رواية الكسار (سلاسل الغوث) الفصل الثامن والعشرون 28 - بقلم لـ ميامي

اتعنى المگان الي كعدته وياك
ما الكاك بس رايد اثر منك
بلگت گلـمه ضلت مانگلهـا الريح!
الگاهـا وتجاوب بلنشد عنك
لو ادور عطر منك بقى ؏َ الگاع
احط نَفسي عليه وحَيل اشمنك

قراءة ممتعة 🤍
.........................................................

دموع:فتحت عيوني وجع براسي قوي بشكل اسمع صوت كلاب وچانت ضلمة كُلشي ميبين ماعرف بنفسي عميت لو الغرفة فعلاً مضلمة ردت احچي مكدرت حلگي مسدود

تذكرت الي صار انرعبت وجسمي صار يرجف وادعي كون الكسار جايني ومتاركني وحدي

قرب صوت الكلاب واني لا اكدر اتحرك ولا اعيط بس دموعي تنزل
انفتح الباب ودخلو 4 اشخاص وفتحو الضوة

فتحت عيوني على وسعهم من شفت شخص من هالأشخاص لازم چلاب اثنين يخوفون ربطهم بالغرفة وصارن ينبحن علية ولو ما سلاسلهم چان هجمو علية

صرت اباوعلهم بعيون متوسلة ميتة خوف وبالمقابل نظراتهم باردة
تقدم واحد منهم مشة اصبعة على رگبتي ردت اتقيئ ميلت رگبتي ابچي هو بدون أي كلمة صار اصبعة ينزل شوي شوي لحد مطخ بصدري هنا ردت اموت صرت احرك بجسمي ماريد يلزمني وهو بكل وقاحة يبتسم

فتح حلگي واني عطت
:وخررررر عنييييييييييي اكسررررر ايدككككك اذا مديتها عليةةةةةةة حكول للكسار يدفنك يانذللللللللل

ابتسم وموتني من حط راسة برگبتي يطبع قذارتة بيها واني ابچي خايفة واتماثل القوة

:ابتعدددددد يااااحقيييييييررررر لتدنسنيييييييي

لعبت نفسي من صار لسانة يمشي على رگبتي مگدرت اتحمل استفرغت ووكع كُلشي على ملابسة طفر لعبانة نفسة يكفر

:احترگوووووو اهلچ بنت المطي الـ*** خرب ****

رجعت اتقيئ وهو طلع يكفر حسيت مصاريني حتطلع والثلاثة البقية واكفين يتفرجون علية عبالك فلم اني

رجع نفس الشخص ينشف نفسة جابولة كرسي كعد كدامي وأشرلهم واني رايحة روحي

دخلو بنات اثنين لابسات بس ملابس داخلية حرفياً اجو يمي ظفرولي شعري واني مفاهمة شديسون من خوفي انعگد لساني

لحد مسمعت صوت المقص يقص بشعري عطت ابچي
:لاااااااا ليييييششششششش فررحححححح تحببببب شعريييييييي لييييش الله لينطيييييكممممم

اخذو گصيبتي وشمروني بالارض مفرفحة شفتهم حطو شعري بأيد هذا الشخص وهو رفعة يباوعلة فرحان كام وجرني من شعري المتبقي وحط گصيبتي بوجهي يضحك

:هذا شعرچ راح ندزة لحبيب گلبچ نطمنة عليچ بس محتاجين بعد دم منچ اذا سمحتي اكيد مراح تكولين شي مو

حچيت بتوسل ودموعي تنزل
:اني ممسويتلكم شي عوفوني اروح

شم شعري وكال مستهزء بية
:لا لا لا ميصير شلون نعوفچ احنة نريد الكسار وبس راسچ يجيب راسة

تركني وكام يفر بگصيبتي وكال
:تعالو اجرحوها اريد دم منها

تقدمو علية البنات وبيدهم موس صرت ابلعم خايفة لا اكدر وادافع عن نفسي بسهولة اخذت ايدي وجرحتها بالموس جرح طفيف بس علمود الدم وجابت كلينكس مسحت الدم وهو اخذهم وطلع وراحو ورة قفلو الباب علية

حضنت نفسي اباوع للكلاب وكل نبحة منهم تخوفني اكثر احسهم بأي لحظة يفلتون وياكلوني خليت راسي على الحايط وغمضت عيوني اون واستنجد بربي

:ر ربييي اذا حموت اخذ أمانتك هسة قبل ليدنسوني وقبل ليعذبوني

بعد ساعة رجعو دخلو علية هم كعد كدامي وصار يحقق وياية
:ايييي مدام الكسار الموقرة احچيلي

حصرت نفسي بالحايط اباوعلة خايفة
:شحچي؟

:احچيلي عن زوجچ وين اخذ الفلوس

كلت مفاهمة
:ي يا فلوس؟

بس كلت هيچ سطرني راشدي خلاني ادوخ بالزايد وكال ببرود
:الجواب غلط وين اخذ الفلوس

شهگت بالبچي
:والله ماعرف على شنو دتحچي عوفني اني معلية بشي والله

سحبني من ملابسي يعت بية وصار يعيط بوجهي
:شنووووو ماتعرفيييييييييين دتضحكيييييين عليةةةةةة زوجچ اخذذذذذ فلوسيييييييي

:انتو منو انتو من الثعلب ها

ركض خنگني صرت ارافس بين ايديه راد ينقطع نفسي وهو يحچي ممهتم
:تعرفين الثعلب يعني لازم تعرفين مكان الفلوس زوجچ ساومني انطي الثعلب وينطيني فلوسي بس الثعلب شرد من ايدة وماقبل يرجعلي الفلوس

ترك رگبتي واني اكح وگوة اسحب النفس
:و والله مچنت ا اعرف بهالكلام و والله

رجع كعد على الكرسي وكال بغضب
:ما اطلع غضنفر اذا مافجعتة بيچ لو بقتلچ لو بأغتصابچ لو ببيعچ

كتمت انفاسي ابلع ريگ كلامة رعبني تقرب علية اكثر وكال بحدة
غضنفر:زوجچ رجل عصابة قوي بس راح اهد قوتة بيچ

صدمني اكثر رجل عصابة شنو لساني عبالك بلعتة مگدرت احچي شي وهو هم مشة اصبعة على خدي

غضنفر:شعرچ والدم وصلولة بباقة ورد

ضحك بعلو صوتة فززني وكام طلع يغني بقيت مصدومة

تعبت راسي صار طبل كلشي ديصير اكبر مني ماعرف شوكت ارتاح والظاهر ما ارتاح بس بموتي

ماعرف الوقت ماعرف اذا ليل او نهار لأن الغرفة الي اني بيها مابيها شبابيك بس باب  وحمام وبصف الباب مربوطات الكلاب
صرت ابچي على حظي واستنجد بربي يخلصني منهم

نمت تعبانة رغم خوفني من الكلاب والقادم وقلقة
كعدت على دفرات برجلي فزيت مرعوبة وحصرت نفسي بالحايط حطو كدامي اكل عبارة عن تمن وفاصولية ومي وفتحو ايدية وطلعو بدون ميكولون أي كلمة

الكلاب من شافو الأكل صارو ينبحون بقوة صوتهم موتني خوف اخذت الأكل وشمرتة الهم سكتو وصارو ياكلون ومن كملو كعدو هادئين

خليت راسي على الحايط وغمضت عيوني افكر بالقادم
مصيري مجهول

مر اكثر من ساعتين ورجع دخل غضنفر لازم عود مال اسنان وحاطة بحلگة

غضنفر:اي ست كسار شلونچ

بعدت انظاري عنة خايفة اجة كعد كدامي يشرب گهوة ريحتها ضربت بخشمي قوية

مدها الية وكال
غضنفر:تشربين؟

باوعتلة بخزرة وهو ابتسم بأستفزاز
غضنفر:على كيفچ لتخزرين خزراتچ حلوة ترة

نزلت عيوني ودمعتي نزلت مد ايدة مسحها
غضنفر:لا ليش تبچين لا

دفعت ايدة عني وكلت بحدة
:لتلزمني اكسرها لأيدك

غضنفر:اخ صدك تكسريها جربي؟

قهرني يحچي ببرود يستفزني عدل كعدتة وشمر الگهوة على صدري چانت حارة عطت بألم وصرت اهفي على صدري ابچي وجع مينحمل

غضنفر:اوي تأذيتي يااا اسف

تحولت نظراتة الباردة لنظرات حقد سحبني من شعري وكال بحدة
غضنفر:المرة الجاية ما احرگچ بالگهوة احرگج بنار غبية

دفعني وراسي انضرب بالحايط حسيتة انقسم نصفين تجمعت علية ألم الحرگ وألم الضربة رجع كال بحقارة

غضنفر:داشوف أثار ضرب على خدودچ منو ضاربچ؟

عطت بوجهة واني ابچي
:معلييييييييييييككككك تريددددد تقتلنيييييي اقتلنييييييي خلصنييييي كرهت روحي والدنيا كلهاااااا تسوي فضل اذا قتلتنيييييي

باوعلي بستهزاء من فوك لجوة وكام يريد يطلع التفت علية مبتسم
غضنفر:ماكو موت هسة بس اطمنچ راح تموتين

طلع عني يضحك بعلو صوتة نزلت راسي ابچي دايخة وريحة المكان مو حلوة والغرفة باردة بشكل محتاجة مي وأكل لأن احس حيغمى علية خصوصاً المي احس بلعومي يابس اخذت المي الي جابو وشربتة چان حااار بشكل ميروي عطشي

بعد لا بية حيل اعيط ولا اتحرك
مرت الأيام واني على أمل الكسار يجيني وچنت اعاندهم واكللهم حيجي
صار حتى يأذيني يعاقبني بالحرگ وبالأكل وجبة وحدة باليوم اقسمها بيني وبين الكلاب حتى لينبحون والمي الي يجيبو حار بصعوبة اشربة جسمي ضعف اكثر وذبلت صرت ماكدر اتحرك بسبب الضرب الي اتعرضلة والضوة ما اشوفة ابد بس من يجي الغضنفر يفتحة ومن يطلع يطفي وابقى اني والكلاب بس الكلاب مو صرت انطيهم من اكلي صارو مينبحون علية

مكاني صار عبارة عن مزبلة كل يوم يجيبون سطلة مال مي يذبوها علية ومن يجي الغضنفر يدخن يمي ويذب الگطوف علية عبالك اني حاوية

كملت 15 يوم واني مخطوفة مرت اربعين فرح وزوجها وابنها چنت كل يوم ابچي عليهم وعلى حالي ومرتين عيوني راحت بسبب البچي

كاعدة بالزاوية ارجف الغرفة ضلمة وفوك الخوف برد صرت اردد بصوت يرجف

:يا الله ساعدني يا الله ساعدني

صرت اغمض عيوني خايفة من الضلمة احس اكو اشياء يمي ماعرف اذا اتخيل من الخوف او فعلاً اكو شي

جوع عطش برد خوف
كلهم التمو علية والي زادها صوت البرق العالي

اني وين؟
معقولة ما افتقدني؟
صار 15 يوم معقولة راح وتخلى عني؟

لزگت نفسي بالحايط من انفتح الباب ودخل شخص ضخم ماكدر اشوف وجهة بس طولة جان واضح

صرت ارجف اكثر ودموعي تصب
:م منو انتَ انس ل لو جان؟

ضحك بصوت يخوف وهو يتقرب علية واني ويا صوت ضحكتة ابجي كعد كدامي يدندن بصوت هامس

:لا تطلع بهذا الليل اخاف انا
لو ينجرح گلبك خاف اموت انا

صوتة يرجف كل ذرة بية بصعوبة كدرت انطق
:ش شتريد مني شسويتلكم اني؟

حضنت نفسي من كعد مقابيلي وبس جگارتة تبين
:ماسويتي غيرج السوة

واني شنو ذنبي بذنب غيري؟

قهقه بستهزاء وسكت حتى سكوتة خوفني بقى دقايق يدخن وينفخ بوجهي اخر شي خلصها وطفاها برجلي خليت ايدي على حلگي كاتمة صوت ألمي

سحبني من شعري وكال بهمس
:خليني اشوفج من اجيتي لهسة كلها شافتج بس اني لا ليش هيج الغرفة ضلمة

فتح ضوة بوجهي بسرعة غمضت عيوني رجعت فتحتهم ابجي هو ضل ساكت دقايق ورجع كال بخفوت

:وين شايفج؟ وجهج مألوف علية

شفايفي ترجف ودموعي تنزل ترك شعري وهمس بصدمة

:دموع!!!!.....

بس نطق اسمي حسيت بأحساس حلو ماعرف شلون اوصفة بس هالأحساس طفة نيران گلبي

كلت بصوت يرجف
:منين تعرفني انتَ من طرف الكسار؟

اسمع انفاسة صارت عالية وكام من يمي يركض ماعرف وين راح
غمضت عيوني من انفتح الضوة لأن قوي عليهم رجعت فتحتهم وشفت نفس هالشخص بس چان مغطي وجهة بالكامل مثل الحرامية واكو زروف بس طالعات منهم عيونة

تقرب علية بخطوات ممتوازنة وحاط ايدة على گلبة واني كل ميتقرب احصر نفسي بالحايط واتوسل بي

:لتتقرب حباب والله متأذية وجسمي ديوجعني لتجيني

كعد كدامي وصار يرفع ايدة يريد يخليها على وجهي وينزلها شهگ وكال

:ا انتِ دموع؟ مو دموع؟

هزيت راسي ابچي وهو شهگ شهگة من قوتها صدرة ارتفع شهگة مال بچي مو مال صدمة او خوف كال وهو ينحب

:دموع سياف ناجي

بلعت ريگ وگلبي يدُگ سريع
:منو انتَ منين ت تعرفني؟

حط ايدة على راسي وكال ببچي
:نام نام ياحلو باچر يوم كلش حلو
نضحك ونلعب ونغني
نام نام ياحلو باچر يوم كلش حلو

بقيت صافنة ودموعي من وحدها تنزل ممصدگة الي داسمعة وانخمش گلبي من نزع اللثام عبالي اتخيل صرت انزل راسي وارجع ارفعة اباوع لوجهة خفت اكون مشبهة بس تأكدت من رجع كمل الاغنية الي محد يعرف تكملتها غيرنة

:باچر نصبح بالقمة ونلتم كلنة احسن لمة
باچر نصير احنة واحد ويجمعنة الله الواحد

نطقت وروحي رايحة
: و وهيب

بسرعة حضني يبچي
وهيب:ياروحة لوهيب

بادلتة الحضن واحنة نبچي محتار شنو يسوي يبوسني لو يحضني لو يباوعلي حتى يتأكد هاي اني

وهيب:ميت عليچ دمعة والله ميت عليچن عايش بس علمود ارجعكم لحضني رجعتولي و برجعتكم رجعتلي روحي

حاوطت وجهة وتقربت بست حروق وجهة اناشغ
:مشتاقتلكككك والله وين چنت عني وهيييييب

سد حلگي يرجف وصار يتلفت
وهيب:اشششش بلا صوت اذا عرفو انتِ اختي ياخذوچ مني اششش

كام فتح الباب باوع يمين ويسار ورجعلي خايف
وهيب:سوي نفسچ متعرفيني دموع اني مو اخوچ ماشي؟ ساعة وراجعلچ بس ساعة وحدة

تقرب علية باس راسي بوسة قوية وابتعد دموعة تنزل
وهيب:الي جمعنة بعد كل هاي السنين محد غيرة يكدر يفرقنة بعد راجعلچ

هزيت راسي وهو طلع يركض بقيت بمكاني مصدومة ماعرف ابچي لو افرح
كل الي اعرفة گلبي يريد يطلع من مكانة

بقت عيوني على الباب متلهفة يرجع يدخلي اريد اشوفة اريد اشبع من وجهة وريحتة وحنانة

نص ساعة وطفرت ملهوفة شفتة دخل يأشرلي بعيونة اهدئ عرفت اكو احد جاي ثواني ودخل الغضنفر لابس محبس ذهب وگلادة ذهب لعبت نفسي من شكلة

نزلت راسي عنهم تقرب علية وهيب عود لزم راسي يضحك
وهيب:هاي الي اريدها

رفع حاجبة الغضنفر مبتسم
غضنفر:هاي غالية بس اكيد متغلى عليك اخذها چنت ناوي ادز راسها لزوجها بس انتَ اول مرة تطلب بنية

هزلي راسة يطمني اخذ حبل واجة ربطني وهمس بصوت بس اني اسمعة
وهيب:مثلي عيطي ليشكون

سويت نفس ما كال صرت ابچي وادفع بي
:وخروووو عنييييي الكسار حيجيكم يموتكمممم وخروووو ماروح لمكاااان انييييي

غضنفر:ثبتييييي لچ

رجعت اعيط لحد ما طلعني وهيب من هاي لغرفة للممر طوييييييل هواية ومليان غرف لازمني ويهمس بأذني

وهيب:اسف اذا اذيتچ بالحبل بس ماريد يشكون

مسويت ولا حركة چنت خايفة وماكدر امشي وكفني عود معصب
وهيب:امشييييي شبيچ متمشييييين

كعدت بالأرض رجلية ميحملوني وكلت ارجف
:ص صار هواي مماشية ماكدر

غضنفر:كووومي لا اكسرهم الچ حيواااانةةةة

باوعلة وهيب معصب
وهيب:ليش متگدر تمشي؟

تفل بالأرض وكال بكل برود
غضنفر:بسبب الضرب اخلي البنات يضربوها على رجليها ويدوسون عليهن وهم جوع وصارلها هواي مماشية

كور قبضة ايدة وصارت عيونة بگصتة خفت يصير شي ماعرف شلون تمالك اعصابة نزل يريد يشيلني ومرو زلم اثنين لازمين رجال ومغطين راسة وكفو كدام وهيب وغضنفر وكال واحد منهم

:وين تحب نحبسة؟

ضحك بصوت عالي ورفع الغطة عن راسة
غضنفر:سجنو بغرفة زوجة الكسار لأن انطيتها هدية وراح تروح

مهتميت للكلام بكثر مهتميت بالشخص الي لازمي احس فار دمي كمت بصعوبة وتحت انظارهم ابچي بحرگة

:هذااااا انتَ يااااا مجررممممم ياااا قاتللللل

رغم وضعة ابتسم
الثعلب:هلا بالمتعبة الكسار راح يتونسون بيچ

دفرتة برجلي بس وهيب سحبني يخزر بية بدون اي كلمة شالني على ظهرة وصوت ضحكة الثعلب ترن براسي

الثعلب:ماااا اوصييييك تونس بيها وصورها ودزها للكسار اكسر خشمةةةةة

بدون سابق انذار طلع وهيب سلاح من ورة ظهرة وضرب الثعلب طلقة برجلة عاط بعلو صوتة انصدمت من وهيب وصدمني اكثر من طلع شايلني وبدون ميعيرلة اهتمام ولا عبالك رمى احد بقيت ساكتة بس رجفتي واضحة

طلعني برة وهاي اول مرة بعد 15 يوم اشوف الشمس عيوني رادت تنعمي حطني بالسيارة ورة واني مربطة ايدية وصعد حرك السيارة يهمس

وهيب:اشششش سوي نفسچ تبچين وخايفة بس نطلع من المنطقة

هزيت راسي ابچي من صدگ خايفة من كلشي
يسوق سريع يريد بس يوصل

:وهيب مشتاقتلك اريد احچيلك هواية اشياء صارتلي

مدلي ايدة دموعة تنزل قربتلة ايدية المربوطة بسرعة لزمهم
وهيب:راح نوصل يا بعد اخوچ راح نوصل لبيتنة

سكتت بس دموعي تحچي مشتاقتلة هواية شكلة متغير كبران عيونة الحلوة تعبانة

وصلنة لمكان راقي بقيت صافنة شوي ووكفنة كدام بيت كُلش چبير باوعتلة مستغربة

:مو تكول نروح لبيتنة؟

هرب عيونة عني وكال
وهيب:هذا بيتنة دموع

كال هيچ ونزل فتح باب ودخل مبتسم فتح ايدية يباوعلي وعيونة تلمع نزلنة ودخلني للبيت ماعرف ليش انغمت گلبي من دخلتة حسيت بشعور محلو

وهيب:هذا بيتنة دموع البيت الي وعدتكم بي

بقيت ساكتة واباوع چان بي حديقة كُلش چبيرة وزرع اكو شجرتين واكو ورود لونهم احمر
سحبني لجوة البيت طاير فرح بية كعدني بالصالة وكعد حط راسة بحضني يبچي بحسرة

وهيب:لو تعرفين شكد اشتاقيتلكم كل يوم اطلع صوركم اخليها يم راسي يلا انام اتمنيت كل هالشي مصاير

حطيت ايدي على راسة وبلعت غصتي
:غيابك ترك أثر چبير بگلبي

رفع راسة وعيونة مليانة دموع
وهيب:فرحة وين مشتاقلها

صفنت محتارة شنو اكول نزلت راسي ابچي وهو حس اكو شي كام على حيلة لازم گلبة

وهيب:د دمعة فرح و وين

مجاوبتة بس دموعي تنزل لزم زنودي بقوة يهز بية ميت خوف
وهيب:ولچ دمعةةةةة گلبيييي رااااح يوووووكفففف فرحححح وييييننن طمنينيييييييي

رفعت راسي ونطقت بصعوبة
دموع:ف فرح ماتت وهيب قتلوهاااااا ...

.. يتبعع..

توقعاتكم؟

.
.
.
.
.
.
.
.
.
.

4000 كلمة

ضيفو حساب الانستا

وقناة التلي

اللهم صلِ على محمد والِ محمد 🦋

مها ال عبدالله