تحميل رواية المجنونه والحلانجي بقلم سلوي عوض pdf
بقلم سلوي عوض
جارٍ تجهيز التحميل... برجاء الانتظار
سيظهر زر التحميل خلال 10 ثانية
جارٍ توليد الملف...
التحويل يتم بالكامل داخل متصفحك — لا يُرفع أي شيء للسيرفر.
اختر مجموعة الفصول للتحميل (كل ملف حتى 10 فصول)
عن الرواية
في أحد الأحياء الشعبية بمصر الحبيبة، ورغم الفقر الذي يحيط بالمكان، كان أهل الحارة مترابطين، يحبون بعضهم البعض، ويقفون بجانب بعض وقت الشدة قبل الفرح. وفي شقة بطلتنا سمسة… كانت الساعة تشير إلى العاشرة صباحًا، حين استيقظت سمسة أخيرًا من نومها، وهي تتمطى بكسل قبل أن تتجه للمطبخ لتعد كوبًا من الشاي. وبينما ترتشف أول رشفة، بدأت تتمتم بضيق: — أعمل شندوتش جبنة وأفطر وأنزل أفتح المحل… مع إن الحارة دي معفنة ونسوانها مقملين، ومحدش مقدر موهبتي! ده أنا المفروض أشتغل في فندق خمس نجوم وأظبط شعر الفنانين! ثم تو...
رواية المجنونه والحلانجي الفصل الأول 1 - بقلم سلوي عوض
في أحد الأحياء الشعبية بمصر الحبيبة، ورغم الفقر الذي يحيط بالمكان، كان أهل الحارة مترابطين، يحبون بعضهم البعض، ويقفون بجانب بعض وقت الشدة قبل الفرح.
وفي شقة بطلتنا سمسة…
كانت الساعة تشير إلى العاشرة صباحًا، حين استيقظت سمسة أخيرًا من نومها، وهي تتمطى بكسل قبل أن تتجه للمطبخ لتعد كوبًا من الشاي.
وبينما ترتشف أول رشفة، بدأت تتمتم بضيق:
— أعمل شندوتش جبنة وأفطر وأنزل أفتح المحل…
مع إن الحارة دي معفنة ونسوانها مقملين، ومحدش مقدر موهبتي!
ده أنا المفروض أشتغل في فندق خمس نجوم وأظبط شعر الفنانين!
ثم توقفت فجأة وصفقت بيدها:
— يا نهار أبيض! كنت هنسى الجاز… عشان أحطه على شعورهم بدل ما المحل يتملي حشرات!
ضحكت لنفسها، ثم أمسكت هاتفها قائلة:
— بس الأول أتصل على سلوكتي وأرخم عليه شوية.
اتصلت على سالم… لكنه لم يرد.
— يخربيتك! لسه نايم؟
أعادت الاتصال مرة أخرى، حتى استيقظ سالم أخيرًا ورد بصوت ناعس:
— أوف… عايزة إيه يا صداع حياتي؟
سمسة بحدة: — ما تصحى يا عم! إيه؟ معندكش شغل؟
سالم: — لسه بعد الضهر.
سمسة: — طب تعالى ساعدني أفتح المحل.
سالم بتنهيدة: — هتجيبلي سجاير؟ عشان معاييش فلوس.
سمسة ساخرة: — وإيه الجديد؟ ما إنت طول عمرك مفلس!
حظ إيه ده بس… أنجز وانزل، جاتك القرف إنت وأمك.
سالم بضيق: — بطلي طول لسانك بدل ما أقصهولك!
سمسة: — لأ، وإنت بطل يا واد!
سالم وهو يغلق الهاتف: — طب غوري… هغسل وشي وأنزلك يا بت المزعجة.
أغلقت سمسة الهاتف وهي تبتسم بانتصار، ثم نزلت سريعًا إلى فرشة الخضار الخاصة بوالدتها.
— صباح الخير يا أما.
ابتسمت والدتها، السيدة نحمدة، بحنان وقالت:
— صباح النور يا قلب أمك… فطرتي؟
سمسة: — آه الحمد لله.
نحمدة:
استني يا بت، خوديلك خيارتين رطّبي على قلبك في الحر ده.
سمسة:
هروح بس أفتح المحل الأول وأكنس وأرش، عشان الرزق يخش.
وفي أثناء حديثهما، ظهر سالم وهو يتمطى بنعاس واضح.
سالم:
صباح الخير يا خالتي.
نحمدة:
يسعد صباحك يا سالم.
ثم نظرت لابنتها بضيق.
سالم:
هاتي المفاتيح يا آخرة صبري.
سمسة:
خد يا أخويا.
نحمدة:
مالكوا يا ولاد؟
سالم:
الست إزعاج بنتك صحّياني من عز النوم عشان أفتحلها المحل، عجزت هي!
سمسة:
بعد الشر إن شاء الله، أمك الضلالية هي اللي تعجز.
نحمدة:
عيب يا بنتي!
لكن سالم لم يتمالك نفسه، فقام بضربها بقدمه بخفة.
سمسة:
آه يا ابن اللذينة!
سالم:
وحياة أمي لأربيكي يا سمسة.
اتجه الاثنان إلى محل الكوافير، لتجد سمسة فتاة من الحارة تنتظرها أمام المحل.
سمسة:
إيه يا عفاف؟ إنتِ بايتة في الحارة ولا إيه؟
عفاف:
لا، أصل النهارده قراية فاتحتي، وأمي قالتلي أنزلك بدري عشان توضبيني.
أصل العريس راجل خليجي، وهنتجوز وأسافر معاه، وكمان هيشتريلي شقة على النيل وعربية أحدث موديل.
نظرت سمسة إلى سالم بخبث.
سمسة:
سامع يا ابن باتعة الضلالية؟ يا اللي شبكتني بحتة دبلة مصدية!
سالم:
مش عاجبك يا سحلية؟
فتحت سمسة عينيها بصدمة مصطنعة.
سمسة:
أنا سحلية؟!
طب شوف مين اللي هتجيبلك سجاير بعد كده.
ارتبك سالم سريعًا وحاول تهدئتها.
سالم:
بهزر معاكي يا ذات الأنامل الذهبية.
سمسة:
نعم يا أخويا؟ ذات إيه؟
سالم:
وغلاوتك بقالي أسبوع بحفظ فيها، أصلي سمعت واحد بيقولها للحلاق.
سمسمه: يا تقل دمك
وهنا تأتي الباتعة والدة سالم: سمسمه الحق امك جايه علينا
باتعه: صباح ايه ده بس يا ربي
باتعه: يا سالم تعالي نزل البضاعه من التوكتوك وحاسبه جايباه من العتبه اديله عشره جنيه
سالم: نعم احاسب مين؟ انا معاييش فلوس
باتعه: اه امك معاكش لكن للغندوره ام مقص وفتله معاك اخلص يا لا
ليحمل سالم البضاعة: عايز كام يا اخويا؟
السواق: خمسين جنيه
باتعه: يا ذوق باتعه كام يا اخويا السواق؟
السواق: ايه يا اما انا جايبك من جوه العتبه
باتعه: هما عشره جنيه مافيش غيرهم
السواق: حرام عليكي انا سواق علي التوكتوك اقول ايه لصاحبه
سالم: سمسمه هاتي عشرين جنيه لغيت ما أفك
سمسمه: هو انا هصرف عليك انت وامك؟
سالم: متخلصي يابت
سمسمه: خد خدك ربنا عليك انت وامك
باتعه: مقولتلك فكك من المقصه دي وتعالي اجوزك البت مفيده بت ام حسين مقرشه وعلي قلبها ياما وبت ايه عامله زي الجمل متغذيه مش بنت بائعة الخضار اللي عايشين علي النقاضه
سمسمه: سكت امك احسنلها
باتعه: هتعملي ايه يعني يا سحلية
سالم: بس يا بت خشي محلك يالا وانتي يا اما اتكلي علي الله سمسمه
تعالي يا عفاف عشان نخلص
عفاف: بقولك ايه انا عايزه اطلع قمر اوعي تكروتيني
سمسمه: طاب اترزعي هنا وفكي الطرحه
لتفك عفاف طرحتها
سمسمه: اف يخربيتك ايه ريحه الكمكمه ديه؟ ايه بقالك كام سنه مغسلتيش شعرك؟
عفاف: يا اختي عليكي لسه غاسلاه من اسبوعين
سمسمه: قولي من سنتين وايه سلك المواعين ده؟
عفاف: يا اختي روحي كده ده انا شعري حرير
سمسمه: اه ما هو باين عايزاني اعملك فيه ايه؟
عفاف: الاول اصبغيه اصفر وبعد كده قصيلي الطروف وهاتيلي شعري كله علي جنب بس ايه عايزاه سايح ونايح
سمسمه: بس ده هيكلفك
عفاف: هما ميت جنيه لا طلعو ولا نزلو
سمسمه: ياسلام ودول بقا حق الكهربا ولا المايه ولا الصبغه؟
عفاف: معرفش مش عاجبك اطلع علي أول الحاره الكوافيرات كتير
سمسمه: خلاص اترزعي امري لله ايه كميه البنس ديه؟ انتي خايفه شعرك يجري؟
عفاف: بقولك ايه اشتغلي وانتي ساكته
سمسمه: بفك معاكي اختي
عفاف: اه صح وعايزه مكب خفيف
سمسمه: عايزه ايه؟ مكب؟ اسمه مكياش يا جاهله
عفاف: طاب يا ام مكياش اشتغلي
سمسمه: ده انا هبهرك وهطلع كل مواهبي بس اصبري اه والمكياش له حساب تاني
عفاف: هما عشين جنيه لا فوقهم ولا تحتهم
سمسمه: ماشي بس اعملي حسابك لما تسافري مع عريسك تفتكريني بهديه حلوه زيك
سمسمه: اقعدي بقا سلكي شعرك علي ما اروح اشتري الصبغه
عفاف: متتاءخريش
لتخرج سمسمه من الكوافير لتجد سالم يقف ف انتظارها
سمسمه: انته واقف كده ليه؟
سالم: السجاير والاصطباحه يا قلبي
سمسمه: وحضرتك هتفضل كده لا شغله ولا مشغله وف الرايحه والجايه هاتي؟
سالم: انا هسددلك كل اللي خدته منك علي اقدم جزمه
سمسمه: موافقه بس انته سدهم
سالم: ده انتي العشق يا سحليه
سمسمه: انا سحليه يا ابن الكاتعه؟
سالم: عسل يا سحليتي هاتي بقا خليكي حلوه
سمسمه: اصبر هروح اجيب حاجه الاول وهديك اللي هيفيض
لتتركه سمسمه وتذهب الي الصبانه
سمسمه: صباحو اايوب
ايوب: صباحو سماسم
سمسمه: هات بخمسه جنيه اريال سايب واذاذه اكشجين بس كريم مش مايه
ايوب: هتعملي بيهم ايه؟
سمسمه: ابدا هلمع المحل واغسل المكاوي
ايوب: عليا انا بردك؟
سمسمه: متخليك حلو بقا اه وهات كيسه سمرا
ايوب: كده حسابك ٤٥ جنيه
سمسمه: خد ٤٠ بس وخليك شنتل
ايوب: حاضر لجل عيونك بس
لتتركه سمسمه وتذهب الي كوافيرها
عفاف: اتاءخرتي كده ليه؟
سمسمه: مش كت بجيبلك نوع صبغه حلو هعجنلك الصبغه بسرعه اهو
عفاف: ايه الريحه الوحشه ديه؟
سمسمه: ريحه الصبغه
لتضع سمسمه مسحوق الغسيل علي كريم الأوكسجين
سمسمه: رجعي راسك لورا يا عفاف
لتبدء سمسمه في وضع الأكسجين
عفاف: ايه ده عنيا بتحرقني اوي
سمسمه: كده يبقا نوع الصبغه نضيف
رواية المجنونه والحلانجي الفصل الثاني 2 - بقلم سلوي عوض
وبعد أن وضعت سمسمه الأكسجين المخلوط بمسحوق الغسيل
عفاف: ايه ده راسي بتاكلني عايزه اكرش فيها يخربيتك
سمسمه: راسك مقمله يا عروسه قسما بالله لو ما سكتي لاطلع عندكو واول ما العريس يوصل هقوله عروستك مقمله اترزعي ساكته خليني احطلك الكيس خلي الصبغه تلقط
لتضع سمسمه كيس القمامه علي رءس عفاف
سمسمه: اوعي تحطي ايدك علي شعرك هروح اجيب كوبايه شاي من القهوه
عفاف: انا عايزه اهرش راسي مولعه نار
سمسمه: بت اخرسي خالص
لتتركها سمسمه وتذهب لإحضار كوب من الشاي لتجد سالم أمامها
سمسمه: ايه يا عم انته عاملي زي عفريت العلبه
سالم: فين أبت علبه السجاير؟
سمسمه: خد مشي حالك بدول
سالم: طاب حاسبيلي علي كوبايه شاي بحليب
سمسمه: سالم اطلع من نافوخي
سالم: اخص عليكي ده انا سالم العشق
سمسمه بدلال: يوه بقا يا سلوكتي
سالم: طالعه منك سكر
سمسمه: يخربيتك البت رأسها هتشيط
سالم: الله يحرقك كل يوم تجيبلي مشكله متقفلي المخروب ده
سمسمه: اه واسرح ابيع حاجات بالقسط زي امك وانهب ف خلق الله
سالم: يا بت هموتك
سمسمه: متقدرش عشان انا قلبك
سالم: ياشيخه وجع ف قلبي
سمسمه: طاب غور من وشي بقا وانته قفيل كده
لتتركه سمسمه وتذهب الي كوافيرها
عفاف: اتاءخرتي كده ليه؟ حرام عليكي راسي ولعت
سمسمه: تعالي نغسل
لتذهب بها الي الحوض
سمسمه: بعد منغسل نسشور عشان اللون يظهر
لترفع سمسمه كيس القمامه من علي شعر عفاف
سمسمه: الله ايه الجمال ده اصفر دهبي
عفاف: بجد؟ اشوفه طيب
سمسمه: اصبري اما اخلص خالص
وبعد أن انتهت سمسمه من كي شعر عفاف
سمسمه: فتحي عيونك وشوفي العظمه
عفاف: ايه ده شعري بقا برتقاني
سمسمه: بس يا جاهله ايش فهمك انتي؟ ديه الموضه حتي شوفي الممثله التركيه القمر ديه شعرك لون شعرها
عفاف: اه والله بس انا احلي منها
سمسمه: اه طبعا امال ايه
عفاف: فين المكياش بقا؟
سمسمه: لا يا حلوه المكياش ب ميت جنيه
عفاف: طاب خودي انا كت مكمراها من امي
سمسمه: ايوه كده حدعه
عفاف: طاب خلصيني بقا اتاءخرت علي امي
وفي منزل سالم كانت الباتعه تجتمع بنساء الحاره
الباتعه: خدي يا سميحه جيبتلك ملايتنين شوفي الجوبير اللي عليها
سميحه: الله ديه حلوه اوي بكام بقا؟
الباتعه: الملايه كاش ب ٤٠٠ جنيه قسط ٦٠٠
سميحه: انتي مغلاونيه كده ليه؟
الباتعه: مش عاجبك اشتري من برا
سميحه: خلاص هتاخدي مقدمه كام؟
باتعه: كل طقم ١٠٠ وكل شهر ٢٠٠
سميحه: امري لله خدي
باتعه: خدتي حاجتك فرجينا جمال خطوتك
وهنا يفتح سالم الباب ليدخل
سالم: ايه ده يا اما انتي فارشه ف الصاله كده ليه؟ وايه الحريم ديه كلها؟
باتعه: مالك يا واد؟
سالم: جعان انا
باتعه: خش سخن فول وبطاطس وكل
سالم: يا اما الفول ده بقاله اسبوع ف التلاجه
باتعه: نعمه ربنا ايه عايزني ارميه؟ لم النعمه تلمك
لتتحدث الست رتيبه زوجه نبيل الصاءغ
رتيبه: متسيبك من البت ام عرقوب المقشفه وتعالي اجوزك رسميه بتي ومش هكلفك جنيه الشقه جاهزه وكامله من مجاميعه وانته عارف معنديش غيرها يعني كله ف الاخر هيبقى ليك وليها
سالم: جري ايه انتي جايه تشتري ولا جايه تدللي علي بتك؟
باتعه: جاتك ستين نيله ده هيا الوحيده اللي ف أهل الحاره الغم ديه بتدفع كاش
رتيبه: فكر ورد عليا ديه رسميه بتي ادب واخلاق وتعليم وجمال ومال وتربيه
ليضحك سالم
سالم: اه صح اخر ادب واخلاق يا دوبك ماشيه مع نص شباب الحاره لاء وكمان خنفه سانم يا سانم البنتقان وقح مني ياشيخه روحي وفكك مني وروحي لزقي بنتك لاءي مغفل
رتيبه: عاجبك كده يا باتعه؟
باتعه: يا اختي وانا اللي قولت للحج يعمل حسابك ف كيلو لحمه من لحمه العيد غير الكبده والكوارع كمان
باتعه: سيبك منه ده موكوس وانا بقا هجوزهاله غصب عنه
سالم: بقولك ايه يا خاله انا جعان اوي
رتيبه: عيوني اصبر عليا هتصل علي المحمول لمحل المشاوي واجيبلك طلب يا عريس بنتي
باتعه: ايوه كده خلي ايدك ف بقه اطعم الفم تستحي العين ده ابني وانا عارفاه
سالم: كملي الكلام بقا بخرطوشه سجاير
رتيبه: بس كده عيني يا عريس بنتي
سالم: لاء بقولك ايه مش علي السخان كده اصبري لما اخلص من النصيبه اللي عندي الاول
رتيبه: نصيبه ايه كفا الله الشر
سالم: بخبث اصلي الصراحه يعني كت سالف من البت سمسمه ٥٠٠٠ جنيه ولو سيبتها هتطالبني بيهم
لتدس رتيبه يدها في صدرها
رتيبه: خد يا ضنايا الفين جنيه وبكره اديك الباقي
سالم: تسلميلي احماتي الحلوه
رتيبه: هتيجي امته بقا تشبك البت؟
سالم: يومين كده بس اسمعي انا قشفور
رتيبه: انا هجيب كل حاجه
سالم: يخربيتك وليه لازقه ولا بنتها الخنفه سانم سانم تعالي اخطبني من ابوها ونجوز بعض… بت عبيطه يا ربي مافيهاش حاجه حلوه ولا عدله… ولما السحليه تعرف ديه هتسود عيشت امي
رتيبه: سرحان في ايه يا جوز بنتي؟
سالم: هاه لاء مافيش
رتيبه: انا هعرف الاستاذ نبيل انك جاي يوم الخميس عشان تشبك البت باتعه
سالم: ايوه يا اختي امال ايه عرفيه، وطبعا هتاخدي شوار بتك كله من عندي ما انا حماتها بقا وهجيبلها انضف حاجه
رتيبه: اه يا اختي امال ايه فوتكم بعافيه بقا احسن استاذ نبيل طالب منك اعمله ديك رومي
سالم: طاب ابقي افتكرينا
رتيبه: عيوني ليكي يحضر حالا ديك محشي وجاهز علي الاكل
سالم: انا نازل يا اما عايزه حاجه؟
باتعه: رايح فين؟
سالم: نازل للولا طارق اقعد معاه شويه
باتعه: طاب ايدك يا روح امك علي نص الفلوس اللي خدتها من رتيبه
سالم: ليه يا اختي هو انتي اللي هتدبسي ف رسميه الخنفه ولا أنا؟
رتيبه: هتعملهم عليا يا ابن باتعه؟ اخلص هات بدل ما اعرف السنيوره ام عرقوب
سالم: مخلصنا بقا ايه هيا غنيوه هتغنيها ليه؟
لتتركه باتعه وينزل سالم ويقف أمام منزله يدخن سيجارة
لينظر أمامه ليجد رسميه قادمه إليه
رسميه: سانم سانم اخبانك ايه انا فنحانه اوي عسان هنجوز بحضينا انا هخنيك اسعد ناجن ف الدنيا ونخنف عيال حنوين سبهك وسعرهم ناحم
سالم: الله يحرقك مافيش ولا كلمه بتنطقيها صح روحي من يا نسميه يخربيتك عديتيني
رسميه: طاب تعالي نتصون صونه عشان انزلها علي الواتس
سالم: مش وقته خليها بعدين
رسميه: خناص انا معايا صونه ليك هنسلها واكتب عليها ابوعياني الغاني
سالم: اعملي اللي تعمليه بس هوينا صحابي جايين ومش عايزهم يشوفوكي
رسميه: يا حلاوه بتغين عنيا يا قنبي
رواية المجنونه والحلانجي الفصل الثالث 3 - بقلم سلوي عوض
سالم: اه بغين غنوري بقا الله يحرقك بوظتيلي لساني
رسميه: العسق العسق
سالم: أبت غوري ياله شندي صاحبي جاي
سالم: ابيض يا شندي
شندي: ابيض علي الابيض ابو السوالم، ايه اللي موقفك مع البت اللي لسانها دايس عليه قطر؟
رسميه: قطن لما يلهفك يا فاسل، هاتني حقي منه يا سانم
سالم: اه حاضر روحي انتي
رسميه: مع السنامه يا نوح النوح
رسميه: بس متقفش كتين مع سندي أصله فاسن
وهنا تذهب رسميه الي نحمده والده سمسمه
رسميه: خانتي نحمده عندك بسنه؟
نحمده: اه عندي عايزه اد ايه؟
رسميه: عايزه كينو بسنه متفصص وعايزه اتنين كينو بصل وكينو طماطم
نحمده: اشمعنه الطماطم اللي بتقوليها عدل؟
رسميه: هيا بنتك ف المحن
نحمده: اه
رسميه: طيب جهزيني الطلبات هنوح اعمل شعني واجي أخدهم، حسابك كام؟
نحمده: ١٠٠ جنيه
رسميه: خدي
لتتركها رسميه وتذهب الي كوافير سمسمه
رسميه: سمسمه عايزاكي تعمنيني شعني
سمسمه: بقولك ايه انتي شعرك ناشف اوي وبيكسرلي العده
رسميه: حطي زيت كتير
سمسمه: طاب اقعدي ربنا يتوب عليا من دول زباين
رسميه: اعملينيني مكوه وششوار وكمان عايزه ماسك لوسي
سمسمه: تعرفي تخرسي خالص؟
رسميه: انا اكلم بفنوسي
سمسمه: طاب يا حلوه كده هعوز منك ٥٠٠ جنيه
رسميه: وايه يعني خدي واشتغلي
وهنا تبدء سمسمه في تصفيف شعر رسميه
سمسمه: اه يخربيتك شعرك ده عايز لغم يفجره
رسميه: بتقوني حاجه؟
سمسمه: لاء مبقولش
وبعد أن انتهت سمسمه من تصفيف شعر رسميه وانتهت أيضا من تنظيف وجهها بالماسك
سمسمه: بشرتك ديه عايزه معالجه تعالي يوم بعد يوم اعملك جلسات، الجلسه ب ١٠٠ جنيه بس ايه هتبقي احلي واحده ف الحاره كلها
رسميه: وهعجب خطيبي؟
سمسمه: بتعجب انتي اتخطبتي أمته؟ محدش قال يعني
رسميه: اصنها لسه مس نسمي
سمسمه: ومين سعيد الحظ؟
رسميه: سانم ابن خانتي باتعه اللي كان خطيبك
سمسمه: بتقولي ايه يا ام ربع لسان انتي؟
رسميه: والله اجيبلك سانم يعنفك، شغنك موتي بغيظك اتقهني سابك وخطبني يا سانم يا خوني الجنينه يا حبيبي يا سانم
سمسمه: كده طاب الف مبروك عليكم
رسميه: من قنبك
سمسمه: اه طبعا من قلبي اترزعي بقا
وهنا تدخل عفاف الكوافير
عفاف: تسلم ايدك يا سماسم العريس عجبه لون شعري اوي بيقولي اني بقيت شقراء صهباء… الا يعني شقراء صهباء ديه؟
سمسمه: يعني شقرا وجميله
رسميه: مانيش دعوه عايزه شعني يبقا نون شعنها
سمسمه: ياله يا ماما من هنا عايزين نمسح المحل
اما سالم فكان يقف مع أصدقائه طارق وشندي
شندي: عرفت اخر الاخبار يا طروق؟
طارق: لاء انا لسه صاحي حالا علي صفاره سالم
شندي: اصل سالم خطب رسميه الخنفه
ليضحك طارق
طارق: يخربيتك ديه سمسمه هتسفلتك
سالم: ديه مصلحه يا عم خمس بواكي حايرين طايرين ووقعوا عليا من السما بس امي منها لله خدت نصهم
طارق: تبيع قلبك بخمس بواكي؟
سالم: ولا بخمسه ونص حتي، طاب قولي انته اعمل ايه وانا قشفور اخر حاجه؟
شندي: تفتكر سمسمه لما تعرف هتعمل ايه؟
سالم: مش عارف ديه مجنونه بت مجانين ربنا يستر
طارق: اياك علي الله تكويلك قفاك
سالم: بقولكم ايه تعالو معايا هنروحلها المحل وانا اقولها اني كت واخد عربون مرمه واتصرف مني، ولما كلمت خالتي رتيبه تسلفني قالتلي من عيوني بس أخطب بتي، واصل كت ماضي علي العربون وصل علي بياض وخفت اتحبس وانتو تشهدو معايا وكل واحد فيكم ليه عمود
شندي: عمودين واخليها تقولك اجوزها كمان
سالم: هيا ديه الصحوبيه
شندي: الصحاب ف اجازه
سالم: لا وحياه امك
طارق: تعالي نروح معاك ما انته موراكش غير وجع القلب
وقبل أن يتحركوا تدخل عليهم رتيبه ومعها ابنها الصغير حاملا صينيه كبيره تفوح منها رائحة الشواء
رتيبه: ولا يا رامي ادي الصنيه لعريس اختك
سالم: ايه ده؟
رتيبه: ده الديك الرومي يا عين حماتك، إنما ايه يستاهل بؤك… محشي حمام وورق عنب ومكسرات تاكله بالهنا
شندي: قشطه عليكي اخالتي
طارق: ايه مش هنروح مشوارنا؟
سالم: الدنيا مش هتطير يا جدع ناكل الاول
رتيبه: كلو يا ولاد، وانته يا رامي روح هاتلهم الساقع عشان يبلعو
سالم: تعيشي اخالتي اقعدو يا عيال
رتيبه: وديه تيجي تقعدو علي الارض؟ ابدا مايحصل، هجيبلكم ترابيزه وكراسي
شندي: مش مهم اخالتي
رتيبه: لاء ازاي اصبرو بس… واد يا كنكه هاتلي هنا ترابيزه وتلت كراسي
كنكه: عيوني اخالتي حمامه
شندي: اوعا اسالم ده انته هتعيش ف عز ونعيم
سالم: اهو ار امك ده هو اللي جايبني الأرض
طارق: هو انته بجد بتحب اسماء يا سالم ولا واخدها سبوبه؟ علبه سجاير، كوبايه شاي، جنهين… واهي بتقضي
سالم: لا والله بحبها بجد بس زي ما انته شايف الظروف مش مساعده خالص، ده كمان غير امي اللي تقبل العما ولا تقبلها
طارق: بس انته كده هتكسر قلبها، ده انته بعتها بديك رومي
شندي: هاتلي انا يا عم ديك رومي وانا امضيلك علي كليتي مش اسماء
طارق: يا خساره
شندي: وانته محروق اوي عليها كده عشان بتحبها وهيا فضلت صاحبك عليك؟
طارق: له والله من وقت ما اتخطبت لسالم وهيا بقت زي اختي تمام
سالم: اوعا يا طارق، سماسم ديه العشق عليا النعمه اشقك فيها
طارق: لاء يا صاحبي انا عمري ما اخون، ولو علي كسر قلبي… بس صدقني يا سالم لو خسرت اسماء عمرك مهتعوضها
شندي: طاب بطل شحتفه انته وخليك ف حالك
وهنا تقترب منهم سمسمه
سمسمه: الف مبروك يا عريس، طاب مش كت تعزمني؟ كت هشرفك والله
ثم تقذف دبلته في وجهه
سمسمه: خدها اديها لعروستك، هيا أولي بيها… عن اذنكم
طارق: انسه اسماء استني هفهمك الحقيقة
سمسمه: استاذ طارق انا بحترمك متخلينيش ازعل منك
شندي: جري ايه يا بت خالتي متقفي تسمعي الكلام
اسماء: ابعد عني يا شندي بدل ما اخلي شبشبي يعلم علي وشك
شندي: كده بردك يا بت خالتي؟
سمسمه: بت خالتك منين؟ هيا بلاوي وبتتحدف… غور يا عم روح اقف مع صاحبك ولا وحشك طرقعه ابوورده علي خلقتك؟
لتتركهم سمسمه وتذهب الي كوافيرها وهيا تقول
سمسمه: كده يا سالم تعمل فيا انا كده بعد كل الحب ده؟ طاب وحياه امك لاوريك… أن ما جننتك بس الموضوع ده فيه حاجه مش طبيعيه ولا مفهومه، سالم بيحبني وانا عارفه ومتاءكده من ده، بس تلاقيه عايز يقلبهم ف قرشين واكيد باتعه الكلب ورا الحوار ده… انا هروح اشوفها بس اروح ازاي وهيا مش طايقاني لا ف سما ولا ارض؟ اه انا ابعتلها البت عفاف وهيا تجيبلي قرار الحكايه وابقا اعملها ماسك الدهب ببلاش
لتتصل اسماء علي عفاف
سمسمه: تعالي يا فوفتي عايزاكي ضروري
عفاف: طياره
وبعد عشر دقائق تدخل عفاف الكوافير
عفاف: خير عايزه ايه يا اسماء؟
سمسمه: ايه رءيك لو عملتك ماسك الدهب ببلاش ويخليكي بتلمعي وعريسك يجنن عليكي؟
عفاف: بجد؟ وحياه امك؟
سمسمه: اه وحياه امي… بس بشرط
عفاف: قولي
سمسمه: هتروحي عند المحروقه باتعه وتعملي نفسك بتساءلي علي ملايات عشان جهازك
عفاف: نعم؟ انتي عايزه الشيخ نواف ينام علي ملايه من عند باتعه ديه؟ بضاعتها كلها شايطه والعته واكلاها
سمسمه: يا غبيه بقولك كده وكده
عفاف: ما انتي عارفه انها شبطه ومهتصدق
سمسمه: ابقي قوليلها هشيعلك امي تشتري
عفاف: ماشي وبعدين؟
سمسمه: تسرسبيها وتعرفيلي منها سالم خطب البت رسميه الخنفه ليه
لتضحك عليها عفاف
عفاف: ايه ده؟ هو سابك وخطبها؟ اما اعمي صحيح
سمسمه: ما هو انتي صاحبتي وحبيبتي وهتعرفيلي قرار الحكايه
عفاف: بس بشرط
سمسمه: ارغي
عفاف: ترسميلي حواجبي بنفس لون شعري
سمسمه: موافقه وهحطلك ضوافر كمان علي حسابي
عفاف: حبيبتي يا سماسم
سمسمه: ياله اسحبي وابقي تعالي قوليلي
عفاف: من عيوني يا مسمسه
اما طارق فكان يجلس في منزله وحيدا يبكي حاله وحال سمسمه
طارق: انا مستحيل اسيبها كده، انا بحبها من وهيا لسه عيله بتلعب ف الحاره… بس هيا قلبها مع صاحبي، بس انا هقف معاها لو علي حساب قلبي
اما نحمده فها هيا قد انتهت من بيع خضراوتها وهيا حزينه
نحمده: يا تري يا بتي هتعملي ايه لما تعرفي بعمله سالم؟ اجيبهالها ازاي دي… بس اروح افوت عليها ف المحل وأشوف هقولها ايه
لتذهب نحمده الي كوافير سمسمه
سمسمه: تعالي يا اما خشي، ايه ده مالك وشك حزين كده ليه؟ حد زعلك؟
نحمده: لاء بس اصلي سمعت حاجه كده ف الحاره
سمسمه: قصدك يعني علي خطوبه سالم ورسميه؟
نحمده: ايه ده انتي عرفتي؟
سمسمه: وهو في حاجه بتستخبي ف الحاره ديه؟ وبعدين عادي يعني يا اما… اللي يحمل يشيل، انا نفسي مش زعلانه، يغور كلب ييجي بداله سبع
نحمده: من قلبك؟
سمسمه: خلاص بقا روحي انتي عشان تنزلي الفجر تشتري الزرع وانا هخلص واقفل
نحمده: طيب يا بتي علي راحتك اللي تشوفيه
وهنا تدخل عليهم عفاف
عفاف: عرفتلك كل حاجه
لتنظر سمسمه إليها نظره اسكتتها
نحمده: انا ماشيه بقا
لتتركهم نحمده وتذهب
سمسمه: انتي حماره؟ مش شايفه امي واقفه؟ قولي عرفتي ايه
لتقص عليها عفاف كل ما حدث
سمسمه: اه يا ابن الدايخه… بعتني بخمس بواكي واكله طيب، هنشوف مين اللي هيضحك ف الآخر
عفاف: لاء ما هي باتعه خدت نصهم منه وقعدت تقولي ابني ده موكوس بيحب البت اسماء ام عرقوب المقشفه المصننه وانا اقولها عيب اخالتي
رواية المجنونه والحلانجي الفصل الرابع 4 - بقلم سلوي عوض
اسماء: بقا هيا قالتلك كده؟ طيب يا باتعه الكلب اما اشوف انا ولا انتي يا كلبه الجنيه
عفاف: ياله بقا اعمليلي الماسك
سمسمه: تعالي تستاهلي احلي ماسك
اما في منزل نبيل الصاءغ نجد أن زوجته رتيبه تتحدث معه حول زواج رسميه وسالم
نبيل: ايوه مقولتش حاجه بس انتي عارفه مركزي ف الحته، وده لامؤاخذه يعني عيل فاشل… ايه اللي يخليني اناسبه؟ انا بتي الف واحد يتمناها
رتيبه: علي ايه يا اخويا؟ احمد ربنا أن سالم رضي بيها
نبيل: عشان خنفه يعني؟ اعملها اللحميه فيها كام سنه مكسوره، ازعلها سنان ايه كمان؟ وهيا ماشيه بتحدف شويه
رتيبه: ايه هترصصلها زوايا عند بتاع الكاوتش؟
نبيل: كلامك صح، انا موافق خليهم ييجو يقرو الفاتحه
رتيبه: باقي علي عيد الضحيه اسبوع باين
نبيل: كل سنه وانتي طيبه، ولو اني مبحبش وش العيد ده… مش عارف انا ايه الناس البارده اللي ميصدقو العيد ييجي ويترصصو قدام باب البيت عايزين لحمه، انا بضحي اه… بس بضحي بالخروف عشان احنا اللي ناكله، وبعدين هو حتت خروف واحد
نبيل: وانتي أننا لازم نبر نبر نفسنا وناكل كويس… اه صح بقولك لما انزل المحل هشيعلك دكرين بط وجوزين حمام نتغدا بيهم
رتيبه: زود شويه عشان العريس وأهله يدوقو معانا
نبيل: ماشي بس متاءخديهمش علي كده اه، انا مبلاقيش فلوسي ف الشارع
رتيبه: ايوه يا اخويا اومال ايه، طبعا ده بس جر رجل لغيت ميتجوز البت
نبيل: طيب هتعوزي حاجه تاني؟
رتيبه: له يا اخويا كتر خيرك
ليتركها نبيل وينزل قاصدا محله، لنجد أن رتيبه ترتدي عباءتها وتذهب الي منزل سالم
باتعه: وبعدين بقا ف اللي هتنطلي كل شويه ده؟ السلالم هتدوب من كتر الطلوع والنزول عليها
وهنا تدخل عليها رتيبه
رتيبه: خدي يا باتعه يا اختي الفين جنيه اهمك، هاتي احلى طقم يكون علي ذوقك لرسميه عروسه ابنك
باتعه: عنيا يا اختي، اجيبلها مجيبش ليه
رتيبه: طاب باءلاذن انا بقا
باتعه: ما انتي قاعده نشرب شاي سوا
رتيبه: اشرب الشربات يوم الفرحه الكبيره، اصل فضله خيرك الاستاذ نبيل جوزي هيشيعلي دكرين بط وجوزين حمام عشان نتعشا
باتعه: يا وليه الساعه داخله علي عشره بليل، الاكل ده حامي ممكن يكتم نفسكم
رتيبه: ولا حامي ولا حاجه احنا متعودين علي كده، وعلي العموم هشيعلكم منابكم
باتعه بفرحه: وهتتعبي نفسك ليه بس؟
رتيبه: يا وليه ما فيش تعب ولا حاجه، عشان بس تدوقي عمايل ايد عروسه ابنك
باتعه: سلم ايديها قبل ما ادوق
اما اسماء فكانت قد أغلقت كوافيرها وذهبت إلى منزلها
سمسمه: اما يا اما انتي نمتي؟ نوم العوافي يا حبيبتي… كتر خيرك بتتعبي اوي، نفسي اريحك من الشقا ده واقعدك ف بيتك معززه مكرمه، بس اعمل ايه؟ العين بصيره واليد قصيره… ولا سالم ده كمان اللي باع حب العمر، صحيح الفلوس بتغير النفوس، وانا كمان مش هقعد حاطه ايدي علي خدي، لازم اردله القلم بميه هو وأمه… طيب أن مخليتك تتمني مني كلمه، وحياه حبي ليك لاعرفك مين هيا اسماء… انا اعملي كوبايه شاي بحليب واقعد امخمخ للكل
وهنا تذهب رتيبه الي المعلمه ام حسين الفرارجيه
رتيبه: الاستاذ نبيل قالي أنه موصيكي علي شويت طيور لينا، وقالك ادبحوهم ونضفوهم
ام حسين: اه يا اختي كله السطه
رتيبه: هو محاسبك صح؟
ام حسين: اه امال ايه، ده انا حتي عشانكم مقفلتش لغيت دلوقتي
رتيبه: معلش اخرناكي
ام حسين: لا يا حبيبتي مافيش حاجه
اما سمسمه فكانت تجلس علي سريرها لتقول
سمسمه: خلاص لقيتها… الجون اللي هيخلي الحكم يصفر ويولوع الماتش، اوعا يا سماسم يا ام التفانين… انا اظبط نفسي وانزل
لترتدي سمسمه عباءه جميله كانت اهدتها لها زبونه، وتنزل الي الحاره قاصده محل نبيل الصايغ
وما أن وصلت إلي نبيل حتي خلعت الحلق الخاص بها
سمسمه: مساءالخير علي اجمل صايغ فيكي يا بلد
نبيل: مساء النور، اهلا يا انسه اسماء
سمسمه بدلال: قولي سمسمه
نبيل: حاضر يا ستي سمسمه
سمسمه: الحلق بتاعي بريمته واسعه وكل شويه يقع من ودني
نبيل: ممكن تكون البريمه اتاكلت، استريحي هجيبلك بريمه غيرها
سمسمه: تسلملي يا نيبو
نبيل: قولتي ايه؟
سمسمه: ايه؟ بدلعك… تعرف انك أوسم راجل ف المنطقه بحالها؟ واللي يشوفك يا دوبك يقول عندك بالكتير اوي تلاتين سنه
نبيل ببلاهه: ازاي بس؟ ده انا سني 52 سنه
سمسمه: فشر مين قال كده؟ محصلش طبعا… وبعدين شوف شعرك جميل ازاي
نبيل: بس انا شعري اكرت
سمسمه: ماهيا ديه الموضه، ده ف بلاد برا بيدفعو الآفات عشان شعرهم يبقا زي شعرك… وله عيونك حلوين اوي من تحت النضاره، اه بس لو تحس
نبيل: احس باءيه؟
سمسمه بتمثيل: تحس بالناس اللي دايبه ف غرامك
نبيل: غرامي انا؟ معقوله؟
سمسمه: ياعيني عليا… بحب واحد مش حاسس بيا ولا عارف قيمته، عن اذنك
لتتركه سمسمه وتخرج من المحل لتقول
سمسمه: ولسه… كل يوم من ده، أن ما وقعتك يا نبيل مبقاش انا اسماء
وفي طريقها إلى منزلها تجد أن سالم يقف أمامها
سالم: كتي فين يا بت بليل كده؟
سمسمه: وانته مالك؟ وصي عليا انته؟
سالم: مالي ونص… وأكسر دماغك، انا خطيبك يا بت ولا نسيتي؟
سمسمه بصوت عالي: خطبك جن! انا مش خطبيه حد، وسع كده من طريقي
ليمسكها سالم من ذراعها
سمسمه بصوت عالي: اوعا ايدك، جاك كسر ايدك… اوعا سيب
سالم: يا بت لمي نفسك بدل ما اديكي علي خلقتك
سمسمه: تدي مين يا اخويا؟ الحقوني!
ليصفعها سالم علي وجهها
سالم: عشان تبقي تغرفي تعلي صوتك كويس
سمسمه بصوت عالي: حد يلحقني!
سالم: والله لاكسر عضمك، أنا يا بت عندي حريم تعلي صوتها عليا؟
سمسمه: حريم؟ حرمت عليك عيشتك، اوعا سيب ايدي وغور من هنا
سالم: يا بت بطلي طوله لسان
سمسمه: الحقوني حوشوه عني
ليسمعها نبيل الصاءغ ليخرج من دكانه ويذهب إليهم
نبيل: ايه في ايه؟
سمسمه: حوشو عني، ضربني يمد أيده عليا بتاع ايه؟
نبيل: في ايه يا سالم؟ مالك بيها؟ انته مش خطبت بتي؟
سالم: اه بس أصلها ماشيه تتقصع والوقت متاءخر
سمسمه: وانته مالك؟ هما كانو عينوك شيخ حاره؟ إنشاءالله تتشل ف ايدك
ثم تتحدث الي نبيل
سمسمه: شايف وشي من القلم؟ وأيدي وجعتني، خليه يسيبني
نبيل: سيبها يا سالم، وعلي الله تتعرضلها تاني
سمسمه: تخصني
سالم بعصبيه: نعم يا اخويا؟ انته كمان؟ هيا مين اللي تخصك؟
نبيل: زي ما سمعت
سالم: لاء ده كده الحكايه فيها وفيها
نبيل: اسمع الكلام وانته ساكت… ولا فيها ولا مفيهاش
بارت 4
اسماء: بقا هيا قالتلك كده؟ طيب يا باتعه الكلب اما اشوف انا ولا انتي يا كلبه الجنيه
عفاف: ياله بقا اعمليلي الماسك
سمسمه: تعالي تستاهلي احلي ماسك
اما في منزل نبيل الصاءغ نجد أن زوجته رتيبه تتحدث معه حول زواج رسميه وسالم
نبيل: ايوه مقولتش حاجه بس انتي عارفه مركزي ف الحته، وده لامؤاخذه يعني عيل فاشل… ايه اللي يخليني اناسبه؟ انا بتي الف واحد يتمناها
رتيبه: علي ايه يا اخويا؟ احمد ربنا أن سالم رضي بيها
نبيل: عشان خنفه يعني؟ اعملها اللحميه فيها كام سنه مكسوره، ازعلها سنان ايه كمان؟ وهيا ماشيه بتحدف شويه
رتيبه: ايه هترصصلها زوايا عند بتاع الكاوتش؟
نبيل: كلامك صح، انا موافق خليهم ييجو يقرو الفاتحه
رتيبه: باقي علي عيد الضحيه اسبوع باين
نبيل: كل سنه وانتي طيبه، ولو اني مبحبش وش العيد ده… مش عارف انا ايه الناس البارده اللي ميصدقو العيد ييجي ويترصصو قدام باب البيت عايزين لحمه، انا بضحي اه… بس بضحي بالخروف عشان احنا اللي ناكله، وبعدين هو حتت خروف واحد
نبيل: وانتي أننا لازم نبر نبر نفسنا وناكل كويس… اه صح بقولك لما انزل المحل هشيعلك دكرين بط وجوزين حمام نتغدا بيهم
رتيبه: زود شويه عشان العريس وأهله يدوقو معانا
نبيل: ماشي بس متاءخديهمش علي كده اه، انا مبلاقيش فلوسي ف الشارع
رتيبه: ايوه يا اخويا اومال ايه، طبعا ده بس جر رجل لغيت ميتجوز البت
نبيل: طيب هتعوزي حاجه تاني؟
رتيبه: له يا اخويا كتر خيرك
ليتركها نبيل وينزل قاصدا محله، لنجد أن رتيبه ترتدي عباءتها وتذهب الي منزل سالم
باتعه: وبعدين بقا ف اللي هتنطلي كل شويه ده؟ السلالم هتدوب من كتر الطلوع والنزول عليها
وهنا تدخل عليها رتيبه
رتيبه: خدي يا باتعه يا اختي الفين جنيه اهمك، هاتي احلى طقم يكون علي ذوقك لرسميه عروسه ابنك
باتعه: عنيا يا اختي، اجيبلها مجيبش ليه
رتيبه: طاب باءلاذن انا بقا
باتعه: ما انتي قاعده نشرب شاي سوا
رتيبه: اشرب الشربات يوم الفرحه الكبيره، اصل فضله خيرك الاستاذ نبيل جوزي هيشيعلي دكرين بط وجوزين حمام عشان نتعشا
باتعه: يا وليه الساعه داخله علي عشره بليل، الاكل ده حامي ممكن يكتم نفسكم
رتيبه: ولا حامي ولا حاجه احنا متعودين علي كده، وعلي العموم هشيعلكم منابكم
باتعه بفرحه: وهتتعبي نفسك ليه بس؟
رتيبه: يا وليه ما فيش تعب ولا حاجه، عشان بس تدوقي عمايل ايد عروسه ابنك
باتعه: سلم ايديها قبل ما ادوق
اما اسماء فكانت قد أغلقت كوافيرها وذهبت إلى منزلها
سمسمه: اما يا اما انتي نمتي؟ نوم العوافي يا حبيبتي… كتر خيرك بتتعبي اوي، نفسي اريحك من الشقا ده واقعدك ف بيتك معززه مكرمه، بس اعمل ايه؟ العين بصيره واليد قصيره… ولا سالم ده كمان اللي باع حب العمر، صحيح الفلوس بتغير النفوس، وانا كمان مش هقعد حاطه ايدي علي خدي، لازم اردله القلم بميه هو وأمه… طيب أن مخليتك تتمني مني كلمه، وحياه حبي ليك لاعرفك مين هيا اسماء… انا اعملي كوبايه شاي بحليب واقعد امخمخ للكل
وهنا تذهب رتيبه الي المعلمه ام حسين الفرارجيه
رتيبه: الاستاذ نبيل قالي أنه موصيكي علي شويت طيور لينا، وقالك ادبحوهم ونضفوهم
ام حسين: اه يا اختي كله السطه
رتيبه: هو محاسبك صح؟
ام حسين: اه امال ايه، ده انا حتي عشانكم مقفلتش لغيت دلوقتي
رتيبه: معلش اخرناكي
ام حسين: لا يا حبيبتي مافيش حاجه
اما سمسمه فكانت تجلس علي سريرها لتقول
سمسمه: خلاص لقيتها… الجون اللي هيخلي الحكم يصفر ويولوع الماتش، اوعا يا سماسم يا ام التفانين… انا اظبط نفسي وانزل
لترتدي سمسمه عباءه جميله كانت اهدتها لها زبونه، وتنزل الي الحاره قاصده محل نبيل الصايغ
وما أن وصلت إلي نبيل حتي خلعت الحلق الخاص بها
سمسمه: مساءالخير علي اجمل صايغ فيكي يا بلد
نبيل: مساء النور، اهلا يا انسه اسماء
سمسمه بدلال: قولي سمسمه
نبيل: حاضر يا ستي سمسمه
سمسمه: الحلق بتاعي بريمته واسعه وكل شويه يقع من ودني
نبيل: ممكن تكون البريمه اتاكلت، استريحي هجيبلك بريمه غيرها
سمسمه: تسلملي يا نيبو
نبيل: قولتي ايه؟
سمسمه: ايه؟ بدلعك… تعرف انك أوسم راجل ف المنطقه بحالها؟ واللي يشوفك يا دوبك يقول عندك بالكتير اوي تلاتين سنه
نبيل ببلاهه: ازاي بس؟ ده انا سني 52 سنه
سمسمه: فشر مين قال كده؟ محصلش طبعا… وبعدين شوف شعرك جميل ازاي
نبيل: بس انا شعري اكرت
سمسمه: ماهيا ديه الموضه، ده ف بلاد برا بيدفعو الآفات عشان شعرهم يبقا زي شعرك… وله عيونك حلوين اوي من تحت النضاره، اه بس لو تحس
نبيل: احس باءيه؟
سمسمه بتمثيل: تحس بالناس اللي دايبه ف غرامك
نبيل: غرامي انا؟ معقوله؟
سمسمه: ياعيني عليا… بحب واحد مش حاسس بيا ولا عارف قيمته، عن اذنك
لتتركه سمسمه وتخرج من المحل لتقول
سمسمه: ولسه… كل يوم من ده، أن ما وقعتك يا نبيل مبقاش انا اسماء
وفي طريقها إلى منزلها تجد أن سالم يقف أمامها
سالم: كتي فين يا بت بليل كده؟
سمسمه: وانته مالك؟ وصي عليا انته؟
سالم: مالي ونص… وأكسر دماغك، انا خطيبك يا بت ولا نسيتي؟
سمسمه بصوت عالي: خطبك جن! انا مش خطبيه حد، وسع كده من طريقي
ليمسكها سالم من ذراعها
سمسمه بصوت عالي: اوعا ايدك، جاك كسر ايدك… اوعا سيب
سالم: يا بت لمي نفسك بدل ما اديكي علي خلقتك
سمسمه: تدي مين يا اخويا؟ الحقوني!
ليصفعها سالم علي وجهها
سالم: عشان تبقي تغرفي تعلي صوتك كويس
سمسمه بصوت عالي: حد يلحقني!
سالم: والله لاكسر عضمك، أنا يا بت عندي حريم تعلي صوتها عليا؟
سمسمه: حريم؟ حرمت عليك عيشتك، اوعا سيب ايدي وغور من هنا
سالم: يا بت بطلي طوله لسان
سمسمه: الحقوني حوشوه عني
ليسمعها نبيل الصاءغ ليخرج من دكانه ويذهب إليهم
نبيل: ايه في ايه؟
سمسمه: حوشو عني، ضربني يمد أيده عليا بتاع ايه؟
نبيل: في ايه يا سالم؟ مالك بيها؟ انته مش خطبت بتي؟
سالم: اه بس أصلها ماشيه تتقصع والوقت متاءخر
سمسمه: وانته مالك؟ هما كانو عينوك شيخ حاره؟ إنشاءالله تتشل ف ايدك
ثم تتحدث الي نبيل
سمسمه: شايف وشي من القلم؟ وأيدي وجعتني، خليه يسيبني
نبيل: سيبها يا سالم، وعلي الله تتعرضلها تاني
سمسمه: تخصني
سالم بعصبيه: نعم يا اخويا؟ انته كمان؟ هيا مين اللي تخصك؟
نبيل: زي ما سمعت
سالم: لاء ده كده الحكايه فيها وفيها
نبيل: اسمع الكلام وانته ساكت… ولا فيها ولا مفيهاش
رواية المجنونه والحلانجي الفصل الخامس 5 - بقلم سلوي عوض
سالم: انطقي… أبت اللي بينك وبينه؟
سمسمه: بحبه، عندك مانع؟
نبيل: بتقولي ايه يا سمسمه؟ بتحبيني انا؟ بقا احلي واحده ف الحاره كلها بتحبني انا؟ مش مصدق نفسي
سمسمه: اه بحبك ودايبه ف هواك
سالم بغضب: اخرسي يا بت بدل ما اقطعلك لسانك، ياله غوري علي فوق، وعلي الله اشوفك ف الشارع تاني
وانته يا حج اتكل علي الله روح بيتكم احسنلك، البت ديه بتلعب بيك
ليتركه نبيل ويذهب الي دكانه وهو يفكر في كلام سمسمه
نبيل: معقول انا لسه شباب؟ معقوله في حد بيحبني؟ اكيد اسماء شايفه حاجه محدش شايفها… حتى مراتي كل همها ف الدنيا هات هات، عمرها ماقالتلي كلمه حلوه ولا غازلتني… انا كبرت ف السن وعارف ده، بس الراجل مننا بيحتاج يسمع كلمه حلوه من مراته، بيحب دائما أنها تفخم فيه… لكن انا مراتي دائما هات هات، لكن سمسمه سمعتني احلي كلام سمعته ف حياتي
لدرجه اني مش عايز اقفل المحل واروح
اما سمسمه فكانت تفكر في خطتها لتقول
سمسمه: والله لاحرق قلبك يا سالم زي ما حرقت قلبي… الصبر طيب
اما سالم فكان يقف ف الحاره يدخن السجائر، ليقترب منه شندي
شندي: ايه يا عم السجاير ديه كلها؟ صدرك يا أبا سالم
سالم: سيبني ف حالي وحياه امك
شندي: مالك بس يا صاحبي؟
سالم: الست اسماء قال ايه؟ بتحب نبيل الصائغ… وقالتلي كده ف وشي
شندي: يا عم كبر دماغك، انته مش خطبت؟ فكك منها ديه بت وش فقر
سالم: بحبها يا جدع… ديه حب عمري كله
شندي: خلاص يا اخويا اتجوزها واشحتو سوا، ولا اقولك ابقا اشتغل معاها ف الكوافير وانتف وشوش الحريم… يا عن بلا فقر، ده انته طاقة القدر اتفتحتلك، ده انا لو منك ارقص عشره بلدي
سالم: يا عم اتنيل علي ايه؟
شندي: علي العز والنعيم اللي هتعيش فيه
سالم: طاب غور بقا، أنا طالع اتخمد
شندي: ربنا يهديك
ليتركه سالم ويصعد الي شقته ليجد والده يشاهد التلفاز
سالم: انته صاحي يا أبا؟
سلام: اه يا ابني تعالي اقعد معايا شويه
سالم: هعمل شاي تشرب معايا؟
سلام: ماشي نشرب شاي ونقعد نحكي مع بعض، وحشني الكلام معاك
سالم: والله ما ليا نفس لاءي حاجه
سلام: عشان حوار رسميه وسماسم يعني؟
سالم: انته عرفت؟
سلام: اه عرفت، وزعلان عليك اوي
سالم: ليه يعني؟
سلام: عشان هتضيع احلي حاجه ف حياتك وتمشي ورا كلام امك وتضحي بحبك، صدقني يا ابني هتعيش طول عمرك ندمان ف مش هينفع فيه الندم
سالم: هو انته ليه يا أبا علي طول قاعد لوحدك؟ وعمري ماشوفتك انته وامي بتتكلمو ولا حتي بتتفرجو علي التلفزيون مع بعض، حتي كل واحد منكم بينام ف اوضه
سلام: عشان امك ديه غلطه عمري كله، ولما حبيت اصلح غلطتي كانت امك حملت فيك، فقولت حرام العيل اللي جاي يتشرد ويتربي بين اب وام مطلقين
سالم: مش فاهم
سلام: هفهمك انا يا ابني… ف شبابي كت سباك مشهور اوي وصنايعي تمام، الكل ببحلف بشغلي، وف يوم جدك الله يرحمه بعتلي عشان اصلحله السباكه، وروحت وهناك شوفت بنته اللي قلبي دق اوا ما عيني وقعت عليها، كانت ملاك ماشي علي الارض، وبقيت كل يوم والتاني اتلكك عشان اشوفها واروح ابوظ السباكه عشان يبعتولي تاني، وفضلت رايح جاي وبقيت اتكلم معاها، وقولت لازم اخطبها، وانا كده كده جاهز من مجاميعه وعندي بيت ملكي، وعشان اهلي كلهم الله يرحمهم ويغفر لهم، ومن غباءي نسيت اساءلها علي اسمها، ورحت لجدك قولتله انا طالب ايد بنتك، الراجل رحب وقرينا الفاتحه واتفقنا علي الشبكه وكتب الكتاب بعد اسبوع، وعدي الاسبوع وكتبنا الكتاب، وجدك قالي مش لازم نعمل فرح، العروسه تلبس فستانها ونعمل زفه بسيطه وتطلعو علي بيتكم، وعملنا كده، وعلي ايامنا كانو بيغطو وش العروسه ببيشه، وليله الدخله العريس يرفع البيشه، وانا برفع البيشه شوفت امك، قولت ايه ده؟ مش هيا ديه اللي انا خطبتها، دول ضحكو عليا، وروحت لجدك واتخاتقت معاه، قامت جدتك ركعت قدامي وقعدت تبكي: حرام عليك يا ابني هتفضحنا ابوس رجلك، وجدك كمان قعد يتحايل عليا، صعبو عليا وقولتلهم خلاص هرضي بنصيبي، وفعلا رضيت وعيشت مع امك ست سليطه اللسان معندهاش اي نوع من الحنيه، وحرمت اختها أنها تزورنا، وقاطعت ابوها وامها لغيت ما ماتو غضبانين عليها، بس كرم ربنا كبير، خالتك رشا اتجوزت وسافرت مع جوزها، وانا اسحملت كل حاجه منها عشانك يا ابني، ورضيت اعيش خيال ماءته، راجل ملوش اي لازمه، اكل اللي يتحطلي وانا ساكت، حتي شغلي امك خدت المحل وباعت العده، وكمان انا تعبت سكر وضغط منها ومبقيتش قادر علي الشغل
سالم: كل ده شايله ف قلبك يا ابا؟
سلام: ولسه يا ابني باقي الحكايه… اصل خالتك بعد ما اتجوزت وسافرت مع عريسها رجعت بعديها بكام سنه وجات زياره عندنا، وكانت جايبه هدايا وحاجات حلوه كتير وكانت حامل، قامت امك عاملاها حاجه شربتها، وبعد ماروحت بيتها تعبت اوي وراحت المشتشفي وسقطت وتعبت اوي، بس بعد كده ربنا كرمها، بس كانت عرفت أن امك كانت قاصده تطلقها، ومن ساعتها منعرفش عنها حاجه، اصل امك ديه طول عمرها وش اذي… صدقني يا ابني حافظ علي اسماء، البت جدعه وبتحبك
سالم: ايوه يا أبا عارف… بس فقير هيتجوز فقيره يخلفو شحاتين، وانا من حقي اعيش حياتي
سلام: خلاص سيبها تعيش حياتها وتجوز هيا كمان
سالم بغضب: نعم؟ تجوزه؟ انا كت اقتلها! سمسمه ديه بتاعتي انا وبس
سلام: يعني انته عايز تعيش حياتك وهيا لاء؟ مش حرام عليك؟
سالم: هو كده، سمسمه بتاعتي لوحدي، واي حد هيقربلها يستحمل اللي يجراله
سلام: طاب رايح فين؟
سالم: رايح اتخمد… ماشي يا ست سمسمه، طالعلك صبح
رواية المجنونه والحلانجي الفصل السادس 6 - بقلم سلوي عوض
وها هو الليل قد مر علي الجميع، فمنهم من نام خالي البال ومنهم من لم ينم وقضي ليلته في التفكير.
لنجد أن سمسمه قد نزلت الي كوافيرها لتفتحه، لتجد سالم يقف أمامها.
سالم: استني ارفعلك الباب
سمسمه: لاء شكرا، مش عايزين، انا هفتحه
سالم: يابت اسمعي الكلام
سمسمه: مقولنا شكرا، هيا رخامه وخلاص
سالم: ماشي، بس مسيرك تعرفي انك عمرك مهتكوني لحد غيري
سمسمه: طاب وسع من قدام المحل، اصل ده كوافير حريمي، وله ليك شوق اقصلك شعرك؟
سالم بعصبيه: يا بت همد ايدي عليكي
سمسمه: طاب مدها كده وانا اقطعهالك، هيا سايبه ولا ايه؟
سالم: انا ماشي احسن
سمسمه: ايوه كده شاطر
وهنا تدخل عليها زبونه من خارج الحي، الزبونه واسمها صافي.
صافي: كويس اني لقيت كوافير فاتح، من فضلك ممكن بس تعمليلي شعري؟ اصلي اتاءخرت علي الشغل والكوافير بتاعي لسه قافل
سمسمه: اتفضلي
صافي: ميرسي خالص
لتبدء سمسمه في كي شعر صافي.
صافي: انتي ايدك خفيفه اوي
سمسمه: تسلمي، عايزه شعرك ليس ولا بلح؟
لتضحك صافي.
صافي: هو لسه في حد بيقول بلح؟ اسمه كيرلي، بس علي العموم عايزاه ليس
سمسمه: من عنيا حاضر
وبعد أن انتهت سمسمه من كي شعر صافي.
صافي: ميرسي ليكي اوي
ثم تبحث صافي في حقيبه يدها عن المال.
صافي: اوبا! ده انا نسيت الفلوس ف البيت
سمسمه: ولا يهمك، روحي شغلك عشان متتاءخريش، وابقي عديهم عليا ف اي وقت
صافي: طاب بصي هاتي رقم الكاش بتاعك احولك عليه
لتضحك سمسمه.
سمسمه: وغلاوتك ما عندي محفظه، روحي بس شغلك وانا يا ستي مسمحاكي، ياله بقا
صافي: مش عارفه اقولك ايه، بس ميرسي اوي
لتتركها صافي وتذهب.
سمسمه: ياله ادي اول زبونه طلعت معهاش فلوس… مش مهم كله في ميزان حسناتك يا سماسم، اروح اجيب كوبايه شاي بحليب وقرصايه افطر ويحلها الحلال
وهيا خارجه من الكوافير تجد أن والدتها كانت ذاهبه إليها.
سمسمه: خير يا اما؟ في حاجه؟
نحمده: لاء يا قلب امك، انا قولت بس اجي افطر معاكي، اصل عربيه الزرع لسه ماجاتش
سمسمه: انا كويسه وبخير يا اما، متخافيش عليا
نحمده: اه ما انا عارفه
سمسمه: ياله روحي علي فرشتك وانا هجيب الفطار واجي افطر معاكي
نحمده: انتي شايفه كده؟ طيب
سمسمه: بتك ميتخافش عليها يا نونه، انا تربيت ايدك، ياما دقت علي راسنا طبول
نحمده: بقولك ايه، هو فاضل اد ايه علي عيد الضحيه؟
سمسمه: اربع ايام
نحمده: كل سنه وانتي طيبه ياقلب امك
سمسمه: من بكره بقا وجع القلب يشتغل، البنات والستات عايزني حاوي، سمسمه شعري بيقع، سمسمه اصبغيلي واكويلي، وف الاخر الواحده تطلع عشين جنيه كاءنها بتضحي
لتضحك نحمده.
نحمده: فكرتيني، عايزين نشتري اتنين كيلو لحمه علي نص كده، كبده وكمان ابدء اخبز رقاق لاهل الحاره، اهي نوايه تسند الزير
سمسمه: ندرا عليا يا اما لاقعدك ف بيتك واستتك، والسنه الجايه إنشاءالله اطلعك الحج
نحمده: الهي يديكي ويراضيكي ويسترك ويسعدك ويوسع عليكي يا اسماء يا بت بطني، خدي من قلبي وسري
وهنا تذهب سمسمه الي السيده نبيهه باءعه الشاي.
سمسمه: صباح الخير اخالتي، عايزين كوبايتين شاي بحليب
نبيهه: بت يا سماسم، انتي يا بت عايشه حياتك يا اختي لا همك
سمسمه: ايوه اعيش حياتي، وايه اللي حصل يعني؟
نبيهه: يا بت عريسك هيتجوز رسميه بت رتيبه
سمسمه: يا اختي مع السلامه، والقلب داعيله، ده يغور من وش أمه
نبيهه: يا بت ده انتو حكايتكو الحاره كلها عارفاها
سمسمه: لاء بقا مخلاص
نبيهه: ربنا يهدي سرك يا سمسمه يا بت
نحمده: سمسمه شوفتي بقا؟ اديكي عطلتيني، ودول يومين عيد، انجزي بقا
نبيهه: روحي علي محلك وانا هجيب ابو حليب واجيلك
لتتركها سمسمه وتذهب الي كوافيرها، لتجد أن عبير وسعاد تقفان ف انتظارها.
عبير: ايه يا سمسمه؟ كتي فين وسايبه المحل؟
سمسمه: كت بجيب شاي
سعاد: طاب ياله يا اختي اتاءخرنا
سمسمه: هتعملو ايه؟
سعاد: هقص شعري واكويه
عبير: وانا شرحه
سمسمه: طاب هنبدء بمين الاول؟
عبير: انا طبعا، انا الكبيره
سمسمه: بس خلو بالكم الاسعار غليت عشان العيد، كل سنه وانتو طيبين
عبير: هو انتي كل عيد تغلي؟
سمسمه: كل حاجه بتغلي، اشمعنه انا؟
عبير: طاب اشتغلي يا اختي، الا قوليلي صحيح؟
سمسمه: اه، سيبنا بعض وهو هيجوز رسميه بت رتيبه، حاجه تاني؟
عبير: خساره يا بت، الواد بيحبك وانتي بتحبيه
سمسمه: مخلاص بقا، انقلو علي محطه تانيه عليها فيلم حلو
لتضحك عبير: والله انتي بت مشكله ولا ف دماغك الدنيا بحالها يا سمسمه
سمسمه: مخلاص بقا المهم انتو مافيش عريس كده ولا كده؟
عبير: حتي لو جيه العريس ما انتي عارفه جوز امي بيرفض اي عريس يجيلنا بيقول معهوش فلوس يجهزنا وكفايه عليه مصاريف الجامعه
سمسمه: ايه الهبل ده؟ ده انتو ابوكم الله يرحمه سايبلكم شيء وشويات
سعاد: تقولي ايه بقا؟ امي سايبه كل حاجه ف ايده وهو بيسمم بدنا بكل جنيه يدهولنا، عارفه يا سمسمه نفسي بعد منتخرج انا واختي نروح نعيش لوحدنا ونشتغل ونصرف علي نفسنا
سمسمه: وتسيبو امكم؟
عبير: امنا بتبهدلنا عشانه ومشغلانا خدامين ليه؟
سمسمه: طاب بس بس وجعتو قلبي، كت ناقصاكو انا، صحيح يا ولاد محدش خالي من الهم حتي قلوب المراكب
وبعد أن انتهت سمسمه من كي شعر عبير وسعاد:
سعاد: عايزه كام يا سماسيمو بس خليكي حنينه علينا، اخواتك طالبات غلبانات
لتضحك سمسمه: المره ديه علي حساب صاحب المحل
عبير: لاء طبعا مينفعش
سمسمه: ورحمه جوز امكو ينفع، ياله بقا عشان منتاءخروش علي الجامعه
رواية المجنونه والحلانجي الفصل السابع 7 - بقلم سلوي عوض
وبعد يومين ها هي وقفة عيد الأضحى المبارك، الساعة الآن السادسة صباحًا، وهاتف اسماء لم يتوقف عن الرنين.
لتستيقظ اسماء من نومها.
اسماء: ايه الرن ده كله؟ هي الساعة كام؟ ايه ده! ديه ستة الصبح، ده مين اللي صاحي دلوقتي؟ أما اشوف مين... ايه ده ديه البت عفاف.
اسماء: الله يخربيتك، عايزة ايه على الصبح كده؟
عفاف: كل سنة وانتي طيبة، نسوان الحارة كلهم واقفين قدام المحل، ياله اخلصي.
اسماء: يا خبر! ده النهارده الوقفة. اقفلي، هشطف وأنزل.
عفاف: متتأخريش.
وبعد أن انتهت سمسمه من ارتداء ملابسها، ها هي تنزل إلى كوافيرها.
اسماء: ايه ده؟ في ايه؟ انتو قاعدين كده ليه؟
النساء: جايين نشاهد جمالك يا اختي، اخلصي افتحي، عايزين نخلص عشان نروح نعمل الفطار، صايمين يا اختي.
سمسمه: طيب بالصلاة على النبي كده، مين هتصبغ فيكم عشان اشتري حاجة الصبغة؟
النساء جميعًا: كلنا هنصبغ شعرنا زي عفاف.
سمسمه: زي عفاف؟ عيوني. خدي يا عفاف افتحي انتي ووضبي المحل على ما أروح اشتري الصبغة.
عفاف: وانا مالي؟ هتشغليني عندك؟
اسماء: براحتك، كنت هخليكي تساعديني وبعد كده أعملك حتة ماسك يخلي وشك ينور.
عفاف: واكويلي شعري كمان.
اسماء: ماشي، هطير انا اشتري الصبغة.
وهنا تدخل عليهم رسميه.
رسميه: انا عايزة اعمل شعني.
عفاف: ني.
اسماء: حاضر بس بعد ما اخلص.
رسميه: يا سنام انتي هتخليني آخر واحدة؟
عفاف: بت انتي جاية آخر واحدة.
رسميه: ايوه انا عانفه انكو متكدين مني.
عفاف: اه متكدين منك ومن كدشك، غوري بقا.
اسماء: بس يا عفاف، حاضر يا رسميه، هتعملي ايه؟
رسميه: انا عايزة شعني زي الزفتة ديه.
اسماء: من عيوني، بس اخلص دول الأول.
رسميه: يعني هتعمنيني شعني؟
اسماء: معملكيش ليه؟
رسميه: يعني مش زعنانه عشان خطيبك سابك وخطبني؟
اسماء: لا ازعل ليه؟ يروح كلب وييجي مكانه أسد. عن اذنك بقا هروح اشتري شوية حاجات.
رسميه: ده سانم أسد وناجل وسيد النجالة.
عفاف: ده نطع وسيد الانطاع.
اسماء: بس يا عفاف، متغلطيش في حد، الله يسهله.
لتتركهم سمسمه وتذهب الي الصبانه.
سمسمه: كويس انك فاتح، هاتلي كيلو اريال من السايب ومعاه طابونه كاميه.
بائع الصابون: اه تنظيفه العيد بقا، كل سنه وانتي طيبه.
سمسمه: وانته طيب، وهاتلي لفه ورق فويل، هحاسبك بليل سلاموز.
لتتركه اسماء وتذهب الي الصيدليه.
سمسمه: عايزه عشر علب مايه اكسجين، وخمسه كريم اكسجين، وخمس علب فازلين كبار، وهحاسبك بليل.
وبعد أن اشترت اسماء كل ما تحتاجه صعدت الي شقتها.
سمسمه: اعجن الحاجه هنا عشان محدش يعرف سر الصنعه، الحاره كلها هتبقا ماءكشنه شريره انا.
لتضحك وتنزل الي كوافيرها.
سمسمه: ياله اللي هتصبغ تفك شعرها خلينا نخلص.
السيدات: مقولنا كلنا.
لتضع لهم الأكسجين واحده تلو الأخري، ثم تضع لهن ورق الفويل وأكياس سوداء.
سمسمه: اللي هتعمل وش وحواجب تيجي هنا
وهنا تدخل عليهم السيده فوز زوجه المعلم شفيق والد عبير وسعاد.
فوز: بت يا اسماء انا عايزه اظبط حالي وتعمليلي شعري قبل الحريم دول كلهم، اه انا هدفع الطاق طاقين. عايزه شعري لونه اصفر ف احمر، وتصبغيلي حواجبي اصفر، عايزه اطلع من هنا بنور.
ثم تدس يدها في صدرها لتخرج رزمه من المال حوالي الفين جنيه.
فوز: خدي يا اسماء.
سمسمه: بقولك ايه يا خالتي، هتستني دورك امين، مش هتستني الباب يفوت جمل.
فوز: كده يعني، طاب المحل ده هيطربق علي دماغك النهارده.
السيدات: خلاص يا اسماء اعمليها واحنا هنستني.
فوز: جدعان هاه يا ست اسماء.
سمسمه: اقعدي علي الكرسي، ولعلمك انا ما خوفتش منك، ده عشان بس ليله عيد.
فوز: طاب ياله شهلي لسه ورايا حاجات هشتريها
سمسمه: بقولك ايه مش عايزين صداع انا صايمه وراسي وجعاني
فوز: افطري يا اختي ومتوجعيش راسي
سمسمه: يا ستي انتي مالك افطر ولا اصوم ده انتي غريبه اوي
لتبدء سمسمه في وضع الصبغه علي شعر فوز.
فوز: إف إيه ده ريحه الاكششين عاليه اوي وفروه راسي وجعتني
سمسمه: عشان الصبغه تحوء ف شعرك وبعدين انتي ليكي النتيجه
فوز: علي الله شعري يجراله حاجه
سمسمه: انط ف كرشك
اسماء: مش عاجبك روحي اعملي برا
فوز: اخلصي يا حلوه
اسماء: اللهم طولك ياروح اقعدي ساكته خليني اعرف اخلصك
عفاف: شغلي التلفزيون خلينا نشوف الحجاج ربنا يكتبهالنا
الجميع: امين
لتشعل عفاف التلفاز.
لبيك اللهم لبيك لبيك اللهم لبيك لبيك اللهم لبيك لبيك لا شريك لك لبيك ان الحمد والنعمه لك والملك لا شريك لك لبيك لبيك اللهم لبيك لبيك اللهم لبيك
اسماء: الله يا بختهم يارب اكون من زوار بيتك الحرام وارزقنا يارب حجه أن وكل مين ال
الجميع: امين
اسماء: ادعو ربنا الوقت ده مستحب فيه الدعاء اوي
وتمر الساعات واسماء منهمكه في عملها.
اسماء: بقولكم ايه المغرب هيدن وانا صايمه اكلي لقمه وارتاح شويه وبعدين نكمل، ايه ده مستنين العيد عشان تنضفو ايدي وجعتني منكم لله
هنا تدخل عليهم السيده ام حسين الفرارجيه لتجلس علي الكرسي المخصص لكي الشعر.
ام حسين: امال فين اسماء؟
عفاف: أصلها صايمه وراحت تفطر.
ام حسين: طيب اتصلي عليها انا مش فاضيه.
لتتحدث معها سيده من أهل الحاره تدعي امنه.
امنه: جري ايه يا زينات انتي لسه جايه وعايزه تعملي قبلنا؟
ام حسين: جري ايه يا امنه وانتي مالك؟
سيده اخري تدعي نعيمه: معلش يا امنه اعذريها أصلها عايزه تتذوق عشان تعجب الننوس، الا قوليلي يا زينات اسم النبي حارسه جوزك رياض عامل ايه؟ لسه بتديله المصروف ولا خلاص فطمتيه؟
زينات: جري ايه يا وليه منك ليها متكادين مني طبعا عشان عايشه حياتي وشبابي، جاتكم القرف نسوان شلت.
وهنا تدخل عليهم اسماء.
اسماء: اهلا ام حسين انتي جيتي؟
زينات: مالك يابت في ايه؟
اسماء: من اولها اهو، تقولي هتعملي ايه ومن اول مره، اه احنا ف ايام مفترجه يعني، تقوليلي عيدي علي شعري تاني اصلي حواجبي فيها شعرايه زياده، معرفكيش.
زينات: طاب ياله اشتغلي.
سمسمه: بس الستات قاعدين من صباحيه ربنا.
زينات: ميقعدو، ياله يا حلوه اشتغلي.
سمسمه: امري لله.
سمسمه: شغلي يا عفاف.
ياليه العيد انستينا وجددتي الامل فينا ياليله العيد.
وبعد ساعتان ها هي سمسمه قد انتهت من عملها لتذهب الي منزلها لتجد سالم يقف امام المنزل.
سمسمه: يا امي هما بيطلعو أمته دول؟
سالم: وحشتيني.
سمسمه: وحش اما يلهفك، وسع خليني اطلع.
سالم: يابت بلي ريقي بكلمه.
اسماء: خلي خطيبتك هيا اللي تبل ريقك.
سالم: يابت انتي اللي ف القلب، انتي العشق يا بت.
سمسمه: اللهم طولك ياروح، وسع بقا.
سالم: طاب اضحك ف وشي حتي يا جميل.
سمسمه: انته عايز ايه؟
سالم: الصراحه عايزه الفايه، انتي عارفه العيد بكره وانا قشفور.
اسماء: اه قول كده، مكانش يتعز، مافيش ووسع بقا.
لتصعد اسماء الي شقتها لتبدء في توضيب الشقه.
وهنا تسمع صوت طرق علي الباب لتفتح اسماء.
اسماء: ايه ده؟ عنتر صبي دكان الصاءغ.
نبيل
عنتر : عم نبيل باعتلك الخروف ده وبيقولك كل سنه وانتي طيبه، النبي قبل الهديه
يتبع
رواية المجنونه والحلانجي الفصل الثامن 8 - بقلم سلوي عوض
سمسمه: والهديه ديه بمناسبة ايه؟
عنتر: معرفش ابقي اساءليه، اه صحيح بيقولك هيبعتلك الجزار بعد صلاه العيد، كل سنه وانتي طيبه.
سمسمه: وانته طيب وبخير، اطلع علي السطح اربطه بقا وتعالي خدله مايه حرام روح برده.
عنتر: انا جايب اكله معايا.
سمسمه: هتاءكله بطاطا؟
عنتر: اه عشان لحمه يبقا مسكر.
سمسمه: ماشي يا اخويا منك نستفيد.
لتغلق سمسمه الباب خلف عنتر ليرن هاتفها.
سمسمه: الو مين؟
نبيل: انا نبيل يا ست الحته.
سمسمه: اهلا ازيك اخبارك ايه؟
نبيل: لا عارف انام ولا اكل ولا اشرب من وقت مقولتيلي انك معجبه بيا.
سمسمه: بقولك ايه انا صايمه نتكلم بعد الفطار، وشكرا علي الخروف.
نبيل: طاب عدي عليا ضروري بعد الفطار ف المحل.
اسماء: هو في حاجه؟
نبيل: كل خير بس عدي انتي يا ست الحته.
سمسمه: حاضر سلام.
اسماء: الراجل اتهبل.
وبعد ساعه من الترويق ف المنزل تسمع اسماء صوت طرق علي الباب.
اسماء: ميت تاني.
لتفتح الباب لتجد عنتر أمامها حاملا صينيه كبيره مغطاه.
اسماء: هو انا موراييش غيرك النهارده؟
عنتر: انا مالي عم نبيل باعتلك صنيه الفطار وبيقولك الف هنا وشفا.
اسماء: ابن حلال والله كت محتاره نفطر ايه، ابقا تعالي كل يوم.
عنتر: طاب ايه؟
اسماء: ايه ايه؟
عنتر: العيديه.
اسماء: ابقا تعالي الكوافير اعملك شعرك.
عنتر: لاء بس لو عايزه تخدميني هبعتلك الوليه مراتي تروقي عليها.
أسماء: من عيوني حاضر ابعتهالي كمان ساعتين.
عنتر: روحي ربنا يكرمك بس خلي بالك الوليه الشق ف رجليها يدخل تعبان لمؤاخذه.
اسماء: ابعتها بس وملكش دعوه، بس بقولك ايه اختك الرخمه ديه متجيش معاها، واطرق بقا عشان المغرب قرب.
عنتر: سلام.
اسماء: هو ماله نبيل ده فطار وخروف وعايزني اروحله بعد الفطار.
وهنا تدخل عليها والدتها.
نحمده: السلام عليكم.
اسماء: وعليكم السلام.
نحمده: تعبت اوي النهارده هحمر بطاطس وجبنه قريش بطماطم ونفطر والحمد لله علي كده.
اسماء: بطاطس ايه يا نونه شوفي واتفرجي علي الصنيه ديه.
نحمده: الله الله ايه الجمال ده بط ومحشي وحمام منين جالك؟
اسماء: ده فطار هديه.
نحمده: مين اللي باعته؟
اسماء: خطيبي.
نحمده: سالم الصايع الفاشل؟ انتي رجعتيله تاني يا بت الموكوسه تستاهلي يديكي بالجزمه.
اسماء: بس بس حيلك، سالم ايه هو سالم لاقي ياكل؟ ده نبيل الصايغ خطيبي الجديد.
نحمده: انتي اتجننتي ده اد ابوكي ومتجوز ومخلف.
اسماء: وايه يعني الراجل يحلله اربعه.
نحمده: يا بتي مراته لسانها طويل احنا مش ادها.
اسماء: انا بعون الله اد اي حد.
نحمده: انتي حره بس مترجعيش تعيطي علي سالم، بحبه يا اما.
اسماء: حبته حيه واتلفع بيها.
اما سالم فكان يجلس في منزله مع والده لتدخل عليهم الباتعه.
سالم: ايه يا اما معملتيش اكل ليه؟ الواحد جعان.
باتعه: ليه يا اخويا اياكش تكون صايم ولا حاجه؟ اصبر علي رزقك.
ليسمعو صوت طرق علي الباب.
باتعه: افتح الباب الاكل وصل.
ليفتح سالم الباب ليجد عنتر أمامه حاملا صينيه عليها خيرات الله.
سالم: قشطه هات يا عنترا الواحد قلبه وقع من الجوع.
عنتر: ديه الصنيه ديه متوصي عليها بالقوي، الست رتيبه بنفسها وصتني عليها.
سالم: طاب اسحب من هنا بدال ما انته راشق عينك ف الصينيه.
عنتر: كده بردك كتر خيرك، طاب ديه الست سمسمه روقت عليا وادتني العيديه وانا بوديلها الخروف والصنيه.
ليمسكه سالم من ياقته.
سالم: انته بتقول ايه يا زفت انته؟ خروف ايه ومين اللي باعته؟
عنتر: الله عم نبيل اللي باعته انا مالي انا.
سالم: طاب غور من هنا.
باتعه: متخش يا واد خلينا ناكل لقمه.
سالم: كلي لوحدك انا نازل.
باتعه: رايح فين؟
سالم: جاي جاي.
لينزل سالم الي الشارع قاصدا دكان نبيل الصاءغ.
سالم: جري ايه يا عم نبيل انته مالك ومال اسماء؟ انته عارف انها تخصني.
نبيل: علي حسب علمي انتو سيبتو بعض وانته خطبت بنتي، عايز ايه من سماسم بقا؟
سالم: متنطقش اسمها علي لسانك وخليها تعدي.
نبيل: حاجه متخصكش.
ليتركه سالم ويذهب الي منزل اسماء ثم يصيح باءعلي صوت.
سالم: اسماء بت يا اسماء اعملي حسابك انتي بتاعتي وليا لوحدي ولو فكرتي تتخطبي لغيري هشوهلك وشك ده قسما بالله، يا رب تكوني سمعتي اللهم بلغت اللهم فاشهد، هخليه عيد اسود علي اهلك.
نحمده: الله يخربيتك اخرجي سكتيه.
اسماء: سيبيه يعوي زي الكلب وهيزهق ويمشي.
وهنا تطل باتعه من الشرفه
باتعه: واد يا سالم انته يا ابن المجنونه لم نفسك واطلع كفايه فضايح.
سالم: مش طالع لما اشوف اخرت الهانم، انا قاري فاتحه.
باتعه: متطلعي يا ست هانم.
نحمده: عاجبك كده؟ اخرجي سكتيه هيلم علينا الناس واحنا ف ليله عيد يا بنتي.
لتشعل اسماء التلفاز علي اغنيه "يا ليله العيد انستينا وجددتي الامل فينا".
سالم: بتغظيني يعني؟ ولما اجيبك من شعرك يابت بصيلي وردي عليا احسنلك.
اسماء: هو كده استوي، اخرجله بقا.
لتطل اسماء من الشرفه.
اسماء: خير يا سالم عاملك دوشه ليه؟
سالم: انتي يا بت باءي حق تاخدي خروف من نبيل؟
اسماء: وانته مالك؟ ايه اللي دخلك؟ اما عجايب! الراجل جابلي هديه اقوله لاء؟
سالم: يا بت هطلع ارميكي من فوق.
اسماء: اجري العب بعيد يا بابا، وياله من هنا عايزين ننام.
سالم: طاب انزلي نتكلم.
اسماء: لو ممشيتش من هنا هرش عليك جردل مايه.
سالم: طاب انا واقف وابقي وريني هترشي مايه ازاي عشان اطلع اكسر عضمك.
اسماء: هوريك.
وهنا تتصل عفاف علي اسماء.
عفاف: هو الواد عامل دوشه ليه كده؟ الحاره كلها بتتفرج عليكم.
اسماء: اطلبي الشرطه.
عفاف: انتي عايزاه يقتلني؟
اسماء: عريسك عندك؟
عفاف: اه.
اسماء: خليه هو اللي يطلب الشرطه وده خليجي يعني هييجو هوا.
عفاف: الله يخربيتك الجوازه هتبوظ.
اسماء: هعملك فيلر في شفايفك زي الممثلين.
عفاف: هخليه يطلبها هو سلام.
وبالفعل تتصل عفاف بالشرطه وخطيبها نواف يتحدث مع ظابط الشرطه
الظابط: تمام حضرتك ضيف ف بلدنا واحنا اسفين علي الازعاج، القوه هتتحرك حالا.
وبالفعل تتحرك قوه من القسم للقبض علي سالم
سالم: اوعو سيبوني انا معملتش حاجه.
اسماء من فوق: هبقا اجيبلك عيش وحلاوه عيد سعيد.
سالم: بين الجدران اه يا بت صبرك عليا لما اخرجلك.
اسماء: لما لما لما، انا اصلي بحب اللمه.
وهنا تصرخ باتعه: ابني ضنايا واخدينه علي فين! الله يقطع اسماء واللي جابوها.
سلام: انته يا راجل الحكومه خدت الواد، قوم بدل ما انته نايملي كده وملكش لازمه.
سلام: ايه خدو سالم ليه؟
باتعه: عشان عامل دوشه تحت بيت اللي الهي تولع متلاقي حد يطفيها.
سلام: هاتي فلوس طيب عشان اءقومله محامي.
باتعه: فلوس اجيبلك منين فلوس؟ ده انا حتي مديونه للتجار بحق بضاعه العيد.
سلام: يا وليه حرام عليكي ده انتي مقشطانا اول باول، غير شغلك ده انتي بتبيعي الحاجه الطاق عشره والناس غلابه بيشترو غصب عنهم.
باتعه: الله اكبر ف عينك راجل عينه صفرا، خمسه ف وشك. اصبر انا هتصرف.
وهنا تتصل باتعه علي رتيبه وهيا تمثل البكاء.
رتيبه: مالك يا اختي؟
باتعه: الحكومه يا اختي خدت سالم ابني وأبوه عايز ياخدله محامي ويروحله بس زي ما انتي عارفه الدنيا، الفلوس اللي كانت معايا كلها جيبت بيها بضاعه غير اني مديونه للتجار وأهل الحاره مطلعين عيني علي الأقساط وبكره العيد ومش عارفه اعمل ايه.
رتيبه: يا نصيبتي الحكومه خدت سالم؟
رسميه: يالهوي يا اما خدو عنييسي منيش دعوه سانم لازم بخنج.
رتيبه: اخرسي شويه، بقولك ايه يا ام سالم فوتي عليا هديكي عشرين ألف للمحامي ولو عايز اكتر انا تحت أمره بس عربس بتي يخرج.
باتعه: هما خدوه ليه صحيح؟
رتيبه: ابدا يا اختي كان فيه خناقه وهو بيفضها قامو واخدينه.
رتيبه: طيب ياله بسرعه تعالي.
باتعه: هوا يا اختي.
لتغلق باتعه الهاتف مع رتيبه.
باتعه: اسمع يا راجل أنته هديك الفين جنيه وتروح تجيبله سمعان المحامي.
سلام: يخربيتك ده كاتب محامي وحمار كمان.
باتعه: لاء يا اخويا ده بيفهم احسن من ايتها محامي فيكي يا بلد.
سلام: وبعدين انا سامع رتيبه بتقولك هتبعتلك عشرين ألف جنيه للمحامي.
باتعه: انته تاخد الفلوس وتغور ومش عايزه اسمع حسك.
ليأخذ سلام الألفين جنيه ويذهب الي سمعان كاتب المحامي.
سمعان: بعون الله هيخرج، امال ايه احنا بنلعب ولا ايه.
سعفان عبد الحفيظ: انا سمعان عبد الحفيظ، لو الدنيا فيها عدل كان زماني اشهر محامي. ده انا اللي بكتب المرافعات وبجهز كل حاجه.
سلام: مش وقته ياله بينا.
وبالفعل يذهبوا إلى قسم الشرطة ليدخلوا على الظابط النوبتشي.
وهنا يخرج سمعان من حقيبته سندوتش طعمية.
الظابط: خير؟
سمعان وهو بيأكل: حضرتك بأي حق تحبسوا موكلي؟
سلام: ابنه اسمه ايه؟
سلام: يخربيتك اسمه سالم.
سمعان وفمه مليان: موكلي بريء براءة الذئب من دم ابن يعقوب.
الظابط: طب ابلع الاكل الأول.
سمعان: لمؤاخذه، انا جعان ومكلتش، ممكن كوبايه شاي ابلع بيها؟
الظابط: اه عنينا، كوبايه شاي يا ابني.
ليجلسوا.
سلام: ابوس ايدك يا حضرة الظابط ابني مجروح، خطيبته سابته بعد حب سنين عشان كده قعد يزعق بينفس عن نفسه.
سمعان: هو مقتلهاش، هو دخل لقاها مقتوله.
سلام: يخربيتك البت زي القرده مفيهاش حاجه.
الظابط: المحامي بتاعك هيلبس ابنك.
سلام: اخرس انت، ده نصيبه سودا.
الظابط: انا هخرجه عشانك يا حج، بس دي اول واخر مره، لو عمل أي إزعاج تاني هتبقى قضيه.
سمعان: يخرج ازاي؟ انا لسه مترافعتش!
سلام: اكتم انت.
الظابط: هات سالم يا ابني.
ليخرج سالم من الحجز.
سالم: ايه يا أبا، انت مسترخص وجايبلي الراجل النص كم ده؟
سلام: حمدالله على السلامه يا ابني. اعمل ايه امك ربنا ينتقم منها.
سمعان: حمدالله على السلامه، خروجك طبعا بفضلي انا جهبذ الجهابذه الاستاذ سمعان عبدالحفيظ.
سالم: غور يا راجل انت من قدامي بدل ما اتحبس فيك بجد.
سمعان: عالم ميتطمرش فيها
يتبع
رواية المجنونه والحلانجي الفصل التاسع 9 - بقلم سلوي عوض
سمعان: الف مبروك خروج ابنك، احنا كنا متفقين علي بالكوين.
سلام: اه يا استاذ اتفضل اهم.
سالم: استني يا أبا، عايز ايه يابتاع انته؟
وكان سمعان رجلًا قصيرًا جدًا فكان يحاول أن يصل إلى طول سالم.
سمعان: جري ايه يا سالم؟ هو انا مش خرجتك من الحجز؟ تبقا الفلوس من حقي.
سالم: دقيقه ومشوفكش قدامي يا بتاع انته، احسن وربنا هديك قلم اسخطك اكتر ما انته مسخوط.
سمعان: ربنا علي المفتري، انا ماشي.
سالم: هات يا أبا الفلوس ديه.
سلام: تعالي يا ابني اطلع معايا عشان تتشطف وتغير، صلاه العيد فاضلها ساعتين.
سالم: اه طيب روح انته وانا جاي وراك، ورايا مشوار بس كده هعمله.
سلام: علي راحتك يا ابني ربنا يهديك.
وهنا تراه رسميه من الشرفه لتنزل جري.
رسميه: سانم حبيبي وحشتني اوي، انته عانف امي بعتت لامك عشنين الف جنيه عشان تخنجك من الحبس.
سالم: بتقولي ايه؟ عشرين ألف؟
رسميه: اه وحياتك.
سالم: بقولك ايه نزليلي ترابيزه من عندكم، وعارفه سنبل بتاع البلالين والبمب؟
رسميه: اه عانفاه.
سالم: شاطره، روحي بقا اشتريلي منه كام علبه بمب علي كام علبه بلالين علي كام علبه تلج أفراح.
رسميه: اجيبلك من عنده غزن بنات؟
سالم: اه هاتي كل اللي عنده عشان ابيعهم واجيبلك بيهم الدبله.
رسميه: ونيه وجع القنب ده انا اديك حقها.
سالم: لا معلش، بس روحي اعملي اللي قولتلك عليه.
رسميه: هنوح البيت اجيب فنوس واجي عني طون.
سالم: ايوه جدعه يا عروستي.
وهنا يتصل سالم علي شندي.
سالم: فينك يا زفت؟
شندي: ايه يا صاحبي؟
سالم: تعالي يا حلو.
شندي: يا عم انته لسه سهران؟ اه يا عم ما انته مناسب الدهب كله.
سالم: ما هو ار امك اللي جايبني ورا.
شندي: ليه يا عم؟
سالم: انا كت محبوس.
شندي: ليه؟ والله ما اعرف ليه.
سالم: انا عارف ابن حرام عملي محضر ازعاج، بس خلاص اخوك سندال خرجت.
شندي: وبعدين؟
سالم: تعالي بس عند البيت في مصلحه هنعملها.
شندي: مصلحه؟ هنط ف الهدوم واجيلك.
وبعد عشر دقائق يحضر شندي ليقول بصوت عالي:
شندي: كفاره يا ابو الصحاب، كفاره يا ابو سلام.
ليضربه سالم بالشلوت.
سالم: يخربيت امك فضحتنا.
شندي: بسيطك يا صاحبي.
سالم: لا يا عم انا متسيط جاهز.
وهنا تمر عليهم المعلمه فوز زوجه المعلم شفيق الفران.
فوز: سالخير يا ولاد عاملين ايه؟
شندي: الحمدلله اخالتي، هو انتي متعرفيش أن سالم كان محبوس؟ قوليله كفاره بقا.
فوز: كفاره يا سالم، حبسوك ف ايه؟ الصراحه انته يا سالم مش عاجب حد، قعدت يا ابني ف الشارع ليل نهار ووقفتك علي النواصي.
سالم: اه حاضر يا خالتي ربنا يسهل، وانته يا زفت هتفضحني ف المنطقه؟
شندي: يا عبيط لما يعرفو انك كت محبوس يخافو منك.
وهنا تاءتي رسميه.
رسميه: خد يا حبيبي جبتنلك كل حاجه، أن تؤمن بس يا سنومه.
سالم بصوت عالي: طب ياله علي البيت بقا عشان محدش يعاكسك من الشباب وساعتها دمي يفور وأقطع وشه.
رسميه: بتغين عنيا يا قنبي، حاضن انا منوحه.
لتسمعه سمسمه لتخرج في الشرفه لتجده يقف أمام منزلها.
سالم: ايه واقف قدام بيتنا ومش عامل ازعاج؟
اسماء: يخربيتك خرجت ازاي؟
لتدخل اسماء.
اسماء: اما انا هنام ساعتين وصحيني علي صلاه العيد.
نحمده: حاضر يا بنتي.
وتمر الساعات واسماء تحاول أن تنام ولكن النوم جفاها.
اسماء: اقوم اخد دش والبس الاسدال الجديد واصلي العيد، ياله يا اما عشان صلاه العيد هتبدء.
لتنزل اسماء مع والدتها لتجد أن سالم قد احضر ترابيزه كبيره ووضع عليها بمب وصواريخ وثلج افراح ومسدسات وكوتشينه ليراهن الاطفال عليها.
اسماء: اه يا ابن الحراميه يا نصاب، عايز تضحك علي العيال وتاخد منهم العيديه، طول عمرك حلانجي.
نحمده: ملناش دعوه بيه، حتي كل سنه وانت طيب متقوليهاش؟
اسماء: لاء طبعا أقوله ليه، ياله يا اما.
وهنا يجتمع كل اهل الحاره لأداء صلاه العيد.
عفاف: بت يا اسماء انتي هنا؟ والنسوان واقفين قدام الكوافير.
اسماء: حاره عجيبه، الستات مبتاخدش بالها من نفسها الا ف العيد.
عفاف: غربيه، اما باتعه فين مش باينه؟
لتضحك اسماء.
اسماء: انتي عايزاها تيجي عشان تتحرق؟
لتضحك عفاف.
عفاف: مش انا هدبح عجل خطيبي جابهولي.
اسماء: نفسي اشوف علي العفريت بتاع الفانوس ده اللي بيحققلك كل احلامك.
عفاف: نواف ده حبيبي، هتشوفيه بيصلي مع ابويا.
اسماء: فين ده؟
عفاف: يا بت اللي قاعد جنب ابويا ده.
اسماء: يخربيتك نهارك مش معدي، ده عنده بيجي الف سنه.
عفاف: بس يا بت، امال عايزاني اخيب خيبتك واحب واحد شحات وف الاخر يبيعني عشان جنهين؟
اسماء: ايوه بس ده اكبر من جدك نفسه.
عفاف: وخدت ايه يا اختي من الشباب؟ اهو متلقح جنب الموكوس التاني بيقلبو العيال الغلابه ف العيديه بتاعتهم.
اسماء: اه صح انا كمان جاتلي هديه العيد، خروف إنما ايه شكله حلو اوي ومربوط بفيونكه حمرا.
عفاف: بقا سالم الجربان ده يجيبلك خروف؟
اسماء: انا قولت سالم؟
عفاف: امال مين؟
اسماء: نبيل الصايغ.
عفاف: اوعا امسكي فيه يا بت بايدك وسنانك، ده علي قلبه اد كده.
اسماء: طب وقلبي؟
عفاف: وجع ف قلبك اتنيلي.
ليبدأ الإمام في الصلاه.
الإمام: الله اكبر الله اكبر ولله الحمد، الله اكبر الله اكبر ولله الحمد، الله اكبر كبيرا والحمد لله كثيرا وسبحان الله بكره واصيلا، لا اله الا الله. اللهم صل علي سيدنا محمد وعلى ال سيدنا محمد وعلى اصحاب سيدنا محمد وعلى ازواج سيدنا محمد، لا اله الا الله.
لبيك اللهم لبيك، لبيك لا شريك لك لبيك، ان الحمد والنعمه لك والملك لا شريك لك لبيك.
وبعد أن انتهت صلاه العيد تجمع الاطفال حول سالم.
سالم: بقولكم ايه هلاعبكم لعبه حلوه، بس اتنين اتنين. فين السنيوره؟ فين فين؟ اللي يعرف مكانها هياخد خمسين جندي، ياله يا ولاد.
الطفل شهاب: هيا ديه.
سالم: جدع، خمسين جندي اهم.
شندي: انده علي البضاعه يا أبا.
شندي: عندنا بمب وتلج افراح وصواريخ ومسدسات.
شندي: جعان يا عم خلي امك تنزلنا صنيه فته.
انا بسمع أن ف العيد ده بياكلو فته ولحمه وهيصه يا أبا سالم.
سالم: امي انا تنزل صنيه فته ولحمه؟ جاتك الهم. الو ايوه يا رسومه قلبي، عايزين نفطر انا والولا شندي.
رسميه: حاننا هشوحلكم الكبده بتاعت العجن ولا تاكل بتاعت الخنوف؟
سالم: اي حاجه بس المهم ناكل، جعانين.
رسميه: من عيوني حاضن.
اما اسماء فها هيا ف انتظار الجزار ليذبح لها الاضحيه، وها هو الجزار قد اتي.
الجزار: كل سنه وانتي طيبه يا ابله اسماء.
اسماء: وانته طيب.
الجزار: عم نبيل باعتني ادبحلك الخروف وهو محاسبني وكله تمام.
اسماء: طاب استني اندهلك امي عشان تقف معاك.
الجزار: تمام يا ابله.
اسماء: بس اسمع عايزاك تلطخ البيت كله بالدم، خمس كده ف وش العدو.
الجزار: عيوني يا ابله.
اما رسميه فها هيا قد اتت بصنيه كبيره مملوءة بالكبده والقلب والكلاوي.
سالم: هاتي احسن، الولا شندي كان هياكل العيال.
شندي: جعان يا ابا.
سالم: اطفح واخلص خلينا نشوف شغلنا.
شندي: مكفايه بقا، لمينا فلوس كتير.
سالم: اخرس احنا لسه عملنا حاجه، عيل فقري.
شندي: طب هتديني ٧٥ جنيه اجيب بيهم منطلون؟
سالم: انته غبي يا ابني؟ ده انا كت ناوي اديك ٣٠٠ جنيه يا معفن.
شندي: لا يا عم مليش دعوه، انا عايز ٧٥ جنيه مليش دعوه.
ليصفعه سالم أسفل رءسه ثم يقول له:
سالم: طيب ماشي بس اطفح واخلص.
شندي: ايه يا عم لسه متجوزتش بت الصائغ وبتفتري علينا، امال لما تتجوزها ايه؟ هتدوس علينا؟
سالم: طب وحياه امك ما انته واكل وغور بقا.
ثم ينظر سالم نحو منزل اسماء ليجد الجزار خارجا منه وحاملا شنطه ثقيله.
سالم: ايوه يا سحليه بعتيني بخروف، صبرك عليا.
وبعد أن باع سالم كل بضاعته صعد الي منزله.
سالم: اما فينك؟
باتعه: تتغدي.
سالم: ياريت.
باتعه: عيوني، ده انا عامله فته.
سالم: بتهرجي؟
باتعه: يعني انته مش شامم الريحه؟
سالم: ما انا استغربت، اصل عمرها ما حصلت.
باتعه: اصبر هخش اجيبلك.
وبعد عشر دقائق تخرج عليه باتعه بطبق مغطي.
سالم: اوعا الحلويات.
لتكشف باتعه الطبق.
سالم: يا نهارك مش معدي يا اما، عامله لي فته علي رجول فراخ؟
باتعه: يا ابن العبيطه ديه الرجول ديه كلها فتامين، وبعدين ما كله زفر.
يتبع
رواية المجنونه والحلانجي الفصل العاشر 10 - بقلم سلوي عوض
باتعه: استني استني دا حماك دابح خروفين وعجل
سلام: اه وجابولها لحمه كتير اوي.
سالم: اه صح فين اللحمه؟
باتعه بخبث: اسكت، مش انا جاتلي واحده غلبانه يا عيني وعيالها نفسهم ف حتت لحمه.
سالم: اه وبعدين؟
باتعه: اديتها اللحمه كلها.
سلام: يا وليه يا ضلاليه، ده انتي بعتي اللحمه كلها؟ صحيح وليه كلبه جنيه.
باتعه: بقولك ايه يا سباك الغبره انته لم لسانك، وبعدين صح يا واد انته رتيبه قالتلي انها بعتتلك كبده علي قلب علي كلاوي.
سالم: شندي كلهم الله يحرقه، وانا مشغول مع عيال الحاره ببيع لهم بمب وصواريخ.
باتعه: بقا انته بقا اللي بعت البمب والصواريخ اللي داوشنا بيهم طول النهار؟ طاب طلع اللي معاك.
سالم: ايه يا اما انا واقف ف لجنه؟ حلي عني.
باتعه: هتطلع ولا افتشك؟
سالم: بالذمه انتي ام؟
سلام: والله ولا حصلت ام الخلول حتي.
باتعه: اخرس انته وخش جو.
سلام: طاب اعمليلي كوبايه شاي تسيح الدهون اللي كلتها.
ليضحك هو وسالم.
سالم: هيا الدهون كانت كتير اوي كده يا أبا؟
وهنا يسمعون صوت طرق علي الباب، ليفتح سالم ليجد الطفل شهاب.
سالم: ايه شهاب تعالي.
شهاب: شكرا، بس اصل ابله اسماء باعته كيس اللحمه ده ليكم وبتقولكم كل سنه وانتم طيبين.
باتعه: قولها خالتك باتعه بتقولك وانتي طيبه.
لتاءخذ كيس اللحمه من شهاب، ليغمز سالم بعينيه لاءبيه، ليكتفها سلام ويؤخذ سالم كيس اللحمه.
سالم: اللحمه ديه هنشويها.
باتعه: اوعا كده، اه اه راسي بتلف.
سالم: بطلي حركات يا يا اما، برده هنشويها.
باتعه: اخص عليك امك بتاعت حركات، بس صحيح هيا ام عرقوب ديه جابت اللحمه منين؟
ليسرح سالم: نبيل يا اختي بعتلها خروف تضحي بيه.
لتخطف منه باتعه كيس اللحمه وتجري وتغلق عليهم باب الشقه.
سالم: يا بت الايه يا اما.
سلام: الوليه سرقت اللحمه وانا جعان.
سالم: كل رجول فراخ يا اخويا، مش انته ممسكتهاش كويس.
سلام: وهيا امك ديه حد يقدر عليها؟
اما باتعه فقد ذهبت الي منزل نبيل.
باتعه: رتيبه يا رتيبه.
رسميه: حماتي يا اما.
رتيبه: انزلي هاتيها.
رسميه: حاضن.
لتنزل رسميه.
رسميه: خانتي حبيبتي تعالي.
باتعه وهيا تمثل البكاء: هيا فين امك اللي نايمه علي ودانها؟
رسميه: فوق تعالي.
لتصعد معها باتعه.
رتيبه: تعالي يا اختي، لمؤاخذه يا اختي ايدي مش فاضيه، الله مالك بتعيطي ليه؟
باتعه: بعيط عليكي انتي هنا معكوكه ف الدبايح، الا هما كام دبيحه؟
رتيبه: ما انتي عارفه خروفين وعجل، وبكره هندبح زيهم.
باتعه: يا دي النيله عليا، طاب انا لو قولتلها هتغضب ومش هتجيبلي لحمه، انا مالي ميولوعو، اهم حاجه عندي اللحمه.
رتيبه: مقولتيش زعلانه عليا ليه؟
باتعه بخبث: اصل صعبان عليا تعبك يعني، النسوان المقشفه معيدين وانتي هنا غرقانه ف الدم.
رتيبه: عيد بقا، كل سنه وانتي طيبه.
رسميه: امان ايه الكيس اللي ف ايدك ده يا خانتي؟
باتعه: ده كيلو لحمه اشتريتهولك يا عين خالتك، سالم ابني ادني فلوس وقالي اشتريهولك.
رسميه: يا حلناوه ده انا هببته حضني.
رتيبه: لا والله ابدا، احنا عندنا اللحمه ماليه البيت، اخص عليكي هيا الحكايه مش واحد.
باتعه: واحد يا اختي واحد.
لتتركهم رسميه وتنزل الي مدخل المنزل لتحضر كيسا مملؤا باللحم.
رسميه: خدي ده يا خالتي، وهاتي ده.
باتعه بطمع: اه وماله يا عين خالتك.
رتيبه: اعملي شاي لخالتك.
باتعه: معلش بقا زمان سالم خلص شغل وروح، اروح اغديه.
رتيبه: هو اشتغل؟
باتعه: اه فتح مشروع، بس العمليه لسه علي ادها.
رتيبه: طاب استني.
لتدس يدها في صدرها لتخرج مبلغا من المال.
رتيبه: خدي العشر تلاف جنيه دول، وقوليله عيديتك من حماتك.
لتقبلها باتعه.
باتعه: يا اختي احسن حما ف الدنيا.
اما سمسمه فكانت تجلس في كوافيرها، لتدخل عليها سيده مسنه من حاره مجاوره لهم ومعها زوجه ابنها.
زوجه ابنها: بقولك ايه يا سماسم يا قمر، انتي عايزه اصبغ شعري زي البت عفاف.
اسماء: يخربيتك يا عفاف، هيا بقيت ترند. حاضر يا نوال، وايه تاني؟
نوال: وتعمليلي ماسكات زيها، ديه البت بقت بتنور ف الضلمه.
اسماء: بس ده غالي اوي.
نوال: عيوني ليكي يا قمر.
حماتها: بقولك ايه سيبك منها، اعمليلي انا الاول، الراجل بينام بدري.
اسماء: خلاص يا نوال، هيا اكيد هتعمل حاجه بسيطه.
نوال: حاجه بسيطه؟ ده انتي غلبانه اوي.
حماتها الست نجيه: حاجه بسيطه ايه؟ انا هعمل زيها بالظبط.
اسماء: بالظبط بالظبط؟
نجيه: اه، عندك مشكله؟
اسماء: لاء تحت امرك. روحي انتي يا نوال لو وراكي حاجه اعمليها.
نوال: هروح افرش الشقه واجيلك عشان دبحو ف شقتي، اصلهم بخلا خافو الناس الغلابه اللي بيفوتو علي البيوت يعرفو أنهم دابحين.
اسماء: طاب روحي.
نوال: بس انا حاجزه دور اه.
اسماء: يا ستي غوري، هو احنا ف فرن هنا؟ درعاتي وجعتني، جاتكم الهم.
نجيه: متخلصي بقولك، الراجل بينام بدري.
اسماء: اصبري شويه، أن الله مع الصابرين. فكي الطرحه.
اسماء: يا نهار اسود، الوليه عندها شعرايتين، لو حطيتلها الخلطه بتاعتي مش هيبقى فيها ولا شعرا.
اسماء: بقولك ايه اخالتي، انا عندي ليكي نوع صبغه بس ايه الحبايب بس اللي بعملهم بيه، هو انتي اي حد؟
نجيه: يعني احلي من اللي هتعمليه لمرات ابني؟
اسماء: بكتير، بس غاليه شويه.
نجيه: غاليه بكام يعني؟
اسماء: الصبغه بس ب ٢٠٠ جنيه.
نجيه: وماله يا اختي خدي.
اسماء: عايزاها لون ايه؟
نجيه: احمر ملعلع.
اسماء: ده انا عندي كمان شعر بتاع واحده ايه ست هانم كده جات قصت شعرها عندي، شعرها احمر جميل، ايه رءيك اوصلهولك ف شعرك؟ ديل حصان كده.
نجيه: لا يا اختي حرام.
اسماء: لاء، مش يبقي حرام لو هخيطه ف شعرك، إنما ده ديل حصان طول ايام العيد بس، ولا اقولك مش هينفع أصله غالي اوي.
نجيه: وده بكام؟ اصل مخبيش عليكي مرات ابني شعرها طويل وبتقعد تغيظني بيه.
اسماء: ب ٧٠٠ عشان خاطرك، ولو قولتي اه هروح اشتري الصبغه اللي شبهه.
وبعد تلت ساعات كانت اسماء قد انتهت من نجيه وتجميلها، وهنا حضرت نوال.
نوال: ها خلصتي يا حماتي؟ ايه ده اوعي الجمال ده، حمايا هيتجنن.
نجيه: الله اكبر ف عينك.
اسماء: في شعرايه زياده ف حواجبي شيليها، اه وتعمليلي حواجبي حنه حمرا ولسه باديكير ومانيكير.
نوال: طاب وانا هعمل أمته طيب؟
نجيه: انتي تغسلي شعرك وتعمليه الدوامه وتصحي يبقا ناعم وزي الفل.
نوال: يا سلام، وانتي هتدفعيلي حاجه من جيبك؟ ديه عيديه ابويا وجوزي وحمايا.
اسماء: بقولكو ايه...
اسماء: انا راسي وجعتني، مخلاص بقا اخالتي خليها تعمل.
نجيه: اصلك مش عارفاها، ديه مخلصه فلوس ابني علي الذواء.
نوال: انا بردك؟
اسماء: بس يا نوال، اخلص خالتي وبعدين اخلص عليكي.
نجيه: حطيلي مونكير احمر.
اسماء: حاضر، ايه تاني؟
نجيه: وعايزه البتاع الاحمر اللي بيبقي ف رجلين البنات.
اسماء: عيوني.
نجيه: انتي جدعه، بقولك ايه خدي الفلوس ديه عيديه ليكي، ولما اروح هبعتلك كيس لحمه، اصلنا دابحين عجل شبه مرات ابني ديه تقوليش ابن خالتها.
نوال: لا احماتي، هو انتي متعرفيش أنه سلفي؟
وهنا يسمعون صوت سارينه سياره الشرطه.
لتخرج اسماء.
اسماء: ايه ده في ايه؟
لتجدهم ممكسين بشندي ومتجهين الي منزل سالم.
شندي: هو ده بيته يا باشا.
الظابط: اتنين عساكر يطلعو يجيبوه.
ليصعد العساكر.
سالم: في ايه؟
العسكري: انته سالم الجمال؟
سالم: اه.
العسكري: حضره الظابط عايزك.
سالم: في ايه تاني؟ هو انتو موراكوش غيري؟ تلاقو نفسكم فاضيين تقولو ياله نروح لسالم. تعالي يا عم نشوفو عايز ايه.
وهنا ينزل سالم ليري ماذا يريد منه الظابط.
الظابط: انته سالم الجمال؟
سالم: اه انا، ليه؟
الظابط: اقبضو عليه.
سالم: عملت ايه انا؟
الظابط: انته وصاحبك نصبتو علي اطفال الحاره وخدتو منهم فلوسهم، ده غير أننا قبضنا علي صاحبك وهو بيلاعب الولاد قمار.
سالم: وانا مالي انا؟
الظابط: هنعرف الكلام ده ف القسم.
باتعه من الشرفه: هو في ايه؟ مافيش غير ابني ده، نايم طول النهار معملش حاجه.
سالم: بختي المنيل يا اما.
سلام: متخافش يا ابني، هجيب المحامي واحصلك.
سالم: بلاش يا أبا، انا هعرف اخلص نفسي.
سلام: ربنا معاك يا ابني.
وهنا تذهب باتعه الي منزل نبيل وهيا تبكي.
باتعه: يا رسميه، الحكومه خدت سالم.
رسميه: تاني؟ نيه بس.
باتعه: روحي عيطي لابوكي خليه يا خد محامي كبير ويروحله.
رسميه: حاضن حاضن، هنوح اهو.
لتذهب رسميه الي دكان والدها وهيا تبكي.
رسميه: انحقني يا ابويا، الحكومه خدت سانم وانا مانيش دعوه عايزاه يخنج.
نبيل: يا بنتي سيبك منه ده، واد نصاب وبتاع تلت ورقات وكل يوم والتاني الحكومه تيجي تاخده.
رسميه: وانا ماني، خد محامي كبين ونوحنه.
نبيل: طيب بطلي صداع، هتصل علي الاستاذ محسن عوف المحامي ونروحله، بس أقوله ايه؟ احنا ف عيد، يا ادي الكسوف منك لله انتي والزفت ده، منها لله امك هيا اللي علقتك بيه، ربنا ياخدكم انتو الاتنين وهو معاكم.
رسميه: متدعيش علي سانم حبيبي القمن، طاب ساب بنات الحانه كلها واختانني انا.
نبيل: اه اصل كان في حد معبره.
رسميه: انا عامنه نفسي مش عانفه موضوعك مع البت المعفنه اسماء، خنيني ساكته احسن.
نبيل: وعلي ايه؟ ده انا هروح حالا.
يتبع
الفصل الحادي عشر من هنا