الفصل الخامس والعشرون

رواية اللؤلؤ والأخرس الجزء الخامس والعشرون 25 بقلم أميرة خالد اللؤلؤ والأخرسرواية اللؤلؤ والأخرس الحلقة الخامسة والعشرون في مستشفى وصلت كل العيله ودخلت وقال يسري ها يا حازم لؤلؤه فين رد عليه في العمليات يا عمي وبسمه بتعيط وشاديه سنداها هي وكوثر وماجي اللي بتعيط في حضن امها وابراهيم قاعد في الارض جنب اوضه العمليات ويسري هيتجنن وراح عند الممرضه وقال لها انا عايزه اخش العمليات دلوقتي ردت عليه

ما ينفعش يا فندم طلع يسري الكارنيه بتاعه وقال لها للدكتور قالت له طب تعالى معايا يا دكتور وراح وراها عشان يتعقم قبل ما يخش غرفة العمليات وقال العثمان تعالى يا سيف سندني انزل الجامع تحت رد توفيق استنى يا حاج انا هنزل معاك ونزلوا ومعاهم زكريا ودخلوا الجامع يصلوا ويدعوا وبعد وقت خرج يسري والكل اتلم وقالت بسمه بدموع قول لي يا يسري بنتي عامله ايه رد عليها اهدي بس يا بسمه الحمد لله الرصاصه جت كتفها وخلاص هي خارجه دلوقتي

ردت بسمه الحمد لله وابراهيم بيحاول يقرا الشفايف ولما شاف بسمه بتبتسم اطمن وخرجت لؤلؤه من العمليات وهي نايمه على السرير وبسمه مسكت ايديها بتبوسها حقك عليا يا حبيبتي ان شاء الله انا وانتى لا رد يسري بلاش الكلام ده وخلاص بنتك كويسه وما فيهاش حاجه ردت عليه وعشان تبقى كويسه اكتر انا هاخدها وهنسافر الامارات نرجع لحياتنا هناك رد عثمان الكلام ده يا بنتي ما لهوش لزوم دلوقتي ردت عليه

انا اسفه يا عمي النهارده انا كنت هموت لولا بنتي اخذت الرصاصه مكاني وبحمد ربنا ان بنتي عدت منها انا مش هعيش هنا وانا مش مطمنه على بنتي رد عثمان طب يا بنتي اهدي شويه ونبقى نتكلم بعدين ردت عليه حاضر يا عمي لؤلؤه بس تفوق وانا ليا كلام تاني ابراهيم كان واقف وعينيه على لؤلؤه وهاشم قرب منه وقال له بالاشاره هي كويسه والرصاصه جت في كتفها و رد ابراهيم طب هي ليه لسه نايمه رد هاشم بالاشاره

دلوقتي هتفوق اطمن هز راسه وخلى عينيه عليها وخرج يسري مع زكريا وتوفيق واسامه وعثمان وقال يسري هنعمل ايه يا حاج دلوقتي بعد ما صابرين عملته رد عثمان انت لازم تتكلم مع عيالك الاول وتشوف هم عايزين ايه ولو موافقين ان امهم تروح السجن انا ما عنديش اي مانع ردت نغم بقوه هي لازم تتحاسب على اللي عملته كله رد يسري خشي يا نغم جوه وبلاش الكلام ده دلوقتي ردت عليه لا ده الوقت المناسب ردت ايناس

اللي انتي بتقوليه ده يا نغم لا يا بابا اوعى تحبس ماما لمهما ان كان تبقى ام عيالك رد هاشم بص يا بابا انا مش هقدر الومك على اللي انت هتعمله بس كل اللي هقدر اعمله اني هجيب لها بيت تقعد فيه بعيد عنكم ردت نغم ماما مش هتسكت غير لما تجرب تاذيهم تاني رد يسري خلاص انا لقيت الحل انا هوافق على كلام بسمه وهخليهم يرجعوا الامارات ثاني رد عثمان ازاي ولؤلؤه هتتجوز ابراهيم رد عليه يعيش معاه في الامارات لو هو بيحبها رد توفيق

انت عايز تبعد ابني عني زي ما انت بعدت عن ابوك سنين طويله رد يسري بعصبيه يعني انت عايزني اخسر مراتي وعيالي بسبب واحده مريضه نفسيا قربت نجوى وقالت انا اسفه لتدخلي في الكلام بس انا رايي ان انتم تعرضوها على دكتور نفسي يشخص حالتها رد هاشم وانا موافق وقالت ايناس بدموع بلاش تاذوا ماما عشان خاطري رد هاشم وهو بياخدها في حضنه لا يا حبيبتي احنا مش هنؤذيها احنا هنشوف دكتور كويس يحاول يعالجها ويصلح اللي اتكسر جواها

ردت ايناس بدموع طيب يا هاشم وقال يسري انتى شايفه يا نجوى انها مريضه نفسيه ردت عليه طبعا مسكتها للسلاح ورد فعلها للكلام يثبت انها عندها هوس وممكن تدوس على اي حد عشان خاطر هدفها وممكن تاذي عيالها كمان رد يسري تصدقي صح انها ضربت نغم لما رفضت انها تساعدها اتصدمت نغم وقالت انت عرفت منين يا بابا رد عليها عن طريق الصدفه ردت نجوى يبقى لازم تقعد مع دكتور دلوقتي حالا او ندخلها مصحه نفسيه رد عثمان وانا موافق وقالت

نجوى هتعمل ايه يا اسامه مع داليا رد عليها لسه مش عارف بس ربنا يستر ردت عليه طيب ودخلت الاوضه ثاني عند لؤلؤه وبسمه لسه ماسكه ايديها ولؤلؤه بتبربش بعينيها وشافها ابراهيم وقرب منها وداست على ايد بسمه اللي قالت لؤلؤه حبيبتي انتي فوقتي ردت عليها بصوت مرهق انتى كويسه يا ماما ردت عليها سيبك مني انا المهم انتي يا قلب ماما كويسه ردت لؤلؤه بصوت مرهق انا كويسه ودخل يسري بسرعه وقال عامله ايه يا حبيبتي ردت عليه

انا كويسه وابراهيم واقف جنبها وهي سابت ايد بسمه ومسكت ايد ابراهيم وبسمه قامت من جنبها وابراهيم قرب منها وهي قالت بصوت بطيء انا كويسه وابراهيم ابتسم لما قرا حركه شفايفها والكل اطمن على لؤلؤه وماجي كانت بتعيط وقربت بسمه وقالت لها اطمني على لؤلؤه يا ماجي ردت عليها بدموع انا اسفه يا بسمه على كل اللي حصل ردت بسمه

وهي بتمسح دموعها ما تقوليش كده يا حبيبتي انا ما عنديش اغلى منك انتى ولؤلؤه وعارفه ان ما لكيش ذنب في اللي حصل كله ردت ماجي هي كانت عايزه تخلص مننا وجابت المسدس معاها ولما وقع المسدس الثانيه استغلت الموقف واخذته ردت بسمه شفتي بقى انتى قلت ايه الثانيه هي اللي استغلت الموقف مش انتي يا حبيبتي وروحي اطمني على صاحبتك عشان ما تزعلش منك هزه راسها بالموافقه وقربت ماجي من لؤلؤه وقالت الف سلامه عليك يا حبيبتي ابتسمت لؤلؤه

وقالت لها على فكره احنا بقينا متعلم علينا في نفس المكان استغربت ماجي وقالت لها قصدك ايه ابتسمت لؤلؤه وقالت لها قصدي الجرح اللي في كتفك ولا نسيتيه لما كنا في الخناقه ضحكت ماجي وقالت لها انتى لسه فاكره ردت عليها طبعا يعني احنا هنتجوز في بيت واحد ومتعورين في نفس المكان وكمان فرحنا في نفس اليوم مش ملاحظه حاجه ردت ماجي لا مش ملاحظه حاجه قالت لها لا في ان احنا نحس على بعض يا حبيبتي لازم نبعد عن بعض شويه الكل ضحك وقالت روان

طبعا وده رايي من الاول وقالت ريم ما تهدي يا شعله شويه وسلامتك يا لؤلؤه ردت عليها الله يسلمك وبصه لؤلؤه ليه نغم وايناس وهاشم اللي واقفين بعيد وقالت لهم مش عايزين تطمنوا على اختكم ولا ايه ردت ايناس بدموع احنا اسفين يا لؤلؤه مين اللي عملته ماما ابتسمت وقالت اوعى تتاسفوا انتوا ما لكوش ذنب وكمان انتم اخواتي وانا اختك الكبيره يعني انا اقول الكلمه وتسمعوها رد هاشم ماشي يا ستي المهم انتي كويسه ردت عليه

انا بوم بس اكتر حاجه مزعلاني عارف ايه رد عليها ايه هي قالت له ان امك بوظت لي البلوزه اللي انا بحبها بسبب الطلقه بتاعتها ديت والكل ضحك وقالت نغم ما تزعليش نفسك انزل اشتري لك واحده زيها بالضبط ردت لؤلؤه ماشي يا ستي اخف بس وننزل سوا نجيب كل حاجه والكل فرح وقال عثمان يلا يا توفيق روح مع اسامه حل الموضوع اللي انا قلت لكم عليه رد زكريا حاضر يا عمي وخرجوا

وقال الجد اعملوا حسابكم احنا هننزل القاهره بكره انا عرفت من الدكتوره ان لؤلؤه كويسه وتستحمل السفر ردت شاديه معك حق يا بابا كانت سفريه نحس ضحكوا الكل وقالت كوثر ليه كده بس دي كانت جميله كفايه هنرجع والعيال كلها هتتجوز في يوم واحد رد جوده بجد انتم هتجوزوني نغم رد عثمان انت ايه اللي موقفك هنا يلا يلا روح مع صاحبك هاتوا لنا غداء رد جوده بصوت واطي حاضر يا جدي بس اتجوزها بس وشوف انا هعمل ايه ونغم كانت سمعاه وانكسفت

وقال حازم يلا يا شهيد الحب وخرجوا وقالت لؤلؤه برق فين والكل بص حواليه وما لقوش برق وابراهيم قام منطور وقال يسري هو مش كان ماسك ايدك يا كوثر ردت عليه انا اول ما شفت لؤلؤه ضربت بالنار ما اعرفش هو جري مني فين وافتكرته خرج معاهم راكب العربيه وقال عثمان اتصل بتوفيق يشوفه في الشاليه وانت يا سيف اطلع دور عليه في المستشفى قال له حاضر والكل راح يدور على برق

وفي الشاليه كان قاعد برق في اوضه لؤلؤه فاتح صورتها اللي على التليفون وبيعيط عندي داليا كانت محبوسه في الاوضه وهي بتصرخ افتحوا يا بهايم والله هقتلكم وصابرين قاعده بتعيط وهي بتفتكر منظر الدم وبتقول انا صح انا اللي عملته ده صح هي كانت لازم تموت لازم تموت وفضلت تتكلم مع نفسها وتضحك وتعيط في نفس الوقت وصل توفيق واسامه وزكريا الشاليه وقال اسامه في حد خرج منهم رد الحارس لا يا بيه عملنا ان انتم طلبتوه

ودخل توفيق وهو سامع صوت زي داليا وصوت ضحك جاي من عند صابرين وراح فتح الباب واتفاجئ منظر صابرين وهي بتقول انا هضربك يا هاشم عشان ما بتسمعش الكلام ابوك هيجي من الشغل فاهم ولا لا وعماله تتكلم مع خيالات وقال زكريا لا حول ولا قوه الا بالله ايه اللي حصل لها ديت رد اسامه اكيد دي صدمه استنوا هتصل بالمستشفى يجوا ياخدوها وتليفون توفيق رن باسمه عثمان ويرد ايوه يا حاج رد عليه برق عندكم في الشاليه رد توفيق

استنى هشوفه كده هو مش معاكم ولا ايه رد عثمان لا يا توفيق دور عليه في الشاليه واحنا بندور عليه في المستشفى قال له حاضر يا حاج وقفل معاه وقال زكريا في ايه قال برق مختفي وهم مش عارفينه فين رد زكريا استنى اشوفه في اوضه ابراهيم كده وراح زكريا وتوفيق يدوروا على برق وفتح زكريا الباب وتفاجئ بمنظر برق وهو بيعيط وحاضن صوره اللؤلؤ وقرب زكريا منه وهو بيقول له في ايه يا حبيبي بتعيط ليه كده وبرق بص له وشاور له على صوره لؤلؤه

و رد زكريا ما تخافش هي كويسه وبرق مش فاهم ودخل توفيق وقال زكريا قول له ان لؤلؤه كويسه في المستشفى وتوفيق كلمه بالاشاره وعرفه وابتسم برق وتوفيق اخذوا في حضنه وسمعوا صوت الاسعاف ونزلوا لقوا اسامه بيتكلم مع الدكتور وبيحكي له وقال الدكتور احنا هناخدها عندنا المستشفى ولازم حد من عيالها او جوزها يحضر رد اسامه تمام واخذوا صابرين ومشوا بيها وقال اسامه انا هستاذنكم انا اخذ داليا وهمشي رد توفيق تمام يا باشمهندس

شاور اسامه لواحد من الحراس وراح فتح اوضه داليا اللي هجمت عليه وقالت له انا تحبسني والله لاحبسك وهقتلك يا اسامه وهتشوف انا هعمل ايه رد عليها وهو بيضربها بالقلم بقى عايزه تقتلي بنتي انا هوريك انا هعمل ايه وقال للحارس خدها وطلعوا ركبوا العربيه ومشوا اما توفيق وزكريا خرجوا ركبوا العربيه ومشي على المستشفى وقال توفيق كلمهم يا زكريا وقول لهم ان احنا لقينا برق رد عليه حاضر ومسك التليفون واتصل على عثمان وقال له

اني برق معاهم وانهم جايين على المستشفى دلوقتي رد عثمان براحه واحنا مستنيينكم