رواية المغتصب حقها الفصل السابع والعشرون 27 - بقلم زهراء جهاد 🤞

المغتصب حقها
زهراء جهاد
_____________________________

لگيت ورقه مكتوب بيها
( من ورده الئ فهد )
اتفاجأت ضليت شايلتها وافكر ياتره شبيها وليش مخليها فهد لسه هو مو گال شلت كلشي يذكرني بيها من هلبيت فتحتها وقريتها جان مكتوب بيها

( فهد اني اعتذر منك واتمنئ اسامحني اني غلطت بحقك من ضميت عليك شغله مرضي وادري هلشي حرام بس والله مو بيدي اهلي جبروني اوافق عليك واني وافقت عليك حتئ اخلص من الذله العشتها يم اهلي والله جنت من تجيني الحاله واوگع واحد يشمرني ع الثاني اني ارتاحيت وياك ونسعدت رغم ادري هاي اخر ايامي بلدنيا ادري راح تبقئ حاقد عليه من وره السويته بس هلشي بيد الله سبحانه وتعالئ مو بيدي اكو شي هم ضامته عليك انهو جنت اخذ مانع علمود ميصيرلنه طفل لان جنت متاكده لو صارلنه طفل راح يتيتم اعترف غلطت وياك وغلط من السمه للگاع بس الي سببي.
اتمناك اسامحني لان تعذبت هواي بالدنيا ارد ارتاح بالاخره وموتي قريب لان جاي اسمع ملك الموت يصيح بأسمي
دير بالك علئ نفسك وازوج واستقر ورتاح لانك تستاهل الاحسن مني وصدگني اجمل ايام عمري عشتها وياك.
البقاء لله ورده )

قريتها والعبره خنگتني هيه هم انضلمت بحياتها وتعذبت الله يرحمها ويجعل مثواها الجنه
بس الراح يخبلني ليش لسه محتفض بهلرساله المفروض من يقراها يحرگها هاي وصيه وكتابة ميت معقوله لسه يحنلها لو متندم لان طلگها خاف محتفض بشياء ثانيه منها كمت نبشت البيت نبش كلشي مالگيت عدا هلرساله ضلت نار جوايه واريده بس يجي دسأله عليها لل ضهر كملت الغده ونضفت البيت بال2 جا جنت كاعده بالهول واهز برجلي بعصبيه دخل وسد الباب

» شو اليوم ماكو الله يساعدك

» الله يساعدك 

» مجامله
من الاخير احجي شبيج

» مابيه شي اصبلك غده

عفته ومشيت بتجاه المطبخ لزم ايدي

» عوفي الغده بيج شي
مو غشيم عليج احجي اكو شي

» بدل وتغده والله كريم 

راح بدل لبس ملابس بيت وجا گمت دصب غده ماقبل جا جرني من ايدي وكعدني مقابيله

» خل اصب غده

» عوفي الغده شبيج

» مابيه شي

» علياء لتكفريني احجي شكووو

طلعت الورقه وخليتها گدامه

» شنو هاي

» انت گلي شنو هاي

جرها قراها اني بس اباوع عليي رفع راسه الي

» وين لگيتيها

» البيت بيتي ومينضم عليه بي شي

عگد حواجبه بستغراب

» انتبهي علئ حجيج شنو اخاف منج واضم عليج احجي هاي وين لگيتها

» لگيتها بالجرار مو المهم وين لكيتها المهم ليش محتفض بيها لسه

» مامحتفض بيها ولا شايفها ولو متطلعيها جدامي ولا تخطر علئ بالي لان سالفتها قديمه

» شنو سالفتها

» من ماتت رحت للفاتحه واخوها انطانياها وكال امانه ورده اخذتها وماقريتها ذبيتها بالبيت اصلا نسيت وين خليتها ولا جتي علئ بالي ولا فكرت بيها نسيتها تماما لان بذيج الفتره صارت عندي ضغوط هواي فراحت من بالي شنو الغاثج بالسالفه تره متستاهل لتكبريها.

» ماكو داعي تحتفض بيها

» وج بابا مامحتفض بيها اكلج اول مره اشوفها بعدين الحجي القريتي مابي شي البنيه دتبرر موقفها غيرانه موو

سكتت وماردتلي
جريتها لحضني »  شوو تعاي.
معقوله تغارين من وحده ميته تره اي ماصايره

رفعت راسي اله » عليك الله خمو جنت تتغزل بيها وتعاملها مثل متعاملني

» ههههههه ام الغيره لا بالعكس ماجنت احس وياها مثل احساسي وياج زواجنه جان رسمي عادي مثل كل زوج وزوجه والبنيه الله يرحمها نا اذتني لو غثتني بس سالفه المرض ضوجتني وغثتني وجانت سبب انفصالنا اهوووك وين رجعتيني عوفينه البنيه راحت الدار حقها. شبگني وگام يبوس دگ تلفونه وشفته لونه انخطف وضل يگول لا الله الا الله. اتخبلت عبالي احد من اهلي مات صار بيه واهس موت ماعولت يخلص دعرف منو گال شاكر صاحبنه مستشهد عرفت نفسه هذا شاكر الي شافني بعرس اكبر وتقدملي الله يرحمه هوايه نقهرت عليي بعده بعمر الورد حتئ مازوج احسن علمود ميتم احد وراه اتحضر هو والولد وذبني ابيت اهلي وراحو للعزه. لان بغير محافضه وره اسبوع رجعو بعد ماكملو واجبهم تجاه اهل صاحبهم

مشت حياتنه طبيعيه عايشه بالجنه الحمدلله الله عوضني بعد صبر ومعانات وره شهر صارت عندي اعراض حمل وفعلا وره اسبوع طلعت حامل ماحجيلكم الفرحه الي جنه بيها اني وفهد هو فرحان لان راح يصير اب واني فرحانه لان راح يعوضني بأبني الله يرحمه. مصطفئ اخويه ازوج رقيه بت عمي حارث اخذها علئ حب من الطرفين مرتضئ هم ازوج من المنطقه. وقيصر هم اخذ بت عمي ضياء لان يتيمه وهيه حلوه عمامي مارادو يطلعوها لغريب بس الله يعينها علئ خبالاته ونحاسيته  زهراء هم ازوجت وراحت لحال سبيلها معليه بيها ولا شايفتها سامحتها الله يغفرلها ولدنه كلهم ازوجو وستقرو بيبي حالتها استقرت الحمدلله هيه البركه علينه ابني ماتركته دوم اروح ازوره. وره تسع اشهر ولدت توم ولد طرنه من الفرح اذن فهد باذنهم وسماهم واحد ضرغام وحيدر فاجأني من سمه حيدر بس جا بوسني وكال علمود اخوه يشيل اسمه  و يضل ذكره بيناتنه ومننساه. تعبوني هواي لان توم يبجون سوه ينامون سوه يگعدون سوه وره الاربعين رجعت البيتي
والنوب لان صرت وحدي تعذبت بالزايد فهد ملتهي بدوامه هم يساعدني من يكون بالبيت بس هو شمعرفه همه يبجون يشمرهم عليه بيتي هملته رجلي هم هملته خواتي ساعدني بيهم الحمدلله كبرو وصارو يفتهمون ارتاحيت منهم اشويه كل واحد اللسانه بطوله. حبنه زاد مانقص من انكون سوه يطيرني بالسمه بحبه وغزله وهتمامه احبه واموت عليي صار هو النفس اليصعد وينزل كل يوم اصلي ركعتين شكر لوجه الله لان عوضني ابزوج وعائله وبيت عندي يسوون الكون 

روايتي بعنوان المغتصب حقها
الحمدلله گدرت اختمها وانشالله گدرت انطيها حقها بجينه وياهم فرحنه وياهم اخذنه عبر منها اتمنالهم السعاده وراحه البال طول العمر والله يبعد عنهم كل اذئ لان الشافوه بماضيهم  مو هين ويرحم الشخصيات الي وافاها الاجل
جدها
كرار
حيدر
ورده
شاكر
  شكرا للي شجعوني وتفاعلو ويايه وهاي جانت اول روايه الي اتمنه اكون انطيتها حقها
زهراء جهاد