المغتصب حقها الفصل الثامن والعشرون 28 - بقلم زهراء جهاد

المغتصب حقها
البارت الثامن والعشرون
زهراء جهاد

==========================

قفلنه البيت راد ايطلع السياره بس گتله خل نتمشئ هو هيانه البيت وضايجه
گال ميخالف
اتمشينه لبيت عمي دخلنه جانو ينتضرونه
سلمنه عليهم وباركولنه
احنه گعدنه صبو
نزل مرتضئ يصيح جوووعان

مرتضئ » معودين متگولولي وين صرتو موتونه جوع

فهد » عرج ميطگك

مرتضئ » شلونج بنت. العم

» الحمدلله وانت شلونك

» اني اريد ازوج

رائد » لازم گمت اتغار من فهد

» هيه مو قصه غيره بس اريد استقر ربعي جهالهم بطولهم شناقصني رجال طول بعرض عندي راتب ومرتب اموري وعمري 27. شناقصني

عمتي » ماناقصك شي يمه. واني اتمنئ ازوجك واشوف جهالك دگلك اخذلك من بنات خوالك متقبل شسويلك

مرتضئ » شوف هاي بنات اخوها
غيرهن دوريلي وحده من الولايه
ماريد اخذ گرايب خل نغير شويه كل ولدنه اخذو من بنات عمي اني اريد اكسر القاعده

عمتي » لعد اني معليه انت گلي فلانه واروح اخطبها
اني حلفت ماعليه بيكم بعد

رائد » وليش بله

» شفت من جبتلكم ورده وعلئ اسمها اشلون گمتو تتعززون وتالي متالي گمتو ادورون مبختين

فهد شمر الخاشوگه من ايده بعصبيه

» لتكفرينه بالله بهلضهريه الف مره گتلج سالفت هلبنيه سديها ماتت ونتهت شتستفادين من تشمرين حجي

عمي » صوتك يابه شبيك
وانت يامره اجم مره گايلج سالفه هلبنيه سديها لو الا تنغصين لگمتنه

ضلت ادردم بينها وبين نفسها لا اگللكم ولا اتگولولي. طلعت الغده سم فهد گاعد علئ اعصابه. ضلينه لخاطر عمي والولد بس اتغدينه وشربنه جاي اخذني ورجعنه جان معصب خفت لا يطلع عصبيته بيه حاولت اتجنبه رحت بدلت لملمت البيت

طب للغرفه باوع عليه

» شبيج علياء

» مابيه ليش

» ليش تتجنبيني من رجعنه لسه

» لا والله مو هيج بس شفتك ضايج ومعصب گلت اخليك ماضوجك بالزايد

جا يمي وشبگني خله راسه برگبتي وانفاسه الحاره وترتني

» انتي راحتي مو ضوجتي من اتشوفيني عصبي وضايج گعدي يمي سولفي وياي اتشاقي ضحكي امتصي غضبي
مو تعوفيني وحدي
وعلي بضحكه منج روحتي تعب اسنين معقوله متگدرين اتهديني

» اني اسفه بس بصراحه بعدني مامتعوده عليك ولا اعرف اطباعك وشتريد وشتحب انشالله اتعلم كلشي مع الوكت

» انشالله حبيبتي
اكيد كلشي راح تعرفين عني بمرور الايام. وهسه تعاي عندي شغله وياج

اخذني للجربايه نام ونومني علئ صدره

» لا فهد حباب مو وكتها

» لا وكتها احنه عرسان وهذا شغلنه

» ههههههههه ماعدنه شغله وعمله بس هاي

» فدوه رحت لهلضحكه
لعد شعدنه ناس عطاله بطاله

» حبيبي سؤال

شو هذا ماحسيته الا گمز وگمزني وياه گعدني گباله ومتفاجأ

» شنووووو شگلتي

» ش شنو شگلت

» گلتي حبيبي

» هااا مادري ليش اني گلت هيج

اصلا مادري شلون طلعت مني
راسا حضني

» ولج گلتي حبيبي فدوه العمرج يروحي جنت اتمنئ اسمعها منج
بعد متگولين فهد كله حبيبي مفهوم

» ادلل حبيبي

اني كتله هيج لو اتخبل
ضل يبوس ويعضعض.ويدغدغ جعصني

» هههههه كافي كافي عليك الله راح اموت هههههه

اني هواي اغار كلشي ولا احد يدغدغني وهو مدري منين متعلم هلسالفه والنوب زورگني بس يعضعض.

اتمددنه وضلينه نسوالف

» اگولك حبيبي

» گلبه وروحه وعمره لحبيبج گولي حياتي

» ممممم شسوي عشه

» ههههههههه من هسه شايله هم للعشه
منسوي العصر نطلع نفتر ونتعشئ بره

خليت راسي علئ صدره واباوع عليي

حجيت بفرحه » صدگ لو تشاقه

عگد حاجبه بستغراب » ليش اشاقه

» يعني انت تريد اطلعني

» جنج اول مره اطلعين

خنگتني العبره » متصدگ اذا اگلك ما اطلع ابد علئ حد زيارة ابني وارجع وهاي صارلي شهرين مارايحتله دطگ علئ شوفته

» ليش متطلعين

» مو تدري گبل جانو ابويه وخواني نحسين ماعدهم البنيه تطلع وطب الا اذا تحت ضرف ومن ازوجت هم نفس الشي ميخليني اطلع بس البيت اهلي وجان يلزملي الساعه محددلي وقت ارجع بي واذا طلعت المكان غريب فهو المستشفئ يا اما مغمه عليه لو اودي ابني من يتمرض وبعد ما اطلگت اهلي حبسوني ومن مات ابني اني كرهت كلشي وعزلت روحي بغرفه يعني ما مفتهمه شي من عمري لا طالعه لا طابه ما مختلطه باحد وحتئ اذا اطلع هسه ماعرف اتصرف گدام العالم ولا اعرف امشي بين الناس. عرفت سبب استغرابي من گتلي نطلع نفتر ونتعشئ بره شفته شي غريب ومامجربته قبل

رفعني اله وباسني من گصتي

» اني وياج حبيبتي وراح اعوضج علئ كلشي انحرمتي منه اريدج تنسين ماضيج وتعوفي وراج نگلب صفحه جديده ونبدي من الصفر

نمنه الضهر حسيت علئ اصابع تتلمس وجهي حسيت شفته صافن بوجهي
سولفنه اشويه وبعدين گمنه سبحنه شفته لبس قميص وبنطرون وهو من النوع الكشاخ ومهتم بنفسه واناقته اني هم بدلت وكشخت بس شنو ضل واگف علئ راسي خففي المكياج الحجاب لسوي هيج سوي هيج العبايه عدليها لزميها منا لتخلين ملابسج اتبين ضل ينقنق مدري اشلون اقتنع بشكلي وطلعنه خلاني اركب من البيت طلع السياره وقفل الباب ومشينه

» علياء عيني دنگي لترفعين راسج لبين منطلع من المنطقه لان سوگ وكلها تعرفني

ماحبيت ارده اتقبلت الموضوع من باب النحاسه والحرص علگ اغاني وعلاه دقايق گال رفعي راسج اخذنه الطريق سوالف وضحك وشقه جنت احس روحي طايره بالسمه حيل مهتم بيه وبس يضحك بيه جنت اشوف اعيونه اتگلي همي الوحيد هو ضحكتج رحنه لمول وفترينه وتونسنه اشترالي هواي هدايه طلعنه لمطعم حيل فخم طلب ارقه الاكل اتعشينه ورجعنه تقريب بال11 اتونسنه وغيرنه جو. رجعنه هلكانين من الطريق والفره راسا نمنه گعدت ساعه سبعه الصبح شابعه نوم وهو بسابع نومه گلبي مانطاني اگعده عفته نايم طلعت شفت البيت يحتاجله تنضيف غسلت وجهي ولبست دشداشه مال بيت ورفعت شعري ذيل حصان عالي وبلشت بالشغل مسحت الميوزه والتحفيات ومسحت البيت كملت كلشي دخلت للمطبخ حضرت الريوگ وهم رتبته اشوي هو البيت كله نضيف بس هيج تنضيف خفيف حضرت اليروگ ورتبته ع الميز بفنون

فهد گعدت اتلمست مكانها ماكو گاعده گبلي طلعت من الغرفه افرك بعيوني سمعت صوت جاي من المطبخ دخلت لگيتها تحضر الريوگ وتشيل هاي وتعدل هاي لابسه دشداشه ربع ردن وزنودها البيض طالعات والنوب رافعه الدشداشه والسيقان طالعه اوويلي والشعر مرفوع
اتقربت بهدوء حاوطتها من ضهرها

» يمةةةة فهد فززتني ليش هيج

» شمسويلج شو جيت بكل هدوء

» هو هذا هدوئك الفززني

دارني عليي » اشو اليوم الوجه متفح والضحكه الترد الروح.

» لان مرتاحه

لزمني من امتوني ووگفني گدامه

» متأكده مرتاحه ويايه

» اي والله مرتاحه واحس روحي
وطايره بالسمه

لزم اجفوفي بثنين ادي » وهو هذا الاريده اشوفج مرتاحه يغنيني عن الدنيا كلها احبج واموت عليج وحاطج بين اعيوني.

» الله ليحرمني منك ومن حنانك ويخليك خيمه فوگ راسي انت احسن انسان صادفته بحياتي الله يديمك الي ويحفضك بجاه محمد وال محمد

» يمن فدوه اروح لكلماتج هذن الحلوات مثلج ربي يديمج الي وليحرمني من الصباح بوجهج

صدك تعاي تعاي

» ها حبيبي شكو

» مو جنج مغلسه علئ شي

» اني لا والله ممغلسه ليش

» اممم حياله شو ما مسمعتني كلمه احبك لسه شنو ماحبيني

» ضحكت بخجل هههههه لا والله شلون ماحبك غير انت صرت كل دنيتي

» ولج انتي ناويه تخبليني اليوم شهلكلام ليطير العقل شو تعاي بعد ماتحمل جرني وراح بتجاه الغرفه وگفته

» شنو وين رايح لعد هذا اليوگ صارلي ساعه المن سويته باوع ع الريگ

» اوويلي يابه وعلي يشهي منشوكت مامتريگ بالبيت عادي ماكو مشكله اتريك بالمطبخ وبالغرفه

وغمزلي گعدنه نتريك شفته اتغزل اكثر من الاكله. كملنه وجرني للغرفه. جان داير ضهره ع المرايه اجيت وحضنته من ضهره بقوه

» احبك واموت عليك والله صرت اعشقك انت روحي من الدنيا

ماگدر اوصفلكم الفرحه الي جنه بيها اثنينه بذيج اللحضه.

ماهدني الا بالعشره بالگوه سحبت روحي منه غسلت مواعين الريوگ ورجعت لگيته سابح اني هم سبحت اهلي جانو عازمينه ع الغده تحضرنه ورحنه موجودين كلهم. مرت فتره هيج. بيت عمامي كل يوم واحد عازمنه وهذا طبعا بسبب حبهم واحترامهم الفهد حياتنه كلها حب وسعاده وفرح الحمدلله الله عوضني بفهد شگد ما اصليله واشكره ماگدر احس روحي مقصره لان صدگ شفت الراحه وياه وكدرت انسه الي سواه ويايه كرار ماگول نسيته اتناسيته لان شي يغطي علئ شي وصدگ وفه بوعده من گال ابدل كل دمعه منج بضحكه وره فتره رجع الدوامه دوامه صار كل يوم من الصبح للضهر اهتميت بي وبملابسه وبالبيت وبنفسي حياتنه صارت هادئه وماكو الي يزعجنه صح من انروح البيت عمي عمتي اذبلي كلام بس مااهتم لان اكيد الي اتسوي ميجي ربع الي شفته من ام كرار بعدين حتئ لو تغثني بكلمه بضحكه من فهد يتعدل مزاجي وينسيني بيوم جنت ميز الشاشه بي مجرات وبي اوراق وشغلات ناعمه صارت ايدي علئ ورقه مكتوب بيها. ( من ورده الئ فهد )

المغتصب حقها

حبايب ادري البارت قصير وبدون مراجعه بس والله ضروفي صعبه انشالله وره العيد. انشر البارت الاخير واختمها