رواية المغرورة و الأعمى الفصل الخامس والعشرون 25 - بقلم بسمة البياتي

المغرورة-و-الأعمى-
(بقلم بسمة   البياتي )
- بارت الرابع العشرون -

أيلول...من كلت الإياس بعد ما أريدك طلكني بقة يباوع عليه محجة ولا كلمة

عفتهم صعدت فوك فتحت باب الغرفة ورجعت طبكتة قوووي

شمرت  نفسي على السرير وبقيت ابجي
امداني شلون حبيت هذا الخاين طلع كل كلامه كذب من جان يكولي احبج وما أكدر بدونج ومستحيل اباوع على غيرج

عشر دقايق وجان يدخل إياس للغرفة
اني بقيت على نفس وضعي متحركت

إياس... ليش غرتي وضجتي انتي مو متحبيني وجنتي مجبورة عليه ؟

أيلول... كلامة نرفزني حجيت بعصبيه
اي ما احبك ولا اريدك اذا قبل جنت اتقبلك هسه صرت اقرف منك وهم راح ارجع واكولك طلكني خليني أشوف حياتي الى متى ابقة هيج لا اني مطلكة ولا أني مزوجة

اني حجيت هذا الكلام اشو هذا اجة بسرعة عليه سحبني من السرير وكفني كدامة لزم حنكي قووي وفرك حلكي

إياس ... تريدين تطلكين حتى تشوفين حياتج مووووو تريدين تزوجين لج حلم ابليس بالجنة انتي لو حتى متكونين الي بس متصيرين الغيري

لج الخاطر ربج بس فهميني انتي شنو اشو جاي تصيرين اتعس من قبل مكفاج الكلام الي حجيتي قبل هسه هم دتكرري لج حتى اعتذار مكلفتي نفسج تعتذرين انتي شنوووووووو فهميني والله تعبتيني

ايلول... باوعت عليه وعيني متروسة دموع

ليش تخوني حجيت هاي الكلمة وغصيت بالبجي

إياس... منو خاينج شنو لزمتيني ويا وحدة لو عندج دليل عليه

ايلول... لعد هاي جارتك شنو مو شفتها بعيني حاضنتك وهسه انت اتكول من اريد رومانسية اخذها للغرفة قابل تلعبون ختيلان بالغرفة

إياس... ههه خرب عقلج أستغفر الله واتوب اليه شلون بلوه الله بلاني بيج ايلول اني لو اريد اخونج جان من زمان خنتج شوفت عينج النسوان كدامي أشكال والوان وأكو حتى أحلى منج

اينور تتصرف على طبيعتها ومن حضنتني اني هم تفاجئت بيها
اشكد ردت اشرحلج موقفي انتي جنتي تتهربين مني
ولاتتصورين اريد ابررلج لان خايف منج بس ما اقبل تنأخذ عليه نظرة محلوة

أيلول ... لعد شسوي صارلك اشهر اهنا ليش مرجعت للعراق

إياس... أرجع شسوي حتى ابقة بس اتفرج عليج كدامي وانتي حارمتني منج

أيلول... اني اسفة ما أعرف شلون حجيت هذاك الكلام
خليت ايدي على وجهي وبقيت ابجي

إياس... وخرت ايدها من وجها معقولة انتي ايلول نفسها المغرورة لو مبدليج

أيلول ... ضربتة على صدرة قووي صوجي اني جاي اعتذر منك

ضحك وسحبني الحضنة اويلي أشكد مشتاقة الحضنة فعلا هو راحتي وأماني

كعد وكعدني على رجلة خلى كصتة على كصتي

أياس... ما اريد بعد تحرميني منج والله بعدج عني جان جحيم 

أيلول... مراح اعوفك بس انت ديربالك تفكر تخوني وربي اموتك

صدوك جارتك وين شعجب راحت بسرعة ؟

إياس... ههههههه يعني لأزم تنعلين أبو الرومانسية بسوالفج

من شافتج متعصبة خافت منج وراحت هههههه

أيلول... اشكد مكروه

إياس... تكرهيني ؟؟

أيلول... خليت ايدي بين لحيتة ولزمت خده باوعت بعيونة

أحبك إياس

حجيت هاي الكلمة ودفنت راسي بركبتة ما أعرف ليش هلكد خجلانة منه

إياس... سحب راسي لج باعي عليه وعيدي الكلتي اني بحلم لو شنو

إيلول.. عفيه إياس كافي لاتحرجني

إياس .. من فدوة يروحلج إياس وعشيرتة
ممصدك هاي انتي ايلول الكدامي يعني معقولة بنفس اليوم هم تعتذرين وهم تكوليلي أحبك

كومي وياي

أيلول... قبل لا اسئلة وين أخذني الغرفتة

إياس صير عاقل اخاف اهلي يجون

اني أحجي وهو ولا يسمعني قفل الباب وأخذني للسرير

إياس.. بداعتي لاتحجين شي وخليني أخذ راحتي

أيلول.. من شفت وضعة سكتت واني هم جنت مشتاقتلة واريدة

قضيت ويا أحلى اللحظات هاي جانت أول مرة أتفاعل ويا بكل لمسة
هو من شافني مندمجة ويا فقد عليه بالزايد

من ابتعد عني جان مخلي راسي على صدره

جان أذكر عزاااااااااااااااااا إياس

فز من مكانة

إياس... شبيج ؟

أيلول... هاي شسويت انت مو مطلكني

إياس...هههههههههههههههه خرب ببليسج بعد وكت هسه يلا اذكرتي ههههههههههه

أيلول... هسه شبيك تضحك

إياس... لاتخافين حبيبتي طلاكنا جان باطل لان متتوفر بي أي شروط الطلاق

أيلول... الحمدلله خفت والله

بقينا اني ويا بالفراش للساعة 12
سمعنا صوت جوة عرفنا اهلي رجعوا

أيلول من سمعت صوتهم رجعت طفرت من مكاني وكفت على السرير

إياس .. لج شبيج اليوم كل شويه كامزة ومكمزتني وياج

أيلول... اهلي اجوي والله استحي منهم
دانزل من السرير جان يلتف الجرجف على رجلي وانجبحت على وجهي بالكاع

إياس بسرعة اجه يكومني وهو ميت من الضحك

واني من المواقف البايخة مالتي حتى دموع مبقة عندي

إياس... كومي حبيبتي ترة والله اني زوجج مو صاحبج هههههههههههه

سمعت صوت بان اتصيح ايلول يبوووو ديدوروني واني استحي اجاوبهم

رادو يفتحون باب الغرفة بس جان مقفول عافوا

اتصلت ود على إياس من الماسنجر

ود...عفية إياس ايلول يمك اشو مموجودة بالبيت كلة

إياس... لا مو يمي

أيلول.. فتحت عيني وباوعت على إياس هو جان فاتح مايك

ود... صخام لعد هاي وين راحت

إياس... اختج مخبلة تلكيها رجعت للعراق

أيلول ..من كال مخبلة عضيتة قوووي من زندة

إياس... اخ ولج شبيج صرتي مفترسة 

ود... هاي شبيك إياس

إياس.. لاتخافين ايلول يمي

أيلول... اخذت التلفون من إياس

الووو ود

ود... يا هلا بالعروس جان من البداية كلتي روحوا حتى يخلالي الجو على شنو بقيتي تتحججين مابيه حيل وما أريد اطلع

أيلول... سالمين شبيج اكلتيني بكشوري
اكولج مجبتوا عشى وياكم جوعانة

ود... والله احنا تعشينا برة بس لوندري بيج راح هلكد تصرفين طاقة جان جبنالج احسن عشى

أيلول.. طيح الله حظج ويكون بعلمج المايك مفتوح وإياس ديسمعج

ههههههه سدتة بوجهي

إياس ... جوعانة

أيلول ... اي والله اليوم لاريوك ولا غدة من نزلت اكل هستوني اكلت لكمتين حضرتك اجيت خوفتني

إياس اتصل على ياسين كالة روح جيب عشى سئلني شتريدين طلبت بيتزا وببسي

بقينا اني وإياس كاعدين للفجر

إياس ..تجين نطلع نفتر شوية هسه الجو حلو ومنظر الشروق يجنن

أيلول.. اي ياريت بس والله استحي اطلع من باب الغرفة

إياس... اشو دتحسسيني عبالك احنا هاي اول مرة ننجمع بغرفة وحدنا

أيلول... اوك خلي اروح اجيب ملابس من غرفة البنات

إياس راح يسبح واني جنت امشي على اطراف اصابيعي دخلت للغرفة اخذت ملابس وطلعت هم زين ولا وحدة كعدت

اني هم سبحت وبدلنا وطلعنة

فعلا جان الجو يخبل رغم بي برودة بقينا نتمشى بالشوارع الساعة سبعة الصبح

اخير شي تعبت ونعست اخذنا ريوك ورجعنا
لكينا ماما وبابا كاعدين لان متعودين يوميه يكعدون من الصبح

جانوا مبين عليهم فرحانين لان اني وإياس تراضينا

رحت حظرت الريوك ويا ماما

كعدنا على ميز الطعام دنتريك جان ينزلون البنات وحدة ورا الثانية وياهو التشوفني ابتسامتها توصل الأذنها واني اسوي روحي مغلسة

ماما... لولة بعد شوية انروح للسوك نشتري هداية
والأشياء التريدوها انتي والبنات تجين ويانة

ايلول... لا ما اكدر نعسانة اريد انام

متحملت اكثر سويتلي مجال على الميز خليت راسي وغمضت عيني

فزيت  على صوت ود تكعدني رفعت راسي خررب اباوع الكل يضحكون

ماما... هههههه اصعدي نامي فوك انوب توكعين من الكرسي

عفتهم يضحكون وصعدت بالكوة غيرت ملابسي وشمرت روحي على السرير هستوني داغفى جان اطير بالهوى فتحت عيني واني مخترعة

جان اشوف إياس شايلني

إيلول.. فدوة نزلني والله نعسانة

إياس... تعالي نامي بالغرفة يمي

أيلول... دخلني للغرفة خلاني على السرير
بسرعة ابتعد منه إياس وربي مقفلة ابتعد مني

إياس.. اشكد تفكيرج وسخ ترة اني هم نعسان واريد انام بس ردت تجين تنامين بحضني

أيلول... عابتلة فشلني

حضني ونمت أحلى نومة

أهلي ثاني يوم رجعوا للعراق إياس مقبل ارجع وياهم كالي ابقي نرجع سوا لان جان عندة شغل

بهاي الأيام حسيت روحي بالجنة عشت ويا إياس أحلى أيام عمري تندمت على كل لحظة كضيتها بعيدة عنه

جان يعملني مثل الملكة ومرات أحس نفسي طفلتة المدللة غركني بحبه وحنانة

إياس صار بالنسبة الي الهوا الأتنفسة صرت مو بس احبه صرت أعشقة

هو اشكد يغار عليه اني غيرتي عليه صارت أضعاف غيرتة

جنت ليل ونهار ادعي ربي يحفظة ويديم عليه سعادتي
ويرزقني بطفل منه يكون ثمرة هذا الحب

رجعنا للعراق اول مدخلنا للغرف انصدم

إياس... هاي شصاير بالغرفة

أيلول... والله اسئل نفسك على أساس متعرف شصاير بيها

إياس.... ههههههه بربي جنت فاقد اعصابي وما ادري بنفسي شسويت لو شلون اتصرفت

أيلول.. حجيت بدلع وزعل يمكن الراشدي هم نسيته وخليت ايدي على خدي

إياس أجه تقدم عليه وسحبني من خصري وقربني عليه

إياس... كون مكسورة ايدي ولا مادها عليج ونزل باس خدي الضربة

ايلول... لا اسم الله عليك حبيبي

إياس رفع رأسة وباوع عليه

إياس... هاي أول مرة أسمعج تكوليلي حبيبي

إيلول...شبكت أيدي بركبته لعد انت مو حبيبي وحياتي وعمري

إياس... اووويلي فدوة الهذا الحلك الينكط عسل

من جنتي اتكولين الأبوج حبيبي جنت اموت من الغيرة منه

حتى أبوها مشبعتة غزل واني محروم

أيلول...هههههههه فدوة لليغار

إياس... راح اوصي على غرفة مصرية اريدها تكون ملكية تليق بمقام سمو الأميرة إيلول

ايلول... ميحتاج تكلف نفسك حتى لو غرفة بسيطة وياك تصير جنة

وفعلا خلال أقل من شهر جابلي احلى غرفة جان تصميمها روعة

إياس  رجع الشغلة وحياتنا جانت عادية

بان جانت تتجنب تحجي ويا إياس تخاف من ردت فعلي

كعدت حجيت وياها كتله أعتبري إياس مثل أخوج اني مستحيل اغار من اختي لان اعرف بيج اشكد فطيرة وانلعب بعقلج

ود الحمدلله حللت طلعت حامل فرحتلها من كل قلبي ربي يتمملها على خير

اما اني جان كولشي بحياتي حلو ماعدا شغلة وحدة هي الحمل .....

يتبع

لاتكولون البارت قصير اني حبيتة يكون بارت رومانسي وحلو
محبيت انهي البارت بشي مقلق

تحياتي 🌹🌹