رواية المغرورة و الأعمى الفصل السابع عشر 17 - بقلم بسمة البياتي

المغرورة-و-الأعمى-
(بقلم بسمة البياتي )
- بارت السادس عشر -

أيلول .. انصدمت من كال اهلي

اي كمل شبيهم اهلك

إياس .. صارلي فترة هواية داحلم بيهم وخصوصا بأبوية كلفت واحد من اصدقائي يروح يسئل عليهم وانطيتة العنوان

من رجع كالي أبوك مريض كلش وصاير شلل

أيلول ... اني أسمعة ومدا استوعب كلامة يعني أهلة عايشين وهو تاركهم

زين انت ليش تركتهم؟

إياس ... هاي قصة طويلة ما أريد ادوخج

أيلول.. بس اني أريد أعرف انت زوجي ومن حقي أعرف كولشي عنك

بدأ يحجلي قصتة ويا اهلة واني من صدمة الصدمة
احس دماغي مكام يستوعب

إياس .. بس ما أريد احد يعرف بهذا الموضوع

أيلول.. عن شنو متريدهم يعرفون عن زواجك القديم لو عن تركك أهلك وعشيرتك

إياس .. عن كلشي

أيلول...  فعلا هسه انت وكعت من عيني

باوع عليه بصدمة

إياس .. ليش ؟

إيلول... مجنت اتصورك هلكد حقود شلون قلبك ينطيك تعوف اهلك كل هاي السنين

إياس.. هما جبروني اتركهم لج ابوية خيرني لو ارجع البنت عمي واعتذر منها لو يتبرى مني

أيلون .. ترة انت انسان واعي ومثقف معقولة تصدك كلمة تنكال بساعة عصبية
انت ابنة قطعة من قلبة شلون يكدر يتبرى منك

اني مشايفة امك وأبوك بس فعلا احترمتهم
انت اتكول جانوا يفضلون بنت عمنا علينا
تدري ليش يفضلها هاي يتيمة انحرمت من امها وابوها وهي عمرها أيام
امك وابوك مرادو يحسسوها هي مو بنتهم فأما اليتيم فلا تقهر
أهلك الهم قصر بالجنة  متكولي انت شلون متدين تصوم وتصلي وتخاف الله وانت تارك ابوك وامك ربك بالقرآن وصى عليهم

زين سؤال لو صديقك لا سامح الله جابلك خبر ان واحد منهم ميت شلون راح تكون ردت فعلك شنو شعورك يروحون من الدنيا وهما مراضين عليك

تدري إياس اني بعد ما أريد منك طفل  لان الي تزرعة اكيد راح تحصدة ومثل مسويت بأهلك ابنك راح يسوي بيك كما تدن تدان
نصيحة روحلهم وانزل بوس ايدهم ورجلهم قبل لا يجي يوم وتخسر كولشي

تصبح على خير
انطيتة ظهري ونمت

إياس.. كلام أيلول جان مثل الكف القوي الي صحاني
بقيت طول الليل أفكر بكلامها
فعلا لو سامع واحد منهم صاير بي شي جان بقيت طول عمري متندم والوم بنفسي ليش مرحت راضيتهم
خلص الأزم اروح ازورهم

تقربت من أيلول حضنتها صار ظهرها على صدري
أعرف بيج كاعدة
باجر من الصبح اني رايح الأهلي

أيلول... الله يلم شملكم ان شاء الله

فعلا من الصبح سافر إياس

أهلي من سئلوني وين إياس كتلهم سافر يزور صديقة محبيت أحجي شي
اذا يريد هو يجي يحجيلهم

للظهر متحملت ردت اعرف اخباره اتصلت عليه خلص الأتصال وهو مجاوب

ورا عشر دقايق هو اتصل عليه 

حجيت ويا جان صوتة تعبان سئلتة اهلك استقبلوك لو لا
كال اي وهسه اني يمهم وراح ابات ما أكدر ارجع
خلصت أتصال ويا وجنت فرحانة لان خطية تراضى ويا أهلة

رحت وكفت كدام مرآيتي وجان اذكر عزاااا اني نسيت اسئلة بنت عمة وين هذا لايروح يرجعها عليه

بسرعة رجعت اتصلت

جاوبني واني بدون مقدمات

اكولك بنت عمك وين ؟
خرب اشو هذا جرها ضحكة طويلة
شبيك ترة محجيت نكتة

إياس... موجودة يمي لو تشوفيها صايرة تخبل

أيلول ... اهااا اوك وسديت الموبايل بوجهة

رجع أتصل اكثر من مرة مجاوبتة

دزلي مسج  كاتب لاتصيرين مخبلة جاوبي

كتبتلة روح البنت عمك وبعد لاتراسلني
رسلتها وقفلت الموبايل

إياس...ساعة 10 الصبح وصلت للمحافظة العايشين بيها اهلي دخلت منطقتنا البيوت كلها متغيرة اكثر البيوت بناء جديد وصلت البيت اهلي بالكوة عرفته لأن الظاهر اهلي هم مكبرين البيت ومجددين بناءة

ظليت أكثر من ربع ساعة كاعد بالسيارة معندي الشجاعة انزل بس من شفت الناس بدت تباوع عليه بستغراب نزلت من السيارة رحت دكيت الباب

انفتحت الباب وصار ولد شاب كدامي جان هواي يشبهني ركزت بي زين هذا أكيد اخوية الصغير ياسين

هو نفس وضعي بقة صافن بوجهي اخير شي كال
انت إياس لو اني متوهم

هزيت برأسي بمعنى اي
حضني بسرعة وصار يبجي ويكول والله ممصدك انت واكف كدامي

جنت ما اكدر انطق حرف الموقف جان صعب عليه
ياسين .. تعال فوت والله ابوية وامي مراح يصدكون هذا انت وبعدك عايش

سحبني من أيدي ودخلني للمطبخ جان اكو مرة وبنات ثنين وياها تقريبا بعمر بان وماري

اذكرتها هاي مرة وسام بعد مسلمت عليها كالت تعالوا بنات سلموا على عمكم اخذتهم الأحضاني

سئلت ياسين وأين ابوية وامي

ياسين .  موجودين جوة تعال فوت

إياس.. دخلت للربعة واني خايف من ردت فعلهم اذا شافوني
باوعت هذا ابوية القوي ابو طول الحلو متمدد بالفراش ومبين عليه الكبر والمرض
وامي اووووف يا امي مو احسن حال من ابوية

امي اندارت جانت تباوع وتريد تركز منو ويا ياسين

أمي... ياسين منو هذا الوياك

إياس .. حجيت بصوت مختنك شنو معرفتيني حجية

جانت بس تريد تكوم من مكانها متكدر

أمي  .. إياس انت إياس لو اني جاي أتخيل
ركضت عليها نزلت يم رجلها
جان توكع امي من طولها فقدت الوعي

اجة ياسين ومرة وسام وياي نريد نصحيها

اندريت الأبوية ميحجي ولا كلمة بس دموعة تنزل

عفت امي رحت الأبوية حضنتة ودموعي تنزل ويا دموعة بوست ايدة ورجلة

فدوة اروحلك يابة سامحني

أبوية .. ليش هيجي عفت أبوك وكسرت ظهرة عليك جنت ادعي الله بكل صلاة كون اشوفك قبل لا اموت

إياس... اسم الله عليك حجي عمرك طويل 

أمي صحت اجتي حضنتني وتبجي  وتعاتبني
ولك يمه مبقينا مكان مدورنا عليك بي كل الناس كالوا هذا أكيد مات واني جنت اكوللهم لا عايش گلبي يكولي هو عايش

شوية وجان يجون حسن و وسام

اخذوني الأحضانهم  جانوا يبجون مثل النسوان
اشكد كرهت نفسي بهذا اليوم لان عفتهم

نص ساعة وبيتنا انترس اجوي خواتي وكرايبي
ابوية وامي مكعديني بوسطهم
امي لازمة ايدي مثل الطفل تخاف لا تعوفة ويرجع يضيع منها

اتصلت ايلول مكدرت اجاوبها لان البيت هوسه
طلعت برة حتى احجي وياها
اتصلت عليها طمنتها وسديتة

اشو هاي رجعت اتصلت تسئلني على فرح

حبيت اضوجها بس اشو هاي زعلت وسدتة

بس والله فرحت حسيتها بدت تغار عليه

أيلول .. جنت بغرفة البنات اريد انام أجت ماما بيدها الموبايل كالت إياس يريد يحجي وياج

انطتني الموبايل وراحت

ألووو.. نعم شرايد

إياس.... ليش قفلتي موبايلج ؟

إيلول .. كيفي

إياس.. يابة جنت اشاقة وياج فرح اصلا مشفتها لان مزوجة

أيلول...وليش دتبررلي شعلية بيها

إياس... اذا شعليج بيها لعد شكو قافلة تلفونج وگالبة خلقتج

أيلول... سكتت مجاوبتة

إياس.. فديت التغار والله اشتاقيتلج

إيلول .. منو كلك أغار بس خفت ترجعها عليه

إياس.. اي كلش واضح انتي ابد مغرتي

شوفي هاي الأيام مراح اكدر ارجع علمود امي وابوية

أيلول.. اوك براحتك

اكول  هم كتلهم انت مزوج ؟

إياس.. لا مكتلهم لان اذا اكول راح يطلبون مني أجيبج يشوفوج

أيلول .. اي وشكو بيها اني هم احب اشوفهم

إياس .. هاي كل عقلج اجيبج اهنا لج بابا عشيرتي كلها كاعدين بنفس المنطقة واذا اجيتي راح الكل يجون يسلمون عليج وشبابهم يشوفوج 

أيلول... ترة عادي شكو بيها

إياس ..هو شنو العادي اني شلون اكدر اتحمل اشوف غيري يباوع عليج حتى لو جانوا كرايبي

أيلول ... اوووي براحتك
زين انت اذا تتأخر بالرجعة اني شكول الأهلي

إياس.. عادي كوليلهم يم اهلة

أيلول ..  بقيت احجي ويا شوية بعدين سديتة
ونمت 

اليوم نتائج السادس خطية بان ميتة خوف وحتى احنا خايفين وننتظر

عيسى كال من تطلع النتيجة اني اخابركم

للعصر اتصل عيسى جان ضايج كال ناجحة بس معدلها 73

جان معدل بان صدمة للكل بان شاطر جانت تاخذ كلة درجات كاملة  ليل ونهار تدرس وبالأخير اجيب هيجي معدل وهي علمي

بان من عرفت ملخت نفسها بقت لا أكل ولا شرب وحابسة روحها بغرفتها بهذا اليوم بيتنا
صار كئيب محد اله نفس بأي شي

أهلي عرفوا إياس يم اهلة رادوا يعرفون ليش جان تاركهم محجيت شي كتلهم من يجي أياس هو يكوللكم

إياس صارلة اسبوع يم اهلة جان يومية يتصل بيه ويبقة يستفسر منو اجة منو شافج خوما طلعتي غيرتة صارت لاتطاق

نايمة بغرفة البنات حسيت احد ديلعب بشعري فتحت عيني شفت إياس كدامي
حجيت ويا واني النوم بعيني جانت الساعة بالستة الصبح

الحمدلله على سلامتك هاي شوكت أجيت

إياس .. الله يسلمج حبيبتي
قبل شوية اجيت كومي خلي نصعد فوك خطية البنات نايمات لايكعدن من صوتنا

أخذني من أيدي وصعدنا
اول مدخلنة للغرفة حضني قووي بقة يبوس ويشم بيه عبالك صارلة سنين مشايفني

إياس... مشتاقلج بكد رحمة الله

أيلول.. ديحجي وياي وجان يشيلني
عزااا إياس نزلني

نومني على السرير وصار فوكاية

إياس ... منين ابدي بيج اريد اكلج ولج صارلي اسبوع محروم منج
بقينا اني ويا للساعة 12 الظهر بالفراش

أيلول...  فدوة إياس كافي خلي أكوم ترة متت جوع

إياس ... يلا كومي على شنو مستعجلين بعد ورانا الليل بطولة

أيلول... فتحت عيني كل هذا وبعدك ممكتفي

إياس.. بصراحة لا مجاي اشبع منج

أيلول عفتة ورحت للحمام سبحت ونزلت
بعدها بشوية نزل إياس سلم على اهلي

وحجالهم على اهلة وشلون جان اللقاء وياهم بعد كل هاي السنين

إياس من عرف بمعدل بان هواية انقهر عليها

ثاني يوم العصر كعد يحجي ويا بان

إياس .. بنونة لاتنقهرين ميصير تبقين هيجي حابسة نفسج شوفي اهلج خطية شلون مقهورين عليج  انتي مو حلمج تدخلين كلية الهندسة روحي قدمي على اي كلية اهلية تعجبج وبس يطلع اسمج اني اتكفل بدفع الأقساط

بان... بفرحة الله عليك صدوك تحجي

إياس .. اي والله صدك نريدج ترجعين بان القديمة ام ضحكة الحلوة
وهسه كوموا بدلوا راح اخذكم للمكان اليعجبكم بس بشرط لبس مستور وحجاب

أيلول... بصدمة هاي منو يحجي انت لو واحد غيرك بركاتج شيخة بان واخيرا راح انحصل طلعة

ماري... اني هم اجي لو لا

إياس .. اكيد انتي هم بس تلبسين حجاب

ماري.. بس اني مومحجبة

إياس... بكيفج لعد ماكو طلعة

ماري.. لا لا راح البس بس المهم نطلع

أيلول.. كلما البس شي إياس يخليني اغيرة لعبت نفسي حتى الطلعة كرهتها لوبيدي ابطل بس ما أكدر الخاطر بان وماري

اخير شي لبست فستان طويل لونة رصاصي واسود جان مستور
شوف وربي اذا هم كتلي انزعي بعد ما اطلع

إياس... اوك مابي شي بس ما اقبل قطرة مكياج تخلين

أيلول... يا صبر أيوب اوك

نزلنا جوة البنات جانوا ينتظرونا

هههههه شكل ماري يضحك بالحجاب خطية بالكوة ضابطتة

صعدنا للسيارة

إياس.. وين تريدون أخذكم ؟

ماري ... فدوة للألعاب

إياس.. وانتي بنونة وين تريدين تروحين

بان... بكيفك

إياس... لعد يلا راح اخذكم للألعاب

أيلول... ردت اشغل أغاني باوعت كلها سيدهات اغاني كاظم الساهر اول مرة اعرف إياس يحب كاظم

لكيت اغنية الليلة احساسي غريب مممم كولش احب هاي الأغنية شغلتها

إياس.. حلو ذوقج الأغنية كلش حلوة

أيلول.. اي حلوة واني احبها

وصلنة المدينة الألعاب ماري وبان مبقوا شي مصعدوا بي لا اني العلة مالتي مخلاني اتحرك من يمة صرت اعصاب فعلا جان خانكني
حتى حجي كمت ما أحجي ويااا صارت ساعة 9 كال امشوا نروح مطعم اعشيكم اني لوبيدي ارجع للبيت بس مجنت اكدر احجي

رحنا للمطعم دخلنا القسم العوائل جان اكو هواية عوائل وياهم شباب
  إياس لوبيدة نفس للحظة يطلعنا من المطعم

إياس ديمشي كدامنا يدور مكان شوية بعيد عن الناس
وجان تحجي ماري الغضب بكل صوتها

ماري... عزاااااااا ولج بان سحاب تنورتج مفتوح

إياس بسرعة اندار عليها وبقة فاتح عينة بان خطية متعرف شسوي اكو ميز قريب منها بسرعة راحت كعدت عليه

اجينا كعدنا يمها جانوا الموجودين يتهامسون وبالكوة كاتمين ضحكتهم

بان عيونها متروسة دموع تريد تبجي  إياس بقة حاير ميعرف شيسوي لايكدر يعوفنا وحدنا ويروح يشتريلها شي تلبسة ولا نكدر انكوم نطلع لان الظاهر من جانت تصعد بالألعاب السحاب طاك وملابسها من جوة كلها مبينة
وهاي ماري حجت بصوت عالي خلت الناس كلها تنتبه

أيلول ... من نطلع خلي تأخذ حجاب ماري تستر نفسها بي

إياس... وهو صاير اعصاب اني صوجي اطلع ويا النسوان

جابوا المينيو حتى نختار اكل وماري عاندت تريد تمن وفاصوليا

أيلول .. لج ماري هي مال تمن وفاصوليا بهل ليل لوما بالبيت بين يوم ويوم نسويلج فاصوليا

ماري ... والله معليه اريد تمن وفاصوليا انتوا شعليكم بيه

إياس.. بنفاذ صبر يابة جيبلها تمن وفاصوليا

جابوا الأكل ماري لزمت الخاشوكة ومبقت قطرة بالمواعين خرب ببليسها عبالك مشايفة

اني وإياس وبان طلبنا بيتزا واصلا ولا اكلناها

بان اخذت حجاب ماري وسترت نفسها بي وطلعنا

اني بسبب هاي الطلعة توبت بعد اذا اطلع ويا إياس وماري
طول الطريق جنت زعلانة ويا
هو عرف بيه ضايجة منه

شغلي اغنية

ها حبيبي مو على بعضك أحسك
ها حبيبي لخاطري لا تأذي نفسك
من زعلك ؟؟ انته . مني تزعل ؟
لك والله زعل الدنيا كلها
ولا مكروه يمسك . حبيبي

رجعنا للبيت سبحت وجيت انام أجة إياس يريد يحضني

أيلول... وربي اذا طخيتني اعوفلك الغرفة كلها وانزل انام بغرفة البنات

هههه خاف من تهديدي ابتعد عني ونام بس شنو الفايدة كعدت الصبح لكيت نفسي بحضنة نايمة
ردت اتعارك ويا كال والله معليه انتي الي اجيتي حضنتيني يبووووو متت من الفشلة حتى هيبة الزعل راحت

بان قدمت على كلية القانون لان بابا مقبل إياس يدفع اقساط

هاي الفترة إياس مترك اهلة كل اسبوع يروح يبقة يمهم يوم او يومين
وبعد شهرين نايمين وجان يدك موبايل إياس ساعة اربعة الفجر
جان لأتصال من اخو ياسين

إياس... من شفت رقم أخوية عرفت صاير شي
جاوبتة  بسرعة
كالي أبوية حالتة خطرة وهسه هو بالمستشفى تعال لأن يريد يشوفك........

يتبع....