رواية الكسار (سلاسل الغوث) الفصل الثاني وثلاثون 32 - بقلم لـ ميامي

وهي حيرهَ ، وجهي درتهَ
بس إحساسي شلون أديرهَ !

قراءة ممتعة 🤍
......................................................

دموع:بعدني مفتهمت شي بقيت صافنة عليهم رجع كال الكسار

الكسار:شوفي سلوى مو چانت متزوجة قبل ابوية مو كلتلچ؟ من چانت متزوجة صار عدها ولد وهذا ابنها وقصة طويلة

:يعني اخوك؟

الكسار:يعتبر اخوية بس مو اخوية اخو اخواني

ضحكت من افتهمت
:هاااا يعني مو اخوك لا من امك ولا من ابوك بس ابن مرت ابوك مو

الكسار:بالضبط بس احسة قريب علية اكثر من اخواني الي من دمي

شهاب:حبيبي والله ابو اياد الغالي

باوعلة من فوك لجوة مستهزء بي ودفرة برجلة
الكسار:متوازي مسمي ابني اياد عود انتَ سمي ابنك هاشم

هز ايدة وتفل بالأرض مثل الي لعبت نفسة
شهاب:ابني اسمة لهب حبيبي

رفع ايدة الكسار للسماء وكال
الكسار:الله يحشركم سوية كول امين

شهاب:ويحشرك ويانة يلا رايح انا وراي شغل قبل لاتجي مرت ابوك لو اخوانك مالي خلگ

الكسار:امك ترة؟

باوعلي ورجع باوع للكسار لعبانة نفسة
شهاب:امي بالبيت يلا مع السلامة اودعناكم

ودعة واني مثل الأطرش بالزفة اجة يمي گرصني بأيدي وكال
الكسار:شلون تطلعييين

دفعت ايدة متأذية
:اوووويي شبيك تگرص عقرب عقرب انتَ؟ بعدين چنت اريد اكلك جيبلي گيمر وكاهي بس بعد ماريد منك شي مزاعلتك

تركتة ودخلت للبيت شفت مرت عمة تعلچ وتباوعلي بستهزاء رفعت حاجبي وباوعت للأرض جوة رجليها وعطت اطفر

:عزااااااا حيييييية حيةةةةةةةةةة

طفرت تعيط وتنكت بملابسها عدلت حجابي وكلت ببرود
:يا هاي انتِ طلعتي

بقت صافنة بوجهي ولازمة گلبها رفعت راسي بغرور وعبرت من يمها عود اريد اعبر انوب دعمت بشخص بس مو شخص حديدة وجهي احسة انطعج

:اخخخخ شبيييييك

اجاني صوتة يهز بأيدة
زياد:وجع باوعي كدامچ همزين ما احترگتي وتعال ياعمي شايلنة

باوعتلة مجهزة لساني بس بسرعة درت وجهي چان بطرگ الشورت
:عزا العزاك وين كاعد بتركيا ودتتمشى هيچ اكو بنات هنا اخوات غوث وبنات عمك عماد ونسوان عمامك ميصير احد يشوفك هيچ

زياد:دموع مو محترمچ وخري من يمي لا اصب الچاي على راسچ وجهچ انطبعت الوانة بصدري وكسرتي قفصي الصدري غير تنتبهين الجگارة حرگت ايدي

عبرني وراح للسنگ باوعتلهم اهز بأيدي
:ما شاء الله البيت مليان حياية

اثنينهم باوعولي بخزرة طفرت لفوگ الكسار ماكو اذا يكدرون يضربوني براحتهم

بقيت بالغرفة مالتنة جوعانة اريد ابچي من الجوع وهو مادري وين راح
كمت للمطبخ فتحت الثلاجة چان اكو بيها جزر طلعت وحدة وكعدت على الطاولة حاطة ايدي على خدي واكل بيها

داكل بيها ودخل الكسار بيدة علاليگ ومبتسم نزلت عيوني عنة
الكسار:جبتلك گيمر وكاهي وليدي

باوعتلة بعين ونص وكمت جبتلي جزراية ثانية
:ماريد خلي الك

اخذها من ايدي وراح حط الچاي على النار وجهز الريوگ حطة على ميز الطعام واني مسوية نفسي ممهتمة بس بداخلي ميتة جوع

كمل الچاي وصب كوبين وكعد بصفي
الكسار:يلا تفضلي دتقرين الفاتحة؟

درت وجهي عنة سوالي لفة صغيرة وقربها لحلگي
الكسار:يلا فتحي حلگج الكاهي حار يلوگ لحلگچ اكلي ليبرد

متحملت فتحت حلگي واكلتها وقبل ليسحب ايدة عضيت اصبعة بقوة عبالي يهتم بس ولا اهتم ابتسم وباس اصبعة الي عضيتة قهرني بس چانت بطني اهم اكلت لحد مشبعت

انتچيت على الكرسي اطبطب على بطني
:شبعت

ابتسم وهمس وهو يلعق شفتة
الكسار:بالعافية يا عافية الكسار

باوعتلة بخزرة
:مو عبالك ناسية الگرصة؟

ضحك بخفة وشرب من الچاي
الكسار:ابوسها؟

رفعت ردن الدشداشة ومديتلة ايدي بدلع
:شوف شلون حمرة هسة تصير زرگة

دنگ باسها وتقرب نزل الدشداشة من يم كتفي وباس كتفي بشفايفة الحارة كتمت انفاسي متوترة رفع شفايفة ورجع باس عظمة كتفي

مادري شبية أي حركة من عندة داتأثر بيها
فززنة صوت زياد بسرعة رفع ملابسي وعدلهم واحس وجهي مشتعل نار

زياد:ادخل لو الوقت محظور؟

حك ارنبة انفة وكال
الكسار:تعال ومرض

دخل واني سويت نفسي اشرب چاي اجة كعد بصف الكسار وحط بأيد الكسار أبرة

رياد:اضربني حتى اروح للشغل

شفت الكسار حط الأبرة على الميز وسطرة راشدي من الصدمة طلع الچاي من خشمي

عاط مصدوم
زياد:شبيكككك تخبلتتتت؟

گال وهو كاتم ضحكتة
الكسار:غير كلت اضربني وهاي ضربتك؟

دفر الكسار
زياد:اقصددد الأبرة خدي انشل

ضحك الكسار واخذ الأبرة وضربة بأيدة وهو ياكل ولا مهتم عزم نفسة خلص الكسار وهو باوعلي وكال

زياد:كومي صبيلنة چاي شكد فگر

بدون ولا كلمة كمت صبيتلة چاي وكعد ياكل كام الكسار وكال
الكسار:اني رايح اسبح عندي شغل بالبيت اذا خلصت لتروح عندي كلام وياك

هز راسة الكسار راح للحمام واني رحت للغرفة طلعتلة ملابس ومنشف خليت ملابسة على الچرباية واخذت الداخليات والمنشف للحمام دگيتة ثواني وفتحة ماد راسة بس شافني طلع صدرة كلة رفعت حاجبي وكلت

:دتسويلي اغرائات بصدرك لو شنو؟

ذبلي بوسة بالهوى وكال
الكسار:لا داشوفچ عضلاتي

مديتلة لساني وخليت المنشف بأيدة تركتة ورحت للمطبخ من دخلت استوقفني صوت زياد يشعر

زياد:يابو ثوب المغفل ضدك القانون
بيبانك دلع والقاصة قطعة خام
شفت كنزين عندك اني عيني تبوگ
سد شباك زيجك راح اكسر الجام
رمانات موت وبيك مزروعات
كتلني ومتت وانصب بية خيام
ماعندي دليل واخاف اتهمك بي
كشفهن عليمن لابسات الثام

بقيت استمع مفاهمة شنو چان شعر مُبطن
دخلت للمطبخ وهو حك راسة وعدل كعدتة سويت نفسي ارتب بالمطبخ ثواني معدودة واجاني صوتة

زياد:تدرين چان عبالي الكسار ماخذچ هيچ علمود غاية بس طلع يحبچ

التفتت علية ممفتهمة زفر دخان جگارتة وكال
زياد:تدمر بغيابچ نوم مينام 3 ايام نريدة ينام وماكو اخر شي احتاج ابرة تنومة شفت حجم كسرتة بيچ تخيلي وهو مصاب طلقتين بايدة اليسار والثالثة برجلة وما اهتم لألمة ابد

نزلت راسي اتنهد ورجعت رفعتة
:يعتي تأذة هواية؟

زياد:فوك متتصورين ايدة تنزف والدم صار يوكع بالأرض ودايخ بس متركچ أي مكان نشك بيچ موجودة بي يروحلة متحزم بهذا الشهر بس 7 بطالة دم تحولت لجسمة لأن خسر دم هواية

بس ذكر الدم لعبت نفسي احس زفرة الدم ضربت بخشمي حطيت ايدي على حلگي وركضت للحمام چان الكسار هستوة طالع دفعتة ودخلت للحمام ذبيت كُلشي بمعدتي

تلفت ملابسي ونفسي الكسار واكف وراية يمسح على ظهري
ذبيت كلشي يلا ارتاحيت ردت اطلع مخلاني رجعني للحمام

الكسار:وين طالعة تلفتي نفسچ اسبحي حتى اخذچ للدكتورة وضعچ مو تمام اخاف بيچ شي

بلعت ريگ وحچيت بالسان ثگيل
:لا م ماريد لأن الگيمر دسم هواية واكلتة مبية شي

سكت عني راد ينزعني الدشداشة بس لزمتها
:اني انزع روح

دفع ايدي وكال
الكسار:انتِ روحچ متكدرين ترفعيها انوب ترفعين الدشداشة وخري

مكدرت احچي شي نزعني ملابسي راد يسبحني رفضت طلع جابلي ملابس علگهم الية وطلع من الحمام واني سبحت زين ومعدتي تحرگني

سديت المي وهو بدون لا احم ولا دستور دفر الباب ودخل مكدرت اكول شي نشف جسمي بالمنشف و لبسني ملابسي ولف المنشف على شعري وشالني اخذني للغرفة كعدني على الچرباية وراح جاب مشط مشط شعري وباس راسي بعمق

الكسار:يلا لبسي حتى نروح

تمددت على الچرباية وتغطيت
:ماروح لمكان مبية شي اريد بس ارتاح

سحب الغطة مني وكال بحدة
الكسار:دموووع كومي متشوفين وضعچ شلونة؟

بس تغيرت نبرة صوتة علية حطيت ايدية على وجهي وبچيت حسيتة حضني يبوس براسي

الكسار:شبيچ هسة اني شحچيت داحچي علمودچ

دفنت وجهي بصدرة اناشغ
:ماريد اروحلها تنطيني علاجات وأبر

صار يمسد على راسي يتنهد
الكسار:وليدي حبيبي لعد غير اذا مريضة لازم علاج حتى تطيبين يلا حبيبتي اسمعي الكلام وخلي نروح

دفعتة عني وخليت وجهي بالمخدة ابچي بحرگة عبالك خاني لو ضربني
:ماروح والله ماروح انتَ كُلشي عندك جبر لو باقية مخطوفة ولا راجعتلك اخذني لخوالي ماريدك اني غلطانة رجعتلك

چان ساكت ولا نطق كلمة
حسيتة تمدد يمي وحضني من ورة بقوة وايدة على خصري

همس وانفاسة تضرب رگبتي من ورة
الكسار:شبيچ يشريان عيني

زدت بالبچي احس گلبي نار بس ماعرف على شنو
باس شعري المبلل

الكسار:ما اخذچ بعد بس اذا رجعتي تعبتي اخذچ

التفتت صار وجهي بصدرة رفعت راسي اباوعلة مبرطمة
:لتجبرني بعد اكرهك هيچ

طبع بوسة سطحية على شفتي وابتسم بقلق
الكسار:بعيوني يبعد رمشهم

ارتاح گلبي رجعت وجهي بصدرة غمضت عيوني من اشتميت عطرة صرت اغمض عيوني وارجع افتحهم مثل السكرانة

فتحت ازرار قميصة وخليت وجهي بجلد صدرة اتنفس بعمق
صرت اطبع بوسات على صدرة وهو اصابعة تغلغلت بشعري صرت اسمعة وهو يبلعم

غفيت واني اشتم بعطرة
بعد فترة فتحت عيوني ملگيتة گلبت عيوني بأنزعاج كمت غسلت عيوني چانت حتى جوة ماكو صوت استغليت الفرصة دخلت للغرفة وقفلت الباب وركضت لتلفوني اتصلت على وهيب

ثواني معدودة وجاوبني
وهيب:الو دمعة؟

غطيت راسي وحچيت بهمس
:شلونك وهيب

وهيب:زين اني انتِ شلونچ رجلچ وينة؟

:اني زينة والكسار ماعرف طلع

من عرف طالع أمن صرنة نسولف اطمئنيت علية يلا ارتاح گلبي
فزيت وجسمي رجف من سمعت صوت الباب يندگ

حچيت بهمس
:وهيب حروح يمكن اجة

وهيب:زين بس مسحي سجل المكالمات

ودعتة ومسحت سجل المكالمات وسويت الوضع طبيعي ورحت فتحت الباب صار بوجهي الكسار لازم كتفة متأذي عبرني ودخل يفتح بقميصة بأيد وحدة

تقربت افتح بقميصة مستغربة
:شبيك؟

عصر عيونة وكال
الكسار:بس فتحي وروحي لبسي شي راح يجي زياد يغيرلي الضماد كتفي نزف

بلعت ريگ خايفة نزعتة القميص ورحت لبست دشداشة وحجاب فوك ملابسي لأن چنت لابسة قصير

رجعتلة خايفة
:ليش نزف مو چنت مبيك شي

ابتسم وحط ايدة على خدي
الكسار:ماكو شي حبيبي لتخافين بس انضرب كتفي بالباب هاي سحير الليل متعمدة تفتح الباب علية بس خلي تصبرلي

بس كال هيچ عصبت عضيت شفتي بغضب وردت اروحلها
:لا يا خفاشش اليييييوم اموتهاااااا

اريد اطلع بس سحبني من خصري بقوة مانعني
:وخر وخر دتتمادة متحترم شيباتها وخر كسريييييي

باس راسي يضحك
الكسار:عوفيها تولي هسة شوفي شنو راح اسوي بيها بس صبري

وكفت اهز برجلي معصبة 
دقايق واندگ الباب رحت فتحتة دخل زياد

زياد:السلام عليكم

ردينة السلام راح الكسار كعد على الچرباية وزياد فتح الضمادة القديمة غمضت عيوني من شفت جرحة عقمة ورجع لفة

بهالأثناء نزل شي حار من خشمي عگدت حواجبي وتلمست خشمي وانخمش گلبي من شفت دم بأصابعي

طلعت من الغرفة حتى ليشوف الكسار رحت للحمام غسلت والمي چان بارد بسرعة گطع الدم

استغربت من نفسي هاي شبية ولا اريد اروح للطبيب فضلت السكوت سويت الوضع طبيعي ورجعتلهم مبتسمة

لكيت زياد مكمل الكسار بس اجيت غمز للكسار وكال
زياد:على كيفك غوث جروحك متأذية متوازي

عگدت حواجبي والكسار دفرة برجلة وخازرة
الكسار:تنلصم لا الصمك عار

سوة حركة ماعرفت شنو هي الكسار فتح عيونة على وسعهم وهو ضحك بصوت عالي وطلع يركض

الكسار:فد عار وسرسري

تقربتلة ممفتهمة
:شنو هاي الحركة شسوة مفهمت

باوعلي بتورط
الكسار:انسي معليچ

رفعت حاجبي سويت نفس الحركة بدافع الفضول بسرعة لزم ايدية عاصرهم

الكسار:بنت الكلب كلتلچ انسيييييي الله ياخذك زياد العار اني فشار ما افشر كدامها قليل حتى لتتعلم

دفعت ايدة متأذية
:شبيييك أذيتني

خزرني وكام للكنتور طلعلة غير قميص واجة خطة بأيدي
الكسار:عيب همزين ماكسرت ايدچ الچ لزمي لبسيني

سكتت لأن مبين ضاج لبستة القميص وصرت اسوي الأزرار خليت الفوك مفتوحات وحطيت وجهي بنصهم صار وجهي بصدرة

حط ايدة على الورك وجذبني لناحيتة اكثر
الكسار:وضعچ غريب بس حبيتة

رفعت راسي اباوعلة بخمول
:كسر اعتقد داحبك

صفن بوجهي ممصدگ كلامي
الكسار:دموع!

تعلگت برگبتة واخذت شفايفة بهدوء واني مغمضة عيوني حسيت نفسي عندي جناحات وداطير

ابتعدت عنة انفاسي سريعة وهو يباوعلي بذبول لعق شفتة السفلية ومشة ابهامة على شفتي

حط گُصتة على گُصتي وهمس
الكسار:حبيت تغييرچ وجرئتچ ابقي هيچ حبيتچ

وكفت على اطراف اصابعي وخليت وجهي برگبتة ابوس بيها
محسيت على نفسي لحد مسحبني يمسد على راسي

الكسار:دموع شبيچ دتخوفيني عليچ من شوكت انتِ تبادرين بهيچ شي

رفعت راسي اباوعلة وعيوني مليانة دموع
:م ماعرف شبية داسوي شي غلط اني مو ميصير اسوي هيچ

حاوط وجهي وطبع بوسة على ارنبة انفي
الكسار:لا مو غلط اني زوجچ وكلشي مباح بيناتنة بس وضعچ مو تمام

نزلت راسي كلامة صح ماعرف شبية رفع راسي بايدة وكال
الكسار:اكو شي ضامتة عني؟

بهت وجهي وراح بالي لوهيب هزيت راسي بلا
الكسار:دموعي اذا اكو شي احچي قبل ليفوت الأوان

ابتسمت اخفي توتري
:معندي شي اكولة بس انتَ دتشك بية؟

رفع حاجبة مستغرب
الكسار: اشك بيچ بشنو؟

:عبالك مغتصبيني مو ص...

قبل لا اكمل سد حلگي خازرني
الكسار:مچان هذا قصدي لو مليون شخص شهدو ضدچ اكذبهم واصدكچ انتِ تربايتي المهم انسي يلا ننزل

:ليش ننزل؟

ابتسم ابتسامة خبيثة وكال
الكسار:نتغدة جوة اليوم

هزيت راسي چنت جوعانة ومسويت غدة
لزم ايدي ونزلنة جوة چانو ابو واخوانة كاعدين سوية ابو حاط اخو ويمسح على راسة اباوعلة ضل صافن عليهم مثل المقهور من شي عصرت ايدة بقوة وتقربت همست

:اني يمك كسوري اذا اهلنة مبيهم خير نصير اهل لبعض

باوعلي مبتسم وسحبني كعدنة كدام ابو بالضبط الكسار حط رجل على رجل وكال بصوت عالي

الكسار:اني اليوم عازم نفسي اتغدة هنا وجوعان صبو غدة بسرعة

ابو رفع راسة يباوعلة
اياد:شعجب اليوم؟

الكسار:عاجبني اتنقل ببيتي عندك مشكلة

سكت ابو يستغفر شوي واجت اختة
ورود:بابا ماما تكول تعالو تغدو

راد يكوم وكال الكسار ببرود
الكسار:اني ومرتي مبينة نكوم كولي لأمج ومرت عمچ ينقلون الغدة هنا

صدك راحت واسمع سلوى تدردم وصارو ينقلون الغدة بالصالة وروان ميتة ضحك لزمتني الضحكة مادري شبية استحيت اضحك

تربعنة اني والكسار سوية وكعدنة ناكل ممهتمين وزياد كاعد كدامنة عينة على صحنة مبين ضايج من شي

شوي وكال الكسار بعد اهتمام
الكسار:اي يابة نسيت ماكلتلكم نريد أجار للبيت بعد

كلها تركت اكلها وباوعولنة مصدومين واني انصدمت اكثر

اياد:شبيك تخبلت؟

اكل لكمة ورد
الكسار:ماريد تكعدون ببلاش متستاهلون

اياد:غوث ترة زودتها البيت وسجلتة بأسم مرتك وسكتنة وهسة تريد فلوس أيجار من عدنة هالگد مرتك مخوفتك ومشية كلمتها عليك؟

رفع ايدي باسها كدامهم وكال ببرووووود
الكسار:فديتها ماكو منها مرتي بس مرتك دتزعجني

شهگت وضربت على صدرها
سلوى:شمسويتلك انييي

رفع حاجبة واخذ دولكة المي صبلي بگلاص وحطة بأيدي
الكسار:لا ابد ممسوية شي لعد وخباثتچ ويا دموع وخباثتچ وياية البارحة صاعدتلها تلغين وقبل شوي من رجعت فتحتي الباب ورجعتي طبگتي من شفتيني وانضرب كتفي

نزلت راسها انتبهت ابو خزرها الكسار اكل لگمة وكال بأستفزاز
الكسار:تأكدت انتِ راضعة سم مو حليب شكد مسمومة متكليلي

بقت ساكتة بنتها ورود انزعجت وكامت وزياد وروان يضحكون

اياد:بعد متسوي شي سامحها اني منيلي ادفع أيجار

الكسار:افكر عود

عيشهم بقلق اني انزعجت شوي بالنهاية اهلة هذول ميصير هيچ
كام زياد يدخن ويغني واني كملت اكلي والكسار يجيب ويحط كدامي لحد مشبعت تقربت همست بأذنة

:كسوري رايحة اغسل

الكسار:تمام ومو تصعدين رجعيلي

هزيت راسي وكمت طلعت برة لأن الصحيات والمغاسل بالطابق الجوة كلها برة رحت للمغسلة اغسل ولفت انتباهي صوت همس

عگدت حواجبي چان اكو ترك بصف المغاسل
مديت راسي اباوع شكو وانصدمت من الي شفتة

زياد واكف وبنت عمة هو والكسار واكفة كدامة وقريبين على بعض وهي تمشي ايدها على ايدة تصعدها وتنزلها

هو يدفعها وهي تتقربلة اكثر وتحاول تبرز صدرها كدامة
خليت ايدي على حلگي مصدومة من كمية القرف بقيت اسمع الكلام الي دار بينهم

زياد:سارة وخري شبيچ

تجاوبة وهي تتقربلة اكثر
سارة:شبيك وياية مو اكلك احبك اني بنت عمك واريدك

دفعها بقوة وكال بغضب
زياد:اني ماريدچ واقرف منچ ماحب الرخيصات

نزعت حجابها وفتحت سحاب ملابسها لحد الصدر وخلتة كدام زياد وهو صار يبلعم ويحاول يهرب عيونة

سارة:اني الك شنو تريد سوي بس تزوجني قابلة بكلشي اريدك

تركزت عيونة على صدرها من حس على نفسة غمض عيونة يستغفر
زياد:وخريييي انتِ شيطان رجيم بكل مرة تحاولين تغريني اتقرف منچ اكثر عوفيني بحالي وافقي على ابن خالچ

حضنتة تبچي
سارة:ماكدر اني روحي بيك شلون اتزوج غيرك

دفعها على الحايط وخنگها من رگبتها
زياد:اني واحد بايعها بس انتِ متستاهلين اعصي ربي علمودچ عصيتة بالماضي ما اعيدها اذا عدتيها اكول لأهلچ ومحمد مللتيني اكول بنت عمي ولازم اتستر عليها بس كااااافييييي 

رادت تحچي بس سطرها راشدي سكتها
شفتة تحرك سريع يريد يطلع اني احتاريت وين اروح عود ردت اشرد من التوتر رحت بتجاه الترك انضربت بزياد

ابتعدت اباوعلة چان فاتح عيونة على وسعهم بلعت ريگ وتركتة ورحت جوة كعدت على القنفة افكر بالي شفتة وسمعتة عقلي انفر كام الكسار غسل واجة كعد يمي ودخل زياد ورة باوعتلة لگيتة يباوعلي بحيرة

نزلت راسي عنة وتقربت للكسار
:كسوري خلي نصعد ننام

الكسار:نعستي؟

هزيت راسي كام ولزم ايدي عبرنة كدام زياد واني عيوني عليه مال راسة يباوعلي بتوسل مبين ميريد اكول للكسار

صعدنة فوك نزعت الدشداشة بقيت بالتراك القصير رحت تمددت على الچرباية افكر فزيت من سحبني الكسار لحضنة

الكسار:شبيچ صافنة؟

خليت فكي على صدرة اباوعلة
:اكلك سولفلي على شهاب ليش ميريد امة

ابتسم وباوع للسقف
الكسار:شهاب اخخخ شهاب سالفتة سالفة سمعي كلتلچ اني ابوية چان يحب بنت عمتة الي هي سلوى بس سلوى تزوجت من ابو شهاب وجابت شهاب ورة ولادتها بيوم تركت شهاب عند ابو (المريض النفسي) ورجعت لأهلها

شهگت اهز براسي
:شلون كدرت

الكسار:بعد كدرت المهم بس تطلگت ابوية طلگ امي اني چان عمري 10 سنوات وتزوجها تعرفين الي صارلي اني  وشهاب ضحيتهم صرنة شهاب سنتين تربى عند بيت عمة مرت عمة خوش انسانة رضعتة من صدرها بس بعد هالسنتين ابو تزوج ورجع اخذة حتى مرتة الجديدة تربي وهمزين هم طلعت خوش انسانة وخافت الله بي بس ابو چان ينظرلة على انُ هو عدوة عذبة بكلشي ضرب حرگ خنگ حبس يعني انواع التعذيب طبقها عليه كبر شهاب وحقد على ابو وأمة الي هي سلوى حتى ميريد يشوفها تخيلي من ولدتة لهسة مشايفها ولا هي شايفتة

:الله لينطيهم چان بعدة طفل شلون گدرو يفرطون بي زين انتَ شلون عرفك

الكسار:ابو وياية چان بس رتبتة عالية قرة اسمي وعرفني أبن اياد الي اخذ طليقتة وطبعاً شد وياية كلش هناك تعرفت على ابنة چان الوحيد الي يخوفة هو أبنة تحسي اخذ جبروت ابو چنت اشوف هاشم يتراجف من شهاب لأن شهاب كبر وصار قوي صح عندة سوالف مكسرة بس ونعم من عندة بصراوي أملح دمة حار

:زين هو متزوج؟

الكسار:رافض هالفكرة يكول الوحدة تونس تدرين اسولفلة عن امة بس ولا يرف گلبة عليها عجيب شكد حاقد عليها وعلى ابو

:بس مبين من شكلة حنين شلون يحقد؟

ابتسم يمسح على صدرة
الكسار:حيل حنين وماكو احن من عندة بس حقة يحقد عليهم دمرو حياتة

كعدت ارفع بشعري
:زين كسوري مَلِك شنو يصيرلك

غمض عيونة يتنهد
الكسار:مَلِك اخوية بالرضاعة وصديق طفولتي هو وحسن مَلِك يتيم اهلة ماتو وعمامة رغم موجودين بس تخلو عنة وهو عمرة اشهر لگتة امي الحقيقية بالشارع وشكد دورت على اهلة ومن وصلت لعمامة طردو ف سلمتة للحنينة رضعنة اني ومَلِك وحسن من نفس الصدر چانت تعوز على ابنها وتشبعنة رغم اني اهلي وامي موجودين بس مشافتهم يهتمون بية چنت صغير وامي كل اسبوع تسبحني مرة وتلبسني ملابس على الوصخ تخيلي الحنينة شافتني هيچ مقبلت صارت كل يوم تسبحنة ثلاثتنة وتنومنة يمها وطبعاً كبرنة سوية وعمام مَلِك رفضو ينطوها الاوراق حتى تسجلة بالمدرسة ويانة هدت عليهم بتوثية وجبرتهم ينطوها كلشي يخص مَلِك

طول كلامة مبتسمة
:شكد حابة اشوفها

بس كلت هيچ كام للكنتور مادري شنو طلع واجاني رجع تمدد وحط بوجهي صورة نفس الصورة الي شفتها من چنت صغيرة حسن ومَلِك والكسار ويمهم الحنينة چانت جميلة بشكل چانت لابسة شيلة ومطلعة شعرها الفوك وگصايبها طالعات وعندها دگة بحنچها والغمارات يجننون بخدودها والعيون مسحوبات سحب ومكحلة تشبة توركان شوراي بشبابها اني بقيت صافنة بشكلها الله يرحمها

:هواية حلوة

تنهد باس الصورة وحطها على گلبة
الكسار:بعد عمارچية العمايرچيات كلهن حلوات تدرين چنت راح اتزوج وحدة من العمارة تخبل على گولتهم فلگة گمر بس اصغر مني ماردتها يعني چان عمرها 15

طول كلامة رافعة حاجبي
:تخبل؟ وهم صغيرة؟

كعدت ضربتة على صدرة
:لعد اني مو اخذتني وعمري 12 سنة

كال وهو كاتم ضحكتة
الكسار:لو متزوجها وهي بهالعمر چان عندي بنية بعمرچ ولو متزوجچ وانتِ عمرچ 12 سنة چان هسة اطفالي كبار

تخوصرت وحچيت بغيض
:يعني تريد تزوج عمارية؟

عض شفتة ميريد يضحك
الكسار:عمارچية مو عمارية

رجعت ضربتة معصبة
:لتصححلي عود تعرف تحچي وخر عني روح تزوج عمارية حلوة فلگة الگمر مالتك ابو النسوان روح تزوج واني اتزوج غيرك

خزرني ومد ايدة عصر شفتي
الكسار:لا اكو قبلي ولا اكو بعدي انسي هالشي دموع

دفعت ايدة خازرتة
:يعني انتَ تزوج علية عادي بس اني من اريد اتزوج عليك متقبل

الكسار:اني الشرع محللي اربعة انتِ بس واحد

:يعني ناوي تزوج بعد؟

الكسار:اي شكو بيها اريد اغير ميصير اكل عسل كل يوم لأزم اغير و اكل گيمر كاهي ككاو

سكتت منزعجة وخرت عنة واخذت تلفوني ايدي ترجف مادري شبية
بحركة سريعة دفن راسة برگبتي وهمس بهدوء

الكسار:انتِ العسل وانتِ الگيمر والكاهي والككاو انتِ كلهم دمعتي ما ابدلچ بكنوز الدنيا كلها اشاقة وياچ يروحي

تركت التلفون وگرصتة برگبتة
:اذا تزوجت واني على ذمتك ارفع عليك قضية طلاق

بس كلت هيچ كعد على حيلة عاگد حاجبة
الكسار:اني ناسي شي؟

كعدت ارفع بشعري
:شنو؟

الكسار:معقدنة محكمة چنت ناسي هالشي ان شاء الله بس اخلص من سالفة البيت اخذچ ونروح نعقد محكمة حتى اذا صارلي شي ومتت حقوقچ مضمومة وكلشي يصير الچ هذا البيت وبيتنة والبيت القديم وهم اسواق

حضنتة خايفة
:لتكول هيچ لتحچي بالموت كسوري انتَ صح مرات تأذيني بس ماريد تعوفني وصح عندي خوالي بس ماريدهم اريدك اذا عفتني وين اروح اني اموت تقبل اموت؟

باس راسي وحط راسة على المخدة رفعني كعدني على بطنة
الكسار:كلمن ويومة حبيبي بس ماطول هالنفس بعدة يصعد وينزل بريتي اني ماعوفچ انتِ روحي منو يكدر يعوف روحة؟

ابتسمت مرتاحة هواية لكلامة

مرت الايام طبيعية تعلقي بالكسار زاد اكثر واكثر چان كل ميطلع نحچي اني ووهيب

باچر نرجع لبيتنة كمل كلشي بس ضل التنظيف دينظفون الليلة اخر ليلة نبات هنا

كاعدة على الچرباية اكل بشفايفي باوعت للكسار چان يخابر نمت على صدرة انتظرة يخلص مكالمتة تأخر صرت اعضعض بصدرة وبزندة

خزرني ودفع راسي بخفة رجعت اعض وهو استسلم للأمر الواقع كمل مكالمتة بس سدة عاط

الكسار:شبيچ تعضعضين متكليلي

باوعتلة امطگ
:اريد موطة كرميل وهم اريد الثانية بيها نوتيلا واريد وحدة نعناع

باوعلي رافع حاجبة
الكسار:والبلعوم يصيح الغوث

ضحكت وبستة بطرف شفتة
:الغوث يمي

ضحك يهز بأيدة كام لبس ملابسة واخذ محفظتة وسلاحة
الكسار:رايح اجيبلچ كل الانواع

كمت اباوعلة ببراءة
:اروح وياك؟

باوعلي بتفكير وكال
:امشي وليدي امشي بس البس مستور اغار اني

تقربت علية اريد ابوسة ماكدر اوصلة
:نزل نفسك شوية ليش رافع نفسك هيچ هالمرة

نزل نفسة طبعت بوسة قوية على خدة وركضت لبست فستان اسود وهو واكف ينتظرني كملت ورحت لزمت ايدة

:يلا نروح

باس ايدي وطلعنة نزلنة جوة ردنة نطلع بس وكف صافن مذهول رفع مسدسة وعاط بغضب

الكسار:لكككككم انذااااال خونةةةةة

..يتبعع..

توقعاتكم؟

.
.
.
.
.
.
.
.
.
.

6000كلمة

ضيفو حساب الانستا

وقناة التلي

اللهم صلِ على محمد والِ محمد

مها ال عبدالله