عٌبِيَِّّسأّنِ يِّګوِلَ;لا تتعجل بالحكم علئ احد لا تعرف ظروفة فكل شخص تقابله يخوض معركة في الحياه انت لا تعرف عنها شيئآ
نبدي القصة;
جمان/اريد اخصل شعري ثلجي
اية/جمان
سمراء/تخصلين(بصدمة)
جمان/اي تكدرين
ام الصالون/بس أمريني
اية/(تقربت يم جمان)لج انتي ثولة تردين موتج استري علئ نفسج وعوفي شعرج
جمان/باوعت علئ ام الصالون
يله خاله
•
•
•
سيف/كعدت الساعه ب11الظهر غسلت ونزلت لكيت بيت جدو جايين سلمت عليهم
الجدة/تعال يبعد روحي اكعد
سيف/كعدت يمهه بيبي كلش حنينه احسهة مثل امي بتصرفاتهه واهتمامهة
الجدة/شبيك يمة وجهك مصوفر
سيف/شوي تعبان هل فترة من التحضيرات
رن تلفوني رقم اكيد هوة ماعرف منين يجيب كل ساعه رقم لان كلساع احضرة ازعجني كلش ترخصت منهم وطلعت بالحديقة
شرايد انت حيوان متفهم
كرار/عوفهه
سيف/انت خبل حبيبي اليوم الحنه وباجر العرس وجدك الله يرحمة كافي لتلح لا تخليني اخليك براسي حته من اموتك ما ارتاح جمان زوجتي فاهم كعد هل جمله بصماخك اليابس
كرار/لو تحبك جان مراسلتني وذابة نفسهة علية
سيف/بس كلي انعل منو هسه عشيرتك وخلصتهم من الجبير للصغير ترة مستعد اطفر علئ خوالك
فصلت الخط يا ربي ريحني ماريد اتهم جمان اله اتأكد
•
•
•
•
ام الصالون/روعه عليج يجنن
جمان/خصلتلي كلش حلو باوعت علئ نفسي برضا وما فكرت بسيف شيسوي خلي يسوي
سمراء/حلو بالعافية
جمان/الله يعافيج
كملت باقي المكياج ماسويت غير تسريحه بسيطة والمكياج بسيط ولبست عدسات
ام الصالون/وهاي خلصنة
جمان/صاحت بحيث الموجودات كلهن باعن عليهة
ام الصالون/منو تريد كيك بفلوس مسوين تخفيضات
جمان/تحجي وتأشر عليه كلهن صاحن اي نشتري خجلتني
ام الصالون/لا هسه صارت رمانة من الخجل منو تريد
جمان/ضحكت شكد محبوبة هل ابنية كملن سمراء واية وطبعن وحدة احلئ من الثانية
مياسة/يلة بنات المعازيم جاي يجون عيب بوحدهم بس عمتج
جمان/بابا دزلنة سايق اخذنة رجعنه دخلت للبيت مخبوص بس اجواء تجنن صارت الحنة حلوة ركصنة كلنة اجتي ام سيف ورند وجيهان وبعد هوايه مااعرفهم اجتي بيبيته كمت سلمت عليهة شبعتي بوس شكد طيوبة رجعت كعدت بمكاني اجتي هذي رسل
رسل/تتهنين بي
جمان/جانت تحجي بأستهزاء اسلوبهة كلش محلو جاوبتهة بنفس اسلوبهه
تسلمين
ابتسمت بوجهه باوعت علي وراحت وهيج خلصت الحنة ركص وسويت كم عادة لازم اسويهه بالحنة طكطكت صور ويا البنات خلصت الحنة اية راحت حاولت ابقيهة بس العوبة قفلت
•
•
•
احمد/يلة مو الشباب منتضريك بالقاعه فشلة تأخرت
سيف/كملت عبيسان وين
احمد/راح هناك هوة ويوسف يلة اروح اجيب تلفوني عفته بغرفة اية الكاك جوة ع السريع
طلعت من غرفة سيف دخلت لغرفة اية لكيت تلفوني يدك سديت الباب برجلي ورحت اخذته لكيت الشخص الي مكلفني بقضيتة منتصل كومة رجعت انتصلت علي كعدت ع السرير وهوة يسولف علئ موضوع القضية
عبود نشالله خير هسة اترخص فد ساعتين تلاثه ارجع انتصل عليك ماشي يلة مع السلامة
فصلت الخط وكمت ارتب شعري ع الامراية جان تطلع نفس الابنية الشفتهة بالخطوبة جانت هستوهه طالعه من الحمام صفنت بوجهي واني كذلك متفأجئ شنو هل صدفتين بنفس المكان ونفس الابنية
احم اعتذر ماجنت اعرف اكو شخص هنا موجود
رحت افتح الباب لكيتة مقفول بقيت اسحب بي لا يالكعبة هذا منو قافلة
التفتت عليهة وهية تباوعلي بصدمة
الباب مقفول
احمد/اجتي تفتح الباب ماينفتح باوعتلي بنضرة حسب ما فسرتهة شوف طريقة ع السريع فتحت تلفوني ونتصلت علئ اية
اية/يا صدك بس اني ماشفتك بيهة يله جاية اعتذر عمو
احمد/عادي بس استعجلي
اجتي اية فتحت الباب باوعت علية وعلئ هل ابنية بصدمة
اية/قفلتهة لان رضا كلساع جايبلي مكياج نزله كله جوة
احمد/ا ااني اروح اتأخرت
نزلت ع السريع طلعت برة لكيت سيف منتضر
سيف/جان بعد اتأخرت
احمد/يمعود اسكت وخليهة يلة نروح
سيف/وصلنة للقاعه دخلنه اني واحمد عالكيهة الجماعة سلمت علئ اصدقائي الموجودين واصدقاء ابوية هم بس مطولوا نص ساعه وراحوا
رند/دزلي يوسف فديو
اية/خايبة اريد اشوف تعالي نوارة
نور وام عبيسان راح يباتون يمنة لان باجر العرس ف ام عبيسان بقت حته تساعد ماما
اباوع ع الاجواء حلوة والله مخابيل الشباب
داخل الفديو;
يوسف يصور الاجواء داخل القاعه وتعرفون بعد الشباب من يطنكرون😅ذاك من ذاك الكاعد واولهم سيف كاعد
يوسف/عبيسان عليي
عباس/وهوة يحرك جتفة عليي
يوسف/اموت عليك
عباس/بعد روحي
بعدين راح لسيف جان ديسولف ويا صديقة
يوسف/سيوف مبروك
سيف/شكرا
اية/خلص الفيديو والله حلوة الاجواء يمهم بس احنة هم ماقصرنة بحنة جمان اليوم
سيف/هذولي كلساع ومسحوليني
يابه ماعرف اركص
عباس/هاي كلاواتنة انت ساجدة عبيد متلحكك
سيف/ماريد خلوني كاعد
احمد/عوف الثكل وكوم خلي نسوي دبكة
سيف/سوينة دبكة بس شنو متنة ضحك بس عمامي ضابطيهة احنة كلشي ماكو
احمد/خرب حضكم ولكم انتو متعرفون ادبكون
يوسف/عمو انطينه هز اجتاف
عباس/ركص شوارع
يوسف/بس بالدبكة كلشي ماكو
•
•
•
جمان/عصام كل ساعه داز فيديو لسمراء وتراويني
سمراء/حلوة مسوينهة
جمان/اي
سمراء/تعالي شوفي هل فديو عزا يضحكون ميعرفون يدبكون
جمان/الكل مبين فرحان صح هوة فرحان بس مبين يجامل ليش هيج حته منتصل علية احس سيف تغير معقولة الي جاي يكولة كرار صدك
•
•
•
عباس/اني هم اريد حطولي حنة
الجد/وهاي حطينالك
عباس/بعد روحي مشكور
سيف/خلصت الحنة علئ خير الكل راح بقينة بس اني واحمد ويوسف وعبيسان وعصام دياكلون كيك
شمنتضرين يطردوكم من القاعه
يوسف/لعد نعوف الكيك الهم اكلوا علئ روح سيف
عصام/رحت كعدت يم سيف
صاير شي بينك وبين جمان
سيف/ليش هل سؤال؟
عصام/اليوم مرحت للحنة مالتهه واكو هواي اسباب
سيف/بعدين اكلك هسه مالي خلك
عصام/كوم نروح
سيف/وين؟
عصام/نروح لبيت جمان خطية ليش هيج مطنكر عليهه حته اذا اكو شي بيناتكم حلو سوة
سيف/لا ماروح لمكان اريد ارجع للبيت(باوع ع الباقين)يلة نروح تأخر الوقت
•
•
•
اية/عزلنة البيت اني ونوارة وفرشنة فراش نوم لعماتي طفينة اضوية البيت خلينة بس ضوة خفيف وكعدنة بالصاله اني والبنات ناكل خفايف اجوي جدو وعمامي وبابا نامو بالاستقبال
نور/لعد عباس وين اجة وياهم
اية/لا ماشفتة اجة وياهم حته سيف ويوسف بعدهم مجايين
نور/عبالي وياهم ردت اسويلة حليب مينام اذا مايشرب
اية/حليب ابيض؟
نور/اي جنة طفل حته اذا نايمة يكعدني
اية/اذكرت من بات يمنة واني دخلت علي جنت مخلية حليب ابيض وية الاكل لكيتة مشروب ومطلعلي الصينية بيهة بس الاكل لكفته هوة شاربة
نور/وين رحتي(تلوح بأيدهه لاية)
اية/ها لا وياج
رسل/الباب ديندك
سرور/فهد راح يفتحة
سيف/شنو نايمين
فهد/بس الكبار نايمين
يوسف/رنوشتي وين اليوم كلة مشايفهه
عباس/روح ادخل وشوف رنوشتك
سيف/دخلنه للبيت البنات كاعدات بالصاله كبل صعدنة لغرفتي
زين جايبين الغرفه الجديدة
عباس/منو جابهه
سيف/شاهين
عباس/غرفتك القديمة احلئ
سيف/وديتهة بشقه جمان
عباس/رحت ورا سيف راد يسد باب الحمام خليت ايدي
سيف/تريد تدخل
عباس/دخلت وياه
سيف اسمعني باجر عرسك يعني تبقه هيج
سيف/اهوو هم رجعنه عوف هل سالفه
عباس/انتة مو صاحي
عفته وطلعت هذا النذل كلب عقله
اية/طلعت من غرفتي لكيت باب البلكون مفتوح والجو بارد رحت حته اسدة صار بوجهي عبيسان نصدمت زين من لابسة شالي تقدم عدل شالي لان جان طالع شعري شوي بقه صافن بوجهي ثواني وراح دخل لغرفة سيف بقيت ارمش بعيوني ما مصدكة الي صار سديت باب البلكون ونزلت لكيت نور تبحوش بالكاونتر
شدورين
نور/امج كالت الحليب بالكاونتر شو ماكو
اية/انطيته الهه سوت كلاص حليب ونتصلت ماعرف عليمن
اني صاعدة محتاجة شي بعد
نور/سلامتج بس صعدي الكلاص وياج حطي بالبلكون حبابه هسة بس ارتب الهوسة السويتهه اصعد وراج
•
•
•
سمراء/شبيج تفترين
جمان/اريد انتصل علي اشوفه ليش هيج ديسوي ويايه
سمراء/خاف نايم مشوفين الساعه ب3عوفي تعالي نامي باجر وراج كعدة من الصبح
جمان/زين عصام ما حجة وياه
سمراء/يكلة بعدين اكلك
جمان/يعني صاير شي ليكون كرار حاجي وياه
سمراء/لا ما اعتقد منين يجيب رقمة
جمان/ليش هوة اكو شي ميعرفة متعرفين بكرار الكتروني حته يهكر شنو يصعب علي يجيب رقم هل كرار جاي يخوفني هواي
•
•
•
اية/صعدت كلاص الحليب خليته بالبلكون داطلع صار كبالي
عباس/انتي ليش حقيرة
اية/رفعت راسي اشرت علئ نفسي
اني حقيرة😤
عباس/ليش حاضرتني
اية/والله هيج عاجبني بكيفي اخذ مميتك خلي اروح(خليت الكلاص بيدة)
عباس/استجني شوي خلي امضرط وياج
اية/باوعت ورا شفت عماد ابن عمي ناصر صاعد لا هاي هية درتة ع السريع وصرت ورا
عباس/هي شبيج
اية/اش اش اسكت شوف منو جاي
اجة بأتجاهنة زين ضلمة واني ما مبينة جان ماخلصت منة وهوة شلون معقد وواحد شايف نفسة
عماد/همم هنا
عباس/اي والله مخنوك كلت اكعد بوحدي شوي والجو حلو و
اية/كرصته من ظهرة جاي ينطي محاضرة الخير دخلي يروح
عباس/اخ(انتبه علئ نفسة)اخ رجلي تشنجت من الوكفة
عماد/اكعد ارتاح اعوفك اجيت علئ سيف عبالي كاعد
عباس/لا نايم انت هم روح ارتاح الوقت تأخر
عماد/نازل تصبح علئ خير
عباس/ونت بخير
نزل عماد دار علئ اية ضربهه علئ راسهه بخفة
عباس/انتي صماخج بي عقل لو مطي نايم شكو كرصتيني
اية/لزمت راسي انت ليش تضرب صوجي اني واكفة ويا واحد غريب وامداني صعدت مميتك(داطلع لزم ايدي)
عباس/تعالي نشرب الممية سوة
اية/خليهه الك
عباس/تصبحين علئ خير يا عسل
اية باوعت بوجهه وراحت وهوة ابتسم
•
•
•
•
•
•
ابو جمان/جمان وين
مياسة/كعدتهه ورجعت نامت كعدهه بطريقك
ابو جمان/(وهوة داخل لغرفتهه)باباتي جمان يلة اكعدي تأخرني
جمان/اصلن الليل كلة منايمة ماعرف ليش قلقانة ولو بيدي ما اخلي هل زواج يصير ليش ما اعرف احس راح يصير شي تفكيري ذبحني انتصلت علي كلت احجي وياه ميرد الليل كله ابدال ما افرح وافكر اباجر اني كلة كضيته تفكير وقلق وخوف اجة بابا يكعدني الصبح اصلن منايمة كعدت وهوة وكعد كبالي يمسد علئ شعري ومبتسم حضنتة واطلقت عنان ادموعي الحابستهة احس نفسي مختنكة
ابو جمان/ليش الدموع باباتي بيج شي جمان جاوبي اشش فهميني
جمان/(مسحت ادموعي واناشغ)لا مابية شي بس ماريد اعوفك
ابو جمان/ليش هو اني الي اريد اعوفج(رجع حضنهة)يلة قريبة علي ربع ساعه شوكت متحتاجيني بس انتصلي تلكيني بضهرج مسحي ادموعج اني لو ما اعرف بيت ابو شاهين جان مانطيتج بس همة خوش ناس وسيف خوش ولد(ابتسم الهه)شوكت تكبرين كافي مناشغ
جمان/مسحلي دموعي واخذني للحمام غسل وجهي ونزلنة سوة جانوا ديتريكون كعدنة وياهم بابا يجيب اكل ويخلي كبالي كملنة واخذنة للصالون
•
•
•
•
سيف/كملت القاعه تمام
فصلت الخط من عصام رجع انتصل علي رقم
الو
كرار/تتهنة ببنت عمي
سيف/شرايد انت
كرار/راح ادزلك صور وشوف بنت عمي شكد شريفة لدرجة***اني وياهه سوة
سيف/لك عار اكو واحد يطعن بشرف بنت عمه والله لو الزمك اله اربيك من جديد يا طايح الحظ
فصل الخط ودزلي صور اتمنيت لو ميت ولا شايفهن…………………
يتبع…………
فستان جمان بالحنة
اية
سمراء
وهذا شبية كرار
اشوفكم بالبارت الجاي ❤️❤️💕
لتحرموني من تصويتكم وتعليقكم الحلو
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!