رواية المغتصب حقها الفصل الثاني 2 - بقلم زهراء جهاد 🤞

#المغتصب- حقها
....البارت الثالث
زهراء- جهاد

علياء : مشت الايام والاشهر وجا شهر رمضان بين الاصيام والعباده اباوع علئ خواتي وبنات عمي كلهن ذبلن وضعفن من

الصيام شو اني عكسهن وجهي تفح وجسمي شويه صارت بي لحمه اني جسمي يخبل لا اني طويله ولا گصيره

ولا سمينه ولا ضعيفه يعني الاماكن الي لازم تمتلي ممتليه والرشاقه موجوده كلها تگلي جسمج حلو بس اني ابد مامقتنعه

بي واحس روحي سمينه. شعري حيل طويل واسود وسرح اموت علي ابد ماگاصته معتزه بي بشرتي بيضه ع حمار

رموشي كثاف عيوني زرگ اني الوحيده الي عيوني تختلف من ملتنه كلها. طالعه علئ مرت ابويه يعني هيه مرت ابويه

ماعندي صله بيها بس سبحان الله اخذت منها هاي الصفه باقي ملامحي طبيعيه اني مهتمه بنفسي حيل مثلي مثل اي بنيه

روحي تحب هلاشياء الكشخه والزينه جنه تونه مكملين فطور عاده وره الفطور كلها تطلع خواني وابويه بيومها جانوا

جدي وبيبي معزومين ع الفطور ابيت عمتي هناء  گالت امي دتروح لبيت خالتي امل وخواتي كيفن وراحن يتحضرن اني
مالي واهس اروح

: يمه اني ماروح
: قابل تبقين وحدج
: شنو وحدي بيت عمامي محاوطيني من كل الجهات
: دگومي روحي يم بيت عمج ضياء لبين منجي
: لا راح اروح يم زهراء لبين متجون تحضرت ذبوني بطريقهم وراحو مالگيت احد بس زهراء وعمتي الولد نص بالدوام

ونص طالعين والبنات كلهن مزوجات بس زهراء بعدها رحت لگيتها گاعده بالحديقه تلعب بالمبايل حديقتهم حيل جبيره

اتعاجزت اروح صحت عليها گالت فوتي جوه هسه اجي طبيت لگيت عمتي تباوع تلفزون سلمت عليها وگعدت اباوع وياها

كل شوي ادردم علئ هاي القندره ولا اتكول جايه عليه گالت عمتي گومي شوفيها رحت حاجيتها من الطرمه گالت

والله شويه واجي ضجت منها وطبيت وره شويه جتي وگمزت فوگايه وحركاتها الولاديه المتخلص حقها عايشه بنص فيلق
شباب شتصير
  : ولي من يمي هاي لو انتي جايه يمي اعوفج گاعده وحدج
: اني اسفه حبيبتي وهاي بوسه
من هلخد الحلو.
: قشمريني بهاي حركاتج
: ولج عوبه لو تدرين
ويامن جنت احجي
: انتي جنتي گاعده وحدج ويامن حجيتي يعني.
: لج لا بالتلفون.

: شنووو عزه العزاج ويامن.حجيتي ومن شوكت تحجين واني مادري

:  من اشتريت تلفون توسلت بعلاء يسويلي فيس بوك وگتله بس اصفح بي وهو بالگوه وافق وسوالياه واني ضفت ولد عمي واحجي وياهم حجي عادي سوالف وشقه

: زهراء ليش اني مادري بهلموضوع
من شوكت اضمين عليه وبعدين منو هذا الحاجيه وياه.

:هو انتي هيج وعصبتي لعد لو اگلج منوه.

: لزمتها من ايدها حيل فهد مو

: اي هو

: عزززه وشگتيله ياويلج زهراء لو لاعبه بذيلج

: بصراحه

: عطت بيها احجييييي

: گتله

: شگلتيله

: انتي تحبي

: شنووو گمزت تحجين صدگ لو تشاقين

: اي والله صدك

اتخبلت ضليت افرك بوجهي ممستوعبه الي سوته اتقربت عليها زهراء يشهد العباس اذا صدگ گايلتله يحرم الكلام بيني وبينج للموت 

: ليش ياعوبه فوگ مسهلتلج الوضع

: ولج انت مخبله دفعتها من كتفها حيل تدرين اسويتي تدرين حجم المشكله الوگعتيني بيها

. : علياء تره بالغتي

: لج شبالغت استغفرالله رحت لبست عباتي باوعتلها وحجيت انسي عندج اخت اسمها علياء گلتلج گبل اذا گلتيله تخسريني وماهمج خسارتي وضربتي كلامي بعرض الحايط طلعت وسديت الباب همزين عمتي جانت بالحمام رحت لبيت عمي ضياء انتضرت اهلي واني نار شابه بيه ليش گالتله ليش ماحترمت كلامي وماقدرتني ياربي هسه شلون وره ربع ساعه جو اهلي ورحت واني ميته خوف ادري بفهد واكبر ميضمون شي علئ بعض وهمه سوه اكيد گاله اكيد اكبر عرف جا اكبر واني استرق النضر والله مبين ميدري شي لو يدري شيضمه جان گلب عاليها واطيها ارتاحيت اشويه رحت توضيت وقريت قرأن اسحرنه وصلينه وكلمن راح لفراشه  واني افكر بالصار وره اربع ايام. زهراء ماشفتها ولا اريد اشوفها الخبيثه ابد مو محط أمان وحتئ فهد لا شفته ولا شافني طب اكبر ضايج وروحه بخشمه اهنا اني متتت بدمي گلت هاهيه اكيد عرف طبيت للهول گعدت وجانو كلهم مجتمعين واني احوص اريد بس اعرف شبي ضايج عرف لا

: اگول علاوي وين جنت

جاوب بضوجه

: يم رشئ

: لعد ليش ضايج

اتقرب عليه وهمس اني متت خوف اشكال شعور اجاني توقعت راح يسحلني من شعري بس صار العكس

: لج علياء مادتحملها هل بنت الكلب بس تتامر وتتطلب وتتمنن عليه نوبات اگول تدلل بس ماصارت هيج وعلي توصلني لمراحل اكول خل ننفصل واخلص ماطول ما گاطعين مهر محكمه بس اتراجع واكول لخاطر امي ماريد اكسر خاطرها بنت اخوها وهيه اختارتها هسه توني رحت اشوفها شعلتني بنار خليت وگمت

: اذا متريدها ومتحبها ليش ضال وياها انهي كلشي قبل متبدي احسن متتندم بعدين

: مو ماحبها ماحب تصرفاتها شخصيتها برودها تصدگين من گطعنه مهر لسه مافديوم دگت عليه واني بالنهار شغل ودوام اكوم  اتصل بالليل اكول بلكي اسمع منها كلمه حلوه تنسيني تعبي ماكو اني احجي وياها كلمتين تكولي علي تعبانه وتسده وتنام  نوبات اكول خاف  جابريها مغصوبه تخجل تستحي مدري هيه هيج انطوائيه بس ماكو هيج برود حاير شسوي حتئ جاي أءخر عقد المحكمه اكول بلكي تتغير لان اذا بقت  هيج مستحيل استمر وياها  

: والله علاوي مادري شگلك بس القرار الاول والاخير يرجع الك اذا اتحس نفسك مامرتاح وياها ومتعجبك ومو علئ مزاجك انفصلو من البدايه ولا تتندمون بعدين. اذا تريد اني احاجيها وافهم شبيها وليش هيج تصرف وياك

: ماشي حاجيها بس مو هيج گبل لا جرجريها بالكلام بوگي اللسانها احتمال لان انتي بنيه تفتحلج گلبها وتحجيلج
باجر اوديج العصر لبيتهم

: ماشي سهله نشالله شوكت اداوم

: بعد مو هسه ماخلصت اجازتي

: زين لعد اني اكوم كمت طبيت للغرفه واني حايره بكلامه مو لان اخويه بس صدك علي ميستاهل احد يعامله بهلطريقه هم شايفه روحه هاي

فهد ....
اتخبلت من شفت الشفته وسمعت السمعته  علياء يطلع منها هيج معقوله جنت مغشوش ابرائتها واخلاقها ونزاكتها مادصدك احس واحد ورش سطل مي بارد بوجهي ضليت ادخن وعيوني صارت بگصتي من العصبيه بعدين حاولت اهدئ علمود افتهم زين يلا اتصرف ماريد اسوي شي بساعه تهور
كتلها اريد اثبات ثبتيلي كلامج صح شمدريني مادتهميها

: اتوقعتك راح تگول هيج لتخاف فكرت بهاي وجبتلك الاثبات اني ماعندي شي وياها دتهمها بس صدگني كتلك لان هواي نصحتها وماسمعت كلامي شوف فهد اني ماريد سمعتنه وراسنه ينزل بسببها.

: شنو اثباتج

: انتضرني

وره شويه دزت محادثات دخلت قريتهن واني شعر راسي وگف من الكلام معقوووله شلون هيج شلون كدرت اسوي هيج اني وين جنت عنها وين خوانها ابوها امها وينهم عنها شلون ينطوها مجال اشلون يهملوها خابرتها ع السريع كتلها

: ولج عليااء ماعدها تلفون خوانها مانعيها منه مين جني ذني مين

: عدها مبايل سري خافيته بس اني ادري بي واني من شفت مامنها فايده اخذت التلفون ونسختن لجهازي علمود اشوفهن الك لان ادري اذا كتلك ماراح اصدك

: الموبايل وين هسه

: عدها فهد هيه متدري اني حجيت مأمنه اني حافضه سرها بس اني ماكدر اسكت اكثر هذا شي يمسنه كلنا ويودينا الداهيه

: سديت التلفون منها حطيت ايدي علئ راسي اريد استوعب الصار گمت اصيح واكسر شكو شي يجي جدامي لججج ليششش ليششش هيج سويتي ليشش شلون تفرطين بشرفنه وسمعتنه شلون تفرطين بسترج بخلاقج شلووون اشوفج ملاك وحق علي اشوفج ملاك ولج اشوفج اطهر مخلوق ع الارض اخاف عليج من الهوئ ونتي هيج اسوين من ورانه دخلو علي اجم ولد

: سيدي اهدئ خير صاير شي

جريت السويج وطلعت بدون ما جاوبهم
ركبت السياره واني فاير دمي من الشي العرفته.
قبل يومين راسلتني زهراء عادي دائما تراسلني اتسلم وتروح دزت مسج

: هلو فهد شلونك

بخير زهوره انتو شلونكم

: الحمدالله بس اني مو زهوره  اني علياء

: اهلا وسهلا شلونج  

: بخير اذا انت بخير

الحمدلله علئ كل حال سكتت واني ممستوعب الديصير معقوله علياء دتحاجيني هيه حتئ من اشوفني تستحي اسلم عليه ونوبات تغلس وسوي روحهه منتبهت لوجودي انوب جاي تراسلني وتگلي بخير اذا انت بخير گلت خل اسايرها بالحجي  وفتهم

: ممم شو سكتت

: لان ماكو شي نحجي بي شعجب تحاجيني من تلفون انتي سلام ممسلمه عليه

: مو استحي

: وهنا وين راحت مستحاتج

: هاي شبيك فهد ليش اضوجني مو دنحجي

: يله احجي اسمعج

: فهد ارد اگلك شي بس استحي وخجلانه وماعرف مين ابدي

: لا عادي گولي

: اممم اني احبك بس انت متحس بيه

: شنووووو

: اي شبيك والله احبك واموت عليك بس انت ولا مهتملي ولا تباوعلي واني بعد ماتحمل وجيت اعترفلك

ضليت مصدوم من كلامها معقوله علياء جاي تحجي هلحجي برائتها وخجلها وين راحت جان عندي شك مو هيه

: علياء انتي واعيه للي دتحجي لو لا

: اي والله واعيه وبكامل قواي العقليه اني احبك فهد

: اهلج يدرون بيج دتحاجيني بهذا الكلام

: مدام گتلك بعد ميهموني اهلي اهم شي اعترفتلك

: روحي ويصير خير

: يعني شنو ماراح تجي تخطبني

: علياء صدك تحجين لو تشاقين ماتوقعتج بهل جرائة سدي التلفون لو اجي اكسره ثگلي حلات البنيه بثگلها

: ليش هيج تحاجيني غير اني احبك وجيت اعترفلك

روحي بنت العم روحي وراح اعتبر نفسي ماسمعت ولا قريت ولا حاجيت وحق علي اذا عدتيها متلومين اله نفسج

سديت التلفون واني متفاجئ بتصرفها وكلامها لا علياء ماتوقعت يطلع منج هيج تصرف دومج جبيره بعيني واخلاقج سابقتج شلون هيج اسووين حتئ لو تحبيني صدك جان فكرتي گبل متخطين هلخطوه كرهتها لان طلعت مو مثل ما مفكرها نزلت من عيني بتصرفها هذا وره يومين راسلتني زهراء توقعتها علياء بس حجت زهراء
وگالت لا فهد لا لهنا وبس

: شكو شصاير

: بعد ماكدر اسكت معزتك جبيره عندي وماريدك تنخدع مثلهم طول هلوكت ساكته بس مال انت هم تشملك مثلهم وتخدعك والله اوكف بوجهها سيف ودرگه

: غير تحجين شكو شهلحجي شبيج

: فهد علياء ابتعد عنها. شگد متگدر وحاول توكفها

: غير تحجين شكو شبيها علياء

: فهد اني مادري قبل يومين اجت يمي وجانت تلعب بمبايلي واني بالحمام ومامنه بيها صديقتي وهسه فتحت الجهاز ولگيت محادثه هيه حاجيه وياك

: اي صح حجت وياي بس اشبيج انتي شنو اتخدعك شنو مثلهم

: فهد بعد ماكدر اسكت علياء راح اطبگك ع السره حالك من حالهم

: منمه همه احجي بوضوح لو اجي اگلب البيت عليج وعلئ بت عمج

: شوف فهد علياء مو مثل ممفكريها علياء وحده غداره وخاينه وخادعتكم كلكم وماخلت واحد ماطبقته وسوت وياه علاقه واعتقد لاحك الدور وصلتك وهسه اجتك من مبايلي حتئ تبليني واني ماقبل بعد علئ سوالفها طول هلوقت ساكته

اتخبلت ضليت افتر بالسياره واني مامصدك شلون عرضي هيج يسوي
شلون تهتك حرمتنه. ضليت اتلاث
ايام اني مانازل واريد بس استوعب
الي صار اخذت سويجي ونزلت رحت للبيت سبحت وتمددت حاولت اغفه
ماگدرت افكر شلون احل هلمصيبه  جريت التلفون دگيت علئ اكبر

: ها علاوي شلونك
: هلا بالعضيد بخير ناقصتني شوفتك
: نزلت انشالله امرلكم شكو ماكو
: والله ماكو شي ابيت خالي اني وعلياء
: خير اكو شي
: لا ماكو بس هيج خطار
: ها اخذ راحتك لعد
: لا عادي خويه خمو بلازم
: لا والله بس هيج دسأل عليك مختفي
: بهلدنيه
: يلا خويه عود اشوفك
: انشالله ثيمالله
: ثيمالله

ضليت افكر اشلون احاجيها لازم اشوفها بس ماريد احد يدري بالموضوع نزلت السجئ صحلها فوگ

: سجئ الگيلج طريقه
تجيبين بيها علياء للبيت

: علياء بت عمي حسين

: اي هيه

: ليش فهد شتريد منها صاير شي

: سجئ بعدين من يصير الوقت المناسب اگلج بس هسه لازم اجيبيها باي طريقه  للبيت عندي حجي وياها

: ماشي سهله اجيبها بس
اوعدني اتگلي شنو السالفه

: اگلج والله اكلج بس حليها

: ماشي شوكت تريدها تجي

: بالليل.

: زين وديني البيتهم وبالليل اجيبها واجي

: يله گومي

فهد ...
اخذت سجئ ووديتها لبيت جدي بدون ماطب ماريد اطب. اخاف اشوفها وماضمن نفسي اعوفها تعشينه
وره الفطور  جني سجئ وعلياء
وصلهم ابن عمي ضيأء وراح
الحض وگفلي جان ماكو احد
بالبيت رائد وعائلته ابيت
اهل زوجته معزومين ع الفطور
ابويه راح للمسجد عنده تعزيه
وامي رايحه لبيت اهلها طبن
جوه علياء تبعد نضرها عني
وتحاول تبتعد عني واني من بدي
املخها واطلع حرگه گلبي بيها  
: سجئ فوتي جوه وانتي لحگيني طبت سجئ بكل هدوء وهيه تفاجأت وصاحت عليها اتقربت منها ولزمتها من زندها حلگج سدي ولحگيني لا وحق ابو الحسن علي ادفنج هنا ومحي اثرج مشيت الوره البيت وهيه مشت ورايه جان عدنه بستان وره بيتنه ومكان للگعده وگفت وهيه هم وگفت انفاسها سريعه اسمعها مسحت وجهي بصبر واني احاول اتماسك وما ارتكب جريمه بهل ليل التفتت الها جانت تباوعلي وترجف من شافتني نداريت دنگت وصلت يمها صرت قريب الها باوعت عليها تأملت ملامحها لسه بيها نفس البرائه شلوون گادره اضهريها بعد كل العمايل السويتيها حجت وعيونها بالگاع

: خير فهد ليش جبتني هنا شتريد مني

: رفعي عينج

مارفعتها وبقت
مدنگه وترجف نترت بيها

: حطي عينج بعيني بعد ماكو داعي للتصنع والخداع

رفعت عينها والتقت بعيوني باوعتلي بتعجب ورفعت تك حاجب

: انت شگاعد تحجي ياخداع ياتصنع

: اشششش صوتج ماسمعه والج عين بعد كل الصار تسمعيني صوتج

: ليش شنو  الصار 

: متدرين شنو صار مو تغشمين روحج ولج شلون گدرتي اسوين هيج اشلون مافكرتي باهلج بعمامج.

: مامسويه شي غلط اني ومالك حق تحاجيني بهلطريقه. واذا زهراء حاجيه شي فهذا الشي الگالته الك ماله صحه

ماله صحه مو وهذا الاثبات طلعت المحادثات وشمرت التلفون عليها اخذته وباوعت علي ولا تاثرت عبالك دتتفرج علئ شي مقطع صوره عاديه باوعتلي ورفعت تك حاجب

: شنو هذني

نرفزتني بتصرفها لزمتهها من حنجها بقوه وگعت ع الارض وگعدتلها ركبه ونص واني بعدني لازمها من حنجها بقوه
:شلون گدرتي اسوين كل هذا شلون گدرتي تخدعيني بهلعيون انتي الي من جنت احجي باخلاقج يگولولي تبالغ ولج اشلون  اجرئتي  شلوووون.

: ااااخ فهد هدني شبيك شدتحجي انت شبيه شمسويه

: كلشي مممسويه  ديتهمون عليج وجاي  اتهم عليج ماعندي شغل وعمل گلت خل اتهم علئ بت عمي واسوي مشاكل ولججج وهاي المحادثات بت الكلب اعترفي اعترفي بذنبج كولي اني سويت هيج لتنزلين من عيني اكثر ونتي تتهربين من الكلام فقدت گمت اصيح فلتتت من ايدي وگامت الحيلها
: مو اني الي تسوي هيج ولا افكر اسوي اني اذا اطلع باب الحوش احط ابويه وخواني ولد عمي گدام عيني وامشي مو اني التهتك سترها وشرفها مو اني مو اني فهمت عافتني ومشت لزمتها من عكسها وجريتها طخت بيه حاجيتها بهدوء

: اعترفي بغلطج لا بعلي
اغسل عارج هنا 

: مامسويه شي حتئ اعترف بي اسمع مني مثل مسمعت عني وخليني ادافع علئ نفسي.

: شدافعين وشتگولين وكل ضنج اصدگج واباوع بوجهج بعد المبايل وين

يا مبايل دوخر صدگ متستحي .....

قاطعتها براشدي وگعت للگاع
وصرخت بالم دنگت عليها وجريتها من شعرها من وره الشال طلعت اني الماستحي موو المبايل وين گامت تبجي وتصرخ وحاطه ايدهه ع خدها وشفتها تجري دم االله لا يوفقك لا انت ولا الي دتحجي عنهم ماعندي مبايل ولا رقم وهل محادثات مو الي وكل الكلام الگلته ماعندي علم بي ولا اعرفه زينننن  وهذا الراشدي ماسامحك علي طول عمري گامت وراحت ركض جوه وشهگاتها تعله. وگفت واني ارجع بشعري ليوره وحاير شسوي لحگتها وطبيت جوه عليااااااء

زهراء جهاد

للحكايه بقيه.

⭐