسار:انتِ انسان حالچ حالي مداذكرچ اني اشتريتچ داذكرچ بالواقع انتِ الية واني الچ يجي يوم وتفهمين معنى كلامي

خليت ايدي على صدرة ادفعة بسرعة لزمها وعصرها
الكسار:لتدفعيني بعد شكم مرة اكول انتِ كبرتي مو مال هالتصرفات افهمي

:وخر ماريد تتقرب هيچ

رجع شدني اقوة
الكسار:هسة صرتي متردين قربي؟ منو كل يوم ينام بحضني؟ منو يبوسني؟

سكتت اباوعلة وشفايفي ترجف نزل راسة وباس حنچي بوسة طويلة بقيت جامدة ابتعد عني والتفت يريد يطلع كلت بخوف

:كسار والله اخاف

باوعلي بحيرة
الكسار:والله ما اتأخر وداعتچ

:اذا رحت ازعل

كور قبضة ايدة وكز على اسنانة
الكسار:روحي نامي ما اتأخر

طلع بدون ميهتم حتى بقيت واكفة بمكاني صافنة
ابتسمت مستهزئة بنفسي

:اني منو كدام عائلتك حقك

قويت نفسي ورحت نمت بفراشي غطيت نفسي ارجف اكره من ابقى وحدي احس واسمع اشياء مموجودة من الخوف

شكد حقير؟ مرة يفرحني فرحة يخليني اطير بيها وعشر مرات يوگعني وكعة يكسر جناحاتي الي احاول ارممها

مگدرت انام ابد من الخوف لحد مسمعت صوت الأذان كُلشي هدئ بية نمت مرتاحة والخوف راح مني

فتحت عيوني من سمعت صوت العصافير ردت ارفع ايدي افرك عيوني بس مكدرت باوعت شفت الكسار نايم على ايدي

بسرعة تذكرت الفجر دفعتة بصعوبة وكمت مزعوجة وعناد بي رحت غسلت وكعدت بالصالة

دقايق معدودة وطلع بطرگ الشورت وفرك بعيونة
الكسار:صباح الخير

مجاوبتة ولا باوعتلة تجاهلتة ضل واكف دقايق وراح للحمام ينافخ شوي ورجع كعد يمي حط ايدة على راسي

الكسار:شنو تردين اسويلچ ريوگ؟

مجاوبتة سحب راسي باسة
الكسار:جاوبي

حچيت من ورة خشمي واني اباوع بأظافري
:ماريد شي مشكور

الكسار:تبقين بدون ريوگ!

:عادي مو مهم

الكسار:مو مهم عندچ بس مهم عندي

باوعتلة صفح
:حروح انام ولتگعدني

كمت وهو گام وياية باوعتلة مستغربة لزم ايدي وگال
الكسار:ماشي بعد احسن اني هم اريد انام امشي ننام

دفعت ايدة وحچيت بغضب
:هو اني شاردة من عندك ماريد اشوفك خليني اتنفس شوييييي

گلب عيونة بعصبية وسوة شهيق زفير يلا اردف
الكسار:بابا لتخليني اعصب ترة ميصير خير امشي ننام وبعدين نحچي

:ماريد انام روح نام وحدك لو اكلك روح نام عند اطفالك

رجعت كعدت متكتفة نزل نفسك لمستواية يباوعلي
الكسار:بابا تعوذي من ابليس اليوم ماعندي شغل خليني مرتاح فدوة اروحلچ

درت وجهي بعناد بس بسرعة لزم فكي بقوة وخلة وجهة بوجهي معصب

الكسار:انتِ شلوووووننن بييييييچ اگوووولللل طفلة بسسس لشوكتتتتت فهمينيييي

خليت عيوني بعيونة شفايفي ترجف وحتى جسمي
:ماريدك وخر عني شبيك وياية

ترك فكي وكعد لازم ايدي باسها وهمس
الكسار:والله بابا چان لازم اروح مو بيدي اتركچ لو بيدي ابقى طول العمر بس اباوع بوجهچ الطيب والحلو

خليت ايدي على عيوني وبچيت
:عندك عائلة ليش متسمحلي اشوف عائلتي ها

سكت يستغفر باوعتلة ابچي ضربتة على ايدة بقوة
:عرگچي ويستغفر استغفارك ممقبووووول لتصلي لتصوم وتشرب وتضرب وتشتري بنات انتَ الله ميحبك

رفع حاجبة وهز ايدة
الكسار: شوف منو يحچي بنت الشيخ المؤمن سياف ناجي وبنت المؤمنة التقية شاهيناز صلي انتِ قبل لتعيريني

خزرتة وعيوني بيها دموع ابتسم واني حچيت
:محد علمني لا امي لا ابوية لا اخواني ولا انتَ طلعتو كلكم طالعين من الدين وطلعتوني وياكم

الكسار:حقچ اذا اهلچ گوا**يد منين تتعلمين

حچيت بسرعة
:وانتَ گو**د هم لأن معلمتني؟

عض شفتة متحلف گرصني بفخذي
الكسار:لسانچ لزمي وكومي ننام

:ما ماريد انام يمك

ابتسم وحك حاجبة
الكسار:دموع شتردين انتِ

رجعت تكتفت ودرت وجهي
:اريد غرفة وحدي

عطت من حسيت نفسي ارتفعت شالني يدردم

الكسار:غرفة وحدها بنت الكلب هو انتِ تخافين من خيالچ

:نزللللنييي وبعدين معليك بية لو اموت هم معليك اتركني وروح لعائلتك

ولا همة اخذني للغرفة يريد ينومني على الچرباية وعطت
:وخررررر جوعاااانة اريد اروح اكُل

هز راسة وغير مسارة طلع من الغرفة وگال
الكسار:اي يلا اني هم جوعان

نزلتي بالمطبخ دفعتة من صدرة
:ماريد تاكُل يمي تنسد نفسي روح عني

الكسار:تنسد نفسچ بشوفة هالوجه الجميل؟ مو عيب ولچ اني النسوان تتمنى بس اباوعلهم

هزيت ايدي وحچيت بتسرع
:الذبان تلتم على المطي والزبالة

خليت ايدي على حلگي من استوعبت اني شحچيت باوعتلة مكور ايدة ودماراتة طالعة بسرعة جرني من شعري

الكسار:تشبهيني بالمطي والزباااااالةةةة؟؟؟

خليت ايدة على ايدة الي لازمة شعري وبقيت ساكتة وهو من يشوفني ساكتة يشدد لزمتة

الكسار:هاااا شو سكتييي بنت الكلب

:بس وخر والله شعري تگطع

الكسار:لسانچ ليفلت ترة والله ثم والله اگُص رگبتچ

ترك شعري حچيت واني اعدلة
:بس الگة مكينة اذا مزينت شعري حتى بعد لتزمني من عندة وتأذيني

الكسار:صيري خوش ادمية وما الزمچ من شعرچ

باوعتلة بحقد
:شگد اكرهك؟ لو ينطوني خيارين الموت او البقاء وياك اختار الموت انتَ مو بشر مينعاش وياك

الكسار:لساااااااانچ سكتييييي

:ما اسكُت ملييييييتتت اني اختنگتتتت منككك اعتقني خليني اروح انام بالشوارع ولا ابقى يمك

الكسار:حتى ترجعيلي حامل؟

كورت ايدي وحچيت بصوت يرجف
:لو بيدك چان سويتني حامل ومو بعيدة عنك

ضربني الراشدي الي تعودت عليه بس هالمرة من قوتة انضرب راسي بالكرسي صار سواد بعيوني كلشي ما اشوف نسيت الضربة وبقيت فاتحة عيوني على وسعهم اريد الضوة يرجعلي

انتظرت وانتظرت وماكو ما اشوف فركت عيوني وحچيت بعياط
:ما اشوووفف ما اشووووففف كسار ما اشوف

حسيتة كعد كدامي وحط ايدة على عيوني يفتحهم وما نطق ب أي كلمة دفعت ايدة مخبلة

:راحت عيوني هااا راحتتتت

حضني يتنفس بسرعة
الكسار:بس اهدئييييي

دفعتة ابچي
:وخرررر عنييييي انعمييييتت بسببك وخرررر

حسيتة كومني مادري وين اخذني شوي وحسيت السواد راح بس ما اشوف بوضوح بسرعة دفعتة لازمة گلبي وافرك بعيوني لحد مشفت طبيعي حسيت گلبي ارتاح كُلشي ولا العيون تروح

شفتة واكف كدامي وجهة اصفر باوعتلة بكسرة
:بسببك عيوني حتنعمي ما كافي ضرب اهلي اجيت انتَ تضربني؟

تقرب راد يلزمني رجعت لورة ونزلت راسي
:ابتعد عني كسار ابتعد كُل متتقرب اني اتأذة دتأذيني متعمد

تقرب لزمني بدون اهتمام اخذني للمطبخ وكعدني على الكرسي شفتة صار يجهز بالريوگ وعينة علية كملة وحط كدامي بيض وجبن وچاي

الكسار:اكلي

اكلت بدون نفس وكُل شوي افتح عيوني بقوة حتى اتأكد دا اشوف

هو لبس وطلع تركت الاكل وصرت ابچي بهالعمر وكُل هالكسرات اجت لگلبي شنو حشوف بعد؟

رتبت البيت ورحت تمددت على القنفة بالصالة وافكر
شنو فائدة وجودي بالحياة؟ لا اهل ولا سند ولا احد يزعل اذا متت

التفكير اكل راسي افكار الشياطين كلها تجمعت براسي افكر اسويها واتراجع

ساعات طويلة مرت واني محاسة بنفسي اروح للمطبخ اباوع للغاز واباوع للسكاكين واتعوذ من الشيطان وارجع اكعُد

واني كاعدة حسيت بشخص دخل عرفتة هوَ تقرب كعد جواية ولزم ايدي

الكسار:شلونچ هسة؟

باوعتلة مبتسمة بس ابتسامتي مبيها حياة
:بخير وحكون بخير اكثر

عگد حواجبة وحط راسة على رجلي
الكسار:اسف بابا

كزيت اسناني وبقيت ساكتة رفع راسي يباوعلي
الكسار:احچي شي لتبقين ساكتة

:ماكو شي ينحچي روح نام اريد ابقى وحدي

زفر نفس بضيق وكام عني راح للغرفة بس شفتة دخل كمت ركضت للمطبخ ارجف اخذت اكثر سچينة حادة خليتها على شرايين ايدي

:سامحني ياربي ماكدر اتحمل بعد

ستوني اريد ابدي اجرح ايدي حسيت بشخص حاوطني من ورة ولزمي ايدية بقوة وجسمة يرجف

الكسار:قابل تقتليني بس لتفكرين تنتحرين

سحب السچين من ايدي وشمرها ودارني حضني بقوة واني ابچي

:تعبت تعبت والله تعببببببت عوفني ارتاح بموتي

الكسار:موتيني ولتموتين

اخذني للصالة كعد وحط راسي على رجلة يمسد على شعري

الكسار:محد يسوى تنتحرين علمودة ربچ انطاچ امانة حافظي عليها اني أذيتچ اشتكي علية لربچ ادعي علية بس لتموتين دمعة ما بقالي غيرچ

:انتَ تكرهني وكُل ضربة تضربني تطير وجهي وتكول ما اعيدها وتعيدها شتريد مني؟

الكسار:ماريد منچ اريد بس وجودچ بحياتي  دمعتي

كعدت امسح بدموعي
:لعد ليش تأذيني كسار؟

ضحك بخفة وهز ايدة
الكسار:غبي لأن ابچي عيونچ بعد ما اضرب والله وانتِ هم لتفكرين بالانتحار بعدچ وينچ وين الانتحار؟

لزمني من اكتافي يحچي بأقناع
الكسار:انتِ بمرحلة المراهقة وهالمرحلة صعبة حتجيچ افكار الانتحار والعصيان بس بالنهاية راح تعرفين هالشي غلط وترجعين عن غلطچ

:بعد ما اسويها ماريد اموت قبل ما اشوف اخواني

الكسار:عفية حبيبتي بعدين شلون تموتين وانتِ بعدچ مكشفتي شي؟

هزيت راسي وهو باس ايدي
الكسار:اخذچ للطبيب اشوف وضع عيونچ يمكن عندج عمى مؤقت؟

:لا مابية شي بس لأن انضرب راسي من الوجع صرت ما اشوف

الكسار:زين هسة رايح اجيبلچ اكل ماريد الكروشة مالتچ تروح

بس كال هيچ باوعت لبطني طالعة من التيشيرت مچنت منتبه عندي كرش ضحك بصوت وجرني باس خدي بقوة

الكسار:والله احبچ من تفهين شنو ممنتبه لكرشچ قبل؟

حچيت واني اباوع لبطني
:لا هاي شوكت اجة

الكسار:شي طبيعي جسمچ راح يتغير وهرموناتچ وشكلچ يكولون البنية الها 7 شوفات كل مرحلة الها تتغير

ضربت على راسي اضحك
:چنت هيكل عظمي ويمشي هسة سمنت

گرص خدي وباس اصبعة
الكسار:وخدودچ چنهن تفاحات

تركني وراح يجيب اكل طفرت اباوع لنفسي بالمراية صدُگ سمنانة ضحكت على خدودي شوي وعيوني يختفون من وراهم

رجعت كعدت بمكاني انتظرة يجي نص ساعة واجة بأيدة اكياس حط اثنين كدامي وفتح وحدة

الكسار:جبلتچ اشياء تحبيها اكلي وبعدين اكليها

كعدت اكُل واضحك صرت اشك عندي انفصام مرة اضحك مرة ازعل وابچي حتخبل من نفسي

هو بس كمل اكلة طلع من البيت وكالعادة بقيت وحدي فتحت كتبي وكعدت ادرس

مرت الايام وبدة الدوام اشترالي ملابس مدرسة على ذوقة وجانت كلها طويلة مچنت اهتم اذا ملابس قصيرة او طويلة اهم شي البس

داومت اول يوم والأبتسامة شاگة حلگي مرحلة جديدة وطالبات جديدات ومُدرسات جديدات كُلشي جديد

اول يوم مدرسنة بس وزعو كتب
كعدت يمي بنية محجبة بس مطلعها شعرها من الحجاب ورجليها طالعة والصدرية محصورة حصر عليها شوي وتنفجر وجسمها چان كُلش حلو

مدت ايدها وكالت
:هلاو اني رونق

ابتسمت وصافحتها
:واني دموع

تركت ايدي تباوع لملابسي
رونق:ملابسچ حلوة بس هواية عريضة وطويلة

:عادي مو مهم بالنسبة الية

رونق:لا مهم لازم تتأنقين دائماً هاي مو متوسطة هاي اعدادية اني السنة الثانية الية بالرابع هنا الشباب يوكفون يباوعلنة

رفعت حاجبي ورديت لعبانة نفسي
:مداومة ادرس لو مداومة للشباب؟

رونق:اوي لتصيرين معقدة ولچ حلوين

سكتت عنها مبين شنو تفكيرها
خلص الدوام رحت للأدارة وكفت انتظر الكسار شافتني رونق وسحبتني

رونق:ولچ تعالي بس اليوم اشوفچ واحد يجنن

:لالا بابا حيجي ماريد

ما اهتمت سحبتني وطلعتني برة شفت الولد كاعدين على دراجاتهم چنهم سلابيح وشعرهم لاحستة الصخلة أشرت على واحد كاعد على دراجتة ويباوعلها ويغمز وهي عود خجلانة

لعبت نفسي من منظرهم هاي اول يوم هيچ اباوع اكو بنات مؤدبات وروسهم بالارض واكو بنات لو بيدهم يروحون وياهم

شفت سيارة الكسار ابتسمت وتركتها ورحت نزل من السيارة هم مبتسم اخذ جنطتي مني وخلاها بالسيارة وصعدني

الكسار:شلونة اول يوم

:حلو بس شنو هاي الولد ايع ليش يوكفون بالشارع چنهم قنادر مطشرة

الكسار:خو ما احد باوعلچ لو ذبلچ كلمة؟

:لا بس هاي البنية الي كعدت بمي تموت على الولد وياريت حلوين

هز راسة ينافخ
الكسار:باجر اغير مكانچ

:لا مو مهم اني مراح انطيها وجه

سكت عني واخذني للبيت نزلت اركض واغني وهو يضحك علية

ثاني يوم نفس الحالة تسحبني لبرة وتبدي بلعبان نفسها اسبوعين وهي على هذا الحال صرت اضوج

اليوم خلصت المدرسة وهم سحبتني واني ناوية اتعارك وياها بس هالمرة مباوعت لأحد عينها على الطريق من وصلت سيارة الكسار عدلت نفسها وسحبتني لناحيتة واني صافنة وهو هم صافن مستغربين

وصلت وحچت بدلع
رونق:هلاو شلونك

باوعلها من فوك لجوة بلعبان نفس وهز راسة
الكسار:هلا

تجاهل وجودها وباوعلي وابتسم
الكسار:هلا بحبيبتي يلا باباتي نروح

اخذ جنطتي راد يخليها بالسيارة راحت تقربتلة وحچت
رونق:اگُلك شو انتَ متشبه هذول الي بالشارع چنهم ابو بريص

باوعلها معصب
الكسار:انتِ ماعندچ اهل؟ شنو هالاسلوب وين تعرفيني وتحچين وياية هيچ؟ ماريدچ تختلطين ببنتي بعد فهمتي؟

فلت وجهة وصار احمر تركها وصعدني بالسيارة بس صعدت انهد بية

الكسار:مو كلتلچ لتمشيييييين ويااااااهااااا مبينة گحـ** من باجر اغير مقعدچ واذا فكيتي حلگج اموتچ فهمتييييي

مجاوبتة بس منزلة راسي كمزت من ضرب السيارة وعاط

الكسار:فهمتييييييي

:ف فهمت والله ماامشي وياها بعد

سكت بس يدخن وصلني للبيت خلاني ادخل وشخط السيارة چانت باردة ركضت فتحت الدفاية وكعدت كدامها

بس دفيت كمت غيرت ملابسي ورجعت كعدت جوعانة
دخل معصب انطاني علاگة

الكسار:اكلي يلا حتى اخابر لمديرتچ ماريد انفلات وطياح حظ

بدون كلام صرت اكل وكُل ما ارفع عيوني اشوفة يباوعلي

ثاني يوم دخلني للمدرسة بأيدة حچة ويا المديرة واخذوني للصف

كعدتني الرحلة الثانية بغير سطر ابتعدت عن رونق هواية وافضل هيچ تركني وراح چنت اشوف نظراتها الحقودة واغلس عنها

بس صارت فرصة اجت تمشي بتموع
رونق:ليش رحتي عنيي؟

جاوبتها من ورة خشمي
:بابا ميريد ابقى وياج واني هم ماريد

گرصتني بأيدي وراحت تنافخ صرت امسح بالگرصة متأذية

توالت علينة الدروس وانتهى الدوام بقيت بصف الادارة انتظرة بطلب من عندة وصدك دقايق واجة يتلفت

الكسار:ها بابا شلونچ

هزيت راسي طلعنة سوية شفت رونق بالباب تباوع للولد وتتبوسم ما اهتمينة رجعنة للبيت والحمدلله اليوم هادئ

دخلني للبيت وهو ضل برة ركضت نزعت ملابسي ولبست ملابس بيت وركضت للچرباية تمددت چنت نعسانة واليوم عادي انام لأن باچر جمعة

ستوني ردت اغفى وسمعت الباب انفتح وانسد ثواني وانرفع الغطة عني وصار بوجهي دبدوب بُني چبير طفرت فرحانة

:كسااااار هااااايييي اليةةةةة

ضحك وهز راسة اخذتة من عندة چان كُلش حلو تركت الدبدوب وطفرت حضنت الكسار بقوة

:شكراً كسوري هواية فرحت

باسني بخدي واردف
الكسار:هدية الاعتذار لأن البارحة عيطت عليچ

ابتعدت اباوع للدبدوب فرحانة
:اليوم انومة بحضني

ضربني بخفة على راسي
الكسار:نچبي تنومة بحضنها

:اوي شبيك دشوفةةةةةة يجننننننن

ابتسم وسحبة من ايدي شمرة وراية وهو تمدد بحضني
الكسار:نعسان اريد انام مرتاح كون محد يزعجني

تثاوبت وحچيت
:اني هماتين نعسانة هواية خلي ننام

سكت شوي ورفع راسة عاگد حواجبة
الكسار:ليش لابسة خفيف؟ مو باردة

:ما احب انام بشي ثخين ما ارتاح

رجع راسة بحضني ونمنة نومة عميقة

..يتبعع..

توقعاتكم؟

.
.
.
.
.
.
.
.

5000 كلمة مو قصير🥲🤍

البارت الجاي يوم الاحد البنات يعرفون عندي مناسبة (عقد قران اخوي) وحنشغل ماكدر اكتب ف ان شاء الله اعوضكم الاحد🤍

وها اليوم ماكو قفلة قوية حتى لا تفكرون🫶🏻🫶🏻

ضيفو حساب الانستا

وقناتي تلي

اللهم صلِ على محمد والِ محمد 🦋

مها ال عبدالله