جمان/البنيه الي بالمطعم شرايدة منك
سيف/يا بنيه
جمان/الي بالمطعم حجت وياك ونت نطيتهه رقمك تعرفهه
سيف/لا ما اعرفهه
جمان/لعد ليش تحجي وياهه
سيف/هيه حجت وياي مو اني
جمان/ونت ليش تحجي وياهه
سيف/جمان جاي تحجين هواي دوختيني
جمان/عافني وراح للكنتور يطلع ملابس
معجبك كلامي لان جاي احاسبك(ضحك وباوع علي)
سيف/تحاسبيني شنو حبيبتي شمسوي اني هيه رادت رقمي تريد تكولي شي مهم
جمان/وهيه وين تعرفك حته تكولك الشي المهم
سيف/هسه،انتي غيرانه لو شنو
جمان/مغيرانه بس هيه تصرفاتهه مو حلوة
سيف/ارتاحي مانطيتهة رقمي ولا شي ثاني
جمان/اني شفتك رديته الهة وهيه،سجلته
سيف/اي صح بس مو رقمي لان ميصير انطي رقمي لاي شخص اني ضابط وهم اخاف علئ نفسي ف اذا خلصتي تحقيق لا تنسين الملابس
جمان/دك يوسف الباب رايد سيف نزلوا سوة لكيت ملابس الدوام معلكة بس عوزهن كوي فكويتهن اله
اني ليش صرت حشريه كلش هسه،شيكول علي اوو خلي يكول الي يكوله
طلعتلي برمودة وبدي نصف ردن دابدل ونفتح الباب جنت لابسه البرموده بعد بس البدي دخل سيف خليت البدي ع صدري هوة باوع علي وسد الباب اني شكد غبيه نسيت اقفل الباب بقيت جامدة بمكاني هوة كعد كبالي ع التخم
سيف/بدلي
جمان/اا ا دور وجهك(ابتسم ورجع يباوعلي بتركيز)
سيف/اذا تحبين اني ابدلج
جمان/اني ابدل بس دور وجهك(كلتهه واني استر بنفسي كام وكف يمي دار وجهه ع اليمين ولبسني)
سيف/انتي بخيله كلش لا قابله تنطيني الوجبه الرئيسيه ولا المقبلات
جمان/هذا شديكول يا وجبه رئيسيه يا مقبلات
سيف/لا دوخين نفسج بالي كلته حضرتي الملابس
جمان/اي كويتهن الك بعد شنو احضر
سيف/شوفيلي كم تشيرت وهذي العطور وهناك بالكنتور كم شغلة كبالج اول متفتحية جيبيهن بعد ممحتاج شي (راح كعد ع السرير)
جمان/حضرتهن اله وفتحت شعري علئ طوله احتاريت وين انام وهوة كاعد بنص السرير
سيف/جمان اذا كملتي طفي الاضوية وشغلي الضوة الخفيف وتعالي نامي شعندج واكفه
جمان/طفيت الاضوية وشغلت ضوة النوم رحت كعدت بطرف السرير سحبت الغطة علي ونطرحت هوة لازم تلفونة ماحسيت غير نسحبت سحبني علي
سيف/من بعد اذنج اريد انام
جمان/دفن راسه برقبتي لا حباب اله هل مكان كلش يضوجني ثواني وحسيته بده يأذيني داحسه ياكل برقبتي كلتله بألم;سيف دتأذيني
سيف/اسف اعتذر مراح يصير،شي اله برضاتج
جمان/حسيته ضاج رجع دفن راسه مرت دقايق هوة نام بس اني ماكدرت مامتعودة علي وبهل قرب نوب حابسني لا اكدر اكوم ولا اكدر اتحرك من كثر ما دخت من التفكير وهدوء الغرفه نمت
فزيت علئ صوت طكطكه بالغرفه فتحت عيوني لكيت سيف مبدل وديرتب بشعرة
صباح الخير
سيف/صباح العسل يا حلو رجعي نامي اذا نعسانه معندي شي
جمان/لا منعسانه
كلت بكلبي هيه مال نعسانه صدك نعسانه بس عيب هوة راح يروح واني اعوفه وانام فكمت كلت اسويله ريوك هوة مخبوص يخابر ماعرف منو اعتقد من الدوام لان كله حضرة النقيب وحضرة العميد غسلت ولبست،بشت فوك ملابسي نزلت لكيت خاله كاعده
صباح الخير خاله
ام سيف/صباح النور يمه كعد سيف
جمان/اي كاعد
ام سيف/سويتله ريوك بس صبي
جمان/نشالله
حضرتله الريوك انتضرته ينزل دقايق ونزل مقبل ياكل بس خاله اصرت علي كعد ياكل
ام سيف/جمان سدي قيطان حذائه
سيف/هسه اني اسويهن
جمان/كعدت سديتهن اله هوة ابتسملي
سيف/يمة كافي شبعت
ام سيف/دكل بس هل لكمتين يله بسرعه
جمان/دزني اصعد اجيب هويته كال نسيتهه ع الميز صعدت لكيتهة داخذهه وانزل صعد هوة طلعلي تلفون
سيف/جبتلج تلفون جديد خليتلج بي كل البرامج الي تحتاجيهن وارقامنه من اوصل انتصل عليج
جمان/مداعي مو كلتلك ماريد
سيف/لا مهم لازم خليتلج مصروف اذا احتاجيتي اكثر اطلبي من امي لتستحين بعد شنو انتبهي علئ نفسج محتاجه شي قبل لا اروح
جمان/سلامتك
باسني بخدي واخذ جنطته ونزل نزلت ورا سلم علئ امه
سيف/يله يوم سلميلي عليهم ونتبهي علئ علاجج
ام سيف/انتبه علئ نفسك فدوة اروحلك من توصل طمني
سيف/نشالله يووم جمان حطيهه بكلبج ماوصيج
ام سيف/هه ادلل
سيف/مع السلامه
جمان/راح سيف سدت خاله الباب وهيه تدعيله يوصل بالسلامه
دخلنه كعدنه بالصاله جانت الساعه سبعه كعدت تسولفلي علئ سيف شنو يحب وشنو يكرة طلع كلش حريص لازم انتبه من خلال كلام خاله عرفت سيف عنده فوبيا من الضلمه اكوول ميطفي الضوة صراحه تعجبت
ام سيف/هذا سيف مشوفيني اهتم بي اكثر اخوانه لان يحب كلشي علئ مزاجه عكس يوسف وشاهين صراحه اني من كال اتزوج جمان موافقت مو لان بيج شي لا والله بس كلت خاف ماتتحمل سيف ومتفهمه بس هوة اصر وكال احبهه
جمان/وهسه انتي موافقه علي (ضحكت وكالت)
ام سيف/اكيد موافقه اهم شي سعادتكم وين الكي مثلج
جمان/ابتسمت سكتنه شوي كلتلهه;خاله رجعت جيهان
ام سيف/اي رجعت لايكدر شاهين يعوفهه ولا هيه تتحمل
ونتي تعرفين تطبخين لا
جمان/اي اعرف
ام سيف/طبخ طبخ مثل طبخي
جمان/لا صراحه انتي طبخج كلش طيب بس اني هم طيب
ام سيف/خوش علئ يوم نطبخ اني وياج
جمان/سوالف خاله حلوة شافتني ضايجه من شعري كالت تعالي اسويلج ضفيرة سوتلي ضفيرة فرنسيه كالتلي صعدي نامي مبينه نعسانه هيه راحت تطبخ واني صعدت افتقدت سيف مكانه خالي اخذت ملابسه رجعتهن بكنتوره رتبت الميز خربطة كله شكد عنده عطور بقيت اشتمهن واحد احلئ من الثاني اخذت التلفون كلبت بي وراسلت سمراء شوي ونمت فزيت على صوت دكة تلفون فتحت عيوني سحبته سيف ينتصل عدلت كعدتي
الو سيف
سيف/هله جمان
جمان/وصلت
سيف/امم قبل شوي
جمان/الحمدلله علئ سلامتك
سيف/الله يسلمج شنو نايمه ليش ممتغديه
جمان/خذتني النومه ونت اكلت شي
سيف/ما مشتهي شي راح انام الطريق كسرني
جمان/لعد اخذ راحتك ارتاح
سيف/اوك انتبهي على نفسج اكلي لتبقين بدون اكل
جمان/نشالله
فصلت الخط امبين تعبان بالكوة يحجي باوعت ع الساعه ب2الظهر واني لا صلاه ولا كعدت ساعدت خاله بالغده كمت غسلت وصليت نزلت لكيت ايه ورند كعدت يمهن
ايه/ردت اكعدج ع الغده بس امي كالت خليهه نايمه نامت متأخره
جمان/اي والله محسيت على نفسي
اجتي جيهان سلمت عليهه شويه وطلعت اختهه(رسل)سلمت علي وكعدن يمنه يسولفن
رسل/سيف راح
ايه/اي الصبح
رسل/حرامات كلت اشوفه صارلي هواي مشايفته
جمان/هاي الابنيه تتعمد تغثني
ام سيف/يمه جمان سيف خبصني اكلي لتبقين بدون اكل يكول عندهه هبوط
جمان/هسه،حكوم خاله
ايه/صدك تعالي كومي
جمان/كمت ويا ايه كعدنه بالمطبخ
ايه/شايفه هاي تموت علئ سيف لذلك جاي تحجي وياج هيج تريد تضوجج طنشيهه
جمان/صبيت اكل وكعدت اكل بدون نفس ممشتهيه
ايه/لا تضوجين
جمان/مضايجه
ايه/نسيت اكلج هذا عبيسان انتصل بيه من نصعد اسولفلج
جمان/امم
دخلت رسل تسولف ويا ايه عقدتني كل شوي ذاكرة سيف سيف هيج وسيف كذا وسيف اني وياه اصدقاء من الطفولة وسيف محبوب خرب والله راح اكوم اكتلهة
بينت طبيعيه وممهتمه بس بداخلي محتركة ماتحملت ابقه يمهه صعدت للغرفه
رسل/هاي شبيهه راحت مو دنسولف
ايه/يمكن سيف دينتصل عليهه لج شايفته يموت عليهة يكول بنيتي وكل ساع منتصل علئ ماما يذكرهه جمان وجمان الله يخليهم
رسل/لعد مثل حضي ماعرف شعاجبه منهه متستاهل سيف
ايه/اني اشوفهم مناسبين
رسل/صدك تحجين اصلن سيف احله منهه وضلم تزوجهه
ايه/كل واحد ووجهة نظرة اروح اصعد
صعدت لغرفه جمان لكيته كاعده هاي شلون جمان ماتتحمل ورسل يرادلهه واحد اله خلك وقابليه
جمان الغيورة
جمان/(باوعت عليهه ورجعت نزلت راسي)عليش اغار
ايه/(كعدت يمهه)اسولفلج من زمان رسل تحب سيف والكل يعرف فجانت رسل اغلب وقتهه يمنه تهتم بسيف بأكله وبملابسه حته ترتب غرفته بس سيف جان يشوفهة حالها حالي يعني اخته ومن كال اريد اتزوج وهيه سمعت بقت اربعه ايام نايمه بالمستشفى الصراحة مرات اضوج منهه هيه صح بنت خالتي بس ولا بيوم تمنيت تصير زوجه سيف فأنتي يا جمان لا تضوجين هيه هيج تحب تضوج الواحد سمعي منا وطلعي منا دسوي هيج لان عود انتي اخذتي سيف منهه
جمان/بس ميصير هيج تحجي كبالي شفتيهه شلون تحجي امم سيف لعبت نفسي
ايه/ههه باع وجهج اي مو داكلج تحب تضوج الواحد عوفينه منهه شصار البارحه
جمان/شصار
ايه/هاي الابنيه الي بالمول عرفتيهه شرايده
جمان/............
ايه/اي صدك سيف ميحب هيج شغلات يخابر وكذا وزحف فأمني
جمان اسألج سؤال فجاوبيني بصراحه
جمان/سألي
ايه/ماداحسكم مزوجين انتي وسيف
جمان/مافهمت؟؟
ايه/يعني شلون اكلج ماعرف شلون اكلج بس اتمنه توصلج
جمان/الشي الي ابالج
ايه/اي الشي الكبير العملاق الي ابالي
جمان/انتي عبيسان لاعب بعقلج صايرة كلش
ايه/هه انجبي بس ريحيني وكليلي
جمان/يمكن احساسج صح
ايه/يعني سيف ممتقربلج؟؟!!!!
جمان/اممم
ايه/عبالي راح اصير عمه خربتي فرحتي
جمان/انتي عمه لعد ازل ورفل وين راحن
ايه/انتم منكم مختلف زين غير ممتعاركين انتي وسيف
جمان/لا
ايه/شوكت اصير عمه
جمان/اسكتي
ايه/اريد اصير عمه تسويني لو ازوج اخوي
جمان/هم عوزهه
ايه/انتي تغارين هواي منتبهه على نفسج
جمان/باوعت عليهه ونطرحت كل ساع تكلي اريد اصير عمة سديت اذني منهه بعد ماتسكت
طلعي برا طلعي
ايه/مو غرفتج غرفه اخوي سويني عمه
جمان/يعني شلون اسويج عمه هوة بكيفي
اية/.................هيج تسويني عمه
جمان/اوكفيلي سز تعالي طالعه عينج
ايه/لا لا جمان لتضربين ههه
جمان/هاي شنو انتي
ايه/احسن منج عاد عندي خبرة متوسطة شنو انتي وحارمة اخوي اني لو منه اكضج اكتلج كتله معدله هه
جمان/هيج صار الحجي
ايه/لا داشاقه
جمان/مر الوقت بالليل ايه بقت يمي دك يوسف الباب فتحته اله
يوسف/الزمي هاي العلاكة حسب اوامر الملازم سيف
جمان/شنو هاي
يوسف/نمنميات كون محتاجه شي ثاني
جمان/فتحتهه جانت حلويات اشكال والوان وعصاير
سلامتك
يوسف/متأكدة ماريد احصل كتله
جمان/ابتسمت وكلتله;اي متاكدة
يوسف/لعد تصبحين على خير
جمان/ونت بخير
سديت الباب وكعدنه ناكل اني وايه وهيج مرن باقي الايام سيف كل يوم ينتصل علي نحجي شوي ويروح لان عنده هواي شغل واليوم السبعه مالتي خاله اصرت تسويلي سبعه اخذتني ورحنه للسوك وشترتلي سبع فساتين كلتلهه هواي كالت هاي عاداتهم هيج لازم
كملنه كلشي ورجعنه للبيت لكيت التلفون مخبوص سيف منتصل علي كومة اخذت التلفون وصعدت للغرفه انتصلت بي
هلو سيف
سيف/وين جنتي
جمان/رحت ويا خاله للسوك
سيف/ليش اطلعين بدون متكوليلي
جمان/توقعت خاله كالتلك
سيف/حته لو امي تكولي انتم هم تكوليلي
جمان/مطالعه ويا واحد غريب ويه خاله
سيف/حته لو جمان لتناقشين
جمان/اوك مصار شي بعد مااطلع بدون ما اكولك لتعصب
سيف/خليهه ابالج
جمان/نشالله(كلبت عيوني بملل)
.../سيدي ملفات المتهم
سيف/عند الملازم لارا بغرفتهه
جمان/كلت بكلبي الملازم لارا ليش اكو بنات وياهم شلون
احم اكو بنات وياكم
سيف/اي
جمان/صدوك
سيف/اي والله شبيج ممصدكة
جمان/لا بس متعجبه يعني شيسون
سيف/ضابطات حالهن حالي
جمان/يعني يرحن بالحروب و
سيف/لا شغلهن داخل المقر
جمان/ها فهمت
سيف/يله اروح
جمان/الله وياك انتبه علئ نفسك
فصلت الخط بنات وضابطات ماجاي ادش بعقلي بس مارتاحيت للشغله خليت التلفون ع السرير ونزلت كملنه غده عمو اجه البارحه
اجني مياسه وسمراء والبنات قدر ومينا سمراء كالت اني اسويلج المكياج صعدنه بغرفتي صدوك طلعتني حلوة لبست عدسات وخلتلي رموش يعني طلعت فد شي
ايه/لج انتي فنانه
سمراء/شكرآ يله بدلي اجوي الناس خلي ابدل اني
ايه/وين واني صارلي ساعه امدح بيج غير تسويلي
سمراء/تعالي ام السان
جمان/بدلت فستان احمر مخصر طويل كوله يلمع خليت شعري مفتوح بس سويتلي بف من كدام
ايه/تخ بل يييييين شنو هاي
ام سيف/يله بنات(باوعت عله جمان)اللهم صلي علئ محمد يمه خايفه عليج ليحسدوج
جمان/ابتسمت الهه خلصن البنات نزلنه جانت خاله عازمة كل صديقاتهه اول مدخلت سلمت عليهن وكعدت خاله مسويتلي كعده مرتبه كل شويه ابدل فستان كلش تونسنه
ايه/جمان انتصلت علئ سيف حته يشوفج هياته بالغرفه مفتوح الخط
جمان/جان خليتي بعدين انتصل علي
اية/لاع ماخليهه بنفس اخوية هه روحي جاوبي
جمان/ترخصت من الموجودين ورحت لغرفه خاله الولد كلهم طالعين باوعت الخط مفتوح نوب كام خرب حضج اية رفعت صدر الفستان لان جان كلش مفضوح اخذت التلفون هوة ممنتبه اني اجيت يشرب جكاير من انتبه باوع علي وبتسم
سيف/شمسويه بنفسج
جمان/شمسويه
سيف/طالعه حلوة
جمان/(ابتسمت)شكرأ
سيف/هيج شافوج
جمان/ماكو بس بنات
سيف/وذا بنات هسه هم يسولفون بيج
جمان/وشسوي يعني
سيف/جان مامخليه هلكد هواي حاطة مكياج
جمان/شحجي وياه يعني سكتت
سيف/بله اشوف فستانج كلت لامي ماتشتريلج قصير
جمان/عزا لعد لو يشوف الي لابسته خاف يعصب لان قصير حاولت اغلس
جايه اييه سيف فدشوي انتصل عليك رايديني
سيف/راويني الفستان وروحي
جمان/شلون اخلص نفسي بله ثبتت التلفون وجهي فلت مستحيه منه وخاف يعصب من يشوف الفستان قصير
سيف/يله شبيج لتكليلي مستحيه ترا اجيج اكتلج وارجع
جمان/رجعت واني ارجع بالفستان
سيف/رجعي بعد
جمان/رجعت واني منزله نفسي باوع علي ورفع حواجبه اثنينهن
سيف/لا هاي هيه امي سامعه كلامي وفاهمته ماكو اكصر بعد جان جبتي اكصر
جمان/رجعت اخذت التلفون
ماكو بس بنات عادي
سيف/روحي بويه روحي ورا متخلصين رجعي انتصلي
جمان/باوعت علي طلع جكارة خلاهه بين شفايفه وباوع علي
سيف/مترحين
جمان/ليش ضجت
يتبع………
شكل فستان جمان
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!