رواية المغرورة و الأعمى الفصل العشرون 20 - بقلم بسمة البياتي

المغرورة-و-الأعمى-
(بقلم بسمة   البياتي )
- بارت التاسع عشر -

ماري...بان دائما تحجي ويا سارة وتبجي
لان هي ...

أيلول.. ترة شلعتي قلبي شبيج تحجين وتسكتين راح اكفخج

ماري... لأن ماري تحب عمو أياس

أيلول... عادي شكو بيها هو بمقام أبوها أو أخوها الجبير

ماري... لا لا اسمعها اتكول مجاي اكدر اتحمل اشوف أيلول ويا إياس هذا مكاني جان لأزم اني اكون زوجتة

أيلول.. اني صافنة على ماري هاي اشدتحجي
اكولج اني اشدتخربطين شنو مكاني شنو زوجتة
وصلت بيج الفتانة تتبلين على أختج

ماري... والله مجاي أكذب هي هيجي تكول

أيلول... بقيت اربط كل تصرفات بان وشلون متغيرة لا يا الله معقولة بان تحب إياس دخيلك ربي على هاي المصيبة

احس نفسي انشليت اريد انطق كلمة ما أكدر

بالكوة حجيت
ماري هذا الكلام الكلتي ما أريد اي بشر يعرفة حتى بان لاتكوليلها اني أعرف

واذا عرفت بيج حاجية الأحد اذبحج بيدي لا عبالج هذا الموضوع عادي ترة بابا اذا عرف يحط طلقة برأس بان

ماري.. بخوف لا والله ابد ما أحجي

أيلول .. يلا روحي نزلي جوة

طلعت ماري بقيت وحدي صار عندي صداع راسي يريد يطك  حسيت الموضوع فوك طاقتي اريد احد يشاركني بي لان عقلي توقف عن التفكير صرت ما اعرف شسوي

لزمت الموبايل بس أيدي ترجف اريد أطلع رقم ود مجاي اكدر  بالكوة كدرت اتصل سمعتها تكول الووو
اريد اكوللها الووو ما أكدر صوتي اختنك

ود تصيح الووو أيلول جاوبي شبيج يمعودة

أيلول.. بصوت يرجف ود تعالي محتاجتج

ود.. أيلول  فدوة بس كوليلي شبيج لاتخوفيني أهلي بيهم شي

أيلول... لاتخافين والله مبيهم شي بس اني مختنكة اريد احجي وياج

من تجين لاتحجين شي كدام اهلي ولاتكولين ايلول اتصلت بيه سوي نفسج جاية زيارة عادية وبعدين تعالي الغرفتي

سديتة منها وأنفجرت بالبجي حتى لطم لطمت ربي دخيلك ساعدني
كمت قفلت باب الغرفة خفت احد يصعد ويشوفني بهاي الحالة

بقيت اكثر من ساعة كاعدة بالكاع ابجي اندكت الباب

بسرعة مسحت دموعي
رحت فتحت الباب شفت ود كدامي
هي بقت مصدومة من منظري بسرعة دخلت للغرفة

متحملت حضنتها قوي جنت اشهك وابجي

ود.. ولج لولة بس فهميني شبيج ترة والله وكعتي گلبي

أيلول... أريد احجي ما أكدر الشهكة مجلبة بيه

ودت كعدتني على السرير وجابتلي مي شربت

ود ... لولة أهدئي وفهميني شبيج

أيلول... حجيت الود كلام ماري

ود ... أيلول شنو تخبلتي شنو هذا الكلام هاي أكيد ماري تكذب

أيلول... لج ود ماريا صح متعرف تضم شي بقلبها يس متكذب وتصرفات بان فعلا ادل على هذا الشي

ود.. عزااا العزاها هاي أكيد تخبلت

أيلول... راح اموووت ساعديني ولج والله سئلتها قبل لا اوافق عليه اذا جانت تحبه او لا

بكل ثقة تكولي لا طبعا اني اهم شي عندي دراستي اني وين شايفتة حتى احبه

لج الخاطرها قبلت اخذ شخص ما اريدة وتالي تطلع تحبة

كمت الطم على خدودي ود بالكوة لزمت ايدي جانت هي هم تبجي وياي

هسة كوليلي منو سبب تعاست منو اني لو هي

اني دمرت حياتها لو هي دمرت حياتي

ود .. كافي أيلول راح يصير بيج شي

أيلول.. اكثر من هذا بعد شراح يصير بيه بس فهميني شلون راح اكدر اتقبل إياس واني ادري بأختي غركانة بحبة

لج هملت حتى دراستها ومستقبلها علموده

زين واني شلون راح اكدر أشوفها كدامي واباوع بوجها بعد

جنت من اشوف اهتمامها بإياس عبالي بعفوية لان معتبرتة مثل بابا طلع كل هذا من حبها اله

والمصيبة الجبيرة وكعت بالسان ماريا ولج هاي وين تكدر تلزم لسانها ومتحجي
وموبس ماريا تعرف لج سارة هم تعرف

ود ... والله العظيم مجاي اكدر أفكر ولا جاي اكدر اجاوبج الله يساعدج على هاي المصيبة

أيلول.. مسحت دموعي شوفي ود اريدج تحجين ويا بان وتسئليها كوليلها ماريا سامعتج
بس ديربالج تكوليلها أيلول عرفت

واحجي ويا ماري هم وخوفيها حتى لاتحجي شي كدام اي احد حتى القدر لاتحجون لان هذيج عصبيه  وهي حامل اخاف يصير بيها شي

ود.. ماشي راح احجي وياهم

أيلول.. بس مو اليوم لان شافوج صعدتي يمي اذا هسه حجيتي راح تعرف اني هم عرفت

ود ... اووووف الله كريم اليوم راح اخذ ماريا  وياي حتى احجي وياها براحتي ومن ارجعها أحجي ويا بان

انتي كافي بجي شوفي شصار بحالج هسه زوجج على جية اذا شافج هيج راح يشك بيج

أيلول... صرت اختنك من كلمة زوجج

ود ... ان شاء الله كلشي ينحل لاتنقهرين

أيلول... من تنزلين جوة اذا  سئلوا عليه كوليلهم عدها مغص اخذت مسكن ونامت

نزلت ود بقيت وحدي  دموعي ولا تقبل توكف شوية صعدت ماما تطمئن عليه غمضت عيني بسرعة سويت روحي نايمة

جنت بعدني مغمضة سمعت صوت ماما وإياس بالغرفة

إياس... أم قدر شبيها شنو يوجعها ومن شوكت نايمة وليش مخابرتيني

أم قدر .. والله ما أعرف شبيها
ود كالت بطنها توجع ومأخذة مسكن ونايمة

أيلول ... من عطر إياس عرفتة قريب مني حسيته كعد يمي على السرير وخلى أيده على كصتي يشوف حرارتي

إياس... وجها حار هاي مصخنة

أيلول أفتحي عينج حبيبتي كوليلي شبيج شنو يوجعج

أيلول .. أسمعة بس ما أكدر احجي واذا افتح عيني متأكدة دموعي راح تخوني وتنزل  بقيت ساكتة

ماما... بنتي فدوة بس جاوبينا شبيج

أيلول... جاوبتهم واني بعدني مغمضة جان صوتي مختنك
مابية شي بطني شوية توجع عوفوني أنام

إياس.. كومي اخذج للمستشفى خوما تبقين هيج

ايلول .. كتلكم مبية شي بس أريد انام

ماما عافتنا ونزلت 
بهذا اليوم متحركت من الفراش وإياس يحير شيسويلي

الليل كلة هو منايم كل شوية يشوف حرارتي  اشكد حاول يأخذني للمستشفى مقبلت كتلة صرت احسن

ثاني يوم بالكوة نزلت جوة حتى أساعد ماما لان وحدها ماريا ويا ود وبان بالكلية

الظهر  أجوي إياس وبابا من شافوني نازلة جوة فرحوا لان جانوا خايفين عليه صبينا غدة بالكوة شوية اكلت
بعد الغدة بسرعة خلصت شغلى وصعدت فوك ما أريد اشوف بان من ترجع

المغرب دخلت ود للغرفة جان شكلها ميتفسر

أيلول... مبين من شكلج حاجية ويا بان

ود... ابد هاي مو نفسها بان القديمة لج صايرة فد صلفة الحد هسه اعصابي دترجف بسببها

أيلول .. ليش شكالت ؟

ود ... البارحة أخذت ماري وحجيت وياها وهددتها

هي حلفت متحجي الأحد.كالت اني من زمان جنت ادري بان تحب عمو إياس بس محجيت خفت تصير عركة
ولان شفتها هوايه تحجي ويا سارة وتبجي تكول أريدة

جيت حجيت الأيلول.

والله طلع عقل ماريا اكبر من عقل بان

العصر من اجيت جانت بان نايمة محبيت احجي وياها وماما موجودة

بالكوة قنعت ماما تأخذ راما للمتنزة القريب من البيت حتى تلعب بالألعاب

راحت ماما دخلت على بان للغرفة كعدتها من النوم

بان... اووي شبيج الخاطر الله متشوفيني جاية تعبانة ونايمة

ود... هسه كومي عندي موضوع وياج بعدين ارجعي نامي

بان ...احجي شنو الموضوع لأن نعسانة أريد انام

ود.. بدون مقدمات انتي صدوك تحبين إياس

بان ... انخطف لونها شنو هذا الكلام منين جبتي لا ماكو هي شي

ود ... بان بدون كذب ترة عرفت كولشي وهسه اذا متحجلي من يجي بابا اكوله وأخلي هو بنفسه يجي يسئلج وموبس هيج اخلي يجيب سارة هم يسئلها

اشو باوعت عليه بكل صلافة وحجت

بان .. اي احبه

ود... متحملت كلامها ضربتها راشدي

اني ضربتها لو بتليت بقت تصيح وتحجي

بان ... اي احبه وراح ابقة احبه وشوكت ميطلك اختج اني راح ازوجة

هو الي من البداية بس هي اخذتة مني 

والله العظيم بقيت مصدومة ما اعرف شجاوبها هاي مو بان الفقيرة الحساسة

أيلول ... اني أسمع كلام  ود وابجي

فجأة انفتح الباب ودخلت بان

بان... ههههه عرفت من البداية انتي دازتها بس ليش هلكد صايرة جبانة مجيتي بنفسج واجهتيني

أيلول... اني بحالة صدمة الي كدامي مو بان هاي شيطان
ود هدت عليها تريد تضربها لزمتها  كتلها عوفيها

رحت وكفت كدام بان

ايلول..  اذا انتي تحبي الهاي الدرجة ليش قبلتي ازوجة
من سئلتج ليش نكرتي حبج اله

بان .. مو مهم الفات المهم هسه اني احبه واريدة انتي مو متحبي عوفي

أيلول.... معقولة انتي طالبة قانون انسانة واعية ومثقفة
زين فرضا اني اعوفة منو راح يقبل تزوجي
أبوج لو امج ؟
خلي نفرض واحد بالمية اهلج قبلوا

زين إياس شلون راح يقبل

اشو هاي بقت تبجي وتحجي

بان ... انتي السبب اخذتي مني دمرتي حياتي حتى مستقبلي ضاع بسببج

اني لو مأخذة إياس جان هسه اني بكلية الهندسة

متحملت كلامها بقيت اضربها الحد ما تعبت بالكوة ود جرتها من ايدي ونزلتها جوة

ومن هذا اليوم بدت ماساة جديدة بحياتي

هملت إياس صرت ما أتحمل منه كلمة دوم اني ويا مشاكل

علاقتي ويا بان صارت زفت

كمت بعيني اشوف اختي شلون تتودد الزوجي
هو يتصرف وياها بحسن نية يعاملها حالها حال ماريا

باليل كاعدين ماما وبابا راحوا ناموا

اجت بان كعدت بصف إياس

بان ... فدوة إياس ممكن طلب

إياس... عيوني الج طلبي بنونة

بان .. فدوة العيونك اريدك فديوم تجي عليه للكليه ونكعد بالكافتريا

إياس ... بتعجب ليش؟

بان ... مو هوايه ديجون يصارحوني واني مليت حتى من يشوفوني وياك بعد محد يجي

أيلول... اباوع على عيون إياس صارن حمر من العصبيه بس بالكوة لأزم روحة

جنت حتى اني مصدومة من جراءتها هاي فعلا الحب عاميها حتى مجاي تعرف شلون تحجي
يعني بهذا كلامها تريد تشوف الشباب ان هي مرتبطة

إياس .. اذا اكو احد يضوجج كوليلي اسمه واني اتصرف ويا لان انتي عرضي ومثل اختي الصغيرة

من كال اختي بان شكلها انگلب

بان ... اوك بعد اذا ضوجوني انطيك اسمهم وجان تعوفنا وتروح الغرفتها

صعدنا للغرفة وجان إياس بعدة ضايج

ردت انام اجة يمي راد يتقرب مني منعته ونفس حجج كل يوم تعبانة لو نعسانة

إياس... كافي ترة روحي طكت منج متكليلي شبيج
يعني لان تشوفيني احبج وساكتلج تستغليني

لج أيلول انتي بعدج متعرفيني لاتخليني اتصرف وياج غير تصرف مو اني الذلني مرة

أيلول... كل هذا لان كتلك تعبانة اوك هاي اني كدامك تفضل اخذ التريدة

إياس... خرب بالقسمة العرفتني بيج انعل ابو گلبي الي فكر يحبج بيوم 

عاف الفراش وراح طلع بالبلكونة

اني بقيت بمكاني ابجي

أيلول... ربي ساعدني تعبت ادري تصرفي غلط وإياس ماله ذنب بس مو بيدي مجاي اكدر اتقبلة وادري اختي تحبه

إياس بقة للفجر كاعد بالبلكونة

واني هم منمت بقيت بفراشي اريد اروح يمه اراضي بس اكو شي يمنعني

رجع للغرفة وراح للكنتور طلع ملابس

أيلول... وين رايح بهيجي وقت ؟

بقة يبدل ولا جاوبني

أيلول.. مو داحجي وياك ليش متجاوب

إياس.. ليش انتي يهمج وين رايح لو وين جاي

أيلول .. اكيد يهمني

إياس...رايح الأهلي واحتمال ابقة كم يوم

أيلول .. وشعندك رايح مو قبل كم يوم رحت

إياس ... كيفي عندج اعتراض

أيلول.. سكتت مكدرت احجي شي انطيتة ظهري ونمت

فزيت على صوت طبكة الباب قوووي عرفتة راح

بقيت ابجي والشك اكل قلبي هذا بس لا راح يخلي امه تلكيلة وحدة يزوجها

إياس صارلة ثلاث أيام يم اهلة حتى أتصال متصل عليه بس جان يتصل على بابا و عيسى

اني مرة وحدة اتصلت عليه مجاوبني بعدها متصلت

علاقتي ويا بان زفت
ساعة 11 نزلت ادور شي اكلة جنت ممتعشية

سمعت صوت بان بالحديقة بس الي لفت انتباهي اتكوله إياس شوكت ترجع

بقيت واكفة اسمع

بان.. عفيه لاطول علينا فدوة والله اشتاقينالك

بسرعة طلعت وكفت يمها من شافتني بقت ساكتة

سحبت الموبايل من ايدها خليتة على اذني وصرخت

اني من اتصل بيك مجاوبني بس غيري يتصل عادي اجاوبه جان خجلت على نفسك من كاعد تحجي ويا اختي بهيجي وقت

إياس.. لج احترمي نفسج شنو تحجي ويا اختي بهذا الوقت

أيلول... لاتسوي روحك فقير لو لان احنا بنات وبابا يحبك ما أخذ راحتك ويا الخوات

إياس... لج اني مأخذ راحتي ويا خواتج ليش اني الهدرجة ناقص بنظرج
باجر اني جاي الله ميخلصج مني

أيلول... بقة يسب ويغلط أول مرة أسمع إياس يغلط بهاي الطريقة

.بان واكفة ترجف وتبجي

بان.. والله محجة شي وياي اني خابرتة لان اكو ولد اليوم تعارك وياي بالكلية وردت اكول الإياس عليه

أيلول...انطيتها الموبايل بيدها
خلص التريدي صار بعد تكدرين تأخذين إياس

عفتها وصعدت الغرفتي
قفلت باب الغرفة وكعدت بالكاع ابجي

كمت وكفت كدام مرآيتي اكو تحفية قريبة مني شلتها وضربتها بالمرآيا

رجعت كعدت بالكاع ابجي أكثر شي جنت اتمنى بهذيج الليلة هو الموت
لان صعب عليه اوجه إياس بعد الكلام الكلتة اله .......

من شفت نفسي بالمرايا بچيت
غمضت عيني وكسرت مرايتي

اني هسة براحتي ماريد اعيش
ع الاقل خلوني اموت براحتي

يتبع ....