الفصل الرابع

رواية اللؤلؤ والأخرس الجزء الرابع 4 بقلم أميرة خالد اللؤلؤ والأخرسرواية اللؤلؤ والأخرس الحلقة الرابعة في البيت عثمان راحوا الشباب الشغل وكان قاعد عثمان وتوفيق وزكريا مع يسري بيتكلموا وقال توفيق كفايه غربه يا يسري واقعد معانا في وسطنا احسن من الغربه ديت رد يسري بقلق انا مرتاح كده يا توفيق ومبسوط بالشغل هناك مش حابب اسيبه

رد زكريا طب ايه رايك نبني لك مستشفى هنا وتبقى في وسطنا احسن ولو انت مش عايز مستشفى نعمل لك عياده كبيره رد يسري صدقوني يا جماعه مش حكايه مستشفى ولا عياده انا هناك مبسوط وكمان معايا العياده بتاعتي جنب المستشفى مش هقدر اسيب هناك دلوقتي بعد ما اتعودت على العيشه هناك

ردت ايناس ليه كده يا بابا انا نفسي تفضل معانا ما تبعدش عننا ابدا رد يسري وهو بيحضنها ولا انا يا حبيبتي بس هعمل ايه شغل هناك وحياتي هناك وانتم هنا في وسط ابويا واخواتي يعني مش محتاجين حاجه وكمان هاشم معاكم ردت صابرين ناقصنا انت يا يسري تبقى في وسطينا ومعانا سكت يسري ويتكلم الحاج عثمان مش دلوقتي الكلام ده وانا ليا كلام تاني معاك يا يسري

وقالت نغم ممكن يا بابا اروح عيد ميلاد صاحبتي يوم الخميس رد يسري يعني انا هاجي يا نغم وانتي عايزه تخرجي وتسيبيني مش تقعدي معايا يا حبيبتي ردت نغم ما انا استاذنت جدو بس هو قال لي اني استاذنك وهي ساعه واحده وراجعه رد يسري ماشي يا حبيبتي بس السواق يبقى معاكي وهي ساعه واحده بس قامت نغم وحضرته انت احلى اب في الدنيا كلها وابتسم يسري

وهي قالت جبت لي بقى حاجات حلوه وانت جاي رد يسري جبت لك كل اللي انتي عايزاه وانتي يا ايناس وريم وروان جبت لهم حاجات برده والشباب وقالت شاديه كفايه ان انت في وسطنا يا اخويا ما كانش ليها لازمه المصاريف دي كلها رد يسري مصاريف ايه يا شاديه ده ما يجيش بعد خير الحج وجبت لكم لكل هدايا ضحك عثمان وقال له وانت فاكر انك هتضحك علينا بالهدايا ديت

رد يسري طبعا لا يابا انا عمري ما اضحك عليك بالهدايا وفضلوا يتكلموا وتليفون يرن باسم لؤلؤه و يسري يتوتر وكنسل عليها قال عثمان ما ترد يا ابني رد يسري لا يا بابا دي المستشفى ومش عايزه ارد انا عايزه افضل قاعد في وسطيكم قالت شاديه اطلع ارتاحي يا يسري شويه وابقى انزل على الغداء واغير هدومك كده رد يسري ماشي يا شاديه وايناس قامت وقالت تعالى يا بابا انا هوصلك وحط ايده على كتفها ومشي معاها

اما في الامارات لؤلؤه كانت زعلانه ان باباها كنسل عليها لاول مره وقالت لها بسمه معلش يا حبيبتي يمكن معاه مريض ولا حاجه اول ما هيخلص هيتصل بيكي على طول ردت لؤلؤه طيب يا ماما يلا نشوف هنعمل ورق برق ازاي بتاع المدرسه ردت بسمه انا كلمت صاحبتي وخلصت كل حاجه وبعثت لها الورق كمان مع السواق ردت لؤلؤه طيب يا ماما احنا عايزين نشوف واحده تعلمنا لغه الاشاره عشان نتعامل مع برق بسهوله

ردت بسمه طب يا حبيبتي وبرق كان قاعد معاهم وماسكه الورقه والقلم لؤلؤه وكتبت له هنشوف حد يعلمنا لغه الاشاره عشان نقدر نتكلم معاك بسهوله كتب لها برق انا ممكن اعلمك شويه حاجات باللغه الاشاره فرحت لؤلؤه وقالت له يا ريت عقبال ما نلاقي حد يعلمنا وبدا برق يعلمها هي وبسمه لغه الاشاره اما في الشركه هاشم كان قاعد مع ابراهيم وبيقول لازم حد فينا يسافر الامارات عشان يمضي مع المصنع الجديد هناك

قال ابراهيم بالاشاره هسافر انا وخليك انت عشان تقفل الميزانيه رد هاشم بالاشاره طب هتعمل ايه اتكلمهم ازاي رد ابراهيم بالاشاره هاخد معايا مترجم اللي كان معايا السنين اللي فاتت رد هاشم تمام انت لازم تسافر النهارده بالليل رد ابراهيم تمام وفضلوا يخلصوا الشغل اللي وراهم اما في شقه يسري طلعت صابرين وراه ودخلت الاوضه لقت يسري نايم على السرير قربت منه وقالت له وحشتني قوي يا يسري رد عليها وانتي كمان يا صابرين عامله ايه

قالت لي انا كويسه ونفسي تقعد معانا هنا وتسيبك من الغربه رد يسري هو احنا مش اتفقنا انك ما تتكلميش في الموضوع ده ثاني وانا مبسوط بشغلي هناك وانتي عارفه بكده ردت صابرين بدلع سيبك من الكلام ده كله هو انا ما وحشتكش ولا ايه رد عليها لا طبعا وحشتيني قربت منه وهو قرب منها ونسيبهم ونروح الامارات برق علم اللؤلؤه وبسمه الكلام بالاشاره وهم كانوا مبسوطين عشان عارفين يتواصلوا مع برق وهو كان مبسوط وحاسس انه في وسط عيلته

وقالت بسمه ايه رايكم نعمل كيك ونشرب لبن معاه ردت لؤلؤه لا انا عايزه اكل تورته وكمان وايس كوفي ضحكه بسمه وقالت لها بتحلمي مش هتشربي قهوه خالص يا لبن يا بلاش تزمرت لؤلؤه وقالت يبقى بلاش وماسكه ايد برق وقالت له تعالى ننزل نتمشى شويه واخذته ونزلوا يتمشوا وبسمه ضحكت على طفلتها اللي مهما هتكبر بالنسبه لها طفله بتصرفاتها ودخلت المطبخ عشان تعمل لها التورته

ولؤلؤه مشيت مع برق في الشارع وبرق وقف وقال لها بالاشاره احنا رايحين فين ردت عليه وهي بتكتب في الورقه هقول لك سر هنروح المول نجيب هديه لماما عشان النهارده يوم مهم بالنسبه لها كتبت برق النهارده ايه ردت عليه عيد جواز بابا وماما قال لها بالاشاره يلا بينا وراح المول واتصلوا على ماجي تيجي لهم على هناك وبعد وقت وصلت ماجي وقالت لها خير يا بقره مش كنت انا بايته معاكي امبارح

ردت لؤلؤه ما انا عارفه عشان كده اتصلت بيكي عشان ننقي هديه حلوه لمامي بمناسبه عيد جوازها مع بابي ردت ماجي طب انتي هتجيبي لها ايه قالت لها مش عارفه فكري معايا وفضلوا يلفوا على المحلات اما عند بسمه جرس الباب ضرب وراحت فتحت ولقت عامل التوصيل ومعايا بوكيه ورد وبوكس هدايا وقال دي شقه الدكتور يسري عثمان ردد بسمه ايوه قال لها اتفضلي الدكتور يسري بعت الحاجات دي للمدام بسمه خدت من الحاجه ومضت بالاستلام

ودخلت وهي مستغربه الورد و بوكس الهدايا ولقت كارت في وسط الورد وفتحته ومكتوب فيها (الى زوجتي الحبيبه وطفلتي الجميله النهارده احلى يوم في حياتي اني اليوم اللي كتبتي على اسمي وبقيتي كل دنيتي كل سنه وانتي معايا وفي حضنك يا اغلى الحبايب امضاء العاشق يسري) فرحت بسمه جدا وفتحت بوكس الهدايا ولقت سلسله جميله جدا ورقيقه ومكتوب من ورا اسمها وتاريخ جوازهم والشوكولاتات اللي هي بتحبها والبرفان اللي هم بيحبوا عليها

ومسكت التلفون عشان تتصل بيسري ولقت التليفون مقفول قامت واخذت الورد وحطيته في الفازه وهي مبسوطه وكملت اعمال التورته اما عند لؤلؤه قالت ماجي بزهق انا زهقت منك ومش عارفه تجيبي ايه ورجلي وجعتني ردت لؤلؤه يعني انتي عايزاني اجيب اي هديه وخلاص لماما مش هجيب لها احلى حاجه وبصه ناحيه برق وما لقيتهوش وقالت هو برق راح فين ردت ماجي كان واقف جنبي هنا من شويه وجري يدوروا عليه

وبعد وقت من التدوير لقت لؤلؤه برق واقف قدام محل فساتين وكانت رايحه عشان تزعق له بس بصت في المكان اللي عيني فيها وشافت فستان تحفه محطوط على الملكان وقفت هي كمان ونسيت نفسها وماجي لقيتهم هم الاثنين متنحين وقربت منهم وهي متنرفزه وقالت لهم اه يا كلاب البحر سايبينني ادور عليكم وانتم واقفين هنا وما ردوش عليها وزهقت ماجي ومسكت قزازه الميه اللي في ايديها ورشه الميه على وشهم

وقالت لؤلؤه في ايه يا ماجي بترش ميه ليه قالت لها انا بقى لي ساعه بكلمكم وانتم ما بتردوش عليا ردت لؤلؤه ما انا خلاص عرفت هجيب لمامي ايه وباست خد برق وقالت له شكرا يا احلى اخ في الدنيا كلها ومسكت ايديه وايه ماجي ودخلوا المحل وطلبه الفستان بالاكسسوارات بتاعتها ودفعت بالفيزا وخرجت وهي مبسوطه وقالت يلا بينا عشان نروح واتكلم بالاشاره انا عايزه اجيب لها هديه

ردت لؤلؤه طيب عايز تجيب لها ايه وشاور لها على محل فضيات وراحوا هناك وبرق عجبه خاتم فضه للثنائي واختاروا شكل منهم وقالت لؤلؤه بفرحه وكده احنا خلصنا كل حاجه ناقص نجيب الورد ونروح وقالت ماجي اروحوا انتم انا رايحه البيت وقالت لؤلؤه ليه يا حبيبتي مش هتيجي تباتي معانا وقالت ماجي لا عشان ماما مسافره النهارده وانا عايزه اقعد معاها شويه ردت لؤلؤه طيب يا حبيبتي وخرجت لؤلؤه وركبت مع السواق هي وبرق يروحوا البيت

اما في القاهره صحي يسري من النوم وشاف صابرين نايمه وقام دخل الحمام واخذ دش وخرج ينشف شعره ولابس ترنج ومسك التليفون ولقاه فاصل شحن وافتكر انه نسي يشحنه واطلع الشاحن من شنطته وحط التليفون عليه وطلع ما لقاش حد في الشقه ونزل شقه ابوه او شايف بناته كانوا قاعدين بيتكلموا مع البنات وشاديه وكوثر في المطبخ ووالده كان قاعد مع الرجاله وراح قعد معاهم

وقال عثمان كل ده نوم رد يسري معلش يا حاج اصل انا صاحي بدري وكمان كان قبليها عندي شغل كتير في المستشفى فما صدقت اريح شويه رد عثمان طيب يا ابني ودخل هاشم ومعاه ابراهيم وسلموا على الكل وقاعده يتكلموا وقال هاشم ابراهيم هيسافر النهارده يا جدي عشان في مصنع لازم نمضي معاه ورد حازم يسافر ايه احنا مش اتفقنا ان احنا هنسافر كلنا مع بعض يوم الخميس عشان نقضي كم يوم مع بعض في الساحل استغرب يسري من الكلام

وقال السفر ايه وساحل ايه رد حازم كده حرقنا المفاجاه بتاعتك يا عمي اصل البنات حبوا نروح الساحل وانا عندي تصوير اعلان هناك في قريه سياحيه انا اقترحت عليهم ان احنا نسافر كلنا فجدي قال خليها لما انت تيجي ونسافر كلنا مع بعض رد يسري بس انا ما ينفعش اتاخر انا سايب شغلي كتير في المستشفى وكبيري قوي اسبوع هنا رد عثمان ما احنا يا ولدي هنسافر اسبوع هناك عشان الشغل ما فيهاش حاجه لو اتاخرت ثلاث ايام

رد يسري بيضيق حاضر يا بابا ما فيش مشكله وقال هاشم يا عم ده هيسافر وهيجي قبل يوم الخميس ده يوم رايح ويوم جاي وهيمضي مع المصنع مش هيعمل حاجه ثانيه رد عثمان خلاص هيسافر امتى يا هاشم قال له النهارده بالليل رد عثمان وهو هيعرف يتعامل معاهم هناك رد هاشم ما هو هياخد الراجل اللي كان شغال معانا ايام ما هو كان ماسك الشركه وهيسافر معاه رد عثمان يبقى على خيره الله يلا نتغدى مع بعض

وقال يسري اطلعي يا نغم قولي لامك تنزل تتغدى معانا ردت عليه حاضر يا بابا اما في شقه يسري صحيت صابرين وبصت جنبها ما لقيتش يسري بس شافت التليفون محطوط على الشاحن وقامت دخلت الحمام اخذت دش وخرجت لبست عبايه حلوه و سرحت شعرها وحطت الطرحه والباب خبط وراحت فتحت ولقيتها نغم وقالت لها بابا بيقول لك تعالي عشان تتغدي رده صابرين طيب انا نازله معاك اهو ونزلوا

وكانت شاديه وكوثر بيحضروا الاكل ودخلت معاهم صابرين والبنات يحضروا السفره وهم بيتغدوا حازم كان عيني على ايناس وبيغمز لها وهي انكسفت ويسري قاعد متضايق وعايز تليفونه يشحن بسرعه عشان يكلم بسمه ولؤلؤه ويطمن عليهم وقال هاشم ما بتاكلش ليه يا بابا رد يسري باكل اهو تسلم ايدك يا شاديه الاكل زي الفل ضحكت شاديه وقالت له انت عرفت منين ان انا اللي عامله الاكل يعني مش صابرين ولا كوثر

رد يسري وانا اقدر انسى اكلك برده ده ريحته من ريحه امي الله يرحمها رد الكل الله يرحمها وابتسمت شاديه وقالت له ربنا يخليك ليا يا اخويا ما يحرمنيش منك ابدا وقالت كوثر كده يا ابن عمي انا ازعل منك يعني انا مش عامله الاكل معاها ولا ايه رد يسري لا عامله معاها بس خلطه المحشي ديت ما حدش يعرف يعملها غير امي وشاديه بس وتسلم ايديك برده يا كوثر على الاكل ابتسمت

وقالت له ماشي يا ابو هاشم هعديها المره دي عشان خاطر راجعتك بالسلامه والكل ابتسم وصابرين اتغاظت من مدح يسري لشاديه في الاكل وقعدوا ياكلوا في جو عائلي لطيف اما في الامارات وصلت لؤلؤه ومعاها برق البيت وفتحت باب الشقه بالراحه ودخلت هي وبرق بهدوء وسمعت اغنيه نجاه عيون القلب ومامتها في المطبخ بتغني بصوت هادي مع الاغنيه وبصت على فازه وشافت ورده احمر وفرحه وراحت ورا مامتها وحضنتها من ضهرها

وقالت لها بصوت هادي كل سنه وانتي طيبه يا احلى مامي في الدنيا فرحه بسمه وقالت لها وانتي طيبه يا حبيبتي وبرق قرب منها وبسها من خدها وهي باسته ولؤلؤه مسكت ايديها وقالت لها تعالي بقى اوريك الهدايا اللي انا جبتها لك مع اني شايفه ان بابا سبقني زي كل سنه ابتسمت بسمه وقالت لها تصدق ان اول سنه انسى فيها عيد جوازنا ردت لؤلؤه من حقك تنسي انتي عايشه بقالك كتير معايا ضحكه بسمه وضربتها على كتفها

وقالت لها ولو جابوا عمر على عمري هعيشه برده في حضني باباكي دي احلى حاجه حصلت لي في الدنيا كلها ردت لؤلؤه يا عيني على الحب ياما نفسي اعيش قصه حب شبه قصه حبك انتي وبابا ردت بسمه ان شاء الله هيجي لك فارس احلامك اللي هيخطفك الحصان الابيض ردت لؤلؤه طب تعالي شوفي هدايا بتاعتي انا وبرق وطلعت لها الفستان وانبهرت بسمه من شكله ومع الاكسسوارات بتاعته وقالت لها تسلم ايدك يا حبيبتي الفستان تحفه

ردت لؤلؤه بصراحه كده ده كان اختيار برق وقرب برق واداها علبه صغيره وهي فتحتها وكان فيها خواتم فضه شكلها تحفه وبسيته من خده وقالت له تسلم يا حبيبي الهديه جميله قوي وهو ابتسم وقالت لؤلؤه هو بابا اتصل بيكي انا برن عليه تليفونه مقفول قالت بسمه وانا كمان يلا اكيد اول ما يفتح تليفونه هيتصل بينا قالت لها طبعا قالت لها طب ايه رايك اقيس الفستان ونبعث له صوره بالفستان هيتجنن وهيجي على طول وقالت بسمه عيب يا بنت ايه الكلام ده

ردت عليها والله ابدا لا لازم تتصوري بيه وشده ايديها وادتها الفستان ودخلت الاوضه وبعد دقائق خرجت بسمه وهي لابسه الفستان وعامله شعرها على جنب وكان شكلها قمر ولؤلؤ من كتر جمالها ما قدرتش تتكلم ومسكت التليفون وصورتها وفتحت الشات بينها وبين ابوها وبعتت له الصوره وقالت بسمه اللي هو الفستان شكله وحش عليا ولا ايه ردت لؤلؤه فستان ايه اللي وحش ده انتي قمر والفستان جامد عليك ده انا لو كنت راجل كنت اتجوزتك على طول

وضحكه بسمه ضحكه رقيقه وقالت لها بطلي بكش ويلا عشان ناكل التورته مع بعض ردت لؤلؤه يلا وقعدوا هي وبرق وبسمه ياكلوا في التورته ومبسوطين اما في القاهره قال يسري اطلعي يا ايناس جيبي لي التليفون من فوق قالت له حاضر يا بابا وفضل قاعد مع العيله وبعد دقائق نزلت ايناس وهي بتدي له التليفون تتفضل يا بابا وفتح تليفونه واتفاجئ بالرسائل جات له على التليفون وعمل تليفونه صامت

وفضل يتكلم مع العيله وهاشم قال لهم انا هطلع مع ابراهيم نجهز الشنطه بتاعته والحاجه اللي هياخدها معاها وهو مسافر وقال يسري ابقى فكرني يا هاشم ادي له رقم دكتور صاحبي هناك عشان لو تعرض لاي مشكله يتصل بيه او يبعت له رساله وانا هكلمه وهعرفه ان ابراهيم مسافر رد هاشم ما تقلقش يا بابا ده هو مسافر يوم وهيرجع تاني اكيد مش هيحتاج حد

رد عثمان كلام ابوك صح واسمع الكلام يا هاشم وانت يا يسري كلم صاحبك وعرفه لو ابراهيم اتصل بيه يساعده على طول رد يسري حاضر يا بابا وطلع هاشم مع ابراهيم الاوضه بتاعته وحط ابراهيم الشنطه صغيره فيها بدلتين وورق الشركه واللابتوب بتاعه والعقود اللي هيمضيها هناك ما بص لهاشم وقال له بالاشاره كل حاجه كده تمام انا هخش اخد دش وهلبس عشان ما تيجي الساعه 10:00 نطلع على المطار رد هاشم تمام وانا هنزل اخد دش انا كمان

اما البنات وهم قاعدين ريم كانت ماسكه ورقه وقلم وبتكتب طلباتها واقرب حازم منها قال لها بتعملي ايه ردت عليه ما فيش بكتب الطلبات اللي هحتاجها واخلي ابراهيم يجيبها لي وهو مسافر رد حازم هو مش لسه عمك جايب لك هدايا محتاجه ايه تاني ردت عليه لا دي حاجات بسيطه ماسكات للوش وكمان غسول وحاجات كده رد حازم طب بقول لك ايه ما تكتبي لي كم حاجه معك كده ردت ريم ليه هو مش عمك لسه جايب لك حاجات وهو جاي من السفر

قال لها تصدقي انتي بنت رخمه وانا غلطان اني هسفركم الساحل انتم تقعدوا هنا ما تسافروش حته ردت ريم خلاص يا عم قول عايز ايه وانا هكتبهم لك وبدا يمليها طلباته وهي بتكتب وبص لايناس وقال لها محتاجه حاجه مني من هناك ردت عليك بصوت رقيق شكرا يا حازم بابا جاب لي كل حاجه وهو جاي قال لها يا لهوي على حازم طالعه من بقك عسل اتكسفت ايناس وجريت قعدت جنب باباها وقال حازم الموضوع ما يتسكتش عليه انا لازم ارتبط بيها

ردت ريم معاك حق خلص بسرعه خلينا نخلص قال لها تصدق يا حنفي اول مره تقول حاجه صح وراح حازم