الفصل الثالث والعشرون

رواية اللؤلؤ والأخرس الجزء الثالث والعشرون 23 بقلم أميرة خالد اللؤلؤ والأخرسرواية اللؤلؤ والأخرس الحلقة الثالثة والعشرون اما عند العيله الكل قاعد وصابرين عينيها على بسمه هي ويسري ومتغاظه منهم ونغم عينيها كانت عليهم وفجاه دخل ابراهيم ومع لؤلؤه وماسك ايديها وقرب منهم وقال الجد تعالوا يا ولاد عشان تتغدوا وابراهيم هز راسه بالموافقه وقعدوا وقالت روان هي ماجي فين يا لؤلؤه

ردت عليها مش عارفه من ساعه ما راحت مع وسام وانا مش عارفه هي فين حتى اتصلت عليها كذا مره وهي ما ردتش ردت شاديه وسام مين اللي مع ماجي ردت روان عارفه الشاب اللي جه يسلم علينا وكان مع حازم قالت لها ايوه مش ده صاحب القريه ردت روان ايوه يا ماما هو ويكون اخو ماجي شفت المفاجاه ردت شاديه بتتكلمي جد قالت لها ايوه يا ماما هضحك عليك ليه وقال الجد فعلا يا لؤلؤه قالت له ايوه يا جدو يبقى اخوها من الاب رد عليها طيب يا بنتي

وقال يسري هو اسامه هنا ردت عليه ايوه يا بابا موجود هنا بس احنا اتفاجئنا ان احنا في القريه بتاعته ردت بسمه طب ليه يا بنتي ما قلتليش اكيد ده هو اللي مزعل ماجي اليومين اللي فاتوا ردت عليها وانتي عارفه يا ماما ان ماجي مش حابه تضايق حد في الموضوع ده رد يسري انتي غلطانه يا لؤلؤه انتي لو كنت قلتي لي كنت اخذتكم ورجعنا القاهره وما قعدناش هنا رد الجد في ايه يا يسري وايه يعني ما يكون ابوها هنا

ردت بسمه ما فيش يا عمي بس في مشاكل بينها هي وابوها وما كناش حابين ان الموضوع يتطور ردت كوثر مشاكل ايه اللي هيبقى بين الاب وبنته رد يسري ما فيش والله ابوها اصله متجوز ست تانيه وطول الوقت عايش معاها وسايبها هي وامها وضحكت صابرين بسخريه وقالت اكيد بيقلدك طبعا ما هو صاحبك اتعصب يسري وقال لها لا طبعا مش صاحبي ولا اعرفه وثانيا الست الثانيه تبقى زوجته الاولى وماجي تبقى من مراته الثانيه

ردت صابرين طب ما هو بيفهم وفضل مع الاولى اللي عاشت معاه وصبرت عليه يسري جيه يرد ردت بسمه بس اللي انتي ما تعرفوش ان اسامه بيموت في التراب اللي بتمشي عليه نجوى ولما اتجوزها هو معرفها كل حاجه عن جوازته الاولى يعني هو ما خباش حاجه ردت صابرين يعني طلعت خطفت رجاله كمان زيك

اتعصبت بسمه وقالت لها انا مش خطفت رجاله وانا اتجوزته وانا عارفه انه ما لهوش اهل ولا متجوز فما تجيش ترمي اللوم عليا مش يمكن انتي اللي مش ماليه عينيه ايه عشان كده هو اتجوزني ردت صابرين اصل انا لو بعرف بتمايع ولا اعمل الحركات بتاعتك ديت كان زمانه معايا دلوقتي ازعق الجد بصوت عالي ايه لازمه الكلام ده يا صابرين لم نفسك يا بنت اخويا احسن لك ردت صابرين بصوت عالي ولما لمتش نفسي هتعملوا ايه اكثر من اللي انتم بتعملوه

قرب يسري منها وضربها بالقلم وقال لها صوتك ده ما يعلاش تاني على ابويا فاهمه ولا لا ردت عليه بتضربني بعد ما استحملت قرفك وقله اهتمامك بيا وكمان متجوز عليا وهتخلف كمان يا شيخ ارحمني رد يسري ما انا فعلا هرحمك انتي ما لكيش عيشه معايا وانا قلت لك نطلق انتي اللي رافضه ردت عليه وانا مستحيل اتطلق منك ولو على موتي واعرف كده اني مش هخليك تتهنى بيها ولا بالعيل هتجيبه لك

اتصدمت بسمه من كلامها وخافت ولؤلؤه كمان وراحت حضنه امها وهي خايفه عليها قال يسري بعد اذنك يابا انا عايز اطلقها وما تعش على ذمتي يوم واحد رد الجد ايه ده يسري الكلام ما يتاخدش كده و صابرين طلعت تجري وبسمه بتلف وشها اتصدمت من وجود ماجي والدموع على خدها وقربت منها وهي بتقول لها اهدي يا حبيبتي في ايه بتعيطي ليه ردت عليه انتي كمان كنت عارفه ردت بسمه اسمعيني بس يا ماجي وانا هفهمك كل حاجه

ردت عليها هتفهميني ايه غير ان انا كنت عايشه في كذبه حتى امي ما فهمتنيش الحقيقه بس انا اللي غلطانه من الاول وطلعت تجري ولؤلؤه جريت وراها وبسمه كانت هتروح وراها بس يسري مسك ايديها وقال لها سيبيها تهدى الاول وبعد كده نبقى نتكلم معاها ردت عليه انا لازم اكلم نجوى دلوقتي وتعرف كل حاجه قال لها طبعا وماسك التلفونها واتصلت على نجوى اللي ردت عليها ايوه يا بسمه ماجي رجعت البيت ردت عليها ايوه يا حبيبتي رجعت البيت بس في حاجه حصلت

ردت نجوى انا عارفه كل حاجه وانا جايه انا اول طياره الفجر ردت بسمه وانتي عرفتي منين قالت لها اسامه اتصل بيا وحكى لي على المقابله اللي حصلت بينهم ردت بسمه بس مش ده اللي كنت هحكيه لك انا عايز اقول لك ان عرفت الحقيقه مني من غير ما اقصد ردت نجوى هي خلاص عرفت الحقيقه من اسامه يعني كلامك كان بياكد موضوع اسامه ردت بسمه انا اسفه والله ما كنت اعرف

قالت لها ما تتاسفيش يا حبيبتي كل حاجه كانت هتتعرف ويمكن ده الوقت المناسب انها تعرف الحقيقه فيها ردت بسمه طيب يا حبيبتي انا هستناك قالت لها طيب وقفلت معاها وقال يسري في ايه ردت عليه ماجي عرفت كل حاجه من اسامه ولما جت وسمعت الكلام اتاكدت من صدق كلام اسامه ليها قال لها كده احسن اتكلم هاشم ممكن اعرف ايه المشكله اللي بين ماجي وابوها وخلاها منهاره كده ردت بسمه الموضوع كبير وانا مش قادره اتكلم فيه دلوقتي

رد الجد اطلعي يا بنتي اطمني عليها ردت بسمه حاضر يا عمي وطلعت بسمه الدور الثاني اما في اوضه البنات ماجي كانت بتعيط وبتقول لها ما كنتش اعرف اني بظلمه بالطريقه ديت من غير ما اعرف الحقيقه ردت لؤلؤه مش كنت بقول لك اسمعي من زمان وانتي اللي بترفضي ردت ماجي بعياط ويا ريتني ما سمعته ردت لؤلؤه ليه بتقولي كده قالت لها يعني امي ضحكت عليا السنين دي كلها ما رضيتش تفهمني اي حاجه وسابتني على عمايه

ردت لؤلؤه تاني يا ماجي مش انا قلت لك افهمي الاول وبعد كده احكمي قالت لها هفهم ايه غير ان امي خبت عليا موضوع زي ده وانها عارفه ان بابا كان متجوز و رضيت بيه ردت عليها انتي سمعتي من ولدك لنص الحقيقه يبقى تسمع من امك كمان وتفهمي هي عملت كده ليه قامت ماجي وهي بتمسح دموعها فعلا هو ده اللي هيحصل وراحت ناحيه الدولاب عشان تلم هدومها في الشنطه وقالت لؤلؤه انتي رايحه فين ردت عليها راجعه لندن لازم افهم ايه اللي بيحصل ده

وفتحت الباب بسمه ودخلت ولقت ماجي بتلم هدومها وقالت لها بتعملي ايه يا ماجي ردت لؤلؤه بتلم هدومها يا ماما عشان مسافره لندن ردت بسمه ما لهوش لزوم نجوى راجعه على اول طياره يعني هتبقى هنا بعد الفجر وقفت ماجي وقالت يعني هي راجعه مصر ردت عليها ايوه يا حبيبتي ممكن بقى تقعدي وتهدي وتقولي لي ايه اللي حصل قعده ماجي وعيطت وبسمه خدتها في حضنها وفضلت تطبطب عليها لغايه ما بطلت عياط وحكت ماجي كل اللي حصل في القعده وكلام اسامه

وقالت بسمه بصي يا ماجي كلام ابوكي صح 100% بس مش دي كل الحقيقه لسه ليها باقي والباقي ده عند امك ولازم تسمعيه منها و ردت ماجي قصدك ايه قالت بسمه قصدي ان انتي لازم تدي فرصه لنجوى واسامه يفهموكي هم عايشين كده ليه بس اللي انا متاكده منه ان نجوى ما حبتش غير اسامه وكذلك اسامه ما حبش غير نجوى

وجوازه من بنت عمه كان هو مجبور عليها لغايه دلوقتي سكتت ماجي وكملت كلامها بسمه ممكن بقى تهدي وتنامي دلوقتي وبكره نجوى هتيجي وهتحكي لك كل حاجه وماجي هزت راسها بالموافقه وساعدتها بسمه تنام على السرير وغطيتها ولؤلؤه نامت جنبها وهي حاضناها وخرجت بسمه من الاوضه وطفيت النور وهي نازله سمعت صوت نغم بتتخانق مع صابرين وقربت من الباب وسمعت نغم وهي بتقول لها انتي عايزه ايه تاني ما كفايه اللي حصل

ردت صابرين مستحيل اسيب ابوك يتهنى بيها ولا هي تتهنى بالعيل اللي هتجيبه فاهمه ولا لا ردت نغم وانا بقول لك انا اللي هقفلك وابعدي عنها ضربت صابرين نغم بالقلم وقالت لها انتي هتبعدي بدل ما هاذيك انتي فاهمه ولا لا وخافت بسمه ما سمعت الكلام ونزلت بسرعه ودخلت اوضتها وقعدت على السرير وهي حاطه ايديها على بطنها وبتقول ما تخافش انا هحميك من الدنيا كلها وهي مش هتقدر تقرب منك

ودخل يسري وهو بيقول لها ماجي بقت كويسه وهي ما ردتش وقرب منها هو بيقول لها مالك يا حبيبتي اتفزعت بسمه وحطت ايديها على بطنها تلقائيا قال يسري في ايه يا بسمه مالك يا حبيبتي ردت عليه بدموع انا عايزه اسيب هنا وامشي قال لها في ايه فهميني حكيت لكل اللي سمعته وهو اتعصب وقال لها لا دي بقت خطر وكمان بتضرب البنت انا لازم اخليها تمشي وتسيبي البيت ده

ردت بسمه بعياط والنبي يا يسري خلينا نمشي احنا واخليهم هم هنا انا مش هستحمل حاجه تحصل لابني ولا لبنتي رد يسري وهو بياخدها في حضنه ما تخافيش يا حبيبتي ما فيش حاجه هتحصل وانا هخلص من المشكله دي في اقرب وقت المهم انتي خلي بالك من نفسك وما تقربيش في مكان هي فيه هزه راسها بالموافقه اما عند نغم فنزلت الجنينه وكانت بتعيط وشايفه امها وصلت للجنان وانها ممكن تقتل

وفي الجنينه دخل جوده وهو شايف نغم بتعيط وقرب منها بسرعه وهو بيقول لها مالك بس يا حبيبتي بتعيطي ليه اترمت في حضنه وفضلت تعيط وهو يطبطب عليها وبعد دقائق هديت وبعدت عنه وهي بتمسح عينيها من الدموع وقالت له انا اسفه رد عليها بتتاسفي ليه الكتف ده بتاعك انتى وانا ملكك قالت له شكرا يا جوده وجت تقوم ماسك ايديها وقال لها رايحه فين مش هتقولي لي كنت بتعيطي ليه

ردت عليه في كلام ما ينفعش يتقال لازم يفضل جوه القلب ويتقفل عليه عشان نقدر نكمل رد جوده وليه تتعبي نفسك ما تشاركيني معاكي قالت له ما اقدرش انا عارفه ان انت بتحبني بس صدقني انت هتاخذ بقايا انسانه رد عليها ليه بتقولي كده انا عارف ان قلبك ابيض ونضيفه من جوه واللي بتبيني لي الناس عكسك تماما ابتسمت بسخريه وقالت له يا ريت انفع ودخلت الشاليه وهو محتار يعمل معاها ايه وقرر انه يتكلم مع الجد ويطلبها منه

وفي اوضه الجد كان قاعد ابراهيم وبيتكلم مع جدو وبيحكي له كل حاجه حصلت ونتيجه التحاليل والجد اتفاجئ واتصدم وقال له بالاشاره لؤلؤه اعرف الكلام ده رد ابراهيم بابتسامه اه عارفه وكمان مبسوطه اني برق ليه اب رد الجد بالاشاره تمام بس في سؤال عايزه اساله لك لاخر مره قال ابراهيم بالاشاره قولي يا جدي قال الجد انت حبيت لؤلؤه

رد ابراهيم الاشاره ايوه يا جدي حبيتها واول مره اعرف يعني ايه حب كانت معاها هي يعني ايه بنت بريئه وطهره تكون في حياتك ابتسم جد وقال من الاشاره طب يلا قوم عشان عايزه انام ابتسم ابراهيم وخرج وقال كده ما فاضلش غير هاشم عشان اطمن عليه والباب خبط وقال الجد اتفضل ودخل يسري انا محتاج اتكلم معك ضروري يا بابا رد الجد في ايه يا يسري وحكى له يسري كل حاجه سمعها من بسمه وقال الجد طيب يا يسري سيبني وانا هتصرف في الموضوع ده

رد يسري بضيق بس انا قررت يا بابا اني اطلقها رد الجد اللي في الخير يقدمه ربنا يلا يا يسري روحي نام جنب مراتك وما لكش دعوه باي حاجه قال يسري حاضر يابا تصبح على خير وخرج وقال الجد وبعدها لك يا صابرين هعمل معاكي ايه تاني اما عند الاثنين العشاق كانوا وصلوا الشاليه وشاف وجوده قاعد في الجنينه واول ما شاف ايناس قال لها ممكن تطلعي تقعدي مع نغم شويه عشان هي كانت بتعيط قلقت ايناس وقالت طب تصبح على خير وطلعت بسرعه

وقال حازم ملك يا جوده في ايه رد عليه انا عايزه اكلم جدك حالا عشان اطلب ايد نغم ضحك حازم وقال له وقعت ولا ايه رد عليه ايوه وقعت وكمان لشوشتي انا بحب نغم وما اقدرش اعيش من غيرها رد حازم مبروك يا صاحبي تعال نروح لجده انا عارف انه ما بينامش دلوقتي وقال جوده تمام وراحوا يخبطوا على باب الاوضه وقال الجد هو في ايه وما حدش عايز ينام ولا ايه في الليله ديت وقال مين رد حازم انا يا جدي ومعايا جوده صاحبي عايزين نتكلم معك في موضوع

رد الجد خشي يا حازم ودخل حازم وجوده وقال الجد خير في ايه رد حازم ما فيش يا جدي جوده كان عايز يتكلم معك في موضوع و رد الجد والموضوع ده ما يستناش لبكره رد جوده بسرعه لا ما يستناش رد الجد في ايه يا ابني ما تقلقنيش رد جوده بصراحه كده يا جدي انا بحب نغم وعايزه اطلب ايديها منك ابتسم الجد وقال وده ما يستناش لبكره اطلع بره يا ابن الكلب انت وهو وطلعوا يجروا وقال جوده هو في ايه رد عليه حازم مش عارف

وفي فيلا اسامه كانت واقفه وهي بتزعق يعني رحت قابلتها وعملت اللي في دماغك رد اسامه دي بنتي وانا مستحيل اسيبها فاهمه ولا لا ردت عليه يبقى ما تزعلش من رد فعلي واللي هعمله فيها رد اسامه قسما بالله لو قربت من بنتي لاذيكي وهتشوفي اللي انا هعمله معاكي ضحكه بسخريه وقالت له ما تقدرش انا الشيكات لسه معايا واقدر احبسك رد اسامه شيكات ايه مش لما تلاقيها الاول وسابها وخرج

وهي اتجننت وطلعت لبست هدومها واخذت مفاتيح العربيه وخرجت وهي بتسوق بسرعه عند اسامه قاعد على الشاطئ وماسك التليفون واتصل على نجوى وقال لها انا قلت لداليا على كل حاجه وخلاص انا هطلقها ردت نجوى بلاش يا اسامه لا تاذي لبنتنا رد اسامه خلاص يا نجوى ما بقاش ينفع اسكت اكثر من كده وكفايه ان احنا لغايه السن ده وبنتقابل سرقه حتى بنتي ما تعرفش ردت نجوى طيب يا اسامه انا خلاص هركب الطياره بينادوا على رحلتي