رواية الكسار (سلاسل الغوث) الفصل الثاني وخمسون 52 - بقلم لـ ميامي

حِبني يَا حَبيبي حِبني
و مِن يجي الضيم عَلى مَتنَك
راح أَشيلَنّة عَلى مَتني  .

-صلو على محمد والِ محمد الأطهار

-متابعة للحساب+تصويتكم+تعليقاتكم⭕️

نزلتة بدون مراجعة غلسو عن الأخطاء الأملائية
~~~~~~~~~~~~~~~~~~~~~~~~

دموع:بديت اجهز واشتري همزين شوي كدرت التهي صرت اهتم بالأطفال اكثر وما اخلي ادومي ينزعج

حيسوي حفلة وعقد بنفس اليوم وبالبيت قررت البس فستان مال محجبات اختاريت فستان جويتي ويا شال ابيض وكلت احط مكياج بالبيت

الأطفال اخذهم ابوهم يشتريلهم ملابس برغم مشغول يدور على قبر حسن بس ما ترك لا الأطفال ولا ترك باهر بهيچ وقت الكسار صديق كفو ميترك احد علمود احد وعندة الصداقة شي مقدس

هسة هوَ شگد حزين على حسن ودموعة ابد ما وگفت علية بس ميريد يترك باهر بهاليوم

مرات اكعد بالليل اشوفة فاتح الشباح ويباوع للسماء ويبچي بحرگة ويحچي وكأنما حسن كدامة ويشكيلة لحد ميرجع للفراش مهدود حيلة

باچر خطوبة باهر بقيت طول ليوم اخطط واسوي عناية
اجة باهر ياخذ رأيي بملابسة

باهر:شوفي محتار البس قاط كحلي لو البس بس قميص وبنطرون

دموع:شوف هوَ اني احس القاط ارتب عليك بس البس قميص ابيض وبنطرون اسود والقاط تلبسة بالعرس

باهر:خوش لعد زين اختاري الساعة وياية شوفي هاي اشتريتها غالية وابوية رزلني من وراها لأن غالية كلش شتكولين اخليها للعرس

دموع:والله لو اني منك هاي الساعة الي بسعر كلية كل يوم البسها احلل فلوسها

راد يحچي واندفر الباب ودخلت وداد لازمة راسها وتصيح
وداد:وينچ دمووووععع تقبليهاااا شوفي ابنچ ضربني بالطوبة واني گولت بس ميقبل يحسبة گول اليةةةة

حطيت ايدي على خدي اباوعلها شافت باهر ونزلت ايدها
وداد:ابو النسوان هنا اكول ليش الجو مظلم

هز ايدة وهيَ رفعت شعرها
وداد:شنو عندك عرض ازياء جايب هالملابس كلها

دموع:لا ولچ باچر خطوبتة

وداد:صخااااام هاي منو قبلت بي عيونة زرگ وجهة وجه سومو الله يعينها عليك روحي يا بنية الله يساعدچ

باهر:شوفي اني لا اخاف ولا استحي ادفرچ والله

وداد:احم اي على الخير مبروك

ابتسم
باهر:وانتِ معزومة ترى باچر تعاي ويا دموع

وداد:حييييل صار شگد مرايحة لعرس لو حفلة بس لا احس عيب انتو عائلة

باهر:لا مو بس العائلة الكل جاي تعاي وتونسي ولو متستاهلين

وداد:خوش اجي حتى انصح العروس تشرد قبل لتتورط وياك

باوعلها من فوك ليجوة
باهر:حنينة مو بيدچ الجاهلة

مدت لسانها ورجعت تلعب طوبة وياهم
اختاريت كلشي لباهر وراح يكول اريد احط ماسكات وهوَ چذاب يريد يلحگ يسوي بلوكات لنسوانة

بالليل نومت الأطفال وصعدت نمت من وكت حتى اكعد مرتاحة
نص الليل فزيت ونفس الشي لگيت الكسار واكف بالشباك يدخن واسمعة يبچي ويسولف

الكسار:متقبل تكول وين مدفون ولا اخوها يقبل راح اتخبل حسن گلبي نار عليك خايف تطلع بمقبرة جماعية خايف تطلع ممدفون وذابيك بمكان والذيابة اكلت جثتك

عصر الجگارة بيدة وحچة بغصة
الكسار:شگلت من قتلوك يا بعد غوث انتَ هم صيحت بأسمي شسويت اااااخخخ ماعرف شلون اكمل حياتي قتلوك بدم بارد چان عندي أمل ترجعلي بس راح الأمل وراح الحسن وانكسر ظهر الكسار

گمت من فراشي مسح دموعة وطلع جگارة ورثها ايدة ترجف وكفت بصفة وطبطبت على ظهرة

دموع:حسن راح لمكان افضل من هنا راح التقى بأمة الحنينة واخو مَلك وهسة تعرف على فرحتي وابنها الي سمو تخليدًا لذكراه هسة مرتاح وياهم يمكن لو باقي چان تعذب لو يمكن تمرض اني اكول هنياله ديشوف الناس الي اني اشوفهم بس بحلمي هنياله ارتاح

ضل ساكت بس يدخن ويباوع للسماء
دموع:بدل هالبچي والمعاتب صليلة واقرالة قران تصدقلة البچي يأذي صح عزيز وروحتة كسرت ظهرك بس البچي ميرجعة مو صار سنين نبچي على فرح ومَلك وحسن الصغير؟ مرجعو وهسة اقتنعنة بموتهم وصرنة ندعيلهم

غطة وجهة يتنهد
الكسار:روحي لايبة لوب على شوفتة وعيوني متكدر متمطر على رحيلة اني والله داجبر نفسي على العيش بس علمودچ وعلمود اطفالي لأن اعرف اذا متت اني الكل يضل ينهش بلحمكم وأولهم اهلي

دموع:عمرك طويل وان شاء الله تبقى سند للأطفال لو شگد ماصير مشاكل بيناتنة بس ما انسى كلشي حلو منك

باوعلي ورفع ايدة حاوط وجهي وابهامة يتحرك على خدي
الكسار:اتمنى ما اموت لحد ما أأمن الكم مستقبل زين انتِ والأطفال وحتى وهيب اريد اخلي اشياء بأسمكم حتى تضمنون مستقبلكم ومتحتاجون احد

دموع:لتحچي هيچ حباب

دنگ علية رفع شعري عن وجهي وحاوط وجهي وتقرب اكثر علية عصرت ملابسي اباوع بعيونة طبع بوسه بطرف شفتي وراد يبتعد بس من حس برجفة جسمي رجع وتعمق بالبوسة

غمضت عيوني عود اريد ادفعة بقيت رافعة ايدي بالهوى اقربها لصدرة وارجعها ماعرف شصارلي

عض شفتي الجوة صرخت بوجع ودفعتة عني ابتعد متلذذ وعيونة ذبلانة لزمت شفايفي اريد اعيط بوجهة بس سبقني وحچة

الكسار:انتِ بعدچ تحبيني وتعشقيني هم

فتحت عيوني ونسيت كل الأحرف رجع تقرب حاوط منطقة الخصر الي خافيتها بطني طبع بوسة على رگبتي وسحب نفس منها

الكسار:تحبين مكسرات مو؟

دفعتة حيل احك برگبتي اتحسس من شواربة
دموع:لا ما احبك ولتتقربلي هيچ بعد اني محرمة حضنك على نفسي لتحضن بية ولتبوسني بعد ماريد تطخني

حرك اصبعة على شفايفي مبتسم
الكسار:بعدچ ترجفين بوسط احضاني

وخرت ايدة عن شفايفي متوترة
دموع:اني رايحة انام

لزمني من زنودي
الكسار:ماريد منچ شي اني بس مستغرب احنة ليش مدنتفاهم

دموع:لأن ماكو شي نتفاهم بي تفاهمنة من زمان واتفقنة بس اولد تطلگني

الكسار:ليش؟ اطلگچ لأن اني مخنتچ؟ بس لو تفهميني اني مخنت ولا راح اخون مستحيل اخرب حياتي واخونچ اني يمكن تسرعت ومخليت غير شخص يقوم بهالمهمة بمكاني بس چان حسن عامي على گلبي چنت اريد ولو خبر صغير عنة

نزلت راسي وفلتت نفسي من عندة
دموع:الي صار صار بعد وحسن مات الله يرحمة وانتَ وعدتني تطلگني لتخلف بوعدك

ابتسم وهز راسة
الكسار:لا ما اخلف وعلى وعدي ردت احاول اخذ منچ فرصة بس الظاهر انتِ بايعتني مو اني الي بايع ردت افتح صفحة جديدة وياچ وننسى كلشي

دموع:يا صفحة نفتحها؟ خلص الدفتر من كثر الصفحات الي فتحناها

الكسار:متعود اذل نفسي عليچ لأن احبچ اني غلطت وكلش غلطت بس انتِ تردين تصلحين الغلط بالغلط خلص متفقين بعد الأربعين مال ولادتچ ننفصل

دار وجهة وراد يطلع غمضت عيوني افكر تفكير سريع اذا طلع من هالباب بعد ميحقلي احچي ولا حرف

فتح الباب يريد يطلع وحچيت بتنهيدة
دموع:نرجع بشرط

التفت علية يباوعلي عاگد حواجبة ومنتظرني اكمل تمشيتلة على كيف سديت الباب ووكفت كدامة اباوع لعيونة

دموع:يا تُرى توافق على هالشرط

الكسار:شنو الشرط

حچيت بسرعة
دموع:تعوف شغلك

لانت ملامحة وبلع ريگ صفن بعيوني
الكسار:شنو!

دموع:تعوف شغلك تگدر؟

ضل ساكت واني رجعت احچي
دموع:اني بعد ماكدر اعيش وياك وابقى حاسة بالخطر عليك وعلى اطفالي اذا هالمرة دخلت بهيچ مهمة ومصار بيناتكم شي يمكن المرة الجاية كلشي يصير لو يمكن يجيبولي تابوتك لو يمكن تنخطف لو اطفالي ينخطفون شغلك خطر عليك وعلية وعلى الأطفال وعلى عائلتك كلها منو دمر علاقتنة غير شغلك اني ماريد جوابك هسة فكر ومن تفكر زين تعال واحچي وياية وجوابك حيكون يا أما رجوعنة أو نهايتنة

يرمش بعيونة وملامحة باردة فتح الباب وطلع بدون ولا كلمة تركتة يفكر براحتة وهوَ حر بالأختيار

رجعت للفراش غمضت عيوني وغفيت
ثاني يوم چان يوم مزدحم ام جمال طبخت الغدة وبس صار الظهر رحت جبت وداد ومريام يمي واجو سيدرا وسيلا نتجهز بغرفتي لأن بيت العروس اقرب علينة من بيت خالو

وهيب والكسار وخوالي وزياد راحو ويا باهر واحنة بقينة وحدنة
صرنة نتجهز شفت وداد سوت مكياج خفيف وحطت حمرة لونها احمر وخلت شعرها مفتوح حتى الفراغات متبين بس سوت حركة بشعرها من كدام سوتة ويفي

لبست فستان جوة الركبة لأن هيَ ما محجبة ولبست ويا كعب عالي طلعت تجنن وكلشي لايگلها

كملنة مكياجنة وطلعنة نجنن بكل ثقة
نزلنة صار وقت حتى نروح زياد اخذ مرتة بسيارتة وخالو جناح اخذ مرتة وداني وياقوت وخالو فهد راح ويا وهيب وباهر والأطفال وياهم واحنة ويا الكسار

زياد خبلنة بالشارع بس يهز وكل شوي نازل هوَ وباهر يخبصون الشارع حتى المرور رگصو فد يونسون

وصلنة لبيت العروس السيارات واكفة بالباب نزل الكسار فتحلي الباب وساعدني انزل ووداد ومريام وياية

وكفت وداد تعدل بفستانها درت وجهي شفت وهيب وولد اثنين اخوان العروس عينهم عليها وهيب يباوع لوجهة وبس واخوان روزا عيونهم تصعد وتنزل عليها

دار وجهة شافهم وأشرلهم وهذول راحو يركضون يخافون من وهيب يدرون بي بايعها

أشرلي حتى ادخل لزمت ايدها ودخلنة جوة اني وسيدرا نهلهل
روزا كاعدة بكوشتها ولابسة بدلة وردية طالعة تجنن هيَ حيل حلوة

سلمنة عليها فتحو الديجي ودخلت سيدرا بالنص ترگص اني وسيلا منكدر دفعت وداد وياها وكعدت اهز بالكرسي وداد مكالت لا ذبت لحم

صار وقت العقد كمت غطيتها وعدلت فستانها دخلو باهر كعد يمها اول مرة اشوفة هيچ خجلان ومتوتر تعجبت من شوكت باهر يخجل

بدأ يعقدلهم نص ساعة وصارت مرتة بالشرع طلع الشيخ ذبينة البرنص منها وباهر الملگوف بسرعة باسها بخدها گرصتة بيدة وهمست

دموع:ملگوف مو بيدك اصبر خزيتنة

بعنادي رجع باسها وهاي ماتت خجل
وكفناهم لأن حاجزين مصورة تصورهم باسها براسها وقطعو الكيك

رادت توكلة واسمعة يكول
باهر:كبريها بعد جوعان

حطت ايدها على حلگها تضحك وصدك كبرتها واكل منها
باهر:بعد بعد

رجعت وكلتة فد فشلنة
باهر:هسة من نبقى وحدنة ضميلي منها واذا تصبيلي من غداكم بعد احسن متغديت من وراچ

باوعتلة ترمش بعيونها
روزا:اني شعلية

عض شفتة وسحبها من خصرها لناحيتة
باهر:اوووف صح انتِ شعليچ كلة مني اشتعلت صفحتي لتباوعين هيچ

خجلها كلش
روزا:مو چنت ثگيل

باهر:بس يمچ ابيع ثگل امداني ابيع ثگل على هالوجه الحلو

هزيت راسي لسانة فالت ميفيد وجريئ بشكل يخوف ميستحي بس حلو حبيت حسيتة يريد يزيح الخجل بيناتهم من اول يوم

لبسها الحلقة وطلع بدت هوسات الزلم برة وصوت زياد يلعلع
رجعو البنات يرگصون واني متحملت دخلت ارگص على كيف الرگص نقطة ضعفي لو ما بطني چان رگصتلهم هچع هم

راحو المعازيم وهوَ أصر يبقى وياها على انفراد قبل ليرحون للتصوير وكال ابقو لترحون لأن خالو بعدة عند ابوها

بقينة ننتظر احد يصيحنة اهلها حبابين
احنة اهل امي اغلبهم بدون حجاب وسافرات بس روزا اختارت تلبس حجاب برغم امها مو محجبة ومحد يتدخل بالثاني وعندهم رأي البنات مثل رأي الأولاد ماكو شي يختلف يسمعون للأثنين

وصلتني رسالة على الرصيد من باهر كاتب بيها
باهر:تعاليلي بسرعة

خفت سوالها شي باهر ميتأمن استأذنت منهم ورحت دگيت الباب عليهم فتحة ودخلني وسد الباب

دموع:شكو شبيك

باوعت لگيت روزا مدنگة راسها ترجف وتبچي رحت كعدت يمها
دموع:شكو شبيچ شسوالچ

باهر:شسويتلها ذبحتها لو حبلتها هيَ بوسة

رفعت راسها تبچي وتناشغ
روزا:شوف شسويت بشفايفي كلها دم واني اريد اروح اصور انوب يطلع دم بالصورة عيب عليك متستحي انتَ

تحچي بطيئ واني مادري اضحك لو اواسيها
دموع:اني جايبة كلينكس مرطب وياية مسحي شفايفچ وهسة اعدل حمرتچ كافي لابچين ليخرب المكياچ

طلعت كلينكس عادي من جيبي مسحت دموعها على كيف وعدلت مكياجها كلة رجع طبيعي وهيَ خطية فرحت

باهر:بوسة وطلع دم من شفايفچ سويتها قصة تالي شلون

خدودها حومرت من الخجل ضربتة على ايدة خازرتة وهوَ يضحك ساعدتها تلبس البرنص وطلعتها ويا وراحو للتصوير

واحنة دزولنة خبر نطلع زياد اخذ مرتة يمشيها يريدها تجيب وماكو حبلت قبلي من بداية زواجهم والفصعون مالتهم ميقبل يجي ويفضها

طلعنة ويانة وداد عيونها صارت على وهيب وهوَ يباوعلها بحيرة تقرب علينة وكف كدامها وهيَ رفعت راسها تريد تاكلة بنظراتها

وهيب:شلونچ كاجو

ميلت راسها بطريقة لطيفة
وداد:زينة حلوة الحفلة هواية تونست وخلي نعتبرها وداعية تذكروني بيها من اروح تمام؟

وهيب:مغيرتي قرارچ

وداد:ماكدر ابن عمي ديجهز البيت النة

وهيب:عمامچ مو أمان وهذا ابن عمچ ليش متاخذين بكلامي اذا على الشغل تلگين هنا هناك محد يمچ محد يحچي وياچ

وداد:مثل متعرفت عليكم اكدر اتعرف على الناس بس وهيب ابن عمي عذا يختلف عنهم كلهم ابو ميت ويكرههم لأن هم رادو ياخذون الورث مالتة وهوَ حباب

ابتسم وگرص خدها
وهيب:من استلطفتچ راح تروحين المهم هذا قرارچ وانتِ متأكدة من عندة الله يوفقچ كاجو

حركت نفسها وحچت بلطافة
وداد:ويوفقك عتوي الحباب

ضل مبتسم يباوعلها خوالي انتبهو والكسار هم بقو يبتسمون
راحو لبيتهم وهيب راح ويانة كعد بصف الكسار كدام واحنة ورة وطول الطريق يسولفون عن الحفلة انتبهت وهيب يحب يحچي ويا الكسار ويتناقش ويا وهالشي مو ويا الكل يحبة

وصلنة للبيت وداد اخذت اختها وراحت لبيتها واحنة دخلنة لبيتنة اكلنة من الي موجود بالثلاجة وبعدها الكل راح لغرفتة لأن تعبو اليوم

اني صعدت لوهيب دگيت الباب
وهيب:تعالي دمعة

ابتسمت يعرف دگتي دخلت مبتسمة معدت كدامة
وهيب:من مساع بحلگچ حچي احچي بوية احچي

دخلت بالموضوع گبل
دموع:خلي نخطبلك وداد

غمض عيونة وعدل كعدتة لزمت ايدة وحچيت
دموع:انتَ احچي وياها وفهمها على حالتك وبكيفها توافق لو ترفض نظراتك الها دتتغير

وهيب:ميتغير شي يمكن استلطفتها حبيت الجو مالتها مرحة وحبابة بس دموع احنة مستحيل نرهم

دموع:ليش مترهمون ليش تقرر من كيفك اخذ رأيها

وهيب:بس اتزوجها راح اطفي ضحكتها راح تتحول من انسانة مرحة الى انسانة تعيسة راح اقهرها اني مريض مرضي ميتعالج شلون اتزوجها دمع شلون اذا اتزوجها لازم اوافق حتى اشاركها حتى جسمي

تنهد مقهور
وهيب:بلا عصبت فقدت وضربتها؟ شلون اسامح نفسي بلا أذيتها بلا نومتها زعلانة ومقهورة بلا مادري بنفسي وخنگتها اني مريض افهمي دموع مريض نفسي اني عندي تقرف من العلاقات الزوجية شلون اتزوجها تبقى تباوعلي وبس هم تريدلها طفل هم تريد شخص يحسسها بأنوثتها واني بس اخذها راح امحي أنوثتها بسبب تصرفاتي

دموع:احچي اني وياها وافهمها بس اسمع مني هالمرة

وهيب:ماكدر اصير سبب لحزنها تستاهل واحد احسن مني واحد حلو وجهة مابي ندوب ولا جسمة مو مريض نفسي دارس وخريج مو خريج سجون وداد تستاهل الف خير واني ابد مو خير الها

دموع:لتحچي هيچ وتقهرني الرجال ميعيبة شكلة المهم انتَ صاحب نخوة وغيرة المهم اخلاقك مو مهم شكلك انتَ عندي اجمل شخص ماكو بحنيتك علية وعلى اطفالي اني بس ردت احاول اجمع بينكم

باس راسي
وهيب:لتتعبين نفسچ اني حاسم أمري زواج ما اتزوج ما ادخل بخطية بنية واخليها تعيش وياية تحت ضغط نفسي وقهر لتفكرين بهالموضوع روحي نامي وارتاحي وراح ادعي من كل گلبي وداد تنساني وتحب واحد احسن مني داخلة نظيف حباب دارس لأن تستاهل هالشي

هزيت راسي وكمت من عندة حسم كلشي بكلامة هذا تركتة براحتة خلص هوَ اعرف بنفسة يمكن صدك يتزوجها وتتأذة من عندة ليش ادخل بخطيتها تركت هالموضوع افضل الي ما اقبلة على نفسي ما اقبلة على بنات الناس

دخلت لغرفتي انزع الأساور چان الكسار يدخن ويكتب بالابتوب من البارحة مكال شي بخصوص موضوعنة تركتة يفكر

غيرت ملابسي لبست شي مريح واهم شي بطني تطلع لأن اذا انام وبطني عليها ملابس اختنگ

كعدت امسح مكياجي وهوَ يحچي بالتلفون بصمات
الكسار:رجعها للبيت يالأثول لتجيب عليك بالشارع كالو مشيها فترة بسيطة وكل شوي ترتاح مو تمشيها ساعتين بدون راحة تريد تموتها انتَ

شوي وسمعت صوت زياد مثل المستعجل
زياد:اكلك راح اصيح لروان تروح وياية وكع منها ماي يمكن راح تجيب

بسرعة كام وسحب ملابسة يلبس مستعجل
الكسار:اخذهاااا بسرعة راح تجيب يالأثووول عوف روان ما تلحگ اني اجيب دموع واجي واخلي غيث يجيب امة

سد التلفون وباوعلي
الكسار:مرتة راح تجيب تروحين وياية

كمت بسرعة سحبت صايتي
دموع:اكيد

لبست بسرعة واخذت مزيل المكياج وياية امسح باقي مكياجي بالسيارة
وصلنة للمستشفى زياد واكف يهز برجلة بس شافنة طفر خايف

زياد:دموع دخلي وياها الله يخليچ روان تتأخر

دموع:اهدأ انتَ اول شي اني رايحة واطمنك

رحت وگوة قبلت تدخلني الدكتورة سيلا تعيط بالروسي واسم زياد واضح مبين تغلط عليه لزمت ايدها اهديها تبچي وتعصر بيدي

ربع ساعة على هذا الحال طلعت روحها خطية يلا وكع الطفل بس شالتة القابلة ضل يبچي هرج المكان هرج بعد ابن زياد شيسكتة

امة فقدت الوعي محاسة بشي نظفو الطفل زين ولفو بالحضين وحطو بحضني چان كلش حلو جاي كلة وردي

تركتهم ينظفون امة واخذتة وطلعت لزياد
بس شافني عدل وگفتة وباوع لحضني خايف

زياد:هذا ابني؟

دموع:اي متشوف الملامح روسية بحت

زياد:سيلا وين

دموع:سيلا بعدها جوة ميصير تطلع هسة شنو متريد تاخذ ابنك بحضنك

ابتسم خليت الطفل بحضن الكسار وهوَ اخذة من ايدة حطة على صدرة وغمض عيونة منظرهم حيل حلو اخذة حتى يكمل الأجرائات

اجت روان هيَ وابنها سلمت عليها وعزيتها خطية حيل متغيرة وتعبانة
بقينة بالمستشفى 3 ساعات ضبط لحد مكملنة كلشي اخذو سيلا لبيتهم وراحو واحنة رجعنة لبيتنة ولأن اني اكره ريحة المستشفى يسرعة دخلت سبحت وطلعت

دخلت للغرفة انشف بشعري
الكسار:خلي نروح نسويلچ سونار حتى نعرف بنية لو ولد

دموع:اني حاسة ولد بس اريد بنية شلون

الكسار:اذا هالطفل ولد هم يعني ممقسوم تصيرلنة بنية

كملت ورحت للچرباية نمت على ظهري واباوع لبطني لحد مغفيت من التعب

مرت الأيام طبيعي وموضوعي ويا الكسار انسد عرفت هوَ رافض فكرة يعوف شغلة واني مستحيل ابقى ويا شخص يفضل شغلة علية تركت الموضوع وبقيت على قرار الأنفصال

باهر قرر يسوي زواجة ورة ولادتي وهمزين اريد ارگص بس كون عمليتي طايبة وداد بدت تجمع اغراضها وصارت تنقل الأغراض ويا ابن عمها شوي شوي صح راح افتقدها بس راح ادعيلها تصير احسن وتتحسن احوالها يمكن بعدها احسن من قربها دعيت الله يوفقها

زياد سمة ابنة كيفن علي لأن تجادلو هوَ ومرتك على الأسم هيَ تريد اسم اجنبي وهوَ عربي حلوها وسمو كيفن علي

دخل الكسار يرجف لزم وهيب وكال
الكسار:احتاجك بشي

كام وحط ايدة على صدرة
وهيب: اني جاهز لكلشي كول

دخلو خوالي حاوطو وهيب من كل الجهات بيديهم كلبشات خفت ركضت عليهم لزمت وهيب حيل

دموع:شكووو

الكسار:راح تدخل للسجن كـ متهم بجريمة قتل زوج اختك الي هوَ اني علاء هناك يعرفك ومن يعرف انتَ قاتلني راح يفرح ويكت الأول والتالي كدامك تگدر؟

وهيب:اكيد اكدر هالسالفة زلاطة عندي

فتحت عيوني على وسعها من طلع موس من بين لسانة وشخط جبينة وخدة ضل ينزف ونزل شخط ايدة

دموع:شدتسوييييي وهيبببب

ذب الموس ودخل موس ثاني لحلگة صدمني شلون اكو موس بحلگة ويحچي بأريحية بدون ميجرح نفسة

حضني على كيف وكال
وهيب:قابل اقتل بدون ما انجرح؟ اني قاتل الكسار مو شخص عادي

كال هيچ وضل يضحك
وهيب:شنو تردون تعرفون

الكسار:مكان حسن وين مدفون ومكان بنية مخطوفة صارلها 7 سنين نريد نعرف قاتلها لو شنو

ضحك ومد ايدة حطو الكلبشات بيديه وأشر الباهر
وهيب:بوكس واحد على خشمي بعد عمك

باهر تونس ضربة بوكس واني فاكة حلگي بصدمة خشمة نزف واخذو وراحو بقيت اباوع للموس وارمش بعيوني

دموع:ششوف منك بعد كل يوم تصدمني

بقيت انتظرهم رجع الكسار بدون وهيب وكال هالليلة حيبات هناك حيل ضجت بس يمكن يساعدهم

بليلتها منمت خفت احد يأذي انوب راح مجروح
ثاني يوم راح الكسار للسجن ومن رجع جاب وهيب ويا كلشي مبي بس حسيتة شوي مصدوم. والكسار ازيد من عندة

دموع:شصار

بلع ريگة واني اسمع صوت شرطة بالباب عاف وهيب يمي وطلع من البيت باوعت للكاميرات شفت علاء موجود لابس ملابس مال متهمين وبصفة شرطة هوااااية دخلو لبيتة

دموع:وهيب فهمني؟

وهيب:صدمة دموع صدمة وقهر

دموع:شصار

هز راسة بقهر وكال
وهيب:حسن اخو رجلچ يمكن مدفون ببيت علاء هنا هوَ كال دفنتة بوسط الحديقة وچان يضحك ودافن ويا بنية عمرها 17 سنة وهالبنية بنتة اجو الشرطة يبحثون ماعرف شسوي من يمي انقهرت طول هالسنين ميت يم الكسار وهوَ ميدري

هوَ يحچي واني اضرب على خدي
دموع:هوَ حسن شجابة الهم

وهيب:ماعرف كل الي كالة الية حسن اجة لعلاء قبل 4 سنوات ونص حتى يساعدة يرجع للعراق لأن چان بغير دولة وحظ حسن الي ابد مو حلو طلع هالشخص يعرف الكسار ويعرف حسن ويريد ينتقم من رجلچ بي وقاتلة وهسة نريد نتأكد اذا دافنة هنا لو لا هسة رايح وياهم

طلع وياهم واني كعدت اضرب على رجلي
دموع:سودة علية راح يتدمر اذا صدگ دافنة هنا ياربي ساعدة

اني بس اباوع بالكاميرات اشوفة واكف باهر لازمة منا ووهيب منا يريد يدخل بس ميخلونة حسيت حيلة مهدود بشكل مو طبيعي

خالو جابلة مي شرب وضل واكف
لحد ما اجة واحد من الشرطة ماعرف شنو كال والكسار دفعهم عنة وركض جوة صرت اشوفة بالحديقة يضرب على راسة مكدرت اتحمل طلعت لبست ومديت راسي اباوع من الباب واسمعة يصيح

الكسار:حسننننن هناااا مدفووون يمييييي ومادريييي حسننن هنااااا

گلبي انمرد مرد
طلعو الشرطة اشياء حاطيهن باكياس واخذوهم حتى يسوون فحص واكيد هسة يحتاجون غيث لأن الوحيد الي يحمل دمة

راحو كلهم للمستشفى وراهم وخابرو غيث هم
ردت اسد الباب وشفت نفس الشخص الي شفتة هذاك اليوم بس هالمرة جاي بأتجاهي بسرعة سديت الباب خايفة واسمعة كال

:اوكفي دموع اسمحيلي احچي وياچ على الأقل

عگدت حواجبي هذا منين يعرفني عفتة يصيح ودخلت للبيت لحد ما مل وراح
ساعتين واجة الكسار ساندينة وهيب وباهر بس صافن والتعب احتل وجهة

دموع:شصار

وهيب:اخذو الحمض من الجثة ومن غيث ابنة وسوينة تسريع حتى تطلع النتيجة بالأكثر اسبوعين ونعرف اذا هذا حسن لولا

باوعت للكسار لزمت ايدة ونزل عيونة علية
دموع:ان شاء الله هاي جثتة حتى يصيرلة قبر ونزورة الله يرحمة

حچة بشرود
الكسار:دموع هذا هذا اخوي اي اخوي شگد شفت جثث من چنت ادورة بس ولا جثة رفلها گلبي اليوم گلبي اشتعل نار هذا حسن اي اعرفة حسن

نزلت دموعي على حالتة ورفعت نفسي حضنتة
دموع:كول يا الله لتأذي نفسك

وهيب:دموع خلي نصعدة ينام لأن انطو مهدئات شوفي گوة يمشي

هزيت راسي اخذو صعدو للغرفة واني وياهم مخليت الأطفال يشوفون ابوهم بهالحالة ماريد ينقهرون
تمدد على الچرباية وغطيتة

باهر:ابقي عندة لتعوفي هوَ حيل محتاجچ

دموع:اكيد ما اعوفة لتشيل هم

طلعو من الغرفة طفيت الضوة وتمددت بصفة اخذت راسة بحضني
الكسار:دموع دافنة هنا صار 4 سنوات ومادري واني اكول ليش يجيني بالحلم ويكول بطلت تدور علية واني قريب طلع يمي

دموع:هالشي مقدر يصير لتأذي نفسك هسة من لگيتو حيرتاح

صرت احس بدموعة تنزل على صدري
الكسار:يمة ولدچ ماتو بقيت بس اني
يمة عينيني يمة راح مَلك وراح حسن بقى بس غوث

دموع:اسم الله عليك هذا اختار من ربي حاول تنام وترتاح

امسح بدموعة وهوَ دفن وجهة بصدري وغفى بس گوة يتنفس مخنوگ ومتعوب متحركت من مكاني خليتة ينام بهدوء بدون ما افززة

لحد المغرب فتح عيونة وضل هادئ دقايق وحچة
الكسار:حسن اجاني يضحك حضني دموع وحضن غيث بس چان بيدة طفل راد ياخذة ورجع حطة بحضني الطفل مچان عادي ابد عيونة زرگ وشعرة ذهبي يشبه ابن زياد بس مچان ابن زياد ما اتذكر شنو كال بس اني مرتاح دموع اخوية الي ارتاح من لگيتة

دموع:الحمدلله يروحي الحمدلله متأكدة هسة ارتاح

هز راسة كام من حضني مبتسم راح يغسل وجهة واني نزلت بسرعة جهزتلة اكل على السريع وصعدتة اله فوك كعد ياكل بدون نفس

بس كمل نزل الصينية وراح يشوف الأطفال
وبعدها ضل طول اليوم يقرا قران

مرو يومين ثانيات بعد يومين ووداد تسافر
باليوم الثالث كاعدين العصر الكسار صافن والأطفال يلعبون

اندگ الباب راح الكسار يفتحة شوي وگلت العيطة
الكسار:لاااا ما تجيييي فهمتتتت لا دموع ولا وهيب محتاجيكمممم لو مو تجيب الشرطة هم ما تشوفهمممم

لبست حجابي وركضت لگيتة لازم نفس الشخص الي اشوفة يريد يضربة وهيب نزل مفاهم شكو

الكسار:رووووح مناااا دمووع دخلييييي جوةةةة

دموع:شكو منو هذا اكثر من مرة اشوفة

باوعلي بخزرة ارتديت ليورة
الكسار:دخلييييي لا ادفنچ

:لا متدخل اريد احچي وياها عمامي دزوني عليها وعلى اخوها

رفع ايدة وضربة بوكس بنص وجهة وهذا دفع الكسار ووجه كلامة النة
:اني سيف ابن عمچ اجيت بس احچي وياكم

من سمع وهيب هيچ فار دمة تقرب لزمة من ملابسة
وهيب:المطلوب؟ شكو جاي مو نفسكم الي اجيت اتوسل بيكم بس حتى تحمون خواتي ورفضتووووو؟

سيف:بس اني معلية اني چنت صغير وما اعرفكم حتى ابوي وعمامي تبرو من ابوك ومچانو يردوكم بس هسة صحى ضميرهم يريدون ينطوكم ورثكم كامل بالقانون وهذا حقكم انتو

وهيب:منريد شي منهم روح منا يلا ولترجع لأن بس اشوفك لو اشوف شخص من طرفك راح اقتلكم خلاص

تركة وهذا تنهد
سيف:هسة اني شعلية حتى خشمي كسرتو

الكسار:بنفسي رحتلهم اهلك علمود البنات طردوني من الباب هسة تذكروهن روح ولترجع دموع ووهيب عايشين احسن عيشة وكلنة وياهم واذا اكو شي بالقانون الهم فـ راح ياخذو بالقانون

هز راسة وراح يمسح بالدم الي بخشمة كسر خاطري هوَ شعلية
دخلنة للبيت ردت احچي وعاط وهيب

وهيب:اشششش ابد لتكولين خطية عمامچ انذال بقو يلعبون بالفلوس وشردو للخارج حتى يحمون سمعتهم من سياف برغم توسلت بيهم بس يحموكم انتِ وفرح ورفضو وراحو للخارج وهسة بعد ما اني صرت مجرم ومريض نفسي وفرح ماتت وانتِ تأذيتي يردون نشوفهم وناخذ حقنة لوووو بس مكملين فلوس البيت وماخذكم وطالع چان مصار كل هذا بس همَ السبب وذنبنة برگبتهم حالهم حال سياف ومرتة

هزيت راسي وسكتت
اندگ الباب مرة ثانية وهيب كال سيف رجع وركض فتح الباب صارت كدامة وداد بسرعة نزل ايدة وابتسم

وهيب:ها وداد

وداد:جبتلكم كيكة واودعكم راح نطلع

اختفت ابتسامتة ومد راسة باوع للباب بيتهم رجع ابتسم
وهيب:مودعة بالرحمن كاجو

خلت الكيكة بيدة واجت مريام تحضن بوهيب
وداد اجت حضنتني وبچينة اني وياها

دموع:حشتاقلچ ولچ مو تگطعين بية

وداد:كل يوم اخابرچ ومن تولدين اجي اشوفچ

راحت بوست الأطفال وودعت الكل واخت اختها للسيارة حتروح ويا ابن عمها وهيب ضل واكف يباوع للسيارة ويدخن واني جبت مي شمرتة وراهم

وراحت وداد وصارت المنطقة ابد مو حلوة....

.

يتبعع

ضيفو حساب الانستا وقناة التلي