رواية المغرورة و الأعمى الفصل الرابع والعشرون 24 - بقلم بسمة البياتي

المغرورة-و-الأعمى-
(بقلم بسمة   البياتي )
- بارت الثالث العشرون -

أيلول... إياس من شافني اني وياسين ابتعد عن هاي المرة وبقة جامد بمكانة

اني بسرعة فتت للبيت صعدت للغرفة بقيت اروح واجي ونار الغيرة تأكل بقلبي منظرهم مديروح من بالي
سمعت صوت إياس قريب من الغرفة جان ديسمعني صوتة  حتى اطلع

رحت تمدد بفراشي واني الدنيا طالعة من عيني
اجاني اتصال على الماسنجر باوعتة من إياس رفضتة رجع اتصل هم رفضته

دزلي مسج
تعالي للأستقبال اريد احجي وياج
مجاوبتة قفلت الموبايل

للفجر بقيت كاعدة من القهر اخير شي نعست ونمت

ساعة عشرة الصبح بالكوة كعدت لان
على أساس دنروح للبحر اليوم

رحت سبحت وبدلت لبست بنطرون وتشيرت الردن ثلاث ارباع جان التيشرت بالكوة مغطي وركي سويت شعري ظفيرة صفح

اخذت كاسكيتة خليتها بالجنطة ولبست قميص طويل فوك التيشرت وخليت شال على راسي

خليت مكياج خفيف نزلت جانوا متحظرين دينتظروني

إياس جان يباوع عليه من فوك ليجوة ومخنزر مبين معاجبة لبسي ههههههههه بسيطة بعدك مشايف شي

وصلنة للبحر يبووووو على المنظر يجنن

بابا وإياس وياسين ديمشون سوة واني وماما وخواتي وراهم
كتلهم لحظة وكفت نزعت القميص والشال ولبست الكاسكيتة

ماما... عزاااا بعينج ايلول اكيد تخبلتي لج والله اذا شافج يغركج بالبحر

ود... الله عليج ايلول لاطلعين السفرة من خشمنا ارجعي البسي القميص فدوة وغطي شعرج

أيلول... والله ما ألبس وشيريد يسوي خلي يسوي

بابا وإياس انداروا ديحجون ويانة إياس من شافني فتح عيونة على وسعهن

اني بسرعة رحت لزمت ايد بابا ومشيت حتى لايجي يحجي وياي

بابا همس يم أذني

بابا... لج بنتي هاي شلابسة يعني ثلاث زلم وياج وانتي بهذا منظرج

أيلول... الله عليك هيثم عديها الي بس هلمرة ثاني شي  اهنا مو مثل العراق ميباعون دشوف البنات شلابسات

بابا... الله يستر من تاليها

شفت  إياس واكف ويل ود ديحجي وياها مبين متعصب

ود... لولة البسي قميصج الخاطر الله الرجال راح ينجلط يكول اذا متستر روحها ارجعها سحل للببت

أيلول... رجعت لبست القميص والشال بصراحة اني هم جنت ممرتاحة

بقينا للمغرب نفتر تونسنا هوايه

إياس اشكد حاول يحجي وياي منطيتة وجه كلما يريد يقترب متي جنت ابتعد عنه

رجعنا للبيت من التعب بسرعة نمنا
وباقي الأيام هم كضينها طلعات وسوك

ود راحت للدكتورة اشكد طلبت مني اني هم اروح افحص مقبلت على شنو اروح واني علاقتي منتهية ويا إياس

على أساس نبقة اسبوع بابا مدد الأجازة وصارت 10 أيام

ومبقة على رجعتنا للعراق غير يومين

بان.. لولة اشو بعدج بالفراش مظل وكت راح نطلع

أيلول .. اطلعوا انتو اني ما أجي

ود ... شنو متجين خوما تبقين وحدج
احنا لليل يلا نرجع

أيلول... اووووي كتلكم ما أجي

اهلي جانوا يريدون يروحون المدينة الالعاب حسب طلب ماري

اشكد حاولوا أغير رأيي وأروح وياهم مقبلت

بابا كال روحوا اني ابقة يمها

ايلول... بابا فدوة روح هسه قابل شكو عليه

اجت ود كالت احنا رايحين وبابا هم ويانة كتلها اوك

بقيت نايمة بفراشي وابجي إياس خلص نساني اني متأكدة وعندة علاقة ويا هاي جيرانة

بقيت اكثر من ساعة بالفراش بعدين كمت بكسل دخلت للحمام سبحت

من طلعت من الحمام أخذت فستان  من الشتريتهم لونة ماروني لبستة باوعت على نفسي بالمرآيا عزاا هاي شنو يادوب مغطي جسمي مخصر وقيصر وبدون ردن وفتحت الصدر دأئرية عريضة ردت أرجع انزعة كلت اووي هو قابل منو أكو عود قبل لايرجعون اغيرة

نزلت للمطبخ جنت  ممتريكة ولامتغدية من القهر

شفت ماما مبقيتلي اكل بالفرن طلعتة وكعدت اكل بس بالكوة ابلع اللكمة كل ما اذكر منظرة ويا جارتة لو اذكر عكب باجر راح ارجع واعوفة دموعي تنزل

اني صافنة سمعت صوت طكة  المفتاح بقفل الباب وكفت بسرعة وجمدت بمكاني والافكار السودة كامت تجيني

عزا العزاج أيلول هذا بس لا حرامي يبووو على حظي اسمع صوت المشي ديفتر بالبيت

تمشيت على كيف رحت سحبت سجينة ولزمتها قووي
استعداد الأي محاولة هجوم مفاجئة

سمعت صوت المشي ديصعد على الدرج

اني بسرعة ركضت اريد  بس اطلع من البيت قبل لايشوفني

واني متوجهة للباب  محسيت غير واحد  صار بوجهي عيطت بكل صوتي وجان يغمى عليه

فتحت عيني لكيت نفسي نايمة على القنفة وريحة عطر قوية بخشمي

كعدت مفزوعة عبالي هذا الحرامي من ركزت عليه طلع إياس من شفتة احس روحي ردتلي حضنتة قووي وبقيت ابجي هو هم بادلني الحضن وظل يهدي بيه جان مبين عليه خايف عليه 

ابتعدت من حضنه

إياس ... شبيج ليش هلكد خايفة

ايلول...انت  السبب عبالي حرامي

إياس... هههههههه  لعد خبصتي اهلج وكلتي روحوا ابقة وحدي عادي قابل شكو عليه وتالي ردتي تضربيني بالسجين

ايلول.... والله صوجك انت شرجعك مو جنت رايح وياهم

إياس.... زين ليش جنتي تركضين

أيلول...ردت انهزم اطلع للشارع قبل لايشوفني الحرامي

أباوع على إياس فتح عينه على وسعهم وجهه صار احمر دم صك على أسنانه وحجة

  إياس.... تطلعين بره بهذا لبسج؟

أيلول...باوعت على نفسي عزاااا نسيت نفسي شلابسة رغم هو زوجي بس ما أدري ليش خجلت منه

  كمزت من مكاني وركضت ومن قوة الركضة زلكت وتمددت بالكاع

إياس ...ههههههه  الله الله لج شبيج بابا مراح اكلج

أيلول....لا ياربي هاي شبيه اليوم  من فشلة الفشلة اجة يريد يكومني واني طكيتها بجيه

هو خاف عبالة متأذية

إياس....بيج شي شنو يوجعج ؟

أيلول أني مثل الطفل أشهك وابجي

إياس... ولج بابا بس احجي أخذج للمستشفى

ايلول...هزيت براسي بالرفض بالكوة جاوبتة  مبيه شي لاتخاف

كمت داصعد للغرفة سمعت صوت الباب اندك

  راح إياس يفتح الباب بعدني د اصعد الدرج

سمعت صوت بنية تحجي بالتركي بقيت واكفة بمكاني

سمعتهم راحوا للأستقبال كلت خلي انزل اشوف منو

دخلت للأستقبال وجان أشوف هاي المرة جيران إياس

بقيت واكفة بمكاني وهي هم بس تباوعلي كصتني من فوك ليجوة

أيلول... مشيت وكعدت كدامهم اي إياس عرفنه منو هاي الحلوة

إياس... هاي جارتي أينور

أيلول .. ما شاء الله حافظ اسمها

إياس اندمج بالحجي ويا هاي المرة
وهي جانت تحجي وتأشر عليه

أيلول.. خير شبيها خوما جاي اتسبني لان قطعت عليكم اللحظات الرومانسية

جاوبني وهو مبتسم

إياس  .. لا اطمئني من اريد رومانسية اخذها واصعد فوك

أيلول ... من كال هيج صرت نار
كمت وكفت وحجيت انت لو عندك ذرة كرامة ترجع للعراق اطلكني اني بعد لو اموت ما أريدك........

يتبع

لاتكولون قصير ترة هذا بارت اضافي 🌹🌹