أنـا شخص لست متكبر كما يعتقد البعض رغم إمتلاكي لكل ما يؤهلني لـذلك !!
أُلَمِلَأُزُمِ وِأُلَطٌأُلَبّةَ 💙،
سيف/ايو سترتي كملتيهة
جمان/عزا نصدمت جفلت بمكاني هوة راح للمراية يرتب شعرة اني منطيتة ظهري
سيف/ايو لي…
التفت عليهة ونصدمت بالي شفتة
جج جم جمان
جمان/سحبت الصاية خليتهة ع راسي وهوة من الصدمة بقة واكف بمكانة
سيف/اسف ماجنت اعرف انتي هنا
جمان/اخذ سترتة جانت معلكة وطلع ع السريع كعدت ع السرير شلون موقف
يوسف/شبيك
سيف/م مابية شي يلة راح نروح
جمان/كملت شعري نفتح الباب دخلت بنية باوعتلي بطرف عينهة وكعدت تعدل مكياجهة مهتميتلهة
رسل/هذي اية وين خلت روجي
سمراء/داشرب مي جان يدخل للمطبخ شاب من الحديقة ماعرف شنو اسوي دخل رأستن
عصام/يول ليش واكفة هنا هيج ليدخلون شباب
سمراء/التفتت اله اذكرت هذا الشاب شايفتة انطاني ظهرة وكمل
عصام/حيدخلون الشباب دخلي جوة
سمراء/عفت كلاص المي ودخلت افكر بي وين شايفتة
عصام/هذي البنت ليش هنا
:•نرجع بالزمن
جنت راجع من الدوام حتة اروح اخذ امي من بيت خالتي(ام شاهين)دخلت فرع صارت كبال سيارتي بنية(سمراء)ضربتهة بس بخفة لان سيطرت ع السيارة هية وكعت نزلت ع السريع لكيتهة لازمة رجلهة ثنيت رجلي صرت لمستواهة
خيتي اخذج للمتشفئ
سمراء/ميحتاج ممتأذية كلش
عصام/حاولت تكوم مسيطرت ع نفسهة رادت توكع لزمت ايدهة وهية عاكدة حواجبهة بألم
خلي نروح مستشفئ
سمراء/شكرآ عيني ميحتاج كمل طريقك
عصام/هذا رقمي خاف تحتاجين شي اني حاظر
سمراء/ميحتا..
عصام/اخذي
خليتة بأيدهة وصعدت سيارتي
سيف/هووب عصام وين سارح
يوسف/سارح وية الغنم
عصام/ها ماسارح
يوسف/مبيين مبين يبن خالتي مبين اني اعرف هذي سرحة الحبببب
عصام/خايب ما تسكت حب شنو هوة خلي اصادقلي ابنية بالاول يالله احب
يوسف/شمالك شو جمال ومال معقولة ولا وحدة لا انت ولا اخوي
سيف/مو بس حظ الزركان كاعد
يوسف/ها قصدك اني ازرك
عصام/هههه دوة والله
سيف/مشونة يابة تأخرنة
يوسف/يبببةةةة يلة
ابو سيف/يله بوية تحركوا
اية/ها جوجو كملتي يلة راح نروح صايتي وين خليتهة
جمان/هياتهة
لبست صايتي وعدلت شالي وسمراء هماتين نزلنة تلاثتنة بقينة احنة اخر شي
اية/عزة وية منو نروح السيارات قبطن
عصام/ها ايو ليش بعدج هنا
اية/عصام همزين جيت وية منو نروح ماكو مكان
جمان/اجة شاب عبالي سيف ايشبهة كلش وبعدين اجة سيف جان هستوة طالع من البيت
سيف/ها شنو صاير
عصام/تاخذ احد بسيارتك
سيف/لا ليش
عصام/خلي ناخذ البنات ويانة
سيف/ماشي يلة
جمان/طول ما همة يحجون اني مخلية ايدي علئ اعيوني ماتحمل الشمس هسة اكيد وجهي صار احمر اوف غير يمشون عندي حساسية خايبين امشوا اي يالله واخيرآ نطق
تمشينة لسيارتة صعد هوة يقود وشبيهة يمة ههه والله صدك يشبهة صعدنة وهذني خلني بالنص
اني الج اية(بهمس)
اية/والله ماعرف اكعد بالنص ههه
جمان/باوعت الاية بطرف عيني ورفعت ايدي داغمهة باوعت للمراية شفت سيف ديباوع علي من المراية نزلت ايدي ع السريع هوة ابتسم ابتسامة جانبية وحرك السيارة
عصام/هنا شباب صف بالركن ع اليسار
جمان/صف السيارة نزلوا همة فتح سيف الباب انطة ايدة لاية جانت سيارتة عالية نزلت اية ورجع انطاني ايدة انطيتة ايدي لان لابسة كعب وخاف اوكع
عصام/نزلت فتحت الباب الهاذي البنت الي ما اعرف شنو اسمهة باوعت علي انتبهت علئ عيونهة بيهن شي جذبني عفت الباب هية نزلت سديت الباب دخلن للبيت واحنة دخلنة للاستقبال
جمان/دخلنة للبيت صاير هوسة راحت اية تسلم علئ خطيبة اخوهه وعرفتني عليهة مبينة حبابة
رند/هلا بيج حبيبتي شنو هل اخدود
جمان/ابتسمتلهة جانت طالعة حلوة لابسة فستان رصاصي وتسريحه عالية
نزعت الصاية ونثرت شعري وكل ما انتبه الهة تبتسملي الكل يباوع ع شعري حرجني الاجواء حلوة صار لازم يعقدون سترتهة امهة غطت شعرهة ودخلوا للاستقبال دقايق وسمعنة صوت الهلاهل
سيف/ولك استجن شوي(بهمس)
يوسف/يمة دخلت دخلت فدوة اروحلج اني يبعد روحي
سيف/هذا اخوي ما اعرف عليمن طالع يابة ولا يستحي عقدلهم الشيخ
الشيخ/اعلنكم الان زوجآ وزوجة
مبارك عليكم
سيف/تمت الخطوبة رجعت خطيبتة لمكانهة كول ما اباوع ع شاهين مخنزر ع يوسف اخر شي ماتحمل اجة كعد يمنة
شاهين/(بهمس)انت شبيك شوية اثكككل احطلك طابوكات
يوسف/ميحتاج طابوكاتك اني من الله ثكيل
سيف/انت شكد خبل
جمان/رجعت رند عرفت اسمهة من اية ورة دقايق كالوا حيدخل العريس يلبسون حلقات لبست شالي دخل يوسف مبين علي فرحان ربي يخليهم جنت واكفة بالركن رفعت راسي شفت سيف واكف سحب الشال غطالي شعري من كدام شنو معنئ هل تصرف ماعرف
كمل يوسف صارت الهلاهل والموسيقئ الكل فرحان اجة باتجاهنة لان اني جنت واكفة قريب ع الباب الي يطلع منة
مبروك
يوسف/(بابتسامة)شكرآ(بهمس)يمرت اخوي
وباوع ع سيف
سيف/باوعت علي بصدمة وهية هم
يوسف/احم قصدي مرت اخوي شاهين ما شفتهة وصيتهة ع شغلة يلة سيف نطلع
سيف/عرفت شيقصد هذا ولا يلزم لسانة
يلة نروح عصام منتضر(سحبت ايدة وطلعنة)
انت شنو قصدك بالي حجيتة قبل شوي
يوسف/قصدي اني هممم مقاصد شي
سيف/نرجع للبيت ويصير خير
اية/ها جمان تعالي يمي ليش واكفة
جمان/تقربت يم اذني وهمست
اية/تدرين خطبوج من ماما مرتين وماما انطتهم عنوان بيتكم
جمان/شنو هه تحجين صدك
اية/شبيج كلبتي الخلقة
جمان/ماكو شي بس ما مفكرة بهل شغلات اخر همي
اية/تعالي خايبة نروح نركص
جمان/اني اركص لو تموتين هسة ويكلولي تعيش اية من تركصين ما اركص روحي انتي
اني لا راكصة ولا شي وما شاردة من نضراتهن انوب اركص
اية/ههه وشبيج ضايجة عادي لازم تفرحين يباعن عليج وعلئ شعرج
جمان/ماحب هيج اني
ام كرار/شلونج يمة
جمان/هلا بيج خاله
ام كرار/يمة انتي بنت منو شو ما شايفتج قبل
جمان/باوعت علئ اية هسة اني شكول
اية/اي خالة صديقتي اجتي علمود خطوبة يوسف
ام كرار/هيج الحجي فهمت ربي يحفضهة لاهلة
جمان/تسلمين
راحت هل مرية واية ميتة ضحك
اي شبيج راح تموتين
اية/هههه هاي الثالثة باعي راحت لماما
جمان/حقيرة ههه
خلصت الخطوبة لبست صايتي لان راح نرجع
سمراء/ننتصل ع عمو(ابو جمان)
جمان/هسة اشوف
اية/اوكفي يمكن نوصلكم بطريقنة
جمان/ودعت خطيبة يوسف حبابة كلش تنكرط وطلعنة
هسة وين نروح
اية/اوكفي هذا سيف ياخذنة
احم سييف
عصام/هذي اية تريدك
سيف/التفتت الهة
هذي ليش بعدهة هنا يلة اترخص
…/مرخوص
سيف/تمشيت الهة ها ايو ليش بعدج هنا
اية/تكدر توصل جمان
جمان/لا لا هسة انتصل ع بابا
سيف/ليش اني اخذكم
جمان/ما نريد انتعبك
يوسف/تعبكم راحة
سيف/غمضت عيوني هذة منين يطلعلي طلع من وراي باوعت علي
يوسف/بالعكس اليوم نورتونة فرحت لان جيتوا يلة سوسو حضرنة السيارة اروح وياكم
سيف/بسيطة يوسف بسيطة الزمك بالبيت(بداخلة)
الزم روح انت جيب السيارة
يوسف/ادللو
جمان/راح يجيب يوسف السيارة وكف سيف اباوع ع طولة يا ربي شنو من طول هه يمكن لو وكفت يمة اوصل لصدرة جان لابس سترة رصاصية وبنطلون اسود ورافع شعرة بس ملامحة مال واحد عصبي تقربت يم اذن اية وهمست
اكلج اية هذا اخوج دومة هيج عاكد حواجبة ميتعب
اية/لا تشوفينة هيج ترة والله حباب وماكو منة اثنين لا يغرج المظهر اهم شي الجوهر
حبيبي سيف
سيف/همم
جمان/رفع راسة جان يباوع بالتلفون
اية/احمد ربي انطاني اخو مثلك
سيف/حبيبتي انتي
جمان/علاقتهم حلوة ربي يخليهم
يوسف/يلة يالغوالي
جمان/صعدنة بالسيارة خليت هل مرة اية بالنصف ويوسف هوة يسوق بس شنو موتنة سياقتة تخوف
سيف/لكك كافي راح تموتنة
يوسف/يابة فرحان اني اليوم
اية/ولج يمة راح اموت يوسف اعتقني
سيف/كافي يوسف
جمان/والله ختمت القران يلة وصلنة نزلنة اني وسمراء
مشكور عيني ع التوصيلة ونشالله هاي اخر مرة اصعد وياك
يوسف/ههه ادللي عيني لا نشالله بالجايات نصعد هواي
جمان/يلة باي
اية/باي اشوفج بالمدرسة
يتبع……
بارت سريع للي متحملوا 😅😂
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!