الفصل الثالث

رواية اللؤلؤ والأخرس الجزء الثالث 3 بقلم أميرة خالد اللؤلؤ والأخرسرواية اللؤلؤ والأخرس الحلقة الثالثة وفي بيت عثمان الكل كان بيشتغل وصابرين كانت بتروق اوضتها وبتظبط شقتها عشان يسري لما يرجع وقالت لايناس يلا يا حبيبتي امسحي الشقه وانتي يا نغم ظبطي الدنيا عشان ابوكي لما يرجع بكره تكون الشقه نظيفه

ردت نغم ما هي نضيفه يا ماما هو اي شغلانه وخلاص اتعصبت صابرين وقالت لها عارفه يا بنت لو قمت لك هزعلك قومي اعملي اللي انا قلت لك عليه وانتي ساكته ما اختك بتشتغل اهي وما اتكلمتش ردت نغم يعني انتي عايزه ضوافره تبوظ بعد ما عملتها ردت صابرين مش عايزاك تعملي حاجه بس مش هتباتي فيها وريني هتشغلي النت ازاي لما اشيل الراوتر الزفت ده ابتسمت ايناس على اختها

وقالت نغم خلاص يا ماما قايمه اهو اما تحت في شقه عثمان شاديه وكوثر كانوا بيعملوا الاكل اللي بيحبوا يسري وبيجهزوا الغداء وقالت كوثر هي صابرين مش هتنزل ولا ايه ابتسمت شاديه وقالت لها مش هتنزل النهارده خالص ما انتي عارفه ان كل ما يسري يجي هي بتختفي عشان بتروق شقتها وبتضبط الدنيا ما انتي عارفه ان يسري ما بيحبش يقعد في حته مش نظيفه

ضحكه كوثر قالت لها بصراحه كده انا بستغرب هم عايشين في الشقه دي ازاي لولا انا عارفه ان هاشم وايناس هم اللي نضاف كنت قلت ان البيت كله معفن ضحكه شاديه قالت لها ما انتي عارفه ان هاشم هو اللي بيضغط عليهم عشان يروقوا الشقه غير كده ما كانوش هيعملوها وكمان يسري بيحب النظافه قوي ما انتي عارفه اللي فيها

ردت كوثر اه طبعا ده طول عمره وهو كان لسه شاب الاوضه بتاعته كانت نظيفه ومنظمه ابتسمت شاديه قالت لها هو كده طلع لماما الله يرحمها نضيف زيها اما توفيق اخويا انا عارفه ان مهمل شويه ممكن يرمي هدومه في اي حته رده كوثر تصدقي صح لغايه دلوقتي انا اللي بعلق له هدومه على طول رميها في اي حته ضحكت شاديه وفضلوا يتكلموا

اما ريم وروان كانوا قاعدين مع بعض وقالوا يعني الواحد كده مش هيعرف يقعد مع ايناس شويه ردت روان اصبري يا اختي شويه وهتلاقيها نازله ردت ريم بقول لك ايه تعالي نطلع نساعدها احسن عشان تخلص بسرعه ردت روان ايوه نطلع نساعدها والست نغم تسيب شغلها وتقعد واحنا نعمل مكنه ردت ريم طب عشان خاطر البنت الغلبانه اللي فوق دي ردت روان طيب يا ستي نشوف الاول اذا كانت ماما محتاجه حاجه ولا لا وبعد كده نطلع

قالت ريم طيب ودخلوا المطبخ وقالت روان انتي محتاجه حاجه يا ماما احنا هنطلع نساعد ايناس في شغل البيت ردت شاديه ايوه يا حبيبتي محتاجاك تروقي اوضه جدك وتروقوا الشقه هنا عشان لما عمك يجي بكره روان بصت لريم بص قويه بمعنى استلمي وقالت ريم حاضر يا عمتو وخرجت بسرعه تهرب من روان وشاديه وكوثر كانوا بيضحكوا عليها

وقالت كوثر كنت سبتيهم يطلعوا يساعدوا البنت الغلبانه اللي فوق واحنا كنا عملناها ردت شاديه على فكره هتلاقي ايناس خلصت نص الشغل بس صابرين وبنتها لسه ردت كوثر ماشي يا ستي يلا عشان نجهز اللحوم والفراخ بتاعه بكره وفضلوا يشتغلوا اما في اوضه عثمان كانت روان بتروق الاوضه وقالت لها اتفضلي يا ستي اهو تدبسنا في عمايل شقه جدك ردت ريم ما انتي كنت من الاول رافضه نطلع نساعد ايناس اهو ربنا كفقنا نعمل شقه جدك وفضلوا يضحكوا يهزروا

اما في الامارات في شقه يسري كان قاعد مع بسمه ولؤلؤه وبرق لابسين زي بعض وبيلعبوا بلاي ستيشن وقالت بسمه على فكره برق ذكي جدا ولاحظت انه بيفهم لغه الشفايف رد يسري طب كويس انا مبسوط ان لؤلؤه فرحانه ولقت نفسها مع برق مع انها ملهاش اصدقاء كثير غير ماجي وكمان اتعرفت عليها في خناقه ضحكه بسمه قالت يصدقني بستغرب ازاي ماجي صاحبه لؤلؤه دي شخصيه ودي شخصيه تانيه خالص

رد يسري معاكي حق ماجي جريئه جدا عن لؤلؤه ردت عليه بس سيبك انت على فكره هتوحشني قوي اوعى تغيب يا يسري رد عليها ما تخافيش يا حبيبتي هو كلها اسبوع او 10 ايام بالكتير وهكون عندك قالت له طيب يا حبيبي ايه رايك نتفرج على فيلم سوا رد يسري طب انا عندي فكره احلى ردت بسمه ايه هي قال لها اقول لك على كلمه سر احسن اتكسفت بسمه وقالت له عيب بقى يا يسري الولاد قاعدين

ضحك يسري وقال لها وايه يعني ده هم بيلعبوا بلاي ستيشن يعني مش فاضيين اما لؤلؤه كانت بتلعب ماتش مع برق من البلاي ستيشن وبرق اكسبها مرتين ودي الثالثه وبعد ما اخلص الماتش ساب الدراع وقالت لؤلؤه على فكره ده ظلم الدراع بتاعك شغال اما الدراع بتاعي بايظ بص لها برق وقال لها بالاشاره انتي اللي مش عارفه تلعبي ودايما حجتك الدراع احنا غيرناه المره اللي فاتت وبرده بتخسري

ردت عليه بالراحه كده ده انت عايز ترجمه ابتسم برق على طريقتها وهي قالت في نفسها او انا هبله قوي للدرجه دي انا اللي بخسر عشان مش عارفه العبها وبرده مصممه نلعبها وقالت له ايه رايك نلعب لعبه تانيه امسك القلم وكتب لها على ورقه لعبه ايه تاني قالت له اي حاجه ما عدا الكوره

ابتسم برق قال لها تلعب سباق عربيات قالت له ماشي ده انا هقطعك فيها ضحك وبدات لؤلؤه تشغل اللعبه وقالت له هات الدراع ده وخد ده ولعبه والداده كل شويه تجيب لهم حلويات اما يسري وبسمه كانوا في الاوضه نايمين على السرير وقالت بسمه وهي في حضن يسري مش عارفه ليه مش عايزاك تسافر المره دي ضحك يسري وقال لها ليا يا قلبي هي دي اول مره اسافر فيها ردت عليه مش عارفه بقى انت بتوحشني طول ما انت مسافر

ضحك يسري وقال لها طب تعالي بقى اخد كفايتي منك مع اني عارف انك هتوحشيني برده ونسيبهم اما بره الباب خبط وراحت الداده تفتح الباب ولقت ماجي ازيك يا حبيبتي ردت عليا كويسه يا فوز يا قمر لؤلؤه فين عماله اتصل عليها وما بتردش ردت عليها معلش يا بنتي من ساعه ما جت من بره وهي قاعده بتلعب بلاي ستيشن ومش فاضيه ضحكه ماجي قالت لها طيب يا فوز دخلت وشافت لؤلؤه وبرق لابسين زي بعض

وقالت خيانه ولفت لؤلؤه وشافتها ورفعت ايديها لفوق ببراءه وقالت والله ما عملت حاجه قربت ماجي وهي بتبرق عينيها ما عملتيش حاجه ازاي لما عماله تلعبي بالبلاي ستيشن من غير ما تقولي لي مش احنا متفقين من يوم ما اشتريناه ما فيش حد يلعب من غير الثاني

ردت لؤلؤه وهي لسه رافعه ايديها مش انا برق هو السبب وبصت ماجي على برق اللي مش فاهم ايه اللي بيحصل وقالت ايه اخ اللي انت عملته ده جرجره البنت عشان تعمل الخيانه ديت من ورايا وبرق ما كانش فاهم حاجه غير نص الكلام وماسك الورقه والقلم وكتب انتي بتقولي ايه

افتكرت ماجي كلام لؤلؤه عن برق انه ما بيسمعش ولا بيتكلم وماسكه الورقه وهي مكسوفه وكتبت له انا ماجي انتيمه لؤلؤه ابتسم برق وكتب لها انا اسمي برق ورفعت ايديها ماجي وهو مسك ايديها وسلم عليها وقالت لؤلؤه وانا هفضل رافعه ايدي كتير ممكن انزلها يا ابله ماجي ردت عليها لا مش هتنزليها عشان تتعلمي لما اتصل عليك تردي على طول

قالت لا والله ما سمعت التليفون والتليفون في الشنطه قالت لها برده خليك رافعه ايديكي وبصت لبرق وقالت له تعالى نلعب ده انا حريفه في اللعبه دي ضحك برق وبداوا يلعبوا وخرجت الداده ومعاها العصير ولقت لؤلؤه رافعه ايديها وقالت لها رفع ايدك ليه يا بنتي نزليها دمعت لؤلؤه

وقالت لها لا يا دادا قالت لها ليه يا حبيبتي سكتت وردت ماجي انا هقول لك ليه يا داده عشان تتعلم بعد كده ما تسيبش تليفونها وتخوني وتلعب على البلاي ستيشن من غيري ضحكه الداده على البنات وقالت لها طب عشان خاطري انا ردت ماجي عشان خاطرك بس غير كده كان ليا تصرف ثاني ونزلت لؤلؤه ايديها وهي زعلانه وماجي بصيت لها ولقت الدموع في عينيها وقربت منها وحضنتها والثانيه حضنتها

وقالت لها تعالي شوفي وانا كسبانه برق مش انتي يا هبله اللي عماله تخسري وفضلوا يضحكوا ويلعبوا اما في القاهره رجعوا الشباب من الشركه ودخلوا البيت بيتكلم الجد فين الغداء يا شاديه ردت عليه ثواني يا بابا وكل حاجه هتبقى جاهزه قال لها طيب وبعد دقائق حطه في الغداء وقال هي صابرين وبناتها فين ردت كوثر ما فيش يا عمي بيعملوا شقتهم فوق عشان خاطر لما يجي يسري بكره

ضحك عثمان وقال لها طيب اتصل بيهم يا هاشم خليهم ينزلوا عشان يتغدوا معانا رد عليه حاضر يا جدي ومسك التليفون واتصل على والدته وقال لها انزل عشان يتغدوا والنوم تحت قالت له طيب وقفلت معاه ونزلوا وقعدوا يتغدوا مع بعض وبعد وقت كل واحد طلع شقته عشان يرتاحوا اما ابراهيم كان في الاوضه بتاعته بياكل الكلب بتاعه وبيقول في نفسه اكيد زعلان عشان ما كنتش معاك طول النهار بس خلاص هتتعود عشان انا هنزل الشغل من بكره وقام ونام على السرير

اما في الامارات ما جي طلبت اكل من بره وقعدوا مع بعض سهرانين ماجي لبسه زيهم لغايه ما ناموا مع بعض في اوضه واحده ثاني يوم صحي يسري على صوت المنبه بص جنبه شاف حبيبته نايمه وبسها من خدها وقام دخل الحمام اخذ دش وخرج لبس هدومه سرح شعره ورش برفانه وقرب من حبيبته وبسها وماسك تليفونه ومفاتيحه والشنطه بتاعته وخرج هو مش حابب يصحيها عشان عارف مش هتسيبه يمشي غير لما توصلوا المطار وحط حاجته جنب باب

وراح ناحيه اوضه لؤلؤه وفتح الباب ولقاهم التلاته نايمين على السرير بشكل مضحك كل واحد ايديك ناحيه ورجليه وابتسم وقرب من بنته وبسها من خدها وطلع ورقه وحطها على الكومودينو وخرج اخذ حاجته ونزل راكب العربيه مع السواق وقال له اطلع على المطار رد عليه حاضر يا فندم وبعد دقائق وصل المطار وشاف الدكتور سليم صديق عمره وقال له توصل بالسلامه يا يسري

رد عليه الله يسلمك يا حبيبي انا تعبتك معايا ضحك سليم وقال له تعبك راحه يا اخويا ما تتاخرش هناك رد يسري ايه حكايتكم كل واحد فيكم عمال يقول لي ما تتاخرش ما تتاخرش رد سليم معلش يا سيدي بس احنا ما نقدرش نعيش من غيرك ضحك يسري وقال له تعيشي يا صاحبي خلي بالك من بسمه ولؤلؤه ولو احتاجوا حاجه خليك جنبهم

رد سليم حاضر يا يسري في عينيا يا صاحبي وكان في نداء للطياره بتاعه يسري وسلم على سليم وراح ناحيه الجوازات عشان يختم الباسبور بتاعه وسليم خرج راكب العربيه اما في القاهره عثمان كان قاعد بيقرا القران وبص في الساعه ولاقاها 7:00 الصبح اما عند ابراهيم فصحي من النوم واخد دش وخرج يلعب رياضه

اما في الامارات صحيت بسمه من النوم وبصت جنبها ما لقيتش يسري ومسكت الموبايل وشافت الساعه ولقيتها 8:00 وعرفت ان يسري مشي وقامت دخلت الحمام واخذت دش وخرجت لبست عبايه بيتي رقيقه وراحت ناحيه المطبخ تعمل الفطار عشان خاطر ولادها وهي مبسوطه وبعد وقت خلصت وحضرت الفطار على السفره وراحت اوضه اللؤلؤه

ودخلت ولقت لؤلؤه نايمه واخده برق في حضنها وماجي ماسكه شعرها ورجليها على برق ولؤلؤه حاطه رجليها على ماجي وضحكتها بسمه على نومها وقربت منهم وقالت يلا لؤلؤه ويا ماجي عشان تفطروا وقالت لؤلؤه مش عايزه يا مامي سيبيني نايمه قالت بسمه لا يلا قوموا بقى فتحت عينها لؤلؤه وبصت على برق اللي نايم شبه الملايكه وابتسمت وقالت صباح الخير يا مامي ردت عليها صباح النور يا قلبي صحي الجثه الثانيه ديت عشان تفطروا قالت لها حاضر يا مامي

وخرجت بسمه وجت تقوم لؤلؤه وقالت اه شعري وبصت لقت ماجي ماسكاها من شعرها وحاولت تفك اي دماغي ومش عارفه مسكت كوبايه الميه اللي جنبها وده لقيتها على وش ماجي وهي خايفه وقالت ماجي انا بغرق ضحكه لؤلؤه وهي مش قادره وفتحت عينها ماجي وقالت لها بقى بترش عليا ميه يا كلبه البحر طب انا هوريك انا هعمل ايه

ولؤلؤه قامت تجري وهي خايفه من ماجي وماجي بتجري وراها وخرجت لؤلؤه واستخبت في بسمه وقالت عيله وغلطت يا معلمه سماح المره دي ضحكه بسمه وقالت اهدي بس يا ماجي وقولي لي عملت لك ايه ردت عليها يرضيك يا بسبوسه تدلق عليا ميه وانا نايمه ردت بسمه لا ما يردنيش وقالت لؤلؤه طبعا ما يرضيكيش بس يرضيك انها تبقى شاده شعري وانا نايمه واجي اقوم ما اعرفش من الوجع

ردت بسمه برده ما يرضينيش بصوا لبعض وقالوا انتي مع مين فينا ضحكه بسمه وقالت له انا معاكم انتم الاثنين ويلا عشان تفطروا وقالت لؤلؤه حاضر يا ماما هو بابا هيجي يفطر معانا قالت بسمه بابا سافر من بدري يا لؤلؤه انا صحيت من النوم لقيته مشي اتضايقت لؤلؤه ودخلت الاوضه وقالت بسمه خش وراها يا ماجي قالت لها حاضر يا بسبوسه

ولؤلؤه كانت قاعده على السرير وبتصحي في برق بطريقه هاديه وقالت ماجي مالك يا برنسيسه زعلانه ليه ردت عليها مش زعلانه وقامت لؤلؤه طلعت كاش مايوه ودخلت الحمام

وبرق فتح عينيه وهو بيقول بالاشاره في ايه مالها لؤلؤه وماجي ما كانتش فاهمه وجابت له ورقه وقلم واديتها له وهو كتب لها وهي قريتها وردت عليه بالكتابه اصل باباها سافر من غير ما يسلم عليها وهي اتضايقت حزن برق وافتكر والده ومسك الورقه والقلم وجاي احطهم على الكموت ولقى جواب مكتوب عليه لؤلؤه

وخرجت لؤلؤه من الحمام وهي لفه شعرها بالفوطه ولابسه كاش مايوه مسك برق الجواب وقام راح ناحيه لؤلؤه واداه لها وهي فتحته ولقيته من باباها وابتسمت لما قريته ورجعت تضحك تاني وماجي دخلت الحمام وهي مبسوطه عشان صاحبتها اخذت دش ولبست هدومها عشان تروح البيت وخرجت قعدت مع بسمه على السفره اما لؤلؤه ساعدت برق انه يلبس هدومه وبسيته من خده ومسكت ايديه وخرجوا يفطروا مع بسمه في جو عائلي لطيف

اما في القاهره شاديه نزلت هي وكوثر ومعاهم صابرين يحضروا الفطار والكل كان مبسوط برجوع يسري اما ابراهيم كان لابس بدلته ونازل يفطر مع العيله واقابل هاشم وسلم عليه ونزله كلهم يفطروا مع بعض وايناس قالت انا مبسوطه قوي يا جدو عشان بابا جاي النهارده الرد حازم بمشاكسه طبعا يا قلبي اتبسط براحتك وانكسفت ايناس وقال عثمان اتلم يا ولد وعيب اللي انت بتقوله ده رد حازم اقول ايه يا جدو دي خطيبتي واقول لها اللي انا عايزه

رد هاشم وده من امتى يا اخويا وانت خطبتها واحنا ما نعرفش رد حازم هو انت ما تعرفش اني طلبتها من جدك وهو قال لي لما ابوك يجي وهو جاي النهارده رد هاشم انا اختي لسه صغيره وما بنفكرش نجوزه دلوقتي ويا ريت تتلم شويه رد حازم انا عارف انكم ما بتجوش غير في العين الحمراء وانا بقى هخطفها واتجوزها ضحكوا كلهم وسيف عيني كانت على طفلته اللي بتضحك وابتسم والعثمان هي طياره يسري الساعه كام ورد هاشم مش عارف يا جدي والباب خبط

وقام حازم عشان يفتح الباب وتفاجئ بيسري على الباب ويسلم عليه ازيك يا عمي عامل ايه وحشتني والله رد يسري وانت كمان يا حازم بس يا ريت تنزل تدفع للاوبر اللي تحت عشان مش معايا فلوس مصري رد حازم وكمان جاي فقير قال يسري بتقول ايه رد حازم ما بقولش يا عمي ونزل عشان يدفع للاوبر

اما يسري دخل وقال السلام عليكم والكل رد السلام وقام عثمان وهو مبسوط برجوع ابنه وفتح ايديه ويسري حضنه وهو مبسوط وبيسلم عليه ازيك يا بابا عامل ايه وحشتني قوي رد عثمان وانت كمان يا ابني وحشتني قوي واقرب توفيق وسلم عليه وحشتني قوي يا اخويا رد عليه وانت كمان يا حبيبي وحشتني جدا وسلم على شاديه وعلى زكريا واولاد اخواته

واول ما شاف ابراهيم حضنه وسلم عليه وايناس جريت تترمت في حضني يسري وحشتني قوي يا بابا رد عليا وانتي كمان يا قلب ابوكي وحشتني قوي ونغم سلمت عليه ويسري شدها لحضنه وباس دماغها وهاشم سلم على يسري ويسري حضنه وباسه من راسه وحشتني قوي يا هاشم رد عليا وانت كمان يا بابا

وصابرين كانت واقفه مبسوطه برجوعه وقربت منه وهسلمت عليه وهو سلم عليها وقال عثمان اقعد يا يسري عشان تفطر في وسطينا وقال له انا اكلت حاجه بسيطه في الطياره ممكن فنجان قهوه وقالت صابرين من عينيا الاتنين وقامت دخلت المطبخ وهي مبسوطه