رواية أُلَمِلَأُزُمِ وِأُلَطٌأُلَبّةَ 💙 الفصل الخامس وأربعون 45 - بقلم benin_rsool

عصام/وكعت بمصيبة

سيف/وشنو المصيبة؟

عصام/ضربت واحد بالسيارة

سيف/كول غيرهه بس لا مات

عصام/لا لا جان هوة داخل السيارة مالته

سيف/زين

عصام/يريد فلوس لان طيرت صندوك سيارتة من ورا

سيف/اذا ع الافلوس سهلة

عصام/بس اني ماعندي بس ثلاث ملايين الباقيات مسجلهن بحساب امي وما اريد اسحب منهه ماريدهه تعرف

سيف/وشكد رايد هوة

عصام/ستة

سيف/سهلة عندي الباقي وهيج تنحل المصيبة مثل متكول وكعت كلبي عبالي شي جبير

عصام/لعد اكو اكبر من هل مصيبة

سيف/اي اكو لان هاي الشغله متعود عليهه اني نص الراتب مخلصه عليهه كل ما اطلع مستعجل اضرب اي سيارة تصير بطريقي مو برضاتي اضربهة ولا متعمد هيه تصير بطريقي
بخصوص الفلوس روح للبنك واسحب شكد محتاج لان حاليآ ممتوفر عندي بالبيت

عصام/شكرآ يول

سيف/اكول اسكت مابيناتنه شكر ياما وكفتلي بمصايبي الكبار وهسة علئ هل مصيبة الصغيرة تشكرني
ولولد مابي شي غير

عصام/لا ما بي شي

سيف/الحمدلله اهم شي هوة روح انطي الفلوس وخلص

عصام/اوك باي

سيف/الله وياك
نزل عصام كعدت افكر احاجي جمان ع العرس ماطول اني كاعد شهر بعد سمعت صوت امي تهلهل عكدت حاجبي خير نشالله اخذت التفلون وطلعت باوعت من فوك شفت ابوية جاي من الدوام نزلت سلمت علي بس بعدني ماماخذ الجواب ليش امي هلهلت؟

ام سيف/نشالله اشوفك اعلئ واعلئ

سيف/طلع بابا رافعين رتبته فرحت والله باركتله واجوي شاهين ويوسف هم

يوسف/بابا لتبدل اوكف شوي ولو تعبان سيف وشاهين بدلوا ملابس الدوام وتعالوا

شاهين/ليش

يوسف/بدلوا وتعالوا
انتضرتهم بدلوا ونزلوا خليتهم يوكفون ويا بابا اتمنيت اني عسكري مثلهم منضرهم حلو اخذتلهم صور

سيف/يلة يلمصور

يوسف/كملت شكرآ ع الصور تخبلون الله يحفضكم راح انزلهن استوريات

شاهين/علمود الصور خليتني ابدل.سلمتك بيد الله هسة شينزعني اني

ابو سيف/هه

يوسف/غير انشركم وافتخر بيكم

شاهين/زين اذا هيج بخصوص هل مناسبة نتعشئ برا علئ حسابي
•
•
•
جمان/فتحت تلفوني لكيت رسايل ع الواتس اب فتحتهن لكيت مكتوب
💬شلونج يبت عمي
من الصورة عرفته كرار شعجب ذكرني جاوبته
💬هلو بيك شخبارك
بسرعه جاوب

كرار/💬الحمدلله مبروك ع الخطوبة ولو متأخر

جمان/💬تسلم يوم الالك تخطب بنت الحلال

كرار/💬اني لكيت بنت الحلال بس هيه رفضتني

جمان/عرفت قاصدني💬اكو لاحسن منهه

كرار/💬جمان ليش رفضتيني ووافقتي علئ هذاك النذل بشنو احسن مني اني ردت انهي عليج بس ابوية لمزني ماخلاني اتصرف ليش لانوا هوة ضابط وجايب جدة معروف الحقير خلاني كدام الامر الواقع مصدوم ما اعرف اتصرف

جمان/💬كرار اني مو من نصيبك وحاليآ سيف زوجي هذي اولا وثانيآ اني ما اكدر اتقبلك كزوج لان انت مثل اخوية

كرار/💬لتكولين اخوية اني ولا بيوم اعتبرتج اختي انتي مختلفة وردتج الي بس مراح ترتاحين بحياتج ولتشوفين هذا الحقير يضحك ويحبج ترة كلة فلم بس حبيت احذرج يبنت عمي مع السلامة

جمان/هذا شجاي يحجي ومنين يعرف سيف منين طلعلي كرار اووف

سيف/بدلنة وطلعنه شاهين طلب انواع الاكل كعدنة ناكل والكل فرحان بهل مناسبة دك تلفوني رقم كمت من الطاوله وفتحت خط
الو

كرار/سيف

سيف/نعم منو حضرتك

كرار/انت اخذت شي يخصني ولازم ارجعه

سيف/وشنو هل شي(بعدم مبالا)

كرار/انت اخذت جمان مني

سيف/هيي انت منو ومنين تعرف جمان(بعصبية)

كرار/اكو واحد مايعرف روحة

سيف/اكول تحجي لو اطلعك من جوة الكاع

كرار/اعلئ ما بخيلك اركبة اني احب جمان وهية تحبني

سيف/فصل الخط بوجهي هذا منو الكوا... السافل النذل شلون يسد الخط بوجهي
انتصلت علئ عبيسان

عباس/بعد روحي

سيف/عبيسان راح ادزلك رقم اريدك تعرفه منو لو ورا الشمس اريدك اطلعه فاااهم

عباس/اذذذني هوة منو فهمني شسالفه

سيف/…………………

عباس/يا كوا.. يا ملعون الصفحة هذا انتضرني دقايق واعرفة

سيف/فصلت الخط ودزيت الرقم هذا منو معقولة ابن عمهة بس لو ابن عمهه جان من البداية حجة ليش هسه جاي يهدد ويتوعد رجعت كعدت يمهم اخخ بس لو اعرفة منو عكرلي مزاجي

عباس/ها سلوان بشر

سلوان/الرقم مسجل بأسم كرار ضياء الخط عراقي بس الموقع بسوريا حاليآ

عباس/شكرآ تعبتك

سلوان/حبيبي ادلل

عباس/فصلت الخط ونتصلت علئ سيف

سيف/ها

عباس/تتوقع منو؟

سيف/عرفته لو لا

عباس/كرار

سيف/كرار(بصدمة)

عباس/اي كرار ضياء الرقم عراقي بس الموقع بسوريا

سيف/هذا النذل منين طلع

عباس/شراح تسوي

سيف/اشوف جمان

عباس/مو تعصب عليهة خاف هذا ديلعب عليك مبين فارغ

سيف/خلي افكر

عباس/فكر بعقلك وبكلبك

سيف/عبيسان لا والحلوة يكول احبهة وتحبني صعدلي ضغطي النذل

عباس/اهدئ وحاجي جمان بهدوء وشوف
•
•
•
سمراء/كولي لابوج وهوة يتصرف وياه

جمان/منين طلعلي هذا اهئ والله راح ابجي

سمراء/هسه انتي لا راضية تكولين لابوج ولا لسيف

جمان/انتي مخبلة شنو اكول لسيف
•
•
•
سيف/مرن يومين وهذا النذل بس ينتصل ويحجي كلام اكبر من راسة اما جمان فما انتصلت بيهة خايف اعصب واضل اخربط بالكلام انتصل فتحت مايك وخليت التلفون ع الميز
نعم

كرار/شمنتضر متفصخ الخطوبة

سيف/باع لك الخطوبة ما افصخهة تعوفني وتعوف جمان لا تخليني اجيك لسوريا ما اتعب نفسي بالكلام وياك طلقه براسك وخلاص وشيصير خلي يصير

كرار/زين من عرفتني
جمان وقابلة انت شكو

سيف/من انعل ابوك لابو عشيرتك لابو العرفني بيك ياكلب ياحقير وغصب عنك العرس بعد يومين واخذهة يمي وذا انت رجال وبن ابوك تعال حته اشوفك ويا منو دتلعب
فصلت الخط هل حقير اخذ النوم من عيوني لازم العرس بأسرع وقت ليروح يسوي شي
•
•
ابو جمان/هاا

سيف/عمي اترجاك اريدة هل يومين

ابو جمان/براحتك بس صدمتني ليش مستعجل

سيف/مو دوام وشغل بعد ماعندي مجال

ابو جمان/براحتك وليدي اني احاجي جمان ودلل

سيف/مايدلل عليك ضالم

جمان/بابا سيف كالك هيج

ابو جمان/اي بابا حسي بي هوة مرتبط بدوام

جمان/بس ليش مكالي قبل فترة حته اجهز هسه اني شجهز بهل يومين

مياسة/اي صدك يومين متكفي

جمان/عفتهم ودخلت لغرفتي انتصلت علي جاوب ويحجي وياية ابرود هذا شبي
سيف ليش هيج مستعجل

سيف/احسن

جمان/بس يومين مالحك اسوي شي

سيف/جمان كافي لتلحين كلت يومين يعني يومين ما اغير رأيي بعد

جمان/بعدني داحجي وياه فصل الخط بوجهي هذا شبي نكلب عليه

سمراء/ها شنو صار

جمان/ها هيه بصم القاضي بالعشرة

سمراء/ياله نحاول نخلص هل يومين
•
•
•
ام سيف/ليش هيج سيف مستعجل

اية/والله ما اعرف
بأثناء مديسولفن اية وامهه نزل سيف

ام سيف/يمه سيف

سيف/ها يوم

ام سيف/يمة شبسرعه صدرت هل قرار وصدمتنه

سيف/احسن لتجهزون شي بالقاعه راح يصير

اية/وجمان عرفت

سيف/اي اني طالع شوي
صعدت سيارتي ورحت لشط العرب متفق ويا عبيسان اشوفه هناك

عباس/ها

سيف/شبيك

عباس/كلت لجمان

سيف/اي

عباس/داحسك ضالمهة

سيف/وشمسوي اني بالعكس الي داسوي لمصلحتهة اذا جانت رايدتني صدك

عباس/باع سيف لتخلي واحد هتلي يلعب بعقلك شنو الي جاي تكولة هية لو تريد ابن عمهة جان وافقت علي من البداية ونت هم غلطان ليش محجيت وياهه حته تعرف وين الصح ووين الغلط

سيف/وشتريدني اروح اكللهه ليش تحبين ابن عمج لو شنو

عباس/ومنو كال تحبة باع لتركب راسك وتأخذ راس الطاكة وتركض بي لا تستعجل وبعدين تتندم

سيف/اجيبهة يمي ويصير خير

مياسة/غير ترحين وياي خاف شي يعجبج

جمان/خاله انتي ذوقج حلو الي يعجبج جيبي
راحت خاله مياسة تحهزلي مالي خلك اروح وافتر انتصلت علي اية

اية/هله بمرت اخوي

جمان/اخوج مطنكر علية

اية/اي والله مو بس عليج حته علينة

جمان/يعني يومين شسوي بيهن اني

اية/باجر اجيج اساعدج ونشالله نخلص هسه شدسوين

جمان/ما اسوي شي كاعدة خاله مياسة راحت تجهز
•
•
عباس/يصير خير والدوام

سيف/مددت الاجازة بعد شهر

عباس/وره هل شهر يطلعون الاجازة من عيونك

سيف/اي اعرف يطيحون حضي بالشغل يلة اروح
•
•
جمان/هل يومين كضيناهه بس نجهز خطية اية معافتني وما انسة الي سوته خاله مياسه صدك حسيتهة مثل امي جهزتلي كلشي وباجر حنتي اية باتت يمي مجتمعين اني وياهه وسمراء بغرفتي

سمراء/عليش ضايجة انتي السابقه واني الاحقة

اية/الحمدلله اني بعد

سمراء/والله احسن الج كافي جمان معبسة وجهج

جمان/حته منتصل علي يكلي كملتي لا

اية/جمان كافي شسالفه يمكن مشغول

سمراء/راح اجيبلجن حلوياتي عصام جابلياهن

اية/اي طلعي وذا عندج ببسي هم جيبي

سمراء/شتردين بعد حته اسجلج مو اني فاتحة اسواق

اية/ههه سلامتج الموجود جيبي
•
•
•
يوسف/انت باجر حنتك غير تجيبلك ملابس

سيف/صديقي راح يجيبلي

يوسف/لعد واني

سيف/وشعوزك متروح تشتري

يوسف/تعرفني ما اعرف اشتري ملابس

سيف/وصيتلك وصيت الله ينتقم علئ عدوك

يوسف/ماجنت اعرف بيك كلب

سيف/انطيني تلفوني خلي الغي اني كلب لان وصيتلك

يوسف/قصدي وفي غير الكلب وفي شبيك متفهم بنفسي شي

سيف/شنو

يوسف/مو علئ اساس تروح للدوام ومن ترجع تسوي العرس ليش بين يوم وليلة نكلبت

سيف/************يوسف شنو تريدني اسوي واني بهل وضع

يوسف/هذا كله وساكت والله العظيم انروحله لسوريا نطيح صبغة

سيف/لا يولي المهم الي كلته ماريد احد يعرف بي حاول تخيط حلكك
•
•
•
اية/ولجن كومن تنابل نوم يلة

سمراء/بيش الساعه

اية/تسعه ونص يلة كومن خاله مياسة منتظرتجن جمان يول يلة كومي

جمان/بس شوي
سحولتني واخذتني غسلت وجهي
عوفي اني اغسل

اية/اريد اصحصحج

جمان/صحصحت ماداعي كافي
سبحتني بالمي العوبة راحت لسمراء جانت تخابر بعصام اخذت التلفون منهه

اية/من رخصتك عصومي نريد سمورة تأخرنة ع الصالون ماكافيكم حبجيات احم قصدي اا المهم ترخصنة لولا

عصام/ونتي شخليتي بعد خليهة بشواربج ماوصيج

اية/وداعت شواربي انتبه عليهة بس ارخصنة

عصام/هه مرخوصة

اية/مع السلامة
فصلت الخط
ولجن يللللة

سمراء/بس ابدل

جمان/بدلنة واخذنة بابا ام الصالون رحبت بية اول مشافتني ابتسمت وكرصت خدودي

ام الصالون/يبختي هم اجتني الكيكة

جمان/ابتسمت الهه واخذتني كعدتني ع الكرسي وتباوع علي

ام الصالون/شسويلج بلة اريد اطلعج كيكة ولو انتي كيكة

جمان/اريد اخصل شعري ثلجي

اية/………

يتبع……

اعتذر ع التأخير ايدي كانونة فما اكدر اكتب اعذروني
نِشٍأّلَلَهِ عٌجِبِكم البارت
❤️❤️