رواية المغرورة و الأعمى الفصل السابع والعشرون 27 - بقلم بسمة البياتي

المغرورة-و-الأعمى-
(بقلم بسمة   البياتي )
- بارت السادس والعشرون -

من فاقت بان وبدت تستوعب كلام بابا تهسترت بالبجي كعدت يم رجل بابا تتوسل بي  حتى نزلت تريد تبوس رجلة

لكن بابا جان ثابت على كلامة كال هذا قراري النهائي ومراح اترجع عنه وحظري نفسج اقل من شهر تزوجين

بابا كمل كلامة بان تخبلت بالزايد جنت ابجي ويا بجيها
إياس ما تحمل يشوف منظر بان عافنة وصعد للغرفة

أجيت كومت بان من يم رجل بابا وأخذتها الغرفتها

اويلي عليها مردت قلبي جانت مفرفحة

حضنتها وابجي

بان .. ايلول الله عليج احجي ويا بابا ما اريد سيف عفيه تحجي وتبجي بشهكة

أيلول... والله العظيم اشكد حجيت وياهم وماكو فايدة

بان ... شششششلون أخذ زوج قدر والله حرام عليهم ايلول راح امووووت نار بقلبي

أيلول... ياعمري أنتي الله يكون بعونج

بان رفعت رأسها من حضني وباوعت عليها وعيونها تجري دموع

بان ... هاي يمكن الله عاقبني لان أذيتج هوايه وباوعت على زوجج

أيلول.. فتحت عيني هاي شدتحجين الموضوع انسد من زمان واني لو اعرف بيج جنتي تحبي من صدوك مجان بقيت عايشة وياج بنفس البيت

بان ...بس الله عاقبني وراح يخليني أخذ زوج أختي
أيلول والله ما أكدر أخذة اني من جنت افكر بيني وبين نفسي شلون سويتها وخليت عيني على إياس والله أحتقر نفسي وأشمئز من روحي

أيلول.. بنونة مسحي دموعج وسمعيني وركزي على كلامي
انتي مو جنتي اتكولين اني أخر شي افكر بي هو الزواج اهم شي عندي اكمل دراسات عليا

بان... اي صح

أيلول.. تمام لعد شوفي ترة سيف هم رافض هذا الزواج بس بابا الله يسامحة بالكوة قنعة يوافق بين قوسين ضغط على سيف وخلى بموقف محرج

سيف أكيد هو هم ماله نفس بيج لان  يشوفج مثل اختة
اكيد مراح يطلب منج اي حقوق زوجية

هذا الزواج راح يكون المصلحتج اذا أخذتي سيف راح تكدرين تكملين دراسة

اما اذا بقبتي اهنا اهلج اذا مو السيف ينطوج الغيرة لان انتي خلصتي كلية خوما تبقين بدون زواج

وأنتي تعرفين سيف تفكيره مثل تفكيرج أنسان مثقف وصاحب شهادة
مو هو دائما يجيبلج كتب حتى تقريها وبيتة مكتبة شكبرها

الشغلة الوحيدة المطلوبة منج تهتمين بريان وبشؤون البيت

بان... لا عفية اخاف هو يريد حقوقة  ويعتبرني زوجتة

أيلول... اطلبي تحجين ويا سيف قبل العقد وافهمي منه هو يريدج كزوجة وحقوق زوجية لو بس تربين ريان

بان ... والله أستحي هيجي احجي ويا
انتي أحجي ويا

أيلول... عزاااااااا حتى إياس يدفني واني عايشة

بان... زين خلي إياس يحجي

أيلول... ما أعتقد يقبل هذا موضوع حساس

زين احجي ويا بالتلفون اذا تستحين تحجين ويا وجه لوجه

بان .. هم صعبه بس راح احاول

أيلول... يلا كافي بجي عيونج ورمت

بقيت كاعدة يمها العب بشعرها الحد منامت عفتها ورحت الغرفتي

باوعت بالغرفة إياس ماكو باب البلكونة مفتوح عرفتة هناك

جان كاعد ومنطيني ظهرة جيت حضنتة من ظهرة وخليت رأسي يم ركبتة

سحبني وكعدني بحضنته
خليت رأسي على كتفة وحضنتة

إياس...  بان شلونها ؟

أيلول.. اوووووف بالكوة شوية هدأت

إياس... منظرها وهي كاعدة يم رجل ابوج وتتوسل بي ولا ديروح من بالي

أيلول...بابا قلبة صاير قاسي ولا انقهر عليها وهي تفرفح كدامة

إياس...الله يهدي عليها

أيلول.. شوكت تكول الياسين بان راح تزوج ؟

إياس... مو هسه من تزوج اكولة حتى ينساها ويشيلها من باله 

أيلول.. حبيبي اني اذا متت هم تزوج عليه ؟

إياس فز وباوع عليه

إياس... اسم الله هاي شبيج اشو متعرفين تحجين كمتي تخربطين

أيلول... عادي حبيبي مجرد سؤال الموت حق وكلنا نموت

إياس.... أيلوووووووول كافي اروح اولي انام احسن

أيلول.. هههههههههه شبيك يمعود بس اريد اطمئن لان اخاف اذا متت هيثم يزوجك ماريا ههههههههههههه

إياس...خرب يومج وخري من وجهي

أيلول...هههههههههههه عافني وراح نام

ثاني يوم اجت ود تطمئن على بان  رحت  أخذت منها بنوتتها قدر الصغيرة

ود بعد وفاة قدر ب سبع اشهر صارت عدها بنوتة سمتها قدر

جنا كاعدين يم بان

بان ... راح اخابر سيف بس لاتعوفوني حتى لا ارتبك

اتصلت بسيف وحجت ويا جانت بالبداية خايفة ومستحيه بس بعدين تشجعت وحجت

بان...عفية سيف ترة والله اني مموافقة على هاي الزواجة اني طول عمري اشوفك مثل اخوية
شلون اكدر اخذ مكان اختي
الله عليك حاول تقنع بابا يغير رأية

سيف... بان الله يشهد اني هم نفس شعورج واكثر
بس عمي الله يسلمة هواية ضغط عليه واحرجني حتى حلفتلة ما ازوج واذا بيوم من الأيام فكرت بالزواج الأولاد ابقيهم يمه

هو أدم من هسه عايش يمكم ومديجي يمي بس ريان لان متعلق بيه

بان .. لعد هسه شلون اني شسوي والله صعبه ما أكدر

سيف ... بنونة لا تبجين اني راح اتمم الزواج ولاتخافين راح  تبقين مثل اختي  انتي بغرفة واني بغرفة واي وقت تريدين الطلاق راح انطيج حريتج

بان... زين اني اريد اكمل ماجستير خوما تمنعني

سيف... ليش امنعج اني طول عمري جنت اشجعج على الدراسة وراح ابقة اشجعج وأساعدج هم

بان... متقصر ابو ادم تسلم

بان سدت الخط ويا سيف وشوية وضعها صار احسن

تمت اجراءات الزواج بسرعة بس شبعانة قهر عليها
اذا اني سولي حنة حلوة ولبست بدلة عرس بان المسكينة حتى بدلة ملبست اخذوها بملابسها العادية

اشكد بجينا اني و ود عليها وهي هم فرفحت من البجي

ازوجت بان وبأول جية الها البيتنا الحمدلله شفتها مرتاحة

أيلول... طمنيني وضعج شلونة

بان .. الحمدلله مثل موعدني اني بغرفة وهو بغرفة
لج حتى من اطبخ وادري طبخي مطيب ياكلة  وميحجي شي

أيلول ... خرب ههههههههههه هسه تسممين الرجال
زين ريان شلونة وياج

بان ... الحمدلله مكيف عليه بس يومية مسوية بيه مقلب والله فديوم انجلط بسببه

أيلول... فديتة حبيبي

باقي الأيام مشت عادية
إياس كال الياسين بان ازوجت خطية بالبداية  انصدم ومكدر يستوعب الموضوع
بس بقة إياس يحجي ويا ويصبرة

أدم حبيبي اني وإياس صرنا مسؤولين عنا دللتة سويتلة احلى غرفة وهتميت بدراستة جان دائما درجاتة عالية

  اني بقيت على نفس وضعي طفل ماعندي يا
أست وفوضت امري الله ورضيت بقسمتة بس جنت انقهر على إياس جنت اكول شنو ذنبة ينحرم من الأطفال بسببي

من جنت احجي بهذا الموضوع كدامة يسكتني ويكولي يكفي وجودج بحياتي

بس كلام الناس ميرحم ياهو اليشوفني يكولي ليش مصار عندج طفل

ياسين خطب وحدة من كرايبة من بعيد ورحنا اني وإياس قبل العرس بكم يوم

من شافني ياسين سئلني على اخبار بان

ياسين ... جنت اتمنى اتكون هي من قسمتي بس من ازوجت وصارت على ذمة رجال ثاني طلعتها من حياتي لان مستحيل اخلي عيني على عرض غيري ربي يسعدها بحياتها

ايلول... كلشي قسمة ونصيب ماشاء الله زوجتك متفرق عن بان بشي حلوة ومثقفة ومبينه فقيرة الله يسعدكم ان شاء الله

خلص العرس وقبل لانرجع بيوم كاعدة اني وخوات إياس ونسوان أخوانة وفرح هم موجودة

خوات إياس وفرح سمعوني كلام مثل السم
على انتي عاقر وبعد متخلفين وهذا إياس المسكين بسببج راح يبقة طول عمره بدون طفل راح يبقة بدون سند ومحد يشيل اسمه وهذا تعبة وخيره يبقة ألج والاهلج

اني اسمع كلامهم ومختنكة اول مرة بحياتي ما أكدر ارد على اليحجي عليه

بس من كالوا تعبه يبقة الأهلج تخبلت

أيلول.. اهلي ممحتاجين الإياس مفهوم بابا يصرف من تعبه
لا اني ولا اهلي طمعانين بفلوسه
اذا انتوا تفكيركم بالفلوس احنا الفلوس اخر همنا

فرح ... شوف منو يحجي لعد مو اهلج عايشين بيتة

أيلول.. من هيجي حجت متت اريد انطق ما اكدر يعني إياس كايللهم هذا بيتي

شذى .. شبيج سكتي ترة حبيبتي احنا نعرف كلشي ونعرف أبوج باعج اله
لهذا لاتبقين شايفة نفسج علينا 

من رجعنا الطريق كلة اني ساكتة إياس يحجي  وياي ما أكدر اجاوبة احس اكو عبره وحركة بلاعيمي اذا حجيت اكيد راح ابجي

إياس... حبيبتي شبيج ليش ساكتة مو داحجي وياج اكو احد مضوجج

أيلول...  بالكوة جاوبتة لا مبيه شي بس عندي صداع وتعبانة

مقتنع بكلامي بس سكت

من وصلنا للببت بسرعة اخذت ملابس ورحت اسبح
كعدت جوا الدوش وبقيت ابجي كلامهم بعدة برأسي

من طلعت من الحمام إياس بقة يباوع عليه بشك

إياس.. ليش تأخرتي بالحمام وشبيها عيونج حمر

أيلول.. شامبو دخل العيني
عفتة ورحت للفراش انام

أجة يمي راد يحضني بتعدت عنه

نعسانة خليني أنام

إياس .. أيلول شبيج وضعج معاجبني احجي شصاير

أيلول... كتلك مبيه شي خوما كوووووووة
اصلا عايفتلك الغرفة وطالعة ردت اكوم لزمني قوي من ايدي

إياس...هاي على منو تصيحين بابا شبيج انتي مخبلة

أيلول... اي اني مخبلة وما اريدك طلكنييييييي اكرهك واكره اليوم الزوجتك بي واكره أبويه الباعني ألك

إياس صافن بوجهي اجة يريد يلزمني لان تهسترت

إياس... ايلول شبيج منو باعج بس اهدي وفهميني

أيلول... تسوي نفسك متعرف مو اني واهلي عايشين بيتك وابويه باعني الك واحنا طمعانين بفلوسك

إياس... منو كالج هذا الحجي بس كوليلي

أيلول... اهلك كلهم يعرفوووووووووون ليش هيج والله حبيتك من كل قلبي مردت منك شي
هم شفتني فديوم طلبت منك شي
ليشششششش إياس ليششششششش جنت اكول لو الدنيا كلها تغدرني وتطعني بس إياس ميغدر
بس للأسف الطعنة اجت منك

وكفت وباوعت عليه

لو روحي بيك بعد ما أريدك وهذا بيتك أشبع بي

عفتة ونزلت اركض دخلت للغرفة بابا جان نايم لان دنيا ظهر

كعدتة بابا اريد احجي وياك

بابا من شافني ابجي بسرعة كام من الفراش واجة بسرعة عليه جان خايف

بابا.... شبيج بنتي ليش تبجين

أيلول... لازم نطلع من هذا البيت

بابا... كافي بجي وفهميني ليش

أيلول... تريد تعرف ليششششس انت السبب

بابا مصدوم اني بشنو السبب ؟؟

أيلول... لان بعتني برخص مو جنت اتكول اني أدرى بمصلحتكم ويجي يوم تشكروني لان زوجتكم بهاي الطريقة

فعلا بابا اجة اليوم بس مو حتى أشكرك لا

أجة اليوم حتى اكولك بنتك انذلت بابا بنتك القوية الي مطخ رأسها غير بس للخلقها

اليوم نزلت رأسها وسكتت لا عايروها وكالوا انتي أبوج باعج

وانتوا عايشين بخير إياس

بابا رجع ليورا وكعد على السرير مبي حيل يحجي

ماما جانت واكفة تسمعنا وتبجي

إياس واكف أباب الغرفة جامد بمكانة ومنطق ولا حرف

جيت يم بابا

بابا كوم خلي نطلع من هذا البيت ما النة مكان بي بعد

إياس... أيلول لاتدخلين هذا بيتكم اذا احد لأزم يطلع منه فهو اني

بابا.. لا إياس هذا بيتك وانت تحملتنة هوايه يلا مياسة لمي ملابسنا

بابا جان يحجي ويرجف
باوع عليه بنتي اذا تريدين زوجج انتي ممجبورة تجين ويانة

أيلول... لا مستحيل ابقة دقيقة وحدة

إياس .. اشكد حاول يحجي ويا بابا بس بابا مقبل يسمع منه شي

لمينة ملابسنا وقبل لانطلع باوعت على إياس

أيلول... لهنا وكلشي بينا انتهى ياريت اطلكني  بهدوء واني متنازلة عن جميع حقوقي

عفتة وطلعت ......

يتبع...