رواية المغتصب حقها الفصل الرابع والعشرون 24 - بقلم زهراء جهاد 🤞

المغتصب حقها
زهراء جهاد

_______________________________

انطيت الموافقه لامي وصعدت فوگ بعد تفكير طويل بالجاي  لفيت راسي ونمت گعدت ثاني يوم ابويه دز علئ فهد وبلغه بموافقتي بس گاله عدها شروط گاله حقها واني مستعد لكلشي ضلو يحجون فوگ الساعه بعدين ابويه صاحلي حتئ اگوله شروطي حطيت شال علئ راسي ودخلت سلمت وگعدت ضلو يسولفون سوالف عاديه بعدين حجه ابويه

» اي يابه علياء هسه خل ندخل بالموضوع

» اي يابه اتفضل

» يابه ابن عمج اتقدملج علئ سنه الله ورسوله وانتي وافقتي واني حيل مرتاح لان فهد الوحيد الي احط راسي وانام واني مطمأن عليج يمه ابن عمج اتقبلج رغم ضروفج وانتي وافقتي عليي رغم خلافكم القديم. شايفين كل الخير وثنينكم عانيتو الله يجبر بخاطركم ويهنيكم وينسيكم ايامكم السود. يله يابه علياء گولي شروطج

» من رخصتك يابه بس الشروط راح اتكون بيني وبين فهد حتئ نتفاهم من البدايه

» حقج اهم شي تتفاهمون من البدايه  مالي حق اعترض
اني هم متواعد ويه عمج دنروح للفاتحه يلا اخذو راحتكم.

اترخص ابويه.وراح ضلينه وحدنه ثنينه ساكتين كسر السكوت وگال

» شلعتي گلبي يلا وافقتي ليش ولج ابيش اطلبيني

ابتسمت ابتسامه جانبيه » لان سبق وشلعت گلبي

» اني شوكت

» هسه عوفنه من شلعان الگلب مستعد تسمعني

» اكيد كلني الج اذن صاغيه

» لتعتبرها شروط اعتبرها تفاهم ووعود

» عمري مافهمتج غلط

» اييباه شفناك فوگ وشفناك جوه

» اوويلي يابه شهل بسامير اليوم هههه

» المهم اريدك تنطيني وعد لو شيصير ولو شگول وشسوي متضربني ولا اتأذيني
عدنه مشكله نحلها بالتفاهم ماريدك اتمد ايدك عليه بيوم لاني اكتفيت من الضرب

صفنت عليها شكد لعد ضاربج ومأذيج لدرجه جاي اطلبين هيج شي مني

»  حقج اطلبين هلشي لان مو بس هو عرضج للضرب سبق واني هم مديت ايدج عليج

» لا والله مو هيج ولا ابالي الي سويته الف مره گتلك انسه الصار مو ابالي لو ابالي ولسه اذكره ونقهر ماجان وافقت عليك بس فهد اني كرار جنت انتهي جوه ايده ميحلني الا يغمئ عليه ماجان يمر يوم الا وانضرب بي لهذا السبب ماريدك تضربني لان تعبت اذا كبل جنت اتحمل هسه ماگدر اتحمل

دمي يغلي واني اسمعها تحجي شلون جان يضربها ويعذبها اتمنيته عايش جان شوفته الضرب والعذاب شلون يصير بس اخ اخ

» هاهيه يابه التردي يجرالج. اني اصلا ماراح اخلي شي يصير بينه يستوجب الضرب كملي  غيره

» متمنعني من الطلعه ومن شي اني اريده متحرمني من اهلي ومن شوفتهم متمنعني من شوفه الناس الاحبهم
.لتغصبني اسوي شي ماريد اسوي. اريدك تخليني حره مو مقيده ماريد انام بيوم ودموعي بعيني اريدك تقدر ضروفي دائما اريدك اتكون وياي مو عليه اريدك اتكون الامان الي اللجئ اله لتخليني اخاف منك خليك دوم الامان الي ماريد تنطي بيه گدام احد ولا تنزل من قيمتي

» علياء انتي صدگ تحجين
  اني اذا ازوجتج راح اصير كلشي بالنسبه الج ابوج امج اخوج زوجج امانج سندج هذني ماكو داعي توصيني بيهن انتي مرتي قيمتج من قيمتي الي ياذيج بحجايه ايأذيني  ماخسر بي غير طلقه وحده شوفي علياء انتي بت عمي گبل مصيرين مرتي انتي عرضي وشرفي وغيرتي اذا عليج ما اخاف عليمن ااخاف اني مو كرار اني فهد السواه بيج هوه ربعه ماراح اسوي راح اعوضج علئ كل الحرمان الجان معيشج بي
صدگي واعتقدي ميهمني شي بالدنيا غيرج وحق علي ابن ابي طالب صار همي الوحيد هو اشوفج مرتاحه  وتضحكين. وصارلي فوگ السنه مي وجهي وگعته جدام ابوج وخوانج كل يوم فاتح الموضوع ويه واحد منهم اريدها احجو وياها قنعوها ايجوز غيرت رأيها وكل هذا يهون لعيونج وهسه جايه اتگوليلي لتضربني ولتعذبني ولج اني صرت اتمناج امنيه بت الاوادم

» فهد اعرفك ومصدگه  كل كلمه گلتها. بس مخاوفي هيه تجبرني

» لا لخافين. راح اگلج كلمه وخليها ابالج دوم. منا ورايح اني وياج لو كلهم يعوفوج

» انشالله بعد اكو

» گولي اسمعج

» ابني متحرمني من زيارته وتوديني دائما

» ادللي هلموضوع خلصانين منه غيره

» بعد اكو وحده بس ماگدر احجيها
عوفها وره الزواج اگولها

» لا احجي هسه خلينه من البدايه نتفاهم علئ كلشي

» لا والله عوفها بعدين انسه
اذكرت بعد وحده

» يابويه من العنادههههه شذكرتي گولي

» عرس طربگه ماطربگه ماريد

» ليش. بله بلكي اني  اريد

» لا والله  شنسوي بي ثنينه سوينه اعراس وشلنه الدنيا شيل شستفادينه بعدين احترام لروح ابني ماريد

» هو كلامج صح بس اشلون لازم انسوي شي قابل ناهبج اني هيج ع السكيتي

» منسوي شي اني البس واكشخ وتعال بسيارتك اخذني وفضت راحت

» لا سياره شنسوي بيها مشي هو هيانه البيت براس الفرع

» ههههه لا مو لهلدرجه شارع عام

» ونتي صدگتي اخذج مشي هاهيه مثل متردين ميكون خاطرج الا طيب والتأمرين بي اسوي واني الممنون عندج شي ثاني

» لا سلامتك شكرا لان فهمتني وماعترضت علئ شي

» اولا ماعترضت علئ شي لان كلامج مابي شي ومن حقج اطلبين وتحاجيني بهلمواضيع
ثانيا شكرا وتسلملي هاي النوب اذا عدتيها متلومين الا نفسج زين

يلا اني اروح باجر انروح نعقد يم السيد ومحكمه الله كريم خل اشوف دوامي شلون ايصير ارتب اموري

» علئ راحتك الشوفه سوي

» انشالله محتاجه شي

» لا سلامتك

اخذ الاسويج والمبايل وديروح بس سوه حركه اتصنمت بمكاني بيها اتقرب عليه بدون مقدمات باسني من گصتي بكل هدوء وحنيه وهمسلي ديري بالج علئ  نفسج. ابتسم بارتياح وطلع

ضليت گاعده ومصدومه حسسني بحنيه وامان بحياتي ماحاستها. اجت اعيوني ادمع معقوله الله عوضني بعد صبر طويل

فززتني من افكاري وگمزتني من مكاني جيلان ام اخبالات بفتحتها الباب وهيه تحجي بمكر

» ها عيني هاا شعدكم صارلكم فوك الساعه گاعدين وحدكم شكو حبي شكو

» وجع وسم وزقنبوت يا مخبله
شعدنه يعني
قابل احنه جيلان وشهم تالي الليل اممم

» عززه شمدريج

» ووين اكو شي ينضم بهلبيت

» ع الاقل احنه گاطعين المهرين قابل مثلكم توكم واحد قابل بالثاني

» ولا تعرفين تحجين انتي ياهو الزوجج هذا الخبل شلون قبل بيج ولو هو هم زعطوط مثلج

» شنو قصدج احنه زعاطيط

» اي والله زعاطيج وعود جايه تقارن نفسهم بينه بابا احنه ناس شايفين وعايفين وخري وخري دروح مشيت وخليتها ادردم ورايه هههه عوبه

:::::: فهد

طلعت منها واني الدنيا ماسايعتني من الفرحه الحمدلله الي الله سهلها
من يوم الي خبرتها بموت طفلها ووگعت بديه وگامت تشكيلي بهمها رجع گلبي يحنلها وشويه شويه ماحسيت روحي الا اتعلقت بطاريها حبيتها وتمنيتها من كل گلبي وصرت افكر ارتبط بيها شفتها بيوم وحجينه حجي جر حجي فاتحتها بالموضوع وشفت ردت فعلها شنو لكن رغم هذا ما اتراجعت ولا أيست ضليت احاول فاتحت عمي وخوانها بالموضوع وحاولو هوايه وياها بس هيه جانت ترفض وحقها الشافته والمرت بي مو قليل حاولت هواي والحمدلله وصلت النتيجه كل ماتخطر ابالي اگطع وعد علئ نفسي انسيها كل الشافته وابدل كل دمعه منها بضحكه رجعت للبيت اتلگتني امي گالبه وجهه سبع گلبات سلمت وگعدت

» خير يمه شبيج شو ضايجه

جاوبتني بعصبيه » وفوگاها تسأل شكوو انت شلون اسوي هيج من ورانه

» غير اتفهميني شنو الجريمه المسويها 

» مالگيت غير هاي تزوجها انت اتريد اتفين بختك

» هاي اشبيج شگلبج مو جنتي اتموتين عليها شو من رادها فهد انكرهت

» اني ماكارهتها ولا مسويتلي شي بس فهد هاي منحوسه  ياهو التعاشره اطمه بگبر

» استغفرلله ربي واتوب اليك الموت والحياة  بيد الله شنهو هيه عزرائيل يايمه   هاي عود انتي الجبيره هيج تحجين شخليتي لغيرج
ع العموم يابع  هذا قراري ولازم تحترموه اختاريتولي الاولئ وشفتو شلون طيحت حضي وحضها هلمره اني اختاريتها بنفسي وبأرادتي باجر نعقد ونتهئ النقاش

صارت مناقشات هواي بيني وبين امي جانت رافضتها العلياء واعرف منو وره هلرفض سفانه مرت رائد هيه علاقتها قويه بزهراء وواگفه وياها بكلشي فشي اكيد توز بأمي علمود توگف بوجهي المهم اقتنعت بس حطيتهن كلهن سجئ وامي وسفانه وتحلفت بيهن السمعها لو تغثها بحجايه متلوم اله نفسها هنه يخافن مني ف گعدن وسكتن

ثاني يوم گعدت من الصبح لگيت الخبر طاش باركولي وكلهه اتگلي ونعم ماختاريت ويوصوني بيها عوضها وسعدها
هيه بس خل اتصير حلالي احطها ابطن عيني مو بس اسعدها. وره الضهر حضرت كل الترتيبات دزيت حسن ابن عمي حارث جاب الشيخ الحمدلله عقدنا وصارت حلالي شرعا وهذا الاهم

::::: علياء

جوي خواني بالليل كلهم باركولي
ثاني يوم. گعدني البنات من الصبح ولزمني احفافه شلعن وجهي شلع لان صارلي هواي ما حافه يوجع
راحت مرت ابويه ومرجان جابلي شكم قطعه ولبس وذببني الاسود غيرن شكلي جذريا للعصر التمو بيت عمامي كلهم ابيتنه جا السيد للبيت وتجمعو عمامي وولد عمي بالاستقبال وره شويه
گطعولنه مهر خبصه وكلها تباركلنه
بعدين خفت الهوسه للمغرب راحو كلهم بقه بس هو   جا للهول الكل وگعدنه كلنه فد گعده ودگ سوالف كلها تحجي بس اني كل اشوي متطرقه علئ موضوع واحد
جان گاعد فهد مقابيلي واكبر يمي شفت اجته رساله من فهد مكتوب اسمه ع الرقم  فتحها. مكتوب بيها اخذهم وطلع عاد لو اكسرك شلزگت ضحك اكبر وباوعله ورد هو غمزله واشرله ع الباب بمعنئ نفذ الكتلك عليي اكبر اسوه غلس ع السالفه بعدين صاح بمرجان

» ولج  گومي ودي بيبي اكيد تعبت من الگعده

اخذتها وطلعت
بعدين ااتفت علئ امهاتي وابويه

» يابه متگومون اتنامون مو وراكم گعده الصبح

ابويه » اي والله همزين ذكرتني راحت من بالي عندي روحه باجر لفلان مكان عازمينه اني والمره وامي

التفت علئ فهد
» يلا عمو اني اترخص عندي گعده الصبح اخذ راحتك البيت بيتك والمره مرتك

فهد ضحك ومدري شحجه وياه
الا اني تعالو شوفو ضعت بهدومي
رفعت راسي عليي بلا ووعي گلت بصوت ناصي

» عزه العزاك يابه هاي شحجاك

ماحسيت الا گرصه من اكبر  بزندي وياها خزره واشش لا يسمعج عوبه

راحو ابويه وامي وره خمس دقايق دز رساله لمحمد رضا

اخذ مرتك وزعاطيطك وولي عاد گوم نام گوم مامشتاق المرتك صارلك عشرة ايام مفارگها

متت ضحك عليي

ردله محمد من انت تحس وتاخذ عايلتك وتطلع وتگول عيب عصافير حب توهم متعارفين خل ياخذون راحتهم

عززه هاي شبيهم خواني

محمد اخذ جهاله ومرته وراحو لغرفهم واكبرهم اخذ عايلته وراح

بقينه وحدنه اني بالي مو بوحدنه بالي علئ تفكيرهم الشيطاني ضباط يابه واحد يفهم ع الثاني

» الصفنه مو الك يابه

انتبهت عليي عدلت گعدتي وبتسمت بوجهه  الفرح البوجهه والارتياح
فاضحينه

» وين صافنه

» لا هيج يي

» يي

» يي شكو ماكو 

» ههههه غيرج بالگلب ماكو

خجلت من كلامه ابتسمت ودنگت اول مره واحد يغازلني

» شو حليانه

» صدگ

» دومج حلوه

» ممم

سكتت شحجي استحي وكلمة صرت مرته تخجلني هواي گام وجا گعد يمي اتراجعت ليوره اشويه

» شبيج شو ترجعين وره

» ها لا هيج مرتاحه

من التوتر گمت مدري شحجي

» ا انت متروح لبيتكم لو مانعسان اكيد ماتعبان اقصد تعبان

» ههههههه شبيج معوده شو گمتي تخربطين

يافشله الفشله گبر طمني هاي ليش گمت اخربط من الفشله ضليت ساكته

ضل يباوع بوجهي ومبتسم نضراته وترتني اجرئ ولزم ايديه اجفوفي ضاعت بجفوفه

» حطي عيونج بعيوني كافي خجل انتي صرتي مريتي

كلامه وترني بالزايد ضليت مدنگه رفع وجهي بايده من حنجي

» حطي عيونج بعيوني ضحكيلي حتئ تضحكلي الدنيا صبرت ايام وليالي في سبيل انفرد بيج بالحلال

رفعت راسي  وبتسمت بوجهه اتأملت عيونه كلهن لهفه وحنيه معقوله صدگ يحبني اتقرب وطبع بوسه خفيفه وهادئه علئ جبيني حسسني بحبه وحنيته. مد ايده وفل شالي بكل سهوله. ماگدرت امنعه ضليت مستسلمه اللمساته سحت القراصه ونزل شعري علئ امتوني وبده يلعب بخصلات شعري علئ طوله همس يم اذني

» مارين بهاي اللحضه قبل تذكرين لو ناسيه 

فزيت من مكاني وبتعدت عني گتله بصدمه.

» شوووكت

» ههههه شبيج فزيتي معقوله ناسيه

» اصلا ماصاير هيج شي دنساه

» لا صاير شو تعاي

شو هذا حضني وخله راسي علئ صده ويلعب بشعري جمدت بيديه وهو يحجي

» تذكرين بعرس رائد لمن صعدتي بغرفتي ولگفتج

» اهاا اي اذكرت سد السالفه  فهد

» ليش گلبي

» اكثر فشله اتعرضتبها بحياتي ومن اذكرها اخجل من روحي ومنك

» ههههه بالنسبه اليه مو فشله احلا لحضه الفستان الحمر بعده عندج

» هههههههه تحجي صدگ معود هذيج اللحضه راح ايصيرلها تسع سنوات

» فدوه الهلضحكه اي هيج دوم ضحكي حتئ تضحكلي دنياي

ضلينه گاعدين اشويه بعدين اترخص وراح وقبل ميطلع هم باسني من خدودي ولا يخجل ولا يگول هاي تستحي ما انكر كل مشاعري القديمه هاجن بهلحضات وستعاديت حبي القديم بحياتي ماجنت متخيله راح يجي يوم وننجع شگد لفت ودارت بينه الدنيا ورجعت جمعتنه من جديد تحت مسمئ الحلال ثاني يوم هو داوم ضل ثلاث ايام ورجع عقدنه  بلمحكمه. ورلها اشتره الغرفه وجهزها راحن البنات رتبن البيت واخذني امه وامي للسوگ جهزني كم قطعه گال لتاخذين هواي لان مستعجلين وره الزواج هم اخذج وناخذ النواقص بلشت ارتاحله واتعود عليي كبها فرحانه النا وتگول الله يعوضكم حددو الخميس ياخذني يعني عگب باجر جهزنه كلشي ملابسي وملابسه ترتبن بالغرفه البيت جهز اشترولي فستان ابيض مو بدله فستان مرتب سوولي تسريحه بسيطه ومكياج حلو المغرب كلها التمت ابيتنه سوولنه حفله زغيره  جا هو ودعت اهلي.وابويه وسامحت الكل وقررت ابلش صفحه جديده خاليه من الماضي بعدين  اخذني. بسيارته ومشينه البيتنه علئ گولتهم العش الذهبي

قرائه ممتعه

زهراء جهاد