رواية أُلَمِلَأُزُمِ وِأُلَطٌأُلَبّةَ 💙 الفصل الحادي وخمسون 51 - بقلم benin_rsool

جمان/فزيت ميته عطش فتحت عيوني لكيت سيف بوجهي نايم شوكت اجيت هنا اني اتذكر نمت يم اية لكيت نفسي حاضنته وخرت ايدي ع السريع شجاي يصير خاف داتحلم تلمست بأصبعي وجهة وايدة لا والله حقيقة ماجاي استوعب غمضت عيوني تنهدت بحيرة فتحت عيوني لكيته يباوع علي فزيت من مكاني رجعت مسافه وهوة ضحك وعدل كعدته

سيف/شبيج ما مصدكة

جمان/باوعت علي ونزلت من السرير خاف تخبل ليش جاي يحجي وياي هيج الصراحه خفت

سيف/وين يول

جمان/اريد انام يم ايه

سيف/ايه شنو تعالي رجعي لمكانج

جمان/بيك شي

سيف/تعالي كعدي نسولف

جمان/تمشيت بتردد كعدت بطرف السرير

سيف/مراح اعضج تعالي يمي اريد اسولف وياج

جمان/شنو رايد مني كلتلك وحلفتلك ماكو شي بيني وبين كرار والله وداعت بابا اصلن اكرهة ولو احبه او بيناتنه شي جان قبلت بي

سيف/اعرف عرفت كلشي اني اعتذر واتمنه تسامحيني اعرف أذيتج وسمعتج كلام محلو بحقج وعاملتج بأسلوب طلع خارج ارادتي
لو تسمعين الي جان يكوله الي والله العظيم راح تسوين الي سويته واكثر اريد من هل لحضة نبدي صفحه جديدة

جمان/لازم ايدي ويحجي صح فرحت من عرف الحقيقه بس ما انكر اكو كره قليل بداخلي تجاه سيف على اسلوبه ومعاملته وياي بهل يومين
زين من عرفت اني اروح يم ايه

سيف/جمان كعدي لتكومين اريدج تسامحيني

جمان/ماعندي شي وياك

سيف/مافهمت

جمان/واني منزله راسي كلتله:مازعلانه منك

سيف/بس اني داشوف العكس

جمان/يمكن شويه

سيف/جمان اني شنو بالنسبه الج؟

جمان/اني اسألك هل سؤال وتمنه تجاوبني بكل صراحه!

سيف/امم انتي كلشي بالنسبه الي يمكن ماتصدكين اذا اكلج انتي روحي والله احبج واموت عليج هم بس اني طبعي ما ابين الي بداخلي يمكن انتي تشوفين العكس او تكولين اني مو مهمه عنده بس اني اعتبرج انتي كل شي والضروف الي صارت هل فترة شوي بعدتني عنج صح ضجت بس وغلات امي حبج منقص سانتيم بداخلي

جمان/ذوبني بكلماته جان يحجي بكل ثقه كمل وباوع علي ماعرفت شنو اكول مانطيت اي رد فعل من كثر ماتوترت بقيت اعض بشفتي

سيف/وهسه اذا سامحتيني اريدج تسويلي

جمان/شسويلك؟

سيف/اكل من اديج الحلوة لان جوعان كلش

جمان/كمت حته انزل اسويله شي فتحت الباب حسيت بي من كام ورايه حط الشال علئ راسي نزلت وهوة وراي دخلنه للمطبخ شغلت الاضويه احتاريت شسوي هوة كعد ع الكرسي يباوع علي
شنو تحب اسويلك

سيف/اي شي

جمان/فتحت الثلاجه لكيت بيض كلت اسوي بيض وطماطه

سيف/جمان اله البيض اذا تسويلي اركعه براسج

جمان/ليش ويا الطماطه طيب

سيف/ماحبه تلعب نفسي من عنده

جمان/رجعته للثلاجه هوة شافني محتاره كال

سيف/اذا اكو اجبان طلعي

جمان/حطيت الجاي ع النار وحضرت كوب باوعت ع الساعه ب5الفجر مجاي احس بالوقت شوكت صارت ب5
حضرت الاكل وحطيته كباله داحسه يريد يقربني اله لان اني شكلي مال واحد بعده مراضي

سيف/لعد ونتي غير تاكلين وياي

جمان/ماريد ممشتهيه

سيف/تعالي ناكل سوة لتضوجيني

جمان/سحب ايدي وكعدني يمه اصر علي اكل
اروح اصبلي جاي

سيف/مداعي اني وياج بالكوب ماحب اشرب جاي هواي هذا يكفينه

جمان/حاول يضحكني ووكلني ماجذب اكول مفرحانه حسيته رجع سيف القديم ذكرني من رحنه للمدينه شلون يوكلني ومهتم بيه

يوسف/حراميه المطابيخ صباح الخير

سيف'جمان/صباح النور

يوسف/عزموني وياكم الله عليكم جوعان

جمان/بدون منعزمك تفضل

يوسف/والله يا سنفورة انتي احسن من رجلج(كعد يمهم)

جمان/صبيتله جاي خليته يمه

سيف/شكعدك بهل وقت

يوسف/منايم جنت العب فورت نايت عندي مهمه

سيف/انت شكد فارغ حياتك كلهه بلي ستيشن

يوسف/لعد اتسله بي وين اروح مليت كله دوام دوام

ابو سيف/كاعدين الجماعه

الكل/صباح الخير

ابو سيف/صباح النور

جمان/جان عمو مبدل الظاهر راح يروح للدوام كعد وياهم سويتله ريوك وهوة كلساع يكول تعبتج كلش خجلني

ابو سيف/عزيزتي اليوم اخذوا مكانج

ام سيف/(وهيه داخله للمطبخ)منو اخذ مكاني

ابو سيف/جمان

ام سيف/ها قصدك ع الريوك

ابو سيف/اي

ام سيف/زين خلي اخلص من هل مهمه شوكت كعدتوا(قصدهه على سيف ويوسف)

يوسف/هستوني كعدت

سيف/قصدك بعدك منايم

ام سيف/يمه يوسف عيونك راح تروح من ورا الالعاب

يوسف/ماعليهن شي لاتخافين

جمان/عمو اكل وكام ودعنه وراح خاله مبينه ضايجه يوسف راح ينام يكول مااكدر افتح عيوني بقينه بس اني وسيف وخاله بالمطبخ

ام سيف/ليش البارحه تاخرت

سيف/ويا عبيسان كاعد ما حسينه ع الوقت

ام سيف/يا يمه ليش من انتصل عليك مترد

سيف/مخليه صامت فمسمعته

ام سيف/والله انتم يا يمه تخبلون الواحد خلي اكوم اشوف شسوي غده

سيف/جمان اذا معندج شي صعدي وراي

ام سيف/روحي صعدي يمه ماعندي شي اني راح اطلع اللحم وانام شوي

جمان/صعد هوة واني صعدت ورا دخلت للغرفه سد الباب

سيف/جمان شبيج كالبه خلقتج عليه ويا يوسف تضحكين وتسولفين

جمان/ماكو شي بس يوسف سوالفه تضحك فنضحك سوه
باوع علي وراح نزع فانيلته ونطرح ع السرير لعد لمنو صعدتني اذا رايد تنام رحت طلعتلي ملابس ودخلت سبحت
•
•
•
•
عصام/نخلي العرس بعد شهر خلي الكي حل لمشكله اختي اهم

سمراء/اكيد اهم هسه شلونهه

عصام/حابسه نفسهه بالغرفه

سمراء/حاول تحجي وياهه زوجهه مجبور تزوج وثانيآ ماعنده اتصال بالبنيه غير المصروف ويطمن عليهم

عصام/بعد كال اجي اليوم نشوف شيصير يالله اروح للدوام تأخرت

سمراء/انتبه علئ نفسك عيني

عصام/نشالله مع السلامه

سمراء/الله معاك
فصلت الخط من عصام هذي جمان انتصل عليهه ماكو بالي يمهه

جمان/سبحت وطلعت لكيته ديخابر ويشرب جكاير

سيف/جمان تلفونج وين

جمان/ها

سيف/تلفونج

جمان/كلتله بتردد
هياته هناك ليش

سيف/جيبي

جمان/رحت انطيته اله اخذه مني ركعه بالكاع صار طشار باوعتله بصدمة

سيف/العصر اجيبلج غيرة

جمان/مايحتاج ماريد

سيف/اوك براحتج اهم شي هذا ينكسر سمعت اليوم النتائج

جمان/اي

سيف/نروح العصر نستلمهن

جمان/ماشي
مر الوقت نزلنه تغدينه حسيت سيف شوي احسن بدة يضحك ويشارك الحديث

سيف/يوسف وين

رند/نايم

سيف/كمت دخلت لغرفته نايم وفاصل هم نومة كلش ثكيل وهوة هم ثكيل ع المعده لكيت مي اخذت بأيدي ورشيت علي

يوسف/لا خرا منو هذا(فتح عيونه)لا سيف(رجع نام)

سيف/كوم تغده

يوسف/(بنعاس)ماريد بس اطلع

سيف/اني جاي اكول كوم محد جابرك تنام الصبح ياله شستفاديت

يوسف/يالحمزه راح يلطش علي

سيف/اني لاطش بدون متكول يله كوم شوفني عرض اجتافك

يوسف/عشر دقايق مو هواي بس عشرة

سبف/ولا ثانيه يله برد الاكل كوم

يوسف/شوكت اخلص منك(كام يريد يطلع)

سيف/يول وين البس تشيرتك طالع كبل

يوسف/نسيت نسيت

سيف/مو نسيت بس مثوول لان منايم

جمان/طلع يوسف مغمض عيونه ويمشي شكله يضحك اجه كعد يمنه

يوسف/انطيني خاشوكتي يمعودة

رند/ههه افتح عيونك هياتهة يمك

شاهين/انام وارتاح مو احسن من هيج

ام سيف/يمه شاهين نروح بالليل مو تنسه

شاهين/نشالله

جمان/كملنه غدة ورتبنه المطبخ اشتاقيت لبابا هواي كعدوا بالصاله من سولفوا علئ روحه سيف تذكرت يعني باجر يروح جنت ناسيه

سيف/هسه الكاهم مكسريني تكسير راح يطلعون الفترة الي كعدتهة من عيوني

شاهين/اي ميه ميه حاول تشتغل بتركيز حته تخلص الي فاتك بهل فترة

جمان/صارت الساعه4العصر كال حضريلي ملابس صعدت حضرتله ملابس فتحت كنتورة احتاريت شطلع ملابسه اكثر من ملابسي كلهن حلوات شطلع باله اخر شي طلعتله بنطلون اسود وقميص اسود مخطط بابيض شفته حلو نشالله يعجبه خليتهن ع السرير وهوة راح يسبح طلعتلي لبسه الي بدلت وكعدت ارتب وجهي محطيت مكياج قليل رحت لايه لكيتهه مبدله راح تروح ويانه

اية/كملتوا

جمان/بس سيف

اية/كلبي واكع بين رجليناتي

جمان/هه باع التعبير

ايه/هه هاي الحقيقه

جمان/اني متفأئله خير

يوسف/اوف بس تجني محمراتهة اركعجن صماخ بصماخ

جمان/ادعيلنه

يوسف/راح ادعيلجن ترا ها اني ما ادعي لياهو الجان ودعائي دأئمآ مستجاب

ايه/غير يدعيلنه ابو علي الشيباني

سيف/(وهوة نازل)يله تأخرنة

يوسف/شنو هل اناقه رايح حته يشوفنك البنات باعي جمان شوفي لو اني منج ماخلي هيج يطلع ترا اني طباب خير

جمان/لبس الملابس الي حضرتهن اله الصراحه تندمت لان طلعتله هل ملابس طالع حلو بيهن كلام يوسف تربع بعقلي خاف البنات يشوفنه

يوسف/سيارتك مبيهه بانزين شلون تروح

سيف/ليش مخليلهة اني

يوسف/مو اني خلصته طلعت بيهه

سيف/انطيني مفتاح سيارتك لعد

يوسف/هم خلصته(بابتسامه)😏

سيف/شوكت اخلص منك

يوسف/ماتكدر تخلص مني مثل ما اني ما اكدر اخلص منك فماكو لاخالص ولا مخلوص روح بسيارة شاهين

سيف/ارجع الكاك تارسهة فاهم ايو جيبي مفتاح شاهين

جمان/جابت ايه المفتاح وطلعنه رحنه للمدرسه

سيف/منتضرجن هنا

ايه/اوك ياله جمان

جمان/نزلنه دخلنه للمدرسه سلمت علئ صديقاتي

عذراء/لج مشتاقتلج

جمان/اني هم والله

عباس/هاي شنو

سيف/مستحيل وين ما اروح وجهك لاحكني

عباس/لك اني وجهي وجه الخير شعندك هنا

سيف/الليوم النتائج جبت البنات يستلمنهن

عباس/يعني زوجتي هنا

سيف/شنو

عباس/هيج ماكو شي

سيف/ترا سمعت

عباس/عادي

.../سيدي وصلن الملفات

عباس/امهلني بعض الدقائق روح كلب بيهن شوي وجاي وراك

.../نشالله

سيف/روح شوف قضيتك

عباس/اني اروح صاحي مخبل اريد اوكف يمك

سيف/ماريدك توكف يمي روح لابدفرة ادخلك للمركز واكعدك ع الكرسي مالك

عباس/لو مو دفرة لو كتله هم ماتحرك

سيف/هه استغفرلله

عباس/طلعت روحي
سيف باوع علئ وضربه بوكس علئ بطنة

سيف/اكلك شو انت نازع المستحه كلش

عباس/بس يمك والله

جمان/استلمنه النتائج الحمدلله ناجحين يبو الكاع مشالت فرحتنه اني وايه

ايه/تعالي نطلع نفرح سيف

جمان/يله
طلعنه شفنه عباس صديقة لسيف واكف يمه

ايه/عزا بعينك يالعوذة هم هنا لاحكني خرب فرحتي

جمان/يا خطيه شبيج وياه والله حباب تعالي امشي
لزمت ايدهه وتقدمنه
السلام عليكم

عباس/هله بيج خيتي

سيف/ها بشروني

ايه/(باوعت علئ عباس بطرف عينهة)ناجحين

سيف/صددوك مبروك عفيه عليجن

عباس/مبروك جمان

جمان/الله يبارك بيك

ايه/باوعت علي كلت بكلبي لعد واني شنو شايفني نخله لو متبخرة بالهوئ واني ما ادري الخبل ضوجني

عباس/يله اروح اشوف القضيه

سيف/اوك يله بنات صعدن

جمان/صعدت يم سيف وايه صعدت ورا شكلهه مال وحدة ضايجه سيف بعده يسولف ويا عباس التفتت عليهه
شبيج

ايه/شفتي الحقير مباركلي

جمان/انتي ماسلمتي علي

ايه/ماسلم علي شوفي شلون يضحك عابت شايف نفسه الخبل

جمان/يا لج عيب ليشوفج

ايه/اني اريدة يشوفني

جمان/ههه هاي شبيج راح تموتين كله لان مباركلج

ايه/وهوة منو حته اموت من ورا

جمان/صعد سيف رجعت بمكاني

سيف/تحبن نروح للمول

ايه/اي والله يا ريت

سيف/شبيج ضايجه اكو شي

ايه/لا بس درجه العربي ضوجتي شوي

سيف/اهم شي ناجحه لتضوجين نفسج بالدرجات

جمان/رحنه للمول نزلنه سيف لازم ايدي واني لازمة ايد ايه سيف اشترالي واشترئ الايه هديه بمناسبه نجاحنه

سيف/يله شو مجاي تاخذن شي كولن شنو عاجبجن

اية/اولا احوالك تمام اوكي(قصدهه عندك فلوس)

سيف/انتي بس اطلبي اخذي الي تريديه

ايه/لعد هاي هيه الزم محفضتك بيدك محد يفيدك

جمان/اخذتنه لمحل عطور وصارت تختار ايه كلش تحب العطور

ايه/متاخذين شي

جمان/شاخذ ممحتاجه شي حاليآ

ايه/سيف ومحفضته بيدة اليوم راح يدللنه تعالي شوفي هل عطر عجبني

جمان/اي حلو

اية/لعد اخذة الج سيف اريد اثنين من هل عطر

سيف/ماشي

سيف/هناك اكو محل ملابس حلوة خلصن حته تشوفنهن

ايه/خلي نروح خلصنه

جمان/راسي وجعني من ايه شكد تحب تشتري اخذت ملابس الهه والي اكلهه ممحتاجه تكلي اسكتي معليج

ايه/(بهمس)هناك ملابس نوم نروح نشوفهن الج

جمان/انجبي وامشي

ايه/هاي شبيج

جمان/امشي داكول

اية/سيف رايحين لهل محل شوي ونرجع ماشي

جمان/باوعت عليهه بصدمة هذي ولا تستحي

سيف/براحتجن اني اروح شوي وارجع اشوفجن هنا لطلعن

ايه/اوك يله جمان

جمان/سحبتني من ايدي دخلتني للمحل
انتي شكو جايبتني هنا

ايه/اشتريلج حلوات شوفي هذاك الاسود حلو راح يعجب سيف

جمان/اني البس هيج مستحيل

ايه/ليش مستحيل ترا سيف زوجج

جمان/ماريد تعالي نطلع

اية/اه اه كلشي ما اسمع اني عاجبني اشتريلج ومنهن هذاك الاسود والاصفر والاحمر كلش حلوات ويا شعرج ها ولازم تعوفي مفتوح تطلعين باربي

جمان/انتي تخبلتي رسمي
راحت اشترتهن احاجيهة متحاجيني هذي طنكرت علي بعد

ايه/يله هذاك سيف منتظرنة

جمان/ماداعي شتريتي هذني ترا

ايه/كلتلج ما اسمعج فأسكتي
ها عيني

سيف/كملتن

ايه/اي

سيف/صار وكت عشه خلي نتعشئ هنا

ايه/اوو l Love

سيف/هههl Love to

ايه/ههه
دخلنه للمطعم صاير ازدحام هواي ناس جايين كعدنه ع الطاوله اباوع علئ جمان تباوع على ابنيه وهاي الابنيه اكلت سيف بعيونهة. اوو جمان تغار يبوو باع الغيرة
سيف مامنتبه عليهن من حواجبهة عرفتهة ضايجه

سيف/اطلبن اكل

ايه/طلبنه اكل جمان جنهه راح تكوم تكتل الابنيه
جمان اكلي

جمان/(بانزعاج)داكل

سيف/اكوم اجاوب ع المكالمه وارجع كملن اكلجن

جمان/هاي الابنيه كلش ضوجتني وربي دقيقه منزلت عينهة حته صورته لسيف كام هوة يخابر ماعرف منو شفتهه كامت ورا التقتت حته اشوفهه وين تريد توصل

…/مرحبا

سيف/مراحب محتاجة شي

.../محتاجه منك شي مهم

سيف/ليش تعرفيني؟

.../امم اعرفك تكدر تنطيني رقمك حته اكولك هل شي بعدين لان هسه ما اكدر

سيف/مافهمت عليج وضحيلي

.../انطيني رقمك واني افهمك بعدين

سيف/ماشي سجلي******077

.../شكرآ(بابتسامة)

جمان/لج شوفي تضحك وياه

ايه/مافهمت الي ديصير شكو راحتله وليش انطاهه رقمه

جمان/رجع كعد كانوا حس اني شفت الي صار وضوجني كلت بأنزعاج;شوكت نروح اريد انام نعست

سيف/اوك هسه نروح

جمان/كملنه دفع الحساب وكمنه عفته بوحدة تمشيت ويا ايه صعد الاغرض بالسيارة اني صعدت ورا شلون ينطيهه رقمه اكيد يعرفهه
رجعنه للبيت لكيناهم رايحين حته يرجعون جيهان صعدت كبل للغرفه محتارة شلون افتح وياه الموضوع

ايه/هاج ملابسج ولتنسين تلبسين الي اشتريتهن الج

جمان/ايه اطلعين لو هسه اكضج اكتلج كتله معدله

ايه/يا شبيج لبسيهن وحركي كلبة………………هاي خطة اجت بعقلي حلوة

جمان/لا

اية/والله حلوة اني اروح لتنسين سويهه ومتندمين

جمان/طلعت ايه كعدت ع السرير فتحت شالي بقيت اطكطك بأصابيعي مصعد اكيد ديحجي وياهه
•
•
•
•
سيف/راح ترجعون

يوسف/اي ورجعنه الزعلانه موتتنه اني لومن شاهين جا احم يمي ماكدر احجي لا احصلي كفخة

جيهان/كمل ليش سكتت

يوسف/جا بقيت للصبح وياهه اقنع بيهه هاي جيهااان شلون اعوفهه لا ميصير

سيف/ديله ابو لوفه منتظركم

يوسف/لا تنسه تفرش الورد والازهار حته تدخل الاميرة الزعلانه

سيف/ماكو ورد محجيت من زمان جان جبت اليوم اني بالمول خاف اشلع الورد الي حاطته امي واحصلي كتله لان كلشي ولا ورد امي كللهه نعوضهه غير مرة افرشلهه السجادة الحمراء اهم شي رجعت

يوسف/ان شاء الله يله خلصصصص رصيدي

سيف/وجع صوتك صدعني

يوسف/باي باي باي مع السلامه

سيف/ثول
سده بوجهي هذي الابنيه الي بالمول شرايده مني؟صعدت لكيت جمان كاعده ع السرير شكلهه ماعجبني
جمان حضريلي ملابسي باجر اداوم

جمان/خو كلشي ما شفنه منك وباجر رايح

سيف/صراحه صدمتني جمان بكلامهه
هياتني يمج انتي ما مامهتمتلي كاضيتهة كله يم ايه بربج وضعنه مال مزوجين

جمان/يعني اني الما مهتمتلك هسه

سيف/اي اعرف اني غلطت بحقج وعتذرت منج بعد شنو رايده مني اسوي كليلي واني مستعد اي شي تطلبيه انفذه حته نرجع مثل قبل

جمان/البنيه الي بالمطعم شرايده منك

سيف/يا بنيه؟

يتبع…………

رايكم بالبارت

اذا اكو اخطاء غلسوا. مراجعته

💞احبكم