الفصل الخامس

رواية اللؤلؤ والأخرس الجزء الخامس 5 بقلم أميرة خالد اللؤلؤ والأخرسرواية اللؤلؤ والأخرس الحلقة الخامسة وفي شقه عثمان قعد يسري مع عثمان وهو بيقول له في حاجه يا بابا رد عثمان بصي يا يسري بصراحه كده مش عايزك تسافر تاني وعايزك تقعد هنا عشان تبقى جنب ولادك اللي كبروا وانت مش جنبهم خالص رد يسري ازاي يا بابا اسيب شغل هناك واجي اقعد هنا وانت عارف اني وافقت اتجوز صابرين عشان اتعلم واشتغل بره

رد عثمان ما خلاص خلصنا من الموال ده وعيالك كبروا وخلفت بدل عيل ثلاثه من صابرين اللي اتغير رد يسري اتغير حاجات كتيره يا بابا اني بقيت ما بحبش اقعد هنا وحابب شغل هناك وقعدتي هناك رد عثمان انت في حاجه مخبيها عليا يا يسري رد عليا بتوتر هخبي ايه كل الحكايه اني مرتاح هناك اكثر حتى زمايلي في الشغل كويسين والمستشفى كويسه جدا رد عثمان براحتك يا يسري انا عايزك تتكلم مع هاشم عشان يتجوز بدل ما هو قاعد كده

رد يسري حاضر يا بابا هتكلم معاه محتاج حاجه مني رد عثمان لا يا يسري تصبح على خير رد عليه وانت من اهله وطلع يسري شقته اما عثمان قاعد بيفكر ايه السبب اللي يخلي يسري يرفض العيشه وسطهم وهل هو ظلمه ولا لا اما يسري دخل اوضته ولقى صابرين قاعده مستنياه وقال لها ما نمتيش ليه ابتسمت صابرين وقالت انام ازاي وانت بعيد عني ضحك يسري بسخريه وقال لها طب ما انا طول العمر بعيد عنك وكنت بتنامي

رد الصابرين صدقني ما كنتش بنام كويس غير لما كنت بترجع وتفضل في حضني رد يسري قولي يا صابرين انتي عايزه ايه من الاخر قربت منه وقالت له يعني انت هتجيب لي ايناس طقم ذهب ونغم كمان وتنسى مراتك حبيبتك وضحك بسخريه وقال لها لا مش هنساك وكنت عامل حسابي اجيب لك معاهم فرحه صابرين وقالت له تسلم يا ابو هاشم ومشي يسري وراح قاعده على السرير قال لها تصبح على خير وراح في نوم عميق اما عند ابراهيم وصل الامارات مع هادي وخرجوا من المطار

وقال هادي لسواق التاكسي على عنوان الاوتيل وركبه وبعده وقت وصلوا الاوتيل وهادي اخذ المفاتيح الغرف وقال هادي بالاشاره ده مفتاح غرفتك وابراهيم هز راسه واخذ المفتاح وكل واحد طلع على غرفته وابراهيم اول ما دخل الاوضه قلع هدومه ودخل الحمام غسل وشه وايديه وخرج بس من الشباك على منظر جميل وبعد كده راح نام على السرير وماسك التليفون وبعت رساله لهاشم انه وصل الامارات وفي الفندق دلوقتي

وهاشم رد عليه تمام هكلمك بكره اول ما هتصحى واقفل تليفونه ينام اما في شقه يسري في اوضه ايناس كانت ماسكه التليفون وبتكلم حازم وبتقول له انا مبسوطه قوي ان احنا اخيرا هنبقى مع بعض رد حازم طبعا يا قلبي وانا مبسوط اكتر ان احنا هنتجوز وهتبقي في حضني اتكسفت ايناس وقالت له طب تصبح على خير يا حازم عشان بكره يوم طويل رد عليها بذمتك جاي لك نوم اتكسفت

وقالت له ايوه عايزه انام قال لها طيب يا ستي روحي نامي واقفل معاها و ايناس سابت التليفون وقالت لها نغم طبعا يا اختي مبسوطه انك هتتجوزي الباشا بتاعك ردت ايناس اكيد طبعا يعني انتي لو اتجوزتي اللي بتحبيه ما تبقيش زعلانه ردت نغم يا ريت بس اعمل ايه في دماغ امك الناشفه اللي عايزاني اتجوز واحد ما عندوش قلب اصلا ردت ايناس قصدك مين ردت نغم هكون قصدي مين يعني ابراهيم باشا يا اختي ردت ايناس بجد ابراهيم محترم جدا بس هو بيحبك يعني

ردت نغم ولا بيشوفني اساسا بس هي امك اللي عايزاني اتجوزه انا لو عليا كنت اخترت سيف ردت ايناس انتي بتتكلمي جد ردت نغم ايوه بجد طول عمري بحب سيف بس هو مش شايفني ردت ايناس طب ما تزعليش وان شاء الله هتتجوزي اللي يحبك ويقدرك صدقيني ردت نغم عادي انا مش فارقه معايا هتجوز مين المهم اللي هتجوزه يبقى معاه فلوس عشان لما اطلب منه يوافق على طول وقالت ايناس مش كل حاجه الفلوس اسمعي مني ساعات الحب يبقى اقوى من الفلوس

ضحكت نغم وقالت لها الكلام ده بتاعه العيال التوتو اللي زيك اللي بتفكر في الحب بس الحب يا حبيبتي ما بياكلش عيش ولحمه ما بيلبسش الذهب وفساتين ما بيجيب لكيش كل اللي تطلبيه ردت ايناس خير الامور الوسط مش لازم كل يوم هاكل عيش ولحمه ولا لازم طول الوقت البس فساتين ودهب ما دام العيشه راضيه بينا هعيش مرتاحه اكثر ما يمكن يبقى معاه فلوس بس هو مش كويس وبتاع نسوان او بتاع مخدرات يبقى انا استفدت ايه من الفلوس ديت

ردت نغم كل واحد حر في رايه قالت ايناس ربنا يهديك يا نغم ونامت على السرير ونغم مسكت التليفون وكلمت صحابها اوف اوضه سيف كان بيخلص شغله وهو سرحان في حبيبته ريم قرر انه هيكلم جدو بكره موضوع الجواز وبص في الساعه ولقى الفجر قدامه ساعتين وقرر انه يخلص شغله وينزل بعد الفجر في شقه جده عشان يتكلم معاه في هدوء وكمل شغله بعد وقت صحي عثمان على اذان الفجر وقام دخل الحمام اتوضا وخرج يصلي

وسيف سمع الاذان قام يتوضا وصلى وبعد وقت اخلص واخذ تليفونه والمفاتيح ونزل شقه جدو وفتح الباب ودخل بالراحه وراح اوضه جدو خبط على الباب وفتح لقى جدو لسه بيصلي خرج ودخل المطبخ وعمل كوبايتين شاي بلبن وجنبي فايش وخرج راح ناحيه اوضه جدو ولقى جدو قاعد وقال له صباح الخير يا جدو استغرب عثمان ورد عليه صباح النور يا سيدي اللي مصحيك بدري كده

رد سيف انا اصلا ما نمتش من امبارح عشان كنت بخلص الشغل اللي في ايدي والفجر اذن فقمت صليت وقلت انزل اقعد معاك شويه رد عثمان ماشي يا سيف وكويس ان انت عملت الشاي بلبن والفايش وعثمان خد كوبايه الشاي والفايش وبدا ياكل وسيف كان محتار يتكلم مع جدو ازاي في موضوعه وقال عثمان قول يا سيف اللي انت عايز تقوله ما تخافش رد سيف بتوتر بصراحه كده يا جدو انا كنت عايز اطلب ريم للجواز مش عارف اقولها ازاي

رد عثمان طب ما سهله اهي وانت قلتها ايه المشكله رد سيف المشكله اني مش عارف اقول لهم واتكلم معاها في الموضوع ده رد عثمان انت بتحبها يا سيف رد عليه ايوه يا جدو بحبها مش من دلوقتي انا بحبها واحنا صغيرين وحبها كبر في قلبي بس المشكله اني مش عارف اتكلم معاها واقول لها حاجه فعشان كده جيت لك يا جدو عشان تساعدني رد عثمان خلاص يا حبيبي انا هساعدك وبكره هطلبها من ابوها فرح سيف وحضن جدو وهو مبسوط

وقال له ربنا يخليك لنا يا جدو يلا بقى هسيبك واطلع اكمل شغلي ضحك عثمان وقال له ماشي يا سيدي وخرج سيف وقال عثمان عقبالك يا هاشم انت وابراهيم مفرح بيكم وبعد وقت طويل صحي يسري من النوم وبص في الساعه لقاها 8:00 قام دخل الحمام واخذ دش وخرج لبس هدومي وسرح شعره ورش برفانه وشاف صابرين نايمه واخذ تليفونه ونزل شقه عثمان وفتح الباب ولقى الدنيا هاديه ودخل الاوضه بتاعته

وقفل على نفسه بالمفتاح وانبسط ان الاوضه نظيفه وان على طول اخته بتنظفها وقاعده على السرير ومسك التليفون واتصل على بسمه وما ردتش واتصل على لؤلؤه اللي ردت بصوت ناعس الو رد يسري ايه يا حبيبتي انتي لسه نايمه قامت اللؤلؤه منطوره من على السرير وقالت لا انا صاحيه اهو على فكره انا زعلانه منك وانت وحشتني قوي ابتسم يسري وقال لها وانتي اكتر يا قلبي بس حقك عليا ما عرفتش اكلمك امبارح كان غصب عني ما انتي عارفه الشغل بتاعي

ردت لؤلؤه انا اهم من اي شغل رد يسري اكيد يا قلبي انتي اهم من اي شغل قالت لؤلؤه طيب عايزه اكلمك فيديو عشان انت وحشتني قوي رد يسري بتوتر حاضر يا حبيبتي هكلمك وراح قاعد على المكتب اظبط المكان اللي هيقعد فيه على اساس ان ده مكتب في العياده وراح الدولاب وطلع بالطو ابيض ولبسه وقال يسري ده بيقفلي يا حبيبتي عشان اكلمك فيديو ردت لؤلؤه بفرحه حاضر وقفلت التليفون يسري اتصل بيها فيديو وفتحت بسرعه

وقالت وحشتني قوي يا بابا مش عايزاك تسافر تاني وتفضل جنبي على طول وقال يسري والله يا حبيبتي انا مش عايزه اسافر خالص وافضل جنبك انت وماما وما بعدش عنكم ابدا فرحه لؤلؤه وقالت له ماشي ياسي بابا المهم احكي لي عملت ايه امبارح للنهارده ابتسم يسري وقال لها حاضر يا ست هحكي لك بس قولي لي ماما فين بص لؤلؤه جنبها

وقالت له ما فيش يا سيدي من ساعه ما انت سافرت وهي نايمه جنبي ما بتسيبنيش ابدا وراحت مدوره الكاميرا على مامتها وابتسم يسري على حبيبته اللي ما بيجيلهاش نوم في السرير بتاعهم من غيره وقال خلي بالك منها يا لؤلؤه ابتسمت وقالت له انا بدل ما تقول هي اللي تخلي بالها مني عايزني انا اللي اخلي بالي ضحك يسري وقال لها معلش بقى ما انتي الكبيره ضحكت لؤلؤه

وقالت له ان شاء الله يا حاج المهم انت عارف ان احنا النهارده هنروح نودي برق المدرسه بتاعته رد يسري هو مش لسه بدري على المدارس ردت لؤلؤه ما احنا عارفين اللي لسه بدري بس المدرسه اللي هو هيخشها عامله انشطه صيفيه كويسه لبرق فانا وماما هنروح نوديه النهارده رد يسري طيب يا حبيبتي ولو احتجتي حاجه انا سبت لك الكريدت تجيب اللي انتي عايزاه كله ردت لؤلؤه ماشي يا احلى اب في الدنيا كلها وفضلوا يتكلموا

اما في شقه شاديه صحيت من النوم ودخلت الحمام غسلت وشها وخرجت لبست العبايه وصحه زكريا وقالت له الساعه 9:00 قوم رد زكريا حاضر يا شاديه وئام دخل الحمام وشاديه حضرت له هدومه وخرجت وخبطت على باب اوضه سيف وهو قال لها انا صاحي يا ماما قالت له طيب يا حبيبي وراحت خبطت على باب اوضه روان ما لقيتش رد فتحت الباب ودخلت لقت روان نايمه والغطاء مرمي على الارض وابتسمت على بنتها وقربت منها

وقالت اصحي يا روان وروان ما بتردش هو اصحي يا بنت هتفضلي نايمه لغايه امتى وردت روان سيبيني بس خمسايه اخطف حلم وهاجي لك ردت شاديه حلم ايه يا فاشله قومي يا بنت بدل ما اقوم لك ردت روان خلاص قمت اهو وخرجت شاديه ونزلت شقه ابوها وفتحت الباب بالراحه ودخلت لقت يسري قاعد في الصاله وبيشرب فنجان القهوه وقالت له بتشرب القهوه ليه استنى انا هعمل فطار رد يسري تعالي يا شاديه انا عايزه اتكلم معاكي

ردت شاديه مش دلوقتي يا يسري وانا برده عايزه اتكلم معاك بس خليها وقت ثاني رد يسري بس انا عايز اكلمك دلوقتي وافهم مالك انتي من امبارح متغيره معايا ليه ردت شاديه بصوت واطي اهدى بس يا يسري مش دلوقتي عشان العيله كلها تنزل دلوقتي رد يسري تمام وانا هستنى نتكلم وراح قايم ودخل اوضه والده شاف عثمان قاعد وقال له صباح الخير يا بابا رد عثمان صباح النور يا سيدي صاحي من امتى يا يسري

رد عليه من الساعه 8:00 لما دخلت الشقه لقيتك نايم فرحت اوضت شويه عقبال ما حضرتك تصحى رد عثمان طيب يا ابني اما كوثر نزلت ودخلت المطبخ وشافت شاديه بتحضر الفطار وقالت لها وانا داخله كنت سامعه صوت يسري قاعد مع عمي هو صاحي من بدري ولا ايه ردت شاديه ما انتي عارفه ان يسري دايما بيصحى بدري قالت لها طيب وست صابرين فين مش هتنزل تعمل معانا الاكل ولا هي فاكره نفسها في شهر العسل

ردت شاديه بقول لك ايه سيبك منها انا مش ناقصه وجع دماغ وتعمل لنا حوارات خليها براحتها لغايه ما يسري يسافر تاني ردت كوثر مالك يا شاديه فيك ايه متغيره من امبارح في حاجه مضايقاك ردت شاديه ما فيش يا كوثر بس انا مخنوقه شويه اديت لها طب يا حبيبتي انا مش اضغط عليك ردت شاديه يا ريت وكملت شاديه تحمير البطاطس وعمايل الفول وبره كل الشباب نزلت والبنات وكان توفيق قاعد مع يسري وعثمان وزكريا وقال حد اتصل بابراهيم يطمن عليه

رد هاشم ما تخافش يا عمي انا اطمنت عليه وبعث لي رساله رد توفيق طب كويس وفضلوا يتكلموا مع بعض اما في الامارات قامت لؤلؤه بعد ما خلصت مكالمه باباها ودخلت المطبخ عملت الفطار وحطيته على السفره ودخلت اوضتها تاني شافت بسمه نايمه واخده برق في حضنها وابتسمت ومسكت تليفونها وصورتهم كم صوره وبعد ما خلصت قربت منهم وقالت بصوت عالي خيانه قامت بسمه منطوره وقالت في ايه في زلزال ضحكه لؤلؤه

وقالت زلزال ايه يا بسبوسه قلبي مفيش حاجه بس حضرتك نايمه وحضنا برق دي تعتبر خيانه وبسمه خدت فرده شبشب ورميته عليها وقالت بقى يا جزمه تخضيني الخضه ديت وتقولي لي انتي حاضنه برق ليه وخيانه طب ايه رايك ان كل يوم وانا نايمه هحضن برق فيه واذا كان عاجبك ردت لؤلؤه بطفوله وانا مش موافقه حضنك ده ليا انا لوحدي ومحدش هياخده خالص فاهمه ولا لا يا بسبوسه وسابتها وخرجت

وضحكت بسمه على طفلتها الصغيره ان مهما هتكبر هتفضل طفله برضو وبرق كان صاحي بيتفرج عليهم وبيبتسم وقالت بسمه كتبت له يلا يا برق قوم اغسل وشك واغسل سنانك وجهز نفسك عشان هنروح المدرسه النهارده هز راسه بالموافقه وقام وهي كمان قامت ودخلت اوضتها غسلت وشها وخرجت غيرت هدومها ومسكت التليفون ولقت رساله من يسري وابتسمت وردت عليه وخرجت راحه المطبخ

وقالت له لؤلؤه تعالي يا هانم الفطار جاهز ومستنيكي ابتسمت بسمه وقربت وشافت لؤلؤه عامله بان كيك وكمان عامله بيض ولبن وقالت ايه فطار الاميرات ده في ابتسمت لؤلؤه وقالت طبعا لازم يكون فطار اميرات مش حضرتك هتفطري فيه يا اميره قلبي يسري انتي ابتسمت وقالت لها ماشي يا ستي بس انتي صاحيه من بدري ولا ايه

ردت لؤلؤه ابدا اصل بابا اتصل عليا وانا كنت بكلمه حتى قلت له اصحيكي وهو ما رضيش قال لي انا بكلمك انتي بس وعايزه اكلمك لوحدك مش عايز حد ثاني ردت بسمه متاكده قالت لها ايوه بتغاظت بسمه وقالت لها على فكره باباك اتصل بيا الاول وبعد كده ابعث لي رساله يعني ما كانش هيكلمك انتي الاول يا اختي اتضايقت لؤلؤه وقالت لها طب اقعدي كلي بقى عقبال ما اروح اشوف برق بيعمل ايه وهي ماشيه

قالت بصوت عالي ماشي يا بابا والله لاوريك لما تكلمني ثاني وضحكه بسمه عليها ودخلت الاوضه وشافت برق بيربط الكوتش وهي قربت تساعده ومسكت ايديه وخرجوا وقعدوا يفطروا في جو عائلي جميل اما ابراهيم صحي من النوم ودخل الحمام غسل وشه مخرج قعد على الكرسي وهو بيبص من القزاز على شكل البلد الساحره وطلع اللاب توب وبدا يشتغل اما في القاهره الكل قاعد على السفره وقال عثمان بقول لك ايه يا توفيق رد عليه نعم يا بابا

قال له ايه رايك في سيف ابن اختك رد توفيق رايي فيه ازاي يعني يا بابا سيف ادب واخلاق واحترام وهو ابني رد عثمان مدام كده يبقى كويس سيف طالب ايد ريم للجواز رايك ايه فرح توفيق وقال هو في رايي بعد رايك يا بابا ده كفايه ان سيف يبقى ابن اختي وابن زكريا كمان صديق عمري ردت زكريا الله يخليك يا توفيق وريم كانت مصدومه ويعنيها على هاشم اللي بيتعمل عادي ولكن في حاجه وقالت شاديه بجد يا بابا ده ما تعرفش انا مبسوطه ازاي

رد عثمان المهم عروستنا رايها ايه وبصوا على ريم لقوها ساكته وما بتردش وقال حازم السكوت علامه الرضا رد عثمان اسكت انت خلينا نعرف رد اختك ايه وقال لها قولي يا ريم موافقه ولا لا سكت ريم وما ردتش وقالت كوثر هترد تقول ايه يا عمي ده كفايه ان سيف ادب واخلاق واحنا عارفين بده احنا موافقين يا عمي رد عثمان يبقى على خيره الله تروح تنقي شبكتها النهارده مع ايناس بنت عمها

قامت كوثر زغرطت والكل فرحان ونغم كانت مصدومه ومتضايقه من اللي حصل وبصت لها صابرين وقالت بصوت واطي شفت يا بنت كله بيدور على مصلحته ازاي اسمعي كلامي ودوري على مصلحتك مع ابراهيم وسيبك من الهبل اللي في دماغك ده نغم كانت ساكته ومتضايقه من اللي حصل وايناس بصت لاختها بقلق وسيف كان فرحان ومبسوط انه اخيرا هيتجوز حب حياته والكل قام بارك لهم

وريم لسه مصدومه وفاقت على صوت هاشم وهو بيقول لها الف مبروك يا ريم ردت عليه الله يبارك فيك وروان كانت مبسوطه وقالت لها مبروك يا مرات اخويا ابتسمت ريم سكه وقال حازم ده كده ابراهيم هيزعل لما يعرف ان انا وسيف هنخطب وهو ما يعرفش حاجه رد هاشم ولا تزعل نفسك واتصل على ابراهيم فيديو وابراهيم فتح وقال هاشم بالاشاره صباح الخير رد ابراهيم صباح النور وقال له هاشم بالاشاره انا عندي اخبار حلوه

رد ابراهيم ايه هي وقال له هاشم بالاشاره كل اللي حصل وابراهيم اتبسط وقال له قل لهم اني هجيب لهم هدايا حلوه النهارده وانا جاي واقول لهم الف مبروك رد هاشم حاضر وشغل التليفون على الشاشه عشان الكل يشوف ابراهيم وقال ابراهيم بالاشاره انه مبسوط قوي عشان خاطر سيف وحازم وريم وايناس وهيجيب لهم الشبكه من الامارات وهو جاي ورد هاشم بالاشاره ما تجيبش حاجه عشان هم نازلين النهارده يجيبوا الشبكه

رد ابراهيم طب انا هجيب لهم هدايا وما حدش يعترض رد حازم ما تخافش يا حبيب اخوك انا مش هعترض هات انت وما لكش دعوه الكل ضحك على حازم وقال هاشم بالاشاره انت لسه ما فطرتش يلا انزل افطر رد ابراهيم بالاشاره حاضر وقفل معاه اما في الامارات قامت لؤلؤه ولبست هدومها هي وبسمه واتصلوا على السواق عشان يوديهم المدرسه بتاعه برق وبعد وقت وصلوا ودخلت بسمه تدور على صاحبتها

ولؤلؤه ماسكه ايد برق وشافت واحده بتعلم لغه الاشاره لاولياء الامور خدت برق وراحت لها وقالت لها هو حضرتك بتعلمي لغه الاشاره ردت عليها ايوه ردت لؤلؤه طب انا عايزه اتعلم عشان اعرف اتعامل مع اخويا رده المشرفه تمام اقعدي جنبهم وقعدت واتعلمت كم كلمه زي انت رايح فين والرد بتاعها اذا كان رايح للدكتور او رايح الفندق او رايح الحمام او وجت بسمه وندهت عليهم برق راح لها وفضلت لؤلؤه بتتعلم

اما ابراهيم نزل المطعم اللي في الفندق اوجه الويتر وقال له تطلب ايه يا فندم وابراهيم اخذ ورقه وقلم وكتب اللي هو عايزه فطار واداها للويتر والويتر فهم وماشي وابراهيم قاعد وبعد دقائق جاي الفطار وفطر ونزل هادي وقال له صباح الخير رد عليه ابراهيم بالاشاره صباح النور اقعد افطر معايا رد هادي بالاشاره تمام وقعد فطر معايا

اما عند لؤلؤه خلصت مع المشرفه وراحت لمامتها وسمعت صاحبه مامتها بتقول لازم تكشفوا على برق ان في حالات بتبقى محتاجه ان تتكشف عليها عشان ممكن يعملوا عمليه ويرجعوا يسمعوا تاني والكلام يقولوه بتهتها بسيطه وقالت لؤلؤه بجد يا طنط الكلام ده ردت عليها ايوه في كذا حاله اهاليها كشفت عليها السنه دي وعرفوا انهم محتاجين عمليه وساعتها الموضوع ده بيبقى اسهل

ردت لؤلؤه طيب يا طنط انا هاخده واوديه المستشفى واعمل له كشف واطمن وان شاء الله حظه يبقى حلو يبقى ليه عمليه ردت عليها تمام وقالت لؤلؤه هو راح فين برق يا ماما قالت لها دخل لنشاط الرسم قالت لها لؤلؤه طيب انا هروح له وفضلت بسمه واقفه مع ايه صاحبتها وقالت لها انتي متاكده يا ايه من الكلام ده انا خايفه على لؤلؤه عشان ما تحطش امل وترجع تضايق بعد ما يحصلش حاجه

ردت ايه والله يا بسمه في حالات كثيره راحت كشفت بالذات لانهم مولودين ما بيتكلموش ولا بيسمعوا ولاقوا ان في العمليه ديت وهتساعد الاطفال كثير ردت بسمه يا رب يا ايه يطلع لبرق العمليه ديت كلنا هنتبسط ردت ايه ان شاء الله قولي لي بقى انتي مختفيه كل ده ليه وبرق ده قريبكم ردت بسمه تعالي وانا هحكي لك كل حاجه بس اعزموني بقى على فنجان قهوه ردت ايه من عيني الاثنين وراحوا قعدوا في مكان هادي

اما لؤلؤه راحت النشاط الرسم واستاذنت ودخلت وشافت اطفال كثيره زي برق وقعدت ترسم معاهم وتضحك وتلعب معاهم والاطفال مبسوطين وبرق بيبتسم على اخته اللطيفه اللي ربنا بعتها له ملاك من السماء اما عند ابراهيم خلص فطاره بص الهادي وقال له بالاشاره يلا عشان نروح الاجتماع في الشركه رد هادي تمام وخرجوا بعد ما طلبوا عربيه من الفندق وراحوا الاجتماع اما عنده لؤلؤه فخلصوا النشاط ومسكت ايد برق راحوا البسمه

وقالت لؤلؤه ماما انا عايزه رقم عمو سليم عشان عايزه اكلمه واقول له اني اروح للمستشفى عشان اعمل فحوصات برق ونشوف موضوع العمليه ديت ردت بسمه طب ما تصبري لبكره ونروح سوا عشان ايه اتصلت بصحابنا وهم قرروا ان احنا نتغدى مع بعض النهارده ردت لؤلؤه مش مشكله يا ماما خليكي انتي مع اصحابك وانا هروح انا وبرق المستشفى ردت بسمه ازاي يعني تروحوا لوحدكم ردت عليها هيبقى معانا السواق هاتي بس الرقم وانا هكلم عمو سليم

ردت بسمه ماشي يا ستي خلي بالك من برق قالت لها ماشي وطلعت بسمه تليفونها وادت لؤلؤه الرقم وخرجت لؤلؤه وركبت مع السواق وقالت له اطلع على المستشفى اللي بابا شغال فيها رد السواق حاضر اما في القاهره يسري كان قاعد بيكلم سليم في التليفون وسليم قال له انا بعثت رساله لابن اخوك عشان اعرفه لو في حاجه يكلمني رد يسري تمام وشكرا يا سليم مش عارف اعمل معاك ايه بعد كل اللي بتعمله معايا

ضحك سليم وقال له عيب عليك احنا اخوات قبل ما نكون صحاب رد يسري اكيد طبعا يا سليم اما عند ابراهيم فخلص الاجتماع ومضى العقد وطلب منه صاحب المصنع انهم يتعشوا مع بعض النهارده وابراهيم بص الهادي وقال له بالاشاره قل له لا اني مسافر بالليل عشان اخواتي هيتجوزوا رد هادي بالاشاره تمام يا فندم وقال هادي لصاحب المصنع كلام ابراهيم كله ورد صاحب المصنع تمام مره الجايه ما فيش اي عذر للعزومه

وقال هادي الكلام ده لابراهيم وابراهيم قال له تمام وقال هادي لصاحب المصنع ان هو موافق وخرجوا وابراهيم شاف تليفونه ولقى الرساله بتاعه سليم ورد عليه شكرا يا دكتور بس انا كويس ولو في حاجه هبقى اكلم حضرتك وقفل الرساله وقال لهادي انا عايزه اروح المول اشتري حاجات رد هادي بالاشاره وانا كمان عشان اختي طالبه مني حاجات كثيره ابتسم ابراهيم وهو افتكر الورقه بتاعه ريم وحازم وقال له بالاشاره تمام

اما في المستشفى لؤلؤه اتصلت بسليم وعرفته انها في المستشفى ونزل السليم يجري واول ما شافها قال لها مالك يا لؤلؤه فيكي حاجه يا حبيبتي ردت عليه ما تخافش يا عمو انا كويسه ما فيش حاجه قال لها طب انتي جايه المستشفى ليه حكيت لي لؤلؤه كل كلام اللي قالته صاحبه مامتها وقال لها سليم طب تعالي واخدها وداهم للدكتور وقال لها ده الدكتور فادي متخصص في الحالات ديت وهيساعدك كثير ردت لؤلؤه شكرا يا عمو

وبص لفادي وقال له دي لؤلؤه بنت الدكتور يسري خلي بالك منها رد الدكتور فادي من عيني وقال لها انتي بتشتكي من ايه ردت لؤلؤه مش انا اللي بشتكي وحكيت له كل كلام المشرفه ورد فادي تمام وبدا يكشف على برق وطلب منهم اشاعه وفحوصات يعملوها اما ابراهيم كان في المول ودخل محل ذهب واشترى الطقم دهب لاخته وطقم ذهب لايناس وعجبوا سلسله رقيقه اشتراها وحطها في علبه لوحدها واشترى لنغم وروان ومامته وعمته وصابرين ودفع بالكريدت

ودخل محل ساعات واشترى طقم ساعات للرجاله والشباب تحفه وفضل يلف في المول وقال لهادي بالاشاره روح انت اشتري اللي انت عايزه وانا هقعد في الكافيه عقبال ما تيجي رد هادي تمام ولو في حاجه ابعث لي رساله على طول رد ابراهيم تمام وهو بيلف لفت نظره محل فضه ودخل وشاف خواتم ثنائي وعجبه طقم واشتراه اما عند لؤلؤه في الدكتور قال لها الاشاعه مش هتطلع غير بكره وان شاء الله اول ما تطلع هقول للدكتور سليم

ردت لؤلؤه تمام وخرجت من عند الدكتور هي وبرق وتليفونها رن ولقت ماجي وقالت ازيك يا كلبه البحر ضحكت ماجي وقالت لها انا عماله اتصل بيكي وانتي ما بترديش ردت لؤلؤه معلش يا حبيبتي اصل كنت في المستشفى مع برق وقالت ماجي في ايه برق تعبان ولا حاجه ردت لؤلؤه لا ما تخافيش هو كويس بس وحكيت لها كل اللي قالته صاحبه مامتها وقالت ماجي يا ريت قالت لها لؤلؤه يا رب يا ماجي يكون في عمليه ويرجع برق يسمع ويتكلم تاني

رد ماجي ان شاء الله يا حبيبتي بقول لك ايه ما تيجي انا فاضل لي ساعه واخلص ردت لؤلؤه طب تعالي انتي على البيت قالت ماجي لا انا عايزه اشتري حاجات تعالي انتي عشان بعد ما اخلص نطلع نجيب الحاجات اللي انا محتاجاها ردت لؤلؤه طيب انا جاي اهو وقفلت معاها وخرجت وطلبت من السواق يوديها المول وبعد وقت وصلت لؤلؤه وبرق وراحوا ناحيه الكافيه لقوا ماجي خلصت الشغل وخرجت لهم وقالت لهم يلا بينا خلينا نشتري اللي احنا عايزينه

ردت لؤلؤة يلا يا ستي وراحوا على محل لبس مع برق ودخلوا ماجي فضلت تنقي في الهدوم اما ابراهيم كان ماشي التليفون بتاعه بيدور عليه ومش لاقيه افتكر انه في المحل ورجع يجيبه وقالت لؤلؤه انا هروح الحمام وهاجي لكم خلي بالك يا ماجي برق قالت لها طيب وخرجت لؤلؤه وراحت الحمام وهي ماشيه شافت واحد وحواليه ناس وبيزعق وقربت منهم وسالت واحد من اللي واقفين في ايه رد عليها ما فيش ده واحد شكله اخرس وبيتخانق مع الموظف

واتدخلت لؤلؤه بعد ما فهمت الكلام وقالت انت بتزعق ليه اتكلم باحترام هو بيقول لك ان التليفون نسيه هنا وقرب المدير وقال في ايه يا انسه فين الموظف بتاعك قليل الادب ومش بيحترم الزباين ازاي يتكلم مع الزبون بالطريقه ديت رد المدير طب فهميني ايه اللي حصل قالت له الزبون بيقول انه نسي التليفون هنا وهو عايزه والموظف بيقول ان هو كذاب وان هو حرامي رد المدير طب ثواني هراجع الكاميرا واشوف تليفونه فين

ولفت لؤلؤه وبصت لابراهيم وقالت له بالاشاره ثواني هيشوف الكاميرا وهيجيب لك تليفونك اتصدم ابراهيم من الملاك اللي واقف قصاده وهز راسه والمدير راجع الكاميرا وعارف ان الموظف سرق التليفون بعد الزبون ما مشي وقال انا اسف يا انسه وشوفي ايه اللي يرضيه واعمله له والموظف ده هنسلمه للشرطه وقالت لؤلؤه بالاشاره لابراهيم كل المدير قاله رد ابراهيم بالاشاره انا عايز التليفون بس ولا يحبسه ولا حاجه

ردت لؤلؤه بالاشاره مستحيل لازم يتحبس ده انسان مش كويس واقل ادبه عليك رد ابراهيم بالاشاره انا مسامحه ومش عايز حاجه المهم التليفون ردت لؤلؤه بالاشاره حاضر هجيبه لك هو عايز التليفون مش عايز حاجه رد المدير انا متشكر جدا والف شكر لك وجاب له التليفون ولؤلؤه اديته له وقالت له بالاشاره انت محتاج حاجه اساعدك فيها رد ابراهيم بالاشاره شكرا وانتي اسمك ايه لؤلؤه مسكت ورقه وقلم وكتبت له اسمها واديته له وابتسم بابراهيم

قال لها ثواني وطلع العلبه الصغيره واديها لها وقال لها شكرا فتحتها لؤلؤه ولقت سلسله حاولي ترفض انها تاخدها بس ابراهيم صمم انها تاخدها ووافقت ولقت تليفونها بيرن باسم ماجي وقالت له انا لازم امشي باي باي ومشيت وابراهيم فضل سرحان فيها قد ايه جميله ورقيقه شبه الملايكه وراح ابراهيم قعد في الكافيه يستنى هادي اما لؤلؤ دخلت الحمام وخرجت راحت لماجي اللي قالت لها كل ده تاخير يا كلبه البحر

ردت لؤلؤه والله غصب عني اسمعي بس وانا هقول لك وحكيت لها كل اللي حصل وردت ماجي وازاي يسيب الموظف ده يمشي كانت حبسه ردت لؤلؤه هو شكله محترم ووسيم جدا ضحكه ماجي وقالت لها ماشي يا ستي وقالت لؤلؤه لبرق ايه رايك ناكل ايس كريم رد برق بالاشاره تمام وراحوا الكافيه قعدوا وطلبوا الايس كريم ولؤلؤه بتلف وشها شافت ابراهيم قاعد وقالت لماجي هو ده وماجي اول ما شافته قالت لها ايه القمر ده وفي رجاله حلوه كده ضحكه لؤلؤه

وقالت لها ده انتي ناقص تقومي تبوسيه من بقه اللي انتي بتعمليه ده يا ماجي ردت عليها يا بنتي هو في رجاله حلوه كده وفضلوا يتكلموا وابراهيم بيلف وشه شافها وطلع التليفون بهدوء وصورها كذا صوره وقالت ماجي تيجي نشوف ومحتاج حاجه بدل ما هو قاعد لوحده ردت لؤلؤه اتكسف ردت ماجي تتكسفي ليه وماسكه ايديها وراحت على الترابيزه بتاعه ابراهيم وقعدت ماجي من غير ما تتكلم

ولؤلؤه قالت له بالاشاره انا اسفه جدا بس دي ماجي صاحبتي انت قاعد هنا محتاج حاجه نعملها لك رد ابراهيم بالاشاره لا شكرا انا مستني شخص جاي قالت له طيب يلا يا ماجي نرجع الترابيزه بتاعتنا ردت ما اجي خلينا قاعدين شويه حد يشوف القمر ده ويمشي برده وابراهيم قرا الشفايف وابتسم وقالت ماجي بس الحلاوه ولا ابتسامته الجميله ردت لؤلؤه تصدقي معاكي حق هو زي القمر ابراهيم بيعرف يقرا الشفايف وابتسم على كلامهم

وقال الاشاره اقعدوا واقفين ليه قولوا له مسكت ورقه وقلم وقالت له انا اسفه مش هينفع نقعد عشان معايا اخويا قاعد هناك وادته الورقه قراها وكتب لها طب هاتيه يقعد معانا وداها الورقه وهي قريتها وراحت جابت برق وقعدوا معاه اتصدم لما شاف برق كان حته منه وهو صغير وبرق قال بالاشاره الايس كريم بتاعي هناك انا عايزه ابراهيم شاور للويتر وكتب له في الورقه انه عايز نفس طلبات الايس كريم بتاعه الترابيزه اللي هناك وعايز ليه قهوه

رد الويتر تمام وبعد دقائق رجع بالطلبات وقال ابراهيم بالاشاره انتي بتعرفي تتكلمي بالاشاره مسكت الورقه والقلم وكتبت لا لسه بتعلم عشان خاطر اخويا رد ابراهيم كويس وفضل طول القاعده ابراهيم يبص البرق وهو مستغرب الشبه اللي بينهم وبعد دقائق وصل هادي وقال بالاشاره انا اسف يا فندم اتاخرت عليك جدا رد ابراهيم ما فيش مشكله وقامت لؤلؤه وماجي وقالت احنا هنروح بقى محتاج حاجه

رد ابراهيم شكرا وبص البرق وقال له بالاشاره انا مبسوط جدا اني تعرفت عليك رد برق بالاشاره وانا كمان واسمي برق وقال ابراهيم وانا ابراهيم ومشوا وابراهيم قال لهادي يلا نروح الفندق عشان الطياره بالليل رد هادي تمام يا فندم ومشوا وقالت ماجي مش غريبه ردت لؤلؤه الغريب قالت لها الشبه اللي بيني وبين برق ردت لؤلؤه وانا كمان لاحظت بس قلت يخلق من الشبه 40 قالت لها معك حق يلا بقى نروح

اما في القاهره في المحل بتاع المجوهرات البنات كانت واقفه والشباب وشاديه وصابرين وكوثر معاهم بينقوا الشبكه وريم كانت سرحانه في دنيا تانيه وقالت كوثر يلا يا ريم نقي الدبله بتاعتك ايناس نقيتها قالت لها حاضر يا ماما ونقت الدبله