رواية أُلَمِلَأُزُمِ وِأُلَطٌأُلَبّةَ 💙 الفصل الخامس عشر 15 - بقلم benin_rsool

‏ربما تظن بأن أحاديثك عادية ، لكنها تسقط في قلبي بشكل غير عادي
أُلَمِلَأُزُمِ وِأُلَطٌأُلَبّةَ 💙،
•
•
•
الخميس;9:20ليلآ

جمان/استجمعت قواي حتة اكول لبابا اتمنيت يوافق جان هوة كاعد بالصاله يباوع اخبار اخذت نفس طويل ورحت كعدت يمة اريد احجي حسيت لساني نعكد عاد هوة حس علي

ابو جمان/صارلي ساعة منتبة عليج بحلكج حجي كولي

جمان/احم

ابو جمان/هه كولي

جمان/بابا اية صديقتي عزمتني ع خطوبة اخوهة اكدر اروح اذا متقبل عادي

ابوجمان/بيت ابو شاهين

جمان/اي

ابو جمان/خاف عيب ترحين

جمان/بقيت اباوع علي
اوك هسة انتصل عليهة اكلهه ما اكدر

ابو جمان/اوكفي روحي غيري جو باجر جمعة شوفيلي الوقت حتة اخذج

جمان/(بابتسامة)يعني اروح

ابو جمان/اي
عندج ملابس

جمان/اي عندي شكرآ بابا

ابو جمان/دللي

سيف/يوسف ترة خبصتني كلتلك باجر انزل كلساع ومنتصل شبيك يمعود

يوسف/من وكت تعال ترة اني كلشي ممشتري ملابس منتضرك

سيف/فهمت شاهين وبابا نزلوا

يوسف/اي نزلوا اليوم الصبح

سيف/اوك يلة روح عندي شغل

يوسف/مو تتأخر

سيف/يا خرااا فهمت كافي عاد

يوسف/ههه يلة باي

عباس/افا سيدي تخطب وما تعزمني

سيف/منو شفتهمت انت
اخوي مو اني

عباس/ها مبروك يوم الالك وفرح بيك

سيف/لا والله يوم الالك وارتاح منك

عباس/ليش شمسوي اني سيدي

سيف/انت(بأستهزاء) ماكو منك اثنين

عباس/شني هسة مدح ذم

سيف/ذم

عباس/مقبولة منك حبيبي انة تربيتك

سيف/اكول انت بيك طرااك اوصلك لباب المركز

عباس/(وهوة يباوع بطرف عينة)عود ردت اخفف عليك القضاية بس بعد خرمشت المشاعر الي سمعتهة منك احب اكلك عندك سبع قضايا وهسة راح اجيبلك الملفات

سيف/شنو لك تعال
راح ورجع جابلي سبع ملفات بقيت مفتح عيوني ع وسعهن
هذني وين جانن

عباس/جنت ضامهن لوكت العازة
اروح اكمل شغلي ملازم سيف القضايا يردوهن باجر الظهر

سيف/خلاهن ع الطاولة وراح هذا شبي كعدت ولزمت راسي شيخلصلي هذني بقيت اتصفح بيهن يا الله كلهن معقدات مال واحد يتربع الهن ويكف الردن
نزعت السترة العسكرية وكعدت ادرسهن صارت الساعة ب4الفجر كول ساعة اغمض عيوني اريد انام ورجع افتحهن ع السريع
اف لازم اكمل بقن اثنين لازم اخلصهن صحصح سيف

عمر/عباس المدير ماكو بغرفة الاستراحة شنو نزل

عباس/لا بالمكتب

عمر/بالمكتب؟ ليش هسة الساعة ب5

عباس/عندة سبع قضايا

عمر/اه لعد ليش متساعدة هواية

عباس/عندي شغل😐

جمان/بابا مقبل شسوي

اية/شنو ليش

جمان/ماعرف

اية/لا جمان اني حاسبة غير حساب والله راح ابجي

جمان/ههههه لتبجين اجي

اية/صددددووووك(بفرح)

جمان/عزة بعينج طفرتي اذني اي صدك

اية/والله فرحت كلش

جمان/يلة ولي خلي اشوف عندي ملابس لا

اية/لج بس تعالي ملابس من عندي

جمان/يمعودة روحي هذي مياسة تريد التلفون

اية/كبور يلة ودي الهة دي العجوزة

جمان/ههه يلة باي

اية/باي جوجو

جمان/فصلت الخط ورجعت تلفون مياسة

مياسة/سمراء تروح وياج حضرن نفسجن

جمان/باوعت عليهة بطرف عيني وطلعت دخلت لغرفتي شفت سمراء جايبة كومة ملابس

سمراء/شبيج واكفة تعالي اختاريلج فستان

جمان/ماريد عندي

سمراء/جمان انسي الي صار اعرف بنفسي غلطت كافي عاد تعالي شوفي هل فستان قياسج تعالي

جمان/سحبتني من ايدي وصارت تقيس الفستان علي

سمراء/حلو يخبل عليج وشعرج عوفي مفتوح يصير فد شي والمكياج علي اني اسويلجياه ماشي ضحكي عاد

جمان/سحبت اخدودي ابتسمت الهة

سمراء/ههه اي هيج خلي نبدي صفحة جديدة ماشي

جمان/اكتفيت اباوع عليهة اخذت تجرب الفساتين عليهه عندي مراية ع طول بغرفتي كعدت ع السرير افتح ضفيرتي

سمراء/جمان منو احلئ هذي لو الي يمج

جمان/الي عندج

سيف/كملت الساعة ب7الصبح بس شنو الي يلزمني اوكع من طولي هذا عبيسان النذل ولا اجة ولا دزلي مي لملمت الاوراق وكمت حركت نفسي فتحت الباب عبيسان ماكو دخلت بغرفة الاستراحة شفتة نايم تقربت علي وهمست يم اذنة
اكو واحد كوا… البارحة شمر الشغل كلة براسي ولا سأل ولا جابلي مي وفوك كل هذا نايم واني احترك جدي السابع عشر وعندي اليوم خطوبة

عباس/اسف سيدي غير شغلك هذا

سيف/ها يالنذل بذاات ماتحجي

عباس/😐سيدي روح نام

سيف/اذا ما خليتك تضوك الي ضكتة اليوم ماطلع اني سيف

عباس/ليش سيدي سيوفي حبيبي شنو مسوي اني

سيف/والله لو ما نعسان اني جان تعرف شنو اسوي
وهذا غير يفكني
الو

يوسف/شنوو وينك

سيف/وحك ربك بس ازمك اسويك وصلتين شتريدد مني

يوسف/تأخرت

سيف/يعني هسة اكو محل مفتح

يوسف/لا

سيف/لعد شنو

يوسف/يلة منتضرك بالباب

سيف/فصلت الخط وباوعت ع عبيسان يحركلي حواجبة
اخذ الملفات اني راجع للبيت
طلعت من الغرفة دخل الملازم علي

علي/صباح الخير

سيف/صباح النور

علي/عبالي نزلت

سيف/هسة نازل
دخلت اخذت مفتاح السيارة ودعتهم وطلعت وصلت لبيتنة شفت يوسف باوعت علي بطرف عيني سديت باب السيارة وتمشيت الة

يوسف/نورت

سيف/هله بيك
جاي ادخل سحبني

يوسف/وين وين تعال هسة فتحوا انروح اني مبدل بس تدخل تنام وما تكعد اعرفك

سيف/شنو اروح بملابس الدوام

يوسف/اي واذا

سيف/دمشي خلصني
رجعت للسيارة صعدنة شغلتهة رحنة محل ملابس رجالي رسمي نزلنلة افترينة بي كوة مفتح عيوني

يوسف/سيف هذا الرصاصي حلو

سيف/لا هذاك الماروني احلئ(اشرتله علي)

يوسف/يابة انت ذواق هية كوة خويي نزلي هذا
اروح اجربة الك واجي

سيف/سحبت الكرسي كعدت علي انتضرت يوسف دقايق طلع صدوك حلو علي

يوسف/ها زين

سيف/اي حلو وشوز عندك

يوسف/يي شوزك الاسود الجديد يطلع حلو وياه

سيف/ترة اني ما ميت وفاتح جمعية بملابسي

يوسف/يله هوة شوز

سيف/شوز

يوسف/😐

سيف/دفعنة الحساب ورجعنة للبيت

ام سيف/هلة يمة شلونك

سيف/هلة بيج يوم

ام سيف/يمة شبيك جنك مو تمام

سيف/اي يمة ما نايم صاعد انام

ام سيف/روح يمة ارتاح

سمراء/جمان بيش الساعة،نروح

جمان/ب1
صارت الساعة ب12ونص كمت بدلت لبست فستان اسود

سحبت سمراء عيوني بالالينر وردت خدودي ولبست صاية حتة اروح بيهة لفيت الشال ونتضرت سمراء
يلة سمراء بابا منتظر

سمراء/كملت شرايج

جمان/تمام

سمراء/يلة ماما رايحين

مياسة/انتبهوا ع نفسكم

جمان/انتصلت علئ اية حتة تنتضرني بالباب لان ماعرف احد هناك اخذنة بابا لبيت عمو ابو شاهين

ابو جمان/من تخلصون انطوني علم حتة اجي ارجعكم

جمان/نشالله ودعنة بابا ودخلت شفت اية

اية/هله هلة

جمان/ههه هلة بيج
صارت تحركلي حواجبهة بمعنئ شطالعه اليوم

اية/شلونج عيني

سمراء/تمام حبي

اية/تفضلن

جمان/دخلت شفت كومة بنات اية عرفتني ع امهة وزوجت اخوهة سلمت عليهن

ام سيف/هلة بيج يمة شلونج كبرانة ما عرفتج

جمان/الحمدلله خالة
سحبتني اية صعدنة بغرفتهة

اية/يلة رتبن مبقة شي ونروح

جمان/نزعت الصاية وفتحت شعري

اية/هيج تعوفي لشعرج لج سحبي يصير احلئ
اني نازلة لان كملت سمراء تجين وياية نكمل ترتيبات خفيفة جوة

سمراء/اي حبي مكملة اني

اية/يلة نروح باعي سحبي زين هسة نجي بس اشوف ماما شمحتاجة

جمان/اوك
نزلن شغلت الكابسة وصرت اسحب خصلة خصلة

سيف/لك يوسف سترتي وين وديتهة

يوسف/اية جاي تكويهة الك روحلهة

سيف/لعد ليش ما اخذتهة ويا ملابسك

يوسف/نسيت

سيف/اذا ممكوية زين اخذ سترتك وعوفك هيج

يوسف/يييوومة تاخذ سترتيي

سيف/اني من احجي وياك تتعب نفسيتي كلش

جمان/كمت وكفت بقن بس الخصل الي كدام صدوك صار شعري فد شي انفتح الباب

سيف/ايو سترتي كملتيهة……

يتبع……

أّلَګَأّتّبِةّ;bno0wor