رواية المغتصب حقها الفصل الثالث والعشرون 23 - بقلم زهراء جهاد 🤞

المغنصب حقها
زهراء جهاد !

فهد » انطيني فرصه اعوضج عن الراح خليني ابدل كل دمعه نزلت من منج بضحكه

» انت شگاعد تحجي فهد من كل عقلك لو تشاقه

» لا علياء هيج مواضيع مابيها شقه كلامي وياج بجديه اريد اريحج واعوضج الراح اريد اعينج علئ هموم الدنيا وعلي اموت من اشوفج بهلحال وماكدر احاجيج لان العيون كلها علينه  صدگيني اني وانتي  ما النه غير بعض شكد لفت الدنيا ودارت بينه بس رجعتنه نگدر ننجمع سوه رايدج من كل گلبي ادريج شايله عليه بس اي واحد من ولد عمي لو مشوفته هاي القندره الشوفتنياه جان ماسكت وسوه اكثر بس بعد صارت

» فهد اني موتت ابني جانت اكبر صدمه الي خلتني اشوف كل الصار ويايه لا شي يمها اني نسيت كلشي سامحت الكل وماعندي شي لا وياك ولا وياهم وهلشي شيله من بالك ماريد اي شي من الدنيا عوفني بحالي مامحتاجه عطف وشفقه منك اني اسند نفسي بنفسي

» لا علياء فهمتيني غلط ثقي بالقران مو هذا قصدي لا شفقه ولا عطف اني رايدج من كل گلبي اثنينه مجروحين خلينه نحط جرح علئ جرح ونداوي بعضنه

» فهد رجائا سد هلموضوع ولتفتحه ويايه مره ثانيه البيه كافيني اللبالك مستحيل يصير

» شوفي علياء هيه مو بهلسرعه فكري بالموضوع شگد متردين الج كل الوكت. يلا اني اروح اسلم واطلع ديري بالج علئ نفسج ولتنسين روحج الها حگ عليج لتعذبيها

عافني وراح ضليت افكر بكلامه هذا عود من كل عقله يحجي مستحيل افكر مجرد تفكير اني بزواجي الاول شستفاديت دستفاد من الثاني ضليت گاعده بالحديقه صفنه توديني صفنه اجيبني اذن استغفرت ربي وگمت اتلگوني الولد جووي سلمو عليه مصطفئ حط ايدي علئ اجتافي ويمشيني ويسولف ويشاقه ويايه ما انكر انهو كل الي بالبيت ديحاولون باقصه جهدهم يغيرون نفسيتي  يطلعوني من جو الكأبه

واني هم الحمدلله بلشت اتقبل الموضوع واحاول اتناساه مينسي طبعا بس احاول اغير من نفسي لان دشوف اهلي محد منهم مرتاح. من يشوفوني متكأبه هم هم يتكأبون وحرام عليه اشتتهم بشتتاتي

مشت الايام والاشهر الدنيا متوگف علئ احد يمكن احنه من نفقد عزيز او نتعرض لمصيبه نحسها وگفت ومدتمشي لكن من انفتح اعيونه زين نلگه العمر ماشي هواي ومحد يگدر يرجع الراح الماتو ارتاحو وعافونه نتعذب وراهم صرت احسد كل انسان فارگ الحياة وراح لاخرته كلها اتگلي هذا امتحان اختبار من رب العالمين الله ديعذبج بالدنيا حتئ ترتاحين بالاخره  طلعت السنه. من اشد السنين العشتها صرت هيكل عضمي غرگانه بالاسود روحي ماطايقتها الدموع مافارگتني. سوينه الحول ورحنه زرناهم
عيالي قطعت كل علاقتي. بيهم. نهائيا ماعندي شي يربطني بيهم

مرجان ازوجت حسين ابن عمي حارث

وجيلان هم خطبها شهم ابن عمي ابراهيم من زمان يحبها اتقدملها ووافقت وهسه مخطوبين

حيدر كل شهر اروح ازوره لان الطريق بعيد لو قريب جان كل يوم كل خميس اروح بس البعد بينه بيوم سمعت فهد محاجي ابويه عليه ومتقدملي ماهتميت للموضوع لان اصلا الفكره رافضتها

جنت كاعده بالغرفه وصاحو عليه نزلت لگيت ابويه گاعد بلهول فتح الموضوع ويايه

ابويه » يابه علياء اعرف اضروفج وادريج رافضه الزواج بشكل نهائي بس الئ متئ وشنو مصيرج وگعدتج شيسموها 

» ها يابه اتعاجزت مني.

ابويه » خرب شوف اشلون تفكير ولج بابا اذا الگاع ماشالتج عيوني اشيلج اني شعندي غيرجن انتن بناتي روحي من الدنيا بس يابه اني وامج باجر عگبه متوكلين لدار حقنه خواتج هاي كل وحده استقرت وشافت حياتها اضلين علئ منيه نسوان الاخ تره محد يتحمل احد  لو اشلون ميصير ونتي بعدج ازغيره وبعز شبابج بس القهر كبرج

حط راسي علئ جتفه گام يمسح علئ راسي ويحجي

شعبالج يهون عليه من اشوفج هيج مقهوره وحزينه وعيونج مورمه من البجي والله كلبي متفتت عليج بس هذا قضاء الله وقدره كاتبلج تتعذبين بحياتج

بنيتي هذا ابن عمج هو شيال همج ورايدج وشاريج وطلبج بالحلال ومتاكد  فهد يحطج بعيونه ويحميج من الهوئ الهاب اذا رفضج علمود هذيج السالفه القديمه مال بت عمج فصدگي وعتقدي اني لو بمكانه جان ذبحتج ماخليتج ماكو واحد يقبل هيج شي علئ عرضه وانتي تعرفي الفهد ماكو داعي احجيلج عنه شگد نحس ومتشدد وصاحب غيره بنيتي اني اريد أمن عليج قبل ماموت ماريد مثل ذيج المره اشمرج وين ماجان علياء اني متاكد فهد راح يصونج ويحترمج ويسعدج

» يابه بس …… توني دحجي قاطعني

» اششس ولجاوبيني هسه لان اعرف شنو جوابج وشراح اتگولين راح اعوفج هسه فكري بكلامي زين الج اسبوع اترديلي خبر بس صدگي ميجيج احسن منه وحتئ لو جا هو راح يعترض لان مادام رادج بعد  ميخليج اطلعين.  وترئ ابن العم اله الحق كلشي يسوي يعترض يحجز ينهي منگدر نوگف بوجهه هذا شرع الله مثل ماكتلج فكري زين ورديلي خبر وحيدوري يايابه راح يم ربه أمن مكان اله الله نطاج امانه وانتي صنتيها وحافضتي عليها ورد اخذها منج خلي ايمانج بالله قوي وتأملي باجر احسن من اليوم شعبالج البجي يريح الميت بالعكس يعذبه بگبره وابنج طفل هسه تلگي طير بالجنه ماگلج انسي وشيلي من بالج وكأن شيئا لم يكن بس دگلج روحج الها حگ عليج الله مانطانه هلرواح دنعذبها شوفي حياتج وسولفي وضحكي ورجعي ذيج البنيه الماليه البيت بسوالفها ماكو داعي اگلج انتي بالذات شماتج هوايه وشفتي الشده الوگعتي بيها گبل جم وجه كشفتلج. وحالج خمو مثل حالج زينب ( عليها السلام ) جم عزيز بعزيز فگدت جدام عينها وبيوم واحد لعد هيه شتگول يابنتي خلي ايمانج بالله قوي يلا اني رايح مثل ماكتلج فكري زين

بوسني من عيوني ومن شعري ودغدغني شويه ماطلع الا ضحكني فدوه الگلبه شگد حنين

صدگ فكرت بكلام ابويه هوايه. وجان كله صح بس الخوف متملكني فهد طبع علئ گلبي باجر عگبه اذا هم صارت سالفه هم ميصدگني وهم ايمد ايده عليه

راسي صار هلكبره من خواني وامهاتي وبيبي كلها اتوز براسي وافقي ماكو احسن منه وميجيج احسن منه عبالك اني ماعرفه لو ما حافضته

بعد تفكير اسبوع كامل وصلت القرار وعرفت انهو اني وفهد البعض لو اشگد ما احاول اني اله صدگ ماراح يجيني احسن منه ابن عمي ويحبني ورايدني ومستعد كلشي يسوي علمود يسعدني وهو يعتبر بعده ولد اصلا اشاف من زواجه حتئ نعتبره مطلگ شو هو شهر وطلگها وصدگ مثل ماگال هو مجروح واني مجروحه خل نحط جروحنه علئ بعض ونداويها سوه  سالفته القديمه نسيتها اصلا متستوجب اتأثر ع الحاضر. راح اوافق والكاتبه الله يصير بس تحت شروط اذا ما وافق عليهن خل يسد السالفه  ثاني يوم اشگد حاولت اگول لامي لمرت ابويه بس استحي ومتردده هواي واكبر كل اشوي وگال هااااا ماقررتي وسجئ گامت تشمر حجي عود درفض اخوها. بالليل التمو وره العشه گعدنه بالهول شاورت مرت ابويه كتلها گولي لابويه. اني موافقه. بس تحت شروط عفتها وطلعت من الهول صعدت فوگ

بارت قصير لعيون متابعيني المتحمسين وخصوصا المتفاعلين دوم انتضروني البارت الجاي بي هواي مفاجئات

                 ( زهراء جهاد )