رواية المغتصب حقها الفصل الاول 1 - بقلم زهراء جهاد 🤞

#المغتصب -حقها
البارت الثاني
-زهراء جهاد

: علياء گعدت بالليل ساعه 9 اهووو شگد نايمه طلعت لگيت امي وابويه  ومرت ابويه والبنات گاعدين والولد ماكو

: اشلون صرتي يابه بعدج دايخه
: لا يابه احسن الحمدالله
: متگوليلي شجاج
: والله مادري يابه اول مره اصير وياي يله الحمدالله عدت علئ خير  اگول لعد بيبي وجدو وين.
:راحو لبيت عمج ابراهيم
: يمةة گومي خل انروح يمهم ضايجه

: وج عيني علياء عوفيني مابيه اليوم تعبت هواي التفتت لمرت ابويه
: يمةة گومي اني وياج لعد
: وج عيني مابيه اني
هم تعبت شعندج رايحه انتي مو تعبانه گعدي وسكتي : اهووو اشو اله اروح خل انفه علئ نفسي شويه نفسيتي تعبانه

. : يابه وصلني انت
: يله گومي اني هم دطلع اذبج بطريقي جيلان هم گالت اروح  راح ابويه ايبدل واني تحضرت اني اگدر

اروح وحدي فرعنه مابيه غربه بس احنه العمام لكن مره رحت وحدي وقيصر ابن عمي ابراهيم  ماقبل وگال اخر مره

تطلعين وحدج گتله ماكو احد يوصلني گال من متلگين احد دگيلي اني اجيبج ومن بعدها  ماطلعت وحدي ابد لو خواني

لو ابويه لو واحد من ولد عمي رحنه اني وبويه وجيلان  دگينه الباب وطبينه وجانو بيت عمي حارث هم هناك وبيبي وجدو

وهمه كلهم ملتمين گعدنه وسولفنه وكلها تسالني شلون صرتي وليش هيج شصار مليت من هلسؤال حتئ اني ماعندي

جواب اله. نغزتني بعكسي زهراء وسحبتني لغرفتها فوگ
: لج تعاي شفتي شسوه عليج شلون گلبه وگع من وگعتي

ضل مثل المخبل يگلب بيج والله ولا جنت متوقعه فهد يطلع منه هيج تصرف فاجأني
: هاي شبيج زهراء تره  عادي اي
واحد من ولد عمي لو جان بمكانه يسوي نفس الشي 
: اني اشوف غير شي وكلشي واضح بس انتي عميه
: مو عميه ولج بس مال فهد
يحبني هاي من سابع المستحيل اني احبه صح وانتي الوحيده التدرين بس مال هو يحبني لا هاي بعيده بعدين اليحب ويريد

شيضمه تره العاشگ مفضوح زهراء
:  ضلي ضلي هيج شعليه اني وگولي زهراء گالت اذا ما فجا سمعتي فهد

خاطب لوميني وضلي انتي لا ماگله وماعترف وماريد انزل من عينه وعيب من خواني امداج. يالفاهيه.
:اهووك
رجعنه لنفس النقطه بابا شيليها من بالج مخبله انتي اذا گتله اشلون اباوع بوجهه بعد زين هو واكبر مابينهم اسرار راح وگاله
هيج اختك گالتلي وكتها شسوي وشنو موقفي حتلو يخطب ويزوج عادي لان هو لا يحبني ولا مأملني بشي

: علياء تخيلي
يزوج وهوسه وعرس انتي شيصير بيج

: شوف وجه القندره وين وصلتنه مو اگلج ماريد افكر بهيج اشياء كفختها بالمخده
علئ راسها وطلعت واني ادردم عليها اربعه وعشرين ساعه ملحه ملحه گوليله گوليله ثوله مخبله متفكر عدها اهم شي

يدري ومتحسب حساب للنتائج
: تره سمعت
: وطبج مرض اني اريدج اسمعين فورتي دمي ياحقيره دفتحي هلموضوع
النوب واني اعلمج
: ياموضوع
: التفتت هذا علاء
: اا موضوع تافه مثل اختك
: احب اعرف هلموضوع
: للاسف ماگدر اگلك موضوع يخص النسوان حطيت ايدي علئ حلگي بصدمه  عزززه هاي اني شگلت ضحك وتقرب عليه يريد يفهم شگلتله
: اهووك علاء شبيك گتلك هيج ليش اتلح
: علياء ما لاح اني بس انتي ليش هيج عصبتي ماشي علئ راحتج

مشه وتجه لغرفته

: اوووف هاي شسويت اني زعلت الولد من غير سبب ركضتله لزمته من ايده وگفته اوگف اوگف  اسفه

علاء والله موقصدي احاجيك بنتر بس مادري شبيه ضوجتني زهراء وطلعت ضوجتي بيك

:والضهر من ضوجتيني هم
طلعت ضوجتي بخوانج

توني دحجي شو حسيت الصوره بعيوني غوشت وملت علئ صفحه راسا لزمني علاء

: علياء شبيج علياء اسمعيني هم دختي
: ها لا مابيه شي هيج استعدلت باوعتله
:علاء 
:ها گولي
: جوعانه
: شنو
: حسيت روحي ميته جوع اذكرت اني كلشي مماكله من الصبح لسه ع المغذي
 
: دمشي امشي انزلج جوه ولج زهراء

جتي زهراء

: عززه شبيج توج مابيج شي نزلت جوه وبوجهي للمطبخ حطتلي اكل زهراء وگعدت تاكل وياي ع الواهس انوب

جا سجاد يدور اكل وكل اشوي يجي. احد اخر شي حطينا الجداري مال الاكل. وگمنه ناكل منا سالوفه منا موضوع منا شقه وصارت لمه حلوه بعدين كلمن راح لبيته وستقر بفراشه

: فهد جنت توني دطلع من الگراج گلت افتر شوي ضايج خابرني علي الاكبر گال ملتمين تعال صفيت السياره وتوجهت

لبيت عمي لگيت ولد العم كلهم مجتمعين سلمت وگعدت باوعت كل مجموعه تسولف سوه هذا الي يسولف وذاك يشاقه

ولاخ يگلب بتلفونه واكبر  ورضا مخبوصين بالشاشه ديشغلوها وهذا يگله هيج وذاكه يگله لا مو هيج هيج

: شبيكم خبصتو الدنيا
شدسوون صارلكم ساعه 
: ولك مو اليوم لعبت العراق واليابان والشاشه منعرف نربطها

: علياء عليوووه
: شتريد منها
: دسويها بلكي تعرف
: وانت ليش متعرف
: معود اني شايف تلفزيون اعرفله شو
گاضيها بالدوام ولج عليووووه تغلس الادبسز تغلس علياااااء

جنت گاعده يم بيبي وسمعت اكبر يصيح عليوووه

اهوووك بيبي هسه متگوليلي منين طلعتيلي هلقب وكلها جلبت بي
: يلوگلج
: اوف اووف هذا هم حضي گمت واني.

ادردم عليهم من وره هلكلمه الكرهتني بروحي. فتحت الباب ومديت راسي
: ها صحتولي.
: همزين توج مو صارلي
ساعه اصيح ليش مجاوبين
:  انت ماصحت عليه
: لعد عليمن صارلي ساعه اقوع
: والله ماصحت علياء صحت اعليوه وحنه ماعدنه بنيه بهلأسم
: انجبي وتعاي سوي الشاشه مدتشتغل

توجهت لشاشه.  صاح علي
ابن عمي حارث
: يعني من كل عقلكم هاي الزقجه تسويها. ابسرعه شلت الكيبل وشمرته علي بغضب صارت عيني بعين فهد خزرني

التفتت وتوجهت لشاشه والله جبتها هيج وديتها هيج وشتغلت طرت من الفرح باوعت لعلي واني علامه النصر بوجهي

: والله بيج كل البله.
: مشيت للباب وناطيته ضهري وگلت
: انه مو ياهي التجي علاوي

طلعت وسديت الباب ورايه

: فهد ابتسمت علئ لسانها گلت بگلبي والله انتي علئ هذا اللسان ميضيع حگج بس ضوجتني بميانتها الزايده. خزرتها

وراسا انطتني ضهرها سوتها وراحت صفنت وودتني ذاكرتي لقبل تلاث سنوات لليوم الي ماراح انساه. جان عرس اخويه

رائد والبيت مخبوص جانن النسوان عدهن حفله السبعه رجعت اني من الدوام هلكان من التعب صعدت لغرفتي سبحت

وطلعت بالفانيله والشورت ردت انام ذبيت روحي ع السرير مسترخي ومغمض اعيوني والغرفه جانت ضلمه وضوه

خفيف حيل حسيت احد طب للغرفه ع السريع وسد الباب وانفاسه سريعه گمت علئ كيفي وصلت للضوه الي جان يم

الباب طگيت الضوه واشوفلك علياء بنت عمي حسين واگفه وره الباب وجانت قريبه عليه فتحت عيونها بصدمه وشهگه

وكانها متفاجئه من شوفتي اتسللت اعيوني الها والمنضرها وهاي اول مره ارفع نضري واباوعلها جانت لابسه احمر

ضيق وقصير والزنود بيض ثلج  والشعر اسود ليل منثور علئ جميع انحاء
الجسم والعيون زرگ بلون السمه والي

ضيعتني بكبرها والشفه ترجف بخوف تماديت وماكتفيت بالنضر ولا جنت اشوف او افكر بشي غيرها نسيت اني منو وشنو

وهيه منو وليش هنا وشگاعد اسوي تقربت شميت نحرها واني اتلمس شعرها علئ طول خصلاته حسيتها ذابت بيدي

دگات گلبها السريعه فضحتها دفعتني بقوه بس مو اني الي تحركت هيه الي رجعت ليوره لان جنت احسها نمله يمي

: ءءاا انت شدسوي
: وعيت علئ نفسي اطيتها ضهري ومسحت وجهي ممستوعب الصار
: انتي الي شدسوين بغرفتي اني
غرفتي محد يدخلها غيري

: أأأ اني م م ماجنت ادري بيك انت هنا.
:باوعتلها مستغرب يعني اني من ماموجود ادخلين غرفتي. : لالاالا م مو هيج قصدي فهد و و الله مادري بس ا اني جنت بغرفه سجئ اتحضر وكملت دنزل الدرج وشفت مجتبئ

ديصد الدرج واني ما لابسه شي مستور ولا حجاب ف حتئ ميشوفني طبيت بالغرفه ع السريع حتئ نسيت هاي غرفتك
والله مجان قصدي غير شي والله.

: حبيت اطمنها لان شفت الخوف امبين بعيونها وحتئ كلامها بخوف ورجيف

وتحاول تستر نفسها وتلم بشعرها اضم زنودها وهيه متدري شگاعده اسوي بيه بهلحركات
: هاهيه مصدگج لتحلفين
: شنو الفايده
: شنووو
: يعني علمود ميشوفني اخوك مفرعه وبلا حجاب شفتني انت.
: نترت بيها بدون مانتبه
: اني مو مثل اخويه علياااء
: شنووو مفهمت
: سمعت صوت سجئ اتصيحها وكانها رادتها من الله اصيحها راسا طلعت

وسدت الباب ضليت گاعد ع السرير وافكر بيها معقوله هاي بت عمي واني غافل عنها شنو من جمال انوثه رقه نزاكه

جانت گبال عيوني دائما بس اشلون ماشايفها زين شمعنه عيونها تختلف عن عيونه معقوله عدسه احنه ملتنه كلها

عيونها بني شمعنه هيه اوووو فهد شيل هالافكار من راسك هاي عرضك وشرفك لو نسيت علي الاكبر اخوك وامأمنك علئ

عرضه بس اني اشلون اتماديت وتقربتلها استغفرالله لفيت راسي ونمت علئ بطني جفي شويه وگمزت هاي شلون تنزل بهذا

اللبس مفرعه اذا شافوها خواني ضليت افتر بالغرفه وافرك بوجهي لبست دشداشه وطلعت صحت لسجئ من فوگ گتلها

اصيحلي علياء هيه استغربت شتريد منها خزرتها وگتلها ع السريع  نزلت صاحتها وره عشر دقايق صعدت هيه وسجئ

وجانت ذابه عبا علئ جسمها ولابسه شال حجيت وجان الخوف مبين بعيونها وتريدني بس انطق سجئ نزلي

: أأ لالا عووفها ي يمي
: سجئ نزلي جوه عندي حجي ويه بت عمي نزلت سجئ بدون كلام
  : جريتها من معصمها وطببتها

لغرفتي وسديت الباب وهيه مصدومه من تصرفي وتريدني بس احجي اخذني نضري علئ جسمها من فوگ ليجوه هيه

خافت ورجعت ليوره وطخت بالكنتور وترجف صككت سنوني وتماسكت اعصابي

: شهل منضر هذا

: أأ اشبيك يامنضر

: شنو هللبس مقتنعه بنفسج وتفرفرين بالبيت براحه متگولين البيت بي زلم.
: فهد والله ماجنت ادري
بيك بالغرفه وگتلك قبل شويه وجوه ماكو زلم بس نسوان بالاستقبال وانت الوحيد الي شفتني ماشافني احد غيرك والحسين
: استغفرالله ياربي مسحت وجهي بصبر نترت بيها وحگ علي اذا نزلتي بهذا اللبس احسب الله ماخلقج بدلي هل...استغفرالله

علياء من الاخير اذا شفتج نزلتي بهذا البس اشگگه عليج مشيت گعدت ع الجربايه بغضب مشت هيه وصلت للباب

والتفتت حجت بفهاوه كفرتني
: بس فهد شتريد البس اني ما جايبه ملابس ويايه
: باوعتلها راسا دنگت. عليااء غرفه سجئ

يمج لبسي منها شي مستور طلعت وسدت الباب. انتبهت طول ما اني احاجيها هيه مارفعت عينها وخلتها بعيني

حتئ من جانت تحجي ويايه وهي مدنگه لمت نفسي ليش حاجيتها بعصبيه جنت اگدر احاجيها بهدوء وتتفهمني ماعرف

ليش هيج سويت بس الاعرفه هي عرضي وماقبل احد يباوع العرضي فززوني من صفنتي بعيطه

گوووووووول : وسم وزقنبوت ياقنادر اذاني راحت : ولك گوووول النه واحد صفر باوعت الدقيقه 31 صار نص ساعه

من باديه اللعبه  واني بالي مو يمها انتهت اللعبه بفوز العراق 2 صفر واني كلشي ما مفتهم منها كلها تهوس وصيح .وشجع.

باوعت الغرفه صايره عباره عن گشور حب يكرزون ويشمرون رزلتهم رزاله معدله وكلمن طلعته جدامي البيته اني

اكبر الاحفاد بالولد والبنات وكلها تحترمني وتقدرني وتحسبلي حساب واي مشكله اصير يحاولون يطمطموها بسرعه

حتئ متوصلي لان يدرون بيه مخبل وماتفاعم طبعي حاد ويه الكل وعصابي الزايده متعبتني احاول امسك اعصابي

لكن مو بيدي ماجنت هيج بس من دخلت العسكريه وشفت التدريب شگد قاسي والدورات كل دوره اطول تلاث اشهر اربعه

ورديت بعد ماترقيت من الملازم للضابط وشفت انوووواع المجرمين وكل واحد سوايته توگف شعر الراس خصوصا

بالبدايه استصعبتها هوايه بس بعدين اتعودت صار شي عادي لان هاي طبيعه شغلي العسكريه يرادلها گلب قاسي وميت

  حتئ اهلي مارحمهم بقساوتي احاول امسك اعصابي بس مو بيدي وهذا سبب تاخيري للزواج واني هسه تعديت ال 30

اريد ازوج واستقر. مثلي مثل اي شخص يدور الاستقرار بس ماريد اورط بنات الناس ويايه وين اكو وحده تتحمل

عصبيتي وخبالي واني ايدي والكفخه ايدي والضربه ماريد اورط احد وياي خليني مأذي نفسي وما أذي غيري كلامي

مو معناه اني مارحم احد او ماعطف ع احد او گلبي مو طيب بالعكس احب الكل واحاول بس الگيلهم راحتهم واذا واحد

گال اخ گبله اتوجع احاول بقدر ما أگدر ان اضهرلهم الجانب الزين مني بس الواحد شيضمه وصلت بيه الدرجه كرهت روحي

بسبب شخصيتي القاسيه هذا مو اكبر وياي صح عصبي وشرس بس مو مثلي شمدريني شبي حضي السنه الفاتت جنت

اراجع عند دكتور نفسي واحاول اشرحله البيه ويساعدني اهدئ يومين تلاثه وارجع مثل مجنت  الناس حاسدتني علئ بيتي

  ووضيفتي وسيارتي وشخصيتي ومتدري شبيه الها الضاهر اني بيتي بعده ما كامل دشتغل بي مامتوقف بس علئ

راحتي براس الفرع جاي ابدع أبنائه من اطب افتر بي افكر المن هلتعب ومنيه الي راح تگدر تگعد بي صح هو البيت سويته

جنه بس ابو البيت مينحمل. اني علياء ماحبها بس معجب بيها لمن صار هذاك الموقف بيناتنه ضليت فتره افكر بيها

وماطلعت من راسي بعدين گلت عوفها للزمن اذا الله راد وفرجت عليه ورجعت الطبيعتي وتعدلت اموري بت عمي واني

اولئ بيها من الغريب وما توقع ابد يرفضوني واخذها بس اجي هسه افتح الموضوع وافشل روحي ويه عمامي وولد

عمي خليها للزمن بس كل ما اشوفها گلبي يرف الها واحسها شي ملك الي بس بنفس الوقت ممنوع عني ذاب اكثر وقتي

بالدوام كافي الناس خيري وشري دوامي مو التزام براحتي شوكت ماروح اروح شوكت مارجع ارجع ابقئ رجال والي احتياجاتي اقضيها بعيد عن منطقتي

وشغلي وعائلتي وسمعتي اكثر مكان احب اروحله واكثر روحاتي اله هو كربلاء كل ماشوف نفسي ضايج لو تعبان مهموم

اروح ازور اذب احمولي ارتاح وارجع سياره جوه ايدي مشوار اروح وارجع اكثر شخص مقرب الي ويعرفني ويعرف كل

تفصيله بيه واكثر وقتي وياه علي الاكبر هواي عندي اصدقاء ومعارف بس الاقربون اولئ ربينه سوه من احنه زغار

وكبرنه سوه وماشيه حياتي هيج الحمدلله

زهراء جهاد

قرائه ممتعه